مرحب بزعيم الكيزان في سيدني عثمان السرعبد الله عضواً بالبورد

يحضر عثمان السر عبد الله فتحضر الكثير من القيم الانسانية
يحضر الانسان في واحدة من حالاته الفريدة
يحضر عثمان السر فتحضر البساطة والشهامة والمحبة
يحضر عثمان فيسعد كل من يكون بالمكان
هذا السوداني البسيط القح الفقير لربه الغني بمحبة الاخرين

مرحب به في هذا المنبر مساهماً بقوة ومدافعاً عن القضايا الانسانية
_______
العيب الوحيد أنو كوز ههههههههها

شكرًا الحبيب امين زوربة علي الترحيب والاستقبال الحار واتمني ان أكون عند حسن ظن الجميع وأفوح عطراً يتطيب بة الجميع الشكر موصول للأخ بكري لقبول طلب الأنضمام لهذا المنبر المتفرد بمرتادية وسلامي الي كل أعضاء المنبر

هلا حبيبنا امين ..وليك وحشة ..

Quote: يحضر عثمان السر فتحضر البساطة والشهامة والمحبة يحضر عثمان فيسعد كل من يكون بالمكان هذا السوداني البسيط القح الفقير لربه الغني بمحبة الاخرين

ويامرحب بالاستاذ عثمان اضافة كيزانية قيمة..
ياهلا بالشهامة والمحبة والسعادة
وصف لايشبه الكيزان ابدا
نسال الله لنا ولك الهداية
وياهلا بيك في المنبر ..



امين انت بقيت تبارى كيزان من ورانا ولا شنو ؟!!

اولا مرحبا وهلا بعضوية البرلوم الجديد عثمان عبد الله ,, وما دام وصفوك بالوصف الجميل ده فلازم حتكون اضافة حقيقية للمنبر الاسفيري الذي يحمل في جوفه الكثير من الأدباء والمفكرين والكتاب الجيدين والسياسيين والاجتماعيين والفلاسفة والذين يجبرونك ان تدخل البوست بمجرد قراءة الاسم....

وبعدين يا ود القاضي ما كل الكيزان كعبين ومورطين في سرقات الحكومة وسياساتها التي تحير العالمين .. فهناك كيزان الآن يناضلون الآن نضالا شرسا ضد حكومة القهر وسرقة المال العام...
واذا كان زميلنا العضو الجديد من هؤلاء ما كان مرقها في آخر الدنيا.. وأظن سيدني دي ابعد حتة في العالم عن السودان.. (وش مبتسم لك ما ضاحك)
والله يديكم العافية

شكرا امين

Quote: العيب الوحيد أنو كوز ههههههههها

اذن هو خالي من العيوب

Quote: وصف لايشبه الكيزان ابدا

ده كلام شنو يا ودالقاضي؟

مرحب بيك اخونا عثمان
الناس الهنا ديل اي زول نضيف واخلاقه عالية بقولو عليهو "كوز"

ونشكر بكري
دفعة 2013 كوووولها كانت "فجر كاذب" الا "قليلا"

Quote: ويامرحب بالاستاذ عثمان اضافة كيزانية قيمة.. ياهلا بالشهامة والمحبة والسعادة وصف لايشبه الكيزان ابدا نسال الله لنا ولك الهداية وياهلا بيك في المنبر .. امين انت بقيت تبارى كيزان من ورانا ولا شنو ؟!!

هلا ومرحب بالحبابي
سيكون يا ود القاضي إضافة قوية وسيكون سنداً لـ ود الباوقة ضد الطوربيد معاوية
غايتو ود الباوقة لقالوا ود عم وكوز
طبعاً الكيزان كوم وكوم غايتو ...

....
الانسانية يا فائز هي القيمة الحقيقية التي لا ينخفض سعرها

Quote: ويامرحب بالاستاذ عثمان اضافة كيزانية قيمة.. ياهلا بالشهامة والمحبة والسعادة وصف لايشبه الكيزان ابدا نسال الله لنا ولك الهداية وياهلا بيك في المنبر .. امين انت بقيت تبارى كيزان من ورانا ولا شنو ؟!!

هلا ومرحب بالحبابي
سيكون يا ود القاضي إضافة قوية وسيكون سنداً لـ ود الباوقة ضد الطوربيد معاوية
غايتو ود الباوقة لقالوا ود عم وكوز
طبعاً الكيزان كوم وكوم غايتو ...

....
الانسانية يا فائز هي القيمة الحقيقية التي لا ينخفض سعرها

Quote: شكرًا الحبيب امين زوربة علي الترحيب والاستقبال الحار واتمني ان أكون عند حسن ظن الجميع وأفوح عطراً يتطيب بة الجميع الشكر موصول للأخ بكري لقبول طلب الأنضمام لهذا المنبر المتفرد بمرتادية وسلامي الي كل أعضاء المنبر

والله مرحب و مليون أهلاً

دي قنطرة صغيرة من قولة تيت

عارفك صنديد وبتقدر تواجه ناس ود القاضي وناس خالد العبيد
ابقى داخل بس بالله معاوية عبيد ده نجضوا نجاط قبورة

اولا مرحبا وهلا بعضوية البرلوم الجديد عثمان عبد الله ,, وما دام وصفوك بالوصف الجميل ده فلازم حتكون اضافة حقيقية للمنبر الاسفيري الذي يحمل في جوفه الكثير من الأدباء والمفكرين والكتاب الجيدين والسياسيين والاجتماعيين والفلاسفة والذين يجبرونك ان تدخل البوست بمجرد قراءة الاسم....

وبعدين يا ود القاضي ما كل الكيزان كعبين ومورطين في سرقات الحكومة وسياساتها التي تحير العالمين .. فهناك كيزان الآن يناضلون الآن نضالا شرسا ضد حكومة القهر وسرق المال العام...
واذا كان زميلنا العضو الجديد من هؤلاء ما كام مرقها في آخر الدنيا.. وأظن سيدني دي ابعد حتة في العالم عن السودان.. (وش مبتسم لك ما ضاحك)
والله يديكم العافية

هلا بالاخت أميرة
وشكراً لك لفتح الابواب للمحبة
وحقيقي عثمان شخص نادر على طريقته

_______

يا فائز أميرة دي ذاتها كوزة لكن بتعرف تدسها دس شديد ههههههههها

Quote: شكرا امين Quote: العيب الوحيد أنو كوز ههههههههها اذن هو خالي من العيوب Quote: وصف لايشبه الكيزان ابدا ده كلام شنو يا ودالقاضي؟ مرحب بيك اخونا عثمان الناس الهنا ديل اي زول نضيف واخلاقه عالية بقولو عليهو "كوز" ونشكر بكري دفعة 2013 كوووولها كانت "فجر كاذب" الا "قليلا"

أهلاً بالشفيع

نقول شنو عاد

ههههههها
اصلك انت غالاط
غايتو الفجر الجديد عامل ليك قلق شديد

Quote: ]هلا بالاخت أميرة وشكراً لك لفتح الابواب للمحبة وحقيقي عثمان شخص نادر على طريقته _______ يا فائز أميرة دي ذاتها كوزة لكن بتعرف تدسها دس شديد ههههههههها

............................

عزيزي امين زوربا

بيني وبينك زمان كنت معجبة شديد بعمر البشير لبساطته وتواضعه الجم واختلاطه بالغلبانين المسحوقين من ابناء الشعب الصابرين .. كنا بنقرأ بانه بيزور الفقراء في منازلهم في الأحياء النائية وبيدخل عليهم بدون موعد وبدون حرس ويتونس معاهم ويساعدهم ماديا ويحل مشاكلهم بنفسه.. وكنت بظن انه لا يعرف شيئا عن مجازر دارفور ولا يعرف شيئا عن الحرامية الملتفين حوله وبيسرقوا في المال العام- مال الشعب السوداني- جهارا نهارا- وباعتراف وزير المالية.. ولكن وجدنا انه يعرف كل ما يدور في دارفور ولم يستطع ان يفعل شيئا ليوقف صقور الحرب في حكومته عند حدهم .. وجدنا انه يعرف بالضبط كم سرق نافع وكم سرق والي الخرطوم وكم سرق وزير الدفاع وكم سرق كل وزير من وزرائهوكم سرق مستشاريه الثلاثين الذين عينهم لترضيات سياسية غير مبررة ولم يفعل شيئا ليوقف هذه السرقات.. وقراراته التي يصدرها لتخفيف معاناة الشعب لا ينفذها الوزراء.. واتذكر قبل سنتين اصدر قرار بوقف جبايات المال في الشوارع ومن سائقي البصات السفرية .. ولكن على العكس زاد المسؤولين من هذه الجبايات والسرقة من جيوب المواطن الكادح ..يعني حتى مسؤولي الدولة عاملين رئيس الجمهورية كأنه خشخيشة.. زي ما بيقول عادل امام.. ولكل ذلك ما ممكن اكون كوزة ومؤيدة لحكومة عمر البشير .. والحاجة المستغربة ليه ان كل من تسأله في السودان عن النظام الحاكم الآن في السودان يقول ليك هذا نظام لصوص وحرامية ونظام ابادة جماعية.. وتفتكر انو الربيع السوداني حيقوم بكرة.. ولكن لا حياة لمن تنادي.. وحتى ود الباوقة بقى ينتقد الحكومة.. وما عارفة منظرين شنو!!!! وجه ضاحك ...
ومعليش قلبت ليك بوست الترحيب سياسة .. ولكني لن اعود وسأفتح بوست منفصل قريب عن فلسفة اسقاط الحكومات بثورات الشعوب المحمية بالقوة العسكرية.. ومرحبتين مرة ثانية يا عثمان عبد الله البرلوم..
والله يديك العافية

سلام يا زوربا ........تعرف من زمان اتابعك بدقة .....ولكن اجهل الكثير عنك .....اليوم قرأت لك مداخلة في بوست العزيز حلولي شفاه الله .....فعلمت انك بسدني .....فحكيت ذلك لصديق مشترك بان امين زوربا كتب وبشري كتب وخالد العبيد .....هذا الصديق هو التشكيلي حسن النقر فذكر لي انه يعرفك وانك في استراليا .......المهم ده موضوع اخر ..........
تعرف اسوأ انواع الصراع السياسي حينما يتحول الي شخصي .......فعادي ممكن يكون الكوز راجل جدع وبقيف كويس جداً في المناسبات العامة وبكون اكتر زول بدفع ......ومن الممكن ان يكون اسواء زول وكمان من النوع بتاع مستجد النعمة داك.......بينما في الواقع هذا ليس بالامر المهم ....الحقيقة فساد الكيزان ليس لانهم فاسدين اخلاقاً .. او فقراء تربية ...كما ان صلاحهم لا علاقة لهم بايديهم المتوضئة ........هذه دعاية كاذبة ......نابعة من كذبة ..........تستبطن وتشحذ ثقة الناس دون تروى ومحاسبة وهذا ما ينشده الكيزان بالضبط........وغياب المحاسبة هو الذي خلق منهم فاسدين ...ولكن لماذا غياب المحاسبة ؟ لان الsystem والفلسفة التي يستند عليها نظام الحكم تحتم وجود هذا النمط من العلاقات بينهم من جانب وبينهم وبين السلطة من جانب آخر........اذن النظام هو الفاسد وفساده شي ضروي نابع من باطنه ومن طبيعته وفلسفته .......فلا يمكن ان تدير دولة كاملة بمنطق الثقاة ........ولذلك فان الهجوم الاخلاقي لخصوم الكيزان وان اخذ طابع العوام والشعبية والبساطة الا انه بتقديري ما بودي ولا بجيب ......ووجود فساد اخلاقي عند هذا وذاك ، بتقديري يعادله وجود اناس طيبين واكرام بينهما ......فبتقديري لا بد ان يتحدد ويتحذر الخطاب السياسي المعارض ومن ثم اجبار الطرف المساند من التعويل علي البنية الاخلاقية للافراد سوى كانت ايجابية او سلبية .........
صحيح ان الكيزان واتباعهم "رقيقهم " كثيراً ما يتبعون منهج النيل من الشخوص ... وكثيراً ما يميلون لاطراء عضويتهم كما اسلف الاخ الشفيع وراق .......

Quote: الناس الهنا ديل اي زول نضيف واخلاقه عالية بقولو عليهو "كوز"

ولو تمعنت العبارة فهي لم تكتفي بمديح واطراء عضويتهم فحسب ، انما الشفيع يكيل بالذم لمن ينتقدهم ......فبالتاكيد الزول البشتم الزول زي الاخلاق الفاضلة والعالية والنضيف ،فانه بلا شك فقير وعاطل في مثل هذه الصفات وبالميت كدة معلم الله منها ......
انا عن نفسي اتمني ان يسقط الكيزان هذا المساء ......شريطة ان يتم ذلك عن وعي بطبيعة هؤلاء العاطلين .والعاجزين عن ادرة البلاد ليس " بالطبع لا لضعف اخلاقي يميزهم "......كثيراً ما اقول ان ناس الامن حينما يعذبون الشخص .......فانهم لا يفعلون ذلك لانهم غير متربين ولا لانهم اناس مرضي فقط ......ولكن الشي الاكثر عمقاً انهم يفعلون ذلك لعدة اسباب :
اولاً : ضعف التاهيل المعرفي وعدم قدرتهم في ادارة تحقيق علمي ومنطقي وقانوني .......
ثانياً:الطبيعة المفلسة للنظام وعدم قدرته علي ادارة الحج السياسية التي تجعل الجماهير تصطف معه وتعزل الخصوم ......مما تجعله خائف ومرتعد من رجاحة حجة الخصوم لذلك يميل بطريقة هستيرية لممارسة وانتهاجه منهجاً سياسياً ضد الخصوم ......بعكس ما يصوره بعض الاخوة بانهم يجلبون اناس فاقد تربوى أو منحلين اخلاقياً أو أو .....الخ.فالباشمنهدس الشفيع وراق شخص طيب جداً علي المستوى الشخصي ويمكنك ان تاكل وتقش في هدوموه ......ولا يمكن ان تظن انه يمكن ان يعذب شخص ......ولكني لن اندهش ان سمعت يوماً انه يمارس التعذيب " وهو صورة من صور الفساد " ذلك لان فكرة الحفاظ علي النظام الذي يدافع عنه تجعله يستهون قصة التعذيب وربما القتل والسحل ........فالقضية قضية نظام وليس اشخاص ........
اما اذناب الكيزان فهم اناس لا يتبنون ايدولجيتهم بشكل واضح ولا حتي مستتر .......بيدا ان التحالف الطبقي الذي يجمعهم يجلعهم يمارسون ما يؤمرون دون وازع اخلاقي ولا حتي ايدولوجي ..........ديل ناس مدردقين وشايلين وش القباحة دون قناعة فكرية .....
بناءاً علي ما سبق ارحب بضيفك رغم الغبائن لكن نعمل شنو مع ال endurance التي الزمنا بها انفسنا ههههههه مرحب يا عثمان السر عبدالله ........

شكراً ابراهيم على المداخلة القيمة
وسوف أعود اليك بمهلة

__________
اعتقد اننا التقينا في جدة بحضور الحاضر دوماً قرفة

أهلي الطيبين

ودالقاضي واميرة والشفيع وإبراهيم وبقية العقد الفريد

شكراً علي الترحيب والاستقبال اتمني ان أكون عند حسن ظنكم وان تجدو مني خيراً ونقدم معنا ماينفعنا

أهلي الطيبين

ودالقاضي واميرة والشفيع وإبراهيم وبقية العقد الفريد

شكراً علي الترحيب والاستقبال اتمني ان أكون عند حسن ظنكم وان تجدو مني خيراً ونقدم معنا ماينفعنا

شكراً يا زوربا وشكراً للمحتفى به عثمان السر........
وكمثال حي ولمزيد من التوضيح الي ان الكيزان يعولون كثيراً علي مديح الذات " العضوية وتقزيم الخصوم " احيلكم الي هذه الخيط........وشوف امين حسن عمر كيف اراح نفسه .......واختصر رده في عبارات مريحة لا تكلفه شي وفي نفس الوقت تسئ للخصوم وتجهل القراء والمعجبين " ان وجدو" ده منهج كامل ومنظومة فكرية كاملة قائمة علي التبسيط والاساءة وفي نفس الوقت الثناء والمديح ......
أمين حسن عمر يهدد فتحي الضو...!!

عثمان السر عبد الله في واحدة من حلات الوجد ودائماً له وجد يخصه

عثمان السر مع المجموعة بالجلابية المرقعة ف

عثمان السر مع المجموعة بالجلابية المرقعة ف

عثمان السر عبدالله
ومن اعماقه تخرج صرخة مجذوبة

حبيبنا زوربا ..سلام ..

اخونا عثمان السر ده قطع شك صوفي ..ولعدم وجود صوفية في استراليا ربما تم تقريبه للكيزان رغم ان الكيزان ابعد مايكونون عن التصوف ..
بعدين من شكله الجميل ده بشبه الشيوعيين التشكيليين - بس من النوع النضيف المستحمى - هههههههه


التحية والتقدير لك وله ..