Post: #1 Title: يا وليد المبارك ..طالبين قناة النيل الأزرق إعتذار ..!! Author: عمر الفاروق Date: 03-27-2013, 08:46 AM
قبل يومين في قناة النيل الأزرق جابو ولد بيغني في أغنية الفطن الوسيم .. وكعادة النيل الأزرق في محاولتها لي حفظ الحقوق بعد قانون المصنفات وفي محاولاتها التوثيقية وعبر الشريط اللي بيمرر للتعريف بشاعر الأغنية والملحن والمؤدي أصرت القناة ولأكثر من مرة تمرير أن شاعر الأغنية هو عتيق والملحن كرومة .. حسب علمي وحسب التأكيدات إنو الأغنية من تلحين مربي الاجيال وحاضن الغناء الشعبي الأستاذ فلاح .. ف يا وليد الجماعة ديل طالبنكم إعتذار ..وكلم ابو النسب يشوف القصة دي ..وبالمرة لو الشغلانة فيها كاشات ما تنسونا بالله
تخريمة : يا قولك لي أم العيال الفطن الوسيم كانت الفرمالة ..أها قول ليها فرمالتكم زااتا جازفوها منكم وادوها لي كرومة ..
Post: #2 Title: Re: يا وليد المبارك ..طالبين قناة النيل الأزرق إعتذار ..!! Author: وليد محمد المبارك Date: 03-27-2013, 09:00 AM Parent: #1
طبعا يا معلم انا رائي طوالي بقولو للمدام
ابوك زول لحان .. لكن شعرو خفيف
اها يا حبه المعلومة والشمار سيصل اليوم .. وحا نعفيك من لبسة الجية الجاية تقديرا لمجهوداتك
Post: #3 Title: Re: يا وليد المبارك ..طالبين قناة النيل الأزرق إعتذار ..!! Author: عمر الفاروق Date: 03-27-2013, 09:07 AM Parent: #2
يا وليد مالك عايز تبقى لي زي ناس النيل الأزرق .. لبسات وليس لبسة
تخريمة : يا زول انا بقيت اجي وارجع بي الكرب اسة دي المرة التالتة امشي واجي في خلال الستة شهور الفاتت دي :)
Post: #4 Title: Re: يا وليد المبارك ..طالبين قناة النيل الأزرق إعتذار ..!! Author: وليد محمد المبارك Date: 03-27-2013, 09:12 AM Parent: #3
هاهاهاهاهاهاهاهاهاهاهاهاها
يا زول خلاص عفيناك .. تعال عديل ما بنسالك
Post: #5 Title: Re: يا وليد المبارك ..طالبين قناة النيل الأزرق إعتذار ..!! Author: Haytham Ghaly Date: 03-27-2013, 09:25 AM Parent: #4
يا وليد
حمداً لله على السلامة
يا زول انتا اختفيت وين ؟؟؟
من امس مدورين بوست عن غيابك دا
واي زول طالع بي راي في غيابك
تحت تحت كدا
قالوا بتحضر في برنامجك الانتخابي
ود الفاروق ازيك ياخ
بركة الشمارك دا جاب الشفت راجع
Post: #6 Title: Re: يا وليد المبارك ..طالبين قناة النيل الأزرق إعتذار ..!! Author: وليد عبد اللطيف Date: 03-27-2013, 09:33 AM Parent: #4
اكيد قصدك الولد دا يا عمر الفاروق عارف ابدا ماحسيت في الاغنية دي اي حاجه عندما غناها هذا الشاب طبعا ناس نجوم الغد طلعوا بيهو الجو زي ماعارف لان والده عازف ولا حاجه بالشكل دا الفن لو كان يورس كان ولد وردي الان طالع في الكفر ... . . ياخي نحنا زاتنا طالبين ناس النيل الازرق اعتذار وناس نجوم الغد القاعدين وماعارفين الاغنية ملحنها منو
Post: #7 Title: Re: يا وليد المبارك ..طالبين قناة النيل الأزرق إعتذار ..!! Author: ناذر محمد الخليفة Date: 03-27-2013, 10:34 AM Parent: #6
ما اظن يا وليد ..
اعتقد عمر الفاروق قاصد الفنان الشاب علي ساجوري .. جابوهو يوم الأتنين في مساء جديد وغنى الفطن الوسيم بالعود ..
Post: #8 Title: Re: يا وليد المبارك ..طالبين قناة النيل الأزرق إعتذار ..!! Author: عمر الفاروق Date: 03-27-2013, 10:57 AM Parent: #7
معليش يا وليد ما رديت عليك لأني ما كنت شايف اليوتيوب ولحدي اسة ما ضوفتو.. بس بالضبط كلام ناذر صاح الولد البقصدو اسمو ساجوري.. وبالمناسبة الود غناااي وصوتو جميل إضافة لي إنو فطن وسيم :) لكن العتب كان على النيل الازرق إضافة لي إنو ساجوري كان مصصصر يقول الفطن الوسيييموو..مع إنو بيحاول يضم الفطن الوسيم وغرد يا نسيم لكن هو كان بيقولا الفطن الوسييمووو غرد يا نسيم .
Post: #9 Title: Re: يا وليد المبارك ..طالبين قناة النيل الأزرق إعتذار ..!! Author: عمر الفاروق Date: 03-27-2013, 11:00 AM Parent: #8
هيثم يا غالي.. إزييك يا حبوب.. وليد ده بيظهر لمن قروشو تكتر ..
Post: #10 Title: Re: يا وليد المبارك ..طالبين قناة النيل الأزرق إعتذار ..!! Author: وليد عبد اللطيف Date: 03-27-2013, 11:04 AM Parent: #8
ياناذر خليفة رايك شنو في احمد محمد الامين هو طبعا بعزف كويس ودي في حد زاتها ممكن تخليهو زمنه يكون كويس ومن قبيلة الفنانين ياربي ماوقع لي عشان غناها بطريقة تخصه هو ولا الحاصل شنو او غناها بطريقة اقرب الى الفنان الجزار ...
Post: #11 Title: Re: يا وليد المبارك ..طالبين قناة النيل الأزرق إعتذار ..!! Author: وليد محمد المبارك Date: 03-27-2013, 01:42 PM Parent: #10
Quote: وليد ده بيظهر لمن قروشو تكتر ..
هاهاهاهاهاهاهاهاهاهاها
جابا ليك من الاخر يا هيثم
لم اغيب وتشتاق لي حول طوالي
هاهاهاهاهاهاهاهاهاهاهاهاهاهاهاهاهاهاها
انت يا عمر وكت عارف كده مالك ما رسلت لي ولا ما بتشتاق ؟
Post: #12 Title: Re: يا وليد المبارك ..طالبين قناة النيل الأزرق إعتذار ..!! Author: عمر الفاروق Date: 03-27-2013, 01:46 PM Parent: #11
Quote: انت يا عمر وكت عارف كده مالك ما رسلت لي ولا ما بتشتاق ؟
هي لكن عاد إنت ما ملاحظ غيابي قاعد يكون أكتر منك؟
Post: #13 Title: Re: يا وليد المبارك ..طالبين قناة النيل الأزرق إعتذار ..!! Author: وليد محمد المبارك Date: 03-27-2013, 01:48 PM Parent: #12
ماف مشكلة
موش التمباك ده ؟!
برسلو ليك
Post: #14 Title: Re: يا وليد المبارك ..طالبين قناة النيل الأزرق إعتذار ..!! Author: عمر الفاروق Date: 03-27-2013, 02:14 PM Parent: #13
أقع سورج ..واختانا من اخر محطة .. :)
Post: #15 Title: Re: يا وليد المبارك ..طالبين قناة النيل الأزرق إعتذار ..!! Author: ناذر محمد الخليفة Date: 03-27-2013, 03:46 PM Parent: #14
سلام عمر ..
Quote: وبالمناسبة الود غناااي وصوتو جميل إضافة لي إنو فطن وسيم :)
علي ساجوري من أميز خريجي نجوم الغد 2009 تقريبا .. وماشي بي خطوات ثابتة وجادة في طريق الفن ...!
للاسف ما لقيت تسجيل للحلقة في اليوتيوب .. بس لقيت غنية واحدة ..
كدي أسمع علي هنا في أعطف علي يا ريم بمصاحبة العود :
عشان تعرف انو حكاية علاقتي بالفنانين الشباب ما وهمة زي ما انت كتبت لي في بوست وهمات الفنانين الشباب هههههه
سلام وليد ..
Quote: ياناذر خليفة رايك شنو في احمد محمد الامين هو طبعا بعزف كويس ودي في حد زاتها ممكن تخليهو زمنه يكون كويس ومن قبيلة الفنانين ياربي ماوقع لي عشان غناها بطريقة تخصه هو ولا الحاصل شنو او غناها بطريقة اقرب الى الفنان الجزار ...
والله نفس الشعور .. الغنية أبت تنبلع لي نهائي بي طريقتو دي ..!!
شي الجزار شي معتز صباحي شي أحمد الصادق ..
الزول دا لسع في حالة توهان فني وبيفتش لي بصمة خاصة بيهو وما لاقيها .. لو لقى توجيه وشوية تمارين صوت أنشاء الله يمشي ليقدام .. بس هو لسع بعيد رغم أن العزف لا بأس به ..
Quote: صح يا ناذر علي ساجوري غني الفطن الوسيم بالعود وناس التلفزيون كتبوا كلمات عتيق الحان كرومة
مشكور للتاكيد يا محمد عثمان ..!!
Post: #16 Title: Re: يا وليد المبارك ..طالبين قناة النيل الأزرق إعتذار ..!! Author: ناذر محمد الخليفة Date: 03-27-2013, 03:59 PM Parent: #15
أهوندي قبضتها !!!
يديك العافية يا سمبتيكو ياخ !!
فعلا يا عمر .. حكاية الفطن الوسيمووووو دي ما كان في داعي ليها !!!
Post: #17 Title: Re: يا وليد المبارك ..طالبين قناة النيل الأزرق إعتذار ..!! Author: ناذر محمد الخليفة Date: 03-27-2013, 04:05 PM Parent: #16
!!!!
الغريبة في التسجيل التحت دا بيقولا صاح ..من غير الوسيموووووووو دي !!
!!!
Post: #18 Title: Re: يا وليد المبارك ..طالبين قناة النيل الأزرق إعتذار ..!! Author: أمير محمد ادريس Date: 03-27-2013, 06:16 PM Parent: #17
يا ناذر ياخي الناس ديل بوظو الاغاني حرام عليهم ما معقولة ناس تعبو في الاغاني دي صياغة ولحن ويجو شباب زي ديل بخربو الاغنية حرام والله حرام وفي واحده كمان شفتها في فيديو بس انا بقدر ارفع الفيديوهات هنا ، المهم البنت دي بتعزف في برنامج نجوم الغد وغنت أغنية سيد خليفة الله يرحمه ( أسألوه ) غيرت كلمة اسالوه دي كلو كلو ( أذألوه ) الاغنية كانت في حلقة الدفعة 18
تحياتي ود الفاروق والمشاركين
Post: #20 Title: Re: يا وليد المبارك ..طالبين قناة النيل الأزرق إعتذار ..!! Author: الخير محمد عوض Date: 03-27-2013, 08:36 PM Parent: #17
Quote: وبالمناسبة الود غناااي وصوتو جميل إضافة لي إنو فطن وسيم :)
شو اكتيــر مهضوم
Post: #19 Title: Re: يا وليد المبارك ..طالبين قناة النيل الأزرق إعتذار ..!! Author: Elmosley Date: 03-27-2013, 07:43 PM Parent: #2
Quote: طبعا يا معلم انا رائي طوالي بقولو للمدام
ابوك زول لحان .. لكن شعرو خفيف
اها يا حبه المعلومة والشمار سيصل اليوم .. وحا نعفيك من لبسة الجية الجاية تقديرا لمجهوداتك
بالله ياولي انت مناسبنا ونحنا ماجايبين خبر!!!! طيب حكومتك تبع ياتو فلاح ما هم اتنين وياعمر الفاروق كان داير تغني باريني والله انا طالب كل القنوات غلطات وجغمات نعمل ليك توكيل وليك النص انت والمحامي تتقاسموا ولو بتطلع المواضيع براك ليك النص برضو اها شن قولك ههههه
Post: #21 Title: Re: يا وليد المبارك ..طالبين قناة النيل الأزرق إعتذار ..!! Author: وليد محمد المبارك Date: 03-28-2013, 06:42 AM Parent: #19
استاذنا الموصلي
انا متزوج اصغر بنات محمود فلاح
طبعا انت قاصد بالاتنين محمود واحمد فلاح طبعا احمد فلاح الاخ الاكبر لمحمود فلاح الذي توفي عن 25 عام .. شاعر مجيد وكبير ويكفيه انه كتب عيوني وعيونك اسباب لوعتي ومن هوى المحبوب دموعي نازلة هميلا وان حمامي محمود فلاح كتب حبابي الحلوين واخريات لكنه لحن اغنيات كثيرة والحانه حسب نظرتي الشخصية غاية في الروعة كما انه محمود فلاح اثر بصورة كبيرة في مسيرة الغناء والفن السوداني وخرج ناس كتار
Post: #22 Title: Re: يا وليد المبارك ..طالبين قناة النيل الأزرق إعتذار ..!! Author: لؤى Date: 03-28-2013, 07:47 AM Parent: #21
Quote: انا متزوج اصغر بنات محمود فلاح
يعنـي كدا بقيـت مكابس أب كنكوج دا فـي الكورة والـمزازيك ( كفر ووتـر )
سلامات يا وليـد وعـمر وضيوف البوست
Post: #23 Title: Re: يا وليد المبارك ..طالبين قناة النيل الأزرق إعتذار ..!! Author: ناذر محمد الخليفة Date: 03-28-2013, 08:59 AM Parent: #22
سلام امير محمد ادريس ..
Quote: يا ناذر ياخي الناس ديل بوظو الاغاني حرام عليهم ما معقولة ناس تعبو في الاغاني دي صياغة ولحن ويجو شباب زي ديل بخربو الاغنية حرام والله حرام
والله يا أمير .. أهو الشباب ديل بيجتهدوا ولو ما اصابوا ليهم أجر الاجتهاد .
علي ساجوري مثلا غنى في نفس الحلقة دي أغنية من ألحانو وكانت غاية في الروعة ..
Quote: وفي واحده كمان شفتها في فيديو بس انا بقدر ارفع الفيديوهات هنا ، المهم البنت دي بتعزف في برنامج نجوم الغد وغنت أغنية سيد خليفة الله يرحمه ( أسألوه ) غيرت كلمة اسالوه دي كلو كلو ( أذألوه )
زولتك دي ما سمعتها لكن لو جينا لي تشويه اغاني سيد خليفة ورصدنا جائزة لي أكتر فنان أو فنانة بتشوه أغانيهو فقطع شك الزولة الأسمها جواهر دي تستحق الجائزة عن جدارة ..!
ولو داير بروف لي كلامي راجع حفل استاد بورتسودان الأخيرة !!
