انتوا شعب محبوب !!!

اليوم بما اني عزابي وافتخر في مطعم الرومانسية مع انى مختلف تمام مع المسمى و انه الرومانسيه و الاكل في حالة تضاد وما اعتقد انهم بتلاقوا الا في المثل الضعيف المصدر (اقرب طريق الى قلب الرجل معدته) ، وانا في انتظار طلب المثلوثه اذا بشاب سعودي يجلس جواري وسلم علي سلام حميم ازيك يا زول كيف حالك ، اجيته تمام الحمد لله قال ايها الشعب المحبوب وقطعا يعني الشعب السوداني الفضل فقلت له هذا من طيب اصلكم و حقيقي اثلج صدري وطوالي اتذكرته الامام المهدي و ود حبوبه و ابوعنجه و كرري و الزعيم الازهري ونلسن ما نديلا ( مع انه ما سوداني بس اتذكرته في تلك اللحظه ما عارف ليه)

إنت لم إكونو أولادك معاك شغال عدس....

و لم تكون عذابي بتمشي الرومانسية ....

كـُـر عليك يا أم عبداللطيف .......

Quote: اتذكرت مانديلا

Quote: عمنا نلسون مانديلا او ماديبا هو اسمه القبيلي كتب في مدكراته عن قصة طريفة ومؤثرة حدثت له في مطار الخرطوم عندما خرج من بلاده في بداية الستينات في رحلته الشهيرة التي سبقت اعتقاله فقد كان مانديلا يحمل مجرد ورقة مكتوب عليها هدا الشخص هو نلسون مانديلا مواطن من جنوب افريقية نرجو السماح له بالمرور وكان معه مناضلين بيض من جنوب افؤيقية يحملون نفس الورقة وفي مطار الخرطوم قدموا الورقة لشاويش عجوز في الكاونتر فقام الشاويش من كرسيه واحتضن مانديلا وختم له الورقة وهو يقول له اهلا بك يا ابني البلد بلدك ولما جاء الدور على البيض رفض ان يختم لهم الا بعد توسط مانديلا . http://www.sudaneseonline.com/cgi-bin/sdb/2bb...d=160andmsg=1214644005 _________________

شكرا استاذنا عبد الله عثمان

وفعلا ما نديلا رمز الصمود فينا

Quote: بين ما جاء فى كتاب "مانديلا" Long Walk to Freedom , حين زار "الجزائر" و شاهد فى مدينة "وجدة" استعراض جيش "حركة التحرير الجزائرية" بدعوة من "الحركة" آنذاك: At the rear was a rather rag-tag military band that was led by a man called Sudani. Tall, well built and confident, he was as black as the night. He was swinging a ceremonial mace, and when we saw him, our whole party stood up and started clapping and cheering. I looked around and noticed others staring at us, and I realized that we were only cheering because this fellow was a black man and black faces were quite rare in Morocco. Once again I was struck by the great power of nationalism and ethnicity. We reacted instantly, for we felt as though we were seeing a brother African. Later, our hosts informed us that Sudani had been a legendary soldier, and had even reputedly captured an entire French unit single-handedly. But we were cheering him because of his colour not his exploits. http://www.sudaneseonline.com/cgi-bin/sdb/2bb...ard=8andmsg=1079299732 _________________

ههههههههههه لكن يا ابو حسين افواه وارانب ديل
يكفوهم من مطعم الرومانسي من وين

الا نتمها ليهم رومانسيه بالجد و نطفي النور

طارق يا وجيه ازيك
ذكرتني حكايتي مع زميل البورد والصديق درديري كباشي.
ماشين نتغذاء المطاعم بتاعت طريق الملك عبدالله المرصوصة صف واحد تمسكا من الطازج وماريز وللاخر.
احنا جاين ماشين من الاخر والظاهر الدرديري جيعان عايز ادخل اي مطعم
في باب احدي المطاعم لقينا لبنانيين لابسين البدل والكرفتات في الابواب وكل واحد شايل ليهو اي فون العب بيهو من شافون وقفو اللعب وبتحية ادخلو هنا نزلو اياديهم لي تحت
اخوي الدرديري من شفقتو جري قدامي علي الباب
بقيت ليك معاهو زي الثيرباك الساكي ليهو جناح حاور الباك لما مسكته ايدو باعجوبه قبل ما ادخل:
يازول ماشي وين جاري كده ؟؟؟؟؟
نخش نتغذاء هنا الجماعه اشرو لينا اتفضلو...
قلته ليهو ابو الدر انت مجنون شوف البدل اللابسنها والجوالات الشايلنها الجرسونات انت عايز تقد جيبنا يلا قدام شوية...
يا حبيبنا امسك في الرومانسية قوي وابعد من الحاجات اللبنانية.

أها إن شاء الله الزول دا حلفته عليه حرام ما إدفع .....

Quote: أها إن شاء الله الزول دا حلفته عليه حرام ما إدفع .....

المدام محذراني من حليفة الحرام والطلاق

حبيبنا الدسيس

هههههههههههههه و الله كلامك صح

وعندي واحده بحكيها ليك

معليش فاتنا بوست الكبسة دا يا طارق

وهي واحدة من نعم الله رغم دمستها ودسامتها وتقاطعها مع الرومانسية زي ما ذكرت

الا انها صحية جدا لقلة مركباتها .. سهلة الهضم لا تغلط عليك ولا بت###### يديك ... ورغما عن انها ليست لذيذة الطعم اذ ان اهلها انفسهم يحاولن محاولات مستميتة ان يجعلوها كذلك .. مرة بكب اللبن ومعجون الطماطم المخلوط بالشطة والليمون حتى يجعلوا منها طعما لذيذا

أبا عبد اللطيف
سلام يا زول وليك وحشة

اليوم بما اني عزابي وافتخر

غايتو الجملة دي لما تصل المدام بنناقشك فيها نقاش مستفيض. أركز

المثل الضعيف المصدر (اقرب طريق الى قلب الرجل معدته) ،

المثل دة من تأليف واحدة ما عندها أي خبرة في الأمور الرومانسية ونفسها خمسة نجوم في الطبخ ، وتصادف إنو زوجها بُطيني من سلالة أشعب ، ومن ثّمّ أطلقتْ هذا المثل ولاقت رواجا عند منتسبي الرهطين.

و الله المثلوثه بالشواية في الرومانسية
ليها طعم ومذاق خاص
بس عيبها بتتهضم بي سرعه ما زي الكسرة و القراصة
ما بتنستر معاك لحدي العشاء المغرب بتكون هويت
الا تلحقه بي شاي المغرب بالبسكويت