الناس الما بتحتمل الرأي الأخر و بتجيب أخرها بسرعة ..ما ناس عميقة ..
ويا تايسا يا عميقة ..
سطرينك ديل لخصوا الفكرة مسبقا وخليتهو رجع وبصم عليهم بالعشرة كمان
Quote: قالب لغوي فخيم، كتابة مضبوطة نحواً وإملاءً، لكنها غير منضبطة الفكرة ولا المحتوى
هو عدم انضباط الفكرة ده كيف وشخص ثائر ويرفض أن يكون ديوث في أهله ..لكنه لا يتوانى ان يشين سمعة إمراة ويشهر بها وباهلها ويصر على كتابة اسمها كاملا بتذاكي مضحك ..، ويستخدم نفس الاساليب الركيكة لتخويف النساء بالقدح في سمعتهن ..لاوكمان بهدد دينا ..!!اعتذاري الشديد لاهلنا المضطرين يدفعوا معانا ضريبة حرية التعبير (قسم النساء) !!..
أيها البطل انت لم تراعي حتى إن هؤلاء ـوإن اختلفوا معك ـ فهم قرائك ..!!!
أو كانوا ..
بينما البطل ..
تحدث عن إمراة تترأس حزب الخ.. من إشارات لست بصدد إجترارها ..
لذلك ..
Post: #2 Title: Re: أسحب تضامني مع دينا خالد! Author: داليا حافظ Date: 03-25-2013, 08:03 AM Parent: #1
ليس تذاكيا يا دينا ولكن التي تستحق التضامن هي هالة عبد الحليم ـ إن كانت هي المقصودةـ وليس انت ..
لا اتذكر ولم أهتم إذا كنت نفيتي سايقا ..أنك هي أو لا ..
وقد عبرت سابقا عن احترامي وحبي لك مهما تكونين ..
ولكني أعتقد أن المتضررة ليس أنت ..
لذلك فواجبك الأخلاقي كان يحتم أن تقولي أن أخرى هي المتضررة..وأنت تعتذري لها عن ما ألم بها بسببك ..!
بدلا عن الصمت والتظاهر بعدم الاهتمام ..ولعب دور المراقب الذي لا يكترث!
لا أفهم صمتك عن نفي كونك هي ..!
Post: #3 Title: Re: أسحب تضامني مع دينا خالد! Author: Hussein Mallasi Date: 03-25-2013, 08:06 AM Parent: #2
اقتبسي ما كتبه البطل - هنا - لنعرف من الأجدر بالتضامن .. دينا أم هالة أم دينا وهالة.
Post: #4 Title: Re: أسحب تضامني مع دينا خالد! Author: داليا حافظ Date: 03-25-2013, 08:08 AM Parent: #2
وكامل التضامن مع المرأة التي يقصدها البطل والتي عايرها بعمرها وأتهمها بما ليس فيها ..
هالة كانت أو أي أخرى لا أعلمها ..!
Post: #5 Title: Re: أسحب تضامني مع دينا خالد! Author: الامين موسى البشاري Date: 03-25-2013, 08:09 AM Parent: #4
Quote: ليس تذاكيا يا دينا ولكن التي تستحق التضامن هي هالة عبد الحليم ـ إن كانت هي المقصودةـ وليس انت ..
لا اتذكر ولا أهتم إذا كنت نفيتي سايقا ..أنك هي أو لا ..
وقد عبرت سابقا عن احترامي وحبي لك مهما تكونين ..
ولكني أعتقد أن المتضررة ليس أنت ..
لذلك فواجبك الأخلاقي كان يحتم أن تقولي أن أخرى هي المتضررة..وأنت تعتذري لها عن ما ألم بها بسببك ..!
بدلا عن الصمت والتظاهر بعدم الاهتمام ..ولعب دور المراقب الذي لا يكترث!
لا أفهم صمتك عن نفي كونك هي ..!
Post: #6 Title: Re: أسحب تضامني مع دينا خالد! Author: Hussein Mallasi Date: 03-25-2013, 08:10 AM Parent: #4
Quote: هالة كانت أو أي أخرى لا أعلمها ..!
استدراك وخط رجعة ما بطال!
Post: #7 Title: Re: أسحب تضامني مع دينا خالد! Author: تبارك شيخ الدين جبريل Date: 03-25-2013, 08:26 AM Parent: #6
دا الليلة بوست الإستدراك العالمي ...
اعتقد أن البطل خلط بين دينا خالد التي تداخلت في بوست "وجع الراس" وبين آمنة مختار التي افترض تداخلها بناءً على عضوية قيقراوي لحزب الخضر .. فنسب لدينا خالد حزبًا لا "تملكه" ...
عمومًا حتى لو قصد هالة عبدالحليم لأسباب لا أعلمها ... فكامل تضامني مع دينا خالد (خصوصًا بعد رد حسن موسى عليه!) ...
... المهم ....
Post: #13 Title: Re: أسحب تضامني مع دينا خالد! Author: داليا حافظ Date: 03-25-2013, 09:16 AM Parent: #7
Quote: اعتقد أن البطل خلط بين دينا خالد التي تداخلت في بوست "وجع الراس" وبين آمنة مختار التي افترض تداخلها بناءً على عضوية قيقراوي لحزب الخضر .. فنسب لدينا خالد حزبًا لا "تملكه" ...
إمكن يابركة والله لا أعلم.. لكن المتأكدة منو أنه حتى لم يكتب ـ أي البطل ـ عن الضحية أنها تكتب باسم دينا خالد..!
Post: #8 Title: Re: أسحب تضامني مع دينا خالد! Author: فايزودالقاضي Date: 03-25-2013, 08:27 AM Parent: #6
داليا ..سلامات ..
Quote: أسحب تضامني مع دينا خالد!
Quote: وكامل التضامن مع المرأة التي يقصدها البطل والتي عايرها بعمرها وأتهمها بما ليس فيها .. هالة كانت أو أي أخرى لا أعلمها ..!
كلامك هنا متناقض مع العنوان ياداليا ، اول قلتي اسحب تضامني مع دينا خالد وهسه جيتي تقولي كامل التضامن مع هالة او أى أخرى والاخرى دي قد تكون دينا ..
ياداليا البطل بالتأكيد يقصد ( دينا خالد) بكلامه ودي الحقيقة الواضحة في الموضوع وانت قمتي بواجبك بالتضامن معاها بناءاً على هذه الحقيقة الظاهرة ..اما قصة هي هالة او هي غيرها فده موضوع آخر اقحمه البطل لشيئ ي نفسه ..فهالة لم تكتب في المنبر حتى تكون المعنية وبالتالي انت غير ملزمة بالاعتذار لها لانك لم تضامني معاها ..
انا شايف تفتحي بوست تاني بعنوان (أعيد تضامني مع دينا خالد )ههه
تحياتي ،،
Post: #9 Title: Re: أسحب تضامني مع دينا خالد! Author: قيقراوي Date: 03-25-2013, 08:42 AM Parent: #8
Quote: اعتقد أن البطل خلط بين دينا خالد التي تداخلت في بوست "وجع الراس" وبين آمنة مختار التي افترض تداخلها بناءً على عضوية قيقراوي لحزب الخضر .. فنسب لدينا خالد حزبًا لا "تملكه" ...
دا اقرب تفسير لورجغة البطل والله صحي
كدي اسي - على سبيل الجدل- كان انحنا قبلنا باننا (حزب وهمي) اقرا اسفيري .. هل حقاً (حق) حزب وهمي؟ بياتو حساب .. وفق ياتو حيثيات ورجغة فارغة؟
[وقع ليك كلامنا عزيزي القارئ؟]
قيقاداوي فكي ديغيتال .. يجيب الرايحة ويروح الفي اخصائي مخ واعصاب المورجغين مدفوعي الاجر .. واصحاب البطل ويصلح سراير حدييييييييييييييييييييد عضو حزب الخضر الوهمي .. والوصف للحزب والعضو همسلف .. وجوز لا يخسر والحمد لله المتفرد بالثناء على المكاره .. ولا حول و لا قوة الا بالله
------------
يا داليا ما فهمنا اي حاجة؟ اسي نعتبرك متضامنة .. ول ما متضامنة مع دينا؟
هالة ديك خليها في حالا ما محتاجة تضامن زول .. فالسيل حربٌ للمكان العالي والبطل تتقاصر قامتو المتقزمة .. ولو بصق لاعلى سيرتد عليه بصاقه كاسفاً وهو حسير المافي شنو؟
Post: #10 Title: Re: أسحب تضامني مع دينا خالد! Author: داليا حافظ Date: 03-25-2013, 08:58 AM Parent: #9
يا جماعة الخير حتى لو كان البطل يقصد دينا بكلامه ..فقد قام بنقل ما هو مبذول في الأسافير عن من تكون "دينا خالد " وبما أن لا أحد منا يعرف ..فبالتالي الاسقطات والتلميحات تلتف حول امرأة أخرى لا ذنب لها .. ينسب لها ما تقول "دينا خالد" وتفعل دون وجه حق!..بالله كيف تحكمون ؟!
التزام الصمت مشروع إلا في حال إلحاق الضرر بآخرين ..!
Post: #11 Title: Re: أسحب تضامني مع دينا خالد! Author: هشام عباس Date: 03-25-2013, 09:03 AM Parent: #9
Quote: ياداليا البطل بالتأكيد يقصد ( دينا خالد) بكلامه ودي الحقيقة الواضحة في الموضوع وانت قمتي بواجبك بالتضامن معاها بناءاً على هذه الحقيقة الظاهرة ..اما قصة هي هالة او هي غيرها فده موضوع آخر اقحمه البطل لشيئ ي نفسه ..فهالة لم تكتب في المنبر حتى تكون المعنية وبالتالي انت غير ملزمة بالاعتذار لها لانك لم تضامني معاها ..
دا عصير القصب __________ تحياتى فايز وتحياتى داليا
Post: #12 Title: Re: أسحب تضامني مع دينا خالد! Author: داليا حافظ Date: 03-25-2013, 09:12 AM Parent: #11
Quote: فهالة لم تكتب في المنبر حتى تكون المعنية وبالتالي انت غير ملزمة بالاعتذار لها لانك لم تضامني معاها ..
يا فايز سلام ..
أنا لم أعتذر لهالة فالأولى أن تعتذر لها دينا فقد أصبح كل ما تقوله دينا ينسب لها ..وتتأذى بسبب ذلك !
حقا أنا لم افعل سابقا ..ولكني الآن أتضامن معها ..
Post: #15 Title: Re: أسحب تضامني مع دينا خالد! Author: حيدر حسن ميرغني Date: 03-25-2013, 09:21 AM Parent: #12
Quote: وتتأذى بسبب ذلك
هل لي ان اعرف كيف تتأذى يا داليا
Post: #21 Title: Re: أسحب تضامني مع دينا خالد! Author: داليا حافظ Date: 03-25-2013, 09:36 AM Parent: #15
ياحيدر..
عندما يقترن اسمي باسم امرأة ويكون الناس شبه جازمين أنني هي ـ مخطئين أو لاـ ..وأنا لم أنفي ذلك ..!ولم أقل بأن ما أفعله أو أقوله لا يمثلها .. ، إذا تعرضت لأي سب أو تعريض بسبب كلامي ألا يضرهاأن ينسب لها ..،صراحة كان أو تلميحا ؟!!..
Post: #16 Title: Re: أسحب تضامني مع دينا خالد! Author: فايزودالقاضي Date: 03-25-2013, 09:21 AM Parent: #12
داليا ...سلام
Quote: يا فايز سلام .. أنا لم أعتذر لهالة فالأولى أن تعتذر لها دينا فقد أصبح كل ما تقوله دينا ينسب لها ..وتتأذى بسبب ذلك !
ياداليا اها هنا خربتيها زيادة .. دينا تعتذر لهالة لشنو ؟ هل دينا بتكتب في المنبر بتوكيل من هالة او تفويض منها حتى تحاسبها بما تكتب ؟ ومادام مافي تفويض ولا توكيل فتظل كتابات دينا لاتعنى هالة وهي غير مسئولة عما ينسبه الاخرون لهالة ..
تحياتي ،،
صراحة انا من المعجبين بهالة ولو ترضى بعمل ليها رابطة معجب عضويتها انا بس .
Post: #27 Title: Re: أسحب تضامني مع دينا خالد! Author: داليا حافظ Date: 03-25-2013, 09:49 AM Parent: #16
Quote: ومادام مافي تفويض ولا توكيل فتظل كتابات دينا لاتعنى هالة وهي غير مسئولة عما ينسبه الاخرون لهالة ..
متفقين ..
لكن ماذا لو قالت أنها ليس هي ..لماذا تترك ظلالا حول تلك الشخصية ..؟
Post: #17 Title: Re: أسحب تضامني مع دينا خالد! Author: محمد البشرى الخضر Date: 03-25-2013, 09:21 AM Parent: #12
Quote: فالأولى أن تعتذر لها دينا
والله ياداليا تيكنيكالي كدا حتى دينا ما مطالبة باعتذار لهالة فما حصل يوم قالت - أو أوحت - انها هي المفروض يعتذر هو من يقول ذلك بلا دليل ودي مناسبة اعتذر للإثنين - دينا وهالة - فقد حدث من قبل ان قلت بذلك
Post: #23 Title: Re: أسحب تضامني مع دينا خالد! Author: داليا حافظ Date: 03-25-2013, 09:40 AM Parent: #17
Quote: فما حصل يوم قالت - أو أوحت - انها هي
يا ود البشرى ..هي لم تقل ..هل حصل ان نفت بشكل قاطع او غير قاطع؟
النفي لن يكلفها كشف هويتها..الا تتفق معي؟!
Post: #29 Title: Re: أسحب تضامني مع دينا خالد! Author: فايزودالقاضي Date: 03-25-2013, 09:53 AM Parent: #23
Quote: النفي لن يكلفها كشف هويتها..الا تتفق معي؟!
ياداليا انا وكتار غيري مابعرفوا انك فعلا داليا حافظ ؟!! ولا انت ملزمة إنك تكشفي عن نفسك لمجرد اني وغيري ماعارفين هويتك .. ولا من المنطق انك تقعدي تنفى عن انك ماسهام ولا الهام ولا رحاب ولا سوسن ولا عوضية سمك
تحياتي ،،
Post: #36 Title: Re: أسحب تضامني مع دينا خالد! Author: داليا حافظ Date: 03-25-2013, 10:14 AM Parent: #29
Quote: ياداليا انا وكتار غيري مابعرفوا انك فعلا داليا حافظ ؟!! ولا انت ملزمة إنك تكشفي عن نفسك لمجرد اني وغيري ماعارفين هويتك .. ولا من المنطق انك تقعدي تنفى عن انك ماسهام ولا الهام ولا رحاب ولا سوسن ولا عوضية سمك
لكن في كتار غيرك برضو بعرفوا اني داليا حافظ ..، وعن نفسي أنا داليا حافظ محمد الحسن عبد الحليم ..ملزمة أكشف عن نفسي ..وأتحمل مسئولية قلمي كاملة غير منقوصة في حال أي ضرر لآخرين ..
ومع ذلك أنا لم أتكلم عن اثبات ولا طالبت دينا بكشف هويتها ..انا قلت تنفي أنها ما هالة ـ ما عارفة وين المشكلة؟ ـ لانو القلم مسئولية ومافي زول مضطر يتحمل مسئولية غيره..، ويتنصل من المسئولية لمجرد أن ماهو القال ..؟ ويبحر في بحر الغموض واللامبالة وليحترق العالم فهو في مأمن ..
Post: #31 Title: Re: أسحب تضامني مع دينا خالد! Author: داليا حافظ Date: 03-25-2013, 10:02 AM Parent: #11
يا هشام عصير ودالقاضي ده منتهي الصلاحية:)
Post: #19 Title: Re: أسحب تضامني مع دينا خالد! Author: Haytham Ghaly Date: 03-25-2013, 09:29 AM Parent: #9
داليا وضيوفها تحياتي
لو فرضنا انو دينا خالد شخصية متخفية تحت هذا الاسم اذا كانت امنة مختار او هالة عبدالحليم
او غيرهم المهم في الامر انه نحن نعلم من خلال شخصية دينا خالد الموجودة معنا هنا في البورد ومن خلال
كتاباتها ومشاركاتها هل هي تستحق التضامن ام لا تستحق وانا في رأيي الشخصي انه مهما كانت شخصية دينا خالد
فقد مسها ما مس زملائها من بهتان وكذب من البطل وبذلك هي تستحق التضامن بغض النظر عن الهوية الحقيقية
ان وجدت ولا اظن
وبعدين يا داليا اذا كان البطل قاصد هالة وفاكر انو دينا هي هالة فلما تتضامني مع دينا دا معناهو
تلقائياً تضامنك مع هالة .. وللا شنو؟؟؟
تحياتي الكتار
Post: #24 Title: Re: أسحب تضامني مع دينا خالد! Author: داليا حافظ Date: 03-25-2013, 09:45 AM Parent: #19
ياهيثم الف تحية
Quote: وبعدين يا داليا اذا كان البطل قاصد هالة وفاكر انو دينا هي هالة فلما تتضامني مع دينا دا معناهو
تلقائياً تضامنك مع هالة .. وللا شنو؟؟؟
سحب تضامني مع دينا لن يفرق كتير ..ولن يزيدها أو ينقصها ..!
الفكرة هي إحقاق حق ..وأن لا تأخذ هالة بذنب دينا ..! ودينا صامتة!
Post: #14 Title: Re: أسحب تضامني مع دينا خالد! Author: داليا حافظ Date: 03-25-2013, 09:19 AM Parent: #6
Quote: استدراك وخط رجعة ما بطال!
لم يكن استدراك ..بل الخلاصة ..
Post: #18 Title: Re: أسحب تضامني مع دينا خالد! Author: محمد عبد الماجد الصايم Date: 03-25-2013, 09:24 AM Parent: #14
يبدو أننا سنتضامن مع داليا حافظ!!
إني هاو ..
Post: #20 Title: Re: أسحب تضامني مع دينا خالد! Author: فايزودالقاضي Date: 03-25-2013, 09:30 AM Parent: #18
Quote: يبدو أننا سنتضامن مع دينا حافظ!!
كان عندي احساس انهم حايطلعوا اخوان ..
Post: #22 Title: Re: أسحب تضامني مع دينا خالد! Author: حافظ انقابو Date: 03-25-2013, 09:40 AM Parent: #20
أما آن لدينا خالد أن تكشف عن شخصيتها (:
Post: #26 Title: Re: أسحب تضامني مع دينا خالد! Author: محمد على طه الملك Date: 03-25-2013, 09:48 AM Parent: #22
يا داليا اتضامني معاها ياخي.. لك ما بتقدر تشتكي.
Post: #37 Title: Re: أسحب تضامني مع دينا خالد! Author: داليا حافظ Date: 03-25-2013, 10:19 AM Parent: #26
يا الملك
انا مابقدر أردك ..
عشان كدة بتعاطف معاها ..
Post: #46 Title: Re: أسحب تضامني مع دينا خالد! Author: داليا حافظ Date: 03-25-2013, 10:56 AM Parent: #22
بالنسبة لي ياحافظ
أما آن لدينا ان تقول : لست هالة عبد الحليم ..!
Post: #28 Title: Re: أسحب تضامني مع دينا خالد! Author: داليا حافظ Date: 03-25-2013, 09:52 AM Parent: #18
كتر خيرك يا ود الصايم ..
إني وي ..
Post: #25 Title: Re: أسحب تضامني مع دينا خالد! Author: Jamal Mustafa Date: 03-25-2013, 09:45 AM Parent: #2
Quote: لذلك فواجبك الأخلاقي كان يحتم أن تقولي أن أخرى هي المتضررة..وأنت تعتذري لها عن ما ألم بها بسببك ..!
واجب يتطلب الشجاعة مع التأكيد على مبدأ ( أنت حر مالم تضر ) وفى كل يبقى التضامن ضد سلوك هبش فكرة ..
Post: #30 Title: Re: أسحب تضامني مع دينا خالد! Author: محمد البشرى الخضر Date: 03-25-2013, 10:00 AM Parent: #25
Quote: يا ود البشرى ..هي لم تقل ..هل حصل ان نفت بشكل قاطع او غير قاطع؟
النفي لن يكلفها كشف هويتها..الا تتفق معي؟!
البينة على من ادعى يا داليا عند ابراز البينة يبقى اليمين على من أنكر
اذكر في حوار اجري مع هالة عبد الحليم في الدوحة سالها محاورها عن مسالة دينا فنفتها اها الا يكفي نفي هالة طيب لا أذكر تفاصيل الحوار لكن اذكر انو اتكتب عنه بوست أو ربما بوستات
Post: #32 Title: Re: أسحب تضامني مع دينا خالد! Author: جميلة ابراهيم السيد Date: 03-25-2013, 10:04 AM Parent: #25
سلام داليا وضيوفك الكرام
سؤال يا داليا .. هل التضامن ضد الموقف ام الشخوص؟
غض النظر ان كانت دينا هي هاله او امنة او اي من كانت ... ما قاله البطل تعدي وتعريض وتهمة الحاد واشانة سمعة و و و و ..
انا اتضامن ضد موقف البطل وضد كلام البطل غض النظر كان موجه لمنو
دينا ما قالت هي هاله او امنة او غيرهم .. البطل هو الذي زج باسم هاله .. اذن هو المطالب بالاعتزار لهاله ..... ما دينا ولا اي انسان اخر
Post: #40 Title: Re: أسحب تضامني مع دينا خالد! Author: داليا حافظ Date: 03-25-2013, 10:27 AM Parent: #32
Quote: هل التضامن ضد الموقف ام الشخوص؟
يا جميلة
في حالة مقال البطل التضامن مع الموقف والشخوص في آن واحد ..لأنه الحالة محددة جدا وضرر بالغ ..وهي حالة تشهير مع سبق
الإصرار ..ولأنو الناس اتجابت اسمائهم ثلاثية ..
Post: #33 Title: Re: أسحب تضامني مع دينا خالد! Author: عبدالرحمن الحلاوي Date: 03-25-2013, 10:05 AM Parent: #25
التضامن يا داليا ليس مع الأشخاص ..بل كون لك الصحيفي لم يقارع الحجة بالحجة بل ترك لك جانباً وهب يتعرض للشخصيات التي تكتب هنا تعرضا شخصيا في أعراضهم وكرامتهم فالتضامن ليس لكون دينا خالد أو قيقراوي أو المشرف لاننا نعرفهم معرفة واقعية بل لانهم عبروا عن راي في مقال بعينه فجاء رد الصحيفي مستفزا للكل ....عموماً كامل تضامني معك في تضامنك مع هالة عبدالحليم إن اصابها رزاز ما يقع باسم دينا خالد ودينا صامتة عن نفي أنها رئيسة لحزب اومتحدثة باسم حزب ...حتى لا نغرق في شبر ماء
Post: #34 Title: Re: أسحب تضامني مع دينا خالد! Author: معاوية الزبير Date: 03-25-2013, 10:10 AM Parent: #33
Post: #39 Title: Re: أسحب تضامني مع دينا خالد! Author: فايزودالقاضي Date: 03-25-2013, 10:22 AM Parent: #34
المقتبس ادناه من الحوار ..
Quote:
Quote: هالة.. سؤال أخير: تحوم حولك شبهات انك تتوارين إلكترونيا.. انك تتوارين في التعبير عن أفكارك في أحد المواقع السودانية الشهيرة جدا، تحت اسم لا وجود لصاحبته..هل أنت » دينا خالد« التي تتداخل في موقع »سودانيز أون لاين«؟
- أنا لست » دينا«.. أنا هالة عبدالحليم.
أنا لا أتوارى.. ولا أخجل من أفكاري. دينا خالد شخصية من لحم ودم وذهن وخيال وقلم ومواقف، هي ليست أنا.. وأنا - بالتالي - لست دينا خالد
شكرا معاوية
Post: #42 Title: Re: أسحب تضامني مع دينا خالد! Author: داليا حافظ Date: 03-25-2013, 10:43 AM Parent: #39
يافايز ود البشرى
Quote: أنا لست » دينا«.. أنا هالة عبدالحليم.
أنا لا أتوارى.. ولا أخجل من أفكاري. دينا خالد شخصية من لحم ودم وذهن وخيال وقلم ومواقف، هي ليست أنا.. وأنا - بالتالي - لست دينا خالد
ما مختلفين ..هالة نفت ..
لكن دينا لم تفعل ..!
وهذا يجعل تضامني في محله ..هالة المتضررة لأنه ينسب لها ما لم تغترف يداها ..!!!
مايبقى دفاعكم اعمى ..وأنا برضو بحب دينا ووقفت معها في القصة دي بالذات وما عايزة أزايد على كدة ..
لكنها في هذا المقام ..عندها مسئولية مباشرة ..
Post: #44 Title: Re: أسحب تضامني مع دينا خالد! Author: داليا حافظ Date: 03-25-2013, 10:52 AM Parent: #33
Quote: عموماً كامل تضامني معك في تضامنك مع هالة عبدالحليم إن اصابها رزاز ما يقع باسم دينا خالد ودينا صامتة عن نفي أنها رئيسة لحزب اومتحدثة باسم حزب ...حتى لا نغرق في شبر ماء
Post: #35 Title: Re: أسحب تضامني مع دينا خالد! Author: طلحة عبدالله Date: 03-25-2013, 10:12 AM Parent: #25
اتفق مع داليا حافظ وأويد منطقها.. وأنتهز هذه السانحة المثالية لأطلب من دينا خالد بصفتي أهل العوض أن تعتذر لأهل العوض لأنها قالت أنهم لا يشترون فرش الأسنان ويتسوكون بفرشاة الزول الجائي من مكان آخر وهذا كلام غير صحيح لأن أهل العوض وأهل بابكر وأهل فاطنة كلهم يشترون الفرش لضيوفهم ويكرمونهم بالغالي والنفيس. وفي السياق لا أستغرب والله استماتة العارف أية حاجة في أية حاجة الملقب بفايز ود القاضي ضد منطق صاحبة البوست ووقوفه مع دينا خالد فهو أيضا سبق وأن سخر من حلتي وحلة ناس تانين في بوست سابق وبالتالي فقد وافق (شن) أو أيا كان إسمه (طبقه). ملحوظة: مافي واحد يجىء يقول استغليت البوست في غير غرضو لأنو الغرض واحد .
Post: #41 Title: Re: أسحب تضامني مع دينا خالد! Author: رانيه محمد الشيخ Date: 03-25-2013, 10:41 AM Parent: #35
ازيك يا داليا لصراحه ما فاهما الحاصل لكن رد طلحه فلته عشان كده حبيت اجى اقول له لحسى الكاروشه قايمه عليك :))))))))))))))))
Post: #43 Title: Re: أسحب تضامني مع دينا خالد! Author: داليا حافظ Date: 03-25-2013, 10:47 AM Parent: #35
Quote: اتفق مع داليا حافظ وأويد منطقها..
شكرا يا طلحة ..
شن وطبقة اتلوموا معاك أمسحا في وشي :)
Post: #45 Title: Re: أسحب تضامني مع دينا خالد! Author: حافظ انقابو Date: 03-25-2013, 10:53 AM Parent: #35
طنظير يغرد خارج السرب
(:
Post: #38 Title: Re: أسحب تضامني مع دينا خالد! Author: داليا حافظ Date: 03-25-2013, 10:22 AM Parent: #25
Quote: واجب يتطلب الشجاعة مع التأكيد على مبدأ ( أنت حر مالم تضر )
هو ذاك يا جمال ..
Post: #47 Title: Re: أسحب تضامني مع دينا خالد! Author: طلحة عبدالله Date: 03-25-2013, 11:04 AM Parent: #38
حافظ انقابو اتا مع شنو كمان يا الصحفي ؟
Post: #49 Title: Re: أسحب تضامني مع دينا خالد! Author: عمر الفاروق Date: 03-25-2013, 11:18 AM Parent: #47
بالمناسبة يا داليا ..التضامن عمووما في سودانيز مع الأسماء وليس الشخوص مش؟ يعني في زي جغلومية نفر هنا إتضامنو مع تيسير ولحدددي اسة ما بيعرفو تيسير دي شخصية حقيقية أم خرافية .. إنتي ممكن تكوني إتضامنتي مع فتح الرحمن اللي انا ما عارفو منو ولحدي اسة انتي زااااتك مفروض ما عارفاهو منو ما لم يكون قيقراوي رفع هنا شهادة ميلادو وقال ده انا .. عليه يا داليا القصة تضامن اسماء في المقام الأول وليس تضامن شخصيات .. انا ما بعرف تيسير ومع إنو تيسير ذاااات نفسها اتهمت بي إنها شخصية غير حقيقية لكنها تجد التضامن من كثيرييين ..
بوستك يا داليا ما فيهو أي حجة وثغراته كتييرة وأغراضه مبهمة ولو إنك افصحتي عنه لكن ما مقنع .. وصدقيني بوستك ده ح يتحول من تضامن وما تضامن لي حجوة ام ضبيبنة ومربع زييرو دينا خالد راجل ولا بت هالة و لا نفيسة سودانية ولا اغريقية .. وعموووما وده ما كلام ليك يا داليا ولا بخصك بيهو بس قصة تضامني في سودانيز دي لا تسمن ولا تغني من جوع وكلللو قرقر وحكي فاضي بتاع ناس عايزة تعمل موضوع لا اكتر ولا اقل ..
Post: #53 Title: Re: أسحب تضامني مع دينا خالد! Author: داليا حافظ Date: 03-25-2013, 11:38 AM Parent: #49
Quote: وصدقيني بوستك ده ح يتحول من تضامن وما تضامن لي حجوة ام ضبيبنة ومربع زييرو دينا خالد راجل ولا بت هالة و لا نفيسة سودانية ولا اغريقية .. وعموووما وده ما كلام ليك يا داليا ولا بخصك بيهو بس قصة تضامني في سودانيز دي لا تسمن ولا تغني من جوع وكلللو قرقر وحكي فاضي بتاع ناس عايزة تعمل موضوع لا اكتر ولا اقل ..
البوست طرحوا واضح ياعمر ..هناك شخص يعرض به باعتبار أنو دينا ـ ده ماليهو أي علاقة بأنها منو ولا جنسها شنوـ لكن من وجهة نظري دينا ما ليها حق أنها تخلي الناس يفترضوا أنها شخص أخر دون أن يهتز ليها جفن ..ده الموضوع ..
بالنسبة لفكرتك عن التضامن هنا وشايفو كيف دي حاجة بتخصك طبعا وأنا مالي أتدخل فيها ..
Post: #48 Title: Re: أسحب تضامني مع دينا خالد! Author: محمد البشرى الخضر Date: 03-25-2013, 11:15 AM Parent: #38
Quote: وهذا يجعل تضامني في محله ..هالة المتضررة لأنه ينسب لها ما لم تغترف يداها ..!!!
مايبقى دفاعكم اعمى ..وأنا برضو بحب دينا ووقفت معها في القصة دي بالذات وما عايزة أزايد على كدة ..
لكنها في هذا المقام ..عندها مسئولية مباشرة ..
لا يا داليا حديثي هنا مش عشان دي دينا لكن المبدا نفسه, حكاية الاتهام بدون دليل و على المتهم اثبات براءته ودا ما أول ولا آخر موقف اتخذه في الموضوع دا وبغض النظر عن أطرافه المسالة بالنسبة لي مبدأ
Quote: يعني في زي جغلومية نفر هنا إتضامنو مع تيسير ولحدددي اسة ما بيعرفو تيسير دي شخصية حقيقية أم خرافية ..
سجم خشمك
Quote: انا ما بعرف تيسير ومع إنو تيسير ذاااات نفسها اتهمت بي إنها شخصية غير حقيقية لكنها تجد التضامن من كثيرييين ..
ما إتهمت بإني غير حقيقية إنما أنا بشر مثلكم ولكن لا يوحى إلي ..
انا إتهموني بإني مذكر لدواعي الاسم "تيسير" والإلتباس بتاعو من أول بوست لي في سودانيز لغاية هسي في الربع دا في ناس بينادوني بالأخ تيسير
لكنني حقيقية آكل الطعام وامشي في الأسواق اليوم كلو
____ سلامات يا أم ملك العسل وقادرة أفهمك لمن الزول يفتح بوست بي فكرة محددة في راسو والناس تجي تناقشو بي فكرة تانية في راسهم هم ..
كلامك من ناحية مبدئية ما عليهو غبار ولا يمس شخص دينا بأي سوء لكن في نفس الوكت عايز يحتج على مس شخصية أخرى بسوء ..
دا الفهمتو ..
موضوع البوست دا مزدوج ومشربك شديد لكن دينا خالد هي دينا خالد
Post: #82 Title: Re: أسحب تضامني مع دينا خالد! Author: داليا حافظ Date: 03-25-2013, 12:56 PM Parent: #61
Quote: كلامك من ناحية مبدئية ما عليهو غبار ولا يمس شخص دينا بأي سوء لكن في نفس الوكت عايز يحتج على مس شخصية أخرى بسوء ..
دا الفهمتو ..
وده المقصود يا تايسا ..
إضافة لكدة ..نهظر ونلعب مع بعض في حاجات كتيرة ..لمن الموضوع يبقى جد لازم نبقى جادين ونشعر بالمسئولية ..
عشان الناس البقطعوا ويمترو على كيفهم يقعدوا في علبهم ..
Post: #50 Title: Re: أسحب تضامني مع دينا خالد! Author: دينا خالد Date: 03-25-2013, 11:30 AM Parent: #38
العزيزة الما بتسأل عن ظروفنا الوحيدة الطال عشان جيتك وقوفنا ... العزيييييزة ... دلويا ... اتفهم جدا خوفك على من يصيبهم رزازى كما عبرتى ... اولا وخلينا نضحك .. بوستيك دا ذكرنى طبقنا طبق طبقكم يقدر طبقكم يطبق طبقنا ذى ما طبقنا طبق طبكم ؟؟ ويقولوا ليك ياللا قولا عشرة مرات !!! قبل كدا قالوا انا حسين ملاسى ... وقربت انتحر ... قالوا انا عمر الفاروق ... فقررت التوقف عن الكتابة .. قالوا لالالا انا قيقرواى تصدقى؟ اى والله قيقا الوااااحد دا ...!! قالوا انا حميدة .. ففرحت .. لوووووب . ما فضل ليهم الاياتونى بالضربة القاضية (ودى اخت ود القاضى) ويقولوا انا ود الصايم او تراجى ... يعنى كان لازم على اقيف فى ناصية المنبر واحمل علم والوح به للنفى على الترهات ؟ .. وكدا ح القى سحابة يومى ساحت شووووووو مش انقضت بين المنابر ....
ـــــــــــــــــــــــــ ياخى تسحلى ساااااااى دقيقة .. مافى رحمة فى الدنيا دى ؟
Post: #51 Title: Re: أسحب تضامني مع دينا خالد! Author: دينا خالد Date: 03-25-2013, 11:30 AM Parent: #38
حاولت زيك كدا اعرف هو قاصد منو رئيسة الحزب دى؟ امنه مختار وهاله الاتنين ما خمسينيات (والله وحده لا شريك له اعلم )!! لووووب .. دا طبعا لاتقاء نيران صديقة ... الاتنين احزابهم ما وهمية .. وهمية كيف وتبارك وقيقا وخالد بحرومحمدوموسى ووو من لحم ودم بيننا يمشون فى البوستات ويقبلون الهدايا .. الاتنين يومهم ما فيه اى سحابه .. قاعدات فى شمس الله اكبر .. مافى اى كلام من القالوا بنطبق على اى واحده فيهم ... انتى لقيتى الكلام بنطبق على واحده فيهم ؟؟؟ كان كدا انت حاوى عدييييييييييييل ... انا يا داليا . دينا اسمى دينا يعنى ما بكتب بى نيقنيم ... بعدين ياخ انا اقعد اعتذر عن كلام ناس تانيين ؟ منو الاوقع الضرر .. فى نظرك انا؟ عايزه تقولى اتسببت فيه ؟ نظريتك دى بلاكورعين .. اها يعنى اقعد انا اسييح سحابة يومى مع المتسببين ؟
ـــــــــــــــــــــــــــــ غايتو عشان فى ناس كتيرة تلد .. البنات الاتنين ديل لو دايرة اتكلم معاهم ما بتكلم معاهم هنا .. شفتى كيف ؟ حكومة انا .. انتو ساى مهملنا هنا .. عشان مااقلت ليكم (خالى) منو وافتخر !! لكن طبعا اكيييد ما بكرى صالح ! لوووووووووووب .. يا دلويا ياخ فترتينى وانا لو ما انتى ما بدخل هكذا بوستات وتانى ما بجيك هنا لو جا الجيش ...ياقول الفاروق .. اصلو مافى حاجة جايبه لى الكلام غير لقييط الكلامات واللفحى دا ..
Post: #52 Title: Re: أسحب تضامني مع دينا خالد! Author: وضاح عبدالرحمن جابر Date: 03-25-2013, 11:38 AM Parent: #51
Quote: انا يا داليا . دينا اسمى دينا يعنى ما بكتب بى نيقنيم ...
وده كل الكان مطلوب من بوست (الدردقة) ده
Post: #78 Title: Re: أسحب تضامني مع دينا خالد! Author: داليا حافظ Date: 03-25-2013, 12:50 PM Parent: #52
Quote: وده كل الكان مطلوب من بوست (الدردقة) ده
لكن موش دردقة محترفين يا وضاح
بالجد كنت بعني كل كلمة ..
Post: #54 Title: Re: أسحب تضامني مع دينا خالد! Author: دينا خالد Date: 03-25-2013, 11:41 AM Parent: #51
انا مشكلتى مزدوجه او بين مذدوجتين يا قول ناس الجزيرة انو الناس البعروفونى كللللللهم هم الاكتر تشكيكا فى شخصيتى فى المنبر دا ... دى مش مؤامرة صهيونية يهوديه اسرائيلية غاشمة ... يجى جاركم هيته بالهيته يكتب دينا رجل ... يجى الجكس يكتب دينا شبح .. لوووووووووب ....
ــــــــــــــــــــــــ كلو هين وما هامينى .. انا الهامينى زر الرماد فى عيون رشاد .دا . مافى رحمة ؟؟
Post: #58 Title: Re: أسحب تضامني مع دينا خالد! Author: Haytham Ghaly Date: 03-25-2013, 11:53 AM Parent: #54
Quote: كلو هين وما هامينى .. انا الهامينى زر الرماد فى عيون رشاد .دا . مافى رحمة ؟؟
ههههههههههههههههههههههههههههه
والله يا دينا الصرااااااحة اتلومو في ذر هالرماد
بمناسبة رشاد دي يا جماعة وين وليد المبارك ما شايفو
وين مختفي الشفت دا
التحية لي رشاد ووليد زاتو
Post: #55 Title: Re: أسحب تضامني مع دينا خالد! Author: فايزودالقاضي Date: 03-25-2013, 11:43 AM Parent: #51
Quote: نظريتك دى بلاكورعين ..
الله ينعل شيطان الرطانة انا من الصباح بفتش في كلمة الكرعين دي عشان احسم النقاش ابت تجيني ..
Post: #56 Title: Re: أسحب تضامني مع دينا خالد! Author: عمر الفاروق Date: 03-25-2013, 11:44 AM Parent: #51
بالله يا دينا قالوا دينا هي عمر الفاروق؟؟ يطرشني ويعمي جيراني..:-):-):-) وماااالم ما قالوا عمر الفاروق هو دينا خالد..:-):-):-)
Post: #57 Title: Re: أسحب تضامني مع دينا خالد! Author: فايزودالقاضي Date: 03-25-2013, 11:49 AM Parent: #56
Quote: واحمل علم والوح به للنفى على الترهات ؟ ..
انت بسبب حميدة وعمر الفاروق وود الصايم حكمتي على الاخرين بانهم برضو ترهات ..
Post: #60 Title: Re: أسحب تضامني مع دينا خالد! Author: داليا حافظ Date: 03-25-2013, 12:04 PM Parent: #56
شكرا يا دينا على حسن ظنك وتفهمك وثقتك فيني..
وأنا كنت عارفة إنو البوست ده ما حينقص الود البينا لأني أزعم معرفتي بطريقة تفكيرك ..
بس كنت محتارة ..وأمبارح وأنا براجع في كلام البطل ..قلت ياخ البطل ده ما جاب سيرة دينا .. لكنو لفح كلام الناس باعتباره حقيقة ..ولمح لشخص تاني ماليهو علاقة ..وأوقع ضرر باخر دون تثبت ..
معليش جيت عليك شوية ..لكن ما كنت عايزاك تأكدي على الفكرة (بصمتك)..ولا عجبتني في حقك ..
وعذرا لو كنت قاسية معاك ..
وشكرا للتصريح الحصري
Quote: انا يا داليا . دينا اسمى دينا يعنى ما بكتب بى نيقنيم ...
وبكدة فعلا من تستحق التضامن هي الأخرى صاحبة الحزب الوهمي ال..ال..بحسب البطل ..
Quote: حكومة انا .. انتو ساى مهملنا هنا .. عشان مااقلت ليكم (خالى) منو وافتخر !!
أنا بقي لو عرفتي خالي منو سحابتك فعلاً حتسيح
Post: #91 Title: Re: أسحب تضامني مع دينا خالد! Author: عمر الفاروق Date: 03-25-2013, 01:48 PM Parent: #56
Quote: هناك شخص يعرض به باعتبار أنو دينا
والشخص ده يا داليا نفى في وسائل إعلامية عالمية رسمية إنو هو ما نفس الهو زاتو .. فهل تعتقدي في هكذا حالات محتاجين لي إثبات الطرفين ولا طرف واحد يكفي ..؟ هالة قالت لينا هي ما دينا ..فلييي عايزين نسك دينا تقول لينا هي ما هالة ؟ اقول ليك حاجة مجوبكة؟ تعالي نفترض إنو دينا جات قالت هي هالة ..كلام هالة داك ح نعمل فيهو شنووووو؟؟؟ أو كما قال عادل إمام طب الدم اللي في البنطلون ده قا منيييين ؟؟؟ وانا والله لو محل دينا بجي اقول ليكم انا هالة ..
Post: #59 Title: Re: أسحب تضامني مع دينا خالد! Author: tmbis Date: 03-25-2013, 11:54 AM Parent: #51
Quote: أنهم لا يشترون فرش الأسنان ويتسوكون بفرشاة الزول الجائي من مكان آخر وهذا كلام غير صحيح لأن أهل العوض وأهل بابكر وأهل فاطنة كلهم يشترون الفرش لضيوفهم ويكرمونهم بالغالي والنفيس.
عليك الله قالت ليكم كدا يا طلحــة ..؟ وخليتوهـا ساااي ..؟ ياخ انا قالت لي كلام قبل كم سنـة لحدت الآن عامل لي سردبـه في ضهـري .. يعني قايلني ح اخليها مش كدا .,..؟ والله انا اخليها يضربني جناح الطيارة .. عليك الله فرش الاسنان بت الناس دي ..؟ والله دي القالتو كتير خلاص .. ولسة ياما ح تقول وتقول ..
Quote: وانا لو ما انتى ما بدخل هكذا بوستات وتانى ما بجيك هنا لو جا الجيش
ااي ما بتجي .. انا عارفك البجيبك شنو لي حتات زي دي .. وشابكاني انا سحابة واسيح .. وانا شمعة في مهـب الريح .. وإلخ .. إلخ فكينا الله يرضى عليك يا نظلي هانم .. فكينا فكك الله يا بعيدة
والله قالت الكلام الفوق دا كلو يا تامبا تصدق .. غايتو أنا والزول الجمبي دا وكام واحد وواحدة من أهل العوض بنقول ليها بى صوت واحد : الله يسامحك يا دينا خالد ..
Post: #67 Title: Re: أسحب تضامني مع دينا خالد! Author: دينا خالد Date: 03-25-2013, 12:30 PM Parent: #59
لا يا دلوية ما حصرى انا مرة فى واحد من البوستات اضطريت لوضع (سورة الباسبورت ) ... لووووووب ..
وضاح يا عزيز بتكون عارف انو ابدا ما غاب على غرض البوست ولااااااا لوهلة ... لكن دلويه عزيزة علينا ... وقلنا بعض الدردقة فى بوستيها لا يضر ولا ينفع ولا يسمن من جوع ...
ــــــــــــــــــــــــــــ ناس طلحة ديل كان لازم يلدوا ... قيصرية قيصرية بس لازم نولدهم ... بعدين يا طلوح ياخ انا ماقلت ما بشتروا .. بى ى فرشهم والله لكن ما بفرزوا ما بفرزوا ...
قرقرقرقرقر والله عايز نصيحـة اخوك ..؟ حسع تحية كاريوكا دي تقول في سرها عليك الله عاين اهــــــل العوض دا والله يا طلحـة احسن ليك اسمع كلام اخوك .. وكلام الزول القاعد جمبك دا .. ما تخليك زول فقري ..
.. اما بالنسبة لي تحيـة كاريوكــا دي .. فليها يوم .. والله تشوف ليك كترت فرش اسنان لمن تعرف حاجة
والله قبل مااقرا كلام غيري كنت بيني وبين نفسي بقول انه دينا وقيقراوي واااااااحد هههه ووليد الشفت وووووووووو.....................واحد عرفتوا انا قاصده منو
التعديل لإضافة. قبل
Post: #74 Title: Re: أسحب تضامني مع دينا خالد! Author: أمير محمد ادريس Date: 03-25-2013, 12:40 PM Parent: #70
Quote: حسع تحية كاريوكا دي تقول في سرها عليك الله عاين اهــــــل العوض دا والله يا طلحـة احسن ليك اسمع كلام اخوك .. وكلام الزول القاعد جمبك دا .. ما تخليك زول فقري ..
بالمناسبة رجعت للمعجم المجيد فلقيت طلوح دي جاية من الطالح (عكس الصالح ) .. الزولة دي استغلت رطانيتك وجهلك باللغة العربية ومعاجين الاسنان وادتك بالسيغنال 2
سلامات يا سهام البرلومة .. دا عشان نفرزك من سهام الحاجة .. بت المجمر الفرز ضروري .. وديجانغو لا يفرز .. يورجغ في الجرائد ساي وسهام بت حجتي اتلومت معاهو .. ورجاغ حزب الموالة دا يقوم يدخلك في حزب الممالاة
Quote: والله قبل مااقرا كلام غيري كنت بيني وبين نفسي بقول انه دينا وقيقراوي واااااااحد هههه
الكلام دا بدينك يا زولة!
---------
اخير البطل كان كدي .. اتهمني في ديني ساااي
ياخي البخليني اكتب لي كلام باطل زي البتهببو دينا دا شنو انا!؟
لا عليك يا اخية .. آم جصت كدينغ
ما غريبة لكن الناس بنات افكارها تتشابه .. يخلق من الشبه اربعين خصوصاً لو كانت افكارم بنات حرام .. المافي شنو؟ المغتصب وااااحد ياخي!!
بعدين دينا دي تربطني بيها آصرة قرابة فكرية .. و وشيجة نسب نظرية هي بت دمي .. التي لم تلدها امي (ويا لخيبة املها فينا الجوز) او كما قال!
يدردقوهو كووويس يا امير وبعد يومين يجيك يقوليك والله يا تمبس قروشي كملت اسكريم واسكراتشات تلفونات بس
Post: #77 Title: Re: أسحب تضامني مع دينا خالد! Author: محمد عبد الماجد الصايم Date: 03-25-2013, 12:50 PM Parent: #74
أيوا .. محمد الصايم هو دينا خالد!! ودينا خالد هي محمد الصايم!!
أي استفسار؟
Post: #79 Title: Re: أسحب تضامني مع دينا خالد! Author: محمد عبد الماجد الصايم Date: 03-25-2013, 12:51 PM Parent: #77
النجيضة .. قدر ما حاولت أمشي قصة الباسبورت أبت تمشي ياخ دي كااااااااااااااااااااااااكـ عديل كـداا!!
إني هاو ..
Post: #80 Title: Re: أسحب تضامني مع دينا خالد! Author: محمد عبد الماجد الصايم Date: 03-25-2013, 12:52 PM Parent: #79
غايتو جنس غايتو!!
Post: #83 Title: Re: أسحب تضامني مع دينا خالد! Author: حافظ انقابو Date: 03-25-2013, 12:57 PM Parent: #80
ود الصايم
Quote: ياخ دي كااااااااااااااااااااااااكـ عديل كـداا!!
ياخ بطل حركات الجداد الالكتروني دي
Post: #85 Title: Re: أسحب تضامني مع دينا خالد! Author: داليا حافظ Date: 03-25-2013, 01:09 PM Parent: #83
Quote: لا يا دلوية ما حصرى انا مرة فى واحد من البوستات اضطريت لوضع (سورة الباسبورت ) ... لووووووب ..
وضاح يا عزيز بتكون عارف انو ابدا ما غاب على غرض البوست ولااااااا لوهلة ... لكن دلويه عزيزة علينا ... وقلنا بعض الدردقة فى بوستيها لا يضر ولا ينفع ولا يسمن من جوع ...
خسارة
Post: #86 Title: Re: أسحب تضامني مع دينا خالد! Author: محمد البشرى الخضر Date: 03-25-2013, 01:10 PM Parent: #83
سلامات داليا انا مابتفق معاكي انه دينا تعتذر او تكشف عن شخصيتها او اسمها الحقيقي ان كان ليها اسم او شخصيه اخرى غير البنعرفهم ........واي انسان يعتقد مايشاء زي ما انا شخصيا في التعليق الفوق ربطا بين دينا وقيقراوي................البينه على من ادعى البطل يثبت انه دينا هي هاله......اللغط حول شخصيات كثيره في المنبر موجود ......... يبقى نفرز عشان نعدل الموضوع هو رفض لما كتبه البطل من حيث المبدا بس هو ينسبها لهاله ودينا تعتذر يجي واحد تاني ينسبها لغير هاله وهي تعتذر وتاني وتاني وتاني.............الخ ما اعتقد انه الكلام كدا يكون منطقي .........
Post: #88 Title: Re: أسحب تضامني مع دينا خالد! Author: داليا حافظ Date: 03-25-2013, 01:21 PM Parent: #87
سهام ياختي ..
والله فترت من إصرار الناس على الشراب من لبن التور ..
و كمان في ناس عايزة تبستروا ..قود لك للجميع ..
واختلافك معاي ما بابهو أبدا ..
Post: #89 Title: Re: أسحب تضامني مع دينا خالد! Author: أمير محمد ادريس Date: 03-25-2013, 01:25 PM Parent: #87
يدردقوهو كووويس يا امير وبعد يومين يجيك يقوليك والله يا تمبس قروشي كملت اسكريم واسكراتشات تلفونات بس ----------
والله لكن يا تامبا حركتو ########ا على قول الفنان داك ،،ونحن ياخي هنا نشيل ونخت ونتضامن معاهو هنا وفي بوستيهو داك وهو كلمة( طلوح ) بس ادردق لما سأل ياخي
الرقيب شطب على كلمة ج ب ا ن ا
Post: #90 Title: Re: أسحب تضامني مع دينا خالد! Author: عمر الفاروق Date: 03-25-2013, 01:31 PM Parent: #89
عاد يا تيسير ما بسألك .. بتديني إحساس إنك عاملة ليك ألارم رابطاهو مع النت ..مننن يجيبو إسمك اللمبات الحمرا تنوور و واا ويي وااه وييي الصفارة تضرب .. أسة عليك الله لحقتي بتييين تقري وكمان تردي ..
Post: #92 Title: Re: أسحب تضامني مع دينا خالد! Author: محمد عبدالرحمن Date: 03-25-2013, 02:09 PM Parent: #90
اسى يادينا بوستى دا مانفعك ... الغريبة لما نزلت البوست دا فى الناس طلعونى من الملة ... مع انو انا ماعملت حاجة غير الكوبى والبست ...صاح غيرت فى العنوان لزوم الاثارة المنبرية ...لكن لى اجر المناولة فقط ...على الرغم من ذلك لم اسلم من (كلامات ) البعض ... خارج المنبر طبعا ....
Post: #93 Title: Re: أسحب تضامني مع دينا خالد! Author: Tragie Mustafa Date: 03-25-2013, 03:22 PM Parent: #92
داليا سلامات
وحقيقي البورد ده ما بتفات يا اخي ده اكبر مسرح درامي مكتوب.
وحياة خوتكم مافي شي مطول عمرنا غير هذا المنبر الذي رغم انه ضقنا فيه الويل لكنه اكثر مكان مضحك.
عارفه يا داليا فكرة بوستك واضحه وبنت ناس الا رجال البورد الله يديهم العافيه ما يشفوا لهم اسم مره طاير الا العميان شايل المكسر يجيء يفتي.بالبعرفه و بالما بعرفه.
البنت دندون الشقيه دي خليها ساي انا فرحانه من قدراتها لانها قادره ترقص رجال البورد على الوحده و النص بمزاج ومشيله ثلاثه ارباع البورد القفف!
اديك مثال انا مره اتشوبر المدعو عمر صديق وقال انه الطيب رحمه قريمان لاحظي ده راجل يمشي في الاسواق ويزور الناس يعني مرة علينا بوستات مثل تعازيكم في والدة الطيب رحمه ....و الطيب رحمه مع بورداب جده ....والخ!
يجيك زول ما يقدر ينكر هويته ولكن يقول لك بيسلف باس ورده لتراجي مصطفى! الطيب (حزب امه) لاحظي يعني ينتمي لليمين الديني وتراجي مصطفى (علمانيه) فهل ممكن يكون في اي اتساق ,ذاته في شكل المداخلات!
فما كان مني فعلا(وكنت وقتها في موقع دينا خالد) و الظلم الاتوجه ل(هاله عبد الحليم) الا اني استلمت البوست وقعدته اردح لعمر صديق مع انه (الضحيه الحقيقيه) ( الطيب رحمه قريمان) ولا هبب لهم وربما لم يلمح البوست اصلا!
فالخلاصه انه (دينا خالد) كان ملزمه ان تنفي اي علاقة لها ب( هاله عبد الحليم).
واكثر ما اضحكني هو اقحام (اعضاء الخضر) تبارك وقيقراوي لاسم آمنه مختار مع انه معروف للجميع انه لم يربط اي مطروش في راسه ده بين آمنه مخار و دينا خالد الا(جوز اللوز) هؤلاء! غايتو انا لو مكان آمنه مختار بفصلهم الاثنين(لانعدام الاهليه) يعني حد ادني من الاهليه ما عندهم هههههههههههههه! معقوله بس يا قيقا يا اخي و لا العجب تبارك الراميه جمل!!
ل(هاله عبد الحليم) (حزب حقيقي) صحيح انه صغير ولكن مشكلة ميلاده كونه انشقاق من الشيوعي جعله اكثر من يواجه اعداء خطرين من مستوي(د.حسن موسي) وانت طالع!
بينما حزب آمنه مختار حزب حديث ولم ينشق من اي جهة بل اعتبر ميلاده صحيح لانه لم ينافس اي طرح سابق فهو حزب تخصص في البيئه لذا حقيقية وجد كل دعم ومسانده من القوي التقدميه بالذات المقيمين في الغرب و المدركين لقيمة مواضيع البيئه! لكنه واجه تحديات آخيرا من قبل الانتهازيه الغربوا في تطوير مسيرته,فبدأت قصص الانشقاقات الاميبيه!
هاله عبدالحليم تمكل اسم هنا وهو(هميمه) وموجد ومفعل ولكنها احجمت عن استغلاله وبعتقد من نصحها بذلك فقد اضرها فقد كانت لها فرصة تقديم نمط حديث للقيادات الحزبيه بتواصالها الجماهيري. لكنها وصاية (الرجال) على هاله و خاصه ناس المدارس القديمه و التقليديه خاصه من المؤسسين لحق.
اعلم انه هاله لم تهمل الانترنت وهي فاعله ومستخدمه له ولها صفحتها في الفيس بوك وغيره ولكن اهملها للكتابه بهذا الموقع باسمها الحقيقي(ضربه غير موفقه) لن تعرف خطأها الا لاحقا.
قد تتوهم هاله انه صلاتها بكبار الساسه السودانين كفايه ويخفي عليها انه التواصل الجماهيري العادي ده اهم من كل حاجه. وانه (اوباما) لما هزم (هيلاري كلينتون) كان لانه استخدم الانرتنت بطريقه اكثر حداثه في حملته الانتخابيه.
تحياتي ويا رجال البورد بريوتنا بري الله يسامحكم.
الخلاصه سحبك للتضامن في محله(وجه غامز لدينا خالد)! من تستحق التضامن هي هاله عبد الحليم.
وضحكتني حكاية خمسينيات دي ولقيت تعليق ظريف من ناس الفيس بوك تحت عليكم الله طالعهوا.
Quote: واكثر ما اضحكني هو اقحام (اعضاء الخضر) تبارك وقيقراوي لاسم آمنه مختار مع انه معروف للجميع انه لم يربط اي مطروش في راسه ده بين آمنه مخار و دينا خالد الا(جوز اللوز) هؤلاء! غايتو انا لو مكان آمنه مختار بفصلهم الاثنين(لانعدام الاهليه) يعني حد ادني من الاهليه ما عندهم هههههههههههههه! معقوله بس يا قيقا يا اخي و لا العجب تبارك الراميه جمل!!
قيقا تطير عيشتو انا اسوي شنو عاد؟
الريس قال هي ما هالة .. هي امنة مختار .. تيييييييييت باريتو ليك طوالي المافي شنو؟
تغالط عجبتنى فى البوست داك يا تبارك وقلته اجى احشره هنا.
Post: #95 Title: Re: أسحب تضامني مع دينا خالد! Author: كمال سالم Date: 03-25-2013, 03:39 PM Parent: #92
وهنا فى هذا المكان تبقى دينا خالد هى دينا خالد . حتى لو إتهموها بأنها (ساندرا بولك ) وطلع الإتهام صحيح فإننا لن نرضى بغير دينا خالد صاحبة العباره الجزله والدم الخفيف . تصدق ياقيقا أنا لو خيرت ما بين لقاء هالى بيرى وأنجلينا جولى وكمرون دياز ونجوى كرم ,, وفى المقابل دينا خالد لأخترت مقابلة دينا ! مابين دينا خالد ومعظم أعضاء المنبر بل وقراء المنبر شئ يصعب وصفه ! دينا خالد بإسلوبها وظرافتها وذكاءها وأحيانا دهاءها , إستطاعت أن تصنع لإسمها وشخصيتها مجدا إسفيريا سيظل راسخا فى الأذهان والعقول أبد الدهر . ومهما حاول الكثيرين من أصحاب الفضول الذين إستعصت عليهم معرفة شخصيتها عن قرب وطفقوا يتحينوا الفرص للنيل منها , فإنهم لن يفلحوا ,, وستبقى دينا خالد هى دينا خالد . معبودة الجماهير . سلام ياداليا حافظ ,
Post: #97 Title: Re: أسحب تضامني مع دينا خالد! Author: سامى عبد المطلب Date: 03-25-2013, 03:53 PM Parent: #95
Quote: وهنا فى هذا المكان تبقى دينا خالد هى دينا خالد . حتى لو إتهموها بأنها (ساندرا بولك ) وطلع الإتهام صحيح فإننا لن نرضى بغير دينا خالد صاحبة العباره الجزله والدم الخفيف . تصدق ياقيقا أنا لو خيرت ما بين لقاء هالى بيرى وأنجلينا جولى وكمرون دياز ونجوى كرم ,, وفى المقابل دينا خالد لأخترت مقابلة دينا ! مابين دينا خالد ومعظم أعضاء المنبر بل وقراء المنبر شئ يصعب وصفه ! دينا خالد بإسلوبها وظرافتها وذكاءها وأحيانا دهاءها , إستطاعت أن تصنع لإسمها وشخصيتها مجدا إسفيريا سيظل راسخا فى الأذهان والعقول أبد الدهر . ومهما حاول الكثيرين من أصحاب الفضول الذين إستعصت عليهم معرفة شخصيتها عن قرب وطفقوا يتحينوا الفرص للنيل منها , فإنهم لن يفلحوا ,, وستبقى دينا خالد هى دينا خالد . معبودة الجماهير . سلام ياداليا حافظ ,
Like
Post: #98 Title: Re: أسحب تضامني مع دينا خالد! Author: Tragie Mustafa Date: 03-25-2013, 03:54 PM Parent: #95
كمال سالم
يا ملك مشتاقين
واولا وقبال اي حاجه
وحياة حازم وسند
قبل شويه انا قلت يا اخي نفسي افتح بوست عن كمال سالم عارف ليه لانك رجل ما ساهل ولاني للان متذكره لقاءك التفلزيوني القوي الذي تم بعد مقتل د.خليل ابراهيم في تلفزوين الجزيره!(علي ما اعتقد) طيب بعيد عن المحبه و التقدير الانت عارفه مش لشفصك بس ولا ل(حركة حق) الانت فيها احد اعمدتها.
عارف يا كيموا ف يحتات كده قاعدين تقدسوا كلكم.
طيب انا بتفق معاك انه دينا خالد فاكة البورد لكن وحياة خوتك برضو بحملك كامل المسؤليه عن كل هذه (الدغمسه) الحاصله! وانك شخصيا متورط فيها لشوشتك وكأنكم لا تعرفون ن الكتابه مسؤليه كبيره:
Quote: وهنا فى هذا المكان تبقى دينا خالد هى دينا خالد . حتى لو إتهموها بأنها (ساندرا بولك ) وطلع الإتهام صحيح فإننا لن نرضى بغير دينا خالد صاحبة العباره الجزله والدم الخفيف . تصدق ياقيقا أنا لو خيرت ما بين لقاء هالى بيرى وأنجلينا جولى وكمرون دياز ونجوى كرم ,, وفى المقابل دينا خالد لأخترت مقابلة دينا ! مابين دينا خالد ومعظم أعضاء المنبر بل وقراء المنبر شئ يصعب وصفه ! دينا خالد بإسلوبها وظرافتها وذكاءها وأحيانا دهاءها , إستطاعت أن تصنع لإسمها وشخصيتها مجدا إسفيريا سيظل راسخا فى الأذهان والعقول أبد الدهر . ومهما حاول الكثيرين من أصحاب الفضول الذين إستعصت عليهم معرفة شخصيتها عن قرب وطفقوا يتحينوا الفرص للنيل منها , فإنهم لن يفلحوا ,, وستبقى دينا خالد هى دينا خالد . معبودة الجماهير . سلام ياداليا حافظ ,
يا يكمو الكلام ده ما بقي هظار
وصدقني وعاشن محبه حقيقه لناس حق انا بقول لك الحكايه دي ما بقت هظار ويوما ما حتندموا كلكم يامن تحتفلون بمنجزات دينا خالد!
الموضوع انه الناس يتفرض ما جايه هنا تطق الحنك ولا جايه تحيد الشعب من اليكزان وبس ولو باسماء وهميه ولا تتوهموا انه دينا خالد قاعده تبث قيم الوعي و الاستناره باسلوبها الفكه!
ضروري جدا ان يعرف ابناء الشعب و بناته المغلوبين على امرهم انه في نساء ورجال قادرين على قول الحق باسمائهم الحقيقه!
ودكي ايديني مسانجر عايزاك في امر اخر وماسنجري ما بيشمي بيستقبل بس تحياتي.
Post: #99 Title: Re: أسحب تضامني مع دينا خالد! Author: حيدر حسن ميرغني Date: 03-25-2013, 05:39 PM Parent: #98
اها ياتراجي انا وكيمو في سرج واحد دينا دي ملك عام
- قالوا Kajol جميلة السينما الهندية لما عرسوها المحبين طلعوا مظاهرات
Post: #100 Title: Re: أسحب تضامني مع دينا خالد! Author: Tragie Mustafa Date: 03-25-2013, 05:42 PM Parent: #99
اها يا حيدر
Quote: قالوا Kajol جميلة السينما الهندية لما عرسوها المحبين طلعوا مظاهرات
ان شاء الله انتو هنا برضوا تطلعوا مظاهرات قريب هههههههههههه!
Post: #101 Title: Re: أسحب تضامني مع دينا خالد! Author: سارة علي Date: 03-25-2013, 05:51 PM Parent: #100
سلامات يا داليا..
يا تايسا.. كامل التضامن معاك.. بس تتخيلي ما قادرة افهم القصة شنو؟؟ لمن يطلع كم بوست بنفس الموضوع بجلي فكرة القراية طوالي :) خليني اعمل قوقلة واجي اكمل باقي التضامن الفضل لي دا
طلحة خجلت ليك..
شدّو الفاروق الزم الجابرة وما تنفعل :) بالمناسبة وووووين اساسي؟
سلامات يا داليا.... كويس ان دينا خالد فهمت ان قصدك شريف.
انا حياتى كلها فى البورد ده فاكرة ان دينا خالد هى دينا فيصل الزمان ديك. و اسم تانى كده راح لى الان. على العموم دينا دى زولة سكرة و لماحة و روحها حلوة, و البورد من غيرها ما عندو طعم. ____________________ مستحيل دينا تكون هى عمر الفاروق. عمر مرات بيغالط غلاط(بيزنطى) و دينا ما عندها الحركة دة نهايى. ما تزعل منى يا عمر يا اخى...
الابن الثالث رواية، بى اختصار شديد بتحكى عن تؤام متشابه لدرجة مبالغ فيها. ذهبوا للجبهة للقتال، مات أحدهم، و جاء الخبر للأسرة (ابنكم توفى و سيصل الجثمان قريباً). عند وصول الجثمان، ما كان فيه اسم و احتارت الأسرة فى الدفن و شهادة الوفاة و حتى فى العزاء و البكاء على الفقيد. و انتظرت الأسرة على أحر من جمر عودة الابن لتعرف منه من هو!! قرر الابن أللا يدع الأسرة تعرف من هو، كى لا تفرح بعودته و تحزن على موت شقيقه، و أصبح يعيش الشخصيتان فى آن واحد (الأكل، العادات، الملابس، الغرف، الأصدقاء، حتى التعامل بحياد مع خطيبته و خطيبة أخيه)... فأصبح ابن ثالث للأسرة، كى لا تفرح و لا تحزن و تبدأ بداية جديدة...
بالنسبة لى دينا خالد (حتى لو فرضنا إنها عمرو أو زيد) فقد أصبحت لها شخصية منبرية مميزة، لا تكافئ شخصيتها الحقيقية باى حال. و عليه يجب أن تظل كما هى. و بعدين لماذا تكشف الأنثى فى هذا الظلام عن نفسها؟ !! حتى يأتى أحدهم ذى البطل (يكتب تاريخ الأسرة و المدينة و العمل فى ردحى كريه لا يراعى قيم و لا اخلاق و فى الجرايد كمان!! ما فى داعى..
تخيل زول ذى البطل (كاتب، مثقف، و كبير "يعنى ما مراهق" بعمل كدة فما بالك بما دون ذلك).. حقو أى أخت هنا بعد أن تُعرف نفسها لبكرى، يجب أن يسمح لها بالاسم المستعار، طالما كانت تحافظ على القوانين و لا تسب الآخرين... مش الناس دايرة الأفكار، لا الصورة ولا الأسرة و لا الحاجات التانية؟؟ ربما كنت أنا من هولاء و لا أهتم بعد ذلك..
-----------------------------------------------
ملاحظة يا دينا: ما فى زول فى البوست ده قال أنا لاقيت أو أتصلت بى دينا و هى زعلانه من الكلام الفاضى ده و لا أى حاجة من هذا القبيل (وين الأصحاب الحقيقين؟؟)... Who cares?? For me personally I DON'T
تحياتى للجميع
Post: #105 Title: Re: أسحب تضامني مع دينا خالد! Author: محمد محمود محمد Date: 03-25-2013, 08:00 PM Parent: #98
ا[ستاذة تراجي مصطفى____
Quote: ضروري جدا ان يعرف ابناء الشعب و بناته المغلوبين على امرهم انه في نساء ورجال قادرين على قول الحق باسمائهم الحقيقه!
____ يسلم لسانك... تداخلت مرة واحدة مع دينا خالد وذكرت معلومة مبذولة في الصحف من قبل ظهور النت..دخل ملاسي ..واساء لي اساءات بالغة ..اعتذرت لدينا عن أيراد المعلومة .. رجعت بعد داك تتريق و تجامل ملاسي ...طلب منها الأخ معاوية الزبير الأعتذار ..فقالت...
Quote: تااااااااااااح جا زولك دا قال المعلومة دى غلط
Quote: طوااااالى بتخلى الله دا بى وراك ! وحتى لو قال لى تقرا بجهل فهو لم يتجنى عليه فالرجل حقيقة افتى بجهل فى معلومة ممكن زول يوم يجى يقوقل بعد 20 سنة تطلع ليه معلومة غلط .... ذى ما عمل هو هسه قوقل طلعت ليه معلومة وجدى الخطأ .... لحد هسه ملاسى دا ماشى ذى الورد .... لما جابو اسم وجدى اها ملاسى عابو اكت[/QUOTE__ لحدي ما قريت البوست ده ..ماكنت مفتكر دينا خالد ..شخصية وهمية ..وحقيقة ..مارديت علي تجاوزها معاي باعتبارها فتاة سودانية ..وعيب الواحد يظهر في شكل الراجل ال (بيطوّل لسانو ) علي البنات في رأيي طالما اصبح التسجيل في المنبر بالأوراق الرسمية ..يجب تفعيل القرار ده بأثر رجعي ..على كل الأعضاء غير المعروفة شخصياتهم ..حتى يتحمّل كل واحد نتيجة كلامو و فِعلو..
Post: #107 Title: Re: أسحب تضامني مع دينا خالد! Author: Ahmed musa Date: 03-25-2013, 08:41 PM Parent: #105
انا بصراحة لمن قريت المقال كنت قايله قاصد آمنة مختار ... واتفاجأت بانه المقصودة دينا خالد .. ماعارف من وين دينا نفسها زي الوقعت في الشرك ده او في زول وقع وجاب اقتباس ليها رد للبطل مافي زول يقول لي جيبوه ما بجيبوه ...مابعرف افتش داليا حافظ ...إنتي زولة ذكيه كعادتك ...
Post: #108 Title: Re: أسحب تضامني مع دينا خالد! Author: عبد الصمد محمد Date: 03-25-2013, 09:59 PM Parent: #107
الشيئ البزعل الواحد انه لمن تنتقد جماعة كدا يجوا يقول ليك نحن ما شفناك وانت اكيد ما انت انت هشام هناني أو فلان وعلان اما لما يجي الموضوع علي زول من ناسهم وونساتهم الحكاية ببقي عندها منطق تاني مع اني كاتب معلوماتي الحقيقية كلها في البروفايل بس ما عندي صورة حلوة معلقها
Post: #109 Title: Re: أسحب تضامني مع دينا خالد! Author: كمال سالم Date: 03-25-2013, 10:08 PM Parent: #107
Quote: طيب بعيد عن المحبه و التقدير الانت عارفه مش لشفصك بس ولا ل(حركة حق) الانت فيها احد اعمدتها
كتر خيرك ياتراجى على الكلام الجميل القلتيه فى حقى ده ,, وبرضو والله ليك منى من المعزه أضعاف . لكن يا تراجى معلومتك غلط . فأعضاء حق كلهم أصدقائى وأعتز جدا بصداقتهم ولكنى لست عضوا فى حركة حق ولم أنتمى لها من قبل مع إحترامى الكبير للحركه بالطبع . ودينا خالد مثل ماهى بارعه فى الكتابه الهازله لكنها أبرع فى الكتابات الجاده والهادفه ودونك الإرشيف لمعرفة تلك الحقيقه . كما إنها من القلايل هنا الذبن أسسوا لمدرسة طرح المواضيع الهامه فى قالب كوميدى خفيف وظريف حتى تكون المشاركه متاحه للجميع ,, جادين وضحكونجيه . وأنا متأكد تماما يا تراجى إن رأئك فى دينا خالد إيجابى .. ولكن ربما يكون رأئك السلبى فينا نحن الرهط الذين نتواجد فى بوستاتها دوما ,,, نعمل شنو ياتراجى ف دينا أحرف من يشتت السكر ؟! عموما فسيرة دينا خالد مليانه بالحكى والحكاوى ولقد أصبحت رقما صعب فى هذا الموقع سيظل مثبرا للجدل . ليك منى عاطر التحايا وكثير من التقدير والإحترام وتحياتى لحازم وسند . تلفونى 0097455901792
Post: #110 Title: Re: أسحب تضامني مع دينا خالد! Author: جدو Date: 03-26-2013, 02:21 AM Parent: #109
Quote: قيقا تطير عيشتو انا اسوي شنو عاد؟
الريس قال هي ما هالة .. هي امنة مختار .. تيييييييييت باريتو ليك طوالي
غايتو يا قيقا كتاباتك اللذيذة ديك كوم وجملتك دي كوم تاني..
لقد صنعت يومي يا أخا العرب الله يديك العافية..
تحياتي لأختنا داليا وضيوفها الكرام
Post: #111 Title: Re: أسحب تضامني مع دينا خالد! Author: Aymen Tabir Date: 03-26-2013, 03:04 AM Parent: #110
Quote: والله فترت من إصرار الناس على الشراب من لبن التور ..
و كمان في ناس عايزة تبستروا ..قود لك للجميع ..
يا داليا احيك والله ... من زمن طويل ما لقيت اي زول عنده قدره يفسر حاجات كتيره ملخبطه بعباره واحده .. عجبتني سلام ليك ولدينا ولكل الضيوف وتقدير للاستاذه/هاله عبد الحليم ــــــــــ تابر
Post: #112 Title: Re: أسحب تضامني مع دينا خالد! Author: عمر الفاروق Date: 03-26-2013, 06:26 AM Parent: #111
سارة الضارة :)
Quote: شدّو الفاروق الزم الجابرة وما تنفعل :)
شكلك من هتيفة مكتب شدّو نحن نقدّو .. لكن باي ذا واي ويا قول المثقفين في جملة كده شنو كده لا أدعيه مع شنو كده لا أنفيه .. والله تطلع هالة حليم تطلع هالة ضوئية تطلع دينا خالد تطلع دينا الرقاصة ما هيمناااش يا قول المصريين.. كلكم يا سارة عرفناكم هنا ما أييي حتى تانية وعليه ح نتعامل معاكم على أساس ما شوفناهو منكم هنا لا على أساس ما قد نسمعو عنكم والكلام ه يشمل الرجال والنسوان الشباب والشابات .. بالمناسبة انا عمر الفاروق ده لو يوما ما وخلينا نقول لو بعد جغلومية سنة ونيف جا اتفتح بوست بتاع وأخيييراً وبالصوور أثبتنا لكم دينا هي هالة فده ما ح يعنيني في شي انا لي بي الزولة اللذيذة وروحا حلوة الهنا دي زيها زي ناس كتااار هنا ما كنت بعرفهم الا عن طريق إنهم أسماء ونيك نيمز ومستمتتع جددداً للتعامل معاهم .. ويا قول النكتة الما بقدر احكيها هنا ومن ارادها عليه ان يترك رقمه الهاتفي عشان ارسلا ليهو في المسنجر
Post: #113 Title: Re: أسحب تضامني مع دينا خالد! Author: عمر الفاروق Date: 03-26-2013, 06:29 AM Parent: #112
إسمارت يا إنتي.. هي دينا تطول ويقولوا ليها إنتي عمر!!!؟؟ ياخ انا ما بستبعد تكون اليوم السمعت فيهو الكلام ده ترختو وكتبتو في دولابا عشان يكون ذكرى سنوية تحتفل بيهو .. إنتو قايلني هيين ولا هيين..يعني عشان قاعد اتواضع ليكم هنا واجي اكتب معاكم؟؟ أستاااهل لكن
Post: #114 Title: Re: أسحب تضامني مع دينا خالد! Author: Yassir Tayfour Date: 03-26-2013, 09:08 AM Parent: #113
أنا عملت لايِك لـ Tondy Khair لأنها رفعتني درجة على فايزودالقاضي، عليه اللعنة، ووضعتني في مستوى واحد مع صديقتي "الخمسينية" دينا خالد، عليها لعنة موسى والبطل وأصحابه ؛) ___ يا تراجي معقولة الخضراب ديل ما عارفين عمر مرشدتهم، البطل يقول خمسينية، يقولوا دي آمنة مختار ؛)، الله ستّر السيِّد الرئيس تبارك ما طلّع بيان يستنكر فيه استهداف البطل للحزب ؛)
Post: #115 Title: Re: أسحب تضامني مع دينا خالد! Author: قيقراوي Date: 03-26-2013, 10:01 AM Parent: #114
Quote: يا تراجي معقولة الخضراب ديل ما عارفين عمر مرشدتهم، البطل يقول خمسينية، يقولوا دي آمنة مختار ؛)، الله ستّر السيِّد الرئيس تبارك ما طلّع بيان يستنكر فيه استهداف البطل للحزب ؛)
الاعمار بيد الله
يازول في السلفية الخضراء، لا يجوز الخروج على الريس .. الريس قال نبل امنة يعني نبل امنة .. لمن تبقى هي الريس .. نبل طبارك كمان المافي شنو!؟
--------
البطل منافق وكذاب اشر .. صدق في شنو عشان يصدق في دي!؟
وما بعرف يحسب ذاتو
كيف زولة عمرها 21 سنة تكون حفيدة ستيني!؟ حساب ول كوار هو
جايين ساكين لينا كيس انحنا هنا؟
شكراً يا جدو يا معجب (انت ترتيبك الكم في الـ200 القالم ملاسي (صاحب البطل)؟)
Quote: العزيزة الما بتسأل عن ظروفنا الوحيدة الطال عشان جيتك وقوفنا ... العزيييييزة ... دلويا ... اتفهم جدا خوفك على من يصيبهم رزازى كما عبرتى ... اولا وخلينا نضحك .. بوستيك دا ذكرنى طبقنا طبق طبقكم يقدر طبقكم يطبق طبقنا ذى ما طبقنا طبق طبكم ؟؟ ويقولوا ليك ياللا قولا عشرة مرات !!! قبل كدا قالوا انا حسين ملاسى ... وقربت انتحر ... قالوا انا عمر الفاروق ... فقررت التوقف عن الكتابة .. قالوا لالالا انا قيقرواى تصدقى؟ اى والله قيقا الوااااحد دا ...!! قالوا انا حميدة .. ففرحت .. لوووووب . ما فضل ليهم الاياتونى بالضربة القاضية (ودى اخت ود القاضى) ويقولوا انا ود الصايم او تراجى ... يعنى كان لازم على اقيف فى ناصية المنبر واحمل علم والوح به للنفى على الترهات ؟ .. وكدا ح القى سحابة يومى ساحت شووووووو مش انقضت بين المنابر ....
ظنى أن دينا خالد وهالة عبد الحليم كلتاهما حقوقيتان. هالة برآستها لحزب حق وبتخصصها الأكاديمى كقانونية يؤكد قدراتها العالية فى الكتابة والتعبير . ومما قرأت لدينا بهذا المنبر فهو بيان بالعمل على أنها لها هذه القدرات وعلى قدر عال من الذكاء. بمعنى أى منهما يمكن أن تكتب كلام من صياغه العام يفهم منه القراء شيئاً هى صادقة فيه ولكنه ليس كل الحقيقة، أى الإلتفاف وتجنب الإجابة المباشرة على السؤال. ولو ثبتت وعرفت المعلومة المخفية فما كتبت أو شهد ت به لا يعرضها للمسآلة فهى صدقت ولم تكذب فيما قالته من نصف الحقيقة (ما بتمسك عليها شئ). إذا فرضنا أن دينا هى هالة فكلامها المقتبس ينطبق عليه ما وصفت .. ففى ظاهره تنفى أنها هالة،، وفى تمعن مضمونه لم تشر لهالة صراحة. فكلامها حمال أوجه. ولو بكرة ثبت إنها هالة فهى ما زالت صادقة . طبعاً لو دينا هى دينا وليست هالة فالكلام ماشى وإفادة ليس فيها زوغان، لكنها تترك الموضوع معلق فى مواصلة ناس المنبر يتسآلوا هل دينا هى هالة.
أنا عموماً غير مواظب على المنبر، ولست ممن أسميهم مراقبى البورد الذين بفلفلون كل البوستات. وأقرأ لدينا أحياناً عندم تجذبنى عناوين بوستاتها وأكيد فى عجالة مرورى بالبورد فوت الكثير من بوستاتها الجيدة. المهتمون بمعرفة من هى دينا ، لم يحاولوا الربط بين نشاط وأخبار هالة عبد الحليم، مثلاً محتجزة أو خارج السودان وربطه بمدى تفاعل دينا فى المنبر أثناء تلك الفترات. مثلاً هالة عبد الحليم فى أول أسبوع فى يناير كانت فى كمبالا شاركت ووقعت على إتفاقية الفجر الجديد، هل كانت دينا آنذاك نشطة بالبورد، وما نوعه إن وجد مداخلة صغيرة عابرة أم متحكرة وفاتحة بوست وتقضى وقتاً طويلاً بالبورد؟ بعد كمبالا هالة عبد الحليم لم ترجع السودان وأظنها ما زالت خارجه. كيف نشاط دينا فى هذه الفترة بالبورد، وما نوعية البوستات التى تفتحها؟ هل منها بوستات تشير إلى أنها بالسودان، وأنها قرأت جرايد السودان فى الصباح الباكر ولقطت خبراً مثيراً وقامت بمعالجته فى المنبر بطريقتها اللماحة الذكية؟ أم أنها بالخارج بمصر مثلاً ولذك كتبت عن (مثلية أم كلثوم) ، وهل هالة عبد الحليم بمصر؟ ... رابطة أصدقاء دينا خالد بالمنبر موجهة لهم هذه الأسئلة. (برضو راقبوا لو على غير عادتها فى الفترة الأخيرة جاءتكم بموضوع يثبت أو يوهم أنها بالخرطوم) .. !!
وعندى ملاحظة أخرى ممكن أشارك ناس البورد فيها لو فى ناس من أصحاب الفراسة وناس الفنون التشكيلية مشاركين بهذا البوست لأخذ وجهة نظرهم فيها !!!
Post: #117 Title: Re: أسحب تضامني مع دينا خالد! Author: Balla Musa Date: 03-26-2013, 01:47 PM Parent: #116
ما كان يرفع معنوياتنا ساي يقول علينا شفع؟ المافي شنو ,, ما حلااااااتنا؟ يا دوب 2 نهلة بس الزول دا يكون بخاف من الموت وهو في خطراتو؟ المافي شنو؟ مش امن مكر الله ,, واتخذ لديه عهداً ,, وعامل فيها حاجز في الجنة لوج ,, ول الفصاحة فوق ام كم؟
يلا تمنى الموت لو كنت صادق المافي شنو؟ تحسبو لعب ساي انت ول كيف؟
Quote: بتكون والله اعلم ياها الوحيده الصاحبتك فيهن يا كوستاوي
طبعا... هو نحن بنصاحب من طرف ساكت?
المهم (ما حقت قائد الخدر) أعرف دينا معرفة شخصية و أنا متكيف جدا و في يدي الجوكر
يا بكري أجدع البوست دا للربع الخالي...أقصد الجاي _____________________________________________ أنا محلف كتاب. مافي زول يضرب تلفون ولا أي وسيلة أخرى المفتاح مجدوع في البحرسطي..lol
Quote: العزيزة تايسا .. العنوان بتاعك مفروض يكون :: دينا خالد تيسير عووضة او البنات الضالة . على وزن الكلاب الضالة .. لووووووب انتى لسه العناوين دى ما عرفتى ليها ؟؟ اها قالوا البت النهشتيها فى البوست داك ماتت !!! شوف عييينو اساسى .. قاعد جنب الحرم الممسوخ ما بكضب !
طيب . ممكن اشارك ؟؟ اولا فى استفزاز شديد من جانب الناس الما بعرفونا عشان يشوفونا بفتكروا انو هم لو قرروا يشوفو زول لازم يشوفوا !! اهابحصل الاستفزاز والذى يرقى الى مرحلة الابتزاز احيانا عشان تنزلى صورتك وتمشى الاجتماعات وكدا ..
اظرررف حاجه انو القصة دى بتحصل من اقرب الناس عرفة ليك ، وانا من عادتى بعاين للنص المليان من الكاس بقول لانهم بيغيروا و عايزين يضللوا الناس .
اها البنات بفتكرن انو المكنه دى ممكن تكون ليهن دفاع فى ما يتعرضن ليه من النقاش الواحده تقول ليك انت ولد فى تبرير لهزيمة داخلية لانو لو اتت الهزيمة من رجل فهى الشهاده ليك بانك بت مهضومة الحقوق ..
اجيك من الاخر كدا الموضوع دا مييت ما تشتغلى بيه .. وماتتعرضى فيه لاى ابتزاز .. ومافى شخص فى الدنيا انا ما دايره اعرفو بخلينى اعرفوا مرة كنت ماشة مناسبة كدا فى زول منننن ناس البورد ديل حلفنى حليفة شديده انى ما امشى لانو اجمممل حاجه فيك الاشاعة دى .. خليك بدون .. بينى وبينك كدا القصة اكثر جاذبية .. لو اتعرف نوعنا كرتنا بتحرق .. اها انتى قصتك دى اول مرة اسمعها قايلاك كنت بت حقيقية .. لوووول
بايى ذا وايى ... الفرق شنو بين البت والولد لما يكون القصة كلام ْْفى كلام ؟؟
تاني تجوا المولد? يلا بلا لمة معاكم
Post: #126 Title: Re: أسحب تضامني مع دينا خالد! Author: Siham Elmugammar Date: 03-27-2013, 00:14 AM Parent: #125
"انقري (صاحب البطل) الاتهمني انب بكتب بمعرف دينا خالد دا منو؟" سجمى هى حصلت.... قلت لى صاحبى؟؟ اجدع الاسم خلينا نكسروا ليك ختا اصحابى فى اصحابى ما بنقبلوا بس فى ما اصحابى بنقبلوا (وهذا كيتا فى ودالبشرى لانو طلع زيتنا باللاتساق والايام دى مصاحب محمد اى سليمان لمزيد من التأهيل بعد شوية ممكن نلقى الارشيف فى الربع والربع فى الارشيف)
المنبر ده علمنا القطيعة يا قيقا ياخ ونحن ناس اولاد حجة
أها دندن قالت ليكم بوستكم دا أعجنوه و أشربوا كسرتو.... بس يا دن نادر الفضلى دا قريبي و ما برضى فيه....سمح!
Quote: غايتو لقيت ليك اكتتتتر زول تعبان يا كوستاوى هو نادر الفضل .. وقال شنو هو غير مواظب !! طيب لو واظبت تعمل شنو ؟ وانت من زمن الجرايد بقروها ناس الخرطوم حولااااااااااا يعنى هسه الشامى الحبر قاعد فى الخرطوم.؟ داير الجد؟ اى بوست انا كتبتو من الجرايد كنت برا الخرطوم ودا طبعا لمزيد من التضليل انت قايل انا زوله ساى؟ غايتو وبصراحة البوست بقا لا يستحق التعليق فيه .. اها العفو والعافيه شايفة فى ناس كتاااااااار جابهم البوست .. لوووووووب
شكراً يا كوستاوى ما بتقصر يا قريبى، وكويس نبهتنى (بطريقة ذكية) لمداخلة دينا .. وبما إنك زول مواظب أحول ليك أسئلتى عن نشاط دينا المنبرى أيام محادثات الفجر الجديد وأخباره بالمنبر ...
يا دينا أنا قلت الجرايد فى (الصباح الباكر) لأنه النسخ الألكترونية بتحدث فى الغالب مـتأخر شوية أثناء النهار، وما لقيتى غير دى تمسكى فيها .. صحى محامية شاطرة زى هالة عبد الحليم تكونوا تومات ونحنا ما عارفين. وأنا لو كنت مواظب على المنبر وشايل هم دينا هى هالة أم لا. ما كنت حأقترح كيفيه التقصى عنك، بل كنت بكون راصد. ياخ أنا عضو فى المنبر وأول مره أعرف فى تشكييك حول شخصيتك من صديق غير عضو وقال لى دينا خالد دا راجل ولما إستغربت كلامه قال لى مكتوب فى المنبر .. قلت ليهو فى حاجات بتخلينى أوكد أنها إمرأة، ما قصر واصل تنويره .. وبقولوا إنها هالة عبد الحليم !! طلعنى ليك داكى حصص ومحاضرات كتيرة بالمنبر.
دا لا يمنع أنه عندما قرأت بالبورد أخبار الفجر الجديد بكمبالا وصور الفيديو ومنها مشاركة هالة عبد الحليم ، قفز لذهنى وين دينا خالد ؟ المهم هسة إنت وين بالقاهرة مع هالة؟
وبالمناسبة أذكر أيام كنت مشارك فى بوستك بتاع حقوق الأنسان والعقوبات على السودان، كنت بطالعه بالمكتب، جاء زميلى بالعمل هندى وأشر لصورة بروفايلك وتسآل مستغرباً لوجودها فى منتدى سودانى، قلت ليهو دى دينا سودانية، وممكن تركب أى صورة فى بروفايلها.، وكان أول مرة أعرف أن الصورة لممثلة هندية شهيرة، أدانى لنك فيه معلومات عنها وصورها .. طبعاً بعدها لاحظت إنك متسقة فى أن صور بروفايلك حكراً لهذه الممثلة الحسناء .. ما عارف السر شنو . لموهبتها أو لفيلم معين أم لجمالها أو مواقفها؟ هل فتحتى بوست عنها ؟ و لو جابو رسام متخصص فى رسم الشخصيات معتمد على وصف الشهود لملامح الشخصية . ولو فى حياته ما شاف زولتك الهندية ولا شاف هالة عبد الحليم أو صورها ، ووصفوا ليهو هالة فمن المحتمل يرسم صورة فيها ملامح شبه من صورة بروفايلك الهندية. ! .. ولنحتكم هنا لناس الفراسة وللرساميين المتخصصين بالمنبر! (إتقوا فراسة المؤمن) .. رأيك شنو يا هال .. يا دينا .. ننزل صور للمقارنة ؟ (وما تزوغى بالدوهات نوع ... قال شنو ما مواظب يا كوستاوى)
طيب يا قريبي ما دام الحاجات جابت ليها هنود و سبنا حبيبتي كدي أسأل لينا جانوار صاحبك دا خلي يورينا صاحبة الصورة دي ...بالمناسبة هي من أخواتنا الفي جنوب الهند
قلت لي هالة أخت الدكتورة أسماء عبدالحليم? خلاص نحن ننتظر لغاية ما تخش السجن و يلحقوها الجماعة المضوا في وثيقة الفجر الجديد و معاها دندن. غايتو لو كمبيوتر سجن كوبر فيه إنترنيت الضحك شرطنا...lol
جانوار صاحبى من حيدر أباد (فى جنوب الهند) والأيام دى بهناك عريس متجدع لو صورة البت دى من عندياتهم أكيد بيعرفها .. وتتعدد صور البروفايلات الهندية
غايتو إنتظار هالة تدخل السجن ومعاها تؤم روحها ذكرنى فيلم الإختيار لسعاد حسنى وعزة العلايلى. قصة تؤامين قتل أحدهما الآخر وشوه معالم جثته، وتقمص الشخصيتين كان التحدى فى إستحالة أن يظهر التؤمان فى آن واحد. أهدى الفيلم لك ولدينا وهالة مع أمنياتى لهالة ودينا ألا يتعرضا لإعتقال وسجن .. البورد بعدين حيضامن مع أى منهما؟!
Post: #131 Title: Re: أسحب تضامني مع دينا خالد! Author: Kostawi Date: 03-28-2013, 05:03 AM Parent: #130
غايتو يا قريبي السويتا قعدت!
أنا ما ببدل دندن بهالة و لا ببدل هالة بدندن
هما 2 لحم و روح
و بعدين أنا منو و ببدل? أنا منو? God knows زول جايط ساكت..."ومال ليه بي أوللي خردة" السر عند ربنا يا شيخ نادر
اللهم آميييين ________________________ أوعك ما تموتي يا ...زولة
Post: #132 Title: Re: أسحب تضامني مع دينا خالد! Author: Kostawi Date: 03-28-2013, 05:39 AM Parent: #131
أنا الكيك
الجماعة هربوا بيقيقاتهم و عمر فاروقهم و أم بشراهم تاني بتجوا المولد?
تاني أشوف لي زول يقول كاني ماني _______________________________ يا دينا جننتينا (من أقوال أحدهم)
Post: #133 Title: Re: أسحب تضامني مع دينا خالد! Author: Tragie Mustafa Date: 03-28-2013, 05:52 AM Parent: #120
الفاضل نادر الفضلي
سلامات
يا اخوي ما مراقبين للبورد لكن مراقبين للعمل السياسي بالبورد
ولذا اطمأنك عندنا اكثر من دليل كمتخصصين في الانتحال....وكله متوفر....بس دينا خاد لم تكن قضيتنا وهي حرصت على هيويتها بذكاء بالحرص على عدم(معاداة اي عضو او عضوه)
لكن هذا لم يمنعنا من جمع الادله.....بس انا شخصيا ما عايزه افصح......وعمنا كستاوي ده خليه ساي مش شتتوا ليه سكر كبوا ليه الشوال كله كما يبدو.....
وبقول له انا من الحضروا لهنا من قبل واقسموا انهم يعرفون دينا خالد ولكني كنت ضحيه فقط!
آخرين اقسموا وانا اصدقهم ايضا انه دينا خالد ظهرت لهم رجل وقابلهم بشوارع الخرطوم!!وهم ضحايا ايضا!
Quote:
Quote: لعزيزة الما بتسأل عن ظروفنا الوحيدة الطال عشان جيتك وقوفنا ... العزيييييزة ... دلويا ... اتفهم جدا خوفك على من يصيبهم رزازى كما عبرتى ... اولا وخلينا نضحك .. بوستيك دا ذكرنى طبقنا طبق طبقكم يقدر طبقكم يطبق طبقنا ذى ما طبقنا طبق طبكم ؟؟ ويقولوا ليك ياللا قولا عشرة مرات !!! قبل كدا قالوا انا حسين ملاسى ... وقربت انتحر ... قالوا انا عمر الفاروق ... فقررت التوقف عن الكتابة .. قالوا لالالا انا قيقرواى تصدقى؟ اى والله قيقا الوااااحد دا ...!! قالوا انا حميدة .. ففرحت .. لوووووب . ما فضل ليهم الاياتونى بالضربة القاضية (ودى اخت ود القاضى) ويقولوا انا ود الصايم او تراجى ... يعنى كان لازم على اقيف فى ناصية المنبر واحمل علم والوح به للنفى على الترهات ؟ .. وكدا ح القى سحابة يومى ساحت شووووووو مش انقضت بين المنابر ....
ظنى أن دينا خالد وهالة عبد الحليم كلتاهما حقوقيتان. هالة برآستها لحزب حق وبتخصصها الأكاديمى كقانونية يؤكد قدراتها العالية فى الكتابة والتعبير . ومما قرأت لدينا بهذا المنبر فهو بيان بالعمل على أنها لها هذه القدرات وعلى قدر عال من الذكاء. بمعنى أى منهما يمكن أن تكتب كلام من صياغه العام يفهم منه القراء شيئاً هى صادقة فيه ولكنه ليس كل الحقيقة، أى الإلتفاف وتجنب الإجابة المباشرة على السؤال. ولو ثبتت وعرفت المعلومة المخفية فما كتبت أو شهد ت به لا يعرضها للمسآلة فهى صدقت ولم تكذب فيما قالته من نصف الحقيقة (ما بتمسك عليها شئ). إذا فرضنا أن دينا هى هالة فكلامها المقتبس ينطبق عليه ما وصفت .. ففى ظاهره تنفى أنها هالة،، وفى تمعن مضمونه لم تشر لهالة صراحة. فكلامها حمال أوجه. ولو بكرة ثبت إنها هالة فهى ما زالت صادقة . طبعاً لو دينا هى دينا وليست هالة فالكلام ماشى وإفادة ليس فيها زوغان، لكنها تترك الموضوع معلق فى مواصلة ناس المنبر يتسآلوا هل دينا هى هالة.
أنا عموماً غير مواظب على المنبر، ولست ممن أسميهم مراقبى البورد الذين بفلفلون كل البوستات. وأقرأ لدينا أحياناً عندم تجذبنى عناوين بوستاتها وأكيد فى عجالة مرورى بالبورد فوت الكثير من بوستاتها الجيدة. المهتمون بمعرفة من هى دينا ، لم يحاولوا الربط بين نشاط وأخبار هالة عبد الحليم، مثلاً محتجزة أو خارج السودان وربطه بمدى تفاعل دينا فى المنبر أثناء تلك الفترات. مثلاً هالة عبد الحليم فى أول أسبوع فى يناير كانت فى كمبالا شاركت ووقعت على إتفاقية الفجر الجديد، هل كانت دينا آنذاك نشطة بالبورد، وما نوعه إن وجد مداخلة صغيرة عابرة أم متحكرة وفاتحة بوست وتقضى وقتاً طويلاً بالبورد؟ بعد كمبالا هالة عبد الحليم لم ترجع السودان وأظنها ما زالت خارجه. كيف نشاط دينا فى هذه الفترة بالبورد، وما نوعية البوستات التى تفتحها؟ هل منها بوستات تشير إلى أنها بالسودان، وأنها قرأت جرايد السودان فى الصباح الباكر ولقطت خبراً مثيراً وقامت بمعالجته فى المنبر بطريقتها اللماحة الذكية؟ أم أنها بالخارج بمصر مثلاً ولذك كتبت عن (مثلية أم كلثوم) ، وهل هالة عبد الحليم بمصر؟ ... رابطة أصدقاء دينا خالد بالمنبر موجهة لهم هذه الأسئلة. (برضو راقبوا لو على غير عادتها فى الفترة الأخيرة جاءتكم بموضوع يثبت أو يوهم أنها بالخرطوم) .. !!
وعندى ملاحظة أخرى ممكن أشارك ناس البورد فيها لو فى ناس من أصحاب الفراسة وناس الفنون التشكيلية مشاركين بهذا البوست لأخذ وجهة نظرهم فيها !!!
ورجاء يا اخي نادر ان تمتنع عن اشراكنا في ملاحظاتك واحتفظ بها لنفسك.
عارف ليه.....
بتظل العشره بيننا وبين الشخصيه الوهميه دينا خالد
ورجاء ان تسمح لهذا الوهم الجميل ان يتمدد بعقول وقلوب من يشاء.
كان طبيعي ان اعرف دينا خالد
كما اعلنت من قبل اني اعرف
مبارك الفاضل (حينما يساخدم باس ورد محمد عادل) واعرف محمد عادل لما يستعيد باس ورده.
واعرف رباح الصادق المهدي لما تستعير باس ورد عمر فضل المولي و اعرف عمر فضل المولي لما يسترد باس ورده!
وحدث ان كتبت دينا خالد بباس وردات آخر بهذا الموقع بومناسبه محدده لم تستطع ان تصمت عليها ولم تسطيع ان تصمت عنها فهلا التقدير على ذلك الموقف.
المحزن عندي احساس اننا سنحرم من قلم دينا خالد قريبا هنا! و المحزن اكثر انها لن تقوي على الكتابه باي اسم مجددا هنا لانه اسلوبها معروف.
غايتو يا ناس الفيس بوك ابقوا عشره ثاني ريحتها ما بتلقوها هنا.
Post: #134 Title: Re: أسحب تضامني مع دينا خالد! Author: نادر الفضلى Date: 03-28-2013, 07:39 AM Parent: #133
Quote: المحزن عندي احساس اننا سنحرم من قلم دينا خالد قريبا هنا! و المحزن اكثر انها لن تقوي على الكتابه باي اسم مجددا هنا لانه اسلوبها معروف.
عزيزتى تراجى تحياتى يا سلام عليك يا أصيلة وأنت حريصة على عشرة الأيام البوردية وعلى تواصل دينا خالد ربما نكون تمادينا وتدخلنا فى خصوصياتها .. ليس علينا سبر أغوار الشخصية الإسفيرية بل ألأفضل لنا أن نتعامل مع أى منا بالواجهة التى يريد لنفسح له المجال ليعطينا الأفضل دينا بلا شك قلم ذكى ولماح ومدهشة فى تناولها للموضوعات .. هى فاكهة المنبر (منقة هندية بس) .. وكما قال قريبى كوستاوى لا بديل لدينا بهذا المنبر .. أما هالة ما عندنا شغلة بيها. (بالبورد). وبخت هالة لو بقت بذكاء ولباقة وعقلانية دينا .. ولو تفوقت تكون حاجة ما حصلت، ومفروض ما تكون بس رئيسة حزب حق بل حاكم عام السودان!
* وبالمناسبة لدى من الملاحظات المعاكسة التى تقطع الشك باليقين أن دينا ليست بهالة ولكن إستجابة لطلب كريم من قريبى كوستاوى ومن الكريمة تراجى أتوقف عن الكلام المباح .. وأعتذر للأخت الكريمة دينا خالد إن أصابها رشاش منى !، فالعتبى لها حتى ترضى. وهى بسماحتها التى عرفناها (مع إنى ما مواظب) عشمى أن تتسامى، وفى إنتظار ما بعد الأرشفة لتتحفنا ببوستاتها الذكية المليانة!
Post: #135 Title: Re: أسحب تضامني مع دينا خالد! Author: قيقراوي Date: 03-28-2013, 08:55 AM Parent: #134
Quote: الجماعة هربوا بيقيقاتهم و عمر فاروقهم
قيقا بين المطرقة والسندان .. لكن ما بعرف عمر الفاروق هرب مالو
----------
يا خردة ما تشمت البطل فينا ياخي مش عمدني قائد لكتيبة الدوا لوجع راسو الفارغ دا هو ..
اها في قائد بهرب وبخلي جنودو وراهو ياخي لي اسي قومة نمر من شندي، عاملا للتاريخ وجع زوايا .. هيييييييع البهرب منو .. ( جلابي وافتخر)!؟
Post: #140 Title: Re: أسحب تضامني مع دينا خالد! Author: داليا حافظ Date: 03-31-2013, 07:47 AM Parent: #139
صباح الخير على جميع المتداخلين ..
شاكرة على تفاعلكم مع وضد ..وحتى المغردين خارج السرب ..
بتمنى فكرتي تكون وصلت ..
بعتذر لكل الما رديت ليهم وكلكم على راسي يا قولة الخليجيين ..لكن سحابات ايامي الفاتت كانت ممطرة بالأصدقاء والضيوف
وأشياء أخرى ..لذلك شغلنا عنكم..لكم العتبى ..
لا شيء شخصي البتة في هذا البوست ومن راى غير ذلك هو ما يظن مخيرين ..
قريت كلامكم حرف حرف ..وكل الأراء عندي محل تقدير ..
شكرا ليكم كتير..
Post: #141 Title: Re: أسحب تضامني مع دينا خالد! Author: عمر الفاروق Date: 03-31-2013, 08:42 AM Parent: #140
يا كوستاوي ياخ يا دووب شوفت قصة الفاروغ هرررب ...الفاروغ هرررب ..الفاروووغ هرررب دي.. ياخا انا اهرب من شنو..؟ والله يا كوستاوي انا عن نفسي ح اكون اكتتتر زول مبسوط لو طلعت دينا دي هالة ..زولة رئيسة حزب وشخصية مشهورة ومتوقع إنها تكون رئيسة سودان قادمة وزولة مصادمة نكتشف فجأة إنها مصاحبانا وبتضحك وتتونس معانا وتشاغلنا في بوستاتها ..ده ح يكون شرف عظيم لينا وما بعيد بعدين تتذكرنا لو بي المييت ما بقت رئيسة وبقوها وزيرة في إنو ينوبنا من المنصب جانب وتشوف لينا وظائف ترجعنا بيها من هم الغربة دي.. عليه انا أدعم وبشدة إتجاه وتمنيات ان تطلع دينا خالد هي هالة حليم .. وفي الحالتين انا الكسبان وليس كما يغني ترباس انا الضايع ..
تخريمة : يا جماعة رايكم شنو بعد ننتهي من مسلسل دينا ده تجو نقبل على إسمارت هي ..
Post: #142 Title: Re: أسحب تضامني مع دينا خالد! Author: قيقراوي Date: 03-31-2013, 09:34 AM Parent: #141
Quote: يا جماعة رايكم شنو بعد ننتهي من مسلسل دينا ده تجو نقبل على إسمارت هي ..
