Post: #1
Title: الخرطوم تستعد لسحق متمردي دارفور
Author: Gafar Bashir
Date: 03-24-2013, 07:30 PM
كشف وزير الداخلية السوداني، إبراهيم محمود حامد، يوم السبت، عن استعدادات لحسم الحركات المسلحة في ولايات دارفور والتي قال إنها اتخذت من عمليات نهب وسلب ممتلكات المواطنين مصدراً لتمويلها بعد سقوط نظام معمر القذافي في ليبيا. وقال الوزير حامد في تصريح لقناة الشروق "الحركات المسلحة بعد فقدانها مصدر التمويل من قبل النظام الليبي السابق باتت تشكل مصدر ازعاج للمواطنيين هناك"، مشيراً إلى أن أهل دارفور يرفضون ماوصفه بالسلوك الإجرامي من قبل هذه المجموعات المتمردة.
ثم اضاف
وطالب المجتمع الدولي بملاحقتهم عبر الشرطة الدولية، لافتاً إلى أن الأجهزة الأمنية والشرطية لن تتوانى في بسط الأمن والاستقرار وحسم المجرمين في ولايات دارفور.
وأخيرا
ودعا حامد حاملي السلاح إلى الالتحاق بمنبر الدوحة لإنهاء الحرب وتحقيق الأمن والاستقرار في الإقليم.
|
Post: #2
Title: Re: الخرطوم تستعد لسحق متمردي دارفور
Author: Mohamed Suleiman
Date: 03-24-2013, 07:38 PM
Parent: #1
تااااني؟؟!!
.
.
.
الكلام ده قالوا البشير في 2003 .... ( سنسحق التمرد في يومين).
و
جاهو وجع حلق!!
.
.
التحية يا أبو آمنة
|
Post: #3
Title: Re: الخرطوم تستعد لسحق متمردي دارفور
Author: Gafar Bashir
Date: 03-24-2013, 07:47 PM
Parent: #2
سلام يا محمد سليمان
كدي عليك عاين صياغة الخبر ده
العنوان: الخرطوم تستعد لسحق متمردي دارفور
اولاً: استعدادات لحسم الحركات المسلحة في ولايات دارفور
ثانياً: طالب المجتمع الدولي بملاحقتهم عبر الشرطة الدولية
ثالثاً: دعا حاملي السلاح إلى الالتحاق بمنبر الدوحة لإنهاء الحرب
رابعا المسكوت عنها دي تفهم في السياق أعلاه: (عليييييكم الله تجوا الدوحة)
|
Post: #4
Title: Re: الخرطوم تستعد لسحق متمردي دارفور
Author: Munir
Date: 03-24-2013, 09:41 PM
Parent: #3
حقو تستنتج يا جعفر بشير إنو الحيكومة يمكن تكون قنعت من السلام مع الحركات المتمردة .. ولذلك تتركها تحارب في أرضها وتخرب بيتها بيدها .. والمستفيد هم دعاة الحرب ولورداتها الذين ينعمون بالسفر وإقامة الفنادق والندوات والأضواء... في نفس الوقت يحصل الطفيليون علي لجوءهم المريح علي حساب سكان المعسكرات والمشردين -
والعاملين فيها عاوزين مفاوضات يمدوا ليهم حبل المفاوضات إلي مالانهاية - الخسران منو؟؟ خسرانين الأهالي الذين لا يريد لهم المتمردون الراحة .. فلا بد أن تستمر معاناتهم حتي تظل قضية لوردات الحرب حية .. والحكومة تركت الحبل علي القارب وشغالة في السلام علي راحتها مع من يريد السلام .. والعاوز يستمر في زعزعة إستقرار أهله من أجل فائدته هو يخلوه ياخد راحته ويخرِّب ديار أبيه زي ماعاوز .. وطبعاً حين يتحامق ويحاول يقرِّب من عش الدبابير في الخرطوم يتم سحقه في أقل من ساعة كما حدث في غزوة الموز .. الخسران منو؟؟
لكل داء دواء يستطب به إلاّ الحماقة أعيت من يداويها ..
|
Post: #5
Title: Re: الخرطوم تستعد لسحق متمردي دارفور
Author: Idris Logma
Date: 03-24-2013, 09:58 PM
Parent: #4
سلام جعفر
هو دا وزير دفاع ولا داخلية التركي ولا متورك الله يسد حلقك
ناس الهامش كفاية ما عايزين يداوسوا في الاطراف بعد اليوم وناس البشير عرفوا الكلام
بقوا برسلوا في كلابهم ينبحوا في الاعلام
ها استعدوا المعركة الحاسمة انشاء الله في الخرطوم
|
Post: #11
Title: Re: الخرطوم تستعد لسحق متمردي دارفور
Author: Gafar Bashir
Date: 03-25-2013, 10:18 AM
Parent: #5
| Quote: ناس الهامش كفاية ما عايزين يداوسوا في الاطراف بعد اليوم وناس البشير عرفوا الكلام |
تحياتي يا ادريس
الحرب في دارفور مخطط لها ان تظل هنالك ولحركات التمرد في دارفور ان تستمر في التشظي وفي النهاية ده بقود لافراغ دارفور من قدراتها البشرية والعسكرية او علي الاقل ده جزء من السيناريو وبالتالي اضعاف الحركات والموت الطبيعي وهو اسوأ سيناريو ممكن تفكر فيهو دولة لانو من خلال بتتم حرب ابادة ....
نقل الحرب الي مناطق تانية محتاج لوحدة الحركات في الاساس ومحتاج لتوسيع التنسيف والاتفاق مع بقية الاطراف في كردفان وحتي في الوسط
يبقي المتفق عليه ان استمرار الحرب في دارفور لم يعد من خيارات الحركات المسلحة ودي علي الاقل نقلة نوعية في طريقة التفكير وبالتأكيد علي المستوي الميداني عاجلاً أو آجلاً
|
Post: #6
Title: Re: الخرطوم تستعد لسحق متمردي دارفور
Author: Sulaiman Adam
Date: 03-24-2013, 10:36 PM
Parent: #4
Quote: وطبعاً حين يتحامق ويحاول يقرِّب من عش الدبابير في الخرطوم يتم سحقه في أقل من ساعة كما حدث في غزوة الموز .. الخسران منو؟؟[/QUO
للاسف الخسران هو المواطن البسيط
وهولاء الطفليين وحارقي البخور ابعد مايكونو عن هذه المعاناة والالم يودون لو تستمر هذه الحرب الى مالانهاية
حتى ينعمو بااكل السحت ومص دماء غلابا المعسكرات والجبال والكراكير يالبئس عمالتهم
|
Post: #7
Title: Re: الخرطوم تستعد لسحق متمردي دارفور
Author: الصادق اسماعيل
Date: 03-25-2013, 01:18 AM
Parent: #4
Quote: حقو تستنتج يا جعفر بشير إنو الحيكومة يمكن تكون قنعت من السلام مع الحركات المتمردة .. ولذلك تتركها تحارب في أرضها وتخرب بيتها بيدها .. والمستفيد هم دعاة الحرب ولورداتها الذين ينعمون بالسفر وإقامة الفنادق والندوات والأضواء... في نفس الوقت يحصل الطفيليون علي لجوءهم المريح علي حساب سكان المعسكرات والمشردين -
والعاملين فيها عاوزين مفاوضات يمدوا ليهم حبل المفاوضات إلي مالانهاية - الخسران منو؟؟ خسرانين الأهالي الذين لا يريد لهم المتمردون الراحة .. فلا بد أن تستمر معاناتهم حتي تظل قضية لوردات الحرب حية .. والحكومة تركت الحبل علي القارب وشغالة في السلام علي راحتها مع من يريد السلام .. والعاوز يستمر في زعزعة إستقرار أهله من أجل فائدته هو يخلوه ياخد راحته ويخرِّب ديار أبيه زي ماعاوز .. وطبعاً حين يتحامق ويحاول يقرِّب من عش الدبابير في الخرطوم يتم سحقه في أقل من ساعة كما حدث في غزوة الموز .. الخسران منو؟؟
|
منير
كيفك عساك طيب
الخسران الوطن طبعاً، لكن شايفك داير تقول إنو الحكومة دي بتاعت الخرطوم وبس، وما دام الحرب خارج الخرطوم (تُقرأ السودان)، فبالتالي فهذه الحركات تحارب في (أرضها) وليست أرض الحكومة أو السودان وبالتالي يصبح استناتجك صحيح
ما دام الناس ديل بيتقاتلوا في ارض (تانية) وبيقتلوا في ناس تانين، احسن حاجة نخليهم (غرابة بيقتلوا في غرابة في واطة بتاعت غرابة) نحنا مالنا ومالهم علينا بي خرطومنا دي والبيجي هنا (بنوريهو).
أها دي نسميها شنو، والفرق بين دارفور والخرطوم شنو؟ ولي التمرد يتم سحقه في اقل من ساعة في الخرطوم، ولكن عندما يحدث في الغرب يتم ترك الحبل على القارب، بإعتبار (غرابة وبيقاتلوا في غرابة) ونحنا مالنا.
|
Post: #8
Title: Re: الخرطوم تستعد لسحق متمردي دارفور
Author: الصادق اسماعيل
Date: 03-25-2013, 01:18 AM
Parent: #4
Quote: حقو تستنتج يا جعفر بشير إنو الحيكومة يمكن تكون قنعت من السلام مع الحركات المتمردة .. ولذلك تتركها تحارب في أرضها وتخرب بيتها بيدها .. والمستفيد هم دعاة الحرب ولورداتها الذين ينعمون بالسفر وإقامة الفنادق والندوات والأضواء... في نفس الوقت يحصل الطفيليون علي لجوءهم المريح علي حساب سكان المعسكرات والمشردين -
والعاملين فيها عاوزين مفاوضات يمدوا ليهم حبل المفاوضات إلي مالانهاية - الخسران منو؟؟ خسرانين الأهالي الذين لا يريد لهم المتمردون الراحة .. فلا بد أن تستمر معاناتهم حتي تظل قضية لوردات الحرب حية .. والحكومة تركت الحبل علي القارب وشغالة في السلام علي راحتها مع من يريد السلام .. والعاوز يستمر في زعزعة إستقرار أهله من أجل فائدته هو يخلوه ياخد راحته ويخرِّب ديار أبيه زي ماعاوز .. وطبعاً حين يتحامق ويحاول يقرِّب من عش الدبابير في الخرطوم يتم سحقه في أقل من ساعة كما حدث في غزوة الموز .. الخسران منو؟؟
|
منير
كيفك عساك طيب
الخسران الوطن طبعاً، لكن شايفك داير تقول إنو الحكومة دي بتاعت الخرطوم وبس، وما دام الحرب خارج الخرطوم (تُقرأ السودان)، فبالتالي فهذه الحركات تحارب في (أرضها) وليست أرض الحكومة أو السودان وبالتالي يصبح استناتجك صحيح
ما دام الناس ديل بيتقاتلوا في ارض (تانية) وبيقتلوا في ناس تانين، احسن حاجة نخليهم (غرابة بيقتلوا في غرابة في واطة بتاعت غرابة) نحنا مالنا ومالهم علينا بي خرطومنا دي والبيجي هنا (بنوريهو).
أها دي نسميها شنو، والفرق بين دارفور والخرطوم شنو؟ ولي التمرد يتم سحقه في اقل من ساعة في الخرطوم، ولكن عندما يحدث في الغرب يتم ترك الحبل على القارب، بإعتبار (غرابة وبيقاتلوا في غرابة) ونحنا مالنا.
|
Post: #9
Title: Re: الخرطوم تستعد لسحق متمردي دارفور
Author: محمد علي عثمان
Date: 03-25-2013, 03:36 AM
Parent: #1
الأخ جعفر ، والضيوف
اليومين دي الحكومة تحاول من جديد تقسيم الناس ، بعد ما الناس إتوحدوا في الفجر الجديد ولكن هيهات .
ناس الحكومة ما بنوموا، بهلوسوا الليل كله بكلمتين الفجر والجديد
والكركتير ده بلخص الهلوسة دي و سببها ،
ببساطة البقرة الحلوب دي ( السودان ) حقت الناس كلها ، والناس اتفقت في الفجر الجديد ، عشان اللبن د يتوزع للناس كلها
لكن إنت باراك شايف ، ناس الحكومة دايرين اللبن براهم، لكن في النهاية الفجر الجديد سيصبح، و اللبن حيتوزع صاح.
|
Post: #10
Title: Re: الخرطوم تستعد لسحق متمردي دارفور
Author: Gafar Bashir
Date: 03-25-2013, 10:07 AM
Parent: #9
تحياتي منير
اتفق معاك انو الحكومة فعلاً قنعت من السلام مع حركات دارفور ... غير انو الحركات في الاساس متعددة لكن حتي الاتفاقيات التمت قبل الان ما حقققت منها الحكومة شيئ يمكن غير كسب بعض الوقت وحركة مناوي نموذج ... ولا حتي الحركات نفسها اصبحت عندها قناعة بالاستفادة من اي اتفاقيات جزئية مع الحكومة.
لكن المهم في كل الامر حتي اذا صح كلامك ان مسئولية الدولة تجاه مواطنيها سواء في دارفور او اي منطقة تانية .. انت الان بتفصل بين القيادات باعتبارها قيادات انتهازية ... حسب مافهمت .. حتي اذا صح الكلام ده بيعني انو في شعب لا تمثل القيادات منه اكثر من 1% .. هو مسئولية الدولة ولا يمكن باي شرعية او قانون في العالم انو يكون الشعب ده (يستاهل) عشان فيهو قيادات زي دي ...
تحياتي
|
Post: #12
Title: Re: الخرطوم تستعد لسحق متمردي دارفور
Author: Gafar Bashir
Date: 03-25-2013, 10:22 AM
Parent: #9
سلام يا محمد علي وتحياتي
25 لايك للكاريكاتير
الرعب الذي اطلقه الفجر الجديد يبدو واضح في كل كلمة خرجت من مسئول حكومي بعد الاتفاق، لان الفجر الجديد بكل ما فيه من سوءات هو الافضل زالأكثر حطورة من جميع التحالفات التي تمت قبل اليوم بين الفصائل المعارضة ... ويبظل يجذب كل يوم فصيل جديد
|
|
|