كلوركس

ان نظافة الوجه
والملابس
واليدين عملية سهلة وممكنة
مرة

مرتان

او حتى ثلاث مرات

عندها يبقى الوجه نظيفا لامعا

والكلابس نظيفة وناعمة وطاهرة

واليدان نظيفتان


ولكن يبقى السؤال الاهم

كيف يمكن غسل القلوب المتسخة باعوجاجات الدنيا

القلوب المتسخة بعفن الدنيا

القلوب المتسخة بالحسد والغل


كلوركس

هل يمكن ان ينظف تلك القلوب كما الاوجه

*** خش في الموضوع

اخوى الطيب

صباحاتك


كدا الموضوع انتهى بالنسبة لى

موضوع صغيرونى بلا قصد ولا قصة

هى فكرة

انو انت ممكن تغسل الاوساخ الخارجية للجسم

لكن كيف تتغسل الاوساخ الجوا


لو شاركتونى يكون كويس

عاوز اعفر غير مسالة الكلام النىء بتاع ناس ما بعرفو اعمل شنو شنو

ياخ انا بعرف ناس فى الحياة دى

لو جابو كلوركس الدنيا كلها ما بنضفو

على جنبة :

ما من هنا

فى ناس عندهم القدرة على التفاهم

والسماح

وفى ناس
لأ


.

غايتو يا محمد
هى القلوب ال######انه ولا النفوس الجربانه ولا البشريه المرضانه
والطبيعى اى انسان بيحمل بدواخله الخير و الشر
مافى ملايكه ومكملين
الطبيعى فى مخطئين توابين مستغفرين
لكن الحاصل ان الاغلبيه بقوا مكابرين ومنافقين وكضابين وعينى عينك بيجادلوك وبيتهموك بالنقص لمجرد انك اتمنيت الصح
ما مشكله نغلط
لكن اقلها نكون صريحين وجريئين ونعترف بيه ونسعى نصلحه
ما نحنا بشر

كلوركس النفوس هو مراجعتها وتأنيبها وشكمها ومخاصمتها
والإتيان بما لا توجهك إليه من شر
ولا يوجد امرئ ليس في قلبه كلوركس
لكنما هناك من أحكم إغلاقه
وهناك من خرمه بمسمار
وهناك من فتح غطاءه تماماً

جعلنا الله من فاتحي الغطاء...



تحياتي واحترامي

Quote: غايتو يا محمد هى القلوب ال######انه ولا النفوس الجربانه ولا البشريه المرضانه والطبيعى اى انسان بيحمل بدواخله الخير و الشر مافى ملايكه ومكملين الطبيعى فى مخطئين توابين مستغفرين لكن الحاصل ان الاغلبيه بقوا مكابرين ومنافقين وكضابين وعينى عينك بيجادلوك وبيتهموك بالنقص لمجرد انك اتمنيت الصح ما مشكله نغلط لكن اقلها نكون صريحين وجريئين ونعترف بيه ونسعى نصلحه ما نحنا بشر

رايه محمد الشيخ

اولا تحياتى

مؤكد هى نسب داخل كل النفوس
والؤكد ان بالداخل ايضا كلوركس

بعضنا يستعمله والبعض لا

هؤلاء ال لا يعتقدون انهم على صواب لانهم ينظرون فقط الى الداخل

شكرا صاحبة الحضور المميز

Quote: قال حكيم : إن سر تعاسة الانسان فى خمسة أشياء داخل نفسه : الشهوة الغضب الغرور الأنانية التملك .. ..

Quote: كلوركس النفوس هو مراجعتها وتأنيبها وشكمها ومخاصمتها والإتيان بما لا توجهك إليه من شر ولا يوجد امرئ ليس في قلبه كلوركس لكنما هناك من أحكم إغلاقه وهناك من خرمه بمسمار وهناك من فتح غطاءه تماماً جعلنا الله من فاتحي الغطاء... تحياتي واحترامي

الجميل جدا

بله محمد الفاضل

اهميتة هو خلق التوازن داخل كل قلب

والقدرة على تنظيف الوجه الشكلى

واستخدام منظفات الوجه القلبى

شكرا بله توقيعك يعيد لى توازن ثقتى بان الاشياء هى الاشياء


وان المكان هنا كما كنت اتصور لا كما اجده الآن او احيانا

صباح الخير محمد
مرات بحس ان مفروض ما نلوم غيرنا على مساوئه
ولكن نلوم انفسنا اننا سمحنا ليهم يسيئونا
وما نتعذر بسوئهم لاننا اتجرحنا

وهل معنى انسان اساء ليك يبقى عشان انت بتستحق الاسائه
بالجد بحتار فايدة الحرب البشريه دى شنو
وليه لازم نشك فى القدامنا حتى لو حلف المصحف
وليه لازم ما اثق
وليه لازم اخاف واقلق من اى مخلوق
دا حتى فى زمنا دا بقيت العلاقه الزوجيه زاتو مشكوك فيها

فوق يا رانيا لامن اجيكى بى مزاج

يا رانيا صباحاتك

الاكيد انو بنتفق انو انواع النظافة كتيرة اشهرها

نظافة الوجه

ونظافة اليد

ونظافة اللسان

ونظافة المكان

وتظافة البدن

وتظافة الروح

وكلهم الزول بيستعمل ليهم كلوركس من نوع ما


يلا تعال نشوف متين بتجيب لى روحك الشتيمة ومتين بتجيك براها مهما تعمل حسابك


لما تكون زول مبدع ومتفوق فى حاجة تتكبر بتجيبها لى روحك
تتواضع بيجبوها ليك

ما بسلم منها الا المحظوظ

حسى انت ما حليتها
فى الحلتين حتتلطش يعنى هههههههههههههههه
غايتو اعترف انى لست من المحظوظييييييييييين
ولكن ليسه بسبب الما نظيفين
لكن لان الكلوركس الاشتريتو طلع ما اصلى
:)))))))))))))))))

وانا قاعد افكر كدا

قلت فى نفسى ياخ استخدام الكلوركس دا موهبة والا تعليم


قت لو تعليم المفروض يفتحو ليهو مدراس وجامعات

لو موهبة او فطرة


تكون الكارثة



؟

على جنبة :
بجيكى يا رانيا كلامك سمح

كلوركس

هل يمكن ان ينظف تلك القلوب كما الاوجه