Post: #1
Title: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-21-2013, 12:28 PM
Parent: #0
وآحد صاحبي قال لي، بختك يا ود المدير، إنت معفي من الحلآقة.
قلت ليهو: القال لك منو؟؟؟. يعني المكنة دي لازم يحلقوا بيها الراس بس ؟؟؟!
|
Post: #2
Title: Re: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-21-2013, 12:38 PM
Parent: #1
قلت ليهو: الحلاقة دي هيّنة، أنا خايف باكر المسعلة تجيبلها تفتيش لِباسات.
قال لي: دي كيف كمان.
قلت ليهو: البلد بقت زي طابور الصباح بتاع زمان في المدرسة.
قال لي : كيف؟؟؟
قلت ليهو: يقولوا ليك أرفع الجلآبية، ويعملوا كشف للباس ووقعتك طِينة
كان بقى شربان.
قال لي: إنت من زمن الجلآبية ؟؟؟!!!
إستدركت بسرعة، وقلت ليهو: لا،،،،،، بس الأردية برضو كانوا بفتشوا
اللباسات في زمنا.
ثقافة اللباسات دي زاتا زمان ما كانت علي قدر كدا. يعني في التفتيش عادي
ممكن الواحد يلقوهو فرعون.
الحيكومة والشعب حكايتهم بقت زي المدرسة والطلبة.
تاني البيمرق لباسوا ######ان إياهو الشادنوا اربعة كبار.
زمن !!!!!!!!!!!!!!!!!!!!!!!!!!!!!!!!!!!!!!!!!
|
Post: #3
Title: Re: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-21-2013, 01:36 PM
Parent: #2
غايتو الشعب السوداني دا من ربنا خلقو ما إزلّ نفر
الزِلّة دي.
ما تستبعدوا باكر يقولولكم، ما في واحد يمرق من غير يستحمى،
وإياك تقول الموية قاطعة واللآ وسـخـانة، وبرضو ما تعمل فيها
حريف تتشطّف وتقول ما بيعرفوني. بيعرفوك، والله صحي.
قول لي كيف ؟؟؟
أقرب دياشي يقابلك بكل بساطة حا يدعك أصبعوا في سدرك
وياويلك لو دراديم وسـخ مرقن مع الدعك. صدقني حا يشدوك
أربعة دياشة كبار، وراح تنجلد،
لو في شارع الجمهورية، حا تنجلد.
لو في شارع الدكتاتورية حا تنجلد.
لو في شارع العنجهية حا تنجلد.
لو في شارع بيتكم، برضو حا تنجلد.
شعب مجلود مجلود !!!!!!!!!!
|
Post: #4
Title: Re: الـديـآشـة و تـفـتِـيّـش الـلِـبـاسـآت ...
Author: حيدر حسن ميرغني
Date: 03-21-2013, 01:48 PM
إكان فتشوهم هم ذاتهم حايلقوهن مقددات
--
قريبي دخل الجيش وكان متجرس من التمارين وجري الصباح
كل مايجينا يوم جمعة في البيت يقول لي
يازول يقومونا دغشا بدري قبل صحيان الحمام والقمري
وهاك يازحف في ال و ا ط ة ومعاها جلالات
عليك امان الله مقدد لي 4 لباسات في اسبوع
|
Post: #5
Title: Re: الـديـآشـة و تـفـتِـيّـش الـلِـبـاسـآت ...
Author: Artiga Gilani
Date: 03-21-2013, 02:18 PM
Parent: #4
بسم الله الرحمن الرحيم
ودالمدير
بقيت زبون لى بوستاتك
اقرأ واضحك وتغلبنى
المداخلة حتى
صحى والله
غايتو ( فرعون ) دى بالغت فيها
كامل ودى
|
Post: #6
Title: Re: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-23-2013, 00:41 AM
Parent: #5
| Quote: عليك امان الله مقدد لي 4 لباسات في اسبوع |
الدياشي دا يلبس مقدود واللآ ما يلبس علي كيفو،
لكن المواطن المواطن دا كدي لباسوا يكون ######ان
واللآ شربان، شوّف لو ما قطعوهوا من خلاف
ونفوهو من الأرض.
زمان نحن لباساتنا أكتر حاجة بتكون شربانة،
خاسةً زمن الدميرة...
|
Post: #7
Title: Re: الـديـآشـة و تـفـتِـيّـش الـلِـبـاسـآت ...
Author: الصادق سيكا
Date: 03-23-2013, 01:29 AM
Parent: #6
| Quote: عليك امان الله مقدد لي 4 لباسات في اسبوع |
مع انو المؤمن حلوى.. بس اكل الطحنية الكتير مع العزابة ما كويس
|
Post: #8
Title: Re: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-23-2013, 12:32 PM
Parent: #7
Quote:
ودالمدير
بقيت زبون لى بوستاتك
اقرأ واضحك وتغلبنى
المداخلة حتى
صحى والله
غايتو ( فرعون ) دى بالغت فيها |
مرحبتين حبابك يا ارتيقا جيلاني في
كرقة بكري، وكتّر خيرك كتير.
يا أخي مع الحالة الوصلت ليها البلد ما تستبعد ناس يكون ما عندهم
حق اللباسات. عشان كدا الألفا البيفتش أحسن يعمل حسابو.
حليل الحارس مالنا ودمنا، بقوهوا ألفا.
والله صحي...
|
Post: #9
Title: Re: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-25-2013, 10:34 AM
Parent: #8
| Quote: مع انو المؤمن حلوى.. بس اكل الطحنية الكتير مع العزابة ما كويس |
سلآمات يا سيكا.
أوّل مرّة أعرف إنوا الطحنية بتعمل موية نار.
والله صحي...
|
Post: #10
Title: Re: الـديـآشـة و تـفـتِـيّـش الـلِـبـاسـآت ...
Author: Fayez Ahmed
Date: 03-25-2013, 11:50 AM
Parent: #9
| Quote: أقرب دياشي يقابلك بكل بساطة حا يدعك أصبعوا في سدرك |
خليهم يوقفوا الكتاحه اولا
|
Post: #11
Title: Re: الـديـآشـة و تـفـتِـيّـش الـلِـبـاسـآت ...
Author: عمر الفاروق عبد الله الشيخ
Date: 03-25-2013, 11:57 AM
Parent: #10
ود المدير سلامات
وبعد شوية تجيب ليها تفتيش تحت الصفر من صباحا بدري عشان يشوفوا سبب تدني الفاصل المداري
ابقي عافية
|
Post: #12
Title: Re: الـديـآشـة و تـفـتِـيّـش الـلِـبـاسـآت ...
Author: Haytham Ghaly
Date: 03-25-2013, 11:57 AM
Parent: #2
Quote: ثقافة اللباسات دي زاتا زمان ما كانت علي قدر كدا. يعني في التفتيش عادي
ممكن الواحد يلقوهو فرعون.
|
ههههههههههههههههههههههههههههه
الله يجازي محنك يا ود المدير
|
Post: #13
Title: Re: الـديـآشـة و تـفـتِـيّـش الـلِـبـاسـآت ...
Author: معاوية المدير
Date: 03-26-2013, 12:07 PM
Parent: #12
| Quote: تيوبليس ياعمك ...... |
ههههههههههههههههههههههه، يعني طلعوا
ما ديش يا محمد ؟؟؟.
بتاعين البوليس ديّل أظرط من رفاقتُن.
والله صحي.
وآحد قال لي ديّل شِدة ما دقيقين، الصلعة بعد يحلقوها
بيشيلوها بالحلآوة، وفي تفتيش اللِباسات بيشوفوا شُفع
القملة في تِكة اللِباس حتي عند الفراعنة...
|
Post: #14
Title: Re: الـديـآشـة و تـفـتِـيّـش الـلِـبـاسـآت ...
Author: Mahjob Abdalla
Date: 03-26-2013, 03:06 PM
Parent: #13
الهبيب ود المدير
تعرف لما قريت موضوع حلاقة الشباب في الشارع جاء في خاطري نفس الشئ ده عن مستقبلا ممكن يكون فيها تفتيش لباسات.
__________________
في زمنا كانت المدرسة مختلطة و طابور صباح السبت ياهو الكلام ده بحصل وعشان ما تمشي بعيد طبعا البنيات معفيات و الحمدلله لكن باقيلك في الزمن ده العسكري زي قدوقدو ما حيعملها.
_______________
عندنا هنا يا معاوية قبل فترة كان تابعت الاخبار قالو العسكري بتاع حرس الحدود بين امريكا و كندا لقي الشغلانة حلوة كل ما تجي بنت حلوة عابرة الحدود يقول ليها نحنا شاكين انك شايلة حشيش في الحتات الحساسة لانو مشيتك ما عادية و حلاوتك برضو ما عادية عشان كده لازم نعمل تفتيش تحت الحزام.
بعد كم فترة البنات بقن يشتكن. الزول انقبض و قدم الي محاكمة عادلة و لا ادري هل تم شنقه ام لا
|
Post: #15
Title: Re: الـديـآشـة و تـفـتِـيّـش الـلِـبـاسـآت ...
Author: محمد بابكر محمد
Date: 03-26-2013, 04:06 PM
Parent: #14
| Quote: أوّل مرّة أعرف إنوا الطحنية بتعمل موية نار. |
طيب والتيوبليس وداقى سيستم يفتشوهو كيف
ودالمدير سلامات
|
|