Post: #1
Title: قصر يا مصطفى البطل ... وما "" تشنز"" !!!
Author: جعفر سومي
Date: 03-20-2013, 11:44 AM
رمية أولى:
في أيام شبابنا الأول وعنفوانه وعند انخراطنا في أداء واجب الخدمة الوطنية
كنا في معسكر القطينه وحلوقنا تكاد تنشرط بالأناشيد والجلالات والوعيد لأمريكيا
وحلفائها. هناك كان لدينا تعلمجي تحفه في استعمال مفردات العسكريه الفريده
فعندما يسرع الدليل الخطى ويتقدم عن الباقين ينتهره التعلمجي قائلا ( قصر قصر يا زول وخليك مع زملانك)
فصارت هذه المفردة مصطلح بيننا لكل من تضايق أو خرج عن طوره.
|
Post: #2
Title: Re: قصر يا مصطفى البطل ... وما andquot;andquot; تشنزandquot;andquot; !!!
Author: جعفر سومي
Date: 03-20-2013, 11:50 AM
Parent: #1
وعشان الحكاية تقع لينا كلنا خلينا نقرأ العنوان بصوره كويسه:
قصر بفتح القاف وتشديد الصاد
وتشنز دي من القاموس العسكري وتقرأ بكسر التاء وتشديد الشين والنون.
مفهوم كده؟
عدل لتصحيح التاء
|
Post: #3
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-20-2013, 12:06 PM
Parent: #2
رمية تانية:
دخلنا الجامعة العصية ولعبنا الكورة في إحدى الوحدات العسكرية
وفجأة جن جنون حركة التمرد الجنوبية وزادت شراستها والدرب دخل الموية.
وجاءت التعليمات من الجهات العليا بعسكرة كل رياضيي الوحدات العسكرية.
فتبدل الحال من لعب الكورة بالصباح إلى التدريبات العسكرية الصباحية.
من زمرة الزملاء عفوا الدفعة, أذكر حبيبنا المطرب عبدالكريم أبوطالب وحبيبنا
كذلك محمود الساده وياسر الديبه وآخرون.
هنا أيضا كان يوجد تعلمجي تحفه وله قاموس عسكري حافل بالمصطلحات.
فعندما يخطئ أحدنا في تأدية الحركة العسكرية المطلوبة أو يتنرفز فعندها ينتهره
بحزم قائلا ( يا زول ما تشنز خليك عادي)
فأصبحت هذه الكلمة أيضا مصطلحا بيننا لتهدئة الغاضب أو من خرج عن طوره.
|
Post: #4
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-20-2013, 12:23 PM
Parent: #3
الأستاذ مصطفى عبد العزيز البطل
أعترف بأني ( كنت) استمتع بقراءة كتاباتك وأسلوبك الفريد في نظم مفردات بنت عدنان
وطريقة اخراجها للقارئ أعزه الله ورعاه, وبغض النظر عن مضمون الموضوع.
كتاباتك عن فترات الحكم السابقة وخاصة المايوية كانت تمثل لي مرجع لمعرفة خبايا
الملفات وأسرار المكاتب التي تموت بزوال الأشخاص من المناصب حيث لا تدوين لها.
تجاوزت لك في أكثر من مرة محاولاتك شخصنة بعض الكتابات التي يستشف فيها
الدوافع الشخصية أو قل الثأر للذات.
لكن أن يأتي أستاذ في حجمك بمثل هذه الحماقة ويتناول سيرة الآخرين وعائلاتهم
وخصوصياتهم فوالله يا أستاذ - أعزك الله - ذلك مرفوض البتة وصعب على أن أبلعه
رغم الاستعانة بكوب ماء وبعده كوب ليمون.
|
Post: #5
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-20-2013, 12:40 PM
Parent: #4
زاملت الأخ قيقراوي في الجامعة في مدرسة العلوم الإدارية وبالطبع كذلك الداخلية
ويا لها من أيام وعشرة وذكريات رغم اختلاف المشارب والمضارب والأفكار.
مدرسة العلوم الإدارية والله فعلا مدرسة.
الأخ فتح الرحمن لا أستطيع أن أوصفه لك فشهادتي فيه مجروحة والكلمات لا توفيه
حقه لكن أسهل لك أن تعاشره وتعرفه عن قرب.
الشئ الأنا شفتو ... والله الزول ده بصلي وبصوم ولم أسمعه في يوم تنكر لدينه أو
سب الذات الإلهية حتى تنطبق عليه صفة الإلحاد.
وبما إنه يتكئ على أستار الكعبة الشريفة حسب قولك فلا أشك قطعا في أنه ذرف دمعات
على قبر الرسول الكريم وطبع قبلة على جبين الحجر الأسود وهرول ما بين الصفا والمروة
رغم أني شهدته تقطعت أنفاسه في ربع ساعة داخل الميدان الشرقي مدافعا عن شعار
الكلية ضد شبيحة شمبات أو ما يعرف بالشمباته رجال الجامعة.
|
Post: #6
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-20-2013, 12:45 PM
Parent: #5
فيا أستاذ البطل
أسمح لي أقول ليك وبدون نهره عسكرية:
(ياخ قصر وخليك مع أخوانك
وما تشنز وخليك عادي)
|
Post: #7
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-21-2013, 12:14 PM
Parent: #6
أما الآخرين الذين تناولتهم في عمودك فليس لي معهم سابق معرفة ولا أستطيع أن
أشهد في حقهم ولكن أستنكر عليك تناول خصوصياتهم وسيرة عائلاتهم في الجو الطلق.
|
Post: #8
Title: Re: قصر يا مصطفى البطل ... وما andquot;andquot; تشنزandquot;andquot; !
Author: منوت
Date: 03-21-2013, 12:55 PM
Parent: #7
سلام جميل أخي جعفر سومي
ليك وحشه والله
وبلاد النهون جن بعدكم صقيع!
كيف أنت والأسرةالكريمة وبلاد الضباب ؟
زمن طويل لم اتداخل في سودانيز اون لاين ، ويرجع السبب إلى المشغوليات.
ولكن موضوعك هذا أغراني بالتداخل، أولاً لموضوعيته، وثانياً لأنه يلمس ابننا قيقراوي، وثالثاً لأنك كاتبه.
لم اقرأ عمود البطل، فأرجو أن تدلني عليه.
تقبل تحياتنا ببلاد الشمس المشرقه.
|
Post: #10
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-21-2013, 02:48 PM
Parent: #8
سلام يا دكتور منوت
والله مشتاقين ليكم ولبلاد الساموراي ونضم النهونقو.
الأستاذ البطل خرج عن طوره وأثقل على بعض البورداب
بما فيهم الأخ قيقراوي الذي نعرفه فضاق صدرنا أيضا بذلك
المقال فأردنا أن نناصحه ونقدم له بعض الحقائق.
أما المقال المذكور فيصعب على نقله لك لبشاعته ولكن
عمنا قوقل لديه كل شئ.
تحياتنا للجميع طرفكم وخاصة حبيبنا أبو الجعافر
|
Post: #9
Title: Re: قصر يا مصطفى البطل ... وما andquot;andquot; تشنزandquot;andquot; !
Author: قيقراوي
Date: 03-21-2013, 01:25 PM
Parent: #5
Quote:
وبما إنه يتكئ على أستار الكعبة الشريفة حسب قولك فلا أشك قطعا في أنه ذرف دمعات
على قبر الرسول الكريم وطبع قبلة على جبين الحجر الأسود وهرول ما بين الصفا والمروة
|
كابتن سومي يا حبيبنا
هون عليك ياخي
لا اعتقد لا انت لا انا مطلوب مننا نثبت حسن ايماننا لأحد ..
دي علاقة خاصة جداً .. لا للبطل ولا لأي ساذج غيرو الحق في الخوض فيها .. ولا معرفتا ذاتو!
كلٌ ملاقيه يوم القيامة فرداً .. وسوف يرى ويعرف مكانه من الله
and#64831;إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ (30) نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآَخِرَةِ وَلَكُمْ فِيهَا ...
البطل البتفاصح ويزع في صكوك الكفر والايمان دا ذاتو تلقاه ما بعرف يفرق سنن الوضوء من فرائضه!؟
{ قل هل ننبئكم بالأخسرين أعمالا}
----------
Quote:
رغم أني شهدته تقطعت أنفاسه في ربع ساعة داخل الميدان الشرقي مدافعا عن شعار
الكلية ضد شبيحة شمبات أو ما يعرف بالشمباته رجال الجامعة.
|
لكن كمان كان اتوسعت في قصة الامجاد الكروية دي ما بطال
دي الما بترجع تاني .. كلو كلو
ايييه زمن ياخي
اصلاً مناسبتا كانت ثورة اباء ضيم مشابهة .. ضد الظلم
سميناها وكتها ("المغمورين" ضد "المشهورين") .. وتحديناهم (كروياً) .. وهزمناهم
بي حقنا يعني .. مش مجاناً زي ما بدعي (صاحب البطل) هنا!
|
Post: #11
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-21-2013, 02:54 PM
Parent: #9
يا حبيبنا قيقراوي
حفظ الله سيرتكم من كل سوء.
فأنت معروف لدينا ولا ينقص من قدركم قول من لا يعرف قدركم.
.
.
.
.
أما صولاتكم وجولاتكم في سوح الميادين الخضراء أيام عودكم الأخضر
فدي عاوزه ليها مساحه وزمن في صفحه تانيه كان ربنا مد في أيامنا وبقينا
موجودين في الزايله دي.
|
Post: #12
Title: Re: قصر يا مصطفى البطل ... وما andquot;andquot; تشنزandquot;andquot; !
Author: عمر دفع الله
Date: 03-21-2013, 03:27 PM
Parent: #11
سلام للجميع ....
حاجة عجيبة !!!!
يعنى اي واحد شكك البطل في ايمانو
او رماهو بالالحاد
لازم يجى ويثبت العكس ؟
ومش كدا وبس
كمان يجوا اصحابوا واولاد حلتو
واحتمال عائلتو الممتدة
والاعمى شايل المكسر
عشان يثبتوا العكس للبطل !
يا سيد جعفر
الموضوع ما بستاهل
فالبطل سقط سقوطا مريعا في مستنقع الصحافة الصفراء
ولا ادرى كيف سيخرج نفسه من هذه الورطة العجيبة
ويبدو ان عليه ان يفعل الكثير لترميم صورته .
لقد اغضبنى مقال البطل المعيب
واغضبتنى ايضا
جرسة
قيقا ودكتور المشرف .
تحياتى
ودمتم
|
Post: #13
Title: Re: قصر يا مصطفى البطل ... وما andquot;andquot; تشنزandquot;andquot; !
Author: محمد عبدالرحمن
Date: 03-21-2013, 03:45 PM
Parent: #12
ولاكلمة ....فتح الرحمن خلف الله سودانى ودبلد ...لايحتاج لصك
براءة ليثبت اسلامه ...(الدين المعاملة) ...ونشهد له انه كان
سمحا فى تدينه .. وسمحا فى سلوكه.. وسمحا فى تعامله وسمحا فى
مواقفه ..سودانى ودبلد ...جدع واخو اخوان ...حاضرا فى كل المشاهد
الوطنية التى شهدتها جامعة الخرطوم فى التسعينات ..حاضر بفعالية
وبقوة وشجاعة وثبات ....
ولاكلمة ...يامصطفى يابطل ...ولاكلمة ...العوز الفكرى وعدم المقدرة
على مقارعة الحجة بالحجة هو الذى جعلك تسلك هذا المسلك (القبيح) ..
والنتيجة هزيمة نكراء لك امام المحاسب فتح الرحمن خلف الله خريج
جامعة الخرطوم ..وابن العالياب ..وابن كوستى مولدا ونشاءة ....
وصديقنا الذى به نفتخر .....
|
Post: #15
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-21-2013, 05:25 PM
Parent: #13
الأخ محمد عبد الرحمن
كلامك سمح وطاعم
ما عدمناك
|
Post: #14
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-21-2013, 05:22 PM
Parent: #12
Quote: حاجة عجيبة !!!!
يعنى اي واحد شكك البطل في ايمانو
او رماهو بالالحاد
لازم يجى ويثبت العكس ؟
ومش كدا وبس
كمان يجوا اصحابوا واولاد حلتو
واحتمال عائلتو الممتدة
والاعمى شايل المكسر
عشان يثبتوا العكس للبطل ! |
يا عمر دفع الله
والله لا حاجه عجيبه ولا غريبه.
الأخ فتح الرحمن زميل دراسه أربعة سنوات وأعرفه معرفه عن قرب
وجينا نشهد بالذي نعرفه عنه ونقدم المعلومه لمن يجهلها وخاصة الأستاذ
مصطفى البطل الذي حتما لا يعرف الأخ فتح الرحمن.
فأين الحاجه العجيبه؟
فالحكايه ما إثبات عكس وإنما معلومه عن الرجل.
.
.
.
معلومه مفيده!!!
|
Post: #16
Title: Re: قصر يا مصطفى البطل ... وما andquot;andquot; تشنزandquot;andquot; !
Author: منوت
Date: 03-21-2013, 06:10 PM
Parent: #14
سلاما . سلاما
شكراً سومي ،
لقد وجدت المقال!
|
Post: #17
Title: Re: قصر يا مصطفى البطل ... وما andquot;andquot; تشنزandquot;andquot; !
Author: ابراهيم حسين
Date: 03-22-2013, 01:01 AM
Parent: #16
الاخ سومي
- سلامات يازول
- لا أدري ماذا كتب هذا البطل والواضح أنه وبشهادة الجميع كلاما غير مقبول
- أنا ايضا لعبت لفريق مدرسة العلوم الادارية وكنت في أول رابطة بها ولاما متذكرني
انت كنت طرف يمين وكنت اول سكرتير رياضي وقمت بفصل الفريق عن الاقتصاد وكانت اشهر
مباراة مع الطب وطلعت تعادل 1-1
- من قيقراوي ؟ الزمن طال والاسم اعتقد انه حركي واوعي تكون عجزت ونسيتني برضو
- هل منوت هو الدفعة القدامي ابن الجنوب الفارع الذي صادمنا سويا وشرد الكثيرون ايام السيخ الحامي؟
مع كامل الود والتقدير
|
Post: #18
Title: Re: قصر يا مصطفى البطل ... وما andquot;andquot; تشنزandquot;andquot; !
Author: قيقراوي
Date: 03-22-2013, 12:58 PM
Parent: #17
Quote:
واحتمال عائلتو الممتدة
|
الا دي يا عمك
ديل صعايدة .. بطقطقو بس
الاحتمال دا صفر عدييييل .. ارقد قفا
----------
ازيك يا ابراهيم حسين
انا فتح الرحمن (كوستي) دفعة 1991م
اعتقد انكم الدفعة القدامنا (تاج السر المتكسي) ؤ كدا
على ما اذكر (الربع ساعة) التاريخية بتاعتي دي كانت قبل الانفصال وفرز عيشتنا وكورتنا من اقتصاد ..
في نفس المباراة كان لاعب في تيمنا ولدنا "التيتش" ود كوستي (اقتصاد) .. واخو مصطفى نصار "التيتش" سيد اللسم
محمد عبد الرحمن يا أمير .. البطل اثبت انو زول متوسط الذكاء .. وسطحي لمن بي غادي
الله يعينو
د. حسن دوكة ازيك يا استاذنا
وين الحي بيك
|
Post: #19
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-22-2013, 04:01 PM
Parent: #17
الأخ ابراهيم حسين
يبدو إنك بتتكلم عن الفترة التي سبقت دخولنا الجامعة حيث لم نحضر فترة الانفصال هذه.
الانفصال الوحيد الذي شهدته هو انفصال الجنوب الذي ما زال عزيز عندي.
.
.
.
منوت هذا لقب لشخص تعرفت عليه في اليابان وهو يحمل درجة الدكتوراة ويبدو أنه لا يحب
اظهار اسمه الحقيقي في المنبر, ولكن حقيقة لا أدري أي الجامعات درس بها.
.
.
.
الأخ قيقراوي قدم لك نفسه بهناك فأرجو أن تواصل لي تحت أو خش لي قدام.
|
Post: #20
Title: Re: قصر يا مصطفى البطل ... وما andquot;andquot; تشنزandquot;andquot; !
Author: قيقراوي
Date: 03-22-2013, 04:30 PM
Parent: #19
Quote:
هل منوت هو الدفعة القدامي ابن الجنوب الفارع الذي صادمنا سويا وشرد الكثيرون ايام السيخ الحامي؟
|
فعلاً انت دفعة المتكسي .. وتقريباً اتذكرتك ذاتو
يا سلام ياخي
حولااااا!!
" منوت" استاذي وسنيري في الجامعة وفي "بانقا وقاسم وشركاءهم"
من اين اتيته سيدهشك .. سيدهشك يا عزيزي
سيدهشك!!
---------
كابتن جغفر بقيت تجليها ثابتة مالك؟
فعلاً فرز العيشة في فريق الكورة تم في زمنا ..
والله صحي
كدي اقرأ تحت في واحد فيسبوكابي .. شوفو بقول في شنو؟
|
Post: #21
Title: Re: قصر يا مصطفى البطل ... وما andquot;andquot; تشنزandquot;andquot; !
Author: Gaafar Ismail
Date: 03-23-2013, 07:01 AM
Parent: #20
الإبن والأخ والصديق وسمي العزيز ابو الجعافر
تحية طيبة واتمنى أن تكون والأسرة الكريمة بخير وعافية
دائما رجل حقاني .. لقد راقني واعجبني جدا دفاعك المستحق عن قيقراوي وهو حقا إضاءة في منتهى الروعة بحق قيقراوي. ..
افتقدناك كثيرا والجميع هنا دائما في سيرتك العطرة وافتقدناك في فريق الجالية وتمارين الصالة المغلقة.
إبني سامي رزق قبل اسبوعين بولد أسماه جعفر تيمنا بي وأتمنى من الله ابنك سامي برضو يشيل إسمك في المستقبل بإذن الله
تحياتي للأسرة الكريمة
|
Post: #22
Title: Re: قصر يا مصطفى البطل ... وما andquot;andquot; تشنزandquot;andquot; !
Author: منوت
Date: 03-23-2013, 05:40 PM
Parent: #21
"...د. حسن دوكة ازيك يا استاذنا
وين الحي بيك "
* ولدنا أو ابننا قيقراوي،
يا غالي إزيك،
حبيبي إزيك،
ود أمي ( ود عمي ) إزيك،
وريني كيف الحال. وكلوا ما يهمك!!!
نحنُ دائماً بخير!!!
|
Post: #23
Title: Re: قصر يا مصطفى البطل ... وما andquot;andquot; تشنزandquot;andquot; !
Author: ابراهيم حسين
Date: 03-25-2013, 01:08 AM
Parent: #22
سومي : الانفصال تم 1991 وكان الفريقان يلعبان سويا وحازت الكليتان 1989 علي كأس الدوري بعد هزيمة الهندسة 3-1 وكان هنالك
سكرتيران رياضيان وكنت ممثل المدرسة وعماد (طرف اقتصاد الايمن) ممثل الاقتصاد. ومن ابرز نجوم العلوم الادارية حاتم معني وكان
يلعب للهلال.
فتح الرحمن: شكرا علي التذكر وانا فعلا دفعة المتكسي وهو رفيقي خمسة سنين ونتشارك الانفاس في جو اخوي صادق وهو الان بأمريكا
منذ مدة ليست بالقصيرة. عوض الدتش ذلك الموهوب بيننا معزة خاصة ودايما لنا في مكاواة ليهو بسسب هدف احرزته بعد فصل الفريقان
ولعبنا مباراة ودية وهزمنا الاقتصاد 2-1
فتحي من الفيس بوك: فعلا بعد فصل الفريق اول مباراة كانت مع الطب وكان الطب مهزوما 1-صفر حتي تبقي 10 دقايق واحرز محمد ادم
لاعب الطب المشهور هدف التعادل بعدها اقفلت الجامعة شهور وكانت المباراة التالية مع التربية وكنت من ضمن لاعبي هذه المباراة في الشوطين ومعي :
علاء (حارس) - سومي - محمد مضوي - طارق مطر - محمد علي بابكر - شبلي- وفقدت البقية لطول الزمن
سومي وفتح الرحمن ساعدوني في ايجاد الاخرين. فتح الرحمن انت كنت من ضمن التشكيلة؟
|
Post: #24
Title: Re: قصر يا مصطفى البطل ... وما andquot;andquot; تشنزandquot;andquot; !
Author: قيقراوي
Date: 03-25-2013, 09:19 AM
Parent: #23
Quote:
سومي وفتح الرحمن ساعدوني في ايجاد الاخرين. فتح الرحمن انت كنت من ضمن التشكيلة؟
|
يا ابراهيم دي فكة مني ساي ياخ
الحكاية وما فيها انو ناس جعفر سومي وعلاء الدين شنكل، الطاهر ارتولي (دفعة محمد عبدالرحمن الفوق دا) و و و من اللعيبة الراتبين ديل والبلعبوا لفرق معروفة كانوا مستأثرين بالكورة وطالعين في الكفر .. جد جد
اها لم يرغ هذا الانطهاق لثلة (المغمورين) من امثالنا .. فقدنا ثورة .. واعلنا التحدي
لعبنا مبارة في الميدان الغربي .. وهزمناهم شر هزيمة
اثبتنا وجهة نظرنا
اصحاب الحلاقيم الكبيرة، وقادة الكتائب الثائرة زي .. لقوا فرصة يتسللوا للتشكيلة .. وهي ربع ساعة امها وابوها!
تبت بعدها .. ولا حتى فريق تالتة محاسبة ما لعبت فيو .. والدوري ذاتو اتلغى.
الا في خامسة -في اليوم الاسري، ولبزنس اياماها كما للعرب- شكلنا فريق خامسة والاساتذة والاداريين .. ضد منتخب (المدرسة).
دي كانت ونسة ساي .. غلبونا مية ذاتو اظنو!
فريقنا كان كلو خسائر (د. عبداللطيف امام، وابوذر الجلي .. والمسجل .. اللخ اللخ ما فاضل لينا الا نجيب بت المنا)
الطاهر ارتولي وعارف قرنوف
د. عبداللطيف امام و كمال اليمني
سمعت خبر مؤسف انو د. احمد حمزة انتقل الى الرفيق الاعلى
ربنا يتولاه بواسع رحمته ويجعل الجنة مثواه الاخير
|
Post: #25
Title: Re: قصر يا مصطفى البطل ... وما andquot;andquot; تشنزandquot;andquot; !
Author: قيقراوي
Date: 03-25-2013, 11:48 AM
Parent: #24
سلامات يا ابراهيم ياخي
وخبر تاج السر معاي .. ومتواصلين كنا ضمن مجموعة بريدية واسعة للبزانسة
وبعدين من البيت ح انزل ليكم رابط البزانسة في ديا الفيسبوك
بالمناسبة (فتحي) التحت دا انا ذاااتي!
دا ود الزين (محمد الزين آدم عديلة) .. احرف من دق كفر في بزنس
---------
الما لابس زي رياضي طبعاً
الاخدر دا كان شفتو بخدر .. دا انا ذاتي .. المافي شنو!؟
ود الزين في المبارة دي كان حكم
|
Post: #30
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-26-2013, 03:14 PM
Parent: #25
يا فتح الرحمن
يا خي دي صور تراث عديل كده
إنتو كنتو بتتصورو من ورانا ولا شنو؟
|
Post: #29
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-26-2013, 02:57 PM
Parent: #23
Quote: سومي : الانفصال تم 1991 وكان الفريقان يلعبان سويا وحازت الكليتان 1989 علي كأس الدوري بعد هزيمة الهندسة 3-1 وكان هنالك
سكرتيران رياضيان وكنت ممثل المدرسة وعماد (طرف اقتصاد الايمن) ممثل الاقتصاد. ومن ابرز نجوم العلوم الادارية حاتم معني وكان
يلعب للهلال.
فتح الرحمن: شكرا علي التذكر وانا فعلا دفعة المتكسي وهو رفيقي خمسة سنين ونتشارك الانفاس في جو اخوي صادق وهو الان بأمريكا
منذ مدة ليست بالقصيرة. عوض الدتش ذلك الموهوب بيننا معزة خاصة ودايما لنا في مكاواة ليهو بسسب هدف احرزته بعد فصل الفريقان
ولعبنا مباراة ودية وهزمنا الاقتصاد 2-1
فتحي من الفيس بوك: فعلا بعد فصل الفريق اول مباراة كانت مع الطب وكان الطب مهزوما 1-صفر حتي تبقي 10 دقايق واحرز محمد ادم
لاعب الطب المشهور هدف التعادل بعدها اقفلت الجامعة شهور وكانت المباراة التالية مع التربية وكنت من ضمن لاعبي هذه المباراة في الشوطين ومعي :
علاء (حارس) - سومي - محمد مضوي - طارق مطر - محمد علي بابكر - شبلي- وفقدت البقية لطول الزمن
سومي وفتح الرحمن ساعدوني في ايجاد الاخرين. فتح الرحمن انت كنت من ضمن التشكيلة؟ |
يا ابراهيم حسين
كلامك ده والله شخيت واطا عديل ومن جوه بيت الكلاوي
وأنا ما عندي أي طريقه إلا أقول أنا آسف على كلامي الفوق داك.
باقي التشكيلة دي إلا تتمها براك لأني ما متذكر أي حاجه والله.
غايتو ربنا يدينا سلامة النظر.
|
Post: #27
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-26-2013, 02:47 PM
Parent: #21
Quote: الإبن والأخ والصديق وسمي العزيز ابو الجعافر
تحية طيبة واتمنى أن تكون والأسرة الكريمة بخير وعافية
دائما رجل حقاني .. لقد راقني واعجبني جدا دفاعك المستحق عن قيقراوي وهو حقا إضاءة في منتهى الروعة بحق قيقراوي. ..
افتقدناك كثيرا والجميع هنا دائما في سيرتك العطرة وافتقدناك في فريق الجالية وتمارين الصالة المغلقة.
إبني سامي رزق قبل اسبوعين بولد أسماه جعفر تيمنا بي وأتمنى من الله ابنك سامي برضو يشيل إسمك في المستقبل بإذن الله
تحياتي للأسرة الكريمة |
حبيبنا وكبيرنا وزعيمنا أبو الجعافر
والله مشتاقين وبنسأل عليكم على الدوام.
فريق الجالية بتاعكم ده وكوامركم ديل نحن بقنا فوق المستوى يا حاج
قول ليهم عندنا فريق هنا بنلعب في البريمير ليق وما فاضيين ليهم
بالله تحياتي للكباتن أزهري وباقر وسيما وعاطف وعبدالرحمن وجميع الذين لم يرد
ذكرهم وبالله ما يزعلو.
كابتن عاطف قال بقى يبرم الفاول برمات كريستيانو رونالدو
وألف مبروك لقدوم حفيدكم والتبريكات أيضا لوالده وربنا يجعله من الأبناء الصالحين والبارين بوالديهم وأجدادهم وحبوباتهم.
والله ليكم وحشه!
|
Post: #26
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-26-2013, 02:31 PM
Parent: #20
Quote: كابتن جغفر بقيت تجليها ثابتة مالك؟
فعلاً فرز العيشة في فريق الكورة تم في زمنا ..
والله صحي |
يا فتح الرحمن
والله الكلام ده أول مرة أعرفو هنا ده
وليه ما قلتو لينا من زمان؟
يعني نحن شاركنا في عملية انفصال عديل وما عارفين؟
حسي فرقنا شنو من الجنوبيين الخموهم ديل؟
|
Post: #28
Title: Re: قصر يا مصطفى البطل ... وما andquot;andquot; تشنزandquot;andquot; !
Author: قيقراوي
Date: 03-26-2013, 02:56 PM
Parent: #26
Quote:
يا فتح الرحمن
والله الكلام ده أول مرة أعرفو هنا ده
وليه ما قلتو لينا من زمان؟
يعني نحن شاركنا في عملية انفصال عديل وما عارفين؟
حسي فرقنا شنو من الجنوبيين الخموهم ديل؟
|
الله سترك من الانفصال الكبير .. المدرسة من الكلية
ودا كان في 1986م
ما عارف لو انت عايد ول دخلت فريش من اول سنة.
لكن نحن ناس شهادة 1990م لمن جينا نقدم .. كان تخريج اول دفعة لمدرسة العلوم الادارية
ودا ذااااتو السبب الاغرانا نحن العلميين ديل
قلنا نشوف الحاصل شنو ... شمار سااااي!
--------
دفعة الانفصال اعتقد انهم ناس النقر، وهشام الضو ؤ كدا
لو ما خانتني الذاكرة
|
Post: #31
Title: Re: قصر يا مصطفى البطل ... وما andquot;andquot; تشنزandquot;andquot; !
Author: جعفر سومي
Date: 03-26-2013, 03:25 PM
Parent: #28
Quote: دفعة الانفصال اعتقد انهم ناس النقر، وهشام الضو ؤ كدا
لو ما خانتني الذاكرة |
يا فتح الرحمن
أخوك برضو كان علمي لكن اسم الكلية كان جذاب وفي السنتر كمان.
لكن التاريخ ده عندي معاهو مشاكل خاصة بعد العمر ده.
وإنت طبعا خاتي ضهرك في حيطة بيت أبو فاطنة وتشرب في موية زمزم
عشان كده ذاكرتك حديد ما شاء الله وما سمعت بحاجه اسمها مرض الزهايمر
|
|