Post: #1
Title: أمّا الأحبة فالبيداء دونهم ..
Author: حمور زيادة
Date: 03-19-2013, 01:50 PM
Parent: #0
اخوة واخوات كرام في مضارب سودانيز أون لاين ..
جماعات بين صفحاته واخرون من خلف ستر التصفح يعرفوننا ولا نعرفهم .. وما ضرهم أن لا نعرفهم وشرف لنا ان عرفونا
أحبة في الخرطوم .. خرطوم السرور تعصر الحيطة تولع نور .. هل مازالت أسعار الكهرباء غالية في الخرطوم ؟ شيخ البورداب العوض المسلمي .. الصديق الأعز وهبة .. جنابو عمر التائب .. جماعة قندهار .. ما كانت لنا سبة أن عدونا أكلة اللحوم .. أنا و الله أستطيب أكل اللحوم .. ومازلت أشتاق مجالس قندهار والمخلوطة في رواكيبها
أحبة في جزيرة العرب حبسهم الإغتراب وما حبس حبهم للوطن .. عن شلة المعارضين أتحدث .. وأحبابي من المونساتية والضوحكنجية .. هل نالوا بعدي لقباً جديداً ؟ وكتائب النظام من اخوتنا مغتربي السعودية وغيرها من دويلات الجزيرة .. كلهم والله أذكرهم بخير ..
مناضلو الكيبورد من اخوة صدق في برد أوروبا وفيافي أمريكا .. الحالمون - وما ابرئ نفسي - أن كل مظاهرة لعلها ثورة .. وكل صيحة لعلها لنا
البورد كبلادنا الشاحبة .. تحبه بزينه وشينه .. بأغاني خليل التي ينثرها وغضبات تراجي التي لا تبقي ولا تذر و عوكات كمال بشاشا ..
كيكي وتفكيكاته .. الشفيع وراق واستماته في الدفاع عن النظام حتى تحسبه كان يركب دبابة في ليلة يونيو تلك .. ود الباوقة الذي يحب البشير كحبيه لأبيه وربما أشد .. صلاح غريبة وهو يمدح نفسه فكأن الكون مرآة خلقها الله له .. خالي أمين ولولا أنه خالي لما استحق الذكر .. تيسير عووضة ومداخلاتها الرشيقة .. لعل عزاز شامي مازالت غائبة ، أم تراها عادت من منفاها ؟ بكري أبوبكر هل مازال يكتب Done ? طلال عفيفي وكتابته باللون الأزرق و عصام عبد الحفيظ ببوستات الصور التي كان يشتكي انه كلما أنزلها " يا بكري عمل أرشفه يا جا هكر " .. ما خبر الهكر ؟ و علاء الدين الذي هو دوماً في سيارته في موقع الحدث ومعه كاميرا بالصدفة .. ناجي وصورته المقلوبة .. ود الصائم وهو يقهقه ويدحرج الوشوش الخدرا .. هل ما زالت صراعات العنصرية تأكل البورد كما تأكل السودان ؟ دينق هل هو هنا بقية من سودان كان يمكن أن يكون جميلاً فأضعناه أم اعتبروه أجنبياً فأقصوه |؟ ما فعل محمد المسلمي بعد اعتقال صلاح قوش ؟ هل عاد الحبشي ليمدحه ملاسي ؟ قابلت ملاسي أكثر من مره في مصر .. واحببته هنا وما كنت ارتاح له في الخرطوم .. وازعم انه احبني ايضا .. هل مازال يتأمل ويترصد خالد عويس وقيقراوي والمشرف وحسن موسى ؟
ما هذا التعداد الذي أقحمت نفسي فيه ؟ كلما ذكرت اسما تداعت مئات .. الخالة دوما ومحمد سليمان و" الكتلة " الجمهورية وأماني الأمين و و و و
ما أحمق هذا الكيبورد المستأجر الذي أكتب عليه .. لقد دخل بي في متاهات الذكر و الحصر ..
للذين ذكرتهم والذين ما ذكرتهم وما نسيتهم والذين ما عرفتهم قبلا ..
ابعث تحياتي
ربما في وقت قريب اعاود التواصل هنا .. فالحق اني مشتاق لهذه الصفحات الصفراء كحال بلادنا ..
إلى الأحبة في سودانيز أون لاين .. والله اتوحشناكم .. والقلم ليهو رافع وعساه قريب
|
Post: #2
Title: Re: أمّا الأحبة فالبيداء دونهم ..
Author: saidahmed shami
Date: 03-19-2013, 01:56 PM
Parent: #1
حمور زيادة
حمد الله السلامة .. بركة الجيتنا طيب
|
Post: #3
Title: Re: أمّا الأحبة فالبيداء دونهم ..
Author: فايزودالقاضي
Date: 03-19-2013, 01:57 PM
Parent: #1
ياهلا بيك اخونا حمور وليك وحشة ..
وعوداً حميداً ..
كن بخير وتجينا بخير ..
تحياتي ،،
|
Post: #4
Title: Re: أمّا الأحبة فالبيداء دونهم ..
Author: وليد التلب
Date: 03-19-2013, 01:57 PM
Parent: #1
مرحباً من هنا قليلاً ناحية الشمال حمور
عن احبابك الهاشميين يا اموي الهوي
وليد التلب
|
Post: #5
Title: Re: أمّا الأحبة فالبيداء دونهم ..
Author: محمد حيدر المشرف
Date: 03-19-2013, 01:58 PM
Parent: #1
يااااا .. مشتاقين آ زول
|
Post: #6
Title: Re: أمّا الأحبة فالبيداء دونهم ..
Author: Osman Musa
Date: 03-19-2013, 02:19 PM
Parent: #1
أكلنا أم تكشو المكشنة مع عيال تاج الدين حمور
والخير حمور
والفاضل حمور في كورية وأحدة في منتصف الستينات
وقطعنا بحر الزيداب عوم والتماسيح الصديقة تضحك ...
أرجو أن تبلغ اليك سلاماتي
وأرجو التكرم بتبليغهم محبتي وتبليغهم بما حدث من دمار للرصيف و للمحالج والمحلوج .
...
ياخ ألف مرحب
|
Post: #7
Title: Re: أمّا الأحبة فالبيداء دونهم ..
Author: احمد التجانى احمد
Date: 03-19-2013, 02:53 PM
Parent: #6
حمور زيادة
مرحبا بعودتك , افتقدناك يعلم الله
لكن انت فعلا مقاطع البورد تماما , مش كتابه وبس لكن يبدو واضحا انك حتى التصفح رميت طوبته
ودة لانه نص الناس البتسال عنهم فوق هم زاتهم ماف
ياخ تصدق انه تراجى بقت تفك ليها مداخله مداخلتين بس كل ربع
|
Post: #8
Title: Re: أمّا الأحبة فالبيداء دونهم ..
Author: خالد عبد الله محمود
Date: 03-19-2013, 03:03 PM
Parent: #7
| Quote: أمّا الأحبة فالبيداء دونهم |
بيداء شنو يا حمور ...
و الله العظيم ما أن يلف وجهكـ هواء المحروسة و تشتم رائحة حبيب نورة إلا و تفكنا عكس الهواء 
|
Post: #9
Title: Re: أمّا الأحبة فالبيداء دونهم ..
Author: محمد المسلمي
Date: 03-19-2013, 03:16 PM
Parent: #8
الاخ الحبيب حمور تحية طيبة وكلها ود شوق
لعل الدنيا والظروف الراهنة باعدت بين الناس في هذا الفترة ولكن مازالت احن الي لقائك
كلما التقيت بالأخ الشيخ العوض والخال وهبة وكلما اجتمع بورداب الخرطوم الاكانت
صورتك حاضرة في ذهني لعن الله الظلم والظروف التي ابعدتك عن موطنك الذي أحببت
وحتماً ستعود قريباً
---------
اما قصة الجنرال المعتقل فهي قصة طويلة لعل الدنيا تجمعنا تاني حتي تعرف ماهو غائب عنك فيها
|
Post: #11
Title: Re: أمّا الأحبة فالبيداء دونهم ..
Author: omer osman
Date: 03-19-2013, 03:26 PM
Parent: #9
ودحلال والله ياحمور ..
أول امبارح في حديث مع احد الاصدقاء البورداب ..
اتفقنا على ان غيابك عن سودانيزاونلاين طال كفاية تعال ...
قبل العودة الى الخرطوم بيوم ضربت ليك لقيت تلفونك مغلق ..
وحشتني المحروسة ...
|
Post: #10
Title: Re: أمّا الأحبة فالبيداء دونهم ..
Author: صلاح عباس فقير
Date: 03-19-2013, 03:22 PM
Parent: #8
Quote: ربما في وقت قريب اعاود التواصل هنا .. فالحق اني مشتاق لهذه الصفحات الصفراء كحال بلادنا ..
إلى الأحبة في سودانيز أون لاين .. والله اتوحشناكم .. والقلم ليهو رافع وعساه قريب |
والله حقيقة يا حمور البورد يفتقدك بشدة!
منذ فترة تحدثني نفسي ببوست أتساءل فيه عن غيابك عن البورد!
وكيف اضطُررتَ إلى اللامبالاة بالحوارات الجميلة والتفاعل الكبير
الذي كنت تجده من كلّ أطياف البوست،
والجميع في نشوة بالأفكار الجميلة، الموضوعة في قالب أدبي رائع
وهذه قصة أنا متأكد لو أنك أطلقت فيها لنفسك العنان؛ ...
بل ربما لن تستطيع العودة إلى ما كنت فيه، إلا بأن تُطلق عنان
الحكي عن تلك الظروف التي ...
تحياتي ومودتي!
|
Post: #12
Title: Re: أمّا الأحبة فالبيداء دونهم ..
Author: Haitham Elsiddiq
Date: 03-19-2013, 03:29 PM
Parent: #10
يشهد الله تزكرتك أمس القريب...
وفكرت أن أراسلك لنطمئن عليك.....
ياخي قرب تعال ما تبتعد....
|
Post: #13
Title: Re: أمّا الأحبة فالبيداء دونهم ..
Author: محمد البشرى الخضر
Date: 03-19-2013, 03:37 PM
Parent: #12
يا سلام يا حمور مشتاقين والله اخدك الفيس بوك وميدان التحرير مننا
تعرف في مارس دا جا راجع عماد عبدالله ومولانا المرتضى واسي انت وقبلكم البروف أمين
دا ربيعنا خلي بالك :)
كدي لامن نجيك برواقة نونسك بالسألت عنهم و احوالهم , لكن هاك ديل على السريع
بكري بطّل Done و استبدلها بـ عبد الغفار الشريف, كان قلت ليه سلام عليكم يقول ليك عبد الغفار :)
وابو حسين كوته تلاتة مداخلات بس في يومو وليلته 
|
Post: #15
Title: Re: أمّا الأحبة فالبيداء دونهم ..
Author: كمال حسن
Date: 03-19-2013, 04:03 PM
Parent: #13
أكاد أجزم بانني* قرأت يوستاتك جميعها
فأنت من القلائل الذين ما أن رأيت إسمهم إلا وهرول إصبعي للنقر على بوستيك،
وما أظنك خذلتني قط
حمدا لله على سلامة عودتك
* من الذين ما ذكرتهم وما نسيتهم والذين ما عرفتهم قبلا ..
|
Post: #14
Title: اتجاه لالغاء النشاط السياسي بالجامعات الحكومية
Author: العوض المسلمي
Date: 03-19-2013, 03:52 PM
Parent: #12
اخونا وحبيبنا حمور زيادة يشهد الله مشتاقين كتير وسائلين منك ...
|
Post: #16
Title: Re: اتجاه لالغاء النشاط السياسي بالجامعات الحكومية
Author: عبد اللطيف السيدح
Date: 03-19-2013, 04:29 PM
Parent: #14
آما زلت في المحروسة
أم وصلت الي بلد تموت من البرد حيتانه؟
نلتقيك بخير
|
Post: #17
Title: Re: اتجاه لالغاء النشاط السياسي بالجامعات الحكومية
Author: طلحة عبدالله
Date: 03-19-2013, 04:51 PM
Parent: #16
هلا والله بالأديب الأريب حمور
حلت البركات وولعت الأنوار
|
Post: #18
Title: Re: اتجاه لالغاء النشاط السياسي بالجامعات الحكومية
Author: محمد إبراهيم علي
Date: 03-19-2013, 05:04 PM
Parent: #17
يا حمور ازيك يا راجل وبركة الجيت
تصدق بكري بقى يعمل بوستات ويحرسا
وكان جيت فتحت ليك بوست قلت والله امبارح في التلفزيون جابو منى ربة قبل ما تكمل مداخلتك تلقاهو لصق الفيديو:)
الربع يجزيرة العرب ما شاء لله كلو يوم في زيادة شي تسجيلات جديدة وشي هاربين من البلد
نحن في الرياض فكرنا نعمل فدرالية للبورداب كل حي نديهو ولاية براهو حاكم العدد كبر
وود الصايم حيكون ابيي (بقى اهلو ما بشوفوهو ساكي الريال )
|
Post: #19
Title: Re: اتجاه لالغاء النشاط السياسي بالجامعات الحكومية
Author: أسامة البلال
Date: 03-19-2013, 05:26 PM
Parent: #18
سلام حمور والحمد لله علي السلامة
تذكرتك قبل أسبوع وأنا في كايرو لكن لم أعرف رقم تلفون ليك
|
Post: #20
Title: Re: اتجاه لالغاء النشاط السياسي بالجامعات الحكومية
Author: كمال عباس
Date: 03-19-2013, 06:30 PM
Parent: #19
عودا حميدا .........
|
Post: #21
Title: Re: اتجاه لالغاء النشاط السياسي بالجامعات الحكومية
Author: Muna Khugali
Date: 03-19-2013, 10:04 PM
Parent: #20
وإنت كمان وحشتنا..
حمدلله علي السلامة..
|
Post: #22
Title: Re: اتجاه لالغاء النشاط السياسي بالجامعات الحكومية
Author: عبدالله شمس الدين مصطفى
Date: 03-19-2013, 10:20 PM
Parent: #21
مرحباً حمور, المكان يفتقد كتابتك الرزينة.
كن بخير
|
Post: #23
Title: Re: اتجاه لالغاء النشاط السياسي بالجامعات الحكومية
Author: كمال سالم
Date: 03-19-2013, 10:44 PM
Parent: #22
يا هلا بخال الجميع ,,
إفتقدناك يارجل .
|
Post: #24
Title: Re: اتجاه لالغاء النشاط السياسي بالجامعات الحكومية
Author: طارق جبريل
Date: 03-19-2013, 11:54 PM
Parent: #23
يا قريبي كيفنك ياخ
ماك طالع البلد قريب
|
Post: #25
Title: Re: اتجاه لالغاء النشاط السياسي بالجامعات الحكومية
Author: عمر صديق
Date: 03-20-2013, 00:37 AM
Parent: #24
حمور المصري
مشتاقين
وعبرك نزجي التحايا للبطن الجابتك
وسعدت بعودتك
واشتقت لمقال الاربعاء مع قرب صدور المستقلة
فان اجبت استكتبنا خالك لانه خالك
مع خالص التحايا
|
Post: #26
Title: Re: اتجاه لالغاء النشاط السياسي بالجامعات الحكومية
Author: أمين محمد سليمان
Date: 03-20-2013, 01:40 AM
Parent: #25
بيداء في عينك !!
شايف كل زول قال اتذكرك امبارح ... غايتو أنا قاعد هنا ... زول سئل منك مافي !!
يا حمور ياخي زي ما بقولو أهلك المصاروة : غيب و ليك وحشة !!
|
Post: #27
Title: Re: اتجاه لالغاء النشاط السياسي بالجامعات الحكومية
Author: محمد يوسف طه
Date: 03-20-2013, 01:56 AM
Parent: #26
عودا حميدا مستطاب أستاذ حمور.
|
Post: #28
Title: Re: اتجاه لالغاء النشاط السياسي بالجامعات الحكومية
Author: khaleel
Date: 03-20-2013, 05:45 AM
وعلي حسب وداد قلبي يا ابوي
وراح اقول لحمور سلامات سلامات
|
Post: #29
Title: Re: اتجاه لالغاء النشاط السياسي بالجامعات الحكومية
Author: محمد عبد الماجد الصايم
Date: 03-23-2013, 09:47 AM
Parent: #28
ديشششششششششااااااااكـ!
حمور عديل كـدا
ياخ الواحد قرّب ينساكـ يا معلم!
دي النجيضة عشان ما أقول ليكـ متذكركـ والتلج المكسر دا!!
|
Post: #30
Title: Re: اتجاه لالغاء النشاط السياسي بالجامعات الحكومية
Author: Kabar
Date: 03-23-2013, 09:56 AM
Parent: #29
Quote:
هل ما زالت صراعات العنصرية تأكل البورد كما تأكل السودان ؟ دينق هل هو هنا بقية من سودان كان يمكن أن يكون جميلاً فأضعناه أم اعتبروه أجنبياً فأقصوه |؟
|
الما عارف يقول عدس..!!!..
أو..
حتى أنت يا بروتس؟!!!
أنســّنة الماعـُـون: عن الإنسان و الفــراغ..!!!
الغريبة يا حمور ، الواحد كان ، بمظنة العشم ، قايلك بتختلف عنهم...!!!
كلكم مثل بعض..و لن نكون من الخرتوم.. حتى ينصفنا بعضكم..!!!!
المهم عساك طيب يا صديق..
كبر
|
Post: #31
Title: Re: اتجاه لالغاء النشاط السياسي بالجامعات الحكومية
Author: د.نجاة محمود
Date: 03-23-2013, 10:33 AM
Parent: #30
اووووووووووووووووووووووه
ياخي ما مشتاقين وين الحي بيك يا ولدنا
يلا خليك هنا بالله عشان تكنس القبح
|
Post: #32
Title: Re: اتجاه لالغاء النشاط السياسي بالجامعات الحكومية
Author: ABUHUSSEIN
Date: 03-30-2013, 12:17 PM
Parent: #31
Quote: بكري بطّل Done و استبدلها بـ عبد الغفار الشريف, كان قلت ليه سلام عليكم يقول ليك عبد الغفار :)
وابو حسين كوته تلاتة مداخلات بس في يومو وليلته |
حسن شحاته الزول دا ما جاب سيرة أبو حسين خير شر ... يا زول و الله أحسن ليك ...
أخونا حمور أهلاً بيك و منور سودانيز
|
Post: #33
Title: Re: أمّا الأحبة فالبيداء دونهم ..
Author: محمد احمد القاضي
Date: 03-30-2013, 10:09 PM
Parent: #1
اللووووووووووووو ابن عمي حمور زيادة
الاخبار انشاء الله ان تكون بخير مرحبا بالعودة الطوعية ..
لك التحية
|
Post: #34
Title: Re: أمّا الأحبة فالبيداء دونهم ..
Author: زهير عثمان حمد
Date: 03-30-2013, 10:23 PM
Parent: #33
الحبيب حمور
تحياتي
عودا حميد
لسه أنا منتظر تلفونك أو رسل رقمك يا خي
|
Post: #36
Title: Re: أمّا الأحبة فالبيداء دونهم ..
Author: Emad Eldeen Ali
Date: 03-31-2013, 03:24 AM
Parent: #1
يا سلااااااااااااااااااااااااااااااااااااااااااااااااااااااااااااااااااااااام ياخ
ود أمدر الدر البزين وين ما حل.
مرحب والله
|
|
