Post: #5 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: خضر الطيب Date: 03-15-2013, 00:18 AM Parent: #4
Quote: غلبني ارقع صورتها ... تكون محوطة يارب ؟؟
انت اطلب منها اضافه اول .. بعد داك الصوره .. رفعا هين
Post: #6 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Hisham Osman Date: 03-15-2013, 04:48 AM Parent: #5
Quote: انت اطلب منها اضافه اول .. بعد داك الصوره .. رفعا هين
حامضة لكين يا خضر.... الاضافة مجرورة, بس الرفع داير ضم
Post: #7 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: سارة علي Date: 03-15-2013, 05:32 AM Parent: #6
أجي يا المطاعنة!!!!
احمد ازيك؟
Post: #8 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 06:23 AM Parent: #7
شكراً ياخردة على الصورة كف العين .... لكنك لسة بعيد شوية من القاصدة أنا ....
... ... ...
خضر الطيّب ...عيبك تمسكك بالخيار الوطني . خليك قريب يمكن نديك نقلة نوعية تخليك اكثر طموحاً خاصة وانك فنّان بتاع شوطّات وكظّات ...
Post: #10 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: خضر الطيب Date: 03-15-2013, 07:04 AM Parent: #8
Quote: خضر الطيّب ...عيبك تمسكك بالخيار الوطني . خليك قريب يمكن نديك نقلة نوعية تخليك اكثر طموحاً خاصة وانك فنّان بتاع شوطّات وكظّات ...
والله يا احمد وماطالبني حليفه , عجبتني دخلتك التجي تجي دي
ولقيتا مناسبه الشوته دي , اصلوا ما كان ممكن القى ليها حته انسب من كده
وانا زول واجبات ان شاء الله مايكون فى اصابات
Post: #9 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: محمد قسم الله محمد Date: 03-15-2013, 06:58 AM Parent: #1
Quote: غلبني ارقع صورتها ... تكون محوطة يارب ؟؟
B]ده حالتو صورة بس.. هي ما محوطه لكن انتا مربوط. عليك بنصف فنجان سفرجل وربع كوب عرق هندي مع قليل من مسحوق العرقسوس .
Post: #11 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: كمال سالم Date: 03-15-2013, 09:29 AM Parent: #9
ما براك يا أحمد كلنا بنحبها ومكسرين فيها .
فولى وين يا أحمد ؟؟
Post: #12 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: أيمن الطيب Date: 03-15-2013, 11:10 AM
سلامات يا أحمد موسى,,,
زمان كان فى واحد ببيع طعمية عجيبة فى ركن سوق برى جنب الناصية الزمان كان فيها الكوفير ديك,, وواحد تانى جنب لفة نادى الأسرة جنب بيت ناس صديق كوبانى لا تقل جودة طعميته عن بتاعنا بتاع 4!!
أقترح أن نجتهد فى محاولة ضمهما لعضوية هذا المكان وصدقنى حا يقدروا ينافسوا ,, الناس ديل شايلين كمية من الكبكبى وحايمين بيهو وجاهزين 100%,,
تحياتى يا حبيب,,
Post: #13 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:28 PM Parent: #12
والله يا الحبيب أنا وخضر اخوي ده اليومين ديل سمن على عسل نحل وانا واثق أنها (حلوة) من جواه وخالية حموضة ... فأرجوك ماتدخل بين الفنان ومعجبه ... أو كما جاء ...
Post: #14 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:36 PM Parent: #13
Quote: أجي يا المطاعنة!!!!
احمد ازيك؟
تصدقي سارة في الوكت الإنتي كنت بتعلقي هنا انا كنت مرسل ليك ليك رسالة في الفيس بسأل عن احوالك ..؟! ده إسمه شنو يا أخوانا ..؟!! توارد خواطر ..؟!! وليس دفاعاً عن خضر صاحبي ولكنه علّق في إطار الخستكة الحميدة ...أو هكذا أظن ... لك وله تقديري التام وسلامي لكل من ترينه مناسباً لذلك ...
Post: #15 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:38 PM Parent: #14
Quote: غابة الابنوس عيونك او ضل رشدى فعزر
حسين محمد مبارك ...أخوي الفيسبوكابي ...تسلم على المرور صديقي الإسفيري
Post: #16 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:41 PM Parent: #15
Quote: والله يا احمد وماطالبني حليفه , عجبتني دخلتك التجي تجي دي
ولقيتا مناسبه الشوته دي , اصلوا ما كان ممكن القى ليها حته انسب من كده
وانا زول واجبات ان شاء الله مايكون فى اصابات
والله لو قلتي ليك مافي إصابات خضر بكون أصبت الإجابة الخاطئة ... عموماً خليك قريب بنحتاج قطع في مكان ما ...
Post: #19 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:51 PM Parent: #12
Quote: سلامات يا أحمد موسى,,,
زمان كان فى واحد ببيع طعمية عجيبة فى ركن سوق برى جنب الناصية الزمان كان فيها الكوفير ديك,, وواحد تانى جنب لفة نادى الأسرة جنب بيت ناس صديق كوبانى لا تقل جودة طعميته عن بتاعنا بتاع 4!!
أقترح أن نجتهد فى محاولة ضمهما لعضوية هذا المكان وصدقنى حا يقدروا ينافسوا ,, الناس ديل شايلين كمية من الكبكبى وحايمين بيهو وجاهزين 100%,,
تحياتى يا حبيب,,
والله يا أبو يمن بري ما ادراك مابري وليل بري والـذي منو ... شجن ينسيك هم البلد وتسرح مع ريحة الفرح والنفير الجوة النفوس والحب الجد جد موش زي اي لوف يو اليومين ديل يلا ...انسى .....
Post: #18 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:46 PM
Quote: ما براك يا أحمد كلنا بنحبها ومكسرين فيها .
فولى وين يا أحمد ؟؟
والله يا كمال يا خوي الكسير حاصل وجماعي لكن حقي ده براه ... تصدق أنا لمن أشوفها بحس اني زي ريشة بترقص على لحن المطر ... أأأأأأأأأأأأأأأأأه أنا من لحن المطر يا ناس ياهو ...
Post: #17 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 03:43 PM Parent: #9
Quote: عليك بنصف فنجان سفرجل وربع كوب عرق هندي مع قليل من مسحوق العرقسوس .
أبوحميد قالوا السفرجل ده عدم , الفي محلي مضروب .. اها الفهم شنو ..؟!!
Post: #20 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 07:26 PM Parent: #17
ده طبعا حب من الزمن الغابر ... كنت داسيه عشان هي مختلف مع نظامنا وكدة لكن كانت لمن تقول :سودان قورنفمنت شعرت جلدي كلها بتقوم ... العجب لو سالمت سياسي كبير كدة ,إيمديتلي بكره نظامه فلو سالمت اسلامي تلقاني علماني اكتر من محمد حيدر المشرف وابوساندرا وعادل عبدالعاطي مجتمعين ولو قالدت علماني بقلب سلفي اقول لعماد حسن انت شنو ..؟؟ اها الحب الجديد بجيكم ليه بس داير سمارت انا وسارة علي وكوستاوي ده قريبين
Post: #21 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 07:32 PM Parent: #20
خدو صورة زي دي ...دي انا تلاتة يوم ما نمت ...عين فخامة الرئيس دي ماعجبتني ..بجد وسألت الله القى لي مظاهرة من نوع داون داون يو اس اي ديك لكن مع انبطاحة حكومتنا فنظرة زي دي تمر ساااي وما تلقى غير تدعوا على امريكا بالويل والثبور الخ شنو يعني .؟؟عشان رئيس ..؟!! عشان سبب ######## زي ده انا ما اقدر انظر نظرة زي دي ..؟!!! ليك يوم يا (المنطط عينيك) .... لكن الحمدلله اها خليناها ليك ولقينا توام روحنا ..!
Post: #22 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: محمد حيدر المشرف Date: 03-15-2013, 08:01 PM Parent: #21
Quote: فلو سالمت اسلامي تلقاني علماني اكتر من محمد حيدر المشرف وابوساندرا وعادل عبدالعاطي مجتمعين ولو قالدت علماني بقلب سلفي اقول لعماد حسن انت شنو ..؟؟
هاك غناء العلمانيين يا أحمد .. أو فى صحة هذا الحب .. ودع عماد حسين يأتيك بما تيسر من غناء أهل السلف ..
أراك، فأنجو من الموت. جسمك مرفأ
بعشر زنابق بيضاء، عشر أنامل تمضي السماء
إلى أزرقٍ ضاع منها
وأمسك هذا البهاء الرخاميّ، أمسك رائحةً للحليب المخبّأ
في خوختين على مرمر، ثم أعبد من يمنح البرّ والبحر ملجأ
على ضفّة الملح والعسل الأوّلين، سأشرب خرّوب ليلك
ثم أنام
على حنطةٍ تكسر الحقل، تكسر حتى الشهيق فيصدأ
أراك، فأنجو من الموت. جسمك مرفأ
فكيف تشرّدني الأرض في الأرض
كيف ينام المنام
يطير الحمام
يحطّ الحمام .
Post: #23 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: عبد العزيز محمد عمر Date: 03-15-2013, 08:06 PM Parent: #22
حبيبنا أحمد موسى
النصيحة .... بــــ تتحبّ.... علا قصيرة شوية ياااااااخ
Quote: وليس دفاعاً عن خضر صاحبي ولكنه علّق في إطار الخستكة الحميدة ...أو هكذا أظن ...
انا لله يا احمد .. لكن والله لقيتك خطييير عديييل كده
ياخى الزوله دي مكسره امريكا الشماليه والجنوبيه والاتحاد الاوروبي
والله يا احمد وكالعاده ما طالبني حليفه .. ما كنت قايل زوقك باذخ للدرجه دي
طبعا ذى ماعارف انا ما دفعتك انا الدفعه البعدك بعشره سنه .. سنه يا انا
لكن ببصم بالعشره الزوله دي بتجهجه باكات عشره اجيال بمافيها الامم المتحده
قبل ثلاثه سنه كان عندها زياره للسودان ومن اليوم داك انا محتفظ بصور الزياره دي فى صفحة الفيس بوك
يعني لو كنت عملتا ليك اضافه من زمان ..كنت هسى شوتك..... غيره بس
كت اوت :
والله يا احمد فعلا فى مشكلة فى رفع الزوله دي .. عندي ليها ثلاثه صور رفعتاها اترفعت بس ظهرت مخربشه الزوله دي الفكي بتاعا اقوي مني ومنك
Post: #28 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 09:52 PM Parent: #24
Quote:
يا زول أوباما ما تخاف منو .. الزول دا مفتح إلا فى النسوان .. ما بشوف إلا ميشيل .. ربنا يديك الفى مرادك !!
والله يانادر أقرأ كلامك أصدقك ...أشوف نظراته أستعجب .. أو أستعـ (ق) ــب على قول المصريين ...
Post: #29 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 10:02 PM Parent: #28
أول مرة أشوفها (شعرت الرعشة من صوف رأسي لي كرعي) حبيتها ...وحبيت حبيبها ... ومن ديكـ بقيت متابعها متابعة لصيقة رقة .... زي لمسة فراشة لزهرة ...او ارق .... غايتو مسالة انك سوداني دي ما فيها كلام ..لكن الفينا اتعرفت ..!
Post: #31 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 10:10 PM Parent: #29
أُخدوا نفس .....
أها شنو قولكم ..؟!!! اوباما حلال عليك Susan Rice ورجعلنا اليابسة ورقيصنا الحي ياقول عاطف خيري ..!
Post: #59 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-17-2013, 01:54 PM Parent: #29
Quote: ·l ياخ حبك برص انت الراخر .. هسي دي تتحب من وين؟ وكيف؟ ناس ما عندها نظر.. باقيلك تحب كونداليزا ام عضلات وكوارع هههههه
Mohammed Suliman Khalid ............. هههههههههههههههه والله يا أبوحميد داعيتني عديل كدة .... الله يسامحك ياخوي
Post: #30 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed Yassin Date: 03-15-2013, 10:09 PM Parent: #21
اللقطة دي تقريبا هي كانت بتتكلم عن البتيخ
Post: #32 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 10:15 PM Parent: #30
Quote: اللقطة دي تقريبا هي كانت بتتكلم عن البتيخ
تصدق يا أبوحميد أنا ماكان عندي كلام في كلامها ماهي شغالة معاه وده باب رزقها (يعني كنت موافق :) وكدة ) انا الكان غايظاني نظرته دي ... ماعارف ليه إتذكرت اختي لوينسكي ...
Post: #33 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 10:36 PM Parent: #32
Kristen Stewart
Post: #34 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-15-2013, 10:42 PM Parent: #33
كدي اليجيني واحد يقول لي دي امريكية ماصاح ولا يهودية ولا ماسونية ... حاسد دي بطينة ودي بعجينة ...ان شاء الله تبقى نرجسية زاتو ولا يهمني
وينك ياصديق الموج ...وينك ياطارق جبريل ..؟!!!
Post: #36 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: حاتم محمد حاج المهدي Date: 03-15-2013, 11:36 PM Parent: #34
قصيرة وكملانة من لحم الدنيا ومسترجلة..
يا أحمد زوقك تعبان
Post: #37 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: زينب محمد عبدالله Date: 03-16-2013, 01:35 AM Parent: #36
سلام يا احمد موسى اختيارك موفق..... لكن الزوله دى معرسه امريكى حر امو بت عم ابو :) سوزان قابلت ايان فى جامعه استانفورد واتزوجو ولديهم طفلين
Post: #38 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: الصادق سيكا Date: 03-16-2013, 06:21 AM Parent: #37
فعلا فى اللقطة ديك كانت بتتكلم عن البتيخ .. الان هى والبتيخ وجها لوجه
Post: #39 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 07:11 AM Parent: #38
Quote: قصيرة وكملانة من لحم الدنيا ومسترجلة..
يا أحمد زوقك تعبان
والله ياحاتم ما كملان من لحم الدنيا الا نحن بعدين ياخ القصر ياحكمة يا فتنة والزولة دي (فتنة) عديييييل كدة ....
Post: #41 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 07:19 AM Parent: #38
Quote: فعلا فى اللقطة ديك كانت بتتكلم عن البتيخ .. الان هى والبتيخ وجها لوجه
تسلم ياسيكا ياخوي ,,, لكن زولتنا دي اختنا زينب جابت لينا نجيضتها قالت متزوجة امريكي من الجامعة وعندها ولدين اها كدي شوف لينا كريستين دي في لقطة مبدعة زي دي ينوبك ثواب
من الزعل امريكي كتبتها امريمي :)
Post: #42 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: بدرالدين الطائف Date: 03-16-2013, 07:23 AM Parent: #38
Quote: فعلا فى اللقطة ديك كانت بتتكلم عن البتيخ .. الان هى والبتيخ وجها لوجه
ده بطيخ مزروع فى الجروف ولا شنو .
Post: #44 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 07:46 AM Parent: #42
Quote: ده بطيخ مزروع فى الجروف ولا شنو .
ياتو جروف يا بدرالدين اخوي ..؟!! شوفوا الشابة دي جاية نابلة من بين الشفق كيف .؟؟ زي فكرة منسية في خاطرة حكيم ...
Post: #40 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 07:15 AM Parent: #37
Quote: سلام يا احمد موسى اختيارك موفق..... لكن الزوله دى معرسه امريكى حر امو بت عم ابو :) سوزان قابلت ايان فى جامعه استانفورد واتزوجو ولديهم طفلين
والله يازينب كتر خيرك وزي ماقال المثل اسمع كلام الببكيك ويوريك قصة عرسها وماتسمع قصة البضحكك ويقول ليك سالت منك ... عموما ... كدي شوفي لينا كريستين ستوريت دي قصتها شنو كمان ما تكون متزوجة مخرج ولا ممثل من هوليوود يقوموا الامريكان ديل يختو فينا راي اكتر مما هم خاتنه ويقولوا السودانيين ديل بحبو نسوان الرجال الامريكيين
Post: #43 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: فايزودالقاضي Date: 03-16-2013, 07:32 AM Parent: #40
ياود عمي ترا سودانيز شغالة من غير بروكسي في الخرطوم مزمل خيري الغتيت يكون ماكلمك ..
Post: #45 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 07:49 AM Parent: #43
Quote: ياود عمي ترا سودانيز شغالة من غير بروكسي في الخرطوم مزمل خيري الغتيت يكون ماكلمك ..
هو مزمل من ناحية غتيت غتيت وماجاب سيرة لكن نحن بفطنتنا عرفنا الحاصل وبروكسي صاحبك هسع كان قريب في اقاصي النت تاني الا يحله قوقل ... لا شغلة ولا مشغلة ...احالة للصالح العام وبدون حقوق كمان
Post: #46 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: الصادق سيكا Date: 03-16-2013, 08:10 AM Parent: #45
Quote: اها كدي شوف لينا كريستين دي
يا ابوحميد اخبار ما كويسه عن صاحبتك دى ... اسكت ساكت ...... مش طلعت مستلوطه ...!!
Quote:
Kristen Stewart having Lesbian relationship with Tamra Natisin?
Quote: Kristen Stewart is going "gay" for Katy Perry's assistant Tamra Natisin, claims the National Enquirer.
"Rob will hit the roof when he sees photos of Kristen and Tamra hanging out together," a so-called "insider" tells the Enquirer. "It's obvious to all of her friends that there's a romance brewing between them."
According to the magazine, Stewart "raised eyebrows by lavishing attention on Tamra" during an evening at the Hotel Cafe in Hollywood on March 3.
"They arrived together and spent the entire night talking to each other, ignoring everyone around them," says the Enquirer insider.
"After a few hours, they left together. Lately, Kristen and Tamra have been spending all their free time together."
Post: #47 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 03:09 PM Parent: #46
Quote: Kristen Stewart having Lesbian relationship with Tamra Natisin
حسبي الله ونعم الوكيل ...!! يعني نرجع للخيار الوطني ولا شنو ..؟!! طيب يا الصادق خليك قريب يمكن نحتاج لي معلومة (وطنية) ..
Post: #48 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 04:24 PM Parent: #47
للكافة من متابعي هذا البوست ...توضيح ..الحب المعني هو حب كدة وكدة اما ضاحبة الحب الجد جد فسنأتي لها مع إستعراض نماذج وولوجاً للخيار الوطني نعرض هذا النموذج كيتاً في محمد حيدر المشرف وعلمانيته إلى أختى (إسلام) إمرأة من رحم الأرض
(1)
عرفتك وكنتي زي غيمة
سالتك فكة الريق اليباس
دنقّر حشاك
قطّع الخُضرة ورحل ...!
(2)
سارت خطاك ...مليانة بي فرحي وبكت
غنيت وراك
عصفور صرخ طارت رموشك بالخجل .!
(3)
جسد الطريق كاسيه شوك
لون الفرح أسود
أطفال تغازل في البحر
موجة مفجوعة
وموجة مجدوعة
وموجة تريانة بحلم ...
رويانة بالجاييك عديل
زغرودة تحلم بالامان
صفقة ترابلة وهوَس والحفلة صباحي .................وحليلك يا وطن .!
ـــــــــــــــــــــــــــــــــــــــ
لمن يسأل ...هذا النص من بنات أفاكري لبنات بلدي ...
Post: #49 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: محمد قسم الله محمد Date: 03-16-2013, 10:00 PM Parent: #48
أحمد أخوي .. نصيحة أخوية لا قرش ولا تعريفة.. شايفك قنعان من بت عمك رايس لكن قبال الخيار الوطني كدي شوف الصورة دي. صورة الناها بنت مكناس إن شا الله تكون خالية طرف وما أظن تلقي أحسن من الشناقيط غايتو شوف عمك مكناس رايو شنو؟؟ ميزة تفضيلية: * الناها كانت وزيرة خارجية يعني بتعمل ليك جواز دبلوماسي (صحبة راكب) وبعدين عندها معاش مأسس. * جهجهت ليك السفراء بتاعيننا وجننت عبد القادر زاتو. علي بركة الله أمرق دربك أخدر.
حيرتنا يا متر !!!!! الاولى علمونة الجضمونة....خريجة استانفرد و قرررربت تبقى وزيرة الخارجية الامريكية. و من اصول جمايكية.
التانية قرت لحدى سنة سابعة. الباقى قالوا تمته من البيت!!!! تمثيلها كعب. و انا شايفة انها ما بتعرف تمثل. و امريكية بيضاااااء.
ما قدرنا ذاتو نعرف ذوقك كيف بالضبط!!!!!! لكن الشافعة دى غايتو مواليد سنة 90....كنت وين انت الزمن داك?
Post: #51 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-16-2013, 10:42 PM Parent: #50
smart_ana2001 ياريتني ما ندهتك ...:) ندهتك للنجيضة ونجيضتك حارة شديد ... لكن قصة تمثيلها كعب دي بالغت فيها ... ياخ دي في Twilight إتقطعت عديل كدة حتى أعمامك ناس الاوسكار جابوها تحضر ولا تقدم ما متذكر اها سنة 90 دي احسن ما تنتظروا مني اجابة حولها .. :)
Post: #52 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-17-2013, 00:26 AM Parent: #51
Quote: ميزة تفضيلية: * الناها كانت وزيرة خارجية يعني بتعمل ليك جواز دبلوماسي (صحبة راكب) وبعدين عندها معاش مأسس. * جهجهت ليك السفراء بتاعيننا وجننت عبد القادر زاتو. علي بركة الله أمرق دربك أخدر.
يا ابوحميد ياخوي ده شعرا ماعندنا ليه رقبة و (شعراً) ماعندنا ليه قافية :)
Post: #53 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Deng Date: 03-17-2013, 06:41 AM Parent: #52
أحمد موسى
سلامات.
الدكتورة سوزان رايس فعلا سيدة رائعة بحق وحقيقة. والعجب كان شفتها عندما كانت مسئولة الشؤون الأفريقية بمجلس الأمن الوطني وكان عمرها حوالي 29 عاما فقط. أنا كنت حريص دائما عندما أجدها في أي ندوة أو جلسة أستماع في الكونجرس أسلم عليها وأشكرها على جهودها المخلصة في الشأن السوداني. تمنيت أن تصبح وزيرة للخارجية، ولكن عجائز مجلس الشيوخ الأمريكي تأمرو عليها بما فيهم الوزير الحالي جون كيري. الله لا كسبهم جميعا.
سوزان رايس متزوجة من رجل أمريكي ذو أصول كندية، وهي نشأت وترعررعت بواشنطن العاصمة.
Post: #54 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: محمد زكريا Date: 03-17-2013, 08:42 AM Parent: #53
Post: #55 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Zomrawi Alweli Date: 03-17-2013, 09:28 AM Parent: #54
ورايك في دي شنو يا استاذ احمد
Post: #56 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-17-2013, 01:40 PM Parent: #55
Quote: تمنيت أن تصبح وزيرة للخارجية، ولكن عجائز مجلس الشيوخ الأمريكي تأمرو عليها بما فيهم الوزير الحالي جون كيري. الله لا كسبهم جميعا.
اللهم أمين ... هي فعلاً تستاهل (بعيد عن خستكة البوست) ...تتمتع بشخصية قوية وشكلها ذكيه ويكفي إنها في عمر الـ29 تبوأت منصباً رفيعاً ...نموذج حقيقي وفاعل للمرأة في نشاطها العام
ـــــــــــــــــــــــــــــ Deng مافهمت قصة تسلم عليها كل ما لاقيتها دي ... وبصراحة خوفتني ..تكون إنت زاتكـ راكب معانا في الهواء سوا ..؟!! :)
Post: #57 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-17-2013, 01:44 PM Parent: #56
Quote: twilight = الشفق عند الغروب تووليت = ؟؟
محمد زكريا ..... يا اخوي ...كان لرايس طلعت متزوجة من جنيوين أمريكان , وبسلم عليها Deng يعني محقونة وكان على كريستسن ستيوريت فطلعت ليزبيان ...وحسب إسمارت أنا فاقد تربوي ... فمافي ثنك ولا يحزنون ...
Post: #58 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-17-2013, 01:50 PM Parent: #57
Zomrawi Alweli...... ياخ دي هسع يطلعوا ليك ناس زينب وسمارت انا ومنو ماعارف يطلعوا ليك فيها ميتين مشكلة كدي خلينا النروق حبة ..ونشوف الحاصل ...
Post: #60 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: أمير محمد ادريس Date: 03-17-2013, 02:10 PM Parent: #58
هههههههه يا الصادق سيكا الله يهدينا ويهديك شنو القنابل البتفكها دي في بوست أيمن بتاع ( حسين المشوكش ) وتاني هنا كمان في البوست ده
Post: #61 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-17-2013, 07:49 PM Parent: #60
Quote: هههههههه يا الصادق سيكا الله يهدينا ويهديك شنو القنابل البتفكها دي
هي قنابل نُصاح أمير اخوي ...؟!!
Post: #62 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-18-2013, 12:27 PM Parent: #61
Quote: حاول شوف لينا صورة واقفة كاملة عشان نشوف كل المؤهلات ومن ثم يسهل الحكم لكن مبدئيا كدا شكلها ستاندر
موش كدة يا أبوحميد ..؟! والله شكلك فنان حقيقي في المعايير ...
Post: #63 Title: Re: يا اخوانا أا بحب الزولة دي شديييييد , والتجي تجي (صورة مؤكد) Author: Ahmed musa Date: 03-18-2013, 01:02 PM Parent: #62
