ضبط عربة إسعاف تروِّج الخمور في أم درمان!!

ضبط عربة إسعاف تروِّج الخمور في أم درمان!!


ضبطت شرطة أمن المجتمع بأم درمان عدداً من معتادات توزيع الخمور يقمن باستغلال عربة إسعاف تتبع لإحدى المستشفيات الخاصة المعروفة لتوزيع الخمور من منطقة جبرونا إلى أنحاء الولاية المختلفة نظير مبلغ مالي يتم إعطاؤه للسائق.. إذ تم نصب كمين أمام كبري النيل الأبيض.. فحضرت العربة بسرعة وهي تستعمل (السارينا).. وحاول (التيم) المنفذ إيقاف العربة إلا أن السائق رفض، وحاول تخطي العربات أمامه، إلا أن زحمة المرور أجبرته على التوقف، فتم تفتيش العربة ووجد السائق في حالة سكر ومعه سيدتان من معتادات ترويج الخمور وشخص رابع، واعترفوا بأنهم يقومون بترويج الخمور بالإسعاف، وتم تدوين بلاغ في مواجهة المتهمين تحت المواد 21/25/89/97 ق/ج وبلاغ آخر ضد السائق تحت المادة 78 ق/ ج.

الاخ محمد\ الامين

تحياتى ..

اكيييد فى بلاغ عنهم سابق ....

قمة الذكاء استعمال الاسعاف مع السرييينا (خصوصا فى الخرطوم ) كلٌ فى همه داشر ...


اتذكرت زمان فى بدايات المشروع الحضارى وهى لله (دييييييك)
الجماعة شددوا على ناس العرقى شديد لدرجة (قزاز مافى طريقة ليهو ) والموضوع بقى بالكيس زى الايس كريم وكدة ....!!!

فى ست عرقى ابدا ما وقفت الشغل وبتجيب من الحاج يوسف لى طرمبتها ...
وناس الحكومة احتاروا كييف بتهرب العرقى ..


فى النهاية اكتشفوا ان عربة التكسى بالرغم من انها حديثة وموديل جديد شغالة بالدرب ...!!!
والدرب لمن لا يعرفة (هو وضع جالون البنزين داخل الكابينة وتوصيله الى الكربريتر بليىّ الدرب ....)

وكان تنك الفيول يستعمل لتهريب المسكر .....!!

وقبل كدة ضبطوا عربة نفايات برضو بتوزع !!

الفكرة الجهنمية في عربة النفايات حيث انو زول النفايات بيشيل الخمرة بتاعتو وينزلا عادي قدام اي بيت زول بيلاحظ مافي !!

لكن بتاع الأسعاف لو وقف قدام أي بيت أو في أي حتة مليون زول حا يقرب منها يشوف العيان منو !!


لكن فعلا اسعاف لأنها أسعفت العطشانين بس ما يكون اليتاع مخلوط بي جلكوز !!

..

يا اولاد الابالسة

والناس مالاقيه اسعاف للمستشفيات حتي

..