Post: #1
Title: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 12:08 PM
نحنا ناس فداسي هينين (بالاضافة لتهذيبنا) الله يحلك من ناس حجر الطير وحجر العسل
في شر أعمالك 
|
Post: #2
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 12:11 PM
Parent: #1
يا منمط
|
Post: #3
Title: Re: فيما يختص بالمواطن المدعو عمر دفع الله ...
Author: Mohamed E. Seliaman
Date: 03-12-2013, 12:11 PM
Parent: #1
| Quote: نحنا ناس فداسي هينين (بالاضافة لتهذيبنا) الله يحلك من ناس حجر الطير وحجر العسل |
بل أنت يا جعفر الآن:
|
Post: #4
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 12:21 PM
Parent: #3
حلوة وملعوبة يا محمد سليمان
لكن دي علي مين
|
Post: #5
Title: Re: فيما يختص بالمواطن المدعو عمر دفع الله ...
Author: أيمن الطيب
Date: 03-12-2013, 12:30 PM
Parent: #4
سلامات يا جعفر
شايف صورة الوالى ظاهرة من بعيد 
برضو قولو لينا ما مريخاب ,,,
*التحية لأهل فداسى الكرام الأكارم,,
|
Post: #6
Title: Re: فيما يختص بالمواطن المدعو عمر دفع الله ...
Author: عبدالغفار محمد سعيد
Date: 03-12-2013, 12:38 PM
Parent: #5
سلام يا جعفر
| Quote: نحنا ناس فداسي هينين (بالاضافة لتهذيبنا) الله يحلك من ناس حجر الطير وحجر العسل |
الله يحلك من اولا د "الحجارة الكريمة " كما كان يلقبهم نافع على نافع فى بيوت الاشباح حين يولغون عميقا فى دم المعتقلين السياسيين
التعديل لتصحيح خطاء فى طباعة كلمة
|
Post: #7
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 12:49 PM
Parent: #6
| Quote: شايف صورة الوالى ظاهرة من بعيد |
سلام يا ايمن
عارف لمن الوالي بقي رئيس المريخ ... الزول بقي خايف يقول انا مريخابي عشان ما يقولو ليهو انت بقيت مريخابي عشان جمال الوالي ... لكن عندي خالي هلالابي (علي حد السيف والسكين وكل الاسلحة النارية والبيضاء) ضبانة مريخابية ما بتمشي قدامو لو الهلال كان فايز ... مصنف ليك الناس كلهم وعارف منو الكان مريخابي قبل الوالي ومنو البقي مريخابي بعدو (وطوالي نحنا في مريخاب الوالي)
وتحياتي يا ايمن طيب وشكرا لكلماتك الطيبة
|
Post: #8
Title: Re: فيما يختص بالمواطن المدعو عمر دفع الله ...
Author: Isa
Date: 03-12-2013, 01:06 PM
Parent: #7
يا جعفر المواطن دا كان بقت عليه منمط وكلاسيكي هينة.. لكن شايف طلعوه (هامش) كمان.. أمال نحنا نكون شنو يا عمـر لامن إنت هامش؟ ..
|
Post: #9
Title: Re: فيما يختص بالمواطن المدعو عمر دفع الله ...
Author: محمد عبدالرحمن
Date: 03-12-2013, 01:14 PM
Parent: #8
حباب (اهل تاتا العزاز ابواتا ) ....
كل رسوم الدنيا لن تمحو صورة
فداسى الجميلة من اذهاننا ...جمالها
وسماحة اهلها وتهذيبهم وكرمهم .....
سلام ياجعفر ....وياجبل مايهزك ريح ....
|
Post: #10
Title: Re: فيما يختص بالمواطن المدعو عمر دفع الله ...
Author: وضاحة
Date: 03-12-2013, 01:17 PM
Parent: #9
واسمها دا جاى من وين بلدكم دى 
|
Post: #11
Title: Re: فيما يختص بالمواطن المدعو عمر دفع الله ...
Author: أيمن الطيب
Date: 03-12-2013, 01:21 PM
Parent: #10
| Quote: واسمها دا جاى من وين بلدكم دى |
من فرنسا!!
يا وضاح إنتو بلدكم إسمها شنو؟
|
Post: #12
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 01:29 PM
Parent: #9
سلام عزيزي عبدالغفار
| Quote: الله يحلك من اولا د "الحجارة الكريمة " |
بصراحة قدر عرفتي في الكيزان والامنجية اول مرة افهم انو في تنميط لمناطق الحجارة الكريمة ... علي الاقل دي حسنة للمواطن عمر دفع الله عشان (رغم قصدو الشريف )
الواحد ينتبه لتفاصيل زي دي وما يقع في شر اعمالو
|
Post: #13
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 01:44 PM
Parent: #12
| Quote: واسمها دا جاى من وين بلدكم دى |
وضاحة ازيك
بلدنا ياتا قاصدة ... فداسي ولا حجر الطير ...
|
Post: #14
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 02:01 PM
Parent: #13
| Quote: يا جعفر المواطن دا كان بقت عليه منمط وكلاسيكي هينة.. لكن شايف طلعوه (هامش) كمان.. أمال نحنا نكون شنو يا عمـر لامن إنت هامش؟ |
سلامات يا عيسي
تعرف انو مسالة التهميش دي تم خلط اوراقها عن قصد (كضربات استباقية) لاي محاولة للجهر بالتهميش عشان يقولوا (ما نحن برضو من المناطق المهمشة) .. التهميش المقصود ماهو تهميش جغرافي ... التهميش الجغرافي مسالتو سهلة جدا وهي مشاريع تنمية ممكن تشرف عليها الدولة ... لكن التهميش الجغرافي ما ناتج من فراغ ولا هو اساس بل هو محصلة ونتائج للتهميش الثقافي اصل واساس المشكلة ... يعني بالعربي المسالة ما قصة انت من وين هي قصة انت لونك شنو ولغتك شنو وشكلك عامل كيف تبعا ليها بتحدد وضعك الاجتماعي والاقتصادي حتي لو كنت من قدامي الكيزان والشواهد ما تحتاج لاشارة ... لكن الخلط المقصود هو مجرد محاولة استباقية لدحض فكرة التهميش الثقافي
|
Post: #15
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 02:48 PM
Parent: #14
Quote: حباب (اهل تاتا العزاز ابواتا ) ....
كل رسوم الدنيا لن تمحو صورة
فداسى الجميلة من اذهاننا ...جمالها
وسماحة اهلها وتهذيبهم وكرمهم .....
سلام ياجعفر ....وياجبل مايهزك ريح .... |
حينما يكتب محمد عبدالرحمن عن فداسي وأهلها ...
دائماً ما اتحسس انتمائي وحبي لها ...
|
Post: #16
Title: Re: فيما يختص بالمواطن المدعو عمر دفع الله ...
Author: عمر ادريس محمد
Date: 03-12-2013, 06:15 PM
Parent: #15
العزيز جعفر بشير يا أخى سلام واشواق كثيرة
وزمن ...
وبعد
التحية لفداسى الحليماب وفداسى الحماداب وللـ القريريبة ذاتو
بعد غدا الجمعة بإذن الله سيتم عقد قران أحد فلذات أكبادنا من الحجير
على إحدى حسان فداسى ,لذلك قوام بالله عرفنا عمردفع الله عمل شنو بالظبط
وهو رجل والرجال قليل ,ومن شموعنا المتوهجة حتى يوم النصر العظيم
لكن كمان كل شى ولا فداسى .
أجمل التحيات وكل الود
|
Post: #17
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-12-2013, 06:50 PM
Parent: #16
يا عمر ادريس ازيك ياخي ونسبكم يشرفنا
وليك وحشة ... لو عارف موضوع عمر دفع الله بجيبك كان من زمان فتحت ليهو عشرين موضوع ...
عمر ده زول ملولو ياخي ...
الموضوع بدا هنا ...
Re: تفاصيل ما حدث في فداسي ...
وفهمنا وجهة نظرو انو معترض علي تمييز الكيزان والامنجية وعلي انو كيزان وامنجية فداسي مهذبين (كما قال وليد المبارك وانا اكدت علي شخصين لي بهم معرفة وعلاقات قرابة)... ووجهة نظرو انهم كلهم واحد ما عشان هم من فداسي حيكونوا اكثر تهذيباً من غيرهم ... لكن المشكلة عمر بزايد علينا في (الوطنية) و (العمل ضد الجبهة الاسلامية) ... وبحاول يكسر رقبة الكلام ويقولنا كلام ما قلناهو عشان يثبت بيهو وجهة نظرو ...
اها هددنا و اتوعدنا بانو حايرسم كاريكاتير ... وقلنا ليهو ده حقك
رسم كاريكاتير واحد مضروب من ناس الامن وامو بتساله فيهو قال ليها الحمدلله الامنجي طلع من فداسي لو كان من ناس حجر الطير كان اظنو غطس حجري ولا حاجة ما متذكرو ...
وبقية القصة هنا :
يابكري ابوبكر نرفض هذا الكاركتير !!!!!!
اها نحن ما قلنا اي حاجة ده حقك في التعبير ولا زعلانيين (شمتانين ساي )
وناس فداسي مهذبين
وكريمين
ومتعلمين
وبناتهم سمحات
بدون تمييز
كان عجب عمر ولا ما عجبو
بس
|
Post: #18
Title: Re: فيما يختص بالمواطن المدعو عمر دفع الله ...
Author: عمر ادريس محمد
Date: 03-12-2013, 09:03 PM
Parent: #17
شكراً جزيلاً ياجعفر ياعزيز
وكرتنى وكرة تمام,, مشيت راجعت البوستات وأتفهم جدا موقفك والزواية الشخصية التى تعالج منها الموضوع ...
لكن لقيت نفسى أقف ألف أحمر وقلبا وقالبا مع عمر دفع الله فى قوله (مامعناه) الكيزان ملة واحدة ولافرق بين من هم فداسى
وباقى مناطق السودان ..وكلام عمر فى جوهرة يتحدث عن الأفعال (قائمة الجرائم والخزى والعار التى إرتكبوها ومازالوا
مواصلين ) ومؤكد ليس لصفات - بعضهم - الشخصية وتربيتهم وتهذيبهم اى معنى فى حالة الأفعال وتنفيذ الأوامر بالقتل
والتعذيب والتعدى على حرمات الناس وسرقة اموالهم وهذه صفات الكوز من حسن الترابى وحتى اصغر جندى من فداسى
او من الحجير .
كل الود
|
Post: #19
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-13-2013, 10:29 AM
Parent: #18
سلام يا عمر
ولم اتوقع غير ما كتبت ... ولا ازيدك حرفا ....
اها انت مرقت الله يمرق صاحبك ..
وبالله خليك هنا ياخ
والف مبروك مرة تانية للعرسان ..
|
Post: #20
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-13-2013, 10:32 AM
Parent: #18
سلام يا خالد الطاهر وتحية ليك
| Quote: التحية لناس فداسي الحليماب الجميلين معتذ الاهلية وشريف والمرحوم ابو بكر والحبيب احمد الصادق |
كلهم بخير وتحياتك واصلة .. وربنا يرحم اخونا ابوبكر ويغفر ليه ويلهم اسرته واهله الصبر والسلوان ...
----------
|
Post: #21
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-13-2013, 10:38 AM
Parent: #18
| Quote: أها ناس فداسى حلوين إعتبرو موضوع الكاركتير عادى ,, المُشكله بقت فى ناس الحُجار الكريمه وماجاورها (حجر الطير , حجر العسل , ولربما البسابير ) - الشينه منكوره |
سلام يا ابومحمد فؤاد
الحقيقة هم ما انكروا حاجة علي حد تعبير كاتب الموضوع، لكن عندهم اعتراض منطقي وحقيقي وهو تعميم المسالة علي منطقة بعينها وخصوصاً الأمنجية ، لانو اي منطقة فيها الكيزان والأمنجية وفيها الناس الوقفت وناضلت ضد الجبهة الاسلامية وما من حق اي زول يصادر منهم مواقفهم المشرفة حتي لو كانوا اتنين واقفين ضد الحكومة والبقية معاها، والمسالة في العموم ما خاصة بي ناس حجر الطير المشكلة في التعميم والتنميط نفسه ... وهو واحدة من المشاكل الاساسية في الخلاف بيني وبين عمر في الموضوع السابق ... لانو التنميط نفسه مشكلة ... اذا ارتبط بالشينة ..
سلامي وتحياتي
|
Post: #22
Title: Re: فيما يختص بالمواطن المدعو عمر دفع الله ...
Author: Gafar Bashir
Date: 03-13-2013, 10:42 AM
Parent: #21
تحياتي عبدالعزيز حسين
| Quote: البوست دا فيه فخ صاحب البوست زاته ماعارفه ما تقع فيه بي كرعيك انت الكبير |
طالماً مافي حاجة داسينها ولا خايفين منها ولا مكابرين وعندنا قدرة علي احتمال اراء الاخرين والاعتذار عن الاخطاء في الاخرين يبقي الخطأ نفسه مافي خوف منو وجل من لا يخطي ...
|
|