Post: #1 Title: وطننا غلاء معيشة ومعارك يومية لتأمين الحد الادني لمستلزمات الحياة Author: باسط المكي Date: 03-11-2013, 04:27 PM
وطننا ... و البدايات الأولى في الحياة .. و تعلم مفردات المحبة و السماحة .. و الحبوبات .. وطننا ... و تلك السحنات - و إن إختلفت أحيانا ً - وشما ً يبقي ما بقيت الحياة .. و فقط هي الثعابين التي تملك قدرة الإنسلاخ من جلودها دون مضاعفات .. وطننا ... لهجات .. و مفردات - وحتى الشمار - أعطتنا تميزا ً و صارت من مفردات الوطن ، ما إن نسمعها حتى نتبسّم و نتلفت حولنا بحثا ً عن المتحدث بها .. وطننا ... نشد له الرحال .. و نحن مشتتين أيدي سبأ في منافي الأرض .. و ذاك الإحساس - الأكلان - مرة أخرى لحظة تطأ بــك الطائرة أرض المطـــار ... وطننا ... حبيبة بعيدة - بتشتغل منديل حرير لحبيب بعيد .. - وا أسفــــاي .. و زينوبا .. و قلب تعب من مشاوير السفر .. و إرث وجداني لن نملك منه فكـاكــا ً ... وطننا ... ضرائب ... و تحويلات إلزامية ... و اسعار صرف .. و تضخم و غلاء معيشة .. و معاناة ... و أناس ترى معنى حبهم للحياة ، و حبهم لك ما أن تطل عليهم برغم كل المعارك اليومية لتأمين الحد الأدنى من مستلزمات الحياة ...
Post: #2 Title: Re: وطننا غلاء معيشة ومعارك يومية لتأمين الحد الادني لمستلزمات الحياة Author: محمد فضل الله المكى Date: 03-11-2013, 07:58 PM Parent: #1
. . وطنّا.... البي إسمك كتبنا ورطنّا يا من سكنت بين ضلوع أهل المنافي .... محفورٌ في شغاف القلب ومرسومٌ في جدار الذاكرة..أين منك المفر؟ فأينما نأت بنا مراكب الغربة شدَّنا إليك حبل الإنتماء ، حنين إلى مدفن السُّرة ،وشوق إلى مرافيء أهلنا الحُنان. الشوق والحنين يختزلان ليل الغربة الطويل .... شريط الذكريات تستعرضه المخيلة..زينوبه وآمنه وسعاد تركناهم هناك.... صَدَفـَة في شاطيء سواكن.. نخلة في بستان في كريمة..لوزة في حواشة في الجزيرة..شجرة منقة في زالنجى.. شجرة تبلدي تنبت في قلبي وتشرب من وريدي:
محبَّتِك، عِرْقاً مِجَزِّر في القَلِبْ حُباً مَوَتَّد في تضاريس الزمان مِن كُنتَ شِيتاً ما تْعَرَف ولا فَجَّ في أرضِكْ مكان لو قالوا حُب الناس مذاهِبْ أهَلِك قِبيل كِسبوا الرِهان صَدَق اللي قال، وانا فيك بقول مكتول هواك يا كُردفان
Post: #3 Title: Re: وطننا غلاء معيشة ومعارك يومية لتأمين الحد الادني لمستلزمات الحياة Author: محمد فضل الله المكى Date: 03-11-2013, 08:07 PM Parent: #2
.ليك يابلد .. كل الحنان العشتو في أيام صباي إنت الأرضْ .. حبك فرصْ نيلك منار يكشف رؤاي لمن أتوه .. ولمن أكون حائر براي مرات كتير إشتقت ليك وكتبت ليك .. عايزك تكون دائما حِداي
Quote: لشوق والحنين يختزلان ليل الغربة الطويل .... شريط الذكريات تستعرضه المخيلة..زينوبه وآمنه وسعاد تركناهم هناك.... صَدَفـَة في شاطيء سواكن.. نخلة في بستان في كريمة..لوزة في حواشة في الجزيرة..شجرة منقة في زالنجى.. شجرة تبلدي تنبت في قلبي وتشرب من وريدي:
محبَّتِك، عِرْقاً مِجَزِّر في القَلِبْ حُباً مَوَتَّد في تضاريس الزمان مِن كُنتَ شِيتاً ما تْعَرَف ولا فَجَّ في أرضِكْ مكان لو قالوا حُب الناس مذاهِبْ أهَلِك قِبيل كِسبوا الرِهان صَدَق اللي قال، وانا فيك بقول مكتول هواك يا كُردفان
عمر ادريس الاحوال والاخبار مزعجة جدا من البلد ولا امل دخاخين الوهم كترت وبقت علي مستوي الوزراء اتخيل وزير بيتكلم ويقول جبنا القفازات لناس الدهب اتخيل بدل الجرارات والتراكترات يقول جبنا قفزات عشان الناس تحت التراب للدهب والبلد جعااانة تحياتي لك وللعيال
Quote: وضل الشدر كتر والناس كتاراً تحتو ومقهورين والناس كتار جو أمدرمان لآنها حنينة ولوفة بتقبل أى زولا يجيها واتمددت من التعب لامن وصلت قوز ابوضلوع وقهوة ام الحسن والهادى ادريس يقولك ياحليلكم لمن تمشيلو فوق دكيكنو ويقولك نحن شداد متل واطاتنا قتلو يعلم الله ماكم شداد وبنحكى عن الحاصل والمتحصل ومشيت وين وجيت من وين قتلو بس بكيات ودفن فى الحبان يالهادى المقابر اللتنين إتملن امس لقطلك ناس عوض الطويل وصابر واسامة مشينا زرنا محجوب شريف عل ناسو كتار قالى الله يقلعك يالمسنوح ماجيت سقتنى مالك
عبد الحافظ سلامات وواصل من اخبار عن البلد والطير الاخضر وناس بتنفخ في نار الثورة من زمن ومصرين حتي المووووووووت التحية عبرك لمحجوب والهادي ادريس وهو متمترس في ذااك الركن الحنين محطة تلاقي لكل الاجيااال ويا حليلك يابلدنااااا
Post: #12 Title: Re: وطننا غلاء معيشة ومعارك يومية لتأمين الحد الادني لمستلزمات الحياة Author: Salah Ahmed Eisa Date: 03-16-2013, 08:03 AM Parent: #1
((وطننا ... و تلك السحنات - و إن إختلفت أحيانا ً - وشما ً يبقي ما بقيت الحياة))
كلام من دهب ...........تسلم ويسلم الوطن يا باسط
Post: #13 Title: Re: وطننا غلاء معيشة ومعارك يومية لتأمين الحد الادني لمستلزمات الحياة Author: مهدي صلاح Date: 03-16-2013, 09:00 AM Parent: #12
Quote: وطننا غلاء معيشة ومعارك يومية لتأمين الحد الادني لمستلزمات الحياة
وشعب قدري (مستسلم) او يترفع ان يطالب بحقه في توفير حياة افضل
Post: #14 Title: Re: وطننا غلاء معيشة ومعارك يومية لتأمين الحد الادني لمستلزمات الحياة Author: باسط المكي Date: 03-16-2013, 10:44 AM Parent: #13
Quote: وشعب قدري (مستسلم) او يترفع ان يطالب بحقه في توفير حياة افضل
مهدي صلاح وهنا مربط الفرس وسر عذابتنا وضنك عيشنا تنازلنا حتي من سرق كل شئ حتي احلام اطفال الروضة وادمنا الذل سلامات كما قال حميد نحن زي طير الخلا حالا ينسي البيصيدو
Post: #16 Title: Re: وطننا غلاء معيشة ومعارك يومية لتأمين الحد الادني لمستلزمات الحياة Author: الفاتح ميرغني Date: 03-18-2013, 10:20 AM Parent: #15
Quote: وطننا ... و البدايات الأولى في الحياة .. و تعلم مفردات المحبة و السماحة .. و الحبوبات .. وطننا ... و تلك السحنات - و إن إختلفت أحيانا ً - وشما ً يبقي ما بقيت الحياة .. و فقط هي الثعابين التي تملك قدرة الإنسلاخ من جلودها دون مضاعفات .. وطننا ... لهجات .. و مفردات - وحتى الشمار - أعطتنا تميزا ً و صارت من مفردات الوطن ، ما إن نسمعها حتى نتبسّم و نتلفت حولنا بحثا ً عن المتحدث بها .. وطننا ... نشد له الرحال .. و نحن مشتتين أيدي سبأ في منافي الأرض .. و ذاك الإحساس - الأكلان - مرة أخرى لحظة تطأ بــك الطائرة أرض المطـــار ... وطننا ... حبيبة بعيدة - بتشتغل منديل حرير لحبيب بعيد .. - وا أسفــــاي .. و زينوبا .. و قلب تعب من مشاوير السفر .. و إرث وجداني لن نملك منه فكـاكــا ً ... وطننا ... ضرائب ... و تحويلات إلزامية ... و اسعار صرف .. و تضخم و غلاء معيشة .. و معاناة ... و أناس ترى معنى حبهم للحياة ، و حبهم لك ما أن تطل عليهم برغم كل المعارك اليومية لتأمين الحد الأدنى من مستلزمات الحياة ...
"يا "وطن" عز الحريق يا مصابيح الطريق". هل صحيح هي يا مطر؟ وطن بشقلب نظريات كتيرة في علم الإقتصاد والإحصاء.! فقر مدقع وشغب معماري ! مرة بتونس مع مصري وبدأ يشكو سوء الاوضاع الإقتصادية في مصر،بالمناسبة المصريين اصبحوا مهوسين سياسة!. المهم من غير ما اشعر قلت ليو غايتو السودان ده لولا "ابومروة" لكان وضعه أسوا حالا. فاجأني ليك بسؤال سريع قال لي :يطلع إيه ابومروة ده؟ خفت اوصفه ليو بالتصاوير الجميلة بتاعت ناس صلاح احمد ابراهيم والقدال وحميد وفارس الحوبة ورباى اليتامى وبرضو ما يكون فهم حاجة.قلت ليو هو شخصية كده زي بابا نويل او سانتا كلوز.بس بيختلف عن هذا الآخير إنو بيظهر في السودان على مدار السنة حتى لو كان مغترب! شكرا يا هندسة على إشراكنا في اللوحة العجائبية. محبتي
يا باسط يا باسط يا باسط يا حبيبنا فتحت موضوع المواضيع الفي الدنيا دي كلها كوم وهو كوم براهو الله يكون في عونك يا انسان السودان والله يكون في عونك يا صديقي دا الموضوع الوحيد الما بتقدر تخت فيهو ... نقطة ختام
Quote: وطننا ... ضرائب ... و تحويلات إلزامية ... و اسعار صرف .. و تضخم و غلاء معيشة .. و معاناة ... و أناس ترى معنى حبهم للحياة ، و حبهم لك ما أن تطل عليهم برغم كل المعارك اليومية لتأمين الحد الأدنى من مستلزمات الحياة ...
سلام باسط مكي كيفك يا رجل وطم صابر وطن جابر وطن حاضر نمة فرح البتسعد خاطر فيه امال شمسنا البتشرق باكر مع التحييييييييييييييييية