Post: #1
Title: الكوشه ولا بيت العرقي ؟ ياتوا الاحسن ؟؟؟؟
Author: علوبه
Date: 03-11-2013, 04:25 PM
عندنا في حلتنا مساحه واقعه بين مدرستين
مره بتكون كوشه !
ومره بنلقاها بيت عرقي
جاءنا معتمد عينوهو جديد
وقابل ناس الحي وقال عايز يعرف مشاكل الحله شنو؟
معانا اخونا محمد زول مصلع وبتاع شبك وتنظير
أول زول نطه ليك في المعتمد وقال ليهو نحن عندنا مشكله ؟
|
Post: #2
Title: Re: الكوشه ولا بيت العرقي ؟ ياتوا الاحسن ؟؟؟؟
Author: علوبه
Date: 03-11-2013, 04:36 PM
Parent: #1
قال ليه ايوه عندنا مشكله
عندنا حته فاضيه بين المدرستين
مره نلقاها كوشه
ومره نلقاها بيت عرقي
ماعارفين نعمل شنو؟
المعتمد نظر وقال ليهو طيب انت رائيك نعمل شنو؟؟؟
محمد قال ليهو والله انا من رائ نخليه بيت العرقي
المعتمد نطط عيونو وقال ليهو كيف يعني؟؟؟
زولنا قال ليهو شوف الكوشه اذا ما شلتوها اول باول بتجينا لحدي بيوتنا
لكن بيت العرقي ما اي زول بيمشي ليهو ؟؟؟
فهمت يا سعادتك
|
|