Post: #1
Title: هـــام جدا.. مطلوب ممرضة متخصصة وطبيب (ساعدونا بالاقتراحات)
Author: Rawia
Date: 03-11-2013, 07:40 AM
Parent: #0
الاخوة في الخرطوم وعلى وجه السرعة نرجو مدنا بمعلومات عن ممرضة متمرسة وذات خبرة كما نتمنى أن يتقدم أحد الاطباء للمساعدة في إنقاذ الاخ المريض بمستشفى مدني دعونا نعيد بعض إنسانيته اليه
|
Post: #2
Title: Re: هـــام جدا.. مطلوب ممرضة متخصصة وطبيب ذو ضمير
Author: محمد علي البصير
Date: 03-11-2013, 08:03 AM
Parent: #1
Quote: الاخوة في الخرطوم وعلى وجه السرعة نرجو مدنا بمعلومات عن ممرضة متمرسة وذات خبرة كما نتمنى أن يتقدم أحد الاطباء للمساعدة في إنقاذ الاخ المريض بمستشفى مدني دعونا نعيد بعض إنسانيته اليه
|
؟؟؟؟؟؟
راوية كيفك حالك ـ ورينا الحاصل شنو ؟
|
Post: #3
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 08:03 AM
Parent: #1
عاوزين افكار عاوزين مساعدات بادوية ومحاليل وريد واربطة وشاش ومعقمات عاوزين مساعدات عينية (أدوات نضافة وملابس وأدوات نضافة شخصية) عاوزين زول يربطنا باي زول يرغب في المساعدة من مدني
|
Post: #4
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 08:06 AM
Parent: #3
أهلا يا أخوي محمد الكلام كان في بوست بتاع جادات للاسف ماقادرة الم فيهو والمعلومات مابتتقال والله مخجلة والله مخجلة
|
Post: #5
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 08:18 AM
شكرا للحبيبة المتواصلة بالماسنجر الداخلي وأتمنى إنها تنجز في الساعات القليلة ماوعدت به شكرا تاني ياستي
|
Post: #7
Title: Re: هـــام جدا.. مطلوب ممرضة متخصصة وطبيب ذو ضمير
Author: saadeldin abdelrahman
Date: 03-11-2013, 08:32 AM
Parent: #6
فوق يا بكري الرجااااااااء رفع البوست
|
Post: #8
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 08:41 AM
Parent: #7
تقدم جميل وشوية أمل ووعد بانجاز بنهاية اليوم أثق فيمن يقوم به شكرا تاني وتالت
|
Post: #9
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 03:59 PM
Parent: #8
جرى إيه للنخوة ياشباب؟ عاوزين الزول يموت بـ (العفنة) وسطكم؟
________ شكرا لمن إهتمت وشكرا لجهودها للان
|
Post: #10
Title: Re: هـــام جدا.. مطلوب ممرضة متخصصة وطبيب ذو ضمير
Author: Amin Mahmoud Zorba
Date: 03-11-2013, 04:20 PM
Parent: #9
معاك يا رواية دعماً وسنداً
كل ما استطيع أن أقدمه الدعم المالي
|
Post: #11
Title: Re: هـــام جدا.. مطلوب ممرضة متخصصة وطبيب ذو ضمير
Author: ombadda
Date: 03-11-2013, 04:41 PM
Parent: #10
سلامات راوية.. لا داعى لطبيب أو ممرضة لأن المريض يقبع فى مستشفى تحت إشراف أطباء وممرضين ومن غير المنطقى ذهاب طبيب لا يتبع للوحدة لمعاينة المريض. اعتقد المريض يحتاج لنظافة وغذاء وممكن تكليف أى واحد من بورداب مدنى بتوصيل الأمانة وتوصية أحد عمال المستشفى للعناية بالمريض (ولو بأجر).. ما قريت قصته كاملة لكن اشك فى سلامة المريض العقلية.. . . وكله فى ميزان الحسنات، ومن فرج كربة مؤمن فرج الله عنه كربة من كرب يوم القيامة..
|
Post: #12
Title: Re: هـــام جدا.. مطلوب ممرضة متخصصة وطبيب ذو ضمير
Author: Afraa Sanad
Date: 03-11-2013, 04:59 PM
Parent: #11
يا دكتور الله يرضي عليك رعاية شنو البتتكلم عنها قال ليك الجروح متعفنة والمريض لا ياكل...مش جزء من الرعاية الطبية تنظيف الجروح وإيجاد وسيلة بديلة للتغذية إن لم يكن بامكان المريض تناول طعامه...راوية كل ما نستطيع تقديمه هو الدعم المادي للاسف.
|
Post: #13
Title: Re: هـــام جدا.. مطلوب ممرضة متخصصة وطبيب ذو ضمير
Author: رانيه محمد الشيخ
Date: 03-11-2013, 05:04 PM
Parent: #12
لا حوله ولا قوة الا بالله معقول مافى ناس من مدنى يحلوا المشكله انا فى الخرطوم والله ولو كنت بقدر كان وصلت مدنى ولا عندى معرفه بزول بهناك شديد لكن اثق ان فى مدنى قلوب رحيمه تستطيع المساعده لموا فى انتصار ( سودانيه 2000) واكيد ما حتتهاون فى العون
|
Post: #15
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 05:23 PM
Parent: #13
تسلموا ياشباب ويادكتور أمبدة كلامك دا زاتو إحنا العاوزينو من الطبيب (ينورنا) ويكتب لينا اسماء ادوية والاشياء الممكن نرسلها لمدني اولا جهود الزولة بتاعة الماسنجر وصلتنا للمشرفة الاجتماعية للمستشفى وإسمها (أمل) شوية ونجيب معلومات أمل ونتعاون معاها عاوزين طبعا قروش وعاوزين حاجات عينية زي ملابس للمريض وفرش ينام عليهو وعاوزين أدوية ممكن نرتب حكاية ادوية من مصر
لما والدتي كانت مريضة في القاهرة تكاليف الغيار للجروح يوميا كانت 25 دولار دا غير الادوية وادوات النضافة
|
Post: #17
Title: Re: هـــام جدا.. مطلوب ممرضة متخصصة وطبيب ذو ضمير
Author: ombadda
Date: 03-11-2013, 05:45 PM
Parent: #13
رانية.. تاكدى لو Sudania200. علمت بهذا المريض ومأساته لمارضته بنفسها بدون أى حرج. دعوة لسودانية2000 (بروفيسور إنتصار) العودة للمنبر والمشاركة فيه.. فلقد تركت المنبر ردحا من الزمان..
|
Post: #14
Title: Re: هـــام جدا.. مطلوب ممرضة متخصصة وطبيب ذو ضمير
Author: ombadda
Date: 03-11-2013, 05:21 PM
Parent: #12
عفراء سند.. يعنى الطبيب والممرضة يمشوا المستشفى ويعتنوا بجروح المريض المتعفنة، والطبيب والممرضة أساسا ما تابعين للمستشفى؟؟؟ "وكالة من غير بواب اصلو" :-) ح يدخلوا فى مطب قانونى وأخلاقى.. حتى ولو كان الطبيب فى نفس المستشفى لكن من وحدة أخرى.. مقبولة شوية لو قلنا يتم نقل المريض لمستشفى اخر أو مشفى خاص. . . احتمال ما فهمت البوست صاح فانا اقرا بطريقة ال zig zig والمسح (عادة قبيحة اتمنى التخلص منها)..
|
Post: #16
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 05:31 PM
Parent: #14
يادكتور أمبدة كل الحلول وحياتك مهمة أنا لما فتحت البوست ماكان عندي تصور محدد صعب علي لو الزول دا مات يموت بالطريقة اللانسانية دي وإحنا بنتنفس ونعيش وناكل ونشرب ونفرح ؟ ياخ نوصله لربه في هيئة نقبلها ونرضاها لنفسنا ولو مريض عقليا نعالجه وبعدها نخته في مكان يرعاه
|
Post: #18
Title: Re: هـــام جدا.. مطلوب ممرضة متخصصة وطبيب ذو ضمير
Author: عمر نملة
Date: 03-11-2013, 06:04 PM
Parent: #16
سلام سلام راويه
Quote: يموت بالطريقة اللانسانية دي وإحنا بنتنفس ونعيش وناكل ونشرب ونفرح ؟ ياخ نوصله لربه في هيئة نقبلها ونرضاها لنفسنا ولو مريض عقليا نعالجه وبعدها نخته في مكان يرعاه |
راويه تسلمي. وريني وصلت وين لانقاذ عم ادم . انا من وجهة نظري باسرع فرصه نفوض شخص( مرافق) سوف اقوم باتصالاتي وقومي باتصالاتك لاهلنا في مدني ونرسل باسرع فرصه مبلغ للمرافق ليقوم بتحويل المريض الي مستشفى خاص ونقوم بدفع كل التكاليف الان. تلفوني 0032493409406 وايميلي [email protected] الله يرحم شيخ العرب كان اهل لمثل هذه الحالات. تسلمي راويه اختي واكيد انت كبيره وبموقفك دا كبرتي اكتر .
|
Post: #19
Title: Re: هـــام جدا.. مطلوب ممرضة متخصصة وطبيب ذو ضمير
Author: Amin Mahmoud Zorba
Date: 03-11-2013, 06:50 PM
Parent: #18
فوق
|
Post: #20
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 06:52 PM
Parent: #18
Quote: الله يرحم شيخ العرب كان اهل لمثل هذه الحالات. |
من أمس وأنا فاقدة شيخ العرب والله ياخوي مستشفى خاص وعشان نكون عمليين ما أظن نقدر عليهو الزول دا في وضعه دا محتاج فرشة نضيفة وهدمة نضيفة ولقمة نضيفة وإيد ترعاه وتغير ليهو الجرح ودكتور عندو ضمير يعمل ليهو تحاليل عشان نمنع البكتريا من الوصول للدم الحكاية حتطول لو ربنا أداهو العمر والمرض بيمرق بي خرم الابرة زي مابيقولو وتسلم تسلم كتير
|
Post: #21
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 06:54 PM
Parent: #20
Quote: كيف يا راوية صباحك خير انشالله برسلو ليك بكرة لانه ما عندي حسه ، سهام هي البتعرفها وحتتصل بيها بكرة لكن اول ما تتصل بيها طوالي برسل ليكي وحاوريكي ممكن الناس تعمل شنو لتوصيل المساعدة المطلوبة لعم علي ادم. ما عندك اي مشكلة في اي لحظة عاوزة ترسلي عن طريقي على استعداد انه اوصل مساهمتك مع مساهمة الناس الطريقة الحتقولها لينا سهام وامل. ربنا يجعله في ميزان حسناتك يا راوية وشكرا انه نبتهتينا للماساة الانسانية دي وانشاءالله ربنا يقدرنا كلنا ونعمل ليهو حاجة تليق بيهو كانسان يستحق انه يعيش وتحترم ادميته. بكرة حاكتب ليك كل التفاصيل ، سهام زولة جدعة ومتحمسة جدا. ربنا يدي الوالدة الصحة والعافية ويديم حسها وسطكم |
|
Post: #22
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 06:58 PM
Parent: #21
أمين تسلم والله ومعتمدين عليم والله ياخوي منتظرين باقي المعلومات من زولتنا الفي الماسنجر وننتظرهم يرتبوا طريقة وندعمهم بالبنقدر عليهو
|
Post: #23
Title: Re: هـــام جدا.. مطلوب ممرضة متخصصة وطبيب ذو ضمير
Author: Alshafea Ibrahim
Date: 03-11-2013, 07:36 PM
Parent: #22
سلامات راوية.. لا داعى لطبيب أو ممرضة لأن المريض يقبع فى مستشفى تحت إشراف أطباء وممرضين ومن غير المنطقى ذهاب طبيب لا يتبع للوحدة لمعاينة المريض. اعتقد المريض يحتاج لنظافة وغذاء وممكن تكليف أى واحد من بورداب مدنى بتوصيل الأمانة وتوصية أحد عمال المستشفى للعناية بالمريض (ولو بأجر).. ما قريت قصته كاملة لكن اشك فى سلامة المريض العقلية ===================================== دكتور أمبدة تحياتي صدقني لو دخلت الفيران وألتهمت عظام هذا الجسد النحيل المتهالك لما وجدت من منسوبي مستشفى ودمدني من يطردها ويمنعها من ذلك ؟ عن أي إشراف نتحدث ؟ عن أي خدمات نساءل ؟ المريض يعاني الإهمال ، والنسيان والترك العمد و الهزال ، والجفاف ، والجروح والتقيح والتعفن وكل ما استطاعت إدارة المستشفى فعله هو إخلاء الغرفة ( العنبر) ... يا دكتور القسم الطبي الذي تعرفون شيء والواقع الموجود شيء آخر ... دعونا نترحم معكم على مهنة الطب ... ================ الأخت رواية كما ذكرت في بوست الأخ صلاح هناك أخطاء طبية وقانونية أدت لهذا الوضع الحرج للعم المصاب ... قانونيا - فلا النيابة ولا المتحري كمان - قامت بدورها المفترض في أخذ بيانات عمنا المصاب المريض الأساسية الضرورية .. ( الأسم ، العمر ، السكن ، ألخ ) بل أستعجلت في إحالة ملف الدعوى للمحكمة التي للأسف لم تعيد البلاغ لمزيد من التحريات - أقلها- إعادة استجوب عمنا المصاب ونشر صورته بالصحف اليومية .. لا سيما وأن سبب المرض حادث سير ؟ الإهمال الطبي حدث ولا حرج ... وواقع الحال يغني عن السؤال ... يعني هل من أعباء ومهام ( المرافق) غسيل الملابس والملايات وتغييرها ؟ جلب وشراء الوجبات الغذائية والمشروبات وإعطاؤها للمريض في مواعيدها ؟ ألا تمتد مهمة المرافق إلي شراء وإعطاء الجرعات الدوائية ؟ والجري خلف الممرض والطبيب لحثهم على إلقاء نظرة على من يرافقه ؟ عموما ... أمنايتنا لعمنا المصاب المريض بعاجل الشفاء .. ومعكم نناشد أهل الخير بمدني وكافة مدن السودان بالوقوف ولو ساعة مع عمنا آدم إرضاء للضمير والإنسانية .. ودعواتنا بالرحمة للعم الفاضل الجليل ( شيخ العرب) شيخ عموم أهل المكارم والخصال النبيلة بالسودان ... الشفيع إبراهيم
|
Post: #24
Title: Re: هـــام جدا.. مطلوب ممرضة متخصصة وطبيب ذو ضمير
Author: عمر نملة
Date: 03-11-2013, 07:41 PM
Parent: #22
سلام
Quote: ما عندك اي مشكلة في اي لحظة عاوزة ترسلي عن طريقي على استعداد انه اوصل مساهمتك مع مساهمة الناس الطريقة الحتقولها لينا سهام وامل |
راويه قولي كيف نوصل المساهمه الفوريه.
|
Post: #25
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-11-2013, 08:14 PM
Parent: #24
يا عمر ياخوي كلنا في إنتظار باقي المعلومات من الاخت بالماسنجر بالاضافة لوعد من عفراء بتتبع الحالة عبر قريبتها وبناتها في مدني شوية كدا وتتضح الامور وحا اعتمد عليك وعلى أمين وعفراء على الاقل في الوقت الحاضر
|
Post: #26
Title: Re: هـــام جدا.. مطلوب ممرضة متخصصة وطبيب ذو ضمير
Author: Mahmoud Mustafa Mahmoud
Date: 03-11-2013, 09:28 PM
Parent: #25
جاهزين للمساعدة حسب الممكن والمتاح...
شكراً راوية يا أصيلة..
..
.
|
Post: #27
Title: Re: هـــام جدا.. مطلوب ممرضة متخصصة وطبيب ذو ضمير
Author: عمر نملة
Date: 03-11-2013, 10:25 PM
Parent: #26
سلام تلقيت اتصال من رجل شهم مقيم باالكويت وهو على استعداد لتقديم عاجل المساعده وبيقترح نقل عم ادم للعلاج في الخرطوم في مستشفى خاص راويه رجاء التواصل معه الاسم احمد صالح التلفون 0096567787787 انا سعيد انه في ناس مستعده لتقديم الخير شكرا احمد صالح شكرا راويه وربنا يزيل الهم والغم عن ضعفاء العالم
|
Post: #28
Title: Re: هـــام جدا.. مطلوب ممرضة متخصصة وطبيب ذو ضمير
Author: علي محمد الفكي
Date: 03-11-2013, 10:29 PM
Parent: #27
Quote: دعونا نعيد بعض إنسانيته اليه |
شكراً راوية
في ميزان الحسنات يارب
|
Post: #29
Title: Re: هـــام جدا.. مطلوب ممرضة متخصصة وطبيب ذو ضمير
Author: محمد عبد الماجد الصايم
Date: 03-11-2013, 10:34 PM
Parent: #27
معاكم وربنا يثبت الأجر
|
Post: #30
Title: Re: هـــام جدا.. مطلوب ممرضة متخصصة وطبيب ذو ضمير
Author: زينب محمد عبدالله
Date: 03-12-2013, 00:34 AM
Parent: #29
Quote: يموت بالطريقة اللانسانية دي وإحنا بنتنفس ونعيش وناكل ونشرب ونفرح ؟ ياخ نوصله لربه في هيئة نقبلها ونرضاها لنفسنا ولو مريض عقليا نعالجه وبعدها نخته في مكان يرعاه
يا راويه لو لم تكتبى غير تلك الكلمات فى الكوت اعلاه لى كفيتى ووفيتى فى الزمن دا حتى الانفعال بل القضايا الانسانيه اصبح معدوم ....my hat off to you
|
Post: #40
Title: Re: هـــام جدا.. مطلوب ممرضة متخصصة وطبيب ذو ضمير
Author: kamal omer
Date: 03-12-2013, 08:39 AM
Parent: #30
Quote: يموت بالطريقة اللانسانية دي وإحنا بنتنفس ونعيش وناكل ونشرب ونفرح ؟ ياخ نوصله لربه في هيئة نقبلها ونرضاها لنفسنا |
يا ريت لو مسئولينا يكون عندهم واحد من المليون من الإحساس ده تسلمي يا راوية
|
Post: #31
Title: Re: هـــام جدا.. مطلوب ممرضة متخصصة وطبيب ذو ضمير
Author: saadeldin abdelrahman
Date: 03-12-2013, 01:04 AM
Parent: #29
فوق
|
Post: #32
Title: Re: هـــام جدا.. مطلوب ممرضة متخصصة وطبيب ذو ضمير
Author: Nagat Sid Ahmed Elshiekh
Date: 03-12-2013, 03:00 AM
Parent: #31
عاليا من أجل ابونا آدم...... شكرا راوية..
|
Post: #33
Title: Re: هـــام جدا.. مطلوب ممرضة متخصصة وطبيب ذو ضمير
Author: سارة عيسى أحمد
Date: 03-12-2013, 03:18 AM
Parent: #32
تسلمي يا راوية ..يديك العافيه ويحميك من كل شر
|
Post: #34
Title: Re: هـــام جدا.. مطلوب ممرضة متخصصة وطبيب ذو ضمير
Author: أحمد التجانى حمودى
Date: 03-12-2013, 03:38 AM
Parent: #33
تسلمي يا راوية يا كنداكة لك منا التحية والانحناة والتقدير لقيادتك وتبنيكى لهذه المهمة وليدة الاهمال وعدم الاحساس بالاخرين
ذي ما انا قلت في البوست امبارح انه مشكلة المريض علي ادم دا مشكلة مجتمع وقضية راي عام يجب ان نمنع موت هذا الانسان البسيط يا ريت لو كنا معاكم عشان ننضفه معاكم ونعتني بيه
|
Post: #35
Title: Re: هـــام جدا.. مطلوب ممرضة متخصصة وطبيب ذو ضمير
Author: celecon
Date: 03-12-2013, 05:44 AM
Parent: #1
*
|
Post: #36
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-12-2013, 07:35 AM
Parent: #35
قلت ليكم بيسندوا الضهر والله بيسندوا الضهر
|
Post: #37
Title: Re: هـــام جدا.. مطلوب ممرضة متخصصة وطبيب ذو ضمير
Author: Rawia
Date: 03-12-2013, 07:46 AM
Parent: #36
اولا شكرا كتيييير لكل من تفاعل ورغب في المساعدة
المهم لغاية الان ماتوصلنا له تم الاتصال تلفونيا بالاخ أحمد صالح تكفل بكل مصاريف الرعاية والعلاج وبميزانية مفتوحة ماسنجمعه إحنا حيكون للاغذية والبروتينات والاشياء الممكن نرسلها من هنا او القاهرة الان امامنا وضع الخطة وتنفيذها
|
Post: #38
Title: Re: هـــام جدا.. مطلوب ممرضة متخصصة وطبيب ذو ضمير
Author: أمير محمد ادريس
Date: 03-12-2013, 07:51 AM
Parent: #37
جزاك الله كل الخير يا بنت الرجال
لك كل التحية والتقدير
|
Post: #39
Title: Re: هـــام جدا.. مطلوب ممرضة متخصصة وطبيب ذ ضمير
Author: Rawia
Date: 03-12-2013, 08:30 AM
Parent: #38
كلام جميل
Quote: مساءك وصباحك زين يا راوية وتسلمي لكل كلماتك ان شالله ربنا يعيننا كلنا. الصورة تقريبا بقت واضحة جدا انه الشباب ديل في مدني حيقوموا باللازم تماما وعلينا كلنا نساهم معاهم ، في افاق جديدة اتفتحت من خلال اتصالات سهام كلها في طريق مساعدة عم علي. المساهمة ممكن تتجمع عندي وبقوم بتسليمها لزميلنا سامر حسن وحتترسل لسهام وامل لعمل اللازم من خلال الموجودين في المستشفى وشراء مواد نضافة ليهو. سهام حتجتهد جد انه تصل لاهله وتعرفهم وين. ده التصور حالياانه تتوفر قروش ويشتروا ليهو مواد نضافة وفرش وملايات وممرض ينضفوا والمهم قبل فكرة نقله لاي مكان وان شالله كلو بتسهل ونقول ياباسط يا كريم. ده تلفون سهام لو حابة تتصلي بيها ..... زولة حربية وبت تخش القلب طوالي ، ما حتتخيلي اول مرة اتكلم معاها امبارح لكن تحسي انك بتعرفيها سنين بت سودانية رائعة يا راوية ماشاءالله عليها. |
|
Post: #41
Title: Re: هـــام جدا.. مطلوب ممرضة متخصصة وطبيب ذ ضمير
Author: Rawia
Date: 03-12-2013, 09:00 AM
Parent: #39
My skype rawiarolly1
|
Post: #42
Title: Re: هـــام جدا.. مطلوب ممرضة متخصصة وطبيب ذ ضمير
Author: خالد عبدالوهاب
Date: 03-12-2013, 09:51 AM
Parent: #39
سلامات يارواية شكرا جزيلا على المبادرة والشكر عبرك لكل المتطوعين هنا وهنالك
بالامس كنت اتحدث مع صديقة طبيبة تعمل في المستشفيات بالخرطوم وفتحت معها موضوع هذا الرجل ويبدو انني وجهت بعض اللوم للاطباء والعاملين بالمستشفى التي بها هذا الرجل تحدثت صديقتي الطبيبة كثيرا وبانفعال واضح حكت لي عن حالات كثيرة كهذه الحالة .. حالة هذا الرجل ليست الوحيدة وليست حالة فريدة .. يقوم الاطباء بالكثير من الجهود من اجل معالجة حالات كهذه ولكن للاسف امكانياتهم قليلة جدا لمواجهة مثل هذه الظروف .. الكثير من هؤلا الاطبا يقوم بمهام التمريض لمثل هذه الحالات .. الكثير منهم يدفع من جيبه ثمن ادوية منقذة للحياة .. الكثير منهم يبقى خارج وقت دوامه بالمستشفى لان بقاءه مرتبط بحياة شخص او موته حكت لي عن طفل في الثانية من عمره اضطرت للبقاء معه يومين كاملين في العنبر وكانت تقوم طوال هذين اليومين بعمل تنفس صناعي له وكل مهام التمريض بسبب نقص الاستاف .. بعد يومين من العمل المتواصل بدون نوم او راحة او اي شي اصيبت بالملاريا واضطرت للمغادرة بعد توصية مشددة لزملاءها بالمستشفى ... توفى الطفل بعد ساعة واحدة من مغادرتها .. ليس بسبب الاهمال من زملاءها ولكن ماذا سوف يفعل ثلاثة اشخاص بعنبر به اكثر من عشرين مريض كلهم يحتاجون من يقف قربهم بشكل متواصل ؟! اكدت لي الطبيبة ان هنالك العشرات من مثل هذه الحالة يموتون يوميا بالمستشفيات المختلفة .. العشرات من هذه الحالة التي تصيب انسانيتنا في مكان مؤلم وعميق موضوع الرعاية الطبية هو مسؤولية دولة لن يستطيع الافراد القيام به مهما بلغت جهودهم
الرعاية الطبية ليست عمل تطوعي .. الرعاية الطبية سيستم كامل متكامل وحتما لن يستطيع المتطوعون القيام به
تحياتي وامنياتي لهذا الرجل بالصحة والعافية واسف اذا تحدثت خارج اطار البوست
|
Post: #43
Title: Re: هـــام جدا.. مطلوب ممرضة متخصصة وطبيب ذ ضمير
Author: Amin Mahmoud Zorba
Date: 03-12-2013, 05:34 PM
Parent: #42
شكراً كثيراً يا رواية ولكل من تداخل او ساهم حتى لو بالحسرة نعم الحسرة نحن لا نحمل الموضوع للاطباء او العاملين في الحقل الصحي بل دي مسؤلية دولة عندها رئيس ونائب رئيس غصباً عننا واضح من كلام د/ امبدة وايضاً مداخلة اخرى أن الحالة دي حالة متكررة في كل مستشفيات السودان نحن نشكر كل الاطباء والطبيبات اصحاب الضمير الحي لقد وقفوا جميعاً ضد هذه الممارسات وقادوا الاضراب تلو الاضراب وتعرضو للاعتقال والمهانة والضرب والازلال نعم ظل العاملين في الحقل الصحي ينبهون طوال السنين الماضية لخطورة الوضع الصحي في السودان وظل كثيرون هنا وهناك ينبهون لعدم توافر الرعاية الصحية والبئية مما تسبب في كثير من الامراض أن العقلية الفاسدة التي تحكم لايهمها أن يضيع الوطن او المواضن
كل الادارات الحكومية هي عبارة عن مكنة جباية
اتمنى أن ينهض ادم من غفوته ويدثر بالعافية وامامه ينهض وطن
|
Post: #44
Title: Re: هـــام جدا.. مطلوب ممرضة متخصصة وطبيب ذ ضمير
Author: عمر نملة
Date: 03-12-2013, 07:17 PM
Parent: #43
سلام
Quote: ماسنجمعه إحنا حيكون للاغذية والبروتينات والاشياء الممكن نرسلها من هنا او القاهرة الان امامنا وضع الخطة وتنفيذها |
شكرا شيخ العرب احمد صالح شكرا راويه ورينا كيف نجمع معاكم وكيف ووين نحول المساهمه؟ يارب تكمل الموضوع على خير ويرجع عم ادم لاهله.
|
Post: #45
Title: Re: هـــام جدا.. مطلوب ممرضة متخصصة وطبيب ذ ضمير
Author: محمد عبد الماجد الصايم
Date: 03-13-2013, 07:40 AM
Parent: #44
Up
|
Post: #46
Title: Re: هـــام جدا.. مطلوب ممرضة متخصصة وطبيب ذ ضمير
Author: Rawia
Date: 03-15-2013, 06:01 AM
Parent: #45
شكرا ود الصايم وعمر وكل المهتمين أول بأول حنكون هنا عشان نتشارك في مساعدة العم علي أول ما أعرف معلومة حتكون عندكم باذن الله بالتفاصيل
|
Post: #47
Title: Re: هـــام جدا.. مطلوب ممرضة متخصصة وطبيب ذ ضمير
Author: ombadda
Date: 03-16-2013, 09:57 AM
Parent: #46
صحيفة الوطن، النسخة الورقية، 16 مارس 2013، ص 3. بإختصار: . قامت صحيفة الوطن يوم أمس بزيارة فجائية لمستشفى الحوادث بودمدنى..... وقالت الباحثة الإجتماعية أمل عبدالهادى رئيس قسم الباحثات بالمستشفى أن المريض يجد عناية كافية ونشرف عليه من الصباح حتى نهاية الدوام الساعة السادسة ويقوم رئيس العنبر بحمامه وغسله، ونحضر له كل ما تشتهيه نفسه ..... فى نهاية المقال شكرت صحيقة الوطن أهل الخير الذين تبرعوا بدعم سخى.. إنتهى..
|
Post: #48
Title: Re: هـــام جدا.. مطلوب ممرضة متخصصة وطبيب ذ ضمير
Author: أمير محي الدين محمد
Date: 03-16-2013, 10:04 AM
Parent: #47
في ميزان حسناتك ياراوية و...ياااارب عناية
|
Post: #49
Title: Re: هـــام جدا.. مطلوب ممرضة متخصصة وطبيب ذ ضمير
Author: ombadda
Date: 03-16-2013, 10:07 AM
Parent: #46
![4444444444.jpg Hosting at Sudaneseonline.com](http://www.sudaneseonline.com/uploadpic11/oct/4444444444.jpg)
. شكرا راوية وجميع الخيرين..
|
Post: #50
Title: Re: هـــام جدا.. مطلوب ممرضة متخصصة وطبيب ذ ضمير
Author: ombadda
Date: 03-16-2013, 08:17 PM
Parent: #49
----------------- ونحضر له كل ما تشتهى نفسه. ------------- ايامه سايكوبيس ههههههه
|
Post: #51
Title: Re: هـــام جدا.. مطلوب ممرضة متخصصة وطبيب ذ ضمير
Author: Rawia
Date: 03-16-2013, 11:07 PM
Parent: #50
شكرا لكل جهات الخير الاتقدمت لمساعدة العم علي وللحق لسة إحنا ماخطينا أي خطوة اللهم زيارة للمريض ولظروف معينة ومحددة أفضل الان (الصمت) وكل شي بإذن الله ومساعدة الاخوات في مدني سيتم على الوجه الاكمل
|
Post: #52
Title: Re: هـــام جدا.. مطلوب ممرضة متخصصة وطبيب ذ ضمير
Author: HAYDER GASIM
Date: 03-17-2013, 00:24 AM
Parent: #51
Quote: صعب علي لو الزول دا مات يموت بالطريقة اللانسانية دي وإحنا بنتنفس ونعيش وناكل ونشرب ونفرح ؟ ياخ نوصله لربه في هيئة نقبلها ونرضاها لنفسنا |
راوية ... تسلمي,
ندبت كثيرا وزرفت دموعا غزيرة على راحلين أعزاء. لكنك اليوم ترفيعن يافطة لما قبل الرحيل, أو في الإمكان منعه أو تأجيله أو تلطيفه, لحسب مختار الرب الجليل. وهذا لعمري { أنسن } نداء أسمعه في حياتي, لكن وأعجله ذلك, حتى تكون النتيجة أفضل, فشعوري أن هذا المريض يقع في الخط الفاصل بين الموت الحياة, فلنجرو علينا ... والباقي على رب العالمين.
مني ... مساهمة مالية متواضعة, أرجو أن أعلم كيف تصل لمن يتولى الأمر.
شكرا ... راوية, ياها المحرية فيك
|
Post: #53
Title: Re: هـــام جدا.. مطلوب ممرضة متخصصة وطبيب ذ ضمير
Author: HAYDER GASIM
Date: 03-17-2013, 02:41 AM
Parent: #52
نسيت أقول, في الإمكان تغيير موقع الإستشفاء بالمره, ونقله إلى مكان آخر, أغلب الظن أنه مستشفى {خاص} يتكلف أكثر, لكن تداعي الناس هنا يؤذن بإمكانية حل المعضل المالي المقابل. كما أن العلاج بالخارج هو وصفة أخرى على سبيل صون حياة مستحقة
... لي قدام
|
Post: #54
Title: Re: هـــام جدا.. مطلوب ممرضة متخصصة وطبيب ذ ضمير
Author: Rawia
Date: 03-17-2013, 04:05 AM
Parent: #53
سلام ياحيدر مابقدر اقول ليك شكرا للاهتمام ولا المساعدة ولا الاقتراح لانك ببساطة مامشحود ودا إنت ودا طبعك محل تقدير ودراسة إقتراحك بالقطع عندنا مشكلة بسيطة مواجهانا وحتنحل بالصبر والكياسة إتضح إنه المسالة عاوزة مسايسة شوية وهسة إحنا زي الماشين على قشر بيض ربك يسهل
|
Post: #55
Title: Re: هـــام جدا.. مطلوب ممرضة متخصصة وطبيب ذ ضمير
Author: هاشم عبداللطيف
Date: 03-18-2013, 01:49 PM
Parent: #54
UP
|
Post: #56
Title: Re: هـــام جدا.. مطلوب ممرضة متخصصة وطبيب ذ ضمير
Author: Rawia
Date: 03-18-2013, 05:04 PM
Parent: #55
للاسف الراجل حيروح مننا من غير مانقدر نعمل اي شي بصراحة ادارة المستشفى (زعلانة) جدا جدا انه في ناس من اوربا وامريكا عاوزين يساعدو الراجل ليييه هي المروءة انعدمت منهم وهم اولى واهو مامقصرين في حاجة ومنضفنه وكل حاجة وحين طلبت الاخت تقرير طبي عنه لعرضه على اخصائي خارجي تمت المماطلة واليوم قالوا ليها حالته انتكست والمفروض يدخل العناية المركزة لكن مافي سرير قالت ليهم خلاص يطلع مستشفى خاص في عناية مركزة خاصة قالو ليها تمضي تعهد وتكوني مسؤلة منه الموضوع اتشعب ودخلت فيه اكتر من جهة 1.منظمة خاصة 2.مكتب الوالي بالاضافة لجهودنا وادارة المستشفى غير متعاونة وربنا يسهل
|
Post: #57
Title: Re: هـــام جدا.. مطلوب ممرضة متخصصة وطبيب ذ ضمير
Author: رشا سالم
Date: 03-18-2013, 05:16 PM
Parent: #56
عالم لا ترحم لا تخلي رحمة ربنا تنزل.. دا شنو دا ياخ ؟
|
Post: #58
Title: Re: هـــام جدا.. مطلوب ممرضة متخصصة وطبيب ذ ضمير
Author: Alshafea Ibrahim
Date: 03-18-2013, 06:18 PM
Parent: #57
وحين طلبت الاخت تقرير طبي عنه لعرضه على اخصائي خارجي تمت المماطلة واليوم قالوا ليها حالته انتكست والمفروض يدخل العناية المركزة لكن مافي سرير قالت ليهم خلاص يطلع مستشفى خاص في عناية مركزة خاصة قالو ليها تمضي تعهد وتكوني مسؤلة منه الموضوع اتشعب ودخلت فيه اكتر من جهة 1.منظمة خاصة 2.مكتب الوالي بالاضافة لجهودنا وادارة المستشفى غير متعاونة وربنا يسهل ======================= مؤسف ذلك ... قتلوا المروءة ولم يتركوا لها سبيلا إلا عن طريقهم وبواسطتهم ... ليه يالمجاهد الكبير حضرة البروف الزاهد تسمح بذلك ؟ شكرا رواية شكرا لكل من تسبب وساهم وشارك في دعم العم آدم .. وستظل روحه مسئؤليئة تلك الجهات التي حالت دون علاجه وإنقاذ حياته الشفيع إبراهيم
|
Post: #59
Title: Re: هـــام جدا.. مطلوب ممرضة متخصصة وطبيب ذ ضمير
Author: عمر نملة
Date: 03-18-2013, 11:39 PM
Parent: #58
سلام
Quote: بصراحة ادارة المستشفى (زعلانة) جدا جدا انه في ناس من اوربا وامريكا عاوزين يساعدو الراجل ليييه هي المروءة انعدمت منهم |
مقدرين ياناس المستشفى ظروف البلد الما قادره تشتري شاش ولا قطن للمريض والماعندو مرافق يعفن وناس امريكا واوربا والكويت وباقي العالم عايزين يساعدوا الدوله في انسانها الماقدرت تساعدوا. ويعني اي زول من الخارج لازم يكون ضد الدوله. معقوله انا عايز اساعد انسان واتكفل بكل مصاريف علاجه اكتب تعهد. يا لطيف والله يرحم سيدنا عمر حين قال: قال ( لو تعثرت دابة في العراق لخشيت ان يُسأل عنها عمر لمَ لم يمهد لها الطريق ). دا انسان وانتم ياادارة المستشفى مسؤلين اما ربنا. حكموا صوت العقل وانصفوا انسان ربنا سخر ليه من يساعدوا.
|
|