معاوية المدير وود شيقوق جنى وجن المرجخة والزول الممرجخ!!!!!

ممرجخ كلمة م الزمن الجميل ومن الريف الجميل استحضرتها واستدعيتها لاعبر بها عن حالة عدم رضا لبعض المواقف وبعض الناس اللذين يقفون ما بين بين يريدون ان يجمعون ما بين الاخضر واليابس وشعبان ورمضان وكما قال شاعرنا ما تبقى رقراق ابقى يا ضل يا شمس والرقراق بيجيب ضربة الشمس كما قال كبارنا وعلى الاقل بيجيب صداع وصداع نصفى كمان .
كدى قبال ما نتوكر ليقدام الرقراق معروف للجميع هو شنو ولا نشرحو ؟
اخير نشرحو مراعاة لظروف البعض اللذىن لم يتمكنوا من العيش فى الريف ولم يتعرفوا على مثل هذه المصطلحات .. اها الرقراق ده يا حبان هو ضؤ الشمس اللذى يتسلل ما بين فتحات الراكوبة المعروشة من القش او الصريف فتكون فيها فتحات تدخل بعض اشعة الشمس وتتساقط على عيون او جباه الناس النائمين او مستلقيين فى الراكوبه وبالتالى تكون مزعجة جدا وقد تجلب لهم الصداع لاحقا .
نرجع تانى لسيرة البحر ....
برضو اهلنا قالو البحاول يمسك العصاية من النص بيتفقله وركاب سرجين وقيع ومساك دربين ضهيب وصاحب بالين كضاب ورغم كل هذا الثراء من التراث السودانى الا اننا نجد ان بعض الاخوة ما زال ممرجخ فى مواقفه واقواله وافعاله ولا يلقى لهذا التراث بالا والغريب فى الامر ان هنالك من يدعون انهم سودنيون اكثر من الاخرين ولكنهم ممرجخون فى مواقفهم والاغرب انهم يرومون حكمنا ولاكن يقدمون لنا مواقف ممرجخة لاهى خايسة ولاهى شايلة حيله مرة جاى ومرة جاى لحدى ما يغلبك تحدد الناس ديل شايتين على وين ؟؟

يتبع

ود شيقوق ومعاوية االمدير حاشاكم من المرجخة علا دايركم معاى هنا فى البوست ده نرفده بيكلمات من البادية وفى نفس الوكت بامثلة من الريف الحبيب وفى نفس الوكت نردم فيه اى زول ممرجخ
يلا ايدكم والخلا قريب