Post: #1 Title: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-09-2013, 02:07 PM
يوما .. هنا قد هاجمت الذين يقفون في امر دعم ومساعدة المرأة المطربة السودانية في شخص الاستاذة الزميلة نانسي عجاج بان يقفوا معها حتى لا تكون مثل غيرها لامكانيات فيها ولا توجد في الكثيرات فاتخذ البعض قولي كتحريض وذم لها ....
ثم ...
مرت الايام ...
وراقبت عن اهتمام ما تفعله الاخت نهى عجاج في خارطة مسيرتها الفنية والاهتمام بها من الذين طلبت منهم الاهتمام باختها
ثم ...
كانت مساحة ومسافة بين الاختين .. فما هو رأي اهل النقد الفني في ذلك ؟؟
Post: #2 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-09-2013, 02:18 PM Parent: #1
تمتلك نانسي كارزما فنية وحضور كبير وتمكن في الاداء بصورة لافتة ... ولها عيبين رئيسيين : 1- الصوت 2- التقليد كأساس
وتمتلك نهى رؤية واضحة لمسيرتها والسعي الحثيث والاجتهاد والصبر (صبرت لاغنية جاهزة لاكثر من عام من تلحين المسيقار احمد المك لحين الوقت المناسب ) وموضوعية وفهم ما تقدمه ولها ايضا عيوب :
1- ظلال نجاح نانسي المحدود عليها وتأثرها به سلبا وايجابا 2- نزاع داخي فيها ما بين الغناء بما يطلبه عامة الناس من هرج الغناء والبهدلة وبين حمل رسالة الفن كما علمه لها والدها ...
Post: #3 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-09-2013, 02:27 PM Parent: #2
الاختين سارتا بطريقين مختلفين ... كنا نتوقع ان تسير كل واحدة بعكس ما حدث اي ان يكون ما تفعله نانسي تفعله نهى والعكس لاسباب 1- نانسي بعض النجاح في حضورها كانت تحتاج المساعدة بتجهيز الكلمة المناسبة لامكانيات صوتها ولما كانت سفيرة لغناء المرأة السودانية في الخارج بعكس نهى كان الاجدر الاهتمام بها من هذا المنظور والفكر الفني البعيد 2- نهى باحتكاكها بالوسط الفني وحفظها لتوجيهات والدها المسيقار الجميل الراحل كان الانسب ان ترتقي بالفن السوداني من مرحلة الهرج للقول الذي له معنى جميل من خلال ترديدها لما هو سائد ومن ثم الارتقاء به لقدرتها في ذلك دون شك
Post: #4 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-09-2013, 02:33 PM Parent: #3
عموما هما ظاهرتين جديرتين بالدراسة والاهتمام ... واحييهم من هذا المنبر .. واتمنى لها التقدم ...
واتمنى ان يدلو اهل الاختصاص من هذا المنظور ... فلربما كان لحديث بسيط معبر ان يساعدهما لتكونتا حاملتين مشعل التغير في مسيرة الفن النسائي الراقي في بلادي
ولهما شكري واعجابي ..
Post: #5 Title: Re: ما بين نهي ونانسي عجاج مساحة تستحق الدراسة ... Author: Sinnary Date: 03-10-2013, 02:02 AM Parent: #4
في يوم المرأة العالمي أرسل التحية عبر هذا البوست لكل الفنلنات السودانيات بمختلف ضروب الفن و تحية خاصة للصديقة نانسي
Post: #6 Title: Re: ما بين نهي ونانسي عجاج مساحة تستحق الدراسة ... Author: GAAFER ALI Date: 03-10-2013, 05:10 AM Parent: #5
"في يوم المرأة العالمي أرسل التحية عبر هذا البوست لكل الفنلنات السودانيات بمختلف ضروب الفن و تحية " هم اللائي هزمن المشروع الحضاري المقبور
Post: #7 Title: Re: ما بين نهي ونانسي عجاج مساحة تستحق الدراسة ... Author: singawi Date: 03-10-2013, 07:11 AM Parent: #6
الأخ توفيق عيسى مكي تحية واحترام
Quote: تمتلك نانسي كارزما فنية وحضور كبير وتمكن في الاداء بصورة لافتة ... ولها عيبين رئيسيين : 1- الصوت 2- التقليد كأساس
إذا محاسني اللائي أدل بها *** ذنوبي لديك فقلي كيف أعتذر يا توفيق الكلمة مسئولية .. هسة بالله ضغطي الارتفع ، ويومي الإتعكر دا .. انت قايل الله ما بسألك مني ياخوي خليني أديك آخري ... السلطانة نانسي دي شعراً ما عندك ليهو رقبة بعدين الأصوات دي علم راسو عديل .. عندو أهلو وشيوخو البركو ليهو في تبروقة الفن لما دخلو الميس تجي انت ترمي انطباعاتك كأحكام قطعية نتيجة درااااااسة .. دراااااسة راسها عديل يا توفيق والنتيجة الله يرضى عليك اتوصلت ليها في المقدمة .
Post: #8 Title: Re: ما بين نهي ونانسي عجاج مساحة تستحق الدراسة ... Author: ود الباوقة Date: 03-10-2013, 07:23 AM Parent: #7
توفيق
انت ناقد فني ولا متشوبر ساي
لانو من كلامك دا واضح ( عنقلة ) التحليل
Post: #9 Title: Re: ما بين نهي ونانسي عجاج مساحة تستحق الدراسة ... Author: الصادق عز الدين Date: 03-10-2013, 07:33 AM Parent: #8
ليس بالضرورة أن يكون توفيق ناقد فني ، فله وجهت نظره الخاصة وله الحق في أن يبديهاز قد تتفق وجهت نظره مع البعض وقد لاتتفق مع البعض الآخر ولكن يبقى الحكم لدى خبراء الأصوات لتحديد إمكانيات الصوت.
Post: #10 Title: Re: ما بين نهي ونانسي عجاج مساحة تستحق الدراسة ... Author: Mahmoud Mustafa Mahmoud Date: 03-10-2013, 08:06 AM Parent: #8
Quote: ما بين نهي ونانسي عجاج مساحة تستحق الدراسة ...
بل فقط تستحق "التأمل"..
تتأمل في خلقة الله وحكمته..
ولا يتوقف التأمل في تعليقات الأخوان "سنجاوي" وغيره..بل
يتعداها إلى تعليق ود الباوقة:
Quote: لانو من كلامك دا واضح ( عنقلة ) التحليل
تقليد؟؟ نانسي بتقلد منو ونحن ما جايبين خبر؟؟
والله إلا تكون بتقلد ليها في كمنجة ولا كدا..
..
Post: #11 Title: Re: ما بين نهي ونانسي عجاج مساحة تستحق الدراسة ... Author: جمال ود القوز Date: 03-10-2013, 09:07 AM Parent: #10
نانسي .. صوت متفرد بمعنى الكلمة .. تعطي لاي أغنية تغنيها أبعاد أخرى .. وتضيف مساحات وطعم جديد .. لاغنيات كثيراً ما مررنا عليها ولم نلمس فيها كل هذا الشجن .. التمكن من الأداء مدرسة .. بين ناسي ونهي .. مساحة وبون مافتئ يتناقص .. في الفترات الاخيره .. نهي مجتهدة .. ونانسي عبقريه أداء واختيار شفيف .. رغماً عن اعجابي بنانسي .. لكن الأخت المجتهدة دي حتجي تفوتها .. وحتعمل اسم كبير ..
ـــــــــــــــــــــــــ
يأخ انا ذاتي ما بحب الغنا ........
Post: #12 Title: Re: ما بين نهي ونانسي عجاج مساحة تستحق الدراسة ... Author: Mahmoud Mustafa Mahmoud Date: 03-10-2013, 04:33 PM Parent: #11
فوق لعيون طلحة عشان خاطر الأميرة وكدي..
..
.
Post: #13 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-10-2013, 05:11 PM Parent: #12
اضم صوتي اليكما Sinnary و GAAFER ALI واحيي المرأة السودانية عموما في يوم المرأة العالمي ثم اخص بتحية خاصة لعشرة نساء رائدات في بلادي اللائي ساعدت في تكوين الاتحاد النسائي الاول في اوائل الخمسينيات ثم اخص الخاص ... لوالدتي اطال الله عمرها .. الاستاذة سعاد مكي اسماعيل فضل الله ابو قسي
Post: #14 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-10-2013, 05:17 PM Parent: #13
Quote: السلطانة نانسي دي شعراً ما عندك ليهو رقبة بعدين الأصوات دي علم راسو عديل .. عندو أهلو وشيوخو البركو ليهو في تبروقة الفن لما دخلو الميس تجي انت ترمي انطباعاتك كأحكام قطعية نتيجة درااااااسة .. دراااااسة راسها عديل يا توفيق والنتيجة الله يرضى عليك اتوصلت ليها في المقدمة .
كثير من الناس هنا ان ابدينا اعجاب بفنان او فنانة او نجم يستكثر لنا هذا ويحاول ان يظهرنا بغير ذلك بانطباع غير محله اخي singawi انا معجب بالاختين الجميلتين وكل ما في الامر ابديت ملاظتين ثم طلبت من زوي الاختصاص ابداء وجهة النظر الصحيحة وهذا نصي :
Quote: عموما هما ظاهرتين جديرتين بالدراسة والاهتمام ... واحييهم من هذا المنبر .. واتمنى لها التقدم ...
واتمنى ان يدلو اهل الاختصاص من هذا المنظور ... فلربما كان لحديث بسيط معبر ان يساعدهما لتكونتا حاملتين مشعل التغير في مسيرة الفن النسائي الراقي في بلادي
ولهما شكري واعجابي ..
Post: #15 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-11-2013, 08:33 PM Parent: #14
UP
Post: #16 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-12-2013, 04:10 PM Parent: #15
UP
Post: #17 Title: Re: ما بين نهي ونانسي عجاج مساحة تستحق الدراسة ... Author: عادل عبدالعزيز عبد الرحيم Date: 03-12-2013, 04:36 PM Parent: #16
الحبيب توفيق سلام نهى صاحبة مشروع غنائى واضح وبدت ملامحه وانا كمتلقى بدات اتلمس جوانبه واتمنى لها التوفيق ومافى اى مقارنة بينها وبين نانسى التى تلفح من طرف وتكوجن ساكت .... طبعا اهلك السودانيين بتاعين مجاملة وهم عاجبهم استايلها وعاملين الحيلة عاجبهم غناها .... انا غايتو لمن اشوفها بتغنى بضحك شديد ماعارف ليه.؟؟
Post: #18 Title: Re: ما بين نهي ونانسي عجاج مساحة تستحق الدراسة ... Author: محمد فضل الله المكى Date: 03-12-2013, 06:04 PM Parent: #17
Quote: [Bواتمنى ان يدلو اهل الاختصاص من هذا المنظور
أفتكر ان أستاذنا الموصلي هو الأقدر على ذلك.... إلا إذا كانت لديه تحفظاته.
بعدين يا جماعة الخير توفيق دا ما قال (تحليلي دا أو رأيي دا رأي علمي فني) الراجل ممكن يكون مستمع (ذواقه) وعندوا رأيه.... والواحد لو ما عندو رأي في كثير من الفنانيين لأصبحوا كلَّهم بالنسبة له (فنان مُفضَّل).
باالله العندو نانسي ينزِّله لينا هنا خلينا نتأمَّل.... الداير صوت على كيفو، والداير صورة على كيفو.
Post: #19 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-13-2013, 05:08 PM Parent: #18
اضم صوتي للاخ محمد فضل الله واتمنى واحد ينزل لينا عمل لكل واحدة حتى
(ما بعرف انزل من اليوتيوب هنا في المنبر والاعتراف بالجهل فضيلة)
===
بالنسبة للاستاذ الموصلي اتمنى سماع رايه
ولكن ...
اعرف ان كتاباتي في السياسة والدين تنفر اهل الفن مني
مش حقو نكبر فكرنا يا اساتذتنا ولا رأيكم شنو وانا بينكم تلميذ نجيب
Post: #20 Title: Re: ما بين نهي ونانسي عجاج مساحة تستحق الدراسة ... Author: جمال ود القوز Date: 03-14-2013, 07:39 AM Parent: #19
Post: #21 Title: Re: ما بين نهي ونانسي عجاج مساحة تستحق الدراسة ... Author: جمال ود القوز Date: 03-14-2013, 07:41 AM Parent: #20
Post: #22 Title: Re: ما بين نهي ونانسي عجاج مساحة تستحق الدراسة ... Author: عثمان دغيس Date: 03-14-2013, 08:58 AM Parent: #21
والله في رأيي الأولى ( نانسي ) صوتها ضعيف ... والتانية صوتها فارق .... أنا ما عارف المرحوم أبوهم كان مفهمهم شنو ...؟ الله يرحمه ويرحمنا جميعا
Post: #23 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-16-2013, 01:08 PM Parent: #22
UP
Post: #24 Title: Re: ما بين نهي ونانسي عجاج مساحة تستحق الدراسة ... Author: garjah Date: 03-16-2013, 01:49 PM Parent: #23
Quote: والله في رأيي الأولى ( نانسي ) صوتها ضعيف ... والتانية صوتها فارق .... أنا ما عارف المرحوم أبوهم كان مفهمهم شنو ...؟ الله يرحمه ويرحمنا جميعا
عثمان اخوي
روق يا خي روق
Post: #25 Title: Re: ما بين نهي ونانسي عجاج مساحة تستحق الدراسة ... Author: عادل عبدالعزيز عبد الرحيم Date: 03-16-2013, 04:57 PM Parent: #24
يا توفيق الواحد لمن يفتح ليه بوست وعاوز راى الناس يرد على مداخلتهم افتكر ولا كيييف؟؟
Post: #26 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-17-2013, 09:45 AM Parent: #25
Quote: لانو من كلامك دا واضح ( عنقلة ) التحليل
ود الباوقة سلام ...
انا ما قاعد احلل بل طلبت من ناس الاخنصاص الضاربين طناش يورونا رأيهم
(وبيني بينك اخونك عنقالي كبير)
Post: #27 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-17-2013, 09:46 AM Parent: #26
Quote: ليس بالضرورة أن يكون توفيق ناقد فني ، فله وجهت نظره الخاصة وله الحق في أن يبديهاز قد تتفق وجهت نظره مع البعض وقد لاتتفق مع البعض الآخر ولكن يبقى الحكم لدى خبراء الأصوات لتحديد إمكانيات الصوت.
شكرا اخي الصادق عزالدين
Post: #28 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-17-2013, 09:51 AM Parent: #27
Quote: تقليد؟؟ نانسي بتقلد منو ونحن ما جايبين خبر؟؟
ما تزعل يا محمود طالما انا عنقالي والبت نانسي كل غناها من فحول شعراء السودان اهدوه ليها واكبر ملحنين في البلد لحنو ليها
Post: #29 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-17-2013, 09:55 AM Parent: #28
Quote: نانسي .. صوت متفرد بمعنى الكلمة .. تعطي لاي أغنية تغنيها أبعاد أخرى .. وتضيف مساحات وطعم جديد .. لاغنيات كثيراً ما مررنا عليها ولم نلمس فيها كل هذا الشجن .. التمكن من الأداء مدرسة .. بين ناسي ونهي .. مساحة وبون مافتئ يتناقص .. في الفترات الاخيره .. نهي مجتهدة .. ونانسي عبقريه أداء واختيار شفيف .. رغماً عن اعجابي بنانسي .. لكن الأخت المجتهدة دي حتجي تفوتها .. وحتعمل اسم كبير ..
Post: #30 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-17-2013, 10:02 AM Parent: #29
Quote: طبعا اهلك السودانيين بتاعين مجاملة وهم عاجبهم استايلها وعاملين الحيلة عاجبهم غناها .... انا غايتو لمن اشوفها بتغنى بضحك شديد ماعارف ليه.؟؟
اخي عادل ... اولا اسف تاخر ردي ... واختلف معك بعض الشيئ فالاستاذة نانسي تمتلك كل المقومات من وجهة نظري مستمع دون الالتفات لشكلها فحضورها طاغي جدا وتمتلك ناصية التطريب لكن .... اتفق معك بان بها شيئ معيب وطلبت من الاهل الدراية والاختصاص تبيان ذلك ليسهل علينا نحن العامة ان نعرف اين الخلل واتفك مع جملا وتفصيلا فيما قلته بخصوص الاستاذة والاخت نهى
ولك كل الود
Post: #31 Title: Re: ما بين نهي ونانسي عجاج مساحة تستحق الدراسة ... Author: توفيق عيسى مكي Date: 03-24-2013, 05:44 AM Parent: #30
شكرا قناة النيل الازرق فلقد افردت لنا الاسبوع الفائت مساحات واسعة للاختين بسهرة لكل واحدة مع الاعادات نهارا وكانت مساحات حرة للتأمل والدراسة ... والاستمتاع