إيه يضرك تسأل يوم علي يا غالي وإنت وحدك عارف همي عارف حالي
كيف أواصل صبري في الطريق الخالي كيف بدونك تصبح اليالي ليالي
أنا كنت دايما ً بصبر مهما البعاد أضناني في قلبي إنت بتكبر تكبر معاك معاني
برجى الأيام وستنى أمالي بين نيراني والهجر مهما يألم يرجع حنانك تاني
لو كان جفيتني خليتني وحدي برايا مع ليلي الوحدة والشوق حنينو معايا
ما بسيبو غرامك رضيان معاك بشقايا وقت الطريقك يوصل أعرف نهايتة خطايا
Post: #19 Title: Re: اسحق الحلنقي خمسون عاما من الجمال Author: عبيد الطيب Date: 03-09-2013, 10:34 AM Parent: #18
Quote: اسحق الحلنقي خمسون عاما من الجمال
شكرا الأخ خليل عنوان صادق ورائع الصحة والعافية لك وللشاعر اسحق الحلنقي مع راحة البال
محبتي
Post: #20 Title: Re: اسحق الحلنقي خمسون عاما من الجمال Author: khaleel Date: 03-09-2013, 10:45 AM
Quote: شكرا الأخ خليل عنوان صادق ورائع الصحة والعافية لك وللشاعر اسحق الحلنقي مع راحة البال
شكرا يا عبيد الطيب
يكفي حلنقي انه قال
وراء البسمات كتمت دموع
بكيت من غير تحس بي
Post: #21 Title: Re: اسحق الحلنقي خمسون عاما من الجمال Author: khaleel Date: 03-09-2013, 11:01 AM Parent: #20
فايت مروح وين وين ما لسه الزمن بدرى خليك شوية معاى عشان جنبك يطول عمرى
دار الفرح والريد تلقانى من اهلا لى الما بيعرف طيبة شباب كسلا بين الضفائر بان وجه القمر طلا وكيف قلبى يتصبر صبرنى يا الله فايت مروح وين يا اجمل الحلوين يا احلى ياسمينا ما لينا غيرك اهل انت الاهل لينا لمتين مراكبنا ترسى وترسينا على وادى اسمو القاش والغيم حوالينا على نسمتك يا قاش بالريد تعدينا فايت مروح وين باقى الجميل تموا اصلو العمر مرّ وانا كم صبرتا معاك فى الحلوة والمرة اطرح جبينك لى خليهو ينفرّ وانت البيدور ضرك انشاء الله ينضرّ فايت مروح وين يلاك بعيد نرحل على دنيا حنية نعيش لوحدينا والسيرة منسية واوسدك قلبى وارعاك بعينيا واسقيك مياه توتيل عشان تعود ليا فايت مروح وين سايبنى رايح وين لسه الوكت بدرى خليك شوية عشان جنبك يطول عمرى عارف الولف كتال وانا قلتا عزرى وارحم بخاطرى انا ارحم تعب قلبى
Post: #22 Title: Re: اسحق الحلنقي خمسون عاما من الجمال Author: Elkalakla_sanga3at Date: 03-09-2013, 11:19 AM Parent: #21
زول جميل من الزمن الجميل عاطر التحايا له ولاسرته
Post: #23 Title: Re: اسحق الحلنقي خمسون عاما من الجمال Author: khaleel Date: 03-09-2013, 11:30 AM Parent: #22
Quote: زول جميل من الزمن الجميل عاطر التحايا له ولاسرته
متعه الله بالصحة والعافية
عليك الله يا كلاكلة شوف جمال كلام حلنقي
Post: #24 Title: Re: اسحق الحلنقي خمسون عاما من الجمال Author: احمد الامين احمد Date: 03-09-2013, 12:48 PM Parent: #23
يكفى الحلنقى فخرا أنه الشاعر الوحيد الذى (سعى إليه وردى ) مثلما (سعى عبحليم للأبنودى ) ويكفيه فخرا كذلك هذا (الجميل الحلو ) أن بروف عبدالله على إبراهيم كتب عنه عند هجرته المؤلمة لمدن الملح قديما يقول ( وقع خطى السودانيين على الأرض تبدل بعد سماعهم لغناء الحلنقى ) او كماقال دخلت بوستك يابشمهندس (كايس ) درة حلنقى التى تقرأ: على رمل الطريق من بيتنا جابنا الشوق لسكتكم وصحا الذكريات فينا طواف الغيم بحارتكم بعد ماكنا نحنا نسينا إيه طرانا سيرتكم دورى دورى دورى دورى يا أيام علينا على الحبان من سفر بعيد جينا او كما صدح (الصوت الراقى ) وردى الذى سعى لشعر حلنقى بعد ان سمع صالح الضي يتغنى بأغنية من كلماته .. * قف ياخليل انا مش مستعجل وبديك زمن حتى تسمعنى هذه الاغنية شرط ان تكون تسجيل الإذاعة القديم جدا أو بلاش
Post: #25 Title: Re: اسحق الحلنقي خمسون عاما من الجمال Author: abas Date: 03-09-2013, 02:05 PM Parent: #24
شكرا كتير خليل يا رائع
Post: #27 Title: Re: اسحق الحلنقي خمسون عاما من الجمال Author: khaleel Date: 03-10-2013, 07:14 AM Parent: #25
Quote: شكرا كتير خليل يا رائع
صديقي عباس نهديك عيش معاي الحب
Post: #26 Title: Re: اسحق الحلنقي خمسون عاما من الجمال Author: khaleel Date: 03-10-2013, 07:12 AM Parent: #24
Quote: على رمل الطريق من بيتنا جابنا الشوق لسكتكم وصحا الذكريات فينا طواف الغيم بحارتكم بعد ماكنا نحنا نسينا إيه طرانا سيرتكم دورى دورى دورى دورى يا أيام علينا على الحبان
احمد يا ذاكرة الاغنية
كدي شوف التسجيل دا
Post: #28 Title: Re: اسحق الحلنقي خمسون عاما من الجمال Author: DKEEN Date: 03-10-2013, 12:06 PM Parent: #26
خلي..انا من عين يالنوم قلي
ياخينا اسمعا مني..
الحلنقي زولك ده ماعندو الكتير.. وربما اشعاره دي اي زول ممكن يكتبا بما فيهم انا.. كلمات تعتمد على القافية والطباق والجناس البسيط..ومفردات معينة يتكرر فيها الورد والرياحين والسكة والدرب والفراش وكل ماهو مرتبط بالمزاج الحسن والجو الممطر ومانحو ذلك.. ليس ثمة ابداع وانما اعمالٌ للذهن.. يعني ذي الزول القاعد يالف في كلمات متقاعطة.. وربما لو جلست انت وتخيرت مزاجا طيبا ومكانا هادئا لنجرت متل النجري ده.. وصدقني لولا الحان وردي واسم وردي الحلنقي ده كان يكون عادي خالص وعندو اكاونت في الفيس بوك بنزل فيها شغلاتو دي..
Post: #29 Title: Re: اسحق الحلنقي خمسون عاما من الجمال Author: khaleel Date: 03-10-2013, 03:29 PM Parent: #28
Quote: ياخينا اسمعا مني..
الحلنقي زولك ده ماعندو الكتير.. وربما اشعاره دي اي زول ممكن يكتبا بما فيهم انا.. كلمات تعتمد على القافية والطباق والجناس البسيط..ومفردات معينة يتكرر فيها الورد والرياحين والسكة والدرب والفراش وكل ماهو مرتبط بالمزاج الحسن والجو الممطر ومانحو ذلك.. ليس ثمة ابداع وانما اعمالٌ للذهن.. يعني ذي الزول القاعد يالف في كلمات متقاعطة.. وربما لو جلست انت وتخيرت مزاجا طيبا ومكانا هادئا لنجرت متل النجري ده.. وصدقني لولا الحان وردي واسم وردي الحلنقي ده كان يكون عادي خالص وعندو اكاونت في الفيس بوك بنزل فيها شغلاتو دي..
يا دكين
الراجل عمل اكثر من مائتي اغنية
بتتعلم من الايام كفاية زول بقول
هيج رحيلا مع الغروب احساس
غلبني اتحملو وكتمت اشواق الحنين
داير الدموع اتقلو ورجعت خليك
الدموع يرتاحو مني وينزلو
يا دكين اعد الكرة
Post: #30 Title: Re: اسحق الحلنقي خمسون عاما من الجمال Author: khaleel Date: 03-10-2013, 03:36 PM Parent: #29
Post: #31 Title: Re: اسحق الحلنقي خمسون عاما من الجمال Author: khaleel Date: 03-10-2013, 03:47 PM Parent: #30
Post: #32 Title: Re: اسحق الحلنقي خمسون عاما من الجمال Author: khaleel Date: 03-10-2013, 03:48 PM Parent: #31
Post: #33 Title: Re: اسحق الحلنقي خمسون عاما من الجمال Author: khaleel Date: 03-10-2013, 05:02 PM Parent: #32
Post: #34 Title: Re: اسحق الحلنقي خمسون عاما من الجمال Author: طارق ميرغني Date: 03-10-2013, 09:36 PM Parent: #24
يا سلام يا ابو خليل يا سلام يا سلام
شي بديع من رجل بديع عن ابدع
وبالله مره واحده شوفلينا تسجيل تاني لي دوري يا ايام
بناءا علي طلب اخينا احمد الامين
لانو التسجيل دا ما سمح
فيهو مشكلة صوت
Post: #35 Title: Re: اسحق الحلنقي خمسون عاما من الجمال Author: khaleel Date: 03-11-2013, 05:58 AM Parent: #34
Post: #47 Title: Re: اسحق الحلنقي خمسون عاما من الجمال Author: الصادق سيكا Date: 03-11-2013, 04:53 PM Parent: #46
خليل ايها الرائع شكرا لانك جعلت يومى جميلا .. قواسيب من الود
Post: #48 Title: Re: اسحق الحلنقي خمسون عاما من الجمال Author: khaleel Date: 03-12-2013, 06:03 AM Parent: #47
Quote: خليل ايها الرائع شكرا لانك جعلت يومى جميلا .. قواسيب من الود
شكرا الصادق سيكا
انها جولة في بستان حلنقي الجميل
Post: #49 Title: Re: اسحق الحلنقي خمسون عاما من الجمال Author: khaleel Date: 03-12-2013, 06:06 AM Parent: #48
Post: #50 Title: Re: اسحق الحلنقي خمسون عاما من الجمال Author: khaleel Date: 03-12-2013, 06:08 AM Parent: #49
حلنقي وكابلي
عجوة بالعسل
Post: #51 Title: Re: اسحق الحلنقي خمسون عاما من الجمال Author: khaleel Date: 03-12-2013, 06:17 AM Parent: #50
كلمات اسحق الحلنقي
من منتديات جبل اولياء
مرت لحظات وكمان ساعات طالت وحياتك منتظرين لو وشوش صوت الريح في الباب يسبقنا الشوق قبل العينين ونعاين الشارع نلقاهو تايه في دموع المغلوبين
Post: #52 Title: Re: اسحق الحلنقي خمسون عاما من الجمال Author: khaleel Date: 03-12-2013, 06:19 AM Parent: #51
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ اقبالك وكلى حنيه واخاف من نظرتك ليه اخاف شوق العمر كله يفاجئك يوم في عينيه ورا البسمات كتمت دموع بكيت من غير تحس بيه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ محال طبعاً أعيش في دنيا ما بتحب غنا العصفور أكون ميَّال على القسوة وأنا الحنية فينى بحور وطال ما إنت في عينى مصير الضلمة تصبح نور ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ فجأة غير ما نحنا نشعر يا فراق طليت علينا واصبحت كل الاماسى الحلوة والايام حزينة وارتسم ظل في جبين ايامنا ظل آهات سجينة كان طريق مكتوب نسيرو ونحنا سرناهو ومشينا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ لو عايز الجد أنا ردتك جدّ والدمعة السايلة علىّ تشهد أنك وصلت عذابى الحد وأنا مهما أبكى وأتنهد ألآمى معاك ليها حلاوة يا ما أتمنيت لو تجدد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ صحيح الدنيا ما بترحم تزيد همي العليّ هموم تقيف دايماً مع الظالم وتنسى براءة المظلوم حليلي أنا البقيت دايماً حواليك بالمحنة أحوم تعيش ناسيني طول عمرك وأعيش متمني أنساك يوم ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ العيد الجاب الناس لينا ماجابك يعني نسيتنا خلاص مع إنك انت الخليتنا بنغني الحب ذكرى واخلاص صبحت دمعتنا وسادتنا كده حاول أعرف لينا خلاص شال النوار ظلل بيتنا من بهجة وعدك وما جيتنا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ عقبال بيك نفرح يا زينة ونشرب شرباتك يا زينة ويتلموا هناك كل الصبيان في الساحة يغنوا غناوينا والليل يتحوّل اغرودة وزغرودة تشيلنا تودينا لساحة دار بيضة ونايرة ومعروشة بزهرة الياسمينه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ أدسك من عيون الناس واخلى عيونى ليك حراس واقول لعيونك النعسانة دايبه نعاس جمال الدنيا لا في اللولى لا في الماس جمال الدنيا في رقة قلب حساس وفي الناس البعزو الناس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ لو كان جفيتنى ورحت خليتنى وحدي برايا مع ليالي الوحده والشوق حنينه معايا أن مابسيبو غرامك رضيان معاك بشقايا لمتين طريقك يقصر تعرف نهايته خطاي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ ماقدرت العمر كلو بالغلط اغلط عليكى وأنتى عمرك كلو ظالمه والدليل غفرانى ليكى عارفو قلبك م معايا وبرضى شاغل خاطرى بيكى بالحنان م تعذبينى وأعذرينى وأعذرينى ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ روّحت سألت ملوك الكون كيف يبقى العسجد أخدر لون قام ردعلى دهب شيبون بصوت مليان آهات وشجون قال ليا العسجد فاتنا زمان واختار الخضرة الفي الليمون ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ جيناكم ياحبايبنا بعد غربة وشوق نغالب فيه ويغالبنا ونكتم آه تظهر آه تتعبنا حنين لى شوفة الغاليين مدوبنا هناك الغربة ما هنتنا يا حلوين هناك الهم بدل واحد يبين همين ومهما قلوبنا تتأوه ونتأوه سنين وسنين مصير الحى يلاقى حبابيو لو صادقين ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ كان نهارك يلاقي ليلك وانت تتبسم معايا وفجأة حسيت بيك نسيتني وغيم النسيان سمايا يعني كان البينا كلو لمحه من فاصل رواية ولا كان عشم المسافر في السراب كايس بداية ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ ما علىّ بالقاسية تحصل يبقى لىّ الهم مفصل طالما حبك مأصل خلىّ كل الحاصل يحصل البخاف الموج بشيلو والبواصل العوم بيوصل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ تذكرى كيف عند الجدول جلستنا الكانت يا زينه الوان الزهرة تفرحنا وانغام الساقية تبكينا طفلين كنا لاشايلين هم لاعارفين بكرة الجايينا وأهلنا عيونهم تتمنى تتمنى الهم مايلاقينا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ تقول لي ماشي من بكرة مهاجر لي وطن تاني مفارق خدرة النيلين وعشك فايتو وحداني ده إنت القلت ما بتفوت وطن بالعزة رباني أهداك غيم تطير ليهو وجوه عيونو ختاني ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ صوت السواقى الحانى ذكرنى ماضى بعيد وعلى الرمال آثارك طرتنى ليلة عيد ألمنى قلبك ينسى يرخص غلاوة الريد باقى الطريق بمشيهوخليني فيهو وحيد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ أدسك من عيون الناس وأخلى عيونى ليك حراس واقول لعيونك النعسانة دايبة نعاس جمال الدنيا لا في اللولى لا في الماس جمال الدنيا في رقة قلب حساس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ جاتنا الفرقة زائرة ديارنا بى ليلها اللي مابندار ومدد ايدها شالت زهرة كانت ضاوية ساحة الدار خلت بيتنا لا نور شمعة لا حس فرحة لا نوار سواقينا الحزينة بكت على الولف الجمعنا صغار ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ يا البقيت دائم تخاصم من أقل كلام أقولو والكلام ما فيهو حاجة أى زول ممكن يقولو ليك بغامر بى حياتى لو حنان قلبك أطولو دائماً اترجاك صابر البريد ما بنسى زولو
Post: #53 Title: Re: اسحق الحلنقي خمسون عاما من الجمال Author: khaleel Date: 03-12-2013, 06:24 AM Parent: #52
Post: #54 Title: Re: اسحق الحلنقي خمسون عاما من الجمال Author: khaleel Date: 03-12-2013, 03:25 PM Parent: #53
لـيه يا كروان خليت عشك
بـاريت الـغربة الـبتغشك
فـارقـت الـبلد الـبتريدك
بـالصندل كـانت بـترشك
لـيه يا كروان سبت ديارك
ومـشيت خـليتهم سـمارك
دي الـغربة الـحتت نوارك
مـا تـسيبها تـقلل مقدارك
دا الـبعد الحاصل كان منك
ليه نرمي اللوم على اقدارك
لـيه يا كروان خليت ناسك
ومـشيت لـلناس الماناسك
انـت المعروف بين جلاسك
مـعروف بي رقة احساسك
ليه تنسى عيون النيل والليل
والـريد الـحابس انـفاسك
لـيه يـا كروان بعدك طول
ومـا عـاد تغريدك زي أول
انـا عارفو حنينك ما تحول
عـشق الأوطـان ما بتاول
اصلو الانسان ما بكون انسان
لـو بنسى قديم زمنو الاول
Post: #55 Title: Re: اسحق الحلنقي خمسون عاما من الجمال Author: khaleel Date: 03-13-2013, 06:27 AM Parent: #54