ياااااااااااااا حماميزو !

.

أعترف أنا فلان الفلاني الظاهر اسمي على اليمين هنــا
ومعي أًصحاب أعرف مدى حماستهم للنضم والونسة
بأنكـ ياخي مثقف
مثقف
مثقف
....
أتوقع كده حا ترتاح لأنو والله أصحابي ديل عينم نجيضة
بس ما عندهم غير الحوش ده يجوا يفضو فيهو مشاعرم
بس عندهم رجاااااااااااااااااااء .

يعني محمد سليمان الشاذلي ده
الجايي من أمبدة
راسو مليان وكلامو مليان ، مقصودين بيهو نحن البنشوف
يلا يا سيدي خلينا نشوف – نسمع – الكلام كلو
يعني ما ممكن تقاطع الراجل بالطريقة دي وتبقى ليهو في حلقو وتنطط بينا من نقطة ما تمت لنقطة ما تمت باعتباركـ عارف القصة
ياخي نحن ما عارفين
....


ممكن تصاحبو وتمشي تتونس معاهو في مكان آخـــر بعد داكـ

لا نعرف - ونتعلم - كل الأشياء لأننا درسناها
نتلقى دائماً أشياء بعضها يثير وبعضها يعبر دون أثر
العكس أحيانا يحدث حين يحس المتلقي العادي - غير المتعلم - بقيمة الشخص الذي يتحدث أمامه
ينصت حينها بأدب وشغف في التلقي ، ليتعلَم
وباحساس المتلقي العادي - غير المتعلم - بقول ليكـ لو تعلمت تصمت وانت تقدم لنا قامة مثل الذي جعلته ونسة
لسماكـ المتلقي - العادي - مذيع ناجح
للأسف لم تكن كذلكـ

الموضوع حلقة تبث الآن على قناة السودان
مقدمها حماميزو
وضيفها
هذا الجميل
الأستاذ : محمد سليمان الشاذلي الفائز بجائزة الراحل الجميل الطيب صالح للقصة القصيرة
...
في بوست مفتوح بخصوص الأستاذ محمد سليمان الشاذلي
...
مرضني حماميزو ياخي

والله يا عمران بصراحة ما عندي تعليق غير لايك كبييييييييييير

حماميزو قطع راسنا وخلانا نفتش لباقي الكلام

أبو محمد سلام
كرهت الزول دا بي صورة ما عادية في لقاء مع البروف عبدالله الطيب (له الرحمة و المغفرة)
جالس مع البروف و هو خالف رجلو ......

تعرف يا أبو حسين
ذكرني سيد حمزة الزول التجي تحكي ليهو نكته عاجباكـ وقبال ما تمها يضحكـ ضحكة صفراء كده إنو سمع النكتة دي قبل كده
حماميزو كان بقول للراجل آي سمعتها في كل مرة دون أن يحس بما يفعله بالرجل

ولايكـ ليكـ انت يا الشيخ ابراهيم
لأني بس راجي مداخلة واحدة تقول لي كلامكـ صاح عشان أمشي أنوم
خايف أكون ظلمت الراجل
...

Quote: مرضني حماميزو ياخي

يمين ياعمران الزول ده اكان مرضك قيراط

انا مرضني 1000 قيراط....!!!!!

معقولة بس ....؟

ده انسان نرجسي بطريقة غير عادية

والله العظيم غيرت القناة من بدا يقول للراجل :

بدون تفاصيل.... اشتغلت طوالي.... اتعينت في نفس اليوم...!!!

الشاذلي فاز بجائزة الراحل الطيب صالح صاحب المقولة الاشهر :

من اين اتي هؤلاء

اجزم بان ها الحماميزو من ضمنهمالهؤلاء ....!!!!

من اين اتي ....؟

Quote: حماميزو

مقامات الاسم محفوظة

Quote: مقامات الاسم محفوظة

يا خاااااال محفوظة شديد ياخي

حماميزو نجضنا نجاض قبورة وندمنا على السهره

يا مرتضى عشان كده حسين خوجلي - كرجل حوار متمكن - مطالب يلم في الزول ده ويطلِع باقي جمالياتو الطيرة لينا حماميزو البرَاي

Quote: ده انسان نرجسي بطريقة غير عادية

متمني أسمع رأي الأستاذ الضيف كم مرة حس إنو عايز يطلع يخلي ليهو الأستديو ويكمِل براهو ؟.

القبول قبل كل شي ، والتخصص هم راس مال المهنة دي تحيداً
والإتنين حماميزو ما عندو منهم التكتح حتى كان بقى حافظ معلومات الدنيا الحايمة

Quote: وكأنه في تسابق معرفي مع الضيف ، يا ضيفي أنا أعلم منك في كل صنوف المعرفه وسأثبت لك ذلك وللمشاهدين التعساء

هيثم من أهل الفيس الزوار شكلي بقيت ليهو سبب قلق ليلي ههههه
المهم يا هيثم لا هو لم في إثارة إعجاب ضيفو الجميل
وكرهنــا نحن فيهو زيادة

هلا يا عمران ...
مافيش فايدة يا عزيزي .... الراجل لم يتعلم ولا يرغب في ذلك ....
سنة 2006 اتمغصت زي مغصتك دي لما حماميزو استضاف العالم د. فاروق الباز.... كنت منتظر اطلع بفائدة من هذا العالم، لكن لم يحدث بسبب البري الغير مؤسس لحماميزو.
حماميــزو ... يا خي قــديتنــا !!!

Quote: يا مرتضى عشان كده حسين خوجلي - كرجل حوار متمكن - مطالب يلم في الزول ده ويطلِع باقي جمالياتو الطيرة لينا حماميزو البرَاي

Thumb up
حسين خوجلي أفضل محاور تلفزيوني سوداني
فهو يجيد فن الاستماع واستخلاص افضل ما لدى المحاور

Quote: حسين خوجلي أفضل محاور تلفزيوني سوداني فهو يجيد فن الاستماع واستخلاص افضل ما لدى المحاور

أثني بنسبة مية في المية

والله يا عمران

دا راجل سخيف بدرجة وزير ولائي في حكومة الانقاذ

هو اصلو لو زول ناجح كان باري الطب بتاعو

زول طبيب بدل ما يسعي للتخصص مباري لي لقاءات فاشل فيها تمام

يخس علي ابو التلفزيون علي ابو ادراتو ذاتا

انا احب الزول ده جداً ..
مثقف ومدرك ..لكن نحن في السودان اللي زي ده بنسميهو المعاط والقداد وال وال وال ..

Quote: مثقف ومدرك ..لكن نحن في السودان اللي زي ده بنسميهو المعاط والقداد وال وال وال ..

الحبيب الفاروق :
مبدئياً أنا ما حاولت أقلل من شأن ثقافته أو تحدثت بكرهي له
بس الفايدة شنو من ثقافتو لي أنا كشخص عايز يسمع الضيف أكتر ؟
يا عمر بتمنى ساي الزمن يجيبكـ في طريقو ويستضيفكـ في علمكـ الشايلو في كنكوجكـ الكبير ده
وخليهو يقعد يقاطعكـ كل مرة آي عارف ، آي عارف الزبدة شنو ؟ وبعدين تعال قول كلامكـ ده :)
...
حماميزو لا يصلح كمذيع ، وممكن جداً تكون عندومحاضرة عن أي شي في الدنيا وأًفق ليهو بإعجاب
بس كمقدم برامج حوارية تلفزيونية ؟
حامضة

Quote: حماميزو كان بقول للراجل آي سمعتها في كل مرة دون أن يحس بما يفعله بالرجل

..
انت يا عمران شكلك كدا عندك دم خاتيهو استوك للحاجات الزي دي ..
اقوليك حاجة ..؟
انا بي صراحـة .. بقيت عدو لدود لي اي لزاجـة ممكن تصلني من اي شاشة .. اقعد واستقطع من وقتي علشان اشوفـه ..
يوم الخميس كان آخـر يوم في الاجازة التي امتدت من الاربعاء الفاتت .. وانا زول واجبات .. وبصحى من الصباح بصطبح بي بلو نايل FM صورة وصوت .. بي فهم انها بتعيد لي امجاد الاذاعـة السودانية .. لما كان فيها نفحـات الصباح .. وإلخ ..
أول حاجة بشوف المقدم منـو ..
لو لقيتو من الناس البتحاور كويس .. البتنعش ليك الذاكرة الفرايحية ذاك الصباح .. فهو زولي طوالي .. لو لقيت غير ذلك .. اصلا .. اصلا ما لازمني ..
وبي صراحـة بكون منتظر كل يوم خميس علشان استمتع بي محمد محمود اسكونس ..
يوم الخميس اسكونس قام جاب ليهو قمبلة كبيرة جدا جاب ليهو واحد من الفنانين البرينسات الجداد ديل .. ياخ دا شرتم لينا اي احساس بي اي غناء نفس ذاك الصباح .. حاوره ساكونس بي ادب لم يخفي فيه امتعاضـه وسالو سؤال .. اماتني ضحكا ..
قاليهو اسمع انت البنتقدك منـو ..؟
لذلك يا عمـران ..
حمزة دا كلما تنتقدوهو .. كشجرة الصندل .. يقدكم كدا لامن تعرفوا حاجة ..
انا يا عمران ما متذكر حمزة دا .. حضرت ليهو حلقـة متين ..
اقوليك حاجة ..؟
حمزه دا اكان جابو ليهو حلقـة مع عمر حسن أحمد البشير .. ما بقعد احضره ..

Quote: مثقف ومدرك ..لكن نحن في السودان اللي زي ده بنسميهو المعاط والقداد وال وال وال ..

قداد ومعاط وما مدرك ولا مثقف لكن بخم الفارات الزيك يا عمر خليك في عمر بخيت والفاتح النقر

Quote: حمزه دا اكان جابو ليهو حلقـة مع عمر حسن أحمد البشير .. ما بقعد احضره ..

ان شاء الله يحصل
قادر وكريم
هههههههههههههه

Quote: حسين خوجلي أفضل محاور تلفزيوني سوداني فهو يجيد فن الاستماع واستخلاص افضل ما لدى المحاور

مع احترامى لمعجبى حسين خوجلى, الا انه ابعد الناس من صفة المحاور الجيد (اين هو من نجوم برامج التوك شوالعربية من امثال حافظ الميرازى
و عماد اديب و خيرى رمضان و محمود سعد).
خوجلى يختار فى الاغلب ضيوف من الوزن الخفيف جدا مثل نجوم مجتمع او معاشيى الخدمة المدنية او ضباط جيش بالمعاش او اهل فن و مغنى ممن لم يعرفوا
بالاهتمام بالقضاياالعامة
و هو بعتمد على محاور هامشية فى حواراته كما انه يميل الى الى ترديد جمل و كلمات معينة بصورة مملة (الق, جهير. ..... الخ)

بصورة عامة خوجلى يتعمد استعمال لغة و كلام تهويمى دون اى عمق كمن يتعمد ابهار المستمع دون الدخول فى حوار عميق بصورة
اقرب الى برامج ليلى المغربى الصباحية ايام زمان

Quote: خوجلى يختار فى الاغلب ضيوف من الوزن الخفيف جدا مثل نجوم مجتمع او معاشيى الخدمة المدنية او ضباط جيش بالمعاش او اهل فن و مغنى ممن لم يعرفوا بالاهتمام بالقضاياالعامة و هو بعتمد على محاور هامشية فى حواراته كما انه يميل الى الى ترديد جمل و كلمات معينة بصورة مملة (الق, جهير. ..... الخ) بصورة عامة خوجلى يتعمد استعمال لغة و كلام تهويمى دون اى عمق كمن يتعمد ابهار المستمع دون الدخول فى حوار عميق بصورة اقرب الى برامج ليلى المغربى الصباحية ايام زمان

والله يا عوض بما اني من اشد المعجبين بي حوارات ومحاورات الاستاذ حسين خوجلي ..
إلا اني توقفت في كلامك الكاتبو دا .. ورجعت بي الذاكرة لي لقـاء حسين خوجلي وعبد الباسط سبدرات .. ايام برنامج ايام لها ايقاع في سنواته التي خلت ..
فعلا .. كانت حلقة مميزة جدا استطاع فيها عبد الباسط سبدرات ان يدخل حسين خوجلي في حتـة ضيقة جدا .. ووقتها كان مشهور عن حسين خوجلي انه يأتي بالخفاف جدا .. ليمسح بهم الأرض في برنامجـه ويحاصرهم باشياء يصعب عليهم حتى التحدث فيها ..
طبعا وقتها كان حسين خوجلي من الابواغ المشهود لهم بالنظام ..

يا مرتضى ..
انا اصصصصلا مخليني لي الفاتح النقر وعمر بخيت وغيرهم مااا بعرف..
لكن بالجد كيف انتو بترعفو الزول ده مثقف ولا ما مثقف؟؟
يعني زي حمزة ده لييي قلتو ما مثقف؟؟

تمبس
سلام

حوارات خوجلى مع سبدرات فعلا كانت مميزة و ايضا حواراته مع الكابلى اول ايام الانقاذ
الا ان مشكلة خوجلى هى ان المتلقى لن ينسى له انتماءه السياسيى و لو تخلى عنه فيما بعد. فالرجل كان سياسيا فاعلا فى حزبه لدرجة عضوية الهئيات الثقيادية و الترشح فى الانتخابات العامة, لهذا يبقى عطاؤه الاعلامى و لو كان خارج السياسة عرضة للتوجس من المتلقى من ان تكون هناك رسائل
سياسية مخفية
خوجلى بالطبع صصحفى متمكن مهنيا الا ان مسالة تنصيبه ملكا لفن الحوار مسالة فيها نظر
كما اننا بصورة نفتقد للمحاور الجيد فى اعلامنا رغم اجتهادات الطاهر ساتى و عمر الجزلى و عفراء فتح الرحمن و اخرين

Quote: الا ان مشكلة خوجلى هى ان المتلقى لن ينسى له انتماءه السياسيى و لو تخلى عنه فيما بعد. فالرجل كان سياسيا فاعلا فى حزبه لدرجة عضوية الهئيات الثقيادية و الترشح فى الانتخابات العامة, لهذا يبقى عطاؤه الاعلامى و لو كان خارج السياسة عرضة للتوجس من المتلقى من ان تكون هناك رسائل سياسية مخفية

والله يا عوض كلامك دا كلو جميل جدا .. وبينطبق لي على عدة ناس مشت فيهم المسالة بتاعت الانتماء السياسي دي بالرغم من مهنيتهم العالية جدا في فن إدارة الحوارات او التحليل ..
الاستاذ علي شمـو .. على راس هؤلاء إلا ان ما يويته المطلية بي الانقاذ ما ذال البعض يتوجس منها .. وينطبق ذلك ايضا على الصحفي والمقدم المتمكن عوض إبراهيم عوض .. وموقفه من الاستاذ محمود محمد طـه ابان اعدامه ..

Quote: كما اننا بصورة نفتقد للمحاور الجيد فى اعلامنا رغم اجتهادات الطاهر ساتى و عمر الجزلى و عفراء فتح الرحمن و اخرين

اعتقد انك تقصد الطاهر التوم .. صاحب مراجعات .. من افضل البرامج التي ستظل راسخـة في ذاكرة الشعب .. وهو برنامجي الاول والمفضل على الشاشة والذي احرص على متابعته واحرص على وجود الورقة والقلم بجواري لتسجيل بعض النقاض المهمة في الحوار ..
الطاهر توم لو هو المقصود بكلامك ايضا تنطلي عليه نظريتك اعـلاه بخصوص الانتماء السياسي الذي يغلب على المهنية ..
اضف لذلك ..
تمتعه باستفزاز ضيفـه وذلك عن طريق الاستعداد الجاد للحلقـة .. وتجميع اكبر قاعدة بيانات .. مع استخدام الارهاب الشكلي .. الذي يستخدمه حسين خوجلي .. وهو التلاعب بالعيون والنظرات .. ومداهمـة الضيف في مكان ضعفـه بمعلومـة متداوملة لا يستطع الضيف التهرب منها إلا واظهاره بالموقف الضعيف جدا .. وهي طبعا من وسائل الحوارات الخبيثة جدا .. التي تفقد المحاور توازنه بسرعة وتشتت افكاره .

غايتو من بين كل المحاورين العرب ..تركي الدخيل يكسب..

دكتور حمزة أمس فى الحلقة دى مع الشاذلى الرجل الخلوق المهذب المحاور اللبق فشل تماما فى ادارة حوار مفيد مع ضيفة وكل الناس استفزاها حمزة بى المقاطعة المستمرة للضيف وشكلوا المخرج نبهوا لانو فى فترة صمت من مقاطعة الضيف المرتب الافكار . فى منتصف الحلقة نفسى ادخل يدى جوة التلفزيون واسل حمزة دا وارميهو ذى الفأر الشاذلى رجل مهذب ومتمكن وحمزة سخيف وبارد ضيع حوار جميل مع ضيف قليل الضيوف المثلو .

اتنين بجيبو الطمام فى تاريخ التلفزيون واحد زمان اسمو على الريح كان بارينا فى البرامج الرياضية وربنا ريحنا منو وتانى حمزاكم دا.هو مخلى الطب مالو والغاشيهو منو وقائل ليهو انو اعلامى ناجح .

Quote: ضيع حوار جميل مع ضيف قليل الضيوف المثلو

لايكـ

Quote: حسين خوجلي أفضل محاور تلفزيوني سوداني فهو يجيد فن الاستماع واستخلاص افضل ما لدى المحاور

اتفقت معاي يا ابو شيبة .

الصديق أيمن الحلاوي
فعلاً ما فيش فايدة ، يعني سنة 2002 دي انا زاتو ما كان عندي تلفزيون :) ، ياخي ورمكـ عمرو عشرة سنوات هههههه
أعجبني كلام منى خوجلي :

Quote: اي مـقـدم برنـامج مهمـا كـانت معرفتـه ضـخمـة...يجـب عليه أن يتـذكـر ان البرنـامج يهـدف الي الاسـتفادة مـن الضـيف..يتطـلب هـذا ان يكـون مقـدم البرنـامج مطـلعا ومسـتوعب لمـوضـوع الحـوار وللمستضـاف وقـدراته أو امكـانياته..حـتي يسـتطـيع أن يخرج منـه ببراعـة ولطـف ما يفيـد المشـاهـد..وهـذا لا يعـني علي الإطـلاق استهلاك زمـن الحـلقـة بواسطـة الـذيـع في اسـتعراض معـرفتـه..

ودي الفكرة حتى لا يفهم غير ذلكـ