Post: #1
Title: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 11:01 AM
اللي هو المؤتمر الوطني
ادعو الحركة الاسلامية بفنزويلا لبناء مقر الحزب الشيوعي السوداني
|
Post: #2
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 11:04 AM
Parent: #1
الخبر ورد في جريدة السوداني يوم امس
تحت عنوان مضلل
الوطني يخلي داره بشارع المطار *
Quote: الخرطوم: سوسن محجوب
علمت(السوداني) أن المؤتمر الوطني سيخلي مقره بشارع المطار فى غضون الأيام القليلة المقبلة والبحث عن مقر مؤقت، وذلك استعدادا لإعادة بنائه فى شكل برج يستوعب كافة هياكله المختلفة.
وأبلغت مصادر (السوداني) أن المقر الجديد سيكون بالعمارات إضافة للاستفادة من بعض مقاره الأخرى، وسيتم تشييد البرج بمنحة من الحزب الشيوعي الصيني، وسيشرف على تنفيذ المبنى الجديد طاقم من مهندسي الحزب إضافة الى عمالة صينية. |
* دي بنرجع ليها بعدين لانها مرتبطة بموضوع آخر
|
Post: #3
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 11:05 AM
Parent: #2
هل تشيعت الحركة الاسلامية السودانية ام اسلم الحزب الشيوعي الصيني ؟
ــــــــــــــــــــــــــ
طيب ما تدو اخوانكم في نمرة اتنين طابق طابقين :)
|
Post: #4
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 11:09 AM
Parent: #3
هل ستقبل الحكومة ان يبني الحزب الجمهوري الامريكي مقر لحزب الامة السوداني كمنحة ؟
سيد صادق ما اعتقد او عندو مانع
لكن الاخوة بحي المطار* اكيد حيكون عندهم مانع
فهذه عمالة وتدخل اجنبي ربما سيؤثر على سياسات وخيارات حزب سيد صادق
ــــــــــــــــ
* عبد الغفار الشريف وصحبه الميامين
|
Post: #5
Title: Re: الحزب الشيوعي الصيني سيبني مقر حزب الحركة الاسلامية
Author: Yasir Elsharif
Date: 03-08-2013, 11:33 AM
Parent: #4
سلامات يا محمد إبراهيم
شكرا لك على البوست..
ياسر
|
Post: #6
Title: Re: الحزب الشيوعي الصيني سيبني مقر حزب الحركة الاسلامية
Author: أيمن محمود
Date: 03-08-2013, 11:34 AM
Parent: #4
| Quote: هل ستقبل الحكومة ان يبني الحزب الجمهوري الامريكي مقر لحزب الامة السوداني كمنحة ؟ |
ماذا تقول يا رجل ؟!!!
سيكون هذا :
1- استقواء بالاجنبي
2- استرزاق
3- دليل عمالة
4- حرب على الاسلام
|
Post: #7
Title: Re: الحزب الشيوعي الصيني سيبني مقر حزب الحركة الاسلامية
Author: Alshafea Ibrahim
Date: 03-08-2013, 11:39 AM
Parent: #6
جمعة مباركة يا هندسة
أنت قديم شديد ... قوقل معاك مبدأ ونظريات اللا وطني والشراكات الذكية ؟؟ تلاقي العجب
الشفيع إبراهيم
|
Post: #9
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 11:50 AM
Parent: #7
شكرا لك دكتور ياسر الشريف وتحياتي لك
الشي دا بيشكف انتهازية شيوعيي الصين ولا بيكشف انتهازية اسلاميي السودان ولا بيشكف لينا انو الطيارة عندها بوري ؟
ولا ما بيكشف اي حاجة بصراحة كدة انا راسي ضرب
اخبرني من لا اثق في صدقه ان ماو تسي تونغ قد اسلم على يد عوض الجاز ورجع رقد في قبرو تاني لوووووول *
ــــــــــــــــــــ
*دي نكتة عشان ما في زول يجي يسالني عن المصدر لاني حاعمل رايح
|
Post: #8
Title: Re: الحزب الشيوعي الصيني سيبني مقر حزب الحركة الاسلامية
Author: محمد البشرى الخضر
Date: 03-08-2013, 11:41 AM
Parent: #6
عايزين يبنوه برج !! هم ناوين قاعدين لمتين يعني
يا هندسة شغلانية زي دي عمولاتها بتكون الف و الصينيين مسألة العمولات و الرشاوي دي عندهم عادية مافيها حاجة
|
Post: #10
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 11:57 AM
Parent: #8
تحياتي ايمن
القول ما قلت (عمالة واستقواء بالاجنبي والخ الخ الخ ) مما يشتمل عليه قاموس عبد الغفار الشريف وصحبه الكرام
غايتو مفروض يخلو الموضوع ده فاتح بحري
على الاقل ممكن نطلع لينا بحديقة كاربة من حزب الخدر الالماني تكون كمقر لحزب الخدر السوداني (اي منهما)
المهم الحديقة
|
Post: #11
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 12:02 PM
Parent: #10
تحياتي الشفيع
| Quote: أنت قديم شديد ... قوقل معاك مبدأ ونظريات اللا وطني والشراكات الذكية ؟؟ تلاقي العجب |
قلت شراكة ذكية لووووول
الناس ديل خطرين ويكون اسي عملو ليهم كم اخو مسلم كدة في المكتب السياسي للحزب الشيوعي الصيني :)
قال ناس شيخ الجاز ديل يعاين ليك للصيني كدة بس الصيني بدون ما يشعر تلقاهو رفع اصبعو وكورك (هي لله هي لله) هههههه
|
Post: #12
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 12:13 PM
Parent: #11
يا م.ب.خ انظر الى النصف الممتلئ من الكوب
واتخيل شارع المطار شكلو حيكون جميل كيف بعد انشاء هذا البرج
وكمان الغيرة التي سيثيرها هذا الامر ويكون دافعا لبقية احزابنا للتنافس في بناء الابراج لتكون مقرات لهم
اتوقع انو مولانا سيستعين بحزب الوفد المصري وشركة المقاولون العرب لبناء مقر الحزب الاتحادي الاصل
وسيد صادق ما عندو حل الا يقنع حزب المحافظين البريطاني
المشكلة كلها ستكون عند الحزب الشيوعي السوداني شافيز ومات
وتبارك عايز يدفنو :)
ـــــــــــــــــــــــــــــ
انا مفكر اقدم للشركة الصينية الحتبني المقر ده عشان ادردق في العمولات دي ترافق يا زميل هههههههههه؟
|
Post: #13
Title: Re: الحزب الشيوعي الصيني سيبني مقر حزب الحركة الاسلامية
Author: سيف النصر محي الدين
Date: 03-08-2013, 12:54 PM
Parent: #12
اسمح لي يا باشمهندس أن أوجه الدعوة للزميل الزعيم تبارك شيخ الدين بتوجيه الدعوة لأحزاب الخدر في اوروبا للبدء في بناء مقر لحزب الخدر السوداني
يكون نموذجا في الحداثة و الenvironmental friendly و في ذلك فليتنافس المتنافسون
|
Post: #14
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 01:04 PM
Parent: #13
سلام يا دوك
| Quote: اسمح لي يا باشمهندس أن أوجه الدعوة للزميل الزعيم تبارك شيخ الدين بتوجيه الدعوة لأحزاب الخدر في اوروبا للبدء في بناء مقر لحزب الخدر السوداني |
انا بقترح يدوهم الحديقة النباتية بالمقرن ويجونا خدر اوروبا يحولوها لينا لجنة عدن
|
Post: #15
Title: Re: الحزب الشيوعي الصيني سيبني مقر حزب الحركة الاسلامية
Author: علي دفع الله
Date: 03-08-2013, 01:18 PM
Parent: #14
| Quote: الحزب الشيوعي الصيني سيبني مقر حزب الحركة الاسلامية |
يا باشمهندس خليهم يبنوا ساااااااااااي ،
بس يا ريتهم يفتكروا مقار الحزب الوطني في مصر ،،،،،، ومقار اللجان الشعبية في ليبيا، وتونس وسوريا ،
--------------
ستكون اول الاهداف للحرق والتدمير طال الزمن او قصر ،
-------------
منتهى الاستخفاف والاستفزاز ، هو الحزب الحقير دا محتاج ليهو ناطحة سحاب ، دا محتاج ليه لي خور او مجاري صرف عشان يرموا فيه افكارهم النتنة دي ،
---------
ابوووووووو اي حاجة
|
Post: #16
Title: Re: الحزب الشيوعي الصيني سيبني مقر حزب الحركة الاسلامية
Author: مهدي صلاح
Date: 03-08-2013, 01:21 PM
Parent: #14
الاخوان -عليهم من ضاحي خلفان ما يستحقون - ملة واحدة قمة الانتهازية زائدا شعارات مرفوعة فقط للاستهلاك ولخم الناس
ماشفتوا مرسي في خطابة للرئيس الاسرائيلي وهو ينعته باحب الاسماء وفي لقائه مع وزير خارجية (الشيطان الاكبر) امريكا حينما كانت الابتسامات تشق وجه مرسي طول بعرض من الاضان للاضان
والانكى لما قام على اخوان غزة وهدّم الانفاق التي تمد شعب غزة باسباب البقاء
من الآخر كدة هي للسلطة وللجاه ولا لشيء غير ذلك
|
Post: #17
Title: Re: الحزب الشيوعي الصيني سيبني مقر حزب الحركة الاسلامية
Author: دينا خالد
Date: 03-08-2013, 02:53 PM
Parent: #16
قلنا ليكم دا حزب شيوعى صينى .. صييينى ... ما اصلى ....
تاكد من ديباجة الحزب لازم يكون يابانى او المانى او الخ ...
ثم ثانيا ... الفى شارع المطار دى ما دارهم .. دا النادى الكثوليكى ....
صادروه من اسياده اها بعد قنعوا منو كانوا يرجعوا ليهم ... عيب كدا ...
الله يرحمك يا جون قرنق بعد ما جاء الخرطوم اصلو ما كان بقول ليه
غير النادى الكاثوليكى ... قال نحن جايين من النادى الكاثوليكى ...الخ
ثالثا : برضو مكسب ... خليهم يتجمعوا محل واحد عشان يسهل
حصدهم كما فعل ثوار مصر بالبناية الضخمة لمؤتمرهم الوطنى ...
فى وسط البلد ....
تتتتتتتتتتتتتتتتتتتت
المركزين على الخبر دا مغرضين عايزين يوضحوا انو الشيوعين
عندهم مشكلة مع الاسلام لووووووب والمسلمين لوووووب
لكن دا ما حاصل الحزب ما عنده موقف من الاديان دا باعتبار المستنكرين
مسالة الحزب الشيوعى كانو بتعامل مع متدينين ....الشيوعى الصينى بتعامل مع
كل المستهبلين مدعى الاديان او مدعى الشيوعية لا فرق لافرق يا هداكم الله ....
|
Post: #18
Title: Re: الحزب الشيوعي الصيني سيبني مقر حزب الحركة الاسلامية
Author: مهدي صلاح
Date: 03-08-2013, 06:42 PM
Parent: #17
الاقلية المسلمة في الصين تسام سوء العذاب على يد الحزب الشيوعي الحاكم
لدرجة انهم يحاولون تغيير الطبيعة الاثنية في الاقليم المسلم ويدعموا (الهان) على حساب اثنية الايغور المسلمة وفي كل رمضان تقوم السلطات بدعوة المسؤولين المحليين
لوجبات نهارية للتاكد من التزامهم بقرار يمنعهم من الصوم
بعد دا كلو يجوا ناس المؤتمر الوطني الحكام بامر الله ويقبلوا ان يهديهم هؤلاء دارهم
لا حاجة للتوضيح بأني واقع في دائرة المغرضين التي اشارت اليها دينا خالد
بمناسبة يوم المراة كل سنة وانتي وكل بنات حواء بخير
|
Post: #19
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 07:05 PM
Parent: #18
تحياتي علي دفع الله
| Quote: ستكون اول الاهداف للحرق والتدمير طال الزمن او قصر ، |
وليه ما نخليهو تستفيد منو البلد
ان شاء الله نعملو كلية او مركز او مستشفى
|
Post: #20
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 07:09 PM
Parent: #19
تحياتي مهدي صلاح
كلو لله وفي سبيل الله قمنا نبتغي ادخال الصينيين الاسلام
يقال ان الكفر ملة واحدة والان ثبت ان الاسلامويين ملة واحدة دينها المصالح وبارعة جدة في المتاجرة بالدين
وحيثما يكون هناك عضة يحملون غضهم وغضيضهم والاعمي شايل المكسر
غايتو على حس المبني في واحد بيكون ببشر في مرتو ويقول ليها غايتو البيت بتاع بحري حيتم قريب :)
|
Post: #21
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 07:16 PM
Parent: #20
تحياتي يا دينا
هسي الموضع حيتلخبت علينا كنا بنقول النادي الكاثوليكي
انا غايتو بعد ده حاسميه بكين
جينا مارين ببكين ....... انا اسي جنب بكين الخ الخ الخ
ـــــــ
بعدين بحكم انك بتفهمي في القانون تفتكري مسجل الاحزاب حيكون رايه القانوني في الواقعة دي شنو ؟
|
Post: #22
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 07:18 PM
Parent: #21
يا مهدي اسكت ساي ما تحرجنا مع شيخي
الروهينجا ديل ناس مارقين ومتمردين مرقو على سلطان اخوننا الشيوعيين ببكين
عليهم بالسمع والطاعة ولو تامر عليهم شيوعي ماوي
فاستحقو التاديب والضرب عليهم بيد من حديد
|
Post: #23
Title: Re: الحزب الشيوعي الصيني سيبني مقر حزب الحركة الاسلامية
Author: Balla Musa
Date: 03-08-2013, 07:23 PM
Parent: #21
يامحمد ياهندسة
تقصد الحزب الشيوعى الصينى يهدى دار لحزب المؤتمر الوطنى؟
|
Post: #24
Title: Re: الحزب الشيوعي الصيني سيبني مقر حزب الحركة الاسلامية
Author: محمد إبراهيم علي
Date: 03-08-2013, 07:42 PM
Parent: #23
تحياتي يا دكتور
| Quote: تقصد الحزب الشيوعى الصينى يهدى دار لحزب المؤتمر الوطنى؟ |
اجل
بس يا دكتور النبي فيك كان تقول لي النبي قبل الهدية :)
|
Post: #25
Title: Re: الحزب الشيوعي الصيني سيبني مقر حزب الحركة الاسلامية
Author: عبدالكريم الامين احمد
Date: 03-08-2013, 09:30 PM
Parent: #24
هلا يا عمك
والصادق اسماعيل قبل شوية قنطر لي الخبر ده في حارة مجاورة وفجاة لقيت بوستك ده قدامي
فهاك النجيضة...
لووووووووووووووووول
مهندسي الحزب ديل نعلهم يا الصادق ما ياهم ناس خالد جردل ومن لف لفه الغرقو في شبر موية في نواحي ادارة مياه الخرطوم
و لابكونو ياااهم الملحقين الكباري في السودان غنم زهرة كما طل هنا
انعل ابو الفولنج داون زااااتو....!!!
المبني ده متهردم متهردم... ولو ما اتهردم بفعل هندستهم الراقدة رز حيتهردم بامر الشعب السوداني لمن يقول (اررررررررررح)
هذا جانب واما الجانب الاخر من الامر هو الحضور الصيني في مشهد عمالاتي استرزاقي حسب مصطلحاتهم الفالقنها بيها ولعلك ملاحظ معاي انو الصين شيوعية كافرة ماااارقة من الملة
فهل يجوز يا اخي الصادق ان تبني المقرات التي تاوي المتوضين الطاهرين بايادي كافرة نجسسسسسسسسسة لووووووووووووووووووووووووووووول
الامر الثالث هو العمالة الصينينة فهاهو الحزب الذي سمسر وتاجر كثيرا بشعارات علي شاكلة الاعتماد علي الذات وعلي نشيد ناكل ممن نزرع ونلبس مما نصنع يركل الايادي السودانية الغبشة كعادته دوما
ويستعين بالايادي الكااافرة عوضا عن الشعب الفضل.....
وهو بيني وبينك البلد فضل فيها طلببببب وبنايين الما مات بالملاريا بكون ماعندو حيل يطلع السقالة...
|
Post: #26
Title: Re: الحزب الشيوعي الصيني سيبني مقر حزب الحركة الاسلامية
Author: محمد حيدر المشرف
Date: 03-08-2013, 09:42 PM
Parent: #25
الزملا والزميلات بالصين الشقيقة ..
يا لبؤسكم !!
..
عموما هؤلاء لا يمثلون الحزب الشيوعى العظيم !!
|
Post: #27
Title: Re: الحزب الشيوعي الصيني سيبني مقر حزب الحركة الاسلامية
Author: الصادق اسماعيل
Date: 03-08-2013, 09:52 PM
Parent: #26
عموما هؤلاء لا يمثلون الحزب الشيوعى العظيم !!
خلاس نكرتوهم حطب
|
Post: #28
Title: Re: الحزب الشيوعي الصيني سيبني مقر حزب الحركة الاسلامية
Author: Abureesh
Date: 03-08-2013, 11:55 PM
Parent: #25
| Quote: الاقلية المسلمة في الصين تسام سوء العذاب على يد الحزب الشيوعي الحاكم |
هـذا ليس صحيحــاً
|
|