Post: #1
Title: السودان عام 2030 ... ههههههه
Author: Mohammed Haroun
Date: 03-04-2013, 06:52 PM
Parent: #0
يعني بعد 17 سنة من الآن ...
تحياتي
|
Post: #2
Title: Re: السودان عام 2030 ... ههههههه
Author: Mohammed Haroun
Date: 03-04-2013, 07:03 PM
Parent: #1
اي محلل سياسي في الدنيا حا يقول ليك (أمسكني مرخي) ... لكن لا بد أن تدلوا بآرائكم النيرة عسى ولعل ....
تحياتي
|
Post: #3
Title: Re: السودان عام 2030 ... ههههههه
Author: محمد المسلمي
Date: 03-04-2013, 08:18 PM
Parent: #2
ياود هارون سلام
علي الاقل and#1636; دول تسمي السودان ويجمع بينهم التاريخ الاليم
|
Post: #4
Title: Re: السودان عام 2030 ... ههههههه
Author: Mohammed Haroun
Date: 03-04-2013, 09:04 PM
Parent: #3
يا ود المسلمي حبابك عشرة من غير كشرة ...
شكلك راس السوط لحقك ... ههههههههههههههه
غايتو من المؤكد طلوع موديلات جديدة من السياسيين والسياسيات عام 2030م ... وإختفاء الموديلات (الأنتيكه) طبعاً ...
الخواجات بيقولوا THINK AHEAD ... PLAN AHEAD
تحياتي
|
Post: #6
Title: Re: السودان عام 2030 ... ههههههه
Author: Elawad Eltayeb
Date: 03-04-2013, 09:36 PM
Parent: #4
| Quote: السودان عام 2030 ... ههههههه |
كان هنا دولة إسمها السودان
|
Post: #5
Title: Re: السودان عام 2030 ... ههههههه
Author: درديري كباشي
Date: 03-04-2013, 09:21 PM
Parent: #3
يكون وزير الدفاع طور نظرية الدفاع بالنظر الى الدفاع بنظارة النظر لانه النظر يكونن ضعف لعامل السن وكدا
وفي عيد الانقاذ الخمسين يتم تدشين النظام الجديد ..
|
Post: #7
Title: Re: السودان عام 2030 ... ههههههه
Author: Salah Habib
Date: 03-04-2013, 09:50 PM
Parent: #5
اذا كان هناك سودان
وخاصة اذا تحققت نبوءة بله الغايب !!!
|
Post: #8
Title: Re: السودان عام 2030 ... ههههههه
Author: عماد البليك
Date: 03-05-2013, 04:53 AM
Parent: #7
شعب متماسك يعمل كالنمل
عبقرية وابداع
حياة مفعمة بالنشاط
اقتصاد رقم 5 في العالم
|
Post: #9
Title: Re: السودان عام 2030 ... ههههههه
Author: اسلام عبد الرحمن عمر
Date: 03-05-2013, 06:04 AM
Parent: #8
مشكور ياعماد البليك ياخ ماتتخيل شعرت بى سعاده قدر شنوا لى كلامك الفوق دا
محتاجن ليهو شديييييد .. الامل فى شعب هذى البلاد الجميله .. الامل فى اطفالنا جيل بكره الحيكونوا
احسن مننا
تسلم شدييييييييييييد ياخ
|
Post: #10
Title: Re: السودان عام 2030 ... ههههههه
Author: Abutalib Elgorashi
Date: 03-05-2013, 06:32 AM
Parent: #9
رئيس جمهورية دارفور يزور جمهورية الخرطوم في اول زيارة من نوعها بعد انفصال الدولة الوليدة
جمهورية النيل الازرق توقع اتفاق تعاون مع جمهورية الشرق
|
Post: #11
Title: Re: السودان عام 2030 ... ههههههه
Author: فايزودالقاضي
Date: 03-05-2013, 07:41 AM
Parent: #8
Quote: شعب متماسك يعمل كالنمل
عبقرية وابداع
حياة مفعمة بالنشاط
اقتصاد رقم 5 في العالم |
2030م تتم محاكمة عماد البليك من قبل دول السودان المتجاورة لانه خلى الناس يأملوا قبل 17 سنة ..
|
Post: #12
Title: Re: السودان عام 2030 ... ههههههه
Author: عصام دهب
Date: 03-05-2013, 08:07 AM
Parent: #11
سلام يا أخونا .. وينك ما ظاهر ؟؟
ـ
المؤتمر الوطني يعلن ترشيح البشير للإنتخابات القادمة ..
تأجيل إنعقاد المؤتمر العام للحزب الإتحادي الديمقراطي ..
الصادق المهدي يعلن عدم ممانعته على رئاسة حكومة قومية توافقية بعد إسقاط النظام ..
الشيوعي يوقع مذكرة تفاهم مع الشعبي ويدعو للثورة على النظام ..
الحركات المسلحة توقع وثيقة ( نجوم القايلة ) في كمبالا ..
الهلال يضرب بقوة و يسجل فيصل العجب ..
المريخ يعيد قيد سيدا و يفاوض الحضري ..
|
Post: #13
Title: Re: السودان عام 2030 ... ههههههه
Author: ناصر حسين محمد
Date: 03-05-2013, 09:00 AM
Parent: #12
كان أسمها السودان ،،،
غايتو سؤالك محنة
في وجود البشير وعصابته اعتقد اننا لن ننتظر للعام 2030 لمعرفة مصير حاجة كانت اسمها ( السودان )
|
Post: #14
Title: Re: السودان عام 2030 ... ههههههه
Author: وضاح عبدالرحمن جابر
Date: 03-05-2013, 09:26 AM
Parent: #13
1/ انعقاد الجلسه رقم 20 التفاوضية بين ممثل دولة السودان ودولة دارفور فى عاصمة تشاد لحل النزاعات الحدودية بينهما
2/ تبادل جديد لاطلاق النار حول المنطقة الحدودية منزوعة السلاح بين السودان وجنوب السودان وهو الخرق العاشر خلال الشهرين الاخرين
3/ رئيس الجمهورية يرفض التفاوض مع المتمردين فى شرق السودان المطالبين بالانفصال
4/ نقص حاد فى اساتذة الجامعات بسبب الهجرة المكثفة
5/ تراجع كبير فى الخدمات الصحية وطبيب لكل نصف مليون سوداني
6/ قرب موعد الانتخابات الرئاسية وسط مقاطة من الاحزاب المعارضة بعد اتهامها الجنرالات بتزوير القوائم الانتخابية
7/ توتر على الحود بين مصر والسودان بعد ازمة اطلاق النار فى منطقة حلايب وشلاتين
8/ السودان من افقر خمسة دول فى العالم حسب اخر احصائيات دولية
9/ تخوف دولى من حدوث مجاعة فى السودان والحكومه تنفي
10/ فشل المشاريع الزراعية بسبب نقص التمويل
|
Post: #15
Title: Re: السودان عام 2030 ... ههههههه
Author: فايزودالقاضي
Date: 03-05-2013, 09:31 AM
| Quote: 3/ رئيس الجمهورية يرفض التفاوض مع المتمردين فى شرق السودان المطالبين بالانفصال |
هو نحن لغاية الوقت داك بنتفاوض ؟!!!
احييييي انا
يانوريت اديني السلاح !!
بلشونا السودانة
|
Post: #16
Title: Re: السودان عام 2030 ... ههههههه
Author: حسن ابراهيم فضل
Date: 03-05-2013, 09:33 AM
Parent: #1
2030 ؟ محكمة الجنايات الدولية تنظر في امكانية اطلاق الراقص لاسباب ..... بعد قضاء عشر سنوات بزنانته بلاهاي .
هذا وقد حكم على الراقص نتيجة لقتل شعبه والرقص على اشلائهم.
|
Post: #17
Title: Re: السودان عام 2030 ... ههههههه
Author: Mohammed Haroun
Date: 03-05-2013, 11:42 AM
Parent: #16
| Quote: كان هنا دولة إسمها السودان |
أخونا العوض الطيب سلام ... معقول للدرجة دي!! كنت فاكر إنه عام 2030 السودان يصنع ثلاثة أقمار صناعية ... واحد منها يكون للإنذار المبكر .. ايه رايك في الأحلام دي بالله؟
يا اخي خلينا نحلم بس ...
تحياتي
|
Post: #18
Title: Re: السودان عام 2030 ... ههههههه
Author: Elawad Eltayeb
Date: 03-05-2013, 12:44 PM
Parent: #17
Quote: أخونا العوض الطيب سلام ... معقول للدرجة دي!! كنت فاكر إنه عام 2030 السودان يصنع ثلاثة أقمار صناعية ... واحد منها يكون للإنذار المبكر .. ايه رايك في الأحلام دي بالله؟
يا اخي خلينا نحلم بس ...
تحياتي |
أخي محمد هارون، والله أنا بطبعي زول متفائل جداً عملاً ب "تفاءلوا بالخير تجدوه"، ولو تعلق قلب أحدكم بالثريا لنالها، هذا على المستوى الشخصي، واسعى جاهدا لتطبيق ذلك على المستوى العام، لكن الواقع بقول أنو الكيزان لن يتنازلوا عن السلطة إلاّ بالحرب. والشعب السوداني في جملته شعب مسالم، أقصى ما يطمح إليه هو جمع صف المعارضة في مقاومة مدنية، حتى لو نجحت لأقصى حدودها ستواجه بالعنف من قبل الكيزان لأن تغيير النظام يعني محاكمة الكيزان حتى يقفل الطريق أمام الإنقلابات العسكرية. وأمام هاذين السيناريوهين المستبعدين، ستذوى البلد أكثر وأكثر في كل صباح جديد (ضمن السيناريو الثالث الواقعي الفارض نفسو كخيار وحيد Status quo - wait and see) ... حتى نصحوا ذات صباح ونجد ما قلته لك: كان هنا دولة إسمها السودان، وهذا عندي قمة التفاؤل في هذه اللحظة.
|
Post: #19
Title: Re: السودان عام 2030 ... ههههههه
Author: Nazik Eltayeb
Date: 03-05-2013, 03:13 PM
Parent: #18
شكرا على البوست الجميل
انا غايتو قسمت المدة في بوست مشابه من عام 2009
اسمو (نشرة اخبار .....خطرفات....ربما)
تشرة اخبار .......خضرفات ......ربما
بعدين متحكوها شديد في حكاية خطرفات التي كتبت خضرفات
|
Post: #20
Title: Re: السودان عام 2030 ... ههههههه
Author: Mohammed Haroun
Date: 03-05-2013, 06:46 PM
Parent: #19
| Quote: يكون وزير الدفاع طور نظرية الدفاع بالنظر الى الدفاع بنظارة النظر لانه النظر يكونن ضعف لعامل السن وكدا |
أخونا الدرديري الكباشي سلام ... يعني معقول يا درديري عاوز وزير الدفاع يتذكر (نظارته) أقصد وزارته بعد 17 سنة من الآن!!
خليك معقول معانا شوية ... يعني دي ولا في الأحلام زاطوو يا أخي ...
تحياتي
|
Post: #21
Title: Re: السودان عام 2030 ... ههههههه
Author: Mohammed Haroun
Date: 03-05-2013, 07:37 PM
Parent: #20
Quote: اذا كان هناك سودان
وخاصة اذا تحققت نبوءة بله الغايب !!! |
أخونا صلاح حبيب سلام ... يعني السودان حا ينضم لي ياتو دولة؟ أنا أفضل أن ننضم إلى إثيوبيا ... ايه رايك في الأمنية الحلوة دي؟
بله الغايب دا شايت وين؟؟
تحياتي
|
Post: #22
Title: Re: السودان عام 2030 ... ههههههه
Author: Mohammed Haroun
Date: 03-05-2013, 07:45 PM
Parent: #21
Quote: رئيس جمهورية دارفور يزور جمهورية الخرطوم في اول زيارة من نوعها بعد انفصال الدولة الوليدة
جمهورية النيل الازرق توقع اتفاق تعاون مع جمهورية الشرق |
أخونا الطالب القرشي سلام ... يا أخي أنا أتوقع غير كدا تماماً .... لو تمت فكرة تأسيس إتحاد أفريقي على نمط الإتحاد الأوروبي بعد عشرة سنوات من الآن وما يتبع ذلك من توحيد العملة ... يا سلام على الفكرة ... يعني إنت ممكن تسافر لأي دولة أفريقية وتعيش بدون قيود ... بما في ذلك جمهورياتك أعلاه ...
يا سلام ايه أحلام زلوط دي يا أخي!!!
تحيات أخوك ودهارون
|
Post: #23
Title: Re: السودان عام 2030 ... ههههههه
Author: Mohammed Haroun
Date: 03-06-2013, 01:59 PM
Parent: #22
Quote: شعب متماسك يعمل كالنمل
عبقرية وابداع
حياة مفعمة بالنشاط
اقتصاد رقم 5 في العالم |
يا ريت يا أخونا عماد البليك ... بس اقتصاد رقم 5 دي كتيرة أوووووووي ...
تحياتي
|
Post: #24
Title: Re: السودان عام 2030 ... ههههههه
Author: Mohammed Haroun
Date: 03-06-2013, 05:01 PM
Parent: #23
| Quote: محتاجن ليهو شديييييد .. الامل فى شعب هذى البلاد الجميله .. الامل فى اطفالنا جيل بكره الحيكونوا احسن مننا |
الأخ إسلام عبد الرحمن سلام ... نفهم من كده إنه العيب الرئيسي في الأجيال الغابرة والحاضرة؟؟ أكيد أملنا كبير في فلذات أكبادنا ... بس أنا خايف أوي أوي من إرتفاح درجة الحرارة ... يعني لو درجة الحرارة في الخرطوم إرتفعت لـ 60 درجة في صيف 2030 .. فما العمل؟؟ مكيفات في الشوارع ما أظن تحل المشكلة ...
تحياتي
|
Post: #25
Title: Re: السودان عام 2030 ... ههههههه
Author: Mohammed Haroun
Date: 03-06-2013, 06:25 PM
Parent: #24
| Quote: 2030م تتم محاكمة عماد البليك من قبل دول السودان المتجاورة لانه خلى الناس يأملوا قبل 17 سنة .. |
أخونا فايز ود القاضي سلام ... غايتو أنا جاهز لأي شهادة ضد الأخ عماد البليك ... بس لأنه قال الإقتصاد حا يكون رقم 5 .. فإنني أجد تلك الأمنية مضللة للمستثمرين ...
تحياتي
|
Post: #26
Title: Re: السودان عام 2030 ... ههههههه
Author: Mohammed Haroun
Date: 03-06-2013, 07:04 PM
Parent: #25
Quote: سلام يا أخونا .. وينك ما ظاهر ؟؟
المؤتمر الوطني يعلن ترشيح البشير للإنتخابات القادمة .. |
سعادة المستشار عصام دهب سلام وشوق كتير ....
يا أخي بالأمس ركبت قطار الأنفاق في مشوار عمل ... لم أجد مقعداً شاغراً لأجلس عليه فوقفت (مشمع) .. وبعد محطتين نزلت فتاة صينية كانت تجلس قبالتي وحينما هممت بالجلوس على مقعدها ألقى أحد البريطانيين بهذه الصورة في ذات المقعد الذي قامت منه الفتاة الصينية ... أخوك ودهارون جلس على المقعد وعلى الصورة ... بعد شوية فكر أخوك ودهارون في تصرف هذا الخواجة غير العادي ... عادة لا يلقي أحد بجريدة أو ورقة على مقعد إذا أحس أن هنالك شخص يتهيأ للجلوس عليه ... فخطر على بالي أن القي نظرة على الصورة التي جلست عليها ... فإذا بي أجد الصورة أعلاه ... تحيرت كثيراً ... هل حقاً قصد ذلك الخواجة توصيل المعلومة المكتوبة في الورقة لشخصي الغلبان أم أنها الصدفة؟؟
المنظمة التي كتبت هذا الكلام إسمها (براكتيكال آكشن) وتعمل في السودان لعشرين عام ... ترجمة الكلام المكتوب هو (في السودان فرص الناس في البقاء على قيد الحياة تتلاشى متعفنة مثل الطماطماية الفي الصورة) ...
يعني سنة 2030 زاتا ما حا نلحقا ... يا حسرة ..
تحياتي
|
Post: #27
Title: Re: السودان عام 2030 ... ههههههه
Author: Mohammed Haroun
Date: 03-07-2013, 01:07 PM
Parent: #26
منظمة (براكتيكال آكشن) تقول إنه الزير الفي الصورة دا سيحل المشكلة بالنسبة للأسر الفقيرة المهددة بالفناء ... يعني الزير دا حا يساعد الأسرة الفقيرة في القدرة على حفظ المواد الغذائية القليلة التي يتحصلون عليها لمدة أطول ... يعني بدون الزير دا الطماطم حا تخرب في يومين ... ولكن إذا تم حفظها في هذا الزير يمكن أن تبقى طازجة لمدة 20 يوم ... والبامية بدون الزير دا حا تخرب في 4 أيام ... وإذا ما حفظت في ذلك الزير يمكن أن تبقى لمدة 17 يوم .... يا أخي إنتو قايلين كل الناس عندهم ثلاجات ... ناس حق الزير دا ما لا قينه ... معقول!! الزولة الشايلة البنية دي تقول بهذا الزير يمكنني ألآن إطعام أسرتي على مدار السنة ... إيه رأيك يا سعادة المستشار؟؟
وفي هذه الصورة مكتوب : إذا لم تتمكن من حفظ الطعام القليل الذي تملكه فإن الأسر الفقيرة ستواجه (مصيرها المحتوم) وهو الموت جوعاً .... لا حول ولا قوة إلا بالله ....
ولذلك تقول المنظمة للعالم إن التبرع بمبلغ 25 جنيه استرليني سيساعد في عمل أزيار لأسرتين
والتبرع بـ 43 جنيه استرليني سيساعد في شراء 3 أطقم من الأدوات الزراعية اليدوية
والتبرع بـ 149 جنيه استرليني سيساعد في سداد قيمة 68 كيلوغرام من بذور الخضروات التي يحتاجها الناس بصورة ماسة ...
يا جماعة مشكلتنا كبيرة والله .... يلا دخلوا يدينكم في جيوبكم يا محسنين ...
تحياتي
|
Post: #29
Title: Re: السودان عام 2030 ... ههههههه
Author: Elmahboub Ahmed Al Amin
Date: 03-07-2013, 01:43 PM
Parent: #28
ملحمة "تنبحون"
سعر كيلو اللحم جرقاس 100 ألف جنيه
سعر كيلو اللحم جرقاس "فخدة" 120 ألف جنيه
سعر كيلو اللحم "بوبي" 250 ألف جنيه "فرِم وأكل"
|
Post: #30
Title: Re: السودان عام 2030 ... ههههههه
Author: Mohammed Haroun
Date: 03-07-2013, 04:24 PM
Parent: #29
Quote: غايتو سؤالك محنة
في وجود البشير وعصابته اعتقد اننا لن ننتظر للعام 2030 لمعرفة مصير حاجة كانت اسمها ( السودان ) |
أخونا ناصر حسين سلامات ... الحسابات الرقمية (ديجيتال) تقول إن البشير لن يترشح مرة أخرى ... المشكلة في من سيخلفه؟؟ عسكري أم مدني؟
الصراع بين العسكريين والمدنيين على أشده ... طبعاً بعد 17 سنة من الآن سيتغير كل شيء ... صدقني ... بس مش عارف للأحسن أم للأسوأ ...
تحياتي
|
Post: #31
Title: Re: السودان عام 2030 ... ههههههه
Author: Mohammed Haroun
Date: 03-12-2013, 07:50 PM
Parent: #30
| Quote: هذا وقد حكم على الراقص نتيجة لقتل شعبه والرقص على اشلائهم. |
الأخ حسن ابراهيم فضل سلام ... آسف إن تأخرت في الرد عليك وعلى بعض المتداخلين الكرام ..
يا أخي خليك متفائل شوية ... سنة 2030م سيصل إنتاج البترول في السودان إلى 5 ملايين برميل يومياً ... لكن طبعاً ما حا يكون عليه طلب كتير ... الطاقة الصديقة للبيئة ستحل محله ... والعربات حا تكون شغالة بالكهرباء ...
يعني إلا كان نتمسح بالجرسلين بتاعه ...
تحياتي
|
|