Post: #1
Title: جميع البرالمة أجمعو هنا
Author: الصادق سيكا
Date: 03-04-2013, 06:45 PM
Parent: #0
اولا حاجة أزيكم .. ومبروك العضوية .. الواحد سعيد يشوفكم بى جاى ..
اما لاكين حركاتكم دى ما كويسة وجبتوا لينا اللوم ..
اى بوست نخش فيهو يحصل فيهو انحراف يقولوا ليك ديل البرالمة ..
مكان ما امشى الناس بتشتكى منكم ... عرس بت جيرانا لقيت الناس
بتشتكى منكم .. ليه .. ؟؟ يعنى فى الدنيا دى مافى برالمة غيركم ..؟
ياخى هنا فى المنبر ده أرهقتو الاسمها شنو ديك يا جمال ود القوز ..؟؟
ياخى البتاعة اللت بكرى ديك .. ايوا الباندونق .. الباندونق ده طلعتوا زيتو ..
بى طريقتكم دى بكرى لازم يشحمو ويغير ليهو الزيت كلو يوم .. انتوا مابتنوموا ..
طول الليل ده كجك كجك فى الكيبورد ما قادرين ننوم بيكم ..!! ثم تانية
يعنى البرلوم ده كان ضكر وله نتاية المفروض تدخلوا بوستات العزاء و الاعراس
بس .. مش الواحد داخل مع السناير ويتلادح وعامل فيها خبير بتاع بيض زى
محمدحامد ده ... تانى من يوم الله انا ما داير زول يجى يشتكى من البرالمة ..
نهائيا وبتاتاً واطلاقاً .. حيثو انو كونو مثلا نحنا لازم نكون ناس محترمين
وعندنا كلمة فى المنبر ده ولازم كل الناس تعمل حسابنا بما فيهم بكرى صاحبى
بعدين بالمناسبة لى قدام نحنا لازم نعمل نقابة عشان تمثلنا .. يعنى لو فى بوست
بتاع عزاء لازم يمشى رئيس النقابة او نايبو عشان الباندونق وكده .. مافى داعى
كلنا نمشى .. والنقابة دى زاتا بتنفعنا عشان تجيب لينا حقوقنا من السناير وكده ..
نعم انو السناير ديل حقارين خسوسا ناس طلحة وجماعتو بس بعد كده نحنا ما حنسكت
وخسوسا لو عندنا نقابة ..
الكلام ده واضح ...؟؟
اى سؤال ........؟؟؟
اى استفسار ...؟؟
اى اقتراح .....؟؟
|
Post: #2
Title: Re: جميع البرالمة أجمعو هنا
Author: أشرف الرحال
Date: 03-04-2013, 07:14 PM
Parent: #1
البرليم سيكا ،، تحياتي
اولا نحن في السعودية ممنوع تكوين اي حاجة جماعية ..جالية .. رباطة .. نقابة .. جمعية ممنوع بأمر الحكومة هسي ما شايف جاليتنا مجهجهة كيف 
بعدين اخوك الرحال ده سنير إلا يوم يعني الفرق شنو من ناس 2012م 24 ساعة بس ممكن بكري يطلع لي فيها تسنين انتا مفتكر انو صحبك براك
الدفعة دي الرجة العملتها في السناير حتى هذه اللحظة لم يستبينوا التوازن بعد ليه يا برلوم ؟؟ يكونوا ما سلاقين بيض
سجل عندك واحد جمع
مودتي
الرحـــال
|
Post: #3
Title: Re: جميع البرالمة أجمعو هنا
Author: جمال ود القوز
Date: 03-04-2013, 07:23 PM
Parent: #2
ياسيكا ..
قول اتنين ..
ومعاكم ..
في اي اتحاد أو طرح وحدوي للحفاظ ..
على حقوق حبايبنا البرالمة ..
من الاستبياض الماشي في المنبر ده ..
ـــــــــــــــــــــــــــــــــــــــــ
هو جس نبض منبري ياسيكا ..
وبعد شويه كل زول حيعرف ..
يستبيض منو ؟ ...
ويخلي منو ؟ .....
لكن معاكم قلباً وقالباً ....
رأفة بالبتاع القلتو ده .... ....
|
Post: #9
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:04 PM
Parent: #3
| Quote: رأفة بالبتاع القلتو ده |
\
اسمو الباندوووووووونق ما تفضحونا ..
بعدين يا جمال انا بحتاج ليك فى الايام الجاية دى
ودايرك تعمل لى احصائية بالاستبياض المنبرى دى
والتقرير لازم يكون شامل وكلمل مثلا
الاستبياض واثره على السينير امين وتداعياتو على ناس طلحة وود البشرى
وهلم جرا بتاعت الصادق المهدى ..
اثر الاستبياض على الفرد والجماعة ومدى ارتباطه بالناتج القومى للبلاد..
عدد المستبضين وعدد ساعات الاستبياض فى اليوم الواحد وهكذا ..
|
Post: #4
Title: Re: جميع البرالمة أجمعو هنا
Author: الصادق سيكا
Date: 03-04-2013, 07:49 PM
Parent: #2
| Quote: ممكن بكري يطلع لي فيها تسنين |
حبيب ألبى الرحال .. انت اول شئ احتراما لاى صحوبيتى وصداقتى الشديدة لى بكرى
المفروض تنزل من حمارك ده وبعدين تتكلم معاى .. لو ما عشانى على الاقل
عشان بكرى ..
قال تسنين قال ..
هو انا دا الحيعمل لى الاسبوع الجاى مكتبة ما عمل لى تسنين .يعملا ليك انت
الما صاحبنا ..؟!! مخير الله
|
Post: #5
Title: Re: جميع البرالمة أجمعو هنا
Author: طلحة عبدالله
Date: 03-04-2013, 07:57 PM
Parent: #4
يا سيكا اتا طلعت مجرم
أنا عارفك من زمن البتاعة بتاعت البت التونسية .
|
Post: #6
Title: Re: جميع البرالمة أجمعو هنا
Author: حسين ديقول
Date: 03-04-2013, 08:01 PM
Parent: #5
حضور يا سيكا
برالمة الرياض راقدين ليهم فوق رأي
|
Post: #7
Title: Re: جميع البرالمة أجمعو هنا
Author: حسين ديقول
Date: 03-04-2013, 08:01 PM
Parent: #5
حضور يا سيكا
برالمة الرياض راقدين ليهم فوق رأي
|
Post: #11
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:16 PM
Parent: #7
| Quote: برالمة الرياض راقدين ليهم فوق رأي |
ليه يا ابو الحسن ما عندكم مراتب ..؟
كويس انك جيت بدرى يا ابو الحسن داير تسجل ناس الخليج ديل وتشوف
مشاكلهم الاجتماعية شنو ..؟؟ وليه ما عرسوا ..؟ مافى عروسات وله مافى عرسان ..؟؟
|
Post: #8
Title: Re: جميع البرالمة أجمعو هنا
Author: Artiga Gilani
Date: 03-04-2013, 08:01 PM
Parent: #4
بسم الله الرحمن الرحيم
الصادق سيكا البرلوم
قول تلاتة
انا غايتو بدافر ليكم الفطاحلة
هنا .. اصلى مركب مكنة سنير
يا انسترت معاى .. يا بوشت
ودخاخينا عججت المكان وشمتت
خلق الله فينى ..
وبعدين الشئ القلتو بتاع ابوبكر دا
بقى علينا نحنا .. والجماعة ما شغالين
قرش ونص يعنى نحنا الحا نغرق المركب
غايتو انا معاك فى اى نقابة ولا تجمع بس
على دين سياسيينا لازم تشوف لى منصب
كارب اتحكر فيهو ..
دمت بود
|
Post: #10
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:09 PM
Parent: #8
يا طلحة بما انك سينير وكده فلازم تحدد موقفك ..
انت مستبيض ولا ما مستبيض ؟؟ وماهى الاسباب والدوافع ؟؟
|
Post: #12
Title: Re: جميع البرالمة أجمعو هنا
Author: علي دفع الله
Date: 03-04-2013, 08:20 PM
Parent: #10
عندك واحد طبق بيض وصلحووووووووووووو
-----------
شكلك يا سيكا داير تلم البيض كلو وتقوم تستبيض ،،
| Quote: جميع البرالمة أجمعو هنا |
حاضر يا فندممممممممممممممممممممممم
|
Post: #14
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:31 PM
Parent: #12
| Quote: حاضر يا فندممممممممممممممممممممممم |
ياخى نحنا قلنا اولاد سنة اولى ما قلنا ناس تامنه .. خلغتنا بى صوتك التخين ده ياخ
رايك شنو يا ابو علوه تبقى الالفة ؟
|
Post: #17
Title: Re: جميع البرالمة أجمعو هنا
Author: أشرف الرحال
Date: 03-04-2013, 08:48 PM
Parent: #12
| Quote: عندك واحد طبق بيض وصلحووووووووووووو |
السنير LKG على دفع الله ،،، تحياتي
تعرف البوست ده جا في وقتو ونشكر الريس سيكا رئيس النقابة على افتراعه وسوف نجعل منه مطبخ متخصص في انتاج اطباق البيض المتنوعة والمتعددة من حيث الطعم والمذاق .. يستبيضون ونحن نطبخ بس
مودتي
الرحـــال
|
Post: #13
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:26 PM
Parent: #8
Quote: يا انسترت معاى .. يا بوشت
ودخاخينا عججت المكان وشمتت
خلق الله فينى |
لا سمح الله انت ناوى تظرط ولّه حاجة ..؟؟
بعدين يا Artiga يعنى هو انا كنت فاهم اسمك ده بالعربى
لامن تكتبو لى بالفرنسى .. يعنى لو عايز اناديك ..
اقعد اكورك قدام الناس يا برلوم ..؟ عيب
...
عليك الله البيبى الشايلو ده اديهو بوسه واحده باليمن والتانية بالشمال
قول ليهو ديل من عمك سيكا .. ربنا يحفظو ليك يارب
|
Post: #15
Title: Re: جميع البرالمة أجمعو هنا
Author: أشرف الرحال
Date: 03-04-2013, 08:40 PM
Parent: #13
| Quote: لا سمح الله انت ناوى تظرط ولّه حاجة ..؟؟ |
الله يجازي محنك ده حالتك برلوم يعني لو كنت زي جيلاني ارتيقا ده المركب مكنة برلوم وهو في الحقيقة سنير قديم ولو كنت متابع البورد ده كان عرفت سر الدخاخين والعجاجة والتبويشة دي تجي تقول ظريط على قول حبيبنا دينق اقول ليك شنو يا دفعة اختشي يا برلوم
مودتي
الرحـــال
|
Post: #18
Title: Re: جميع البرالمة أجمعو هنا
Author: Artiga Gilani
Date: 03-04-2013, 08:50 PM
Parent: #15
بسم الله الرحمن الرحيم
سيكا
| Quote: لا سمح الله انت ناوى تظرط ولّه حاجة ..؟؟ |
شابكنا برلوم وبرالمة وخاشى لى خشة زى ناس ديلاك المن زمن حفرو
البحر .. باقى لى انت عايز تخش معانا فى الاستبياض الزى حقنا البى
هناك داك ..
غايتو لو خشيت الدقداق دا على قول زولنا داك الاستعرت منو الا تربط
دبل جنط ولا حقك راح ..
اها الاسم كتبو ليك الرحال بالعربى .. يعنى حا تفهمو بكده ما تخليهو فى
فرنسيهو دا وتلعب بيهو زى ما عايز .. لانو اصلاً هو اسم اعجمى ..
بوساتك وصلت يا عمو
|
Post: #19
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:52 PM
Parent: #15
Quote: دفعة اختشي يا برلوم
|
الجنوبيين ديا انفصلوا منكم ولسه بتسرقوا فى حاجاتم ...؟؟
الله يجيبك يا جاز هنا
|
Post: #20
Title: Re: جميع البرالمة أجمعو هنا
Author: Artiga Gilani
Date: 03-04-2013, 08:57 PM
Parent: #15
بسم الله الرحمن الرحيم
اشرف
عليك الله كلمو بالله
ان شاء الله ىنشبك
ليك فيهو دينق بعد
التعدى على ملكيته
الفكرية دى ويوريهو
العجاجة والدخاخين
كيف ..
خالص الود
|
Post: #16
Title: Re: جميع البرالمة أجمعو هنا
Author: محمد حامد
Date: 03-04-2013, 08:43 PM
Parent: #13
| Quote: ايوا الباندونق .. الباندونق ده طلعتوا زيتو .. |
غيتو طالما طلحة ما قال حاجة ود البشرى أكيييييد حيجي يعلق في الكلمة دي
محمد حامد
يجمع هنا وكان الظروف جبرتنا بنجمع (بيض)
|
Post: #21
Title: Re: جميع البرالمة أجمعو هنا
Author: الصادق سيكا
Date: 03-04-2013, 08:58 PM
Parent: #16
Quote: محمد حامد
يجمع هنا وكان الظروف جبرتنا بنجمع (بيض) |
اى يا دفعة انت كاكى هنا وامش بيض لى فى بوست
امين محمد سليمان داك .. الفيك اتعرفت
|
Post: #23
Title: Re: جميع البرالمة أجمعو هنا
Author: على عبدالله بشير
Date: 03-04-2013, 09:10 PM
Parent: #21
Quote: هو انا دا الحيعمل لى الاسبوع الجاى مكتبة ما عمل لى تسنين .يعملا ليك انت
الما صاحبنا ..؟!! مخير الله |
عمك سيكا سلام يغشاك قبلنا تكون ريسنا و جمعنا ....
غايتو الزول سيد الباندونق ولا أسمه شنو داك شكله ح يديك
سيك يا سيكا و كان ما عجبك فى قبولك كمان .
|
Post: #22
Title: Re: جميع البرالمة أجمعو هنا
Author: محمد حامد
Date: 03-04-2013, 09:00 PM
Parent: #16
| Quote: لا سمح الله انت ناوى تظرط ولّه حاجة ..؟؟ |
أها دي من عيوب إننا دفعة (الإسلامية)
بتين بكري تش بيهم عين الشمس
ومن ديك وعييك
عموما هو أكل البيض دا بي فوق بي تحت الناتج واحد يا عمك
|
Post: #24
Title: Re: جميع البرالمة أجمعو هنا
Author: عبد العزيز محمد عمر
Date: 03-04-2013, 09:21 PM
Parent: #22
مساءاتكم ورد سيكا والضيوف
أها يا زول .. أنحنا جمعنا ... والخطبة سمحة بالحيل... لكن سنايرنا ديل صلاة النبي فوقهم
أدونا المساحة والزمن ...
وكوووولو في .. المافي شنو
حبابكم وسط اهلكم
عبد العزيز
|
Post: #25
Title: Re: جميع البرالمة أجمعو هنا
Author: محمد التاج
Date: 03-04-2013, 09:24 PM
Parent: #24
يا سيكا سلامات. وكل المستبيضين :)
بدل نقابة نختصر الشغلانه ونعملو حزب الصفار, علي وزن حزب .................
|
Post: #26
Title: Re: جميع البرالمة أجمعو هنا
Author: الصادق سيكا
Date: 03-04-2013, 09:31 PM
Parent: #24
| Quote: اطباق البيض المتنوعة والمتعددة من حيث الطعم والمذاق |
اشرف الرحال شكلك كده انت استغليت طيبتنا واننا دفعا عايز تفتح مطعم هنا ..
انا صاح دفعتك ...اما لاكين انا بكرى صاحبى الشخسى
|
Post: #27
Title: Re: جميع البرالمة أجمعو هنا
Author: الصادق سيكا
Date: 03-04-2013, 09:42 PM
Parent: #26
يا جيلانى ماتشوف الفصاحة دى تغشك العربى ده اتعلمناهو قريب ..
لحدى قبل يوم من الطهورة اللسان كان اغلف .. اول كلمة قلتها بالعربى
كانت يوم الطهورة قلت واااااااااااى .. اما لاكين اللسان دلوقت بنتكلم زى التلقه
|
Post: #28
Title: Re: جميع البرالمة أجمعو هنا
Author: درديري كباشي
Date: 03-04-2013, 10:11 PM
Parent: #27
قبال ميعادنا بساعتين ابيتو انا واباني ( البيض)
اغالط نفسي باصرار اقولل يمكن انا الما ( بيض)
مع الاعتذار لتاج السر عباس في تبييض اعنيته اللذيذة..
تعرفوا والله بقيت اكره البيض .. هو في ايييه ياخ ..
المنتدى بقى زي محطة هيا للسكة حديد ..
تصحى من النوم على صوت الباعة ( بيض بيض بيض بيض )
واحدين يقولوا بيض وسمك بيض وسمك ..
هو الناس دي ما تغير شوية تقول طعمية مثلا ..
يمين محطة شندي فيهاا طعمعية .. اكان ما اخاف الكذب اقول في ناس بيسافروا مخصوص بالقطر عشان ياكلو طعمية شندي ..
رأيكم شنو نحن نخلي ليهم البيض ونرفع شعار الطعمية ..
يعني تقول للواحد شنو موضوعك الطعمية دأ..
والطعمية عندها ميزة عجيبة يستحيل محلين ينتجوا طعمية بنفس الطعم مع انه نفس المكونات ...
|
Post: #29
Title: Re: جميع البرالمة أجمعو هنا
Author: جميلة ابراهيم السيد
Date: 03-05-2013, 00:30 AM
Parent: #28
شدة السناير ما استبيضوكم رسلوني انا - تسجيل اول امس- اقول ليكم بلاش ازعاج
سلام يا برالمة
|
Post: #30
Title: Re: جميع البرالمة أجمعو هنا
Author: محمد عبد الله الامين
Date: 03-05-2013, 08:52 AM
Parent: #29
سلام ياسكا وباقي الدفعه
حضور ومتابعه واستبياض .......
|
Post: #31
Title: Re: جميع البرالمة أجمعو هنا
Author: فايزودالقاضي
Date: 03-05-2013, 09:12 AM
Parent: #30
طبق بيض
|
Post: #32
Title: Re: جميع البرالمة أجمعو هنا
Author: أشرف الرحال
Date: 03-05-2013, 09:20 AM
Parent: #31
| Quote: انا صاح دفعتك ...اما لاكين انا بكرى صاحبى الشخسى |
هههههههههه صحبك بس والله انتا ماسك في قشة طيب اقول ليك حاجة هندسة ده قريبي عديييل كده ومن حلة واحدة كمان حلفاية الملوك محطة 9
اهه بعد ده تقوم تتنازل من الرئاسة بتاعت النقابة دي وللا اكلم قريبي
مودتي
الرحـــال
|
Post: #33
Title: Re: جميع البرالمة أجمعو هنا
Author: النعمان خوجلى
Date: 03-05-2013, 01:35 PM
Parent: #32
سيكا تحياتى والتحية لكل البرالمة والمتضامنين مع البرالمة
والله انت طلعت كارثة اكتر من السناير بس مطبخ الرحال بتاع البيض انا بنصحه قبل ما يشترى منك بيض تمشى تعمل تحليل بعد العلاج بتارع ( اماااااك لقد وقع راجل ) .
| Quote: : اسكت اسكت يا طلحة انا مش قبلى كده جاتنى افرازات مهبلية فى الكلاكلة ..!! |
والله لما شفت مداخلتك من امس وانا بضحك
Quote: تعرف البوست ده جا في وقتو ونشكر الريس سيكا رئيس النقابة على افتراعه وسوف نجعل منه مطبخ متخصص في انتاج اطباق البيض المتنوعة والمتعددة من حيث الطعم والمذاق .. يستبيضون ونحن نطبخ بس
|
بعدين يا اشرف لو انعدم البيض عنكم سوف نصدر لك بيض بدرة
بودرة البيض !!!!!!
ولحفظ البيض لفترة طويلة بدون تلف ، يتم تحويل البيض الى بودرة حيث يتم رشه كرذاذ يدور في مجففات تحوله الى بودرة بنفس طريقة صناعة اللبن المجفف .ويكون الناتج النهائي في صورة مسحوق يمكن اعادته الى صورة شبيهة بالبيض المخفوق الطازج ، وهو نافع لعديد من الاستعمالات، فيمكن اضافته لمكونات الطبخ أو الخبز مثل البيض الطازج تماما ، ويدخل في صناعة المايونيز والبودنج وأية حلويات أو وجبات أخرى . ويقول المتحمسون لبودرة البيض أنها أفضل من البيض الطازج في كونها لا تتلف بسهولة عندما يتم حفظها في عبوات محكمة ضد الهواء ، وفي هذه الحالة فانها يمكن أن تخزن في الثلاجات لمدة قد تصل الى عشر سنوات .
|
Post: #34
Title: Re: جميع البرالمة أجمعو هنا
Author: الصادق سيكا
Date: 03-05-2013, 02:47 PM
Parent: #33
الحبيب(د) محمد حامد
| Quote: ود البشرى أكيييييد حيجي يعلق |
هو عشان كده نحنا لغينا الشماعات
| Quote: عموما هو أكل البيض دا بي فوق بي تحت الناتج واحد يا عمك |
الناتج هو كثير فساء او استظراط .. ما تتوقع حاجة من اكل البيض غير ديل
الحبيب (د)عبدالعزيز محمد عمر
| Quote: والخطبة سمحة بالحيل |
ذكرتنى ح نعمل زواج جماعى قريب
الحبيب(د) محمد التاج
لا النقابة ح تلبس جلاليب وعبايات
الحبيب (د)درديرى
| Quote: المنتدى بقى زي محطة هيا للسكة حديد |
صدقت .. قلتى لى انت راكب من وين ؟؟
الأسم: جميلة بوحيرد
رقم الزنزانة:تسعونا
في السجن الحربي بو هران
العمر اثنا وعشرونا
عينان كقندلي معبد
والشعر العربي العربي الاسود
كالصيف
كشلال الأحزان
إبريق للماء........وسجان
ويد تنضم على القرآن
وامراءة في ضوء الصبح
تسترجع في مثل البوح
آيات محزنة الأرنان
من سورة(مريم)و(الفتح)
صدق المثل البقول ( وراء كل سينير امرأةً برلومة)
الحبيب (د) محمد عبدالله الامين
دى ما صرفتها قبيل ياخ انت نسيت ..؟
الحبيب . ود القاضى
استبياض سينيرى على اصوله
|
Post: #35
Title: Re: جميع البرالمة أجمعو هنا
Author: الصادق سيكا
Date: 03-05-2013, 03:02 PM
Parent: #34
الحبيب (د) الرحال
امشى يا بتاع محطة 9
الحبيب دفعة النعمان
| Quote: انا بنصحه قبل ما يشترى منك بيض تمشى تعمل تحليل |
فى بيض عندو ايدز... غريبة ..؟؟
| Quote: ولحفظ البيض لفترة طويلة بدون تلف ، يتم تحويل البيض الى بودرة حيث يتم رشه كرذاذ يدور في مجففات تحوله الى بودرة بنفس طريقة صناعة اللبن المجفف .ويكون الناتج النهائي في صورة مسحوق يمكن اعادته الى صورة شبيهة بالبيض المخفوق الطازج ، وهو نافع لعديد من الاستعمالات، فيمكن اضافته لمكونات الطبخ أو الخبز مثل البيض الطازج تماما ، ويدخل في صناعة المايونيز والبودنج وأية حلويات أو وجبات أخرى . ويقول المتحمسون لبودرة البيض أنها أفضل من البيض الطازج في كونها لا تتلف بسهولة عندما يتم حفظها في عبوات محكمة ضد الهواء ، وفي هذه الحالة فانها يمكن أن تخزن في الثلاجات لمدة قد تصل الى عشر سنوات |
اول مره اعرف انك مسغف قدر كده .. انت بذاكر من ورانا فى المنبر دا ..؟
|
Post: #36
Title: Re: جميع البرالمة أجمعو هنا
Author: الصادق سيكا
Date: 03-05-2013, 03:03 PM
Parent: #34
مكرر
|
Post: #37
Title: Re: جميع البرالمة أجمعو هنا
Author: محمد عبد الله الامين
Date: 03-05-2013, 03:07 PM
Parent: #36
| Quote: الحبيب (د) محمد عبدالله الامين |
الدال دي شنو يابرلوم !!!
كاااااااااااااااااااك
|
Post: #39
Title: Re: جميع البرالمة أجمعو هنا
Author: محمد بابكر محمد
Date: 03-05-2013, 03:15 PM
Parent: #37
Quote: لا سمح الله انت ناوى تظرط ولّه حاجة ..؟؟
|
(خلاااااس) اتعلمت حركات الجماعة
طبعاً مما دخلنا كل مايصبح علينا صباح شابكننا اجمعو هنا
تعالو بى جاى
ورونا ماعرف حنانكم وشنو كدا ماعارف
المهم قطعو قلبنا بى جرى
اها النمرة واقفة وين
مرفقات جادة والله
مرحب بكل الدفعة ونص فدان من الود ، والنص الفدان التانى إحترام
وفدان كامل ازرعو اى حاجة
تقبلو مرورى اخى الصادق ، والاخوة الضيوف
ارقدو عافية
|
Post: #38
Title: Re: جميع البرالمة أجمعو هنا
Author: جمال ود القوز
Date: 03-05-2013, 03:09 PM
Parent: #34
Quote: سمو الباندوووووووونق ما تفضحونا ..
بعدين يا جمال انا بحتاج ليك فى الايام الجاية دى
ودايرك تعمل لى احصائية بالاستبياض المنبرى دى
والتقرير لازم يكون شامل وكلمل مثلا
الاستبياض واثره على السينير امين وتداعياتو على ناس طلحة وود البشرى
وهلم جرا بتاعت الصادق المهدى ..
اثر الاستبياض على الفرد والجماعة ومدى ارتباطه بالناتج القومى للبلاد..
عدد المستبضين وعدد ساعات الاستبياض فى اليوم الواحد وهكذا .. |
أيوااااااااا تلكـ ...
البتاع ده ..
يأخ الحالة الاستبياضية الراهنة في المنبر ..
مستقره ..
عليه لزم التنويه بايقاف ..
حالات التحفيز للدفع الاستبياضي ..
وحتى المستبيضون في الوقت الحالي ...
زي ناس ود القاضي ده ..
( الشايل بيضو وجاي .. ) ...
ديل مستبيضيين ساكت ..
وماعندهم أدنى علاقة بالاستبياض من أصلوا ..
والمستبيضيين الاصليين دخلوا الكرانكـ ..
لزوم اتخاذ الساتر وكده ..
لأن الحالة الاستبياضية الهم فيها قد لا تسعفهم كثيراً ..
حين هبات الاستبياض المعاكس ..
فتبعاً لكل تلكـ الحثيات المرفقه وجب التويه ..
بتركـ الاستبياض جانباً ..
وتركيز الجهود فقط على دحر الاستبياض ..
من بعض المستبيضين الحقيقين ..
لبتر شأفتهم ودحرهم وكشف ادعائهم الاستبياض ..
دون أدني مقومات تعضدد وتخول لهم الاستبياض ..
الذي هم أساساً ليسوا اهل له ..
وليس لديهم القدرة على الاستبياض ..
يأخ ده استبياض مرهق يأخ ..
غايتو من هنا ولي قدام ..
أي حالة استبياض حتواجهني في المنبر ده ..
حاكب فيها كل الاستبياض الأنا عاارفو ..
وقد أعذر من أنذر ..
فكلو واحد حيستبيض بعد كده ..
يشيل مسؤلية استبياضو ..
...
|
Post: #40
Title: Re: جميع البرالمة أجمعو هنا
Author: جمال ود القوز
Date: 03-05-2013, 03:20 PM
Parent: #30
ابن علي النوبي .. من الفيس بوكـ ...
Quote: كسروا البيض ساااكت ....عقبال ما يرضى علينا بكرى ويسجلنا معاكم مسلوق وجاهز ....
ود دفعالله الالفه صاحبى وفردتى ...ااااصبروااااااا... |
علينتود ..
يا انداندنتود ..
أووو نوبه تونجلنتود ..
نرحب بكـ تجي تستبيض معانا والله ..
ومرحب بي استبياضكـ النوبي الأصيل ..
فده حيكون استبياض عمره 7 آلاف سنة ..
استبياض حضاري ..
فنرجو من أخونا بكري تسريع تسجيل ..
أمبيس / علينتود النوبي الأصيل ..
على جناح السرعه ..
|
Post: #41
Title: Re: جميع البرالمة أجمعو هنا
Author: مها عبدالمنعم
Date: 03-05-2013, 03:59 PM
Parent: #40
لابريد المظاهرات وود القوز دا يشهد
ولابريد المعارك والعمل النقابي ومانقابي
المهم يبدو اني البنت الوحيده التي تم تسجيلها والا ارجو اذا في اخريات يظهرن ويبانن
المهم عندك شنو تاني
اذا عملتوني السكرتير العام لرابطه دفعة 2013 بنين الا بت دي بقبل انضم
|
Post: #42
Title: Re: جميع البرالمة أجمعو هنا
Author: جمال ود القوز
Date: 03-05-2013, 04:26 PM
Parent: #41
| Quote: لابريد المظاهرات وود القوز دا يشهد |
هذه شهادتي للعصر ..
بأنكـ سكر معقود ..
والاستبياض الحاصل ده ..
ماحيخارج معاكـ ..
عليه ازكيكـ لتكوني ..
مدير علاقات عامة ..
لتقريب الشقه ورأب الصدع ..
بين البرالمه والسناير ..
الماقادرين يتواصلوا ..
وأي زول ماقادر يتواصل او ماعندو حق الفطور ..
تديهو من خزينة النقابة حقتنا ......
مرحبتين حبابكـ يامها ..
ومنوره والله .....
|
Post: #44
Title: Re: جميع البرالمة أجمعو هنا
Author: مها عبدالمنعم
Date: 03-05-2013, 07:09 PM
Parent: #42
شكرا شكرا ود القوز قبلت التذكيه حقتك فشنو
نقعد نتفرج بس ماعاوزه علاقات عامه بس
علاقات عامه زائد سكرتير عام نقابات البرالمه دفعة 2013 بنين الا بت دي اها كدا موافقين
|
Post: #43
Title: Re: جميع البرالمة أجمعو هنا
Author: محمد فضل ابراهيم
Date: 03-05-2013, 05:47 PM
Parent: #1
حضور
حبيبنا الصادق ؛ صراحةً انت تماماً زي البرلوم أرتيقا بماكينة سِنْير .
ونشكرك على البوست والتوصيات .. واصل .
والبوست ده مهم بدأ مزحاً وتحول للجد ومن ثم تحول للهظار.
ما كنا عايزين كدا !!
عموما قلنا نسجل حضور وعشان حكاية الـ شانو داك أيوة الباندونق والتبييض والاستبياض وهلمجرا
عن نفسي لا بمشي لـ عزاء ولا فرح عندي بوست ثابت براي بهبش فيهو لحد ما نشوف آخرتا.
|
Post: #45
Title: Re: جميع البرالمة أجمعو هنا
Author: أشرف الرحال
Date: 03-05-2013, 07:46 PM
Parent: #43
| Quote: بعدين يا اشرف لو انعدم البيض عنكم سوف نصدر لك بيض بدرة |
النعمان ،،، تحياتي
طبعا لازم البدرة دي تمر بمسؤول الجودة في النقابة لتصريح المرور والاستهلاك لكن بمناسبة البدرة دي ماعندكم بيض سائل بمصاص
مودتي
الرحـــال
|
Post: #46
Title: Re: جميع البرالمة أجمعو هنا
Author: الصادق سيكا
Date: 03-05-2013, 09:50 PM
Parent: #45
الحبيب( د) محمد عبدالله
Quote: الدال دي شنو يابرلوم !!!
|
دال دى زيك كده(دفعة)
الحبيب(د) محمد بابكر
لا يا محمد بابكرنحنا ناس مؤدبين حاجات زى دى مابتصدر مننا
الحبيب(د) جمال ود القوز
Quote: زي ناس ود القاضي ده ..
( الشايل بيضو وجاى
|
اليبعدو مننا غادى غادى هو نحنا ناقصين
الاخت (د) مها عبدالمنعم
Quote: يبدو اني البنت الوحيده التي تم تسجيلها
|
بالمناسبة دى ما تحكى لينا قصة
بتضغط نفسنا
الحبيب(د) محمد فضل ابراهيم
يا راجل ....!!!
الحبيب (د) اشرف الرحال
ده كيف ده ... ما فهمتو ..؟؟
|
Post: #47
Title: Re: جميع البرالمة أجمعو هنا
Author: الصادق سيكا
Date: 03-05-2013, 09:55 PM
Parent: #46
Quote: Alientood Nobian · Khartoum, Sudan
كسروا البيض ساااكت ....عقبال ما يرضى علينا بكرى ويسجلنا معاكم مسلوق وجاهز ....
ود دفعالله الالفه صاحبى وفردتى ...ااااصبروااااااا... |
انت خليك مسخن بالشباك يمكن المعلم يشوفك ..
بالمناسبة انت محظوظ انا من 2004 واقف بالحيطة والزمن داك
ماكان فى شباك .. على الاقل تقدر تعاين ويعينوك
|
Post: #48
Title: Re: جميع البرالمة أجمعو هنا
Author: الصادق سيكا
Date: 03-05-2013, 09:57 PM
Parent: #47
Quote: حامد بدري · الأكثر تعليقا · 44 سنة
كااااااااااااااااااااااااااااااااااااااااااااك وبيض بالطماطم خليجيا |
قصدك شكشوكة ..؟؟
|
Post: #49
Title: Re: جميع البرالمة أجمعو هنا
Author: محمد فضل ابراهيم
Date: 03-06-2013, 06:30 AM
Parent: #46
الريس الصادق
ويعني نحن الـ فهمنا
|
Post: #50
Title: Re: جميع البرالمة أجمعو هنا
Author: أشرف الرحال
Date: 03-06-2013, 09:13 AM
Parent: #49
| Quote: ده كيف ده ... ما فهمتو ..؟؟ |
كيف يا ريس ما فهمت حاجة .. مش البيض اصبح فيهو مسلوق وبالطماطم وبدرة تستكثر تصنيع بيض سائل بمصاص زي صن توب او حليب المراعي بمصاص
فهمت يا ريس
مودتي
الرحـــال
|
Post: #51
Title: Re: جميع البرالمة أجمعو هنا
Author: النعمان خوجلى
Date: 03-06-2013, 01:36 PM
Parent: #50
الاخ الحبيب اشرف
| Quote: طبعا لازم البدرة دي تمر بمسؤول الجودة في النقابة لتصريح المرور والاستهلاك لكن بمناسبة البدرة دي ماعندكم بيض سائل بمصاص |
بيض بالحليب للاطفال فقط صناعة يدوية حاولنا نشوف ليك طويل الاجل لسهولة التصدير بس بكل اسف ماذال فى طور التجربة
Quote: هندسة ده قريبي عديييل كده ومن حلة واحدة كمان حلفاية الملوك محطة 9
|
طيب يا اشرف ضمونا معاكم نحن قريبين منكم فى مربع سبعة
سيكا يا حبيبنا
| Quote: اول مره اعرف انك مسغف قدر كده .. انت بذاكر من ورانا فى المنبر دا ..؟ |
قلنا نذاكر شوية عشان رئيس النقابة يقول الزول دا مسغفيشن ويدينا منصب رفيع حتى لو مدير مكتبو
ود القوز يا حبيب
Quote: ديل مستبيضيين ساكت ..
وماعندهم أدنى علاقة بالاستبياض من أصلوا ..
والمستبيضيين الاصليين دخلوا الكرانكـ ..
لزوم اتخاذ الساتر وكده ..
لأن الحالة الاستبياضية الهم فيها قد لا تسعفهم كثيراً ..
حين هبات الاستبياض المعاكس ..
|
تقريرك العاملو دا زكرنى تلفزيون ليبيا ايام القزافى مزنوق فى اخار ايامو
|
Post: #52
Title: Re: جميع البرالمة أجمعو هنا
Author: ابكر سعيد آدم
Date: 03-08-2013, 12:55 PM
Parent: #51
سيكا
تحياتي لك وكل البرالمة المنبرجية
في برالمة هنا محترفين احتراف
جايبين ليهم بيض
الباقي ليهم حلاوة حربة وبيتزا
|
Post: #53
Title: Re: جميع البرالمة أجمعو هنا
Author: الصادق سيكا
Date: 03-09-2013, 01:25 AM
Parent: #52
| Quote: تحياتي لك وكل البرالمة المنبرجية |
ابكر سعيد وينك أنت ..؟ والغياب ده شنو ؟
شايفك جاى متاخر تتقدل .. اخدت اذن من ود القوز..؟ هو القائد الاعلى لقوات الشعب المشلعة
|
Post: #54
Title: Re: جميع البرالمة أجمعو هنا
Author: صالح تاجاب
Date: 03-09-2013, 04:40 AM
Parent: #53
أيوااااس ياخى دى البوستات الهادفه والتى تخدم قضايانا ولا بلاش
من جيت الحلة دى شغال أشلت فى نفسى يمين شمال ولا فاهم التكتح
|
Post: #55
Title: Re: جميع البرالمة أجمعو هنا
Author: صالح تاجاب
Date: 03-09-2013, 04:45 AM
Parent: #54
علا سؤال لولبى يخوانا
Quote: يعنى البرلوم ده كان ضكر وله نتاية المفروض تدخلوا بوستات العزاء و الاعراس
بس |
البلد دى ما فوكا نتايات؟؟
|
Post: #56
Title: Re: جميع البرالمة أجمعو هنا
Author: عبد الحفيظ فخر الدين
Date: 03-09-2013, 06:21 AM
Parent: #55
أولاً سلام و تحية للبرامبة
( بيض بالفول) .
يعنى جايبنى بى ركشة من آخر المنبر من فوق
عشان البيض ما البيض ..
|
Post: #57
Title: Re: جميع البرالمة أجمعو هنا
Author: الصادق سيكا
Date: 03-12-2013, 00:49 AM
Parent: #56
Quote:
أيوااااس ياخى دى البوستات الهادفه والتى تخدم قضايانا ولا بلاش
من جيت الحلة دى شغال أشلت فى نفسى يمين شمال ولا فاهم التكتح |
بى مناسبة ما فاهم حاجة كويس انك جيت بى جاى لى فترة عايز اعزيك
فى وردى وما لامى فيك .. ياخى البركة فيكم .. طبعا اكيد وبأعتبارك واحد من
معجبى وردى ورافقتو كتير اكيد موعودين بى بوست توثيقى عن الاستاذ وردى ..
قواسيب من الود
|
Post: #58
Title: Re: جميع البرالمة أجمعو هنا
Author: الصادق سيكا
Date: 03-12-2013, 01:11 AM
Parent: #57
Quote: البلد دى ما فوكا نتايات؟؟
|
بلدنا ولّه بلدكم يا تاجاب ..؟
فى بلدنا راقدات اما لاكين تلك حدود الله فلا تقربوها
|
Post: #59
Title: Re: جميع البرالمة أجمعو هنا
Author: عبداللطيف شريف على
Date: 03-12-2013, 03:48 AM
Parent: #1
بسم الله على بركة الله ,والصلاة والسلام على رسول الله
الصادق سيكا والاخوان برلم اول مرة ببشر ليكم فى كل جديد
التحية لكل الشرفاء من ابناء الوطن وعلى راسهم الاستاذ بكرى ابوبكر .
الفتل ده ما حبابو وكمان العفص برضو ما كوووويس .....
ويا اخوانا السناير من زمان نحن بنعاين ليكم والخشم مليان بالصمه حالتو حاله والبطن اسكتوا سااااكت مستفه تب ...
وهسع انا كمان بحيى كل البرالمه السبقونى وبقول ليهم النقة كيييف .
وفتله على خفيف
على ادم يا الحبيب كيييفك ...
|
Post: #60
Title: Re: جميع البرالمة أجمعو هنا
Author: حامد بدري
Date: 03-12-2013, 07:57 AM
Parent: #59
صباحكم عافيه يابرالمه
جاتنا ترقيه قلنا بدل نفتح بوست وقلبنا ددق دق اخير نجو مع الزحمه كاااااااااااااااااااااااااك مرحب بيكم وبينا في الحوش الوسيع
|
Post: #61
Title: Re: جميع البرالمة أجمعو هنا
Author: الصادق سيكا
Date: 03-12-2013, 02:18 PM
Parent: #60
| Quote: يعنى جايبنى بى ركشة من آخر المنبر |
الحبيب عبد الحفيظ فخرى
انت ما شايف باصات الوالى بكرى ..؟
مرحب بيك كأى برلوم فى طريقه للسنيرة
|
Post: #62
Title: Re: جميع البرالمة أجمعو هنا
Author: الصادق سيكا
Date: 03-12-2013, 02:42 PM
Parent: #60
عبد اللطيف شريف على
مبروك نيلك العضوية فى هذا الوطن الاسفيرى الكبير
معك أحى الباشمهندس بكرى ابوبكر مع امنياتى له بالتوفيق
سعيدين أن نراك بيننا .. وبرغم كلامك المشفر ده المافهمتو
اقول ليك أبقى داخل..
قواسيب من الود
|
Post: #63
Title: Re: جميع البرالمة أجمعو هنا
Author: الصادق سيكا
Date: 03-13-2013, 00:07 AM
Parent: #62
Quote: صباحكم عافيه يابرالمه
جاتنا ترقيه قلنا بدل نفتح بوست وقلبنا ددق دق اخير نجو مع الزحمه كاااااااااااااااااااااااااك مرحب بيكم وبينا في الحوش الوسيع |
حامد بدرى انت وين ؟ من يوم اتسجلت لى يوم الليلة عندك مداخلتين بس .. معقولة ..؟؟
|
|