هيا الريـــــالاب .. بركة المرق ليكم حس !!

Post: #1
Title: هيا الريـــــالاب .. بركة المرق ليكم حس !!
Author: محمد البشرى الخضر
Date: 03-03-2013, 08:07 PM

كنتو وين من زمان ؟
ايام الستات و الخمسات
ايام بتجوا مغلوبين من برة قبل الحكم يصفّر
تاخدو الحلاقة و تجوا السبت البعدو للقطعيّة

كدي شوفوا الجرسة دي
لقد هرمنا من أجل هذه الكأس ياريال
Quote: أصبحنا كالشيوعيون في هذه البلاد

لا نستطيع إن نجاهر بعشقنا للملكي

أصبحنا خلايا نائمه

وعشاق البرسا صوتهم يعلو ويعلو حتى يصن الآذان
ههههههههههههههه
اها اسّي بقيتو مرتمر وطني عديل و مرق ليكم صوت
الكلام دا قريبات دي قبل سنتين كدا

ابو حتوت
مواليد تسعين و عندو الخمسة و تلتين حق الفنيلة

Post: #2
Title: Re: هيا الريـــــالاب .. بركة المرق ليكم حس !!
Author: ABUHUSSEIN
Date: 03-03-2013, 08:22 PM
Parent: #1

و الله المداخلة ما كتيرة عليك يا أبو حتوت ....

الناس طولو من الفرحة خليهم إتنفسو شوية هي أصلها ما حا تطول كتير

البوستات و الرسائل زي طالب أولى إبتدائي لم إجي الأول إشيل شهادتو و جري على البيت و إكلم الناس كلها

مساكين كانو شايلين أحزان كتيرة

Post: #3
Title: Re: هيا الريـــــالاب .. بركة المرق ليكم حس !!
Author: عصام علي أحمد
Date: 03-03-2013, 08:57 PM
Parent: #2

ديل دايرين يمسحوا خمسة سنين فى اسبوع

العرجه لمراحها

يومين ومابتسمع ليهم صوت

Post: #4
Title: Re: هيا الريـــــالاب .. بركة المرق ليكم حس !!
Author: صبري طه
Date: 03-03-2013, 09:27 PM
Parent: #3

أوسكار يا ود البُشرى ...

غايتو بتكون عملت لي عُمر الفاروق عمى ألوان :)

Post: #5
Title: Re: هيا الريـــــالاب .. بركة المرق ليكم حس !!
Author: Mohamed alhabib
Date: 03-03-2013, 10:00 PM
Parent: #4

لكل جواد كبوة
وتاريخ الريال عريق وكفيل بانجازاته
لمن لايعرف الريال فعليه الرجوع الى التاريخ

يا بتاع التسعين انتا >>!!!
قالو البشجع البارشا يا اما شجعو كبير ولا ما بعرف كورة

Post: #6
Title: Re: هيا الريـــــالاب .. بركة المرق ليكم حس !!
Author: عمر الفاروق
Date: 03-04-2013, 06:02 AM
Parent: #5

أججججي أججججي أجججي!!!!
هي لكن عاد لو الشغلانة ماضي وتاريخ وقفا نبك عيييك فطوااالي تعال نرجع للتاريخ والأرشيف والحساب ولد ..
ما ترجع بينا على كيفك لي خمسات وستات القبل سنتين وتلاتة وتقيف ..طالما قررت الرجوع لي ورا فأرجعو كلللو يا ود البشرى..
سمعت قالوا أسبانيا علمت ليها سد إسمو سد ألميريا وغالباً في الإتتاح بتاعو ح يلعبو الريال وبرشلونة أها جاهزين ولا الإعياء لسة حاصل يا قول صبري..

Post: #7
Title: Re: هيا الريـــــالاب .. بركة المرق ليكم حس !!
Author: أمير محمد ادريس
Date: 03-04-2013, 06:46 AM
Parent: #6

أبو حتوت ومن حوله أختشووووووو

وبعدين انت وين يا صبري ليك مده ما بنت وانا في اشتياق لشوفتك .. مع الاعتذار لصاحب الاغنية وكده

تحياتي للجميع

Post: #8
Title: Re: هيا الريـــــالاب .. بركة المرق ليكم حس !!
Author: محمد عبد الماجد الصايم
Date: 03-04-2013, 09:56 AM
Parent: #7

هههههههههههههههههههههههههههه يا عربي!!!
والله بركة السمعنا صوتك إت دا في موضوع الكلاسيكو!!

قلت لي بقيت تفتش لاا ورا!!

Post: #10
Title: Re: هيا الريـــــالاب .. بركة المرق ليكم حس !!
Author: محمد البشرى الخضر
Date: 03-04-2013, 10:07 AM
Parent: #8

يا عربي ما لا ورا شديد, تكلة كدا بس من 2000 و جاي
كعبين انتو اللا ورا حقّكم عيييييك تمانينات و سبعينات

Post: #9
Title: Re: هيا الريـــــالاب .. بركة المرق ليكم حس !!
Author: محمد البشرى الخضر
Date: 03-04-2013, 10:06 AM
Parent: #7

هلا و الله هلا و الله
برشلوناب أسياد البلد و التانيين ههههههههههههه

ما قصّرت يا ابوحسين المداخلة عزيزة و الموضوع يستاهل

صدقت يا عصام خمسة سنة حلاقة و قطعيّات شي بموس وشي بقزاز
عايزين يمسحوهن قال

هلا صبري
الغريبة انا ما عرفت مدريدية عمر إلاّ قريبات دي معناها ايام البوستات تتطاقش برشلونة برشلونة و الستات و الخمسات و طبق الحنة كان عامل رايح

يا محمد الحبيب يا حبيب
التاريخ ما قلنا فيه شي لكن ما ممكن ننسى الحاضر المبشتن العايشنه بحجة التاريخ كان وكان
ثم شكلها ما وقعت ليك نكتة التسعينات دي

هيا ود الفاروق ارجع للتاريخ محصلة فوز برشلونة بالكلاسيكو أكتر (غايتو دا واحد اجتهد وعمل الإحصائيو ما عارف مدى دقته كيف لكن لحين مراجعة مصدر تاني فحآخد بيه) راجع هنا
اها دا بالنسبة للتاريخ و بالنسبة للحاضر- من يوم عرفنا للـ ART و الجزيرة - ننوم ونصحى على سيادة البارسا

بالله يا فاروق ما حاسي انك وصيفابي وصيفابي كدا مع الريـال دا :)

يا أميرنا علام الإختشى! اختشوا انتوا الكنتوا رايحين ليكم كم سنة وياداب جمعتوا :)

Post: #11
Title: Re: هيا الريـــــالاب .. بركة المرق ليكم حس !!
Author: محمد عبد الماجد الصايم
Date: 03-04-2013, 10:16 AM
Parent: #9

Quote: من يوم عرفنا للـ ART و الجزيرة

ههههههههههههههههههههه
ما قلنا ليكم مستجد كورة!!

أها أديكـ النجيضة يا معلم:
الكلاسيكو 90 لبرشلونة و87 لريـال مدريد!!
لكن برضو الملكي ملكي .. والباقي خس

Post: #12
Title: Re: هيا الريـــــالاب .. بركة المرق ليكم حس !!
Author: محمد البشرى الخضر
Date: 03-04-2013, 10:22 AM
Parent: #11

Quote:
Quote: من يوم عرفنا للـ ART و الجزيرة

ههههههههههههههههههههه
ما قلنا ليكم مستجد كورة!!
آي إنت عاد ما كان عندك تذاكر السيزون كلو وحاجز فندقك و طيّارتك واقفة في خشم الباب

قوم لف امش بوست هيثم طه سطّح وتعال :)

Post: #13
Title: Re: هيا الريـــــالاب .. بركة المرق ليكم حس !!
Author: محمد عبد الماجد الصايم
Date: 03-04-2013, 10:31 AM
Parent: #12

Quote: قوم لف امش بوست هيثم طه سطّح وتعال :)

دي تفرقة (لغوية) يا معلم .. وين ناس العنصرية في البورض؟
ثم يا عربي .. ما تنسى إني مغترب قبليكـ وشهادة عربية وكـدا
يعني في (غمرة) اهتمامكـ بالمواصلات ماشي وراجع .. أخوكـ كان
سايق عربيتو وبتفرج قنواتو الفضائية في أمانة الله

بالإضافة لأهمية وضع حسابات الفارق العُمري!!

يمين الـ () دي كيّفتني في حنان حناني زاتو!!

Post: #14
Title: Re: هيا الريـــــالاب .. بركة المرق ليكم حس !!
Author: محمد البشرى الخضر
Date: 03-04-2013, 10:38 AM
Parent: #13

Quote: سايق عربيتو وبتفرج قنواتو الفضائية في أمانة الله
طيّب يا بطّة ما دي الكنتة زاتها, يعني عرفتك للريــال بعد البث الفضائي و الآي آر تي
فما تعمل فيها علي الفكي بتاع مدريد (علي الفكر مؤرّخ هلالي كان بجهّز كتاب عن البرنس و شكلو غيّر رايو )

Quote: بالإضافة لأهمية وضع حسابات الفارق العُمري!!

كنت عايز اقول ليك ##### و ### ثم ######
لكن : استغفر الله العظيم :)

Post: #15
Title: Re: هيا الريـــــالاب .. بركة المرق ليكم حس !!
Author: عصام علي أحمد
Date: 03-04-2013, 02:52 PM
Parent: #14

Quote: كنت عايز اقول ليك ##### و ### ثم ######

رشو

Post: #16
Title: Re: هيا الريـــــالاب .. بركة المرق ليكم حس !!
Author: جمال ود القوز
Date: 03-04-2013, 03:47 PM
Parent: #15

يا ود البشري ..
ما قالوا ليكـ الشغلانه دي ..
ضرب من ضروب الاستبياض ...
انت جاي تاني تعمل لي بشتنونا والريال ...
يأخ إنتو إتغلبتوا ..
أديكـ النجيضة .. ( ذاكـ القول المأثور )
الجاي ده كلو ما عندكم فيهو التكتح ..
بالذات مع دفاعكم السليقة ده ........

ــــــــــــــــــــــــــــــــــ

آسفين ع الاستبياض ده ..

Post: #17
Title: Re: هيا الريـــــالاب .. بركة المرق ليكم حس !!
Author: عصام علي أحمد
Date: 03-04-2013, 07:14 PM
Parent: #16

ياودالقوز الشال كاس العالم فى جنوب افريقيا منو؟

انت قايل شالتو اسبانيا

الشال كاس العالم برشلونة

طريقة اللعب وعدد اللعيبة فى الميدان من برشلونة

احسبهم ليك

Post: #18
Title: Re: هيا الريـــــالاب .. بركة المرق ليكم حس !!
Author: جمال ود القوز
Date: 03-04-2013, 07:30 PM
Parent: #17

Quote: ياودالقوز الشال كاس العالم فى جنوب افريقيا منو؟

انت قايل شالتو اسبانيا

الشال كاس العالم برشلونة

طريقة اللعب وعدد اللعيبة فى الميدان من برشلونة

احسبهم ليك

موافقكـ ..
وازيدكـ من الشعر بيت ..
أنا بشجع اسبانيا ..
بس بشتنونا ما بدورا كلو كلو .....
واي فريق يلم فيها يزعمطا بيبسطني ..
بالذات ناس ملقا السمهم فاير ديل .........

ــــــــــــــــــــــــــــــ

ردينا بعد إذنكـ يا ود البشرى يأخ ...............

Post: #19
Title: Re: هيا الريـــــالاب .. بركة المرق ليكم حس !!
Author: حمزه بابكر الكوبي
Date: 03-04-2013, 07:43 PM
Parent: #18

هي عان ديل كمان هسع المرق له حس منو ؟؟؟!!!
كدي خلونا من التاريخ القديم الهو مافي مصلحتكم وخلونا في القريب
زيدان ولويس فيقو وروبيرتو كارلوس خلوا الكورة لهم خمس سته سنه لورا
اياميها كانوا بحلقوا لكم ماشي جاي .....حسكم الوقت داك كان وين ؟؟؟