Post: #1 Title: الجن .... يترصد قناة النيل الازرق Author: عباس الدسيس Date: 03-03-2013, 03:58 PM
Post: #2 Title: Re: الجن .... يترصد قناة النيل الازرق Author: عباس الدسيس Date: 03-03-2013, 04:00 PM Parent: #1
Post: #3 Title: Re: الجن .... يترصد قناة النيل الازرق Author: عباس الدسيس Date: 03-03-2013, 04:17 PM Parent: #2
الشيخ ملاح يحذر مدير القناة حسن فضل المولى لاخذ الحيطة والحذر لان ما عرضته القناة يغضب شياطين الجن وعلي العاملين الدخول بالرجل اليمني والحفاظ علي الطهارة وب عليك يا بابكر صديق ونجوم الغد . وتجنب الغضب والوقوع في اعمال تخالف السنة لان الجن يترصدهم يعني القناة تقلب انصار سنة والي الويل لهم . نتابع ..ونواصل
بالله في جن وشواطين اكثر مما يستضيفهم صاحبنا الطاهر التوم ... الظاهر الايام الجاية البرنامج اكون شغال زي السلامة عليكم نشوف السقف وقع و ل حجارة جات طائرة. انا اقول ليه مصرين علي دعاية بوهيات المهندس بتاعت الصلاة وهي شبيه بدعاية الصلاة التي تم ايقافها من الMBC.
Post: #4 Title: Re: الجن .... يترصد قناة النيل الازرق Author: ناصر جامع Date: 03-03-2013, 05:50 PM Parent: #3
سلام يا عباس الجن طبعا حق و موجود في القران لكن معظم الحالات دي كذب و نفاق و امراض نفسية عشان كدا الواحد اول ما الشيوخ يقعوا فيهو جلد يقول انا بقيت كويس شوف الفديو رقم 2 الدقيقة 5:22 الجن قال: "كتلنا ابوهو الله اكبر عليه" دا جن شنوا دا البداعي زي النسوان ههههه
شوف الفديو دا يكشف وهمة الحاجات دي
Post: #5 Title: Re: الجن .... يترصد قناة النيل الازرق Author: صالح تاجاب Date: 03-04-2013, 05:12 AM Parent: #4
الدسيس كيف حالك الجن موجود بيننا ونحن نؤمن بوجودهم وقصصهم تشيب الرأس لكن سين سؤال !! نحن المسلمين بنتعالج منو بالقرآن ف كيف طريقه علاج أصحاب الديانات الاخرى يا ترى؟؟
Post: #6 Title: Re: الجن .... يترصد قناة النيل الازرق Author: عوض جاه الرسول Date: 03-04-2013, 05:29 AM Parent: #5
Quote: كيف طريقه علاج أصحاب الديانات الاخرى يا ترى؟؟
؟؟؟
Post: #7 Title: Re: الجن .... يترصد قناة النيل الازرق Author: ياسر السر Date: 03-04-2013, 06:41 AM Parent: #6
الحبيب عبس غايتو بوستك ده بعد شوية بجي طاير فيهو كي بورد ,, اعوذ بالله من الشيطان الرجيم .. يجازي محنك يا عبس هسة يعني الواحد لو عندو تسجيل في النيل الازرق دي ما يمشي يعني ولا شنو ؟؟
تحياتي : ياسر العيلفون .....
Post: #8 Title: Re: الجن .... يترصد قناة النيل الازرق Author: عباس الدسيس Date: 03-04-2013, 11:36 AM Parent: #7
Quote: سلام يا عباس الجن طبعا حق و موجود في القران لكن معظم الحالات دي كذب و نفاق و امراض نفسية عشان كدا الواحد اول ما الشيوخ يقعوا فيهو جلد يقول انا بقيت كويس شوف الفديو رقم 2 الدقيقة 5:22 الجن قال: "كتلنا ابوهو الله اكبر عليه" دا جن شنوا دا البداعي زي النسوان ههههه
حبيبنا ناصر سلام لم يرد بالقران او السنة أن الجن يتحدث بلسان الممسوس
Quote: * وقد أنكر ابن حزم مسألة كلام الجني على لسان المصروع حيث يقول : ( وأما كلام الشيطان على لسان المصروع فهذا من مخاريق العزَّامين ، ولا يجوز إلا في عقول ضعفاء العجائز ، ونحن نسمع المصروع يحرك لسانه بالكلام ، فكيف صار لسانه لسان الشيطان ؟ إن هذا لتخليط ما شئت ، وإنما يلقي الشيطان في النفس يوسوس فيها ، كما قال الله تعالى : ( الَّذِى يُوَسْوِسُ فِي صُدُورِ النَّاسِ ) ( سورة الناس – الآية 5 ) فهذا هو فعل الشيطان فقط 0 وأما أن يتكلم على لسان أحد فحمق عتيق وجنون ظاهر ، فنعوذ بالله من الخذلان والتصديق بالخرافات ) ( رسائل ابن حزم الظاهري – 3 / 228 )
اذا عرفنا موقف الدين من هذه الظواهر. السؤال لماذا تروج قناة النيل الازرق لبرامج كهذه ؟؟؟؟ الظاهر قناو النيل الازرق في اتجاه الي ان تكون مثل جريدة الدار أو تبحث لها عن شهرة تتفوق بها عن القنوات الفضائية السودانية .... القنوات الاخري اعتقد ليست جديرة بمنافستها شغلها محلي فقط