مين عمل لميسي عمل؟؟؟؟

اصلا من المريخاب بقوا يشجعوا ريال مدريد الكلام دا قلت ما حا ينتهي على خير

اصلا من المريخاب بقوا يشجعوا ريال مدريد الكلام دا قلت ما حا ينتهي على خير

_____________

ههههه مالك مع المريخاب يا درديري ياخ

لك تحياتي

تذكرت لاعب الهلال الارتري الراحل

يوهنس

الولد كان هداف لعاب المبارة اليكون كعب فيها يجيب هدفين

بالله عملوا ليه عمل خلوه هو نايم يشلت في الحيطة ..

ميسسيي يا راجل

ميسي الكان لمان يكون عاوز يجيب قون يقول انا عايز اجيب قون ..

وياخذ الكورة ويروح جاري بيها

وتلاقي ناس ريال مدريد ساكنه زي الحرامي في الجريف

مسي يا راجل

في كتاب الضحك في بيت البكا

للرائع سعادة اللوا محي الدين محمد علي

قال انه احد ناديي القمة استعانوا بفكي ( انطون) قيل انه كارب

طلب منهم مبلغ كبير .. وهم عاقدين اللقاء في بيت أحد القيادات ..

قالوا للفكي لازم تورينا عينه من شغلك نحن ما بندفع فلوسنا كدا ..

الفكي قال ليهم ما مشكلة نوريكم عينة .

قدامو كان في كباية شاي بلبن ..

اها يقوم الفكي يتناول الكباية . وظيييييتك يشفط اللبن بس ويخلي الشاي احمار في الكباية

ويقول لهم

اها شفتو كيف ؟؟

لماذا استعان جوزيه مورينو بلاعب من دول غرب افريقيا

وهو اللاعب الغاني مايكل اسيان ؟؟

ولماذا خصص هذا اللاعب لمراقبة ميسي ؟؟


ومعروف انه اسيان لاعب وسط مهاجم من كان في شيلسي

ومعروف انه ميسي ما كان خمسة لاعبين يستطيعوا ايقافه ..

كيف استطاع اسيان ان يحد من خطورة ميسي

حتى نعود للبحث حول هذه الاسئلة .

بس في مباراة الثلاثة واحد اسيان ما كان لاعب ..

برضو سؤال تاني

Quote: اها يقوم الفكي يتناول الكباية . وظيييييتك يشفط اللبن بس ويخلي الشاي احمار في الكباية

يا أبو الدرادر الفكي بتاعك دا غير الفكي الأولاني ..
الفكي الأولاني لما عمل العملية الفوق دي وشاف الجماعة مبحلقين فوقو قال ليهم :
مالكم فاتحين خشومكم كدا ؟ والله كان ما مصدقين هسع آكل الكباية وأخلي الشاي واقف في الهواء براهو


قلتا لي المريخاب عملوا لميسى عمل ؟
ههههههههه
شكرا لاتساقك مع ذاتك كأول برشلونابي يعترف أن البلوغرانا ديل فريق الراجل الواحد الذي
إذا مسكتو وجعة قبل المباراة تداعي له سائر البرشلوناب بالانشتاح والأنين والطنطنة ..

Quote: يا أبو الدرادر الفكي بتاعك دا غير الفكي الأولاني .. الفكي الأولاني لما عمل العملية الفوق دي وشاف الجماعة مبحلقين فوقو قال ليهم : مالكم فاتحين خشومكم كدا ؟ والله كان ما مصدقين هسع آكل الكباية وأخلي الشاي واقف في الهواء براهو قلتا لي المريخاب عملوا لميسى عمل ؟ ههههههههه شكرا لاتساقك مع ذاتك كأول برشلونابي يعترف أن البلوغرانا ديل فريق الراجل الواحد الذي إذا مسكتو وجعة قبل المباراة تداعي له سائر البرشلوناب بالانشتاح والأنين والطنطنة ..

والله يا طلحة يا اخوي

مسي دا كان ما جبتو ليه الحاج اسيان دا كان طبق فيكم نظرية خيتافي ..


ياخي الفاول الشاتو دا كان قووووون عديييييييييييييل كدا

حتى هو نطط فرح ..

الجر العراضة دي ناحية العرضة شمال منو ؟؟

من الاسبوع الفات الولد مزهلل

تلاقي عيونه جاحظة

وسارح كدا زي التقول عليه شيكات حلت..


والاعراض دي انا بعرفها لاني اشتغلت فترة مساعد فكي اول

في بداية حياتي العملية

يا درديري ما تحاول ...
ميسي ما في زول عمل ليهو أيتها حاجة ..
الراجل الواحد دا فتر عديل من كونو يلعب لوحدو ويغلب لوحدو والناس يتكلموا عنو لوحدو ..
قال ياخد استراحة محارب .

Quote: يا درديري ما تحاول ... ميسي ما في زول عمل ليهو أيتها حاجة .. الراجل الواحد دا فتر عديل من كونو يلعب لوحدو ويغلب لوحدو والناس يتكلموا عنو لوحدو .. قال ياخد استراحة محارب .

ما صحيح يا طلحة دة عمل اكيد انت ما شايف مورينو هادي كيف لانو متاكد ؟ اها والخلاة متاكد شنو ؟ اكيد الفكي
يا ناس مايرنو والروصيرص واشباههما مافي زول منكم شاف مورينهو حايم بهناك الايامات الفاتت دي

Quote: ما صحيح يا طلحة دة عمل اكيد انت ما شايف مورينو هادي كيف لانو متاكد ؟ اها والخلاة متاكد شنو ؟ اكيد الفكي يا ناس مايرنو والروصيرص واشباههما مافي زول منكم شاف مورينهو حايم بهناك الايامات الفاتت دي

اها شفت يا طلحة الناس الفاهمة اللعبة شرحو ليك

يعني احتمال يكون الفكي من جهات سنار لانه مجرب واسأل اهلك الوصيفاب


قاليك عندهم واحد بيخلي شبكة المرمي دي زي شبكة السمك يوديها محل ما داير

يعني زي شوتة رولاندو الدقت في العراضة دي ممكن يحرك ليها الشبكة ويخليها جوه الكيس بس امس قال كدا ظاهرة

Quote: يا درديري ما تحاول ... ميسي ما في زول عمل ليهو أيتها حاجة .. الراجل الواحد دا فتر عديل من كونو يلعب لوحدو ويغلب لوحدو والناس يتكلموا عنو لوحدو .. قال ياخد استراحة محارب .

يا طلحة

انت عارف نحن السودانيين دايما نحب نعلق فشلنا على قوة اكبر من طاقتنا

يعني الجراد رسلته اسرائيل

والايدز رسلته امريكا

فخلينا نمارس هوايتنا حتى في تشجيع الفرق العالمية

الحكاية دي بتريحنا شوية عليك الله ..

مسي دا كاتبنو كاتبنو

واصبر شوية حا اوريك اسم الفكي الغاني


واسيان دفن العمل في مقابر المسيحيين ببرشلونة صدأني

ما دام ما قادرين نطلع لينا لاعب واحد يلعب في الدوريات العالمية دي ولا حتى بالتجنس .ز ولا سوداني امه خواجية .. زي شعراوي المصري الما بيعرف عربي بالحبة .



وقاعدين نلف حول نفسنا ونستهلك في نفس اللاعبين اكثر من عشرين سنة ( آىىىىىىي قاصد هيثم مصطفى)

خلي على الاقل

يكون عندنا فكي

ونحن نرحب بمورنيو في بلده الثاني باحثا عن فكي يصلح للشياطين الحمر

عندنا ليه فكي خمسة نجوم وخمسة شنكل وتلاتة خمسات زي الكلونيا

علي باليمين يخلي ليك فان بيرسي دا رجليه الاتنين شمال يكون جاري ويلف حول نفسه زي المرجيحة في الملاهي

بس انت تعال وكثر من الدولار

درديري سلام

يا اخوي انت كايس ليك شكلة ساي مع المريخاب .... انت قايل الخواجات مع عندهم كنجسة ؟

عندنا واحد زمان مؤمن بموضوع الكنجسة وبفتكر مافي كورة من غير كنجسة , ايام ايطاليا شالت كأس العالم قال الطليان مكنجسنها , الجماعة قالوا له كيف الكلام دا ؟

قال ليهم انتو قايلين بابا الفاتيكان دا نائم ولا شنو

Quote: درديري سلام يا اخوي انت كايس ليك شكلة ساي مع المريخاب .... انت قايل الخواجات مع عندهم كنجسة ؟ عندنا واحد زمان مؤمن بموضوع الكنجسة وبفتكر مافي كورة من غير كنجسة , ايام ايطاليا شالت كأس العالم قال الطليان مكنجسنها , الجماعة قالوا له كيف الكلام دا ؟ قال ليهم انتو قايلين بابا الفاتيكان دا نائم ولا شنو

بيني وبينك يا جبرة كلامك عين الصواب

لو رجعنا لكاس العالم 2006 الشالتو ايطاليا

اولا ايطاليا مفروض تطلع من الدور الثاني من استراليا

الحكم اداهم ضربة جزاء اوانطة في آخر دقيقة ..

المباراة حقت الكاس

عشان تعرفوا شقل فقرا كيف

زيدان كان في قمته في كل شئ
مرشح لجائزة افضل لاعب
وكان نجم المباراة يقوم يرفس المجد دا كله وينطح ما ترازي في صدره

في النهاية وبعد دهشة العالم كله

يعترف ما ترازي ويقول ما قلت ليه حاجة بس ( خلي اختك تجي تبيت معانا )

الخلا مترازي يقول العباراة التجنن زيدان دا ما شغل فقرا عديل ؟؟



أها بابا الفاتيكان دا هو ذاتوا العمل عمل للسودان وخلا الحكومة تبيع الجنوب وتوقع على اتفاقية نيفاشا

ما هو الزار السودان في التسعينات .. والحكومة عملت ليه مهرجان استقبال و صليب عملاق في الساحة الخضراء ..

حتى واحد من المساطيل علق قال يادوب كدا البابا عرف صليبنا طالع ..

يا درديري أنا قصدي أنو الناس الفكي المشوا ليهو كان عندهم طهور .

Quote: يا درديري أنا قصدي أنو الناس الفكي المشوا ليهو كان عندهم طهور .

طلحة انت بتاع مشاكل ساي

الظاهر عليه صاحبنا القاعد جمبك عصر عليك شديد ..ولا عفصك في رجلك ..