Post: #1
Title: اكثر اربعة الناس بتنبذم في السودان:
Author: عباس الدسيس
Date: 02-28-2013, 09:34 PM
Parent: #0
اكثر اربعة الناس بتنبذم في السودان:
مذيعين تلفزيون السودان
عداد الجمرة الخبيثة
نافع علي نافع
والبت بتاعت الموبايل البتقول ((نأسف لقد انتهي رصيدكم))
نواصـــــــــــــــــــــــــــــــــــــــــــــــــــــــــــــــــــل
|
Post: #2
Title: Re: اكثر اربعة الناس بتنبذم في السودان:
Author: سليمان القرشي
Date: 02-28-2013, 11:36 PM
Parent: #1
تحياتي دسيس
غايتو انا في اثنين بقفلوها
معاي عدييييل بتاع الحركة وبتاع
النفايات .
ومن الناس البنحبها في
سودانيز عباس الشريف
تسلم وجمعة مباركة ان شاء الله
|
Post: #3
Title: Re: اكثر اربعة الناس بتنبذم في السودان:
Author: jini
Date: 02-28-2013, 11:55 PM
Parent: #2
نافع دا براهو كوم
الله يجيب يوم شكره نشوف الناس دى بتقدر تشكروا!
جني
|
Post: #4
Title: Re: اكثر اربعة الناس بتنبذم في السودان:
Author: الامين موسى البشاري
Date: 03-01-2013, 01:45 AM
Parent: #3
1. البشير..
2. نافع..
3. مأمون حميده..
4. الهندي عز الدين..
عباس أخوي ما تهادونا في الاربعة دي ياخ!
غايتو لو هاودتني ممكن اضيف لي 4 تاني .. والله صحي 
|
Post: #5
Title: Re: اكثر اربعة الناس بتنبذم في السودان:
Author: حيدر حسن ميرغني
Date: 03-01-2013, 03:08 AM
Parent: #4
ناس المطار
+ الموظفات المتعنطسات ورافعات اي حاجة ممكن تترتفع
|
Post: #6
Title: Re: اكثر اربعة الناس بتنبذم في السودان:
Author: باسط المكي
Date: 03-01-2013, 03:54 AM
Parent: #5
بوست موفق
المتعافي
عبد الرحمن الخضر
سامية احمد محمد
رجاء خليفة
اسحاق احمد فضل الله
وواصل
|
Post: #7
Title: Re: اكثر اربعة الناس بتنبذم في السودان:
Author: بهاء بكري
Date: 03-01-2013, 08:24 AM
Parent: #6
غازي سليمان يادسيس
|
Post: #8
Title: Re: اكثر اربعة الناس بتنبذم في السودان:
Author: درديري كباشي
Date: 03-01-2013, 08:37 AM
Parent: #7
عباس في الاول حدد
بتنبذهم ولا بتكرههم
لانه في ناس في السودان الناس بتنبذهم لكن بتحبهم ..
يعني مثلا كاريكا ينفرد بالمرمى ويحاور الحارس هو والشبكة يختها في ألاوت
الناس ينبذو ( الله يقلعك يا غبي ) لكن قطع شك ما بيكرهو ه...
حانعتبرا بتكرههم ..
لكن طبعا نجم شباك الكره بلا منازع هو نافع مافي شك ..
تصور هذا الرجل يروح لمزارعي المناقل ويقول ليهم تزرعوا القطن غصبا عنكم والمايزرع راح نعتبره طابور خامس ..
ناس طول عمرهم بيزرعوا القطن وما عندهم مشكله معاه لكن شوف اسلوبه .. انا يتخيل نافع نفسه مستمتع بكره الشعب السوداني له .. ايه السبب ( الله أعلم)
|
Post: #9
Title: Re: اكثر اربعة الناس بتنبذم في السودان:
Author: عباس الدسيس
Date: 03-01-2013, 08:41 AM
Parent: #6
Quote: تحياتي دسيس
غايتو انا في اثنين بقفلوها
معاي عدييييل بتاع الحركة وبتاع
النفايات .
ومن الناس البنحبها في
سودانيز عباس الشريف
تسلم وجمعة مباركة ان شاء الله |
سلام يا وجيه اخبارك
الله ابارك فيك وكل الجمع تكون مباركة
والله حبنا للناس الحلوين زيكم اكثر سليمان يا حبيب قلبي
بلدنا مصيبتا مصيبة نفايات وال###### في كل مكان بوليس حركة وشوارع ظلط مكسرة طبعا ناس الكاكي الابيض هم تماسيح الظلط .
نص كوميدي ...رشوشة
وقف في الصف لاكمال اجراءاته صف طويل وممل يشعر بانه لا يتحرك بعد ان مضت ساعات وصل الشباك.
المواطن : السلام عليكم والله يا خوي واقفين لينا ثلاثة ساعات ركبينا ساحت عشان نصل لي الحجر الاسود شباكك من بعيد شايفنو صعب المنال لكن التنظيم مريح احسن شيء عجبني في شغلكم كلو بي الدور.
الموظف: يمسك ملف الأوراق بعدم اهتمام ويقول بمساخه : عامل فيها دمك خفيف والله ضحكتني ، العجلة من الشيطان والتاكسي من الرحمن. والله مع الصابرين..
المواطن : مستعجلين كده شويه يا ابو الشباب انت عارف مشاغل الدنيا الواحد عايز اخلص كم مشوار كده .
الموظف : طيب وأنت دفعت المصاريف المطلوبة ؟
المواطن : أيوه يا أستاذ ، دفعتهم في الخزنة وده الإيصال.
الموظف يهمل الإيصال ويقول : بس انت لسه ما دفعته للاستاذه رشيده ... معاها ابتسامه(رشوشه)!
المواطن : رشوشه دي شنو يا اخوي مكتبا وين وأنا امشي اكمل المصاريف ؟
الموظف : يا الاخو اسمع ما تاخر الناس ديل وراك وما ترفع صوتك انت جديد اول مره تجينا شيل ورقك امشي خلص المصاريف بعدين تعال لي اسال بره من استاذه رشيده بقولوا ليك يلا خلينا نشوف مصالح الناس الثانيه ؟ ....
حاول اسأل الجماعه الخلفوا في الصف لم يجد اجابه كل ما سأل واحد اقول ليهوا وراء فضل متابع وراء لما وصل اخر الصف بره المكتب عاين يمين عاين شمال شاف ست شاي تحت ضل الحيطه مشي اسألا عن مكتب رشيده .... ست الشاي ما اهتمت بيهو قابلتو بي برود تنفخ في الرماد من المنقد وفي يدها قطعة قماش وكبايه تجلي فيها.
المواطن : معليش ، أصلي لسه اول مره اجي هنا ما عارف الإجراءات .. ممكن تقولي لي الاستاذه رشيده مكتبا وين.
ست الشاي تلز ليهو بنبر بي كراعا وتقول: في واحد ما بعرف رشيده دي اهم زول في المصلحه دي والله تمام انت جديد والجديد شديد.
المواطن : والله حاجه عجيبه انا دفعت الرسوم كلها ادوني الايصالات ... تاني ادفع شنو ما عارف... بعدين الجماعه قالو الرسوم كلها عشره الف وانا دفعتها كلها في شنو تاني. .. كدي كبي لينا كباية شاي بعدين نشوف مكتب رشيده .
ست الشاي: ايواااااااا كده يا دوب عرفته الخط الصاح انا قلته انت زول بتفهما هي طايره بعدين كباية الشاي بصلح ليك راسك تخليك تخلص بي سرعه. ....
بعد ارتشف كباية الشاي دخل يدوا في جيبو طلع قروش كباية الشاي اداها لي ست الشاي.
ست الشاي : أنت عبيط يا استاذ ولا بتستعبط ولا دمك خفيف ده شنو ؟
المواطن : كلامك عيب يا بت الناس في داعي للاساءات؟ الظاهر انتو اسلوبكم كل واحد من ست الشاي للحمار الموظف جوه ؟
ست الشاي: أنت شكلك أول مرة تيجي هنا ما فاهم حاجه زي بتاع اصدقاء الشرطه خالي زمان وسواق اللوري.
المواطن : ليه بس ؟ يا اخت والله انا فاهم كل حاجه والفايل بتاعي مظبط ميه ميه والرسوم دافعا... بعدين تعالي اصدقاء الشرطه دي شنو... انتوا بتقولو كلام غريب الشرطه كمان عندها اصدقاء. ست الشاي: اصدقاء الشرطه ديل زمان كانو الطلبه في الاجازات بتاعين الثانوي بدربوهم يعني زي الكديك تدريب عسكري... كان ما فهمت زي الشرطة الشعبية... بخلوهم اساعدو ناس الشرطه في الاعمال البسيطه زي ناس شرطة المرور.... خالي انا كان مع اصدقاء الشرطه موقفنو في صينيه مرور ميته كدي جاء واحد من ناس القري شايل ليهو مريض في لوري طوب والمريض تعبان لاحقين بيهو المستشفي وقف اللوري نزل السواق قال ليهو لوريك ده كلوا مخالفات....
شغل الاشارات القدام صاحب اللوري قال ليهو ما شغاله.....
قال ليهوا طيب شغل الوراء قال ليهوا ما شغاله ....بعدين اعمل العايز تعملو بس بي سرعه الراجل فوق ده عايز اموت هي مخالفه ولا قطع رقبه....
خالي قال ليهو طيب جرب خطرات الفرامل قاليهوا ما شغاله....
طيب تعال معاي سايقو بعيد من اللوري....
سواق اللوري زهج من خالي اصدقاء الشرطه قعد اكورك يا جماعه حلوني من الزول ده ....
خالي قال ليهو والله الليلة تكورك للصباح مافي زول احلك مني كان احلك جيبك الكبير ده..............................................
المواطن : والله خالك ده زول ما بفهم الرشوه بشيلوها كدي .
ست الشاي : ايواااااه ، كويس انت كده جيت في القاطر ، كل سنة وأنت طيب ، دق جيبك للراجل الجوه داك خلي امشي ليك امورك بدل تضيع يومك ساكت .
المواطن : اه ، يعني عايزه اديهو رشوه طيب اديها ليهو كيف مع الزحمه دي الزول ده ما بخاف ولا شنو زي اصدقاء الشرطه خالك انا كده فهمت.
اثناء النقاش جاء المراسله لي ست الشاي قال ليها رشيده قالوا ليك اليوم كيف الشاي سكرك حلو ولا مسيخ..
المواطن: بالله .... انتي استاذه رشيده وبدلعوك بي رشوشة طيب ما تقولي من الاول يا رشوشة كده فهمت الموضوع خلاص....
بس سؤال رشوشة ده اسم الدلع ليك انتي و لا اسم الدلع للرشوه
|
Post: #10
Title: Re: اكثر اربعة الناس بتنبذم في السودان:
Author: Hani Arabi Mohamed
Date: 03-01-2013, 09:05 AM
Parent: #9
1- السودان
2- البلد
3- الوطن
4- الجنسية
|
Post: #11
Title: Re: اكثر اربعة الناس بتنبذم في السودان:
Author: درديري كباشي
Date: 03-01-2013, 09:18 AM
Parent: #9
| Quote: بس سؤال رشوشة ده اسم الدلع ليك انتي و لا اسم الدلع للرشوه |
مالو ومالها
والله دا صحي شليق
|
Post: #12
Title: Re: اكثر اربعة الناس بتنبذم في السودان:
Author: عباس الدسيس
Date: 03-02-2013, 08:18 AM
Parent: #11
Quote: نافع دا براهو كوم
الله يجيب يوم شكره نشوف الناس دى بتقدر تشكروا!
جني |
جني سلام يا حبيبنا
أها بالذات الزول الاسمو نافع
عامل فيها أذكي سوداني ودائما بتعامل مع الشعب السوداني زي قطيع الاغنام
ومقولته الشهيرة احنا جينا لقينا ميلون صف في الشارع ((صف - بنزين - رغيف ...الخ)) حسي وينا الصفوف
ما عارف الصفوف اختفت لانو مافي رغيف ...الخ
|
Post: #13
Title: Re: اكثر اربعة الناس بتنبذم في السودان:
Author: عباس الدسيس
Date: 03-02-2013, 11:33 AM
Parent: #12
Quote: 1. البشير..
2. نافع..
3. مأمون حميده..
4. الهندي عز الدين..
عباس أخوي ما تهادونا في الاربعة دي ياخ!
غايتو لو هاودتني ممكن اضيف لي 4 تاني .. والله صحي |
يا باش سلام
لو هاودناك بتكب لينا ناس المؤتمر الوطني كلهم
يا الحبيب وقف عندي الهندي الخاتي ليهو ريشتين في راسو
ابعدنا من مامون حميده قالو خاتي كرسيهو في باب المحكمة
خلينا مع البشير ونافع اصلو ديل جمال شيل كل الذنوب فيهم اشتكو منو وإخلو منو خاصة بشبش موكح بالجنائية
تحياتي يا امين
|
Post: #14
Title: Re: اكثر اربعة الناس بتنبذم في السودان:
Author: نادر النور آدم
Date: 03-02-2013, 12:32 PM
1. هيثم كابو
2. المذيع في برنامج على وين بتاع قناة ام درمان
3. الزول بتاع شريحة سوا البقول نأسف لعدم توفر رصيد كافي
4. اي مذيع بتاع نشرة أخبار
|
Post: #15
Title: Re: اكثر اربعة الناس بتنبذم في السودان:
Author: عباس الدسيس
Date: 03-02-2013, 01:47 PM
Parent: #14
Quote: بوست موفق
المتعافي
عبد الرحمن الخضر
سامية احمد محمد
رجاء خليفة
اسحاق احمد فضل الله
وواصل |
باسط يا حبيبنا اخبارك مشتاقين والله
الفوق كلهم كوم
وزولك الاخير كوم تاني
|
Post: #16
Title: Re: اكثر اربعة الناس بتنبذم في السودان:
Author: عباس الدسيس
Date: 03-02-2013, 02:48 PM
Parent: #15
| Quote: غازي سليمان يادسيس |
بهاء كيفك يا الحبيب
انت الزول ده وين ؟؟؟؟
مرة اقولو عايز اهرب
ومرة تانية نلقاهو لاعب دور معارضة داخل المؤتمر الوطني
ومرة عامل لينا رونالدو الحكومة[
مع خالص تقديري/B]
|
Post: #17
Title: Re: اكثر اربعة الناس بتنبذم في السودان:
Author: على بدرى حاج
Date: 03-02-2013, 03:05 PM
Parent: #16
الطيب مصطفى
اسحاق فضل الله
نافع على نافع
كمال عبيد
|
Post: #18
Title: Re: اكثر اربعة الناس بتنبذم في السودان:
Author: وليد محمد المبارك
Date: 03-02-2013, 03:15 PM
Parent: #17
1. البرير ( صدقوني متصدر القائمة دي بدون منازع )
2. نافع
3. بتاعين المرور
4. عبد الرحيم محمد حسين
|
Post: #19
Title: Re: اكثر اربعة الناس بتنبذم في السودان:
Author: عباس الدسيس
Date: 03-03-2013, 06:51 AM
Parent: #18
Quote: ناس المطار
الموظفات المتعنطسات |
ورافعات اي حاجة ممكن تترتفع
|
حيدر سلام يا وجيه
الاخيره حلوة ............ خاصة البرفعن الحواجب معاها عوجة خشم
تحياتي حيدر
|
