Post: #1 Title: مريخ بنكهة البرنس ... Author: وليد عبد اللطيف Date: 02-28-2013, 07:38 AM Parent: #0
افضل من كل النكهات لا تقولوا لي الشكولاته ولا الفانيليا ولا المانجو نجي نشوف الخمسه دقائق الاولى فقط وهو داخل الملعب يقدل ويتبختر ويفعل بالكره كما يريد اها الخمسه دقائق دي وانا ماسك ليهو عداد الساعه اكثر لاعب كانت الكره معه اكثر لاعب اخرج تمريرات خطره وكان ممكن تغير نتيجة المباراه الان المريخ افضل حال من الفترات السابقة في وسط الملعب باضافة امير كمال الذي يجيد السيطره والتمرير والوقوف السليم نتكلم عن دفاع المريخ بقولو التكرار بعلم الحمار ما ممكن بنفس الطريقة الاولى التي فشلت من احراز هدف وبنفس الطريقة يقفون يتفرجون الى ان يخرجون الكره من داخل الشبكة ودي اسمها ( جيب من جوه ) ..
. عايز اعرف حاجه كمان لو تكرمتوا السبب شنو دائما مدربننا المنظراتية يحاولون الكيل والتقليل للكوكي ودي تعتبر له ثاني مباراه .... سمعت احد المعلقين سيد صالح قال ليه غير فلان وما كان يلعب بفلان وليه تغير تشكيلة المباراه الاولى لان له نظرية تقول البتغلب بيهو العب بيهو ودا انا بشوفو كلام فطيييييير ساااااااااااكت ياجماعة الدوري بالنسبة لي هلال مريخ مجرد اعداد لتنافسات خارجية لان الفارغ كبير جدا في كل شيء واي شيء الذي قدمة الكوكي لفريق اهلة شندي يكفي وتعتبر شهاة له بانه مدرب متطور ويعلم جيدا ماذا يفعل ... دا كمان لو لم فيهو كابتن الديبة ح يطلعوا ليكم ماعندو علاقة بالتدريب ولا الكوره نفسها دي مشكلة المدربين كمان ياجماعة في السودان ناس حتى لبعض لاتحب النجاح والتطور طيب الكره تتطور في بلدنا كييييييف .... . . تعريجه : على قول ابودية البرنس يفقد الهلالاب صوابهم ... لان فعلا الهلال كان اولى بهذه الخمسه دقائق من هيثم مصطفى
رساله الى الكابتن هيثم : هم ضللوك تخلوا عنك سلوك ما حاسبوا راعوا ذكرتك الخونه ظنوه اكتساب وما حاسبوا راعوا يوم الحساب
Post: #2 Title: Re: مريخ بنكهة البرنس ... Author: walid taha Date: 02-28-2013, 07:42 AM Parent: #1
كما عودتنا ذواق :) وليد إزيك ياخ
Post: #3 Title: Re: مريخ بنكهة البرنس ... Author: وليد عبد اللطيف Date: 02-28-2013, 07:53 AM Parent: #2
وليد طه ...
Quote: كما عودتنا ذواق :) وليد إزيك ياخ
تسلم ياحبيب وطبعا كلامي والغرض من فتح البوست بشوف الناس بتهاجم هيثم من غير اي مبرر وبالامس كانوا يصفقون له ونصبوهو البرنس .... لكن بيني وبينك هم لايعرفون طينة هيثم مصطفى شخصية قوية ويحب التحدي دائما حتى مع نفسة . . يا ولي كم اسعدني مرورك ولينا زمن منك ياااااااااااخ دائما سالم وغانم ان شاء الله
Post: #4 Title: Re: مريخ بنكهة البرنس ... Author: محمد بابكر محمد Date: 02-28-2013, 07:57 AM Parent: #2
Quote: يقدل ويتبختر ويفعل بالكره كما يريد
عشان كدا لازم يكون سيدا الاخ وليد سلامات
Post: #5 Title: Re: مريخ بنكهة البرنس ... Author: وليد عبد اللطيف Date: 02-28-2013, 08:07 AM Parent: #4
محمد بابكر ..... سلامات
Quote: عشان كدا لازم يكون سيدا الاخ وليد سلامات
الشي المحيرني ومجننة ناس الهلال زعلانين عشان مشى المريخ قالوا لو كان مشى اي فريق تاني ما مشكله شطبوهو بطريقة مهينه وحتى بعدها عايزين يقرروا اين يذهب هيثم مصطفى بيكاهم السودان حتى اللاعبين داخل الملعب يعرفون امكانياته وشخصيته حتى لو كنت متابع مباراه امس جيدا اي ركنية هو الذي يقوم بتنفيذها وبكل سهوله ودقه حتى حركته داخل الملعب كانت جيده ...
. . محمد بابكر وانت بدر السماء في صفاك يا ( صفوة ) يسعدني مرورك وتسلم من كل شر
Post: #6 Title: Re: مريخ بنكهة البرنس ... Author: أمير محمد ادريس Date: 02-28-2013, 08:20 AM Parent: #5
تحياتي اخي وليد
البرنس هو البرنس وفي المريخ زاد حلاوة يا ولي والكوكي مدرب قدير ومتمكن
Post: #7 Title: Re: مريخ بنكهة البرنس ... Author: abas Date: 02-28-2013, 08:34 AM Parent: #6
ولينا يا حبيب
كيفك ياخ
هيثم عنديكم بقي اسمو اب سفه ياخ
كان برنس وكت كان سيد بلد
شوفو ليه اسم غير اسمنا ده
وشكروه زي ما عاوزين بس بي اسم سموه ليه انتو يا مريخاب
وشوف عيني وتشوف عينك لو الكوكي تم الدوري مدرب للمريخ
من اول فشل ليه بتعرف كلامي ده وتشوف ناس التنظير الجد جد الواحد قاعد في بيتو ولا يحضر المباراه يجي ينظر ليك في المدرب
تحياتنا
بس غير ليه الاسم ده لانو بتاعنا
Post: #14 Title: Re: مريخ بنكهة البرنس ... Author: وليد عبد اللطيف Date: 02-28-2013, 10:12 AM Parent: #7
Quote: ولينا يا حبيب
كيفك ياخ
هيثم عنديكم بقي اسمو اب سفه ياخ
كان برنس وكت كان سيد بلد
شوفو ليه اسم غير اسمنا ده
وشكروه زي ما عاوزين بس بي اسم سموه ليه انتو يا مريخاب
لو كنت انا من اوزع الالقاب لكنت قلت عنه الاسطوره لان شفت هيثم منذ نعومة اظافره الى ان لعب في الهلال واخيرا بالمريخ هيثم دا اسطوره كل الالقاب تتواضع امامه اذا كان قلتوا له سيدا دا لقب صنعه بنفسه لنفسه ويستحقة كثيرون من الهلالا الذين اعرفه يحبون كل خير لهيثم رغم انتقاله الى ندهم المريخ لان ماقدمه للهلال يجب ان يشكر عليه هيثم لايحتاج الى الالقاب بالمناسبة ولا تهزه كل هذه الدسائس التي تنظم حوله لانه اسطوره زي ماقلت ليك وما اي لاعب سبق في السودان تحمل الذي مر ويمر به الى تاريخنا هذا اذا كنت فعلا متابع جيد للرياضة السودانية
Post: #8 Title: Re: مريخ بنكهة البرنس ... Author: محمد البشرى الخضر Date: 02-28-2013, 08:39 AM Parent: #6
هلا يا ولّي عارف أمس تابعت الكورة مخصوص عشان سيدا و انبسطت جدا انو اتألق و انو الوصيفاب بقوا يهتفوا ليه سيدا .. سيدا نفس الوصيفاب ديل الكان مبلغ همهم و أعظم علمهم التقليل منو و شتيمتو و شتيمة والدته و مسمّنه سيبا و المتصابي و قارورة و مالين النت بفيديوهات و صور تسيئ ليه و عاملين مقارنة بينو وبين العجب بل وصلوا مرحلة لو العجب نفسه طلب يعتزل كانوا ح يرفضوا ليه عديل كدا لو سيدا لازال مواصل نشاطه في الهلال نجي للكورة امس لو لاحظت اختفت نغمة المتعة وشنو ما عارف الظهرت بعد كورة الرومان ليه لأنو النسور ما لعب بنفس التحفظ و الخندقة بتاعة الإتحاد و جارى المريخ في اللعب الهجومي لما فريقك يكون مهاجم التسعين دقيقة و حارسك قاعد ضيف ايوة بتشوف الكورة متعة و بتاع لكن لما التيم التاني يشاركك الملعب و كل خمسة ستة دقايق يبادلك الهجوم و يحرز هدف فعلا بتنكشف و يظهر مستوى التيم الحقيقي النسور ليه التحية لعب بطريقة كويسة إلى حد ما ما اتخندق زي ما الناس اتوقعت على حسب فلسفة النقر مع الخرطوم زمان بل هاجم وشارك المريخ و ادى الكورة طعم كويّس و ظهر عيوب المريخ الحقيقية و قوّته في نفس الوقت غلطة النسور ركّزوا على موانزا و أهملوا الباشا و بلّة جابر البرنس بصراحة كدا استفاد من انه كان لاعب حر بدون رقابة لصيقة زي كورة الإتحاد فقدر يطلّع العندو و يبدع لكن يا حليلو لاعب مع طرش ما قادرين يفهموه :)
Post: #9 Title: Re: مريخ بنكهة البرنس ... Author: وليد عبد اللطيف Date: 02-28-2013, 09:07 AM Parent: #8
نهديكم وبجيكم برواقه وللتحليل الفني المنطقي والقيم بتاع ود البشرى عشان نشوف الحاصل كان شنو
. . وفي اشياء لايفعلها سوى هيثم مصطفى في الكره السودانية ...
Post: #10 Title: Re: مريخ بنكهة البرنس ... Author: محمد بابكر محمد Date: 02-28-2013, 09:16 AM Parent: #8
Quote: حتى لو كنت متابع مباراه امس جيدا اي ركنية هو الذي يقوم بتنفيذها وبكل سهوله ودقه حتى حركته داخل الملعب كانت جيده ...
نفس الكلام الكاتبو ياوليد كنت عاوز افتح ليهو بوس اثناء المبارة لانو كابتن هيثم يستحق اكثر من مجرد كلام فى منتديات خصوصاً المشكله الكانت بينو وبين رئيس النادى والمعروفه للسودانيين عموماً ، انا انبسطت شديد ماعشان سجل فى المريخ وبس لكن عشان هو قرر يواصل يلعب ودى حاجة يتخيل لى راجعه لللاعب نفسو ( متين يقرر يعتزل ) وكنت فرحان اكتر بى تالقو ، وكان اكثر حيويه اتمنى للكابتن هيثم التوفيق فى هذا الموسم وان ينجح فى التحدى . سيدا لاعب امكانياتو معروفه ، واكيد وسط المريخ حايحصل فيهو تغيير كبير فى المباريات القادمة
Quote: محمد بابكر وانت بدر السماء في صفاك يا ( صفوة ) يسعدني مرورك وتسلم من كل شر
تسلم يا ملك
Post: #11 Title: Re: مريخ بنكهة البرنس ... Author: عمر الفاروق Date: 02-28-2013, 09:38 AM Parent: #10
عارف يا وليد انا بستغغغرب لي هكذا بوستات..وكأنكم كنتو مشككين في مقدرات البرنس هيثم وكأنكم دخلتو في معمعة هيثم قادر على العطاء دي.. عن نفسي ما شايف أي جدييد في الموضوع ده .. لكن كمان خليني اجيك لي قصة فعل بالكرة كل ما يريد.. الكلام ده ما صاح ..هيثم مرر صاح لكن هيثم لاحظ كل تواجده كان في منطقة الوسط الخلفية ودي حاجة كانت غريبة فعلاً ..بس هيثم ذكي لأنو في المرحلة الحالية هيثم محتاج جداً إنو يلعب كمية كبيييرة من الباصات الصحيحة لي ناس ما بيفهم طريقة لعبهم ولااا بيقدر يتعايش مع إستايلهم وعليه هيثم لو قرر يلعب لي قدام فكتيير من تمريراته كانت ح تكون غلط مش منو هو لأ من المفروض يستلموها وما فاهمين هيثم ..ولاحظ كللل التمريرات الخطيرة اللي مررا هيثم كانت باصات طويلة من منطقة وسط المريخ مش باصات هيثم الحتة حنة ديك.. هيثم برضو لاعب ذكي والكلام ده انا ح أعييدو كتييير..هيثم ممكن يكون اسوأ لاعب في المباراة لكن بي باص واااحد بي الكعب بيطرب الجمهور الحاضر ..وبكل بساطة وطيبة المشجع العطشااان لي هكذا لقطات ممكن يطلع وهو مقتنع إنو هيثم كان نجم المباراة ..وصدقني الحركة دي ح يعملا هيثم كتيير..مش لأنو ما ح يكون في مستواه لأ..لأنو فاهم نفسية المشجع السوداني كويييس..
Post: #25 Title: Re: مريخ بنكهة البرنس ... Author: وليد عبد اللطيف Date: 03-04-2013, 09:07 AM Parent: #11
Quote: هيثم برضو لاعب ذكي والكلام ده انا ح أعييدو كتييير..هيثم ممكن يكون اسوأ لاعب في المباراة لكن بي باص واااحد بي الكعب بيطرب الجمهور الحاضر ..وبكل بساطة وطيبة المشجع العطشااان لي هكذا لقطات ممكن يطلع وهو مقتنع إنو هيثم كان نجم المباراة ..وصدقني الحركة دي ح يعملا هيثم كتيير..مش لأنو ما ح يكون في مستواه لأ..لأنو فاهم نفسية المشجع السوداني كويييس..
عشان كدا ممكن يلعب عشره سنوات تاني الى ان يتغير اسلوب كرة القدم من بطيئه وسلحفائية الى سريعه ..
Post: #13 Title: Re: مريخ بنكهة البرنس ... Author: عباس محمود Date: 02-28-2013, 10:03 AM Parent: #10
الاخ العزيز وليد عبد اللطيف....لك التحية
كلامك بتاع زول حقاني وفاهم كورة كويسة وكلامك يوزن بالدهب ( طبعا انا شفتك ايام الاتحاد بس ما كتير )
ود البشرى ..... ياجميل ياخي طولنا من تحليلاتك الخطيرة دي انت عارف انا مرات بحضر التلحيل في التلفزيون عشان اشوف الناس دي بتقول شنو المكشله بجونا في التلفزيون لاعبي كرة قدم وتحليلهم ضعيف جدا والناس تتخدع بهم لان تعليف فلان هو نفس تعليق فلان وبعد عشرين يوم وبعد سنة هو نفس التعليق الى ان تدخل مصطلحات جديده في كرة القدم لذلك اصبح من السهل البنات عندنا يحللون كرة القدم متناسين بان كرة القدم خلقت للرجال لما بها من عنف واشياء اخرى
Quote: نفس الوصيفاب ديل الكان مبلغ همهم و أعظم علمهم التقليل منو و شتيمتو و شتيمة والدته و مسمّنه سيبا و المتصابي و قارورة و مالين النت بفيديوهات و صور تسيئ ليه و عاملين مقارنة بينو وبين العجب
ديل انا بعتبرهم سبب من اسباب تدهور كرة القدم عارف ليه لان نفس الناس ديل الان يهتفون ( شكرا شكرا يا البرير )
Quote: نجي للكورة امس لو لاحظت اختفت نغمة المتعة وشنو ما عارف الظهرت بعد كورة الرومان ليه لأنو النسور ما لعب بنفس التحفظ و الخندقة بتاعة الإتحاد و جارى المريخ في اللعب الهجومي لما فريقك يكون مهاجم التسعين دقيقة و حارسك قاعد ضيف ايوة بتشوف الكورة متعة و بتاع
وافقك مليون في المائة على هذا التحليل لان في المباراة اذا سلمت نفسك للخصم يعني لعبت في مربعك او بحثت عن زاوية في حلبة الملاكمة لكي تحمي نفسك بها الخصم يفعل بك كما يريد بل يظهر مظهر البطل
Quote: النسور ليه التحية لعب بطريقة كويسة إلى حد ما ما اتخندق زي ما الناس اتوقعت على حسب فلسفة النقر مع الخرطوم زمان بل هاجم وشارك المريخ و ادى الكورة طعم كويّس و ظهر عيوب المريخ الحقيقية و قوّته في نفس الوقت غلطة النسور ركّزوا على موانزا و أهملوا الباشا و بلّة جابر
تعم هذا هو ديدن النقر في كل مبارياته دائما يحب الخندقة ويعتمد على الهجمات المرتده في مثل هذه مباريات لان يعمل جيدا قوة هلال مريخ عارف النسور لعب بكل اريحية وظهر بمستوى جميل وفعلا قدر يكشف الكثير من عيوب المريخ وترك لاعب مثل هيثم مصطفى حر برضو دا ما عمل له حساب النقر لان هيثم زكي ويستطيع ان يحول كل الجمهور الى صف المريخ لكي يكون الاداؤ افضل تخيل الناس لعبت ضاغط مع هيثم وخرج من اجواء المباراه اكيد الحال كان سوف يختلف
Quote: غلطة النسور ركّزوا على موانزا و أهملوا الباشا و بلّة جابر
طبعا انا استعربت جدا لان لاحظت موانزا استسلم للرقابه ولم يستطيع الهروب منها مثل هذه الاشياء تقلل من قيمة المحترف الباشا دا العاجبني فيهو يا ود البشرى كان لاعب مثل منتهي اسكراب او شبه فاشل في نادي المريخ بالله سافر ليبيا ورجع دائما في اداء عالي ومتصاعد والان يعتبر هو كرت الفريق الرابح
Post: #12 Title: Re: مريخ بنكهة البرنس ... Author: وليد عبد اللطيف Date: 02-28-2013, 10:01 AM Parent: #6
امير الناس ... سلامات
Quote:
البرنس هو البرنس وفي المريخ زاد حلاوة يا ولي والكوكي مدرب قدير ومتمكن
الكلام دا ياريت يعرفوه ناس الهلال وحتى ناس المريخ نفسهم كابتن هيثم تعرض لهجمه قوية وحرب نفسيه لايستطيع ان يتحملها اي لاعب غيره وكان الرد في الملعب بالنسبة للكوكي هو مدرب قدير ونتمنى له التوفيق مع فرقة المريخ لان بتوفيقة سوف نستطيع ان نؤهل لاعبي للفريق القومي برضو شايف كابتن ابراهومه ينتقد اداء المريخ مع فرقة هو كان المسؤوال فيها تدريبيا قال شنو المريخ غير منضبط تكتيكيا دا كلام دا طيب انت كل السنوات السابقة كنت بتعمل في شنو موش مفروض التكطتيك دا يكون اسلوب في فرقة المريخ استاندر يلتزم به اي لاعب حتى ولو كان جديد على المريخ مثل ما تعمل الاندية الكبيره تكتيكيا في البارسا ولا اي واحد بس يلاقي فرصة في التلفزوين ويقول كلام بقولو اي واحد ماشي في الشارع لان مافي فق بين تحليل المدرب والمتفرج العادي هذه هي الكره السودانية للان ماشين في السكه الغلط ...
Post: #15 Title: Re: مريخ بنكهة البرنس ... Author: أمير محمد ادريس Date: 02-28-2013, 10:52 AM Parent: #12
مدثر حسن من الفيس بوك كتب ربنا يهديكم من الكوره السودانيه جابت لى الضغط والسكرى تانى نهى نهى نهى
___________________________
ههههههههههههه نعمل شنو لكن يا مدثر دي كورتنا وبنحبها برضو بالرغم من انها بتجيب لينا الضغط والسكري والفشل الكلوي كمان، نسأل الله السلامة يا مدثر أخوي
مبرووووووووووك ايها الصفوة مريخ يسر العين ويفرح القلب صار البرنس هيثم يقدم تابلوهات جميلة يكذب من يقول انه كان يقدم مثل هذا الفن والعطاء ايام كان في الهلال يختلف اداء البرنس مع المريخ يبدع مع التواضع والتجانس مع زملاءه
السلام عليكم غايتو لو سيلان عاطفة ساي وتعصب مشجعين فهيثم مصطفي أحسن لاعب في العالم ويمكن فعلا مقارنتو بكرستيانو رنالدو وسينجح مع المريخ مليون في المية .. أما الكوكي فهو مدرب قدير وشهير وسيقود المريخ للفوز بكأس أفريقيا وما يليه . ولو كلام حار ما بندار لأنو مبني على معطيات وتجارب وقياسات عقلانية فهيثم مصطفي سيفشل مع المريخ حتما ولابد حتي ولو تألق في مباراتين تلاتة مع ناس الاتحاد والنسور وما شابه من فرق لاعبيها نفسهم يتفرجون في هيثم مصطفي .. ههههه كل المعطيات والقياسات مقرونة باستصحاب التجارب تؤكد على أن هيثم مصطفي سيفشل في مشواره الجديد مع المريخ لأن نفسياتو لن تساعده مع كبر سنه في التغلب على الضغوط التى سيواجهها من جهة أنه يريد ان يثبت وجوده ومن جهة أخري مواجهته لجمهوره القديم الذي طالما تغني بإسمه وسينقلب ضده بالتأكيد بعد بيعه للهلال في أول سانحة . أما الكوكي فهو مدرب مغمور لم أسمع به درب فريق كبير من قبل لا في تونس ولا غير تونس وإذا نجح مع أهلي شندي فلأنه وجد فريقا مدعوما بلاعبين مميزين وهو أي الكوكي من وجهة نظري أقل كثير من أحمد الطيب مدرب الأمل السابق الذي صنع فريقا قويا بعد أن بدأ معه من الصفر وقاده إلى المنافسات الأفريقية عن جدارة وإستحقاق . يقيني أنه إذا (أقول إذا) نجح هيثم مصطفي كما يقول البعض فهذا دليل آخر يؤكد على أن الكورة السودانية فاشلة وضربو رمي ساي لا أكتر ولا أقل .. ............. رهاني المستمر على أن: هيثم مصطفي سيفشل مع المريخ والكوكي لن يضيف جديدا والمريخ هذا الموسم لن يكون بأفضل من الموسم السابق .. إتوا ما بتسمعوا الكلام ليي يا اخوانا ..؟ أسمعوا الكلام مرة واحدة بس ..
ويا عمر الفاروق يا حبيب عشان أكون واضح معاك نسيت أقول أنو كلامي الفوق دا عن فشل هيثم مصطفي لا علاقة له بالدافوري بتاع المنافسات المحلية أيا كانت .. المنافسات المحلية دي أنا القدامك دا بنجح فيها .. الكلام دا برضو ينطبق على الكوكي لأنو .. أي مدرب من أية حتة في أية حتة ممكن ينجح بدون عناء مع الهلال والمريخ في منافسات الدافوري والضربو رمي .
بل برنس بنكهة المريخ .. يتعرض للمخاشنة المتعمدة ويتغابى الحكام فيه العرفة القديمة ، وضع لم يعتاده .. والبرنس هادئ لا يخرج عن طوره .. برنس بطعم المريخ!!! البرنس يتم إستبداله يأدب جم وسلوك رياضى رفيع يخرج منفذاً قرار المدرب بدون إعتراض وتشنج وقوارير ... برنس جديد بطعم المريخ! وسيتذوق طعماً أحلى للإنتصارات . وسيكتسب عزيمة التغلب على ظروف تنافس لم يعتادعليها سيخرج أحسن ما عنده .. برنس بطعم المريخ !
مريخ هذا الموسم حسنته تخلص من المدرب الكارثة ريكاردو بغض النظر عن مدى كفاءة وخبرة الكوكى. أما الدفاع فليس هنالك جديد والأخ وليد تلمس العلة فى المريخ دفاعه. الوسط نسبياً أفضل بمشاركة أمير كمال رابطاً ما بين المنطقة الدفاعية والوسط المتقدم والهجوم، وإلى حد يشاركة رمضان العجب صحة تسليم الكرة للبرنس والباشا والهجوم.. ووجود خيارعلاء الدين يوسف وسعيد السعودى. الباشا يلعب بمستوى كرة عالى مقامها باشوى (طبعاً نسبياً مع كرة السودان). هجوم المريخ يحتاج لمزيد من المباريات للحكم عليه وعلى من ترسى عليه تشكيلة المدرب .. وأرى محمد موسى القوى سيجد طريقه إلى جانب كلتشى .. وستكون المفاضلة فى منطقة المناورة والوسط المتقدم بين موانزا وراجى والبرنس ، ليلعب أحدهما بجانب الباشا . إفتقد المريخ للتحضيرات خارج ال 18 للتهديف البعيد لكسر التكتل الدفاعى للخصم وهذا الدور الأنسب له فى التهديف راجى و رمضان العجب، وفيصل العجب. أما البرنس سيكون مفيداً فى أسلوب فتح اللعب بالأطراف، وإذا نجح فى تسريع إيقاع اللعب وفى تطبيق تكتيكات التحضير للقادمين من الخلف للتهديف البعيد. أتمنى أن يقوم الكوكى بإختيار التكتيكات المناسبة والتشكيلة المناسبة، والتبديلات المناسبة أثناء المباراة. فريق المريخ داير شغل من المدرب ووقت لمعرفة إمكانيات اللاعبين وللتطوير .. ولا أرى فيه اليوم ملامح فريق ينافس أفريقياً .. !
أما هتافات سيدا .. سيدا .. فهى ثلاثية الإبادة .. (1) مكايدة للجماعة .. (2) تشجيع خاص لهيثم فى مواجهة التحديات فى مشواره الجديد (وعى الصفوة) .. (3) وإستحسان لعبة أو باص او مجهود إيجابى له [التشجيع العادى والتذوق لمشاهدى الكرة مقروناً بالسببين (1) و (2)] .. والسبب الأول (المكايدة ) شعللوها ناس الشركة الراعية بإختيارهم هيثم نجماً لمباراة النسور ! يا صفوة رفقاً بالجماعة .. ما عارف حيتحملوا كيف فى الأسبوع الرابع إختيار هيثم نجماً للمباراة!
أول شي انا مريخابي على السكين بشجع المريخ 35 سنه أقل شيء هيثم لم يضف أي شي على الإطلاق و لم يقدم أي مستوى و الكوره اللعبها دي سعيد مصطفى بيلعب أحسن منها. لو كان لاعب أي لاعب بمستواهو ده كان غيروهو بين الشوطين. هيثم مصطفى لعاب ما بيختلفوا عليهو اتنين لكن مستواهو قل كتير و ممكن نقول محتاج زمن عشان يخش الفورمه بسبب السن بخلاف كده كورتو ما بتاعت المريخ ولا بتنفع مع المريخ. أسلوب الهلال ما بيشبه المريخ كورة الهلال من زمان ستايل لاتيني عربي تحضير كتير و إستعراض و إعتماد على المهاره الفرديه و كورة المريخ أوروبيه أفريقيه سريعه و مباشره تطوع المهاره لصالح الجماعيه. يعني هسه لو شلتا تشافي هيرنانديز وديته ريـال مدريد حيقولو ليك سوقو معاك ده ما بينفع معانا رغم انه لعاب جداً. انا غايتو شخصياً من ناس مريخنا مريخ العجب و ما داير مريخ بيشبه الهلال ولا داير مريخ بنكهة البرنس و العباره دي ذاتها قومت نفسي.
ياخي شكلك عايز تنتهي مني تقول ايام الاتحاد البحراوي انت ناسي هنا في ناس قاعده بالمرصاد هسه يطلعوني ليك عجوز غابرين ولعبت زمن 26 لاعب في الملعب . . بالله تحياتي للكابتن ربيع
تاني جيت يا وليد عشان تقنعنا بأنو هيثم (برنس السودان الذي لم تلده حواء سودانية أخرى) قادر على العطاء لا ولا ولا يا وليد
اقرأ كلام طلحة ودا وقفل علي كدا
Quote: السلام عليكم غايتو لو سيلان عاطفة ساي وتعصب مشجعين فهيثم مصطفي أحسن لاعب في العالم ويمكن فعلا مقارنتو بكرستيانو رنالدو وسينجح مع المريخ مليون في المية .. أما الكوكي فهو مدرب قدير وشهير وسيقود المريخ للفوز بكأس أفريقيا وما يليه . ولو كلام حار ما بندار لأنو مبني على معطيات وتجارب وقياسات عقلانية فهيثم مصطفي سيفشل مع المريخ حتما ولابد حتي ولو تألق في مباراتين تلاتة مع ناس الاتحاد والنسور وما شابه من فرق لاعبيها نفسهم يتفرجون في هيثم مصطفي .. ههههه كل المعطيات والقياسات مقرونة باستصحاب التجارب تؤكد على أن هيثم مصطفي سيفشل في مشواره الجديد مع المريخ لأن نفسياتو لن تساعده مع كبر سنه في التغلب على الضغوط التى سيواجهها من جهة أنه يريد ان يثبت وجوده ومن جهة أخري مواجهته لجمهوره القديم الذي طالما تغني بإسمه وسينقلب ضده بالتأكيد بعد بيعه للهلال في أول سانحة . أما الكوكي فهو مدرب مغمور لم أسمع به درب فريق كبير من قبل لا في تونس ولا غير تونس وإذا نجح مع أهلي شندي فلأنه وجد فريقا مدعوما بلاعبين مميزين وهو أي الكوكي من وجهة نظري أقل كثير من أحمد الطيب مدرب الأمل السابق الذي صنع فريقا قويا بعد أن بدأ معه من الصفر وقاده إلى المنافسات الأفريقية عن جدارة وإستحقاق . يقيني أنه إذا (أقول إذا) نجح هيثم مصطفي كما يقول البعض فهذا دليل آخر يؤكد على أن الكورة السودانية فاشلة وضربو رمي ساي لا أكتر ولا أقل .. ............. رهاني المستمر على أن: هيثم مصطفي سيفشل مع المريخ والكوكي لن يضيف جديدا والمريخ هذا الموسم لن يكون بأفضل من الموسم السابق .. إتوا ما بتسمعوا الكلام ليي يا اخوانا ..؟ أسمعوا الكلام مرة واحدة بس .
يا الصادق صديق كلامي الفوق دا كابتن وليد قال انطباعي وعشان بكره لي ناس المريخ .. بنفس مفهومو دا ممكن أقول كابتن وليد بكره الديبة الاتوقع إنو ح يطلع الكوكي ما عندو حاجة .. وبكره المعلق سيد صالح القال إنو كلامو فطير .
يا طلحه مشكور على رفع البوست ده أنا كنت بفتش ليهو و ياريت لو كانت قرع دي رجله بايته.
يا كابتن وليد الشي الغلط الرفضوا غارزيتو هو أن يطوع التشكيله و طريقة اللعب ليشرك لاعب واحد و ده العملوا مدرب المريخ.
هيثم من أول كوره للمريخ في الدوري كان هو أقل لاعب أداء رغم كلام الجرايد الفارغ لو مسكتها بالإحصائيات تلقاهو فعلاً ما عمل أي شي مؤثر أقل اللاعبين حركة و أي كوره مشتركه بيفقدها باصاته البينية و الطوليه كلها مقطوعه ولا مجليه رغم كده بعمل ليهو حركه حركتين و باصات قريبه و تابلوهات ما عندها معنى و يجو ناس يقولو هيثم نجم المباراة. المدرب بيشركو هو و علاء الدين ما عارف هل مفروضين عليهو ولا داير يوصلهم للفورمه بالمباريات و دي حاجه غلط لأنها على حساب لاعبين جاهزين و كده خلق مشكله في التيم. هيثم مصطفى هو السبب الأساسي لمستوى المريخ التعبان لأنه عشان يشارك لازم تتغير طريقة اللعب المتعودين عليه اللعيبه و هي اللعب المباشر السريع بالأطراف و ليس النقل البطيء و توصيل الكوره للاعب واحد عشان يهندسها. مفتاح لعب المريخ في المواسم الأخيره هو أحمد الباشا مشاركة هيثم بتطلع الباشا بره اللعب لأنه مجبور يخش السنتر و يساند الدفاع عشان هيثم بيقيف و الباشا خطورته كلها في الأطراف و حرية حركته بدون دور دفاعي. الخلاصه هيثم و علاء نكسه كبيره للمريخ و خلونا نتابع من بعيد لأنه بطننا طمت من يوم تسجيلهم و بنرجع للمريخ لما يمشوا.
Quote: المريخ بنكهة البرنس له طعم القرع يا وليد أخوي .
ههههههههههههه والله يا حبيبي ياطلحه انت زول لذيذ خلاص عارف ياطلحه هيثم دا ان مبسوط ليهو شديد لان المريخ عمل تقييم كبير وكبير جدا لو جينا للجد ولو متابع كلامي هنا انا قلت المريخ لم يسجل هيثم لكي ياتي له بكاس الدوري ولا كاس السودان عارف ليه انت لو ملاحط هيثم خلاص الكبر حصل وما اظن يقدم للمريخ ما قدمه للهلال بعرف انك ماحبيت تسجيل هيثم للمريخ وقلت ح يفشل ياخي الراجل دا لسه يادوب له 3 او اربعه مباريات هو التقييم دا كيف لو جينا للجد بالله ياطلحه افتينا هسه لو المريخ شال الدوري ومعه هيثم تودي وشك وين كمان انت زي ماعارف الناس دي لسه لها مباريات كان للهلال ولا المريخ عشان كدا ياخوي ما تسبق الاحداث وزي ما قلت ليك عشان بلدنا اصلا مافيها كوره هيثم تاني بلعب 5 سنوات اسمع كلامي كوييييييس ياطلحه لان هيثم ليس زي باقي اي اللاعبين الذين ذهبوا من االهلال الى المريخ او العكس ....
Quote: يا الصادق صديق كلامي الفوق دا كابتن وليد قال انطباعي وعشان بكره لي ناس المريخ .. بنفس مفهومو دا ممكن أقول كابتن وليد بكره الديبة الاتوقع إنو ح يطلع الكوكي ما عندو حاجة .. وبكره المعلق سيد صالح القال إنو كلامو فطير .
شايفك ما جبت كمان سيرة على قاقارين لمن قلت له هنا خاف الله يا قاقرين كيف تقول تراوري افضل من سادمبا لاعب عمره 3 مباريات مع الهلال ماقلت ليك انت ياطلحه ما عارف كيف بتبني حاجاتك كلامي عن الديبة في يوم ما هنا نتائجه اثبتت ذلك وسيد صالح برضو النتائج اثبتت ذلك معانديته التي دربها عارف ياطلحه انا كلامي بقولو وما بخاف من شي حتى في ملتقى اللاعبين القدام قلته لهم الناس ماتنقد من اجل النقد فقط وعشان ما بتدونا احساس ما عايزين نجاح بعض . . طله ياخوي انا ما تشتغل بي كتير انت عارف انت من الناس البحبهم هنا في تحليلهم فيما يخص الرياضة حتى ولو اختلفت معاك مرات ومرات ماتزعل عشان ما تجرفك العاطفة لاننا كلنا بشر ...
يا وليد كلامي واضح جدا ما تزوغو يا حبيب .. إتا لما اتكلمت عن الديبة وقاقرين ومنو ومنو كان عشان بتكرهم واللا دا انتقاد ..؟؟؟ لو كان عشان بتكرهم فيبقي حقو تقول الكلام القلتو لي بتاع إني بكره ناس في المريخ لنفسك .. يعني راجع نفسك أول وبعدين أوصي غيرك .. ولو كمان عشان النقد ودا المرجح فيبقي أنا كلامي عن المريخ وهيثم وخلافو عشان النقد ما زي ما اتا قلتا .. البخلي كلامك اتا يكون عشان النقد وأنا كلامي بسبب الكره شنو يا أخوي ؟؟؟؟؟؟؟ والله تحيرو الشيطان ذاتو اتوا . حولاااااااااااا.
Quote: ياخوي انا ما تشتغل بي كتير انت عارف انت من الناس البحبهم هنا في تحليلهم فيما يخص الرياضة حتى ولو اختلفت معاك مرات ومرات ماتزعل عشان ما تجرفك العاطفة لاننا كلنا بشر ...
كلام زي دا ما عندو أية علاقة بالقاعدين نقول فيهو هنا دا.. أنا قاعد اناقش فيك بالكيبورد ومن خلف حجاب لا شلت ليك سيف ولا شتمتك ولا حتي خاطبتك بطريقة لا ترضاها فما عارف قلت كلامك دا لشنو ؟؟؟؟؟؟؟؟ وبعدين بصراحة أعتقد انو الكلام الزي دا بكون أصدق لو كان في القلب مافي الكيبورد فعشان كدا أعفيني منو مع كل الاحترام والتقدير ليك حبيب ..لأنو نحن قاعدين نتناقش للفائدة سواء كان لي واللا ليك واللا للناس البتابعونا وليس نقاش شحصي لا سمح الله .
Quote: يا وليد كلامي واضح جدا ما تزوغو يا حبيب .. إتا لما اتكلمت عن الديبة وقاقرين ومنو ومنو كان عشان بتكرهم واللا دا انتقاد ..؟؟؟ لو كان عشان بتكرهم فيبقي حقو تقول الكلام القلتو لي بتاع إني بكره ناس في المريخ لنفسك .. يعني راجع نفسك أول وبعدين أوصي غيرك .. ولو كمان عشان النقد ودا المرجح فيبقي أنا كلامي عن المريخ وهيثم وخلافو عشان النقد ما زي ما اتا قلتا .. البخلي كلامك اتا يكون عشان النقد وأنا كلامي بسبب الكره شنو يا أخوي ؟؟؟؟؟؟؟ والله تحيرو الشيطان ذاتو اتوا . حولاااااااااااا.
اجييييييييييي يا بحري معقوله ياخ لو انت متابع كلامي هنا فعلا في مستطيل حوش بكري دا كان عرفت راي انا اصلا شنو في الديبة وفي على قاقرين وكتبت عنهم شنو في يوم من الايام وشنو بالنسبة لي بس كلامك غير غير على قول السعودين يا طلحه فرق كبير كبير لعبك ضفاري ضفاري ياخ بعيدن الانسان من تعليقاته المتكرره ومتابعته ممكن تحدد وتكون عنه فكره جيده يعني ما ممكن تمسك تشوت في الكوكي لزول حقق انجاز مع اهلي شندي بكل بساطه تقول تعبان ويطلع صفر بالنسبة ليك والدليل على ذلك قلت وجد فريق جاهز عاد دا كلام ياطلحه هي الكراهية دي إلا يرفعوا ليها الكشافه ولا شنو الانسان دائما في نقدك له ما تنسى له الحاجات الكويسه عشان لمن تجي تنقد النقد ما يكون في غير مكانه اها كمان طلعت هيثم منتهي نسبة لتجارب الاخرين الشفتهم معقول ياخ بالجد انت بتبالغ ومصر كمان واحد في الاتنين معناها اما بتكره هيثم او ما عرفت تقيم مظبوط هيثم والكوكي زي مابتقول ما ممكن تجي ترمي لينا كلام هنا وتمشي لايستوعبه العقل طلحه بقيت ما زي زمااااااان
وليد ... الهجوم غير المبرر على هيثم مصطفى .. شئ لا يقبله أي زول منصف .. هل تركـ هيثم الهلال برضاه .. أم تم اجباره وترصده وملاحقته .. لو كنت مكانه لسلكت نفس مسلكه .. يعني جايين يأدبوه بعد هذه السن .. وبعد كل تاريخه الملئ بالبذل والعطاء .. في الهلال يتم ترصده والتقليل من شأنه .. اجبار اي لاعب على الاعتزال وتركـ الكرة .. دون رضاه شئ مقيت .. ورفضه نجوم سابقين .. كمحمود الخطيب وغيره .. اللاعب هو من يحدد انه اكتفي من اللعب .. وليس الاداره .. لابد أن يصل اللاعب لقناعة بعدم مقدرته على اللعب .. كلنا لعبنا كورة ونعلم حساسية هذه النقطة بالتحديد ..
يا وليد وحوحتك لى بحري واللا بوركينا فاسو دي خليني منها ربنا يهدينا ويهديك لكن طالما جابت ليها وحوحة على بحري وإصرار على كلامك فيني القاطعو من رأسك فممكن أقول ليك بعد كدا الكلام الما كتا عايز أقولو ليك خوفا من احراجك يا حبيب.. إتا عندك انانية وفوقية عالية بتستعملا بطريقة خبيثة جدا لأنك بتعتقد إنك عارف أية حاجة في الكورة لمجرد إنك كتا لاعب والحقيقة يا وليد أخوي غير كدا خالص حسب متابعتي ليك هنا في النقاش.. يا وليد كونك لعبت كورة دا شىء وكونك تكون عارف أدوات النقد والتحليل للكورة دا شىء براهو بصراحة ما عندك ليهو مقدرات .. اللهم إلا تتمها غلاط وانطباعات شخصية.. ولما تعدم حيلة في النقاش بمنطقية طوالي ترمي ليك درابة درابتين من انطباعاتك الشخصية عن الزول البناقش فيك نفسو .. زي ما عملت قبل كدا مع عمر الفاروق وهسع معاي أنا .. بس الكلام دا ما بمش في أي زول يا حبيب. وعشان بس ما تتضايق يا خوي فعايز أقول ليك ما بالضرورة أي زول لعب كورة لازم يكون عارف ينقد ويحلل .. دا عادي جدا وموجود منو نماذج ما تديك الدرب .. لكن الماعادي انك تحاول تتمها بالغلاط والشخصنة .
Quote: يا وليد وحوحتك لى بحري واللا بوركينا فاسو دي خليني منها ربنا يهدينا ويهديك لكن طالما جابت ليها وحوحة على بحري وإصرار على كلامك فيني القاطعو من رأسك فممكن أقول ليك بعد كدا الكلام الما كتا عايز أقولو ليك خوفا من احراجك يا حبيب.. إتا عندك انانية وفوقية عالية بتستعملا بطريقة خبيثة جدا لأنك بتعتقد إنك عارف أية حاجة في الكورة لمجرد إنك كتا لاعب والحقيقة يا وليد أخوي غير كدا خالص حسب متابعتي ليك هنا في النقاش.. يا وليد كونك لعبت كورة دا شىء وكونك تكون عارف أدوات النقد والتحليل للكورة دا شىء براهو بصراحة ما عندك ليهو مقدرات .. اللهم إلا تتمها غلاط وانطباعات شخصية.. ولما تعدم حيلة في النقاش بمنطقية طوالي ترمي ليك درابة درابتين من انطباعاتك الشخصية عن الزول البناقش فيك نفسو .. زي ما عملت قبل كدا مع عمر الفاروق وهسع معاي أنا .. بس الكلام دا ما بمش في أي زول يا حبيب. وعشان بس ما تتضايق يا خوي فعايز أقول ليك ما بالضرورة أي زول لعب كورة لازم يكون عارف ينقد ويحلل .. دا عادي جدا وموجود منو نماذج ما تديك الدرب .. لكن الماعادي انك تحاول تتمها بالغلاط والشخصنة .
Quote: يا وليد وحوحتك لى بحري واللا بوركينا فاسو دي خليني منها ربنا يهدينا ويهديك لكن طالما جابت ليها وحوحة على بحري وإصرار على كلامك فيني القاطعو من رأسك فممكن أقول ليك بعد كدا الكلام الما كتا عايز أقولو ليك خوفا من احراجك يا حبيب.. إتا عندك انانية وفوقية عالية بتستعملا بطريقة خبيثة جدا لأنك بتعتقد إنك عارف أية حاجة في الكورة لمجرد إنك كتا لاعب والحقيقة يا وليد أخوي غير كدا خالص حسب متابعتي ليك هنا في النقاش.. يا وليد كونك لعبت كورة دا شىء وكونك تكون عارف أدوات النقد والتحليل للكورة دا شىء براهو بصراحة ما عندك ليهو مقدرات .. اللهم إلا تتمها غلاط وانطباعات شخصية.. ولما تعدم حيلة في النقاش بمنطقية طوالي ترمي ليك درابة درابتين من انطباعاتك الشخصية عن الزول البناقش فيك نفسو .. زي ما عملت قبل كدا مع عمر الفاروق وهسع معاي أنا .. بس الكلام دا ما بمش في أي زول يا حبيب. وعشان بس ما تتضايق يا خوي فعايز أقول ليك ما بالضرورة أي زول لعب كورة لازم يكون عارف ينقد ويحلل .. دا عادي جدا وموجود منو نماذج ما تديك الدرب .. لكن الماعادي انك تحاول تتمها بالغلاط والشخصنة .
. . شكرا جزيلا ما عدمناك استاذ طلحه وزي ماقلت ليك في البوست بتاعك هنا ك مهما تقول سوف تجد ني اكن لك كل الاحترام والتقدير
وأنا برضو يا وليد أبادلك إلا كان شايف الكلام الاقتبستو فوق دا ما فيهو احترام .. ولو شايف فيهو حاجة اعتبرو رد على كلامك لي باني زول انطباعي وبتاع غلاط وبكره ناس المريخ . وتجدني برضو أبادلك نفس شعورك يا حبيب .
يا كابتن ياخي الاتحاد الدولي فرض على كل الدول العمل بنظام الاحتراف ... يعني اي لاعب يلعب في هذه الاندية يكون محترف
محترف دي معناها الالتزام الكامل بتنفيذ لوائح النادي المنتمي ليهو .. ليك حقوق وعليك واجبات لفترة معينة يحكمها تعاقد .. (( مافي اسم لاعب او نادي ))
يعني هيثم يلعب للمريخ او الهلال الالتزام والولاء للنادي البلعب ليهو مفترض تكون المسألة عادية .. لالالالازم الجمهور السوداني يفهم المعنى ده ... احترااااااااااااااااف ((( وين ثقافة الجمهور )))
وعندنا مثال .. كرستيانو لاعب ريال مدريد الاسبوع الماضي ساهم في هزيمة مانشستريونايتد مع العلم .. كرستيانو اشتهر في نادي مانشستر ... وبعد نهاية المباراة وجد تحية من جمهور المان .. ويييييييييييييييييييين نحن من الفهم ده ؟؟؟؟
خلونا من هيثم ... نحن نتمنى تطوير كرة القدم السودانية بمساهمات من كباتن امثالك لهم الفهم الكروي والتقافة الكروية الكبيرة ..
