Post: #1 Title: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-26-2013, 08:54 PM Parent: #0
الخرطوم اليوم سخنت فجأة كدة ـ حتي أحسسنا أننا إنتقلنا للجحيم دون مقدمات ، للأمانة لم يكن الفارق كبيراً ومن حسن حظ القوم السودانيين أنهم تمرنوا وتمرسوا العيش في كافة الظروف .
كانت الشمس أقرب من حبل الوريد يازول سخانة مبالغة ولعت الخرطوم ، صحف البلاد كانت كذلك مولعة هذا الصباح الخرطومي البائس . إذ جاء في الأخبار :
(!) وزير المالية يصرح بأنو ما حيخلو أي زول سرق قرش من قروش الدولة . (!!) وزير العدل لدينا ملفات اربعين (حرامي) وما بين القوسين من عندي (!!!) الانتباهة والرأي العام حتوها قرض مع الحزب الشيوعي السوداني وضيف الشرف أخونا في الله صلاح البندر .
من حسن حظي إنني ابتسم .... ابتسم كيلا وكيلا وكيلا .... يا رجل ماذا نفعل ؟
دوماً أجدهم ... أجد من يعوضون كآبتي وسأمي ... أجد من يجملون هذا السودان بكل خيباته ونكباته وأحزانه المميتة .
في المساء مشيت محل الحلاق .... دايما بمشي لي (بوب) صحبي وهو بالمناسبة من أمهر الحلاقين إضافة لأنه يحمل درجة الماستر في التسويق لكنها البلاد يا بوب مافي شغلانات يا صحبي .
(بوب) لقيتو مافي ولقيت (خالد) اتونسنا وسألتو عن بوب وفي النهاية قلت ليهو ياخ طالما هو ما حيجي أحلق لي انت يا خالد .
لمحت صورة في ورق A1 كان الحوت بذات ابتسامته وذات وسامته متمدداً في الصالون ..... استغربت للصورة خالص اذ اني لم اجد توقيعاً سألت خالد ..... ياخ الصورة دي رسمة ولا صورة ولا شنو بالضبط ؟ أجابني وتسبقه ابتسامته : ده الحوت ياخ أي عرفتو لكن دي صورة ولا رسمة ولا شنو ؟ دي رسمة ياخ
الزول الرسم الحوت ده ليه ما خاتي توقيعو ياخالد ؟ رسمتو انا وما ختيت توقيعك لي شنو ؟ انا ما بحب اخت توقيعي في اللوحات ثم أضاف : الحاجات البختو فيها التواقيع دي حاجات رسمية ياخضر والحوت ده زول شعبي خالص
شكراً خالد علمتني درساً جديداً يا صاحبي .
ـــــــــ ملحوظة ما لم ولن أقرأه في صحف البلاد اعتقال صديقي برنابا تيم ساوث أطلقو سراح القس برنابا
Post: #2 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-26-2013, 08:56 PM Parent: #1
في المساء عرفت انو برنابا صحبي رهن الإعتقال يا للإعتقال
Post: #3 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-26-2013, 09:13 PM Parent: #2
حتي يا صلاح حتي لم يبق من همومنا الوطنية سوي انتظار حل الحزب الشيوعي السوداني من جديد أقول حتي يا دكتور .... والعاقبة عندكم في الانتباهات
Post: #6 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-27-2013, 11:14 AM Parent: #5
شكراً لمرورك ود سلفاب
ـــــ
أخونا الحبشي وين الحي بيك ما ناسيك يازول
Post: #7 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-27-2013, 03:27 PM Parent: #6
أكتب يا خضر .. عنهم ولهم وما بهم .
Post: #8 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:26 AM Parent: #7
باخ يا صحبي والله يا باخ الشوق بحر يعلم الله المواضيع جاطت بي جاي خالص يا صديقي وربك يقدم الخير
تحياتي لنجولة والأولاد
Post: #9 Title: Re: صلاح البندر ... الخرطوم .... الحوت ... الخرطوم هذا المساء ...! Author: فيصل محمد خليل Date: 02-28-2013, 10:52 AM Parent: #8
خضر حسين خليل الكاتب المميز
Post: #10 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 06:12 PM Parent: #9
يا خدروف
الوصية قالوا أمانة وكده فشنو أخونا بكري بشير
طبيب من جهة الابيض ويعمل الان في ماما أفريقيا
متجولاً بين الصومال وكينيا ومرات كده بمرقها في
قارة تانية ... عموما قال لك : أنت كتاب كتاب كتاب
والبوست دا قال ليك قعدني في الواطة ... اذا ربك قدر
بلاقيك بيهو في الخراتيم
Post: #11 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 08:39 PM Parent: #10
فيصل محمد خليل تحياتي يا رجل
لا ونسة هالأيام سوي صلاح البندر والتفكير (في زمن التكفير) وغايتو ها نحن نمضي يا صاحبي مودتي الأكيدة
Post: #12 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 08:46 PM Parent: #11
وددت يا باخ يا صحبي لو كنت وبكري معي الآن في هذه اللحظة الخرطومية الفاصلة ، هجد الأنام يا باخ بس في فنان عامل كيف كيف يغني : أنا ليكم بقول كلام تصور بغني الكلام ده في عرس ؟ ألم أقل لك مرة أن الجلالات ستتبعنا الي داخل غرف نومنا ـ هاهو عريس بحينا يزف كأجمل ما يكون الجندي لحتفه وما فرقت يا صديقي فالحياة في دولتنا هذه عبارة عن معركة كبيرة . وددت ياخ لو كاويتك هسي بالمهاجم الجديد الأسمو تراوري الجابو الهلال ... ود لعاب وتحس بيهو زميل زميل يا بخاري هههههه تصور المحلات الجمبنا ديك كلها بقت مطاعم إكتشفت بمحض الصدفة أيضاً انو البلد دي عبارة عن مأكلة كبيرة . تأكل وتقش خشمك وحمد الريح يغني وصوني يا حليلو الوصية . باللاهي لو صاح قول عوووك باقي الكاتمو في (جواي كتير متوسد الجوف والعصب) وتحياتي للطبيب الإنسان بكري وقول ليهو كان حيين بنتلاقي وموفق دوماً ياخ .
Post: #13 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 09:22 PM Parent: #12
Quote: أنا ليكم بقول كلام تصور بغني الكلام ده في عرس
والنسابة يا خضر ساكتين ؟ الكلام والتحدي دا موش موجه ليهم بشكل شخصي ؟
الهلال ياخي انتهي منه الاستقطاب الشديد واهو سيدا ازدان بالفلنة الحمراء ...
نوم مافي بارحني منذ ان بارحتكم ، اخبار الكندو شنو في الزحمة دي ؟ شايفه
اتشنج مرة مع صاحبك بتاع الكمبوترات الما وصلت وأنا قلت خضر بكون كلمه بيها .
Post: #15 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 09:30 PM Parent: #13
الإستقطاب يا صحبي انتهي من البلد كلها خليك من الهلال ـ ضحكت والله وأنا بقرأ موضوع الكمبيوترات والله وكستنا الصحي صحي يا زميل في المثقفين الثوريين وفي الناس بتوعين الموقف الطبقي ديل ـ ياخ كارل ماركس زاتو بكون متمحن في قبروا من أفاعيل الناس ديل . الكندو لا زال يضغط الكف بالكف عموماً في راسو في مشاريع كتيرة خالص خالص بس كما تعلم البلد ضيقة خالص خالص (أضيق من سم الخياط) أو أضيق من قد الإبرة . انا بالمناسبة مستغرب في قدة الإبرة الما قدرت تتطور تاريخياً دي .
Quote: الخرطوم اليوم سخنت فجأة كدة ـ حتي أحسسنا أننا إنتقلنا للجحيم دون مقدمات ، للأمانة لم يكن الفارق كبيراً ومن حسن حظ القوم السودانيين أنهم تمرنوا وتمرسوا العيش في كافة الظروف .
مافي مفاجأة في السخانة يا خدر ناس الخرتوم الحارة ديل اهلي
-------
ازيك ياخي
ياخي السودان بلد لزيز عديل كدا
بلد ماشة ساااااي .. عايرة عديييل كدي
الدكتور الاستراتيجي والخبير الدولي، يفكا فيهم انو اليهود بدفعوا قروشم لحملات تنصير اولاد المسلمين السودانيين بالذات .. دا كلام دا عاد!؟ بل تبشيرم بالالحاد ذاتو .. وفرع الحزب في البلد ديك بطل شغلتو وبقى ما قاعد يتعلم من الجماهير ولا حاجة، بس يعلم فيها الكفر وجرائد البلد الغافلة ديك في انتباهة عجيبة -فجأة- كدا التقطت الضلف دا، وانتبهت لمهمتها التاريخية لحماية بيضة الدين من اليهود الملحدين! والله حيرونا في كنكوجنا الخسرانين عليو دا!!
يازول العصفورة جابتو: قالوا الزميل السكرتير السياسي في لندن طلع تكليف لكل الزملاء بفرع لندن يصحوا من دغش فاطنة علي ابوها محمد، ويرددوا الراتب الماركسي على الريق: لا إله .. لا إله .. لا إله (ثلاثاً) .. والحياة مادة!
Post: #16 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 09:35 PM Parent: #14
وقيل كاااااااك يا قيقراوي عجبوني والله رفاق لندن وهم برددو لا اله الا الله بعد الحملة الصليبية بتاعت أخونا في الله البندر لا وقال شنو ياقيقا البندر في معرض حديثه لصحيفة السوداني قال فيما معناه : لقد كتبت هذا الكلام في سودانيز اونلاين ثم واصل سيادته مستغرباً انتو ياناس السودان ما قاعدين تخشوا المنبر ولا شنو ؟ ههههههههههه صحافة قال ليك ياقيقراوي
ـ يازول مشتاقين والله وفاقدينك يارجل تعال اجازة عشان تآمن وتعرف أن الله حق
Post: #17 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 09:37 PM Parent: #16
كدت أنسي يا باخ أمس أنا وهمولا ووليد اسماعيل كان عندنا مؤتمر صحفي قطعناهو من راسنا ثم مافيش حد أحسن من حد ياخ
يازول مشتاقين والله وفاقدينك يارجل تعال اجازة عشان تآمن وتعرف أن الله حق
وين يا عمك انا تاني اجازتي لندن بس المافي شنو!؟
البمشوا النار ديلاك الكفار يا اخوي!
سمعت نكتة الامريكي والانقليزي والسوداني (يبدو لي انو زميل كان ما اخاف الكضب، حسب الرواية)
---------
سؤال الخبير الاستراتيجي الفلسفي العميق .. او قول تسآلو التعسفي في السوداني، قريتو يا خدر
وبقيت اكرر في سري : الله في .. الله في .. الله في
هو لي رقبتو دي قاعد يقرأ سودانيز اون لاين، ول بجي يلخ فيها ساي .. كما يتفق!؟ ياخ بكري دا ما شكا لطوب الارض عدييييل كدا من موضوع الحجب دا!؟ المسكين صوتو بح عديييل كدا وهو بسعى لتوصيل صوت من لا صوت لهو دا
الله في يازول
Post: #18 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 09:45 PM Parent: #16
تصدق اليوم المدرسي ببدأ من الفجاج وبنتهي بغروب الشمس والبقروهو في الابتدائي وحاتك شفناها في
الجامعة .. عموما ابعدوا من نوعية القلتهم أنت بتوع النظريات وادفروا صوب الشارع فالزول لو جيعان
ما ممطلوب منه ذاته يفكر كدي اولا يشبع وبعدين بقدر يعرف تصنيفه الطبقي وحتمية الصراع والحاجات دي .
الكندو قول ليهو رأسك دا بطرشق من مباراة راشد .
Post: #20 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 09:57 PM Parent: #18
أمس مشينا طه بعشر أنا ومعتز لزيارة صديق عزيز ..... شغالين معاه دكاترة طه بعشر بصدق عشان يساعدوه في قصة الإنسحاب الكحولي المهم حكي لي معتز حكاية مبالغة وأخوك مضطر لا بطل حأحكيها ليك عشان تشيف براك أنحنا الحصل لينا ده ما من فراغ :
قال ليك والعدة لمعتز انو مشي مرة بيت زول صحبي نواحي بحري المهم في الشارع لقي ود عم الزول الصاحبو ده ودار بينهما الحوار الآتي : ازيك يا معتز ياخ أهلين يا يا فلان انت شكلك جاي تطشم معانا لا والله انا خليت البتاع ده (معتز) طيب ياخ ما معاك قروش تدعم بيها أخوك ؟ والله ما معاي (معتز)
المهم معتز قال إتفاجأ انو الزول ده طلع (حمامة) من جيبو وقال ليهو : والله انا من الصباح مشرك للحمامة دي ماشي ابيعها وأجيب بيها نص وفول ورغيف
ثم مشي متأبطاً حمامته
ـــــ أنا طبعاً الضحكني انو معتز قال : قدر ما اقنعت الزول ده انو الحمامة دي ما بتجيب ده كلو ابي يقتنع ليهو يا بخاري
حمامة دي ولا ميتين دولار اصلو ياخ
Post: #22 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:02 PM Parent: #20
يا قيقراوي ياخ والله انت زول لماح ..... قلت لي صحبك بكري يشكي لي طوب الواطة والخبير الاستراتيجي ما ينتبه ههههههههه معادلات صعبة ياخ المهم انت لو قريت قصة الزول الباع الحمامة يمكن تلقي تصريف لي قصة الحجب دي الناس هنا بقي يحجبو الحمام تقول لي سودانيز
أحجب ـ أطبع ـ وزع هاك الخبير الاستراتيجي ده
Post: #21 Title: Re: صلاح البندر ... الخرطوم .... الحوت ... الخرطوم هذا المساء ...! Author: البدري عبد الله Date: 02-28-2013, 09:59 PM Parent: #18
السلام عليكم ورحمة الله
يا خضر الناشط مشتاقين وكفى ! . . . بي مناسبة السخانة اليومين ديل ..ان شاء الله بقيتوا تشتروا تلج لي موية دكانكم الحارة ديك ؟ ياخ انا اول مرة اشوف لي حافظة مياه مختوتة ديكور ..الم تعلم ايها الناشط ان تلك الحافظة التي رماها حظها العاثر في جب متجركم العامر قد انّت وشكت الى طوب الارض وقطع الغيار من قلة ورود المدعو الثلج الى احضانها ..
. . ياخ الحبشي اصلو ما خاطي عليك
Post: #23 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:07 PM Parent: #21
البدري أخونا البلجيكي السلامو عليكوم ياخ
هههههههههه والله يا باخ وقيقا أنا عمري ده كلو ماشفت زول من المهجر برسل لي ناس في الخرطوم شكولاتة سوي اخونا البدري ده الزول ده أكبر مخستك الله خلقو في الاسافير رسل لينا انا وحسبو شكولاتة الغريبة حسبو غنج بيها كلها وشبكني اعتذارت
يا البدري الحبشي ما غلط علي الانسان ده عيان كافي البلا وهذا للعلم عيان عديل وربنا يواليهو بالصحة والعافية مشتاقين ياخ
أنا طبعاً الضحكني انو معتز قال : قدر ما اقنعت الزول ده انو الحمامة دي ما بتجيب ده كلو ابي يقتنع ليهو يا بخاري
حمامة دي ولا ميتين دولار اصلو ياخ
الدنيا حظوظ ياخي
ناس تغوص عمق البحار، لا تلقى لؤلؤ لا صدف .. ؤ ناس بررررررة في رمل الشواطئ، تلقى اللآلئ بالصدف!
قصة حمامة الطيار دي، بتذكرني قصة جدادتي .. التجارة فيها الربح والخسارة كمان .. دا فيما يخص التجارة عموم القانون العام دا تم اختبارو في معامل الواقع .. لكن تجارة الروح دي فيها الخسارة والخسارة بس مرة -وما كان عندي اي نوايا شرير*- اشتريت لي جدادة بكل الجنيهين الحيلتي. .. ؤاتكاملت بيها عمك حسن جداد ("حسن كاك“ في رواية مجيدة) الوكيل الحصري لتجارة الجداد في كوستي .. جملة ومفرق عمك عصر ليك الجداد من سدرا كدا، ورجعا لي قنعااااان .. ويهو يردد باستغناء وصلف برجوازي عجيب: جدادتك دي ناشفة يا اخوي !
ناشفة كيف يعني ..سجارة هي!؟
يازول حمامة ما بتجيب دا كلو .. ياخي جدادتي الناشفة هذه ما جابت الا جنيه واااااحد .. وبالقديم ذاتو!!!
-------
* دا كان كود (المنكر) لجماعة (التفكير والهجرة) في زمن الجاهلية
Post: #24 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 02-28-2013, 10:10 PM Parent: #21
Quote: ود لعاب وتحس بيهو زميل زميل يا بخاري
ممكن اسألك سؤال جنسي يا خدر ؟!.
Post: #25 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:12 PM Parent: #24
جداً يا دكتور ياخ انت سيد بيت ياخ
Post: #26 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 02-28-2013, 10:13 PM Parent: #25
جنس البيعمل فوقو البندر ده شنو ؟!
Post: #27 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:17 PM Parent: #26
أعفيني من هذي البلاد الزهللة
ـــــــ عاطف خيري يا زميل
Post: #28 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 10:27 PM Parent: #26
Quote: أنا طبعاً الضحكني انو معتز قال : قدر ما اقنعت الزول ده انو الحمامة دي ما بتجيب ده كلو ابي يقتنع ليهو يا بخاري
زمان يا خدر كنا في البركس اتخيل لي كنت في تالتة ، عموما قلت لزول صاحبي ياخي أنا هدومي دي كل يوم ناقصة والله بقيت علي بنطلونين
أظن ، صاحبك ضحك قال لي : من تمغرب شابكني جبت القنقنر جبت القنقنر ؟ انت قايل اني عندي كمبو .. ما ياهو البنطلون بجيب قزازة
والقميص للعشاء ...
Post: #29 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 02-28-2013, 10:32 PM Parent: #28
Quote: والله بقيت علي بنطلونين
ماهو يا صاحبك عمل ليهو كمبو ذ.ذ.م يا تبت .. ياالبنطلونين اتلحسوا !!
Post: #31 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 10:38 PM Parent: #29
Quote: ماهو يا صاحبك عمل ليهو كمبو ذ.ذ.م يا تبت .. ياالبنطلونين اتلحسوا !!
يا حيدر الصاحب دا للان عنده مقدرات غريبة في التصرف بعد الملابس اقنع بائعة القنقنر انها تستلم مننا كبابي فاضية
مقابل القنقنر
Post: #32 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:39 PM Parent: #29
من الواضح وبعد اطلاعي علي ما جاء في ردي قيقراوي وباخ انو مسألة التجارة العضوية دي يا مشرف أخوي متأصلة ومتجذرة كما جاء في البيان الشيوعي (فرع السودان)
شئ حمام وشي جداد ناشف وشئ بناطلين وقمصان وغايتو
Post: #33 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 10:41 PM Parent: #32
ثمة سؤال يا باخ
انتو في المسألة دي من زمن الناس بشيلو الكبابي البيت ؟ والله من وراء القصد
أظن ، صاحبك ضحك قال لي : من تمغرب شابكني جبت القنقنر جبت القنقنر ؟ انت قايل اني عندي كمبو .. ما ياهو البنطلون بجيب قزازة والقميص للعشاء
ذكرتني "علي حمودي“ يا باخ ياخ
مرة عزمنا شاي بي لبن في البركس، انا كنت قايلو مجيتو من السفرة ول الكافتيريا ( حلال يعني بفقه الطلبة كما اجمع عليه السلف الصالح) .. لكن اكتشفنا اننا شربنا حرام .. حيث انه تأكد لنا -شرعياً- ؤ بالدليل القاااطع انو لبن حرام سخت .. لانو طلع مجيتو من المصدر مباشرتن .. من الغنماية اتسلف!! طلع حلب ليك غنم ناس بري وما جاورها اللافة في البركس على حل شعرها
--------
ازيك يا باخ كيفكم وكيف كيفكم مشتاقين والله
Post: #35 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 11:01 PM Parent: #34
Quote: انتو في المسألة دي من زمن الناس بشيلو الكبابي البيت ؟
بيت شنو يا قريبي ؟
تجيب كبايتين يدوك نص في كيس ... اربعة كبابي قزازة وبرضو في كيس بلاستيك
Post: #36 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 02-28-2013, 11:05 PM Parent: #35
Quote: ازيك يا باخ كيفكم وكيف كيفكم مشتاقين والله
يا قيقا ياخي الشوق دا اتخيل لي ادونا ليهو برانا ومعاه الشقاوة *
كبفك ... غايتو الحمد لله الزول ، أنا يعني عندي مشكلة مع اللاكتوز
من دخلت الجامعة وما قربت من الشاي باللبن ...
___________________________________________
* لما قسم للشقاواة ادها للناس البريدوا
Post: #37 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 02-28-2013, 11:25 PM Parent: #36
عموما أنا ماشي أنوم يا شباب ونتلاقي الخميس الجاي كان الله أدانا عمر
جابت ليها كمان فرية يا باخ ملاسي ده بالليل بنزل عليهو الوحي ولا شنو ولا شنو ؟
Post: #38 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 03-01-2013, 00:56 AM Parent: #37
كبابى فاضية .. قمصان .. بناطلين .. ياهو ده راس المال يا باخ ؟!! أها قول اشتريتو من الحاجه قيمة العمل .. قيقراوى ده دفع شنو للغنم القاصية ؟!!
Post: #39 Title: Re: صلاح البندر ... الخرطوم .... الحوت ... الخرطوم هذا المساء ...! Author: قيقراوي Date: 03-01-2013, 01:03 AM Parent: #38
Quote: كبابى فاضية .. قمصان .. بناطلين .. ياهو ده راس المال يا باخ ؟!! أها قول اشتريتو من الحاجه قيمة العمل .. قيقراوى ده دفع شنو للغنم القاصية ؟!!
ما هو دا وجه الحرمة في الشغلة يا مشرف .. رغم انو المشروب لبن والمنكر بي علاقات الانتاج والتبادل الحفظتا حكمة السودانيين الاثيرة (خميسك لو تبيع قميصك) ببقى حلال
شفت التناقض دا كيف؟
-------
حدثني من لا اشك في صدق حديثه،عن طيار خطير .. بحب الخمر لدرجة انو ما شايف احسن منها في الدنيا دي، انه قال: مسكينة ستي العرقي، نديها (قروش) وهي تدينا العرقي .. عشان تشتري بيها شنو!؟
Post: #40 Title: Re: صلاح البندر ... الخرطوم .... الحوت ... الخرطوم هذا المساء ...! Author: معاوية الزبير Date: 03-01-2013, 04:11 AM Parent: #39
ثلاثة من الزملاء خفيفو الظل ثقيلو الهم كلٌ في عاصمة تنادوا ليل خميس ليؤانسوا زميلا رابعا بلا عاصمة تقريبا (فقط حضور كثيف للحر والبندر وغياب فاضح للحوت) تبادلوا في رباعية نادرة، بسيطة وعميقة: ون-تو-ثري-فور ثم انصرفوا إلى شئونهم موقنين بأن النصر آت بلا ريب أمتعتونا يا زملاء ننتظركم الخميس الجاي -كان الله حيانا- ومعانا القمصان والكبابي احتياطي المافي شنو ------------------ خضر، على الوعد بخاري، الله المستعان يا زول المشرف، قريب ح نتلاقى، أزمة وعدت قيقا، نتمنى نشوفك في الدوحة ياخ -وما بتندم-
Post: #41 Title: Re: صلاح البندر ... الخرطوم .... الحوت ... الخرطوم هذا المساء ...! Author: عادل عبد الرحمن حسن Date: 03-01-2013, 04:58 AM Parent: #40
يا إخوانا الفوق الخميس ما جاء انا منتظر ما جيتو مالكم ....
Post: #51 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:53 PM Parent: #41
يا عادل ازيك ياخ الخميس ده الناس بأجزوا ليهو عديل الخميس الجاي قرب يا مان لا تستعجل وكن بخير
Post: #42 Title: Re: صلاح البندر ... الخرطوم .... الحوت ... الخرطوم هذا المساء ...! Author: قيقراوي Date: 03-01-2013, 11:46 AM Parent: #40
Quote:
قيقا، نتمنى نشوفك في الدوحة ياخ -وما بتندم-
ابداً وحاتك عمري ما شلت الندم . ول هي الكلمة القبل الندم دي هي شنو؟
قبل امس كانت موضوع مسامرة اثيرية مع صديقة الحتة دي بالتحديد .. واختلف المفسرون والروايات الصوتية خصوصاً وانو البيت ببدأ بي (ندمان انا)
----------
الدوحة الشهدت رحيل صوت المغني .. حزين .. وباريس، ولندن بتاعة الكفار دي من العواصم المتمني ازورها بالجد ... مستبد بي شوق ليها من زمن
تسلم يا صديقي ... وابداً وحاتك مابينا "ندم“ الا كان غنا ساي غايتو!
Post: #43 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-01-2013, 11:59 AM Parent: #42
نيابة عن الهتراشة ديل اود أن ارسل عاطر التحايا لجماعة الفيس بوك
Post: #45 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:32 PM Parent: #44
أنا انيقنت من تالاك لا آسف ولا محزون على العمر القضيتو معاك براي باقي الدرب بمشي وخطاي ما تعدم الهدّاي وكان السكّة حارت بيْ وأكان كرّت سموم الصيْ على نسم العشم جوّاي قوافل صبري ماب تضهب وأمان حاديها مو الدوباي خيول قبّال دا ماترّت ولا فرّت من الحوبات ولا حرّت ولا انشدت ولا صدّت سروجه بلاي وأعود من دربك الدردار على شعب اليقان مسنود وأحرس العرسة من تالاي وريح شجن الليالي السود
ـــــــــــــــــــ
انيقنت من تالاك محمد الحسن سالم ..حميد
Post: #46 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:34 PM Parent: #45
جانا زمن فيهو محتاج تبرئ نفسك لرفاقك ... الوهدبه سيدة الموقف و يا خضر ... ليس الأمر البندر بل السوس الجوه ... تمدد البندر يوم أُكِل الثور التانى و كان الجمهور بين متفرج و شامت و متواطئ و محايد و عقلانى و ..... و ليس كل ما يُعرف يقال ... حتى اللحظه
Post: #52 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:56 PM Parent: #47
عصاموف صديقي الذي ببلاد برة ازيك وأريتك طيب ونصيح طولنا ياخ ما شقينا مقابر البلد دي سوياً أهو الخيل تجقلب والشكر لرب الشكر السوس الجوة تجدني متفق معاك فيهو خالص لكن جنس التكفير الحايم ده لازمو صمود
ـــــــ بالمناسبة كلام الخطيب في الموضوع ده ولا عجبني
Post: #48 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:45 PM Parent: #46
نحن اللي فاقدين أي شئ في الدنيا مالكين أي شئ
بالفينا بالحيل و ده الدرب
و التابع الصاح ما ضهب
شن الافندية الكبار
و خدم المرابين التجار
الارزليه كذب كذب
نحن التعابا البي ختيار صممنا ترتاح الديار و ينجم بال بلداً تعب إحنا الطيابا الصح كتار نحن الغلابه أكبر حزب لا بننغلب لا بننقلب والتابع الصاح ما ضهب يا هرشه نفخة زيف كضب نحي و تموت عرشك خيوط العنكبوت قبال ده هزينا و وقع الأقوى منو بنى وثبوت لا أجدى بنك أمان لا بوت لا غرب لا شرقاً نفع و شرع الله يبرا من الشفوت
ـــــــــــ حميد أنا ماشي راجع لي بيوت
Post: #49 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:46 PM Parent: #48
شرع الله يبرأ من الشفوت
شايف كيف يا صلاح البندر
ــــــ ومشاويرك عديلة
Post: #53 Title: Re: صلاح البندر ... الخرطوم .... الحوت ... الخرطوم هذا المساء ...! Author: أمين محمد سليمان Date: 03-01-2013, 11:02 PM Parent: #49
Quote: جانا زمن فيهو محتاج تبرئ نفسك لرفاقك ... الوهدبه سيدة الموقف و يا خضر ... ليس الأمر البندر بل السوس الجوه ... تمدد البندر يوم أُكِل الثور التانى و كان الجمهور بين متفرج و شامت و متواطئ و محايد و عقلانى و ..... و ليس كل ما يُعرف يقال ... حتى اللحظه
أما أنا فأنام مرتاحا منذ أن أهلت علي وطني التراب !! البلد دي ماتت زماااان يا عصام جبرالله ... ياخي كان ما ماتت ...صلاح البندر داير يحل الحزب الشيوعي ؟!! ------------ خضر يا وهم ... شوف ليك سكة اتخارج بالله ... سوق سهي و حليم ..طفو الأنوار و إتخارجو ليكم علي بلد يا حبذا لو طيرها عجمي !!! بجيك برواقة كان الله هون !!
Post: #54 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 11:15 PM Parent: #53
يا أميني الذي عارفو براك
لأي معركة غبار يا صديقي ـ الا دي يا أمين جاءت ككتاحة هبوب سميهو كيف ما تحب أنا المحيرني إنو أي زول عايز يحل دم الحزب الشيوعي ده يا أمين هو ده دم ولا كركدي أصلو ؟
أنا منتظر جيتك في البوست ده إتخلص من ربقة الرجل الأبيض وتعال لأخوك الذي في ربقة البلاد السجم دي
Post: #50 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 10:51 PM Parent: #40
معاوية يا زبير يا صديقي العزيز بالأمس جاوكنا الحياة برفقة الصحاب الليلة جيت مهدود الحيل كل الإتذكرتو حميد حميد والقصايد النارها باقة .... حميد ده كان تقابة وضحي وضل وهيط
باللاهي دي بلد شنو دي زاتها اللا فيها حميد لا فيها وردي لا فيها نقد لا فيها الحوت . بلد زاتها كستبانتها براها يا صديقي
ـــــ بخصوص الوعد خابرك يا صحبي خابرك
Post: #55 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-01-2013, 11:19 PM Parent: #50
Quote: باللاهي دي بلد شنو دي زاتها اللا فيها حميد لا فيها وردي لا فيها نقد لا فيها الحوت
ياااااااااااااااااه فعلا اصبحت خلا
Post: #57 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 11:36 PM Parent: #55
يا باخ ياخ لو عندك قدرة نزل لينا الأغنية بتاعت ابو زكري (ايها الراحل في الليل وحيداً) بصوت ابو السيد انت عارف انحنا هنا محرومين من اليوتيوب واليو تو اي حاجة ياخ انحنا محرومين من الاقتباسات زاتو
Post: #56 Title: Re: صلاح البندر ... الخرطوم .... الحوت ... الخرطوم هذا المساء ...! Author: أمين محمد سليمان Date: 03-01-2013, 11:26 PM Parent: #50
Quote: أنا منتظر جيتك في البوست ده إتخلص من ربقة الرجل الأبيض وتعال لأخوك الذي في ربقة البلاد السجم دي
أنا كان جيت بجيك زول ونسة ساي ... الوطن أب دق دا أنا رفعت يدي منو.... ودعتو لي الله ... ولا إنت كمان كافر و ما مؤمن بالله ؟!! بالنسبة للحزب الشيوعي ... حقو تحلو براكم يا خضر ... البلد ذاتها ماتت ... الحزب ما بموت مالو ؟!! يا كمان تواصلو في قصة الزندقة و التنصير دي !! الكلام كتر يا خضر و اخر معلومة جاتني من الوطن الشقيق إنو حسبو حلق صلعة و بقي يلبس صليب !! الكلام دا صحي يا خضر ؟!!
Post: #58 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-01-2013, 11:44 PM Parent: #56
ههههههههههه نحل شنو يا أميني انت زول أميبي ولا شنو قال نحلو قال هو كان بتحل موش كان إتحل في خمسة وستين ؟
الحزب ده زي البرسيم كلما يحشوهو بقوم أخدر وبفرهد والله صحي
ـــــــ حسبو قلت ليق لابس صليب بكون والله حسبو ده الواحد بتوقع منو اي شئ
Post: #59 Title: Re: صلاح البندر ... الخرطوم .... الحوت ... الخرطوم هذا المساء ...! Author: أمين محمد سليمان Date: 03-01-2013, 11:58 PM Parent: #58
غادرت المكان وأسئلة الدنيا والعالمين تلاحقني عن أي ناس هم هؤلاء الشيوعيين السودانيين وأي محبة يحملوها للأرض غادرت وأنا مليئ وممتن لهذا المساء الطيب ولهذا الشعب الجميل الذي يقتل ولايموت . نظرت خلفي لأري العمائم كأشجار التبلدي والنساء كغابات الأبنوس فارعات ماجدات حالمات أنيقات جميعهم يغادرون أرض العلمين بعد أن غرسوا في ترابها أصدق جنين يخلق في أرض الثورات .
يا خضر متذكر الكلام دا ؟!!
Post: #61 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-02-2013, 00:08 AM Parent: #59
الكلام ده يا أمين كيفن ما بتذكرو يا صحبي المشهد ده بالتحديد كان حوالي حداشر وربع مساء وأنا مارق من ميدان العلمين في تدشين حملة الأستاذ الراحل المقيم محمد ابراهيم نقد متذكر كويس يا أمين اني جيت البيت بعد اتناشر ونص وقعدت اكتب
ــــ بالله شوف أي رجل فقدنا يا صحبي رجل تلتف حوله العمائم كأشجار التبلدي والنساء كغابات الأبنوس اي حظٍ حظنا يا صديقي الأمين
Post: #60 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-02-2013, 00:02 AM Parent: #58
Quote: يا باخ ياخ لو عندك قدرة نزل لينا الأغنية بتاعت ابو زكري (ايها الراحل في الليل وحيداً) بصوت ابو السيد انت عارف انحنا هنا محرومين من اليوتيوب واليو تو اي حاجة ياخ انحنا محرومين من الاقتباسات زاتو
بكرة يا خدر أوعدك انزلها أو بصراحة أنا ما بعرف لكن نجلاء خبيرة زي ما أنت عارف في المسائل دي ..
عموما عايز أهديك صورة عا########ي لاتنين من أصحابك كلاهما رحل في اتجاه :-
Post: #62 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-02-2013, 00:22 AM Parent: #60
Quote: بالله شوف أي رجل فقدنا يا صحبي رجل تلتف حوله العمائم كأشجار التبلدي والنساء كغابات الأبنوس اي حظٍ حظنا يا صديقي الأمين
Post: #63 Title: Re: صلاح البندر ... الخرطوم .... الحوت ... الخرطوم هذا المساء ...! Author: Afraa Sanad Date: 03-02-2013, 00:37 AM Parent: #62
والله يا شباب أكتر حاجة مزعلاني من الزملاء ديل انهم ما قادرين يفهموا إنه كلامهم عن عوالمهم الغنية دي نحن نصيبنا منه الخيال بس...يعني اسع أبو حمامة ده يا خدر نحن نشبهو بي شنو ...يا شباب المساواة في الظلم ماركسية بي الدرب العديل،،،
Post: #64 Title: Re: صلاح البندر ... الخرطوم .... الحوت ... الخرطوم هذا المساء ...! Author: Afraa Sanad Date: 03-02-2013, 04:08 AM Parent: #63
Post: #65 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-02-2013, 02:34 PM Parent: #64
Quote: والله يا شباب أكتر حاجة مزعلاني من الزملاء ديل انهم ما قادرين يفهموا إنه كلامهم عن عوالمهم الغنية دي نحن نصيبنا منه الخيال بس...يعني اسع أبو حمامة ده يا خدر نحن نشبهو بي شنو ...يا شباب المساواة في الظلم ماركسية بي الدرب العديل،،،
يا عفراء قلت لي عوالم غنية ياخي والله بس نحن غنايا بهذا الغمام علي قول حميد
دي عوالم وعرة الله لا عادا ياخي ... تسلمي علي المرور نيابة عن خضر
Quote: الحاجات البختو فيها التواقيع دي حاجات رسمية ياخضر والحوت ده زول شعبي خالص
أسى فى ذمتك كلام شحمان زى دا تروّس بيهو بوستك وتكلمنا بإسهاب عن خالد وبوب وتطمنا إنو البلد لسة بخير ومليانة بالشبيبة فى أحياء المدينة الشعبية عميقى الرؤية ، قارين واقعهم ومتصالحين معاهو كمان، ولا تخت لينا إسم الزول الكيسو فاضى دا وقادينا ليل نهار فى الفارغ والمليان نص نص، الكلام الشوية الكتبتو يا خدر عن خالد وبوب ملأ الناس دى كلها بالتفاؤل وزولك دا بروف فى التثبيط ورمى إيقاع الناس البتحلم بوطن جميل
أمشى تانى أحلق وجيب لينا قصة جديدة تصلح الموود الرميتو دا.
Post: #67 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-02-2013, 07:20 PM Parent: #66
العزيزة عفراء سند تحياتي واحترامي
والله باخ عبر عني تماماً بخصوص غنايا بهذا (الغمام) غنايا جداً علي باليمين يا عفراء غايتو حميد ده خلي وراهو كوم تطمينات وأهو الواحد عايش علي الحاجات دي
مودتي
Post: #68 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-02-2013, 07:28 PM Parent: #66
يا شوف ازيك ياخ ومالك غطست غطسة يني
مشتاقين وحاتك شديد ـ قلت لي رميت ليكم المود ـ والله المود الإسفيري ده من اساسوا مرمي ومرمي الله كما تعلم براك آ بترفع بأخوي وأخوك خالد ده وأمثالو ياهم المخللنا نتنفس ونحلم باقي أحلامنا ياصحبي الأحلام البجو ناس البندر ديل بهدوها هددك هددك هددك
اها يا منعم اخوك ماش ينوم ونتلاقي ياخ
قبيل يا شوف قريت لي نكتة وين والله ما متذكر المهم :
قيل والعهدة للراوي انو كان في زول من ناس الزمن الجميل لما السودان كان سودان زمن الموية موية يعني قال لي صاحبو : والله مسكينة ياخ ست العرقي دي صاحبو قال ليهو لي شنو : قال : الزولة المسكينة دي انحنا بنديها قروش وهي بتدينا عرقي أنا ماعارف هي حتعمل بالقروش شنو ؟ ـــــــــــــــ
ههههههــ ها يا المشوطن، النكتة كاتبها ليك قيقراوى فى بوستك دا، الصفحة التانية على ما أظن
بالله شفت الزول دا موضوع (القيمة) دا واقع ليو كيف يا منعشوف؟
حولااااا!! ياخي دا من اهل الكشف الماركسي عديل كدي .. شوف متقدم جداً دا!
--------
وكت خدر دا بنسى خلوني احكي ليكم نكتة الامريكي، والانقليزي والسوداني الدخلوا النار .. بدا الانقليزي، عمل اتصال باهلو في البلاد التي تموت حيتانها من البرد، وبرودة اهلها .. ما تم دقيقة ذاتو .. حسابو طلع 1000 جنيه استرليني .. الامريكي ورجغ شوية، وقفل الخط .. حاسبوهو بالفين وخمسمية وخمسطاشر وتلتين سنت .. الفكة دي الضريبة ؤ كدا اها زولنا -ؤ غالباً زميل البخش النار دا- ورجغة السواد واللواد، طلب يسلم على الاحياء والاشياء .. النيل والهلال .. والحلال .. حتى ابراهيم الاطرش ادوهو ليو يكلمو في التلفون! لا اقوليكم ساعة ول ساعتين .. جا يحاسب .. قالو ليو الحساب جنيه سوداني وااااحد .. وبالقديم كمان .. وقبل ما حواجبي الدهشة تنعقد وتتعقد المسالة لمن ما يفرز السمين من الشمال الا بعملية تجميل فكوا ليو العجب: من النار لي النار دي تعتبر مكالمة داخلية ... يا عمك! (وردت هكذا في الرواية الاصلية)
Post: #74 Title: Re: صلاح البندر ... الخرطوم .... الحوت ... الخرطوم هذا المساء ...! Author: منعمشوف Date: 03-03-2013, 00:01 AM Parent: #73
من النار للنار يا قيقراوى وبجنيه ! والله غالية ياخى، دى المفروض تكون مجانيه
سمعت بالفردتين البعد ما طشموا فكروا ياكلوا ومالقوا حاجة يلهطوها غير يجازفوا عتود جارهم، واحد منهم تانى يوم إذكر موضوع العتود وضميرو أنّبو وقال لى صاحبة: ياخى والله نحن أمبارح عملنا عملية ما كريمة. صاحبه: ليه ؟ عملنا شنو يا زول ! قال لى: يا خى ما مكن ناكل عتود الراجل المسكين دا، ياخى، ياخى والله ربنا بحاسبنا على العملية السخيفة دى. رد صاحبة: ياخى يوم القيامة مش كوووولنا حنبعث. قال لى: آى صاحبة: وبى العتود المأزمك دا قال لى: آى صاحبة: خلاص، محلولة، نجر العتود من أضانو ونرجعوا ليهو ونعتذر ليهو كمان.
Post: #75 Title: Re: صلاح البندر ... الخرطوم .... الحوت ... الخرطوم هذا المساء ...! Author: قيقراوي Date: 03-03-2013, 00:26 AM Parent: #74
--------
وحات المنكر الكتحوهو دا العتدو هيييييين الوكت داك ..
Post: #76 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-03-2013, 07:24 AM Parent: #75
انت يا قيقراوي الانقليز والامريكي ديل ما واحد يعني ؟ طيب ليه بقولو عليهم كلهم خواجات ؟
المهم هاكم دي يا فرد ــــ
صاحباً لينا إختلف مرة مع واحد من قضاة النظام العام المهم القاضي أمر بإنزال عقوبة غريبة شوية عليهو عقوبة لم ترد لا في الشريعة الاسلامية لا في الكتب السماوية المهم بعد تنفيذ العقوبة . العسكري ساق صاحبنا ده ومشي بيهو للقاضي عشان يقول ليهو انو تم تنفيذ الحكم صاحبنا عاين للقاضي وقال ليهو : لو سمحت يا مولانا أنا عندي اقتراح القاضي قال ليهو اقتراحك شنو ؟ صاحبنا قلع الشارة بتاعت القاضي وسألو ؟ يامولانا المكتوب هنا ده شنو ؟ القاضي استغرب وقال ليهو : مكتوب قضاء السودان صاحبنا بدون اي تردد قال ليهو :
أنا بقترح يا مولانا تكتبو عليهو قضاء السودان وقدره
Post: #77 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-03-2013, 02:58 PM Parent: #76
يا بخاري انت بكرة بتاعتك دي الساعة كم بالضبط ؟ ليكم كم مما وعدتني تنزل الاغنية
بالمناسبة جاتنا كتاحة عظيمة للدرجة الواحد ما قادر يفرز الفول من الحصحاص
Post: #78 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 03-03-2013, 03:35 PM Parent: #77
تم الكشف على البوست 1) لا توجد مواد إلحادية 2) لا توجد مواد تنصيرية 3) لا توجد مواد مسرطنة 4) لا توجد أي شوائب تعكر صفو النسيج الإجتماعي ___ ولكن تُوجد شرزمة من الشيوعيين، قد تُشرع في نشر النقاط أعلاه ؛)
Post: #80 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 03-03-2013, 03:58 PM Parent: #79
Quote: لا توجد مواد تنصيرية
تنصير .. الحاد .. شهادة او .. اماه لا تؤمنى !!
Post: #81 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حامد Date: 03-03-2013, 05:14 PM Parent: #80
Quote: يا بخاري انت بكرة بتاعتك دي الساعة كم بالضبط ؟ ليكم كم مما وعدتني تنزل الاغنية
خدر إنستر معانا ياخ شايل هم (حل) الكركدي دي ولا شنو القصة يحكوها ليك تجي تحكيها الأغنية دي ما جابتها عفراء فوق تاني لو جابها بخاري بيلزموا يكتب المصدر
أنا زاتي عندي نكتة ماعارف قريتها وين واحد سخنت معاهو شديد شبكهم ليك كيف ما تسخن والجماعة ديل كل يوم شابكننا سودانا فوق لمن ودونا قريب للشمس
Post: #82 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-03-2013, 06:09 PM Parent: #81
Quote: بالمناسبة جاتنا كتاحة عظيمة للدرجة الواحد ما قادر يفرز الفول من الحصحاص
بالنسبة للأغنية راجع البوست يا فردة
بالنسبة للكتاحة ربنا يحفظكم ........
مرة اتصل بينا واحد من اصحابنا القاعدين في لندن وبدأ تقدر تقول بحندك فينا بقعدة عندهم
وبحكي لينا بأنواع الشراب وطبعا هو لو ما قال ( بنشرب ) في كذا وكذا أنا كنت ح اتخيله مدن
بزور فيها .. فشنو معز ربنا يطراه بالخير قال لي ياخي قعداتهم بتكون مسيخة جدا لانه مستحيل مستحيل
يكون فيها كتاحة أو كوارع فيا بختكم بهذه الكتاحات يا صديق
Post: #83 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-03-2013, 09:24 PM Parent: #82
والله شكلكم كلكم زي البندر مفتكرني خاشي سودانيز من بلاد برة طيب ليه ما كلمتوني انو الغنية نزلت والناس استمتعت في داعي لي جنس ده وأنا كل شويتين اشيل وانتظر بخاري ينزل الاغنية
غايتو شكلو كدة الا واحد يجي يغنيها لي فوق سريري ده ويرجع من محل ماجاء سودانيز اونلاين دي يا بندر الا بي برروكسي او الواحد يسافر بروكسل
شفتو كيف ؟
ــــــــــ المهم شكراً يا عفراء وما قصرتي والعاقبة عندكم يحظروكم كده لامين ماتعرفوا الشئ النزل في البوست أغنية ولا مديح ولا رز بي لبن
بقا يحي سنن البرامكة في عصر الاجهزة الذكية بي صبارة تعيسة زي دي
Post: #87 Title: Re: صلاح البندر ... الخرطوم .... الحوت ... الخرطوم هذا المساء ...! Author: مجاهد السوباوي Date: 03-04-2013, 08:49 AM Parent: #86
خضر حسين .. يا صديقنا السادر في الغياب ..
ياخ البندر لا طعم لا رائحة لا لون لسيرته أو ذكره في هكذا مقام الحوت .. شعبي .. وشعبي جداً يا خضر صدق صديقك يا صديقي .. أتذكرت صاحبنا بتاع القضارف قال لما يقيف زيك أو ما يصحصح بيمد يدو للتحسس لو لقى الموضوع قش معناها هو في بيتهم ولو لقاهو أسمنت معناها هو في الحراصة .. شفته كيف!! على سيرة القضارف يا خضر عندك أخبار من ناجي عبدالرازق..
تحياتي يا صديق ..
Post: #88 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-04-2013, 08:23 PM Parent: #87
السوباوي وينك يا مان ياخ والله توحشات خليها ساي بس ناجي عبدالرازق بخير ولو ما ناس المكان ممكن يفهموني غلط علي بالأيمان كنت أكرمتك بي نكتة خادشة حبة للحياء العام وعندها علاقة بالقضارف
مشتاقين ياخ وابقي واصل
Post: #89 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-04-2013, 08:46 PM Parent: #88
Quote: كنت أكرمتك بي نكتة خادشة حبة للحياء العام وعندها علاقة بالقضارف
والله كنت مفتكر النكتة الخادشة للحياء واحدة بس
بتاعت الكاملين ديك *
والتحايا موصولة لكل نسابتي بالكاملين أعمام نجلاء وعماتها ...
يا خدوري والله لفيت عموم مضارب اليوتيوب قلت القى لي رحيق اتم بيو باقي ليلتي دي ..
ما لقيت (مي) باداء شرف الدين فرح الشريف شانشي .. الشهير بشرف الاهلية (سابقاً)
غايتو على قول اهلنا عيب الزاد ولا عيب سيدو
لقيت ليكم جوهر صدر المحافل:
--------
يا خدوري ياخي زول يغني: وكت العيش قى بي القبض .. ديوان النعيم ولا بنسد! يجي خت ليو صبارة بائسة زي دي!؟
Post: #97 Title: Re: صلاح البندر ... الخرطوم .... الحوت ... الخرطوم هذا المساء ...! Author: حبيب نورة Date: 03-05-2013, 04:39 AM Parent: #96
لعتة الله عليكم وتقرأ : دينكم ذاتو
إنتوا قاعدين تتوسوا في البوست ده متين ؟ توقيت كمبالا ما معانا ولا معترف به عندي نكتة سمعتها قبيل _ ضحكت ومن فرط السعادة بكيت :( وحياة ديني ما حفظتها، والزول الحكاها لي أبى يعيدها تاني
هي خادشة للحياء التام، ولكن بالنسبة لبوست واخد شكل الحمروني _ أعتقد إنها مناسبة جداً
لعنة الله عليكم
وتقرأ زي ما تقرأ
Post: #98 Title: Re: صلاح البندر ... الخرطوم .... الحوت ... الخرطوم هذا المساء ...! Author: مجاهد السوباوي Date: 03-05-2013, 10:39 AM Parent: #97
يا خضر ..
ياخ نحنا مخدوش حيائنا في بلد بتمامه.. يعني بقيت على
أسفير بكري ده .. أخدش ياخ ولا تأخذنك به رأفة ..
أزيك يا بخاري ..
قلت لي نكتة الكاملين .. غايتو نكاتكم بقيت زي خط المواصلات
أنا عندي نكتة برضو خادشة جداً بتاعة الدمازين - أطرش الدمازين
لكن دي لا بتترسل مسج ولا بتتكتب ذاتو لأنو الأطرش ده هو روح النكتة
في رقبتهاوالشغل إشارات .. آها دي يكتبوها كيف بس ..
Post: #99 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-06-2013, 11:58 AM Parent: #98
يا بخاري ياخ تاني ماترسل لي نكات زي دي لو سمحت ياخ
احرجتني مع الحوليني
ــــــ الصادق اسماعيل ازيك ياخوي
قيقا وسوباوي بجيكم كان الله مد في الاعمار
Post: #100 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-06-2013, 12:00 PM Parent: #99
يا حبيب نورة ياخ وجودك براه هنا خادش للحياء العام قال عايز احكي نكتة قال ومشتاقين وحاتك
Quote: يا حبيب نورة ياخ وجودك براه هنا خادش للحياء العام
--------
اتذكر زمااان في الضهاري هناك .. لمن التلفزيون لسة جايينا جديد ..
لو لحقت مفعوصة قالت كلمة (حب) دي ومشتقاتها ساي .. الحاج - الله يرحمو- تترب يقوم يقفل التلفزيون .. ودي ما كانت المشكلة .. عادي انك ما تحضر المسلسل .. اعتبر نفسك نمتا .. لكن المشكلة انك تجبر على (المسلسل) البديل بتاع الحاج الاسمو (ايامي) ودي قصة حايتو .. والهجرة من اقاصي الشمال (نهر النيل) لاقاصي جنوب ما كان يسمى بالسودان في ( ياي) والاستقرار في(اعالي النيل)
(حبيب ) ؤ (نورة) كمان؟ دا ما خدش فاضح للحياء اسي!
Post: #102 Title: Re: صلاح البندر ... الخرطوم .... الحوت ... الخرطوم هذا المساء ...! Author: مصطفى عبيد Date: 03-07-2013, 08:37 PM Parent: #101
يا خضر وباقي الشباب ........ سلام
الدنيا مااااا خميس وين انتو ؟؟؟
Post: #103 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-10-2013, 08:54 PM Parent: #102
قبل أيام وفي مساء خرطومي عادي غني أحدهم :
ياخ ما تشاغل بي عيونك وإنت عارف أنا عليل يوم شربتي الكاس معانا لونك أصبح زي فلانة وزي فلانة دي برتكانة ولا جمرة معذبانا ولا كاس كاسين معانا ولا سكرة أبت تطير
فردد الجميع وكأنهم علي إتفاق :
يااااااااااخي
ــــــــــــــ
اللهم انا لا نسألك رد القضاء لكنا نسألك اللطف بصلاح البندر في هجرته
Post: #104 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-10-2013, 09:08 PM Parent: #103
هههههههه قمر بوبا فاكرنو يا ناس دعي لينا من شوية انو ربنا يدينا تحاميل لي بواسيرنا
Post: #105 Title: Re: صلاح البندر ... الخرطوم .... الحوت ... الخرطوم هذا المساء ...! Author: Dr Salah Al Bander Date: 03-11-2013, 07:08 PM Parent: #104
Post: #106 Title: Re: صلاح البندر ... الخرطوم .... الحوت ... الخرطوم هذا المساء ...! Author: خضر حسين خليل Date: 03-12-2013, 10:54 AM Parent: #105
كاك
Post: #107 Title: Re: صلاح البندر ... الخرطوم .... الحوت ... الخرطوم هذا المساء ...! Author: بخاري عثمان الامين Date: 03-12-2013, 12:48 PM Parent: #106
Quote: يا خضر وباقي الشباب ........ سلام
الدنيا مااااا خميس وين انتو ؟؟؟
يا ريت تكون مصطفي عبيد بتاع بحري شمال
لو ما أنت لك سلام وشكرا للمرور
واذا أنت فتلعم انني اكن لك ود واحترام عالي جدا
Post: #108 Title: Re: صلاح البندر ... الخرطوم .... الحوت ... الخرطوم هذا المساء ...! Author: محمد حيدر المشرف Date: 03-12-2013, 02:30 PM Parent: #107
Quote: دعي لينا من شوية انو ربنا يدينا تحاميل لي بواسيرنا
سلم على الزول ده بالله.. وبرضك كويس لو يدى بواسيرنا فاتحة ماكنة تعينها على إحتمالنا.. البواسير دى تلتلناها تلتلة شديدة والله .. يوماتى مقومنها علينا يا خدر !! تعرف !! أمبارح قامت تلاته مرات بى مداخلة واحدة !! "عدم الاحساس مشكلة" يا صاحب .. "
