Post: #1
Title: إعتقال جماعي للمسيحيين في الخرطوم
Author: مبارك عبدالرحمن احمد
Date: 02-25-2013, 03:56 PM
Parent: #0
إعتقال جماعي للمسيحيين في الخرطوم
(الخرطوم: مبارك أردول)
قال مسئول في الكنيسة العامة في الخرطوم فضل حجب أسمه أن قوة مختلطة من الشرطة وجهاز الأمن الوطني قامت فجر أمس بأعتقال ثلاثة مسئوليين في الكنيسة بقسم (خدمة الحياة الجديدة) في كلية جدعون ببانت - أمدرمان الخرطوم والمسئوليين هم الأستاذ معمدان أيليا والأستاذ عبدالله سعيد بالو والأستاذ أستيفن .. وفي نفس اليوم وأصلت القوة حملتها فأعتقلت أخرون في أرسالية الخرطوم " 2" وهم سكرتير الخدمة الطلابية / يوسف على سعيد والمدير الأداري للكنيسة القس / برنابا تيماثوس، وتم أقتيادهم الي جهة غير معلومة.
ورجع المسئوول أن السبب هو التوجه العدائي ضد المسيحيين في السودان وخاصة المسيحيين من جبال النوبة . وحذر ناشطون في الخرطوم من عمليات الإختطاف القسري والترهيب الذي تمارسه السلطات الأمنية ضد المسيحيين في الخرطوم و قوالوا أنهم لا يعلمون أماكن أعتقال هؤلا المعتقلين وما إذا كان مسموح لهم بمقابلات أسرهم أو الأتصال بمحاميين للدفاع عنهم.
وعبر قسيس بالخرطوم عن إستياءه من مضايقات السلطات السودانية للمسيحيين فقال " إذا أردنا أن نقدم مؤعظة للمومنين في يوم الأحد بالكنيسة فعلينا أن نأخذ الأذن من السلطات الأمنية " وذاد قائلا " هذا البلد أصبح للمتشديين الإسلاميين فقط وإننا نحس الأن بالمضايقات الشديدة من قبل الحكومة "، وتسأل مستغربا لماذا يتيحون للمسيحيين الأقباط والأجانب من ممارسة شعائرهم بكل يسر ويضيقون علينا نحن السودانيين؟ هل لأنهم ضدنا كميسيحيين أم " لاننا نوبة " على حد قوله.
يذكر أن المسسيحيين في السودان يواجهون حملة عدائية منظمة من قبل متشددون إسلاميين تتعاطف مهم السلطات الحكومية، يقومون بأستهداف مقرات المسييحين ومناسباتهم منها حادثة حرق كلية اللاهوت في كنيسة الجريف بالخرطوم في عام 2012، وهدم ونهب ممتلكات كنيسة المسيح السوداني بكادقلي في 2011.
من جانبها تقوم الحكومة السودانية بإتخاذ إجراءات مشددة ضد المسييحيين خاصة بعد إنفصال الجنوب في السابع من يوليو 2011، بينها إلغاء عطلة عيد الميلاد في 24 ديسمبر وكل العطلات الكنسية التي كانت مطبقة منذ الإستقلال عام 1956.
|
Post: #3
Title: Re: إعتقال جماعي للمسيحيين في الخرطوم
Author: سيف النصر محي الدين
Date: 02-25-2013, 04:19 PM
Parent: #2
يبدو أن الحكومة حنت للبارونة كوكس و منظمة التضامن المسيحي . استهداف دور العبادة و ممارسة الاضطهاد
الديني على أقلية بعينها من الممارسات الممقوتة من المجتمع الدولي و هي لن تجلب للنظام سوى مزيدا من المصائب.
اطلقوا سراح هؤلاء الشرفاء يا كيزان
|
Post: #4
Title: Re: إعتقال جماعي للمسيحيين في الخرطوم
Author: مبارك عبدالرحمن احمد
Date: 02-25-2013, 04:58 PM
Parent: #3
ومع ذلك في ناس دايريين يقنعوننا بان الشريعة الاسلامية كويسة
وقت تقول ليهم الاحداث دي بقولوا ليك بس الخطا في الفهم والتطبيق
طيب يعني نحن نبقي فيران معامل كل من هب ودب داير يجرب فينا الحلاقة
ونقول ليهم العلمانية بقول كفر والحاد
نشيل سلاح نقلع حقوقنا يقولوا تمرد وعمالة اجنبية
طيب نمشي وييييييييييييييين
|
Post: #5
Title: Re: إعتقال جماعي للمسيحيين في الخرطوم
Author: Mahmoud Mustafa Mahmoud
Date: 02-25-2013, 05:08 PM
Parent: #4
غايتو...
هسي دي نظام فتنة ولا كيف؟؟
كمان جابت ليها صورة قِسْ؟؟
قِسْ على ذلك ؟؟
..
الفتنة نائمة...قاتل الله من أيقظها..
(والكلام غير موجه لصاحب البوست) قطعاً..
..
|
Post: #7
Title: Re: إعتقال جماعي للمسيحيين في الخرطوم
Author: مبارك عبدالرحمن احمد
Date: 02-25-2013, 05:43 PM
Parent: #5
وقت نقول خلونا نذهب منكم ونخلوكم مع شريعتكم يقولوا لينا ديل عنصريوون واديرين بفتتوا الوطن وينالوا من وحدة البلد
ونحن لن نفرط في شبر ووووو الجوطة الكثيرة دي
طيب نقعد مكم ووضعنا كيف ورونا وخبرونا
مافي زول داير يخش ويتطوع
|
Post: #6
Title: Re: إعتقال جماعي للمسيحيين في الخرطوم
Author: مبارك عبدالرحمن احمد
Date: 02-25-2013, 05:10 PM
Parent: #1
الكيزان ديل وينهم الناس العامليين لينا وجع ديل
خلي الليجو يورونا دا شنو البحصل دا
ونحن نعمل شنو
|
|
