Post: #1 Title: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 01:39 PM Parent: #0
شطفنى ,, وتطلق على الإسكيرتات والجيبات القصيرة , أدينى حقنة ,, تطلق على القمصان والبلوزات النسائية ذات الأكمام القصيرة ,, إحتمال أبيت برة ,, تطلق على الحقائب النسائية كبيرة الحجم ,, الصورة دخلت علي في الايميل بدون مناسبة بعد يوم من شوفتي ليها بالايميل وجدها مرفوعه بالفيس بوك دخول النسيبه علي حياة الرجل: يقال والعهد علي الراوي ان بعض الرجال المتزوجين فئة بسيطه لا يشملها هذا القول يصبح اهتمامه بالجكس اكثر بمعني ببقي سعران وحسب وصايا الام لبنتها نشفي جيبو ما تجيبيهو حي اكنسي كنس عشان ما افكر اتزوج بداية من بناء البيت وبعد ما اتبني تعديلات في الخرطة وتكسر والاولاد عشان اطلعو كويسين أوع تدخليهم مدارس حكومية أما الذهب لو في واحده عنده طهور اولادها لازم تغيريهو. الدخول بالمقلوب في حياتنا بعد تخلص الدراسه وتشتغل تزوج تعيش ايام شهر العسل تقول الحمد لله انتهيت من مرحله من الحياه اجوك الاولاد سنه بعد سنة تبدأ معاهم تاني من الاول مع اختلاف المناهج تلقي نفسك بتقرأ من اول جديد تنتهي الامتحانات تنتظر نتيجتك انت والولد ...شغلبه عجيبه أي والله. زميله عمل توفت والدتها مشينا للعزاء ما عارفين البيت في الطريق كان نقاش مع زميله اخري عن فسخ خطوبتها والاسباب والحسره باديه علي وجهها في الطريق وقفنا في بقالة طلبت مناديل ورقيه بعد وصلنا الحي نسأل عن بيت البكاء الفريق ملان شفع ايام اجازات المدرسة لعب كوره وبلي. بعد التعب من السؤال لقينا واحد وصف لينا بيت بكاء صيوان في الشارع بس ما معروف بتاع منو مشينا علي الصيوان النسوان اردحن وب علي وب علي والرجال معمعمين اطنطنو فيهم البقول الفاتحه وفيهم السارح اطنطن بي مشاكلو... نزلنا البنات علي اساس هو بيت البكاء المقصود دخلو جوه بعد شلنا الفاتحه اتضح أن الوفأة لود شاب وليس لمرأة . رسلنا بت صغيره تنادي لينا البنات. فضلنا منتظرين قريب الساعه !! تبعناها بكم مرسال وراء مرسال . بعد فترة جات واحده من الزميلات طالعه قلنا ليها ده مابيت البكاء المقصود قولي لي الزميله الاخري يلا نمشي. جاتنا بعد نص ساعه والسخانه فوق راسنا والغبار .... يا فلانه ليه اتاخرتو كده ؟؟؟ والله ما مني انا من الزوله دي !!! المقصوده الزميله الاشترت المناديل وفسخة خطوبتا. يا بت الحلال مالك ماخرنا البكاء جيناهو غلط !!! قالت : والله قلته الي افش مغصتي وابكي بكاي واكمل مناديلي امكن البيت التاني ما نلقاهو!!!
Post: #2 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 03:08 PM Parent: #1
يحكي عن موقف الدخول غلط: يقول كنت خاطب زوله غاية الجمال والتهذيب عائلتها محترمة ومدينه يوقرون الكبير ويحترمون الصغير وكان سعيدا جدا بهذه الخطوبة. هنالك شيء بسيط يضايقه... اخت خطيبته الاصغر منها كان دائم الهظار معها، وهي ايضا كانت جميلة ودمها خفيف والامور عندها ماشة علي طريقة البساط احمدي وترفع الحواجز. وفي مرة من المرات.............. قالت ان والدتها تطلبه ضروري عليه الحضور بسرعه لم يفكر في سبب الدعوة السريعه بل استغرب من الطلب بحضوره سرعة ربما هنالك امر يحتم حضوره وبمجرد وصوله للبيت لم يجد أحد سوي اخت الخطيبه الصغيرة !!! لاحظ أن ملابسها خليعة.. ثم بادرته والدهشة تملكته ((لو اديتين 500 الف بخليك تدخل معاي البيت وتعمل الفي بالك وبالي ونعيش اللحظات ..)) . ودخلت ثم تركت الباب مفتوح علي مصرعيه !!!!! نزل من درج الباب واخذ يفكر عن هذا الموقف وذهب الي سيارته. ثم فجأة سمع صوت ينادي ...يا فلان يا فلان . التفت اليه ووجده والد خطيبته يهرول ناحيته ثم احتضنه وقال: يا سلام عليك يا بطل خلاس نجحت في الامتحان. وبتي حلال عليك موافق علي زواجها منك بدون اي مهر او منصرفات. المهم مرت سنوات علي هذه الحادثه. والي الان مافي زول عارف اني كنت راجع للسيارة عشان اجيب ال500الف
Post: #3 Title: Re: الدخول غلط ... ممنوع للرجال اكثر من 40عام ...توجد صورة شرط Author: Mandingoo Date: 02-23-2013, 03:23 PM Parent: #2
ده شنو يا عباس الصور دي؟
مالك علينا ياخي؟
Post: #4 Title: Re: الدخول غلط ... ممنوع للرجال اكثر من 40عام ...توجد صورة شرط Author: محمد حامد Date: 02-23-2013, 03:25 PM Parent: #2
Quote: المهم مرت سنوات علي هذه الحادثه. والي الان مافي زول عارف اني كنت راجع للسيارة عشان اجيب ال500الف
Post: #5 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 03:26 PM Parent: #2
اقول ليك امثال سودانية مثال: أكل يا كمي قبل فمي أخوك لو بقى عسل ما تلحسو الغربيه لسع الناس ماشة فيها بالطريقة الغلط وبما إنو الموضوع بخص الاكل والخوة بقت مافي والاكمام راحت دخلنا عصر التي شيرت وعشان ندخل صاح في زمن انعدام اللحس والاكل بعد ما الجماعه نشفو البلد نستعيض بالمثل:
التمساح كان اكل ما بقش خشمو.... قريبه من لحس الكوع والتماسيح البشرية ملت البلد. طيب تاني امثله للدخول صاح: الككو كان دخل بالباب بمرق ناطي بالحيطه الغنماية ما بترتي لي جلدا وقت تجيها الكاروشه اكيد ما في زول بقول الامثله القلناها فوق بتخر الموية لو في زول قال سمعها إكون كذاب انتاج جديد من ابداعات المحن والمصائب الكبت علينا في السودان.
Post: #7 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 03:33 PM Parent: #5
Quote: ده شنو يا عباس الصور دي؟
مالك علينا ياخي؟
استاذنا عمر سلام وتحية والله مشتاقين اخبارك عشان كده قلنا ناس درب الاربعين يمتنعون ديل اكثر ناس بتاعين بصبصه حسي اجينا ياسر العليفون ناطي بسيرة العرس. الصورة عشان الناس المكبسين في المكاتب اصحصحو شوية تحياتي يا الحبيب
Post: #6 Title: Re: الدخول غلط ... ممنوع للرجال اكثر من 40عام ...توجد صورة شرط Author: وليد محمد المبارك Date: 02-23-2013, 03:31 PM Parent: #2
هاهاهاهاهاهاهاهاهاهاها
Post: #8 Title: Re: الدخول غلط ... ممنوع للرجال اكثر من 40عام ...توجد صورة شرط Author: أيمن دياب Date: 02-23-2013, 04:06 PM Parent: #6
Quote: الصورة عشان الناس المكبسين في المكاتب اصحصحو شوية
انعل ابو ابليسك زي ما بقولوا جماعتنا السعوديين.. وبعد نصحصح عندك لينا شنو يا دسيس..؟؟
Post: #9 Title: Re: الدخول غلط ... ممنوع للرجال اكثر من 40عام ...توجد صورة شرط Author: سيف الدين محجوب Date: 02-23-2013, 04:37 PM Parent: #8
لكن والله فعلاً دسيس ومكمل الدساسة ظاااااااااتو
تاني ذي دا !!!!!
مودتي
Post: #10 Title: Re: الدخول غلط ... ممنوع للرجال اكثر من 40عام ...توجد صورة شرط Author: سامى عبد المطلب Date: 02-23-2013, 04:46 PM Parent: #9
Post: #11 Title: Re: الدخول غلط ... ممنوع للرجال اكثر من 40عام ...توجد صورة شرط Author: بدرالدين الطائف Date: 02-23-2013, 05:05 PM Parent: #10
ياعبس غايتو المصايب تجيك فى صمة كيبورتك. قلت لى الراجل نجح فى الامتحان.
Post: #12 Title: Re: الدخول غلط ... ممنوع للرجال اكثر من 40عام ...توجد صورة شرط Author: وضاحة Date: 02-23-2013, 05:06 PM Parent: #10
عارف يا الدسيس الفهم الغلط دا انا عندى موقف فيه عجيب
كان سبب في طرشيق زواج صاحبتى
لو قلتوا حا تعملوا لي موضوع
Post: #13 Title: Re: الدخول غلط ... ممنوع للرجال اكثر من 40عام ...توجد صورة شرط Author: محمد يوسف طه Date: 02-23-2013, 05:11 PM Parent: #12
احكي ساي يا وضاحة ...يعني جات على دي !!
Post: #14 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 06:03 PM Parent: #13
Quote: محمد حامد
سلام يا وجيه البسمة عندك ........ فك المحنة يا الحبيب غضبك جميل زي بسمتك
Post: #15 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 06:18 PM Parent: #14
Quote: هاهاهاهاهاهاهاهاهاهاها
وليد سلام يا وجيه اتحداك لو سمعته دي واحد مغترب ((عشان المغتربين ازعلو)) وبخاف من اداء الواجب كل يوم داخل علي البيت في ابسط حاجة إدور ليك شكله مع المرأة . ربك رب الخير المرأة ساقت الاولاد ونزلو اجازة . زولك مرتاح إرجع البيت شايل الفول والرغيف وهاك يا نومة.......................... المرأة جات من السودان الجماعه مكشبنها فتح التلاجة سخن الفول ختا الرغيف المرأة: قالت ليهو أجي ده شنو فول .... والرغيف بايت قال ليها : خلاس جينا للمشاكل الرغيف ماشي حسي عشان افضي ليك الجو
Post: #16 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 06:46 PM Parent: #15
Quote: انعل ابو ابليسك زي ما بقولوا جماعتنا السعوديين.. وبعد نصحصح عندك لينا شنو يا دسيس..؟؟
ايمن دياب يا حبيبنا سلام صحصحته يلا نبدأ: ايام العطالة وبنفتش للشغل بنتكبس الجامعات للترويح عن النفس خشم خشمين ونقوم نعيد الكرة في مشي الكداري ومساسكت الشغل. موقف الخرطوم قابلت لي واحدة لاحولااااااااااااااااااااااا بقت علي حكاية عمر الدوش: كبرت كراعي من الفرح ... نص في الارض نص في النعال مشيت اتلصلص جمبها وعامل ما مهتم بيها. تصدق سلمت علي بي اسمي ... ياها انا طلعت كلام ساكت الزولة كنت مكيسها كم يوم الذاكرة ملخبته من كثرة المقابضه. عشان اداري خيبتي عزمتها طوالي حاجة بارده . دخلنا محل السندوتشات للحاجة البارده فقط. بت الناس قالت ما فطرت جيعانه !!!!!!! طلبت ليها سندوتش وحاجة بارده. بعد انتهت قلت ليها خلاس مع السلامة نتقابل مرة تانية سألتني ماشي وين قلت ليها ام درمان بالمورده. قالت لي تصدق انا ذاتي ام درمان بالمورده. يااااااااااااااااااااااااااه ورطه عجيبه تصدق أنا من قابلتها في جيبي حق المواصلات بس!!!!!!!! بتاع المطعم اعمل ليهو شنو!!! تفاديا لأي احراج وعشان الصورة الجميلة بتاعت الراجل الشهم ما تتمسح ...قلت ليها انتظريني طيب بره بلحقك. مشيت لي بتاع الكاشير ومعاها صرة وش رفعت ليك كم القميص لي فوق تخنته صوتي دنقرت ليهو عشان احسم الموضوع بدون طرف اخر... اسمع يا ابو الشباب انا ما أكلته حاجة اكلت البت المسكينه دي وما عندي قروش بدون فضائح غسيل صحون لي بكره معاك نضافة محل لي بكره معاك كلو ما نفع براحة نادي لي بوليس اسوقني قسما عظما ترفع صوتك وتكورك فيني اخربها كلو كلو اقوم جاري في نص الزحمة قروشك ما تلقاها فاهم .
Post: #17 Title: Re: الدخول غلط ... ممنوع للرجال اكثر من 40عام ...توجد صورة شرط Author: بدرالدين الطائف Date: 02-23-2013, 06:47 PM Parent: #15
Quote: عارف يا الدسيس الفهم الغلط دا انا عندى موقف فيه عجيب
كان سبب في طرشيق زواج صاحبتى
لو قلتوا حا تعملوا لي موضوع
أحكى يا وضاحة موضوعك ده احسن من قعاد ساكت برانا ماعندنا موضوع .
Post: #18 Title: Re: الدخول غلط ... ممنوع للرجال اكثر من 40عام ...توجد صورة شرط Author: وضاحة Date: 02-23-2013, 06:49 PM Parent: #17
Quote: أحكى يا وضاحة موضوعك ده احسن من قعاد ساكت برانا ماعندنا موضوع
تدفع كم
Post: #19 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 07:05 PM Parent: #18
Quote: احكي ساي يا وضاحة ...يعني جات على دي !!
Quote: أحكى يا وضاحة موضوعك ده احسن من قعاد ساكت برانا ماعندنا موضوع .
شباب يا وجهاء المنبر اسف للنطه من عادتي امشي بالدور ((حلوة بالدور)) برجع ليكم نفر نفر وضاحة بدرالدين الطائف صاحبي اضافة لذلك ضميناهو لمعجبي السفرجل والذين يتبعون اصحاب السمو في كل ترحالهم طلبتك بالنبي تقولي
Quote: تدفع كم
ادفع نص عمري وباقي العمر عشان استمتع بالحكاية
Post: #22 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 07:19 PM Parent: #19
Quote: لكن والله فعلاً دسيس ومكمل الدساسة ظاااااااااتو
تاني ذي دا !!!!!
مودتي
سيف سلام يا حبيبنا المذيعه سألت مسطول: ليه البت المطلوقه وبتاعت اولاد بقولو عنها قليلة ادب والولد الصايع بتاع بنات بعتبروهو الشباب مميز جوابها بحكمة: للسبب ده بقولو الولاعه احسن من عود الكبريت ما عايزة ترجمة صاح يا الحبيب
Post: #20 Title: Re: الدخول غلط ... ممنوع للرجال اكثر من 40عام ...توجد صورة شرط Author: ناصر حسين محمد Date: 02-23-2013, 07:09 PM Parent: #18
ماذا انت فاعل لو ظهر الحبيب الاول واصبحت انت التاني
أها ذكرتني نرجع للدخول الغلط: لوشفته لمة في امريكا مظاهرت بطالب بي حقوق الانسان لو شفته لمة في بريطانيا مظاهره بطالب بمساوأة حقوق النساء بالرجال لو شفته لمة في اليابان مظاهرة بطالب برفع الاجور اما لو شفته لمة في السودان جنازة فنان
Post: #24 Title: Re: الدخول غلط ... ممنوع للرجال اكثر من 40عام ...توجد صورة شرط Author: عباس الدسيس Date: 02-23-2013, 07:55 PM Parent: #23
Quote: ياعبس غايتو المصايب تجيك فى صمة كيبورتك. قلت لى الراجل نجح فى الامتحان.
بدري يا وجيه شوف في مصيبه اكبر من دي نسوي شنو الصبر يا الحبيب!!! الاب قال للولد: امشي شوف الجيران لي صوتهم طالع. مشي الولد وعرف بت الجيران هربت مع حبيبها. الولد خجل اقول لي ابوهو.. وقال ليهو الجماعة ديل عربيتهم اتسرقت !!!! مشي الاب للجار يواسيه . قال ليهو : الحمد لله ارتحتو منها؟؟؟ دي كانت طول النهار من زول لي زول ما فيها حيل تمشي بيهو..... من كترت ما الناس بتركبها !!!! ................................................................................ والله أنا يوم ركبتها ما عجبتني !!!!
Post: #40 Title: Re: الدخول غلط ... ممنوع للرجال اكثر من 40عام ...توجد صورة شرط Author: Suleiman Todi Date: 02-24-2013, 05:18 PM Parent: #24
قال ليهو : الحمد لله ارتحتو منها؟؟؟ دي كانت طول النهار من زول لي زول ما فيها حيل تمشي بيهو..... من كترت ما الناس بتركبها !!!! ................................................................................ والله أنا يوم ركبتها ما عجبتني !!!!
بعد السلام كتلتني بالضحك يا الدسيس عمك طيب الا الزمن وما هو ركب البنت؟؟؟؟ الله يسامحك الدسيس انت في مراحلك الدراسية مريت بابوحراز او حنتوب الثانوية؟؟؟ لانو اسمك دا ما غريب علي
Post: #25 Title: Re: الدخول غلط ... ممنوع للرجال اكثر من 40عام ...توجد صورة شرط Author: سامى عبد المطلب Date: 02-23-2013, 07:58 PM Parent: #23
هههههه يا ود الدسيس الاسئله التعسفيه دى فى داعى ليها ياخى ... !
ما اديناها فرقه زاتو تفهم حاجه ... الله يخليها لى وليداتها ....!
ازيك يا صاحب .. غايتو بطريقتك دي يوم بتكتل ليك زول ... والله صحي ولا اقلها صاحبنا داك يقوم يكتب فيك مذكرة قدر الضربة شايفك بديت ترخي في الكرفته شوية شوية هههههههههه
تحياتي
Post: #28 Title: Re: مداخلة انصرافية Author: وليد محمد المبارك Date: 02-24-2013, 02:56 AM Parent: #27
عباس هاك التو
في شأن الفهمان الغلط يحكى ان :
واحدة واقفة في كافتريا الجامعة شايلة ايسكريم قرب منها زميل وقال ليه هامسا : عاوز اقول ليك شي .. لكن خايف تفهميني غلط قالت ليه : ما تخاف قول .. ما بفهمك غلط
قال ليها : جيبي لحسة ..! البت اتبسمت .. ومدت ليه الايسكريم .. يعني فهمتو صاح
صاحبنا قال ليها : موش قلت ليك خايفك تفهميني غلط
Post: #29 Title: Re: مداخلة انصرافية Author: عباس الدسيس Date: 02-24-2013, 05:54 AM Parent: #28
Quote: عارف يا الدسيس الفهم الغلط دا انا عندى موقف فيه عجيب
كان سبب في طرشيق زواج صاحبتى
لو قلتوا حا تعملوا لي موضوع
وضاحة سلام وتحية قولي عليك الله البنقول فيهو حسي هنا هين و ل لين مسطول في زيارة لي اخوهو لقاهو مكره الاولاد بشراب اللبن. قال ليهو : سيب الاولاد في حاله تشرب التشربو اخوهو قال ليهو: عشان وقت اكبرو الواحد اكون ماشي في الواطه تهتز تحت رجليهو قال ليهو تاعب نفسك مالك خليهم بعد اكبرو اشفطو ليهم كم نفس سجارة القو الواطه تهتزر لوحدها.
قولي قولك اما الواطه اهتزت من اللبن أو نمشي بي حكمة المسطول
عبسبس يا وناس ونستك ما بتتصاقع كلو كلو لكن دايرة ليها فضية قاليك البنية في المواصلات جاك كوركت قالت الحرامييييييييي قبضو الحرامي وفي القسم البوليس سألها قاليها سرقك كيف وقروشك كانت وين ؟ قروشي كانت جوة الستيانة وكيف ما حسيتي بيهو وهو يدخل ايدو في الحتة الحساسة دي ؟ قايلا قصدو شريف . . اخونا عبدالمنعم الطيب ياخي شكرا للفقدان وما تفقد عزيز عشان كدا كتبت الحكاية الفوق دي لك خصيصا وللدسيس السلام
يا دسيس يا لذيذ متابع ومرصود وعين الحسود فيها عود دائما كامل الدسم تحياتي
Post: #41 Title: Re: مداخلة انصرافية Author: محمد فضل الله المكى Date: 02-24-2013, 05:41 PM Parent: #30
. . والله يا الدسيس اخوي في مشكلة محيراني حيرة....إنت عملت ليها مسحة كِده في أول البوست وعدّيت منها ...حكاية البكيات والفواتح دي ..أنا من رأيي يلغوا حكاية الفاتحة الصورية (البيرفعوا ليها اليدين)!!!لكن أب كريق وحماد أب بيض وعوج الدرِب البيقنِعهم منو؟
الإجازة الفاتت مشيت البلد بعد غيبة عام لقيت لي كم بِكا(منتظرين) سيد الحارَّة تمشي تقول ليهو الفاتحة....شلا ليفو لب لب لب ويرفع يدّينو! أنت ما تكون عملت ليك آيتين تلاته من سورة الفاتحة هو يكون نهى الموضوع وكابَسَك!!
أنا ما عارف لمن في البكيات نقول(الفاتحة على روحو) ونرفع يدينا, هل المقصود نقرا سورة الفاتحة؟ ولا المسألة شكلية؟؟.. حيَّرتونا ذاطو!
الحبيب عبس ياخ كي بورتك فيهو شي يحير يغير اتجاه الزول ,,,,, غايتو عندك محن الله يجازي محنك يا عبس ... غايتو الواحد لو تابع بوستاتك دي يا عباس يا رفدوه يا رفدوه ... مافي حل ثاني ابدا ابدا .. لكن يا عباس بتاع المطعم عصرته عليهو ياخ كدي حاول في اول اجازة امشي وراضيهو ... اما البت غايتو الله يعينها ... كدي احكي لينا شي من ذكريات مدني وايامك الخوالي يا عبس ,, ياخ حيرت التم تم زاتو يا عبس ,, ولا اقول ليك كدي ادي اختنا الزميلة فضاحة دي المايك علشان تحكي لينا شوية ,, يلا اتفضلي يا اخت فضاحة المايك معاك ....
اها يا الدسيس جيت بس انا ما بعرف احكى مثلك والعربى شوى تعبان المهم
عندى صاحبتى من الثانوى كنا بندرس سواء وصاحبتى شديد فردتى لدرجة بنلبس زى بعض من محل واحد المهم اتعرفت ليها على زول كده وحبتوا وطلب منها انوا يجى البيت علشان يتموا الخطوبة قالت ليه زين ووصفت ليه البيت واتفقوا على مواعيد زيارت اهلوا لى بيتن قمت انا بعتبارها فردتى رتبنا للموضوع وكده وبيقنا نمشى السوق نشترى ونجهز فى الاغراض فى اليوم المحدد المفروض يجوا اهلوا البيت هى مشت تجهز نفسها وانا كنت حايمة وسط البنات بنجهز فى الحاجات وكده قومى يا ام العريس سالت ام العروس البت البسة بنفسج دى منو قالت ليها دى صديقة بتى وصاحبتها وزى بتى اها يا ام العرويس اسكتى وكل مرة ارفع راسي القاها تعاين لى ومركزة معاى
انا قلت المراة دى بتعاين لى كده مالها المهم جات العروس وقعدت وانتى يا ام العريس مستننك تفتحى خشمك ابت خالص المهم الناس اتعشت واتونست وفاتت
اليوم البعدوا جات صاحبتى قالت لى ام العريس قالت للولد العروس دى ما دخلت لى مزاجى لقيت واحدة فى الحفلة عجبتنى وحبيتها لزم نمشى تتعرف عليها وتخطبها
قالت لى عرفتى البت منو قلت ليها لا قالت لى انتى
ويعداك عينك ما تشوف الا النور زعلت جدا وطلبت منها تنساء الزول دا لانوا الزول دا فهموا عند اموا لو هو قبل بى كده
المهم العريس حاول تانى مع اموا و معها لكن هى رفضت وبطنها طمت وطرشقت الخطوبة
Post: #46 Title: Re: مداخلة انصرافية Author: عباس الدسيس Date: 02-25-2013, 05:47 AM Parent: #45
Quote: والله ياعباس اخوي تسوقنا سواقة جد ،،، يسلم القلم ،،، وحاول ( نصيحة ) لملم كتاباتك دي في حته واحدة احتمال تفكر تطبع
ناصر يا حبيبنا اخبارك والاسرة الكريمة زهجنا من السياسة البقت ضنب كل- ب الهترشة مع حالتنا وحال البشبهونا ترويح عن النفس اسلم زوقك يا الحبيب وممنون كثير للمشاركة والمتابعة نصيحتك في العين الرأس كمان ما تقول هنا الطباعة برماد القروش حاجة مهمة لملمت الكتابات العيب تعرف كتاباتنا بنعتبرا ونسة وداقشين ساااااااااااااااااااكت تقديري وشكري
Post: #47 Title: Re: مداخلة انصرافية Author: عباس الدسيس Date: 02-25-2013, 05:52 AM Parent: #46
Quote: ماتبوظ أعصابنا يأخ ..
جمال ود القوز سلام يا وجيه شغال بالغاز التقنيات الجديده لماكينات السيارات قاعد علي الهبشة اريتو حال تانيين ناس مكينة الديزل تحياتي وتقديري
Post: #48 Title: Re: مداخلة انصرافية Author: عباس الدسيس Date: 02-25-2013, 06:06 AM Parent: #47
Quote: الدسيس انت في مراحلك الدراسية مريت بابوحراز او حنتوب الثانوية؟؟؟ لانو اسمك دا ما غريب علي
سليمان سلام يا وجيه اعتقد ود عمتنا كان بدرس في حنتوب اصلو الاسم شايلاهو العائلة كلها وناس ابحراز العركيين اهلنا باقي لي جماعة النوبات في عموم الجزيرة والسودان ملخبتين ببعض تحياتي وتقديري وسعيد بمقابلتك في سودانييز مع فائق التقدير
Post: #49 Title: Re: مداخلة انصرافية Author: وليد محمد المبارك Date: 02-25-2013, 06:31 AM Parent: #44
تربية حبوبات يا سامي وحاتك
Post: #50 Title: Re: مداخلة انصرافية Author: عباس الدسيس Date: 02-25-2013, 11:50 AM Parent: #49
Quote: ما اديناها فرقه زاتو تفهم حاجه ... الله يخليها لى وليداتها ....!
حبينا سامي سلام ربنا اديك واديهم الصحة وطول العمر يا الحبيب اكيد تقديري
قالوا يا عباس: القسيس بيتناقش مع زوجته بخصوص موضوع الخطبة في الكنيسة يوم الأحد فقال ليها" أنا حا أتكلم عن الناس البيغيبوا من الكنيسة يوم الأحد عشان يمشوا البحر يتعلموا الركمجة "ركوب الأمواج" زوجته قالت ليهو ده موضوع ممل والناس الإنت مستهدفهم بالكلام ده أصلا ما حا يكونوا موجودين وحا يكونوا مشوا البحر!! فأحسن تشوف ليك موضوع ساخن من المواضيع البتعجب الناس زي المعاشرة الزوجية لكن أبونا أصر علي رأيه في موضوع الخطبة فزوجته قالت ليهو كان كده أنا ذاتي ما جاية الكنيسة يوم الأحد!! يوم الأحد وأبونا ماشي على الكنيسة قام راجع نفسه وقرر أن يحول موضوع الخطبة زي ما قالت زوجته ويتكلم عن الجنس في الحياة الزوجية!! وفي عصر نفس اليوم قابل أحد الجيران زوجة القسيس في السوق وبادرها قائلا" وين اليوم ما حضرتي الخطبة!!! والله أبونا بدع وتحدث حديث العارفين فردت عليه " هو شن عرفو بيها جربها في حياتو مرتين وفي المرتين وقع على ضهرو" لووووووووووول
عباس بمناسبة الدعاية الموجودة في كل البوستات في المنتدى تولع وتطفع ومكتوب فيها ( اعلن هنا )
احكي ليكم نكته واقعية حدثت في كسلا
كان توجد شركة صينية شغالة في تحديث الطرق الداخلية للمدينة . وفي واحد من الشباب شغال معاهم سايق قلاب تراب .. والصينيين معروف انهم بخلاء جدا ... عاوز يصفوا حسابه معهم دخلوا معاه في مغالطات ونقصوا نصيبه ... وهو قدر ما حاول يقنعهم عجز في النهاية لامن زهج
مد كف يده ورفع اصبعه الاوسط للاعلى وقال لهم ( أركبوا هنا كلكم) ...الحركة المعروفة .....
الصينيين تلفتوا لبعض باندهاش وقال له احدهم ( ولكن كيف سيحملنا هذا الاصبع الصغير ؟؟؟؟؟؟؟؟؟؟؟؟؟؟؟؟؟؟؟؟؟؟)
ازيك يا صاحب .. غايتو بطريقتك دي يوم بتكتل ليك زول ... والله صحي ولا اقلها صاحبنا داك يقوم يكتب فيك مذكرة قدر الضربة شايفك بديت ترخي في الكرفته شوية شوية هههههههههه
تحياتي
امين يا صديق اخبارك والاسرة الكريمة الطبع غلاب قدر ما ربطانها وخنقنا الرقبه ليقيناها بتتسحب لي تحت العيب من الخامة. لو علي المذكرات هينه والله بقينا نخاف في تعاطينا مع الاسافير من القضايا والمحاكم. السوابق بتصبح ملازمة الانسان عشان كده الله بينا وبين صحيفة الاسافير القضائية. تحياتي وتقديري
وليد هاك الباكورد: واحد اتصل علي امو من البحرين الحقيني يمه لميت في واحده جاني ايدز !!!!!!!!! يا ولدي اقعد قبلك ما تجينا لو جيت هنا... بتنقل الايدز لمراتك ومرتك بتنقلو لي اخوك ومنو طوالي للشغالة . ومن الشغاله لي ابوك ومن ابوك لي انا ومني انا للسواق ومن السواق لاختك لو اختك جاها الايدز قول للبد السلام عليكم
Post: #56 Title: Re: مداخلة انصرافية Author: عباس الدسيس Date: 02-26-2013, 06:41 AM Parent: #55
Quote: لا لا ابدا .. عداك العيب ما اظن في زول يكون داير ترجمة
نادر التوم سلام يا حبيبنا قولنا الفلم الاجنبي احتمال محتاج لي معامل أنيس عبيد للترجمة ظننا طلع مافي محلو من الرسلة الوصلتها لينا شكرا يا الحبيب مع تحياتي
Post: #57 Title: Re: مداخلة انصرافية Author: عباس الدسيس Date: 02-26-2013, 10:47 AM Parent: #56
Quote: عبس ارخي الكرفتة ، وفك الزراير ، ( وما تعلم كيبورتك الهوبان ) ما بين قوسين للعزيز عبدالله ود البوش ... لهم التحية ولماذا الغياب ؛
عبد المنعم اخبارك يا صديق لينا مدة ما سمعنا صوتك الظاهر الشغل وخاصة بداية عام يا الحبيب والله اديتني وصية حا ابقي عليها عشرة ب س لو الكرفته قربت تقع اسندي بي تربطها تاني ود البوش معانا في دواخلنا وعلي اسطح الكيبوردات زول ما بتنسي التحية ليهو وليك انت يا رائع
Post: #58 Title: Re: مداخلة انصرافية Author: عباس الدسيس Date: 02-26-2013, 11:43 AM Parent: #57
Quote: عبسبس يا وناس ونستك ما بتتصاقع كلو كلو لكن دايرة ليها فضية قاليك البنية في المواصلات جاك كوركت قالت الحرامييييييييي قبضو الحرامي وفي القسم البوليس سألها قاليها سرقك كيف وقروشك كانت وين ؟ قروشي كانت جوة الستيانة وكيف ما حسيتي بيهو وهو يدخل ايدو في الحتة الحساسة دي ؟ قايلا قصدو شريف . . اخونا عبدالمنعم الطيب ياخي شكرا للفقدان وما تفقد عزيز عشان كدا كتبت الحكاية الفوق دي لك خصيصا وللدسيس السلام
ود البوش يا وجيه سلام ومشتاقين حاجة خفيفة واحد بسأل في خطيبتو!!! في زول قبلي لمسك ؟؟؟؟ سكتت........ قال ليها زعلتي ؟؟؟؟؟ قالت ليهو : لا بعد فيهم
Post: #59 Title: Re: مداخلة انصرافية Author: عباس الدسيس Date: 02-26-2013, 11:45 AM Parent: #58
Quote: يا دسيس يا لذيذ متابع ومرصود وعين الحسود فيها عود دائما كامل الدسم تحياتي
معاذ سلام يا حبيبنا شاكر ومقدر للمتابعة وسعيد جدا بوجودك هنا شكري وتقديري
Quote: والله يا الدسيس اخوي في مشكلة محيراني حيرة....إنت عملت ليها مسحة كِده في أول البوست وعدّيت منها ...حكاية البكيات والفواتح دي ..أنا من رأيي يلغوا حكاية الفاتحة الصورية (البيرفعوا ليها اليدين)!!!لكن أب كريق وحماد أب بيض وعوج الدرِب البيقنِعهم منو؟
الإجازة الفاتت مشيت البلد بعد غيبة عام لقيت لي كم بِكا(منتظرين) سيد الحارَّة تمشي تقول ليهو الفاتحة....شلا ليفو لب لب لب ويرفع يدّينو! أنت ما تكون عملت ليك آيتين تلاته من سورة الفاتحة هو يكون نهى الموضوع وكابَسَك!!
أنا ما عارف لمن في البكيات نقول(الفاتحة على روحو) ونرفع يدينا, هل المقصود نقرا سورة الفاتحة؟ ولا المسألة شكلية؟؟.. حيَّرتونا ذاطو!
أها الفاتحة يا جماعة....الفاتحة.
محمد فضل الله سلام يا الحبيب مداخلتك ذكرتني نكته زماااااااااااان بتقول ولد صغير بعد الصلاة يدعو في ربه يا الله تسوي باريس عاصمة امريكا أمو قالت ليهو يا ولدي كلام شنو البتقول فيهو ؟؟؟؟ قال ليها :جاوبت الامتحان امس باريس عاصمة امريكا. الفاتحه احيانا بتشيلا وانت بالك في محل تاني ولو عملته مسح ميداني عن ماذا يقرأ الرجل عندما يشيل الفاتحة تلقي مصائب الاغرب الناس اصبحت همها في الكشف اكثر من الفاتحه لو دعوة ورفعت يديك للسماء اليوم كلو وما ختيت في الكشف حضورك اخير عدمو بقاعدة الميت بفقد روحو. شكرا يا الحبيب
Quote: كدي احكي لينا شي من ذكريات مدني وايامك الخوالي يا عبس ,, ياخ حيرت التم تم زاتو يا عبس
ياسر الفنان سلام يا وجيه شوقنا ليك بحر ذكريات مدني خليها ما تشوف لينا فضوة عشان النية موجودة للمة وانت زول اساسي تحياتي وتقديري يا حبيبنا
Post: #62 Title: Re: مداخلة انصرافية Author: عباس الدسيس Date: 02-28-2013, 10:50 AM Parent: #61
Quote: اها يا الدسيس جيت بس انا ما بعرف احكى مثلك والعربى شوى تعبان المهم
شكرا ليك يا دكتوره مساهماتك دائما تزين المواضيع والمفترعات وجودك في حد ذاته اجمل حكي كان بالعربي او اللاتيني تحياتي وتقديري
Post: #63 Title: Re: مداخلة انصرافية Author: عباس الدسيس Date: 02-28-2013, 10:52 AM Parent: #62
Quote: أها .. وكإعلان للحُزن دا .. ما لبستي أسود رمزاً للحداد :)
صبري يا حبيبنا بنسلم وبنقول اكتمل العقد و ل لسع اخبارك يا وجيه
Post: #64 Title: Re: مداخلة انصرافية Author: عباس الدسيس Date: 02-28-2013, 10:54 AM Parent: #63
Quote: سلام آدسيس اخوى
هلا واخبارك الجميعابي يا صديق مختفي يا الحبيب تحياتي وتقديري
Post: #65 Title: Re: مداخلة انصرافية Author: عباس الدسيس Date: 02-28-2013, 10:57 AM Parent: #64
Quote: تحياتي الأخ عباس
قالوا يا عباس: القسيس بيتناقش مع زوجته بخصوص موضوع الخطبة في الكنيسة يوم الأحد فقال ليها" أنا حا أتكلم عن الناس البيغيبوا من الكنيسة يوم الأحد عشان يمشوا البحر يتعلموا الركمجة "ركوب الأمواج" زوجته قالت ليهو ده موضوع ممل والناس الإنت مستهدفهم بالكلام ده أصلا ما حا يكونوا موجودين وحا يكونوا مشوا البحر!! فأحسن تشوف ليك موضوع ساخن من المواضيع البتعجب الناس زي المعاشرة الزوجية لكن أبونا أصر علي رأيه في موضوع الخطبة فزوجته قالت ليهو كان كده أنا ذاتي ما جاية الكنيسة يوم الأحد!! يوم الأحد وأبونا ماشي على الكنيسة قام راجع نفسه وقرر أن يحول موضوع الخطبة زي ما قالت زوجته ويتكلم عن الجنس في الحياة الزوجية!! وفي عصر نفس اليوم قابل أحد الجيران زوجة القسيس في السوق وبادرها قائلا" وين اليوم ما حضرتي الخطبة!!! والله أبونا بدع وتحدث حديث العارفين فردت عليه " هو شن عرفو بيها جربها في حياتو مرتين وفي المرتين وقع على ضهرو" لووووووووووول
صديق حمدتو سلام يا رائع خطيره والله..... مبااااااااااااااالغة سعيد بي تواجدك ومشكور علي المساهمة الثرة تحياتي وتقدير
Post: #66 Title: Re: مداخلة انصرافية Author: عباس الدسيس Date: 02-28-2013, 11:00 AM Parent: #65
Quote: عباس بمناسبة الدعاية الموجودة في كل البوستات في المنتدى تولع وتطفع ومكتوب فيها ( اعلن هنا )
احكي ليكم نكته واقعية حدثت في كسلا
كان توجد شركة صينية شغالة في تحديث الطرق الداخلية للمدينة . وفي واحد من الشباب شغال معاهم سايق قلاب تراب .. والصينيين معروف انهم بخلاء جدا ... عاوز يصفوا حسابه معهم دخلوا معاه في مغالطات ونقصوا نصيبه ... وهو قدر ما حاول يقنعهم عجز في النهاية لامن زهج
مد كف يده ورفع اصبعه الاوسط للاعلى وقال لهم ( أركبوا هنا كلكم) ...الحركة المعروفة .....
الصينيين تلفتوا لبعض باندهاش وقال له احدهم ( ولكن كيف سيحملنا هذا الاصبع الصغير ؟؟؟؟؟؟؟؟؟؟؟؟؟؟؟؟؟؟؟؟؟؟)
ابو الدر يا صديق سلام وتحية للاسرة الكريمة دائما تجيب معاك السهل المضحك اخبارك يا الحبيب منقطعه شوقنا للمقابله تحياتي وتقديري
Post: #67 Title: Re: مداخلة انصرافية Author: جمال ود القوز Date: 02-28-2013, 11:06 AM Parent: #63
يادسيس يأخ .. الاربعينيين المنعتهم من الصرف ديل .. هم .. أفضل من يعتلي قمة النشوة .. بعد أن غرسوا .. على قمتها علم حضورهم بقوه .. وخبروا دروبها ومنعطفاتها ودهاليزها .. ثم تمترسوا بالقمة غير عابئن .. بما يناوشهم من مآزق .. ممتشقين عزاؤهم الأوحد .. والقول المأثور .. رب لحظة خير من الف عام ... فالمواعيد حينها بلا أي طعم .. وقطعاً لا مكان للصدفه .. فكل فعل عليه ديباجة .. مع سبق الاصرار والترصد ....
Post: #68 Title: Re: مداخلة انصرافية Author: عبد الله فقير Date: 02-28-2013, 11:21 AM Parent: #67
عبس سلامات هاك دى قصة حقيقية عمك هباش بلدياتنا كل يوم بجى سكران والغريب انو كل يوم بجى بناتو بشاكلو مع بعض فى الشارع قدام بيتم بخت كرسيهو اصولو ما بسالم بدقو بعض وبشتمو بعض بالفاظ زي الزفت هو بكون بس بقلب فى موجات الراديو ولا كانو هنا المهم يوم جاء العصرية من الكمبو واقف لط لقى بناتو فى شكلتم زي كلو يوم وفى واحد اسمو هبوبة من اولاد الحلة داخل فى نصهم عامل فيها بحجز يمسك البت من البنات يحضنه من نصها ويشيلة يدخلة البيت ويجى راجع للتانية (5 بنات ) وعمك هباش مراااااااقب المنظر فى البنات الكبار المتزوجات اصلو ما سالو لامن جاء على البت الصغيرة عمك هباش نطا قال ليهو انعل د..... ياهبوبة هسى سواتك حجيز ولا ......... عديل
Quote: يادسيس يأخ .. الاربعينيين المنعتهم من الصرف ديل .. هم .. أفضل من يعتلي قمة النشوة ..
جمال يا وجيه سلام الاربعين مشهورة عند العامة سن النبؤة ما عدا المسيح يقال عند 33 والاربعيني في تفاصيل الجمال له الدراية الكافية بنظرة للمنخفضات والمسطحات والمنعرجات عشان كده تواجدو بفضح القصور ديل ناس الخبره يا الحبيب ولو جلت الخبرة من الاربعين في الخمسين بتبقي مراهقة وكده بنرجع لي تحت يعني سن المنتصف لو جليناها الامور بتكون ماشة بالعاطفة وهي التي تسوقك للاحاسيس الاخري. تحياتي يا ود القوز
Quote: انعل د..... ياهبوبة هسى سواتك حجيز ولا ......... عديل
عبدالله فقير سلام يا وجيه حلوة والله بجد دخول بقصد وليس خطأ زولك لابت للبلي عمك طلع مفتح قال ليك استاذ سأل تلميذ : ماهو ميل الخط المستقيم ؟؟؟؟؟؟ التلميذ [email protected]
القصة دى حصلت فى امدرمان مشينا انا وصحابى من التلفزيون نصور عرس فى واحدة من الثورات والحفلة بدات الساعة تسعة والهجيج بدا وانتهى الفاصل الاول والعرسان ماظهروا اتعشينا وبدا الفاصل التانى وحوالى الساعة حداشر الا ربع وباقى للحفل ربع ساعة وينتهى نسمع ليك البورى بتاع سيرة العريس وقفت العربية ونزلت العروس برها انا قلت يمكن عروس طرد بدون عريس بعد شوية اشوف ليك فى انسحاب تكتيكى من اتجاه اهل العريس والكراسى بقت فاضية سالت صاحبى الحاصل شنو ؟ قال لى فى مشكلة حصلت بين العرسان فى الكوفير والطلاق وقع لكن مع ده كله الحفلة استمرت لحد الساعة حداشر وقفت لمينا عدتنا ومشينا بعد يومين سالت صاحبى الحصل شنو ؟ قال لى حصلت شكله بين اخت العروس والعريس لمن جا يدفع فى الكوفير والعريس دفع لعروسه بس هنا اخت العروس قالت لازم يدفع ليها ولى البنات المعاها كمان والشكلة دورت اخت العريس يبدوا انها خرجت من النص ونبذت العريس والراجل قام طلق جوه الكوفير اهم حاجة اتعشينا مع الفنانين عشا كارب
Post: #77 Title: Re: مداخلة انصرافية Author: عباس الدسيس Date: 03-04-2013, 11:10 AM Parent: #76
Quote: حصلت شكله بين اخت العروس والعريس لمن جا يدفع فى الكوفير والعريس دفع لعروسه بس هنا اخت العروس قالت لازم يدفع ليها ولى البنات المعاها كمان والشكلة دورت اخت العريس يبدوا انها خرجت من النص ونبذت العريس والراجل قام طلق جوه الكوفير اهم حاجة اتعشينا مع الفنانين عشا كارب
مصطفي سلام الرواية فيها جانبين دخول خطأ 1/ الاختيار اما العروس استغلاليه واما الريس بخيل وفي كلا الحاتين لم يتم دراسة هذه الجوانب قبل الزواج 2/ اخت الروس شايته بصورة شترا صاح حسب الاوتوكيت والمتعارف عليه العريس بدفع للناس الموجوده مع العروس الراجل وقت ما دفع مالك مطلقة اختك. يازول بركه في العشا
Post: #78 Title: Re: مداخلة انصرافية Author: احمد سيد احمد Date: 03-04-2013, 08:33 PM Parent: #77
كتب الاخ صديق حمدتو :
Quote: تحياتي الأخ عباس
قالوا يا عباس: القسيس بيتناقش مع زوجته بخصوص موضوع الخطبة في الكنيسة يوم الأحد فقال ليها" أنا حا أتكلم عن الناس البيغيبوا من الكنيسة يوم الأحد عشان يمشوا البحر يتعلموا الركمجة "ركوب الأمواج" زوجته قالت ليهو ده موضوع ممل والناس الإنت مستهدفهم بالكلام ده أصلا ما حا يكونوا موجودين وحا يكونوا مشوا البحر!! فأحسن تشوف ليك موضوع ساخن من المواضيع البتعجب الناس زي المعاشرة الزوجية لكن أبونا أصر علي رأيه في موضوع الخطبة فزوجته قالت ليهو كان كده أنا ذاتي ما جاية الكنيسة يوم الأحد!! يوم الأحد وأبونا ماشي على الكنيسة قام راجع نفسه وقرر أن يحول موضوع الخطبة زي ما قالت زوجته ويتكلم عن الجنس في الحياة الزوجية!! وفي عصر نفس اليوم قابل أحد الجيران زوجة القسيس في السوق وبادرها قائلا" وين اليوم ما حضرتي الخطبة!!! والله أبونا بدع وتحدث حديث العارفين فردت عليه " هو شن عرفو بيها جربها في حياتو مرتين وفي المرتين وقع على ضهرو" لووووووووووول
قريت زيها في الريدرز دايجست بهذه الصيغة :
حين كُلِّفَ الاستاذ الشاب في كلية البنات بتدريس مادة الثقافة الجنسية,اضطر الى ان يكذب على زوجته ويبلغها بان المادة الجديدة التي يدرِّسها هي الملاحة.فدُهشت الزوجة وقالت:"ولكن ماذا تعرف انت عن الملاحة؟"فطمأنها انه قرأ كثيراً عن الموضوع وانه مستعد لتدريسه.وفي اليوم الاول من الفصل الدراسي الجديد,كانت زوجة الاستاذ في انتظاره في الكلية لحظة انتهاء درس الثقافة الجنسية.فالتقتها طالبة متحمسة وهتفت:"ان زوجك رائع في تدريس هذه المادة".وهنا تلعثمت الزوجة وقالت:"لكني لا افهم كيف حدث ذلك.فهو لم يجرِّب الامر سوى مرتين,فمرض في محاولته الاولى وفقد متعته بعد الثانية".
Quote: عباس..سيد الاسم..استمتعنا حد الافراط..ممكن نشارك بي غنية..؟..مسطول خطب واحدة..بتحب واحد تاني..عايزه توصل ليهو الموضوع دا عشان يخليها..قالت ليهو : انا في دواخلي انسان تاني..؟ قال ليها بطلي فلسفة وقولي حامل..
الدسيس
ياخي عباس عمر الفيسبوكابي دا مطنشو مالك
Post: #80 Title: Re: مداخلة انصرافية Author: عباس الدسيس Date: 03-05-2013, 07:29 AM Parent: #79
Quote: قريت زيها في الريدرز دايجست بهذه الصيغة :
حين كُلِّفَ الاستاذ الشاب في كلية البنات بتدريس مادة الثقافة الجنسية,اضطر الى ان يكذب على زوجته ويبلغها بان المادة الجديدة التي يدرِّسها هي الملاحة.فدُهشت الزوجة وقالت:"ولكن ماذا تعرف انت عن الملاحة؟"فطمأنها انه قرأ كثيراً عن الموضوع وانه مستعد لتدريسه.وفي اليوم الاول من الفصل الدراسي الجديد,كانت زوجة الاستاذ في انتظاره في الكلية لحظة انتهاء درس الثقافة الجنسية.فالتقتها طالبة متحمسة وهتفت:"ان زوجك رائع في تدريس هذه المادة".وهنا تلعثمت الزوجة وقالت:"لكني لا افهم كيف حدث ذلك.فهو لم يجرِّب الامر سوى مرتين,فمرض في محاولته الاولى وفقد متعته بعد الثانية".
وفي رواوية اخري.............. الروايتين مدهشات وعندما تقراء الثانية تعتقد أنه لم تمر عليك الاولي تقدريري وشكري احمد سيد احمد
Post: #81 Title: Re: مداخلة انصرافية Author: عباس الدسيس Date: 03-05-2013, 08:30 AM Parent: #80
Quote: الدسيس
ياخي عباس عمر الفيسبوكابي دا مطنشو مالك
الصادق حبيبنا سلام معقولة عباس اطنش ده حبيب القلب حكم مساطيل........... مسطول سألوهو... ما هي اصعب لحظات الطفولة.؟؟؟؟؟؟؟؟ قال ليهم: تشوف الوالد بيضرب في اخوك قدامك ضربا مبرحا وانت منتظر دورك بالله يا عبس سمعتها قبل كده
Post: #82 Title: Re: مداخلة انصرافية Author: امجد محمد الأمين Date: 03-05-2013, 09:27 AM Parent: #29
Quote: المهم مرت سنوات علي هذه الحادثه. والي الان مافي زول عارف اني كنت راجع للسيارة عشان اجيب ال500الف
Post: #83 Title: Re: مداخلة انصرافية Author: عباس الدسيس Date: 03-05-2013, 11:18 AM Parent: #82
[SIZE="5"] أمجد عجبتك .... [/SIZE]
Post: #84 Title: Re: مداخلة انصرافية Author: أبو ساندرا Date: 03-05-2013, 11:38 AM Parent: #83
ماعرفت ( الزولة الداخلة بصورة عجيبة ) دي دخلت وين ؟ وكيف ؟ وماقدرت اربط بينها وبين رنوش
Post: #85 Title: Re: مداخلة انصرافية Author: عباس الدسيس Date: 03-06-2013, 07:13 AM Parent: #84
Quote: ماعرفت ( الزولة الداخلة بصورة عجيبة ) دي دخلت وين ؟ وكيف ؟ وماقدرت اربط بينها وبين رنوش
