Post: #1
Title: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 01:05 AM
وزيرة المواصلات الاسترالية بنيو ساوث ويلز...تركب المواصلات العامة زيها وزي العامة...لموا فيها ناس الاعلام الذي يخشاه السياسيون هنا كما يخشى المواطنون في بلادنا جهاز الامن!!!
..
|
Post: #2
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 01:11 AM
Parent: #1
هسي في وزير وللا مسؤول حكومي سغيروني (علي قول ود الباوقة) بيركب مواصلات مع العامة عندنا؟؟؟
الوزير تلقاهو متجول وسط جوغة من الجمجرجية..يفتحوا ليهو الطريق و ينظر للناس من علو
السيد الوزير جا...السيد الوزير غادر..
...
مع العلم بأن بلادنا هي بلاد الاسلام
الاسلام الذي روحه العدل و المساواة
...
فأي مفارقة!!!
|
Post: #3
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: طارق الجبلابى
Date: 02-23-2013, 02:34 AM
Parent: #2
******
|
Post: #5
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: MOHAMMED ELSHEIKH
Date: 02-23-2013, 05:59 AM
Parent: #3
كمان يازياد انت ماتعصر عليهم
ياخي معقول مواصلات سيدني بالوادي تكون زي بتاعت امبدة بالسبيل عشان وزيرتنا تركب؟
|
Post: #9
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:22 PM
Parent: #5
محمد الشيخ
انشالله كان أمجاد
ياخي اليسوق عربيته براهو...و ن غير هليلة و رفع نخرة (واحدة مش عربية للمدام و للاولاد و..وو)
|
Post: #6
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: Rawia
Date: 02-23-2013, 06:03 AM
Parent: #3
زياد إزيك
والله السودانيين فيهم النور مجرور من غيرهم (أهلي المصريين)
السوداني بطبعه متواضع تو ذا إيرث
حقييييقة يعلم الله
ياخ أي سوداني مهما علا ..بيكون عندو في البلد تربال حارس ليهو زراعة ولا راعي بي بهم
المهم ممكن تكون دخلت حاجات بدخول الجماعة ديل لكن الاصل ان السوداني متواضع
_______
بمناسبة التواضع
صورتك دي بالاشعة فوق البنفسجية؟
|
Post: #10
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:29 PM
Parent: #6
Quote: زياد إزيك
والله السودانيين فيهم النور مجرور من غيرهم (أهلي المصريين)
السوداني بطبعه متواضع تو ذا إيرث
حقييييقة يعلم الله
ياخ أي سوداني مهما علا ..بيكون عندو في البلد تربال حارس ليهو زراعة ولا راعي بي بهم
المهم ممكن تكون دخلت حاجات بدخول الجماعة ديل لكن الاصل ان السوداني متواضع
|
ما بتفق معاك يا راوية
على الاقل في وقتنا الحاضر
ياخ خليهو الوزير..غفير المستشفى عشان ادوهو سلطة فوق خلق الله..تلقاهو بعامل في الناس بي لؤم و ترفع..
منسوفي القوات النظامية حدث ولاحرج!!
كل زول في السودان بفتري على الاقل منو
..
Quote: بمناسبة التواضع
صورتك دي بالاشعة فوق البنفسجية؟ |
مع انو ما عارف علاقتا بالتواضع شنو..لاكين لا..دا تطبيق في الآيباد
|
Post: #27
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: احمد عمر محمد
Date: 02-24-2013, 10:16 PM
Parent: #6
Quote: لسوداني بطبعه متواضع تو ذا إيرث
حقييييقة يعلم الله
ياخ أي سوداني مهما علا ..بيكون عندو في البلد تربال حارس ليهو زراعة ولا راعي بي بهم |
انت تتكلمي بجدك استاذة راوية ربما هذا من عبق التاريخ ام الذين استوزرو
في زماننا هذا فقد ريناهم بام اعيننا و لانبخس حقوق البعض منهم و هذه فئة
اكثر من نادرة لكن برضو يبدو عليه التعالي و الاحساس بالعظمة المزيفة
تحياتي
احمد
|
Post: #8
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:19 PM
Parent: #3
جبلابي
شكرا على المرور
|
Post: #4
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: بجاوى
Date: 02-23-2013, 05:58 AM
Parent: #1
هناك العديد من الوزراء يستخدم المواصلات العامة ويمارس حياته بشكل طبيعى مثله مثل عامة المواطنين الاسترال واذكر انه رئيس الوزراء السابق كان يمارس رياضته المفضلة ( الجرى صباحا ) وسط المواطنين كل صباح وكثير ما يصدف ان تجد وزير ولائى او اتحادى فى احدى ( الشوبنق سنتر ) .
من القصص المؤلمة معتمد فى جنوب طوكر رفض ان يوصل مريضة للعلاج فى بورتسودان بحجة ان العربة ( سلك دبلوماسى )
شوفوا التناقضات دى ؟؟؟؟
|
Post: #12
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:32 PM
Parent: #4
| Quote: من القصص المؤلمة معتمد فى جنوب طوكر رفض ان يوصل مريضة للعلاج فى بورتسودان بحجة ان العربة ( سلك دبلوماسى ) |
ودا مربط الفرس يا بجاوي
لا رحمة ولا اخلاق...
والناس على دين ملوكهم...أو كما قال وليد المبارك
|
Post: #7
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: AlAmin AlMubarak
Date: 02-23-2013, 08:06 AM
Parent: #1
موجودة فى السودان و انا شا هد شاهدت وزيرة راكبة ركشة و تتعا لج فى مستشفى عادى و تغسل العدة و تمشى سعد قشرة با لموا صلات و تا كل بوش........لماذا دائما ننظر للاجانب....................................تنويه....هذه الوزيرة السودانية وزيرة عروس با لشعبية بحرى
|
Post: #15
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:45 PM
Parent: #11
بشرى يا حبيبنا
| Quote: أين نذهب اذا تم تطبيق الشريعة الاسلامية في استراليا |
غايتو سامع في توزيع قطع اراضي في المريخ...من هسي نحجز لينا كم متر
|
Post: #13
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:34 PM
Parent: #7
| Quote: هذه الوزيرة السودانية وزيرة عروس با لشعبية بحرى |
ووزير العريس برضو يا الامين
|
Post: #14
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-23-2013, 10:41 PM
Parent: #13
Quote: a
Adam M Abdulhamid
والله يا زياد الكلام دي(مع العلم بأن بلادنا هي بلاد الاسلام
الاسلام الذي روحه العدل و المساواة) دي حتي في السعزدية منبع الاسلام ما مطبق!!!! |
ما دا بالظبط كلامي يا آدم
كل بلاد منطقتنا العربية والاسلامية ما فيها كلام زي دا (إلا ربما بعض الاستثنائات الشاذة والله اعلم)
الكبر و الفخار و التعالي على الناس هو السلوك العام للمسئولين..و من طبقات الشعب على بعضها
مع انه حسب تعاليم ديننا الحنيف مفروض نكون العكس..شي غريب
|
Post: #16
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: بشرى محمد حامد الفكي
Date: 02-23-2013, 10:55 PM
Parent: #14
تعرف يا زياد مشيتي القبل الفاتت للسودان دخلت في موقف محرج مع اولادي، لأنو قفلو الشارع في مدني، لأنو في وزير جاي يفتح ليهو بيوت في اشلاق البوليس اتخيل لي، المهم نحن واقفين بالعربية، منتصر ولدي سألني ليه نحن واقفين، ومن غير تروي رديت عليهو لأنو الشارع مقفول عشان في وزير حيجي ماشي، يا زول دي كانت غلطة كبيرة لأنو سألني طوالي، يعني شنو، انا ما سالت من الوزير انا داير اعرف ليه الشارع مقفول، والله ما عرفت ارد، امو قامت قالت ليهو هم بيقفلوا الشارع تأمين للوزير، عشان ما يتعرض مثلاً لمحاولة اغتيال، أها منصر استغرب اكتر وقال ليه يغتالوهو، أها حقيقة ما قدرنا نرد، ولغاية هسي عايز زول يديني ردود اقولها لي منتصر ولدي دا
|
Post: #17
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: الصادق عثمان محمد
Date: 02-23-2013, 11:05 PM
Parent: #16
| Quote: معتمد فى جنوب طوكر رفض ان يوصل مريضة للعلاج فى بورتسودان بحجة ان العربة ( سلك دبلوماسى ) |
يكون خايف عليها ما يشرطها ....؟!
|
Post: #18
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: Munir
Date: 02-24-2013, 01:08 AM
Parent: #17
زياد سلامات ..
أوع يلم فيها واحد موتور يلحقها تلك الوزيرة السويدية التي كانت تتسوق مثل زولتك دي فطعنها ذاك الموتور وأرداها قتيلة - حادثة هزت السويد لفترة ..
|
Post: #19
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: ولياب
Date: 02-24-2013, 05:43 AM
Parent: #18
يا خي وزير شنو اليركب المواصلات العامة
يا خي عندنا مجرد ما الواحد أخد منصب أو تم تعيينه في وظيفة مرموقة ، باكاتوا بتكون مجهجهة وأفكار بتكون مشتتة وأحلامو وردية ، ومخصصاتو كانها أبدية ، البيت ،،، السيارة ،، بدل السفر ،،، المأموريات ، حق العلاج ،، بدل اللبس ، وما أحلاها لو في حوافز .
نعم الشعب السوداني بالطبع متواضع ،،، ولكن معظم المسئولين (إلا من رحم ربي) تجدهم في موضع البساطة والتواضع .
|
Post: #20
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: مدثر صديق
Date: 02-24-2013, 06:16 AM
Parent: #19
سلام
كتبت الاخت راوية :
| Quote: لكن الاصل ان السوداني متواضع |
غايتو انا شائف العكس
السوداني بكون متواضع لمن ما يكون عندوا حاجة ...اول ما يمتلك السلطة بتجبر و يتكبر ...
ياخى تلقي السوداني الوحيد في الطائرات يهدد و يتوعد المضيفات في الطائرات ....(و بالذات اذا كان معه اسرتوا)
و كما قال الاخ ولياب (إلا من رحم ربي)...من السودانيين ...
|
Post: #21
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: محمد درار
Date: 02-24-2013, 08:14 AM
Parent: #20
السلام عليكم ورحمة الله
الاخ زيـاد جعفر وضيوفه
يعني نحن نعمل شنو في الدنيا دي ؟ نقبل وين مع بوستاتكم دي ؟؟
| Quote: وزيرة تأكل الطعام و تمشي في الاسواق و (تركب المواصلات) (صورة) |
وبوست إسمارت أنا
| Quote: عمر بن الخطاب القرن ال 21 في نيوجرسي |
القصص دي بالنسبة لينا زي قصص الكائنات الفضائية والاطباق الطائرة ... مستحيييييييلة
والله كونه نحن نصدق انو في العالم في نماذج زي دي كتيرة علينا ..
تعرفوا انو لما الكهرباء دخلت حلتنا (في عاصمتنا دي) خلونا نحفر حفر العمود بيدينا ديل !! ونحن كنا فرحانين شديد كمان
والما بيحفر ما بيشتغلوا بيهو.
الناس ديل عندهم شنو ؟؟؟ إنسانية ؟ قوانين ؟ أدب ؟ إحترام ؟ ضغوط مجتمع (إيجابية)؟؟؟.... شنو ؟
طييب لييييييييييييه نحن ما عندنا زيهم ؟؟؟؟؟؟؟؟
خلي دول العالم الاول دبي القريبة دي تدهشك بالنظام و تدهشك النظافة , الشرطة , الرقي ... الخ
والموضوع اكيد ما موضوع غنى وفقر ...
طيب نحن مالنا ؟؟؟؟
نحن حنخش الجنة يوم القيامة عشان كدا بنتعذب في الدنيا ؟
|
Post: #28
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-24-2013, 10:36 PM
Parent: #21
و عليكم السلام و رحمة الله محمد
Quote: القصص دي بالنسبة لينا زي قصص الكائنات الفضائية والاطباق الطائرة ... مستحيييييييلة
والله كونه نحن نصدق انو في العالم في نماذج زي دي كتيرة علينا .. |
محمد درار
تعرف يا محمد المؤلم في الموضوع شنو؟؟
المؤلم أنه نحنا ما كنا كدا!!!
المؤلم أنه نحنا زمان كنا زي الخواجات ديل و أحسن...
الزعيم اسماعيل الازهري (رئيس مجلس السيادة= رئيس الجمهورية) كان بسوق عربينه براهو لمن يمشي لي زيارات مسنشفي او مناسبات!
كان بتدين من أصحابه لما يحتاج!!
في السودان زمان كان المواطن ممكن يرفع قضية على البلدية لو وقع في حفرة في الشارع (و توجد قصة و سابقة)
كان كل شي ماشي مظبوط لمن الناس كانو بظبطو ساعاتم بمواعيد القطر!!!
المؤلم هو التدهور المريع لي أخلاقنا و سلوكنا كسودانيين قبل أقتصادنا!!
Quote: تعرفوا انو لما الكهرباء دخلت حلتنا (في عاصمتنا دي) خلونا نحفر حفر العمود بيدينا ديل !! ونحن كنا فرحانين شديد كمان
والما بيحفر ما بيشتغلوا بيهو. |
كلنا حفرنا بي يدينا و دخلنا الكهربة و الموية كمان...و ناس الكهربة كانو كان ما دفعت حق السلوك و العمدان لا بوصلوا ليك و لا بشتغلو بيك..بس لو في حبة تواضع!
Quote: الناس ديل عندهم شنو ؟؟؟ إنسانية ؟ قوانين ؟ أدب ؟ إحترام ؟ ضغوط مجتمع (إيجابية)؟؟؟.... شنو ؟
طييب لييييييييييييه نحن ما عندنا زيهم ؟؟؟؟؟؟؟؟ |
اهم شي عندهم: حرية..عدالة..و مساواة
يعني مافي حاجة اسمها: سعادتك و سيدي وود الوزير و دا الوزير خالو و دا الرئيس عمو...كلهم ولاد تسعة
المسؤول و الوزير هو من يخشى الشعب و ليس العكس..لأنو عارف انه بتجي الانتخابات و بصيعوهو لو لخبت..و مرات قبل الانتخابات!!
وزي ما قلتا ليك فوق..المؤلم بالنسبة لي شخصيا انه نحنا زمان ما كنا كدا..
نحنا محتاجين لي تغيير شامل في مفاهيمنا المغلوطة.. بالذات تجاه الحكومة و المسؤولين
نبداها بالحرية و الديمقراطية ثم المؤسسية و الشفافية في العمل العام...الباقي بيحي براهو..
|
Post: #26
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-24-2013, 10:07 PM
Parent: #20
| Quote: ياخى تلقي السوداني الوحيد في الطائرات يهدد و يتوعد المضيفات في الطائرات ....(و بالذات اذا كان معه اسرتوا) |
معاك يا مدثر
و دي دايرا ليها بوست براهو كمان!!
|
Post: #25
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-24-2013, 10:06 PM
Parent: #19
| Quote: نعم الشعب السوداني بالطبع متواضع ،،، ولكن معظم المسئولين (إلا من رحم ربي) تجدهم في موضع البساطة والتواضع . |
ولياب
تعرف انا كنت بقول نفس الكلام دا...
بس هسي بخت (كان) قبله!!!
الشعب السوداني أتغير يا ولياب..دي حقيقة
الى اي مدى نجح مشروع الترابي في اعادة صياغة الانسان السوداني (الله اعلم)!
لكين من ناحية موضوع البوست: الكبر و الفخار و البوبار في بيت الايجار موجودة و بكثرة عندنا!!
و أب زول بلقي حبة سلطة داير يستبد و يركب التحتو حمير!
ماداير اشعب موضوع البوست
خلينا في الوزير
|
Post: #24
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-24-2013, 09:59 PM
Parent: #18
Quote: زياد سلامات ..
أوع يلم فيها واحد موتور يلحقها تلك الوزيرة السويدية التي كانت تتسوق مثل زولتك دي فطعنها ذاك الموتور وأرداها قتيلة - حادثة هزت السويد لفترة .. |
منير
زي ما انت قلتا (موتور)
والوزيرة المقتولة في السويد ديك ما أعز من الفنان خوجلي عثمان رحمة الله عليه...وللا شنو؟
وللا نحن مقولة (اليوم تم) دي نقولا للمساكين بس؟؟
|
Post: #23
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-24-2013, 09:51 PM
Parent: #17
الصادق عثمان
كلهم على هذا المنوال
|
Post: #22
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-24-2013, 09:48 PM
Parent: #16
| Quote: يعني شنو، انا ما سالت من الوزير انا داير اعرف ليه الشارع مقفول، |
بالضبط كدا
لانو في ذهنيته الصورة الصحيحة للوزير و المسؤول الحكومي: موظف دولة همه الاكبر ان ينال رضاء مخدمه وولي نعمته (الشعب)
قول ليه أقلب التعريف اعلاه لتجد نعريف الوزير عندنا!!!
|
Post: #29
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: درديري كباشي
Date: 02-25-2013, 09:13 AM
Parent: #22
هؤلاء يطبقون المقولة التي قيلت في عمر بن الخطاب بالحرف
عندما وجده رسول كسرى ينام في ظل شجرة وهو يحكم قارة ..
حكمت فعدلت فأمنت فنمت ..
هذا كل ما في الموضوع السيدة الوزيرة اعلاه تعلم تماما الا احد يطلبها شئ في شخصها ..
اما ناس قريحتي راحت ديل الموضوع ليس له علاقة بتواضع او عدم تواضع هو خوف وبس الا
فأسلوا عنهم المراجع العام ..
لو ما كان متزوج مثني ومثلث ومربع بخطيبات شباب غلابة اغروا اهلهن بالاموال ..
|
Post: #30
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: ABDELMAGID ABDELMAGID
Date: 02-25-2013, 10:59 AM
Parent: #29
MY CITY MAYOR
المنتخب ...
ALWAYS
بركب المواصلات العامه ...
بزوور الناس فى بيوتهم ...
بسأل عن أحوالم ...
و بشاركم أفراحهم و أتراحهم ...
بدفع الضرائب ...
و بوضح دخلو و 1099 بتاعو ...
و ما عندو أى مخصصات أو ( حصص ! )
أو واسطات ...
....
عبدالماجد
|
Post: #32
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-25-2013, 09:59 PM
Parent: #30
Quote: MY CITY MAYOR
المنتخب ...
ALWAYS
بركب المواصلات العامه ...
بزوور الناس فى بيوتهم ...
بسأل عن أحوالم ...
و بشاركم أفراحهم و أتراحهم ...
بدفع الضرائب ...
و بوضح دخلو و 1099 بتاعو ...
و ما عندو أى مخصصات أو ( حصص ! )
أو واسطات ...
.... |
تعرف يا مولانا عبد الماجد...الوالد حكى لي عن مدير لسودان أيرويز في ستينيات القرن الماضي..أسمو عبدالباقي..كان متواضع و يعرف حتي العمال و احوالم...مثل انو واحد زوجته وضعت..خروف السماية عليهو..الخ
فدا كان حاصل زمان في بلدنا قبل ما (الرماد كال حماد)!!
هل ممكن يا عبد الماجد زي دا نشوفوا تاني في بلدنا قبل ما نموت؟؟
الله اعلم
|
Post: #31
Title: Re: وزيرة تأكل الطعام و تمشي في الاسواق و (تركب المواصلات) (صورة)
Author: زياد جعفر عبدالله
Date: 02-25-2013, 09:59 PM
Parent: #29
Quote: حكمت فعدلت فأمنت فنمت ..
هذا كل ما في الموضوع السيدة الوزيرة اعلاه تعلم تماما الا احد يطلبها شئ في شخصها ..
|
تعرف يا درديري...رئيس الوزراء الاسبق جون هوارد..كان كل يوم عنده جكة الصباح الساعة خمسة (بالمناسبة كان اكبر في العمر من البشير) الصحفيين ديل يتلبدوا ليهو لامن تكون في حاجة يزرزروه ليك من دغش الرحمن...لا في زول من العامة بشتغل بيهو ولا يحزنون...زيو و زي اي مواطن و السلام...عشان كدا لمن سقط في الانتخابات..مشى بيتو زيو و زي اي واحد بالمعاش..كأنه ما حكم ولا يوم!!!
لاكين نحن عندنا بجو الحكم بالدبابات..فدا في حد ذاته مسبب للخوف...خليك من باقي اللغوسة التانية!!!
|
|