Post: #1
Title: تفاصيل ما حدث في فداسي ...
Author: Gafar Bashir
Date: 02-22-2013, 08:23 PM
تحياتي للجميع
حتي لا تختلط الامور علي البعض من خلال الامواضيع المنشورة عن احداث فداسي والتي بها الكثير من المعلومات المغلوطة سوف احاول نقل ما حدث هنالك وفقا لرواية الاهل والاصدقاء المتواجدين بفداسي وقت الأحداث:
اولا أسباب المشكلة:
إدعي (م) وهو أخ مدير مكتب الوالي سرقة 60 مليون جنيه من منزله بواسطة احد سائقي الركشات وهذا المبلغ كان قد حمله معه الي البيت ثم تركه وخرج من المنزل وعندما عاد مساءً أبلغته زوجته بأن احد سائقي الركشات جاء وطلب المبلغ وقال انك ارسلته لأخذ المبلغ المالي ...
لم يتم التعرف علي صاحب الركشة الذي سرق المبلغ، وبدلاً عن ذلك تم اثارة قضية أخري ضد جميع سائقي الركشات ، وهي ان جميع الركشات بفداسي الحليماب تعمل من اعوام طويلة بدون ترخيص، لأنها داخل القرية، ومن ثم تم حجز جميع الركشات العاملة بفداسي، واعترض اصحاب الركشات علي هذا الامر وساتدهم الكثيرين من ابناء القرية.
هنالك طرف آخر بعيداً عن موضوع سرقة المبلغ وهو له مشكلة خاصة مع احد سائقي الركشات وصلت لمرحلة الضرب ورفض سائق الركشة التنازل عن حقه في الطريق، لذا كان مشاركاً في اثارة قضية التراخيص ضد سائقي الركشات مع مدير مكتب الوالي ...
---------
تنبيه: لا علاقة لزوجة مدير مكتب الوالي في القضية ... والمعلومات المنشورة بهذا الخصوص ليست صحيحة
|
Post: #2
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 08:25 PM
Parent: #1
طلع قرار من مكتب الوالي با انو الركشات في فداسي كلها
تترخص وحجزو كل الركشات من اسيادها ناس فداسي جاطو ووقفو مع ناس الركشات امس الصباح (الخميس) الناس كلها طلعت
يلا طوالي قوة بامر من الوالي اتحركت لي فداسي ضرب من طرف
والبنبان جوة المدارس وفي البيوت العساكر بيسكو الناس جوة البيوت ويطلعوهم بالقوة
اعتقلو 12 ولد من الصباح فكوهم الساعه 9 وكانو جالدنهم شديد الاطفال من البنبان بسبب الحساسيه ودوهم مستشفى مدني
|
Post: #3
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 08:31 PM
Parent: #2
رداً علي حجز الركشات قام اصحب االركشات ومن ساندهم بحرق اللساتك علي طريق مدني الخرطوم في مظاهرة رافضة لمصادرة ركشاتهم بحجة التراخيص ..
|
Post: #4
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 08:34 PM
Parent: #3
السماني هو احد المصابين في هذه الأحداث (اصابات في الرأس) وهو صاحب محل غاز يفتح علي طريق مدني الخرطوم .. رفض الذهاب وترك محله والامانات الموجودة به في وقت الأحداث ...
|
Post: #5
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 08:39 PM
Parent: #4
جمال الوالي بصفتيه الشخصية (كأحد ابناء فداسي) والرسمية (كمرشح للمؤتمر الوطني) ... تدخل لاحتواء الموقف ...
|
Post: #46
Title: Re: تفاصيل ما حدث في فداسي ...
Author: seham Abdeljleil
Date: 02-24-2013, 10:44 AM
Parent: #2
سلامات جعفر
ببسااااااطه الحكايه بين المراه وزوجها يعني ما ااااااهضمتا كلامها أبدا بعدين احتمال كبير جداً تكون صادقه ذي ما احتمال تكون كاذبه
لوصادقه ما يعتبروا انه كل سائق ركشه في فداسي متهم ويعملوا الهيلمانه الكبيره دي يسألوا الزوج من في الدنيا دي كلها غيرك وغير مرتك بعرف بأمر القروش .....اصحابك....موظفين معاك......جارات او صحبات مرتك اي زول....لوكاذبه تبقى البلد خلااااااااص انتهت الكبارات ياشروا بس اشاره علي المواطن والشرطة والأمن تطحنوا ليهم طحن.....
|
Post: #6
Title: Re: تفاصيل ما حدث في فداسي ...
Author: الصادق عثمان محمد
Date: 02-22-2013, 08:57 PM
Parent: #1
العزيز ابو الجعافر.. قواسيب من الود
| Quote: أبلغته زوجته بأن احد سائقي الركشات جاء وطلب المبلغ وقال انك ارسلته لأخذ المبلغ |
الزوجة مابتعرف سايق الرقشة .؟ اسمو ؟ ولد منو ؟ تفوم تديهو
ام أن هذا المبلغ بسيط وهايف بالنسبة لهم واى واحد يدق الباب ممكن يدوهو ليهو ؟
انا أتسأل فقط ؟
ربما طيبة أهل المنطقة
او قل ثقتهم
!!!!
|
Post: #7
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 09:17 PM
Parent: #6
الاجتماع مع جمال الوالي خرج بالاتي:
ان ناس الركشات القبضو عليهم وفكوهم يتحاكمو يوم الاحد للتعدي علي عربت شرطه.
والرقشأت ترجع لاهلها وتترخص بعد سته شهور من الان
وما تتطلع لاي قريه اخري
|
Post: #8
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 09:18 PM
Parent: #7
تم سحب جميع سيارات الشرطة والامن من المنطقة ...
اليوم كان هادئاً
|
Post: #10
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 09:29 PM
Parent: #8
تحياتي الصادق...
لا يوجد شهود علي المسالة المالية سوي حديث صاحب المال وزوجته لذا من الصعب التحقق من الرواية ومن الصعب ايضاً التكهن برواية مختلفة ...
عموما حسب الرواية المعروفة ان صاحب الركشة دق الباب وقال لزوجته انو (م) مرسلني عشان القروش وهي حاولت تتصل عليهو ما اتمكنت ، يمكن بساطة التعامل سلمتو المبلغ ... للتحقيق في الموضوع تم احضار جميع اصحاب الركشات للزوجة لكي تتعرف علي اي منهم فلم تستطيع التعرف علي احد.
لاتوجد رواية أخري .
|
Post: #43
Title: Re: تفاصيل ما حدث في فداسي ...
Author: الصادق عز الدين
Date: 02-24-2013, 04:51 AM
Parent: #7
أنا شخصيا ضد أي مركبة تتحرك على الشارع وهي غير مرخصة.
هذا الأمر لا يوجد في أي مكان في العالم لأنه من صميم سلامة الراكب وغير الراكب مرتاد الطريق.
الأمر من ذلك أن سائقي الركشات معظمهم لا يحمل ترخيص سائق (رخصة سواقة) ودي المصيبة التانية.
ياريت الكلام ده يتعمم على السودان بالكامل .
|
Post: #9
Title: Re: تفاصيل ما حدث في فداسي ...
Author: محمد إبراهيم علي
Date: 02-22-2013, 09:26 PM
Parent: #6
| Quote: الزوجة مابتعرف سايق الرقشة .؟ اسمو ؟ ولد منو ؟ |
الزوجة من جنوب السودان يعني ما بتعرف الناس
و التاني انو الدنيا بالليل فما تبينت وجه جيدا ولما عرضوهم في الطابور ما عرفتو
هذا على حسب روايتها
|
Post: #11
Title: Re: تفاصيل ما حدث في فداسي ...
Author: سامى عبد المطلب
Date: 02-22-2013, 09:38 PM
Parent: #9
طيب فى نقطه ما واقعه لى فى الموضوع ده فكيف سائق الركشه عرف انو اخو مدير مكتب الوالى عنو 60 مليون وانو جابهم البيت وخلاهم فى البيت ما شايلهن معاهو بل وبكل ثقه يذهب الى زوجته ويخبرها بالمبلغ بكل دقه وتديهم ليهو بدون حتى تعرفو منو او هو يعد القروش عشان يتأكد منها
على صعيد اخر الموضوع عباره عن استغلال سئ للسلطه فهل تم القبض على كل الركشات فى ولايه الجزيره حتى يتم ايقافها فى فداسى ....؟
|
Post: #12
Title: Re: تفاصيل ما حدث في فداسي ...
Author: Gafar Bashir
Date: 02-22-2013, 10:12 PM
Parent: #11
تحياتي يا سامي
اكيد الرواية فيها تساؤلات كثيرة لكن للأسف هذه هي الرواية الوحيدة المتوفرة ... والباقي يفهم في سياق الاحداث .. والتبرير لسؤالك هو ما ذكرته اعلاه وما ذكره الاخ محمد ابراهيم وفقاً للرواية المتداولة ...
تحياتي
|
Post: #13
Title: Re: تفاصيل ما حدث في فداسي ...
Author: Mahjob Abdalla
Date: 02-22-2013, 10:17 PM
Parent: #12
هل انا اتلخبطت علي الاسماء ام هذا هو جعفر بشير (ابو امنه) اللي من زمان؟
|
Post: #16
Title: Re: تفاصيل ما حدث في فداسي ...
Author: Mahjob Abdalla
Date: 02-22-2013, 10:27 PM
Parent: #13
| Quote: زوجة مدير مكتب والي الجزيرة وراء أحداث فداسي العاصفة |
هذا عنوان البوست المجاور
| Quote: تنبيه: لا علاقة لزوجة مدير مكتب الوالي في القضية ... والمعلومات المنشورة بهذا الخصوص ليست صحيحة |
| Quote: إدعي (م) وهو أخ مدير مكتب الوالي سرقة 60 مليون جنيه من منزله بواسطة احد سائقي الركشات |
| Quote: أبلغته زوجته بأن احد سائقي الركشات جاء وطلب المبلغ وقال انك ارسلته لأخذ المبلغ المالي |
اذن ليست زوجة مدير المكتب و لكن زوجة شقيق مدير المكتب
|
Post: #24
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 11:31 AM
Parent: #16
سلام يا محجوب عبدالله
ياهو زاتو ابو آمنة الزمان ... تحياتي
| Quote: اذن ليست زوجة مدير المكتب و لكن زوجة شقيق مدير المكتب |
نعم زوجة أخ مدير مكتب الوالي فزوجة الوالي ولا علاقة لها بالموضوع ولا تعمل في اي مكتب وفقا للرواية الواردة هنالك ...
|
Post: #14
Title: Re: تفاصيل ما حدث في فداسي ...
Author: محمد إبراهيم علي
Date: 02-22-2013, 10:24 PM
Parent: #12
شكرا يا سامي
| Quote: الموضوع عباره عن استغلال سئ للسلطه فهل تم القبض على كل الركشات فى ولايه الجزيره حتى يتم ايقافها فى فداسى |
ده الموضوع فعلا
موضوع السرقة ده وكيف تمت ولماذا ووووو الخ ونسة ما اكتر
الموضوع هو تحول جهازي الشرطة والامن الى قطاع خاص وتنفيذ مهام ارضاء لشخصيات متنفذة وخرق قانونهم الذ بموجبه انشئت هذه الاجهزة
وتحول العميد مصطفى على ابراهيم مدير القسم الاوسط بمدني الى سيكيورتي لمدير مكتب الوالي وارسال افراد الشرطة لمصادرة الركشات ومطاردتهم داخل الازقة للقبض عليهم
فقط لان شقيق مكتب الوالي سرقت منه قروش ما هو دا كل يوم السرقات قاعدة تحصل هل بيعملو كدة
واستغلال البعض الاخر ممن لهم مشاكل سابقا مع بعض سائقي الركشات ولهم صلات مع حكومة الولاية الحادثة لتاديب اصحاب الركشات
من متين قاعد يرخصو ركشات في القرى وبمبالغ مهولة زي دي
ومن متين قرار ترخيص الركشات بيطلع من مكتب الوالي
الموضوع كله استغلال للنفوذ لتحقيق مصالح شخصية لا اكثر
|
Post: #33
Title: Re: تفاصيل ما حدث في فداسي ...
Author: أحمد قلوب
Date: 02-23-2013, 12:58 PM
Parent: #14
Quote: الموضوع هو تحول جهازي الشرطة والامن الى قطاع خاص وتنفيذ مهام ارضاء لشخصيات متنفذة وخرق قانونهم الذ بموجبه انشئت هذه الاجهزة
وتحول العميد مصطفى على ابراهيم مدير القسم الاوسط بمدني الى سيكيورتي لمدير مكتب الوالي وارسال افراد الشرطة لمصادرة الركشات ومطاردتهم داخل الازقة للقبض عليهم |
| Quote: واستغلال البعض الاخر ممن لهم مشاكل سابقا مع بعض سائقي الركشات ولهم صلات مع حكومة الولاية الحادثة لتاديب اصحاب الركشات |
استغلال للسلطات و النفوذ واستخدام لعساكر الدولة واجهزتها الامنية والشرطية لمصالح شخصية لموظف وتحت رعايةالوالى المجاهد ....
|
Post: #15
Title: Re: تفاصيل ما حدث في فداسي ...
Author: الامين موسى البشاري
Date: 02-22-2013, 10:26 PM
Parent: #12
الاخ جعفر بشير
سلامي وتحياتي ،،
وشكرا لوضعنا في صورة الحدث وحقيقة ما جرى
ولكن!
لا تزال هناك حلقة مفقودة في الموضوع
فداسي ليست تلك القرية الكبيرة ولا اعتقد ان عدد الركشات فيها كبير لهذه الدرجة
وبالتأكيد كل اهلها يعرفون بعضهم البعض يبقى من السهل التعرف على من قام بسرقة المبلغ
ومن غير المنطقي أن يختفي صاحب الركشه بين ليلة وضحاها
هبة اهل فداسي اكيد لها ما يبررها وهو صلف قوات الشرطة والامن وطريقة معالجتها للامر
البلد دي ما فيها مباحث مثلاً ولا شنو؟
تحياتي
|
Post: #17
Title: Re: تفاصيل ما حدث في فداسي ...
Author: محمد عبدالرحمن
Date: 02-23-2013, 06:52 AM
Parent: #15
| Quote: فداسي ليست تلك القرية الكبيرة ولا اعتقد ان عدد الركشات فيها كبير لهذه الدرجة |
بالعكس فداسى قرية كبيرة جدا ...وتضم اطياف مختلفة من القبائل
والاثنيات ..لاتسكنها قبيلة واحدة ...ونسبة التعليم الجامعى ومابعد
الجامعى نسبة مرتفعة جدا جدا ...وجعفر بشير واحد من ابناء فداسى ...
وشخصيا اعتمد رواية جعفر بشير لمعرفتى وثقتى به ...
|
Post: #18
Title: Re: تفاصيل ما حدث في فداسي ...
Author: محمد إبراهيم علي
Date: 02-23-2013, 07:24 AM
Parent: #17
يا بشاري عدد الركشات بفداسي يتجاوز المائة بكثير
|
Post: #19
Title: Re: تفاصيل ما حدث في فداسي ...
Author: الزنجي
Date: 02-23-2013, 07:42 AM
Parent: #18
احتمال وارد
موضوع القروش يمكن يكون جاكة ساكت ،،، الزول يكون لحس القروش واتفق مع زوجته علي إخراج هذة المسرحية
|
Post: #20
Title: Re: تفاصيل ما حدث في فداسي ...
Author: HAIDER ALZAIN
Date: 02-23-2013, 07:47 AM
Parent: #18
متابع الموضوع دا من امس..
بس المافاهمو انه هل مكتب مدير الوالي في فداسي ؟!
والا البينطبق على مكتب الوالي بينطبق برضو على بيت شقيق مدير مكتبه...
عموماً كويس والله انه اهل فداسي (نايب) دائرته قائم بمتابعة شئونهم على اكمل وجه وهذه محمدة له..
ـــــــــــــــــــــــــــــــــ
المبلغ ما بيكون 60 الف او 60 مليون بالقديم ..تلقاهو 6 الاف او ستمائة جنيه وتم تضخيمه عشان ردة فعل عساكر المحلية تكون اشد واكثر قسوة لهذا الانتهاك الخطير الذي ارتكبه احد الضالين على حرمة اموال ( زوجات أشقاء ) موظفي السيد الوالي حفظه الله.. ولو تم التعامل مع الامر بتهاون و بأقل ما يلزم من جدية ما بعيد بكرة سواق قندران يجازف زوجة الوالى شخصياً..
|
Post: #21
Title: Re: تفاصيل ما حدث في فداسي ...
Author: محمد البشرى الخضر
Date: 02-23-2013, 07:54 AM
Parent: #20
طيب و قصة طلّق الخادم الجابها معاوية الكذّاب شنو؟
|
Post: #22
Title: Re: تفاصيل ما حدث في فداسي ...
Author: محمد إبراهيم علي
Date: 02-23-2013, 09:13 AM
Parent: #21
| Quote: طيب و قصة طلّق الخادم الجابها معاوية الكذّاب شنو؟ |
بصراحة يا ود البشرى في كل اتصالاتي ما سمعت الموضوع ده
جمال الوالي كوز واي شي ممكن تقوله لكنه اكثر تهذيبا من ان يتدخل في مسالة شخصية مثل هذه
واكثر تهذيبا من ان يقول كلمة (خادم) دي
عندنا ناس عادي ممكن يقولوها لكن جمال لا اظن
علي حسب ما علمت كان هدفو يزيل التوتر الحاصل ويحل المشكلة بين اصحاب الركشات والبوليس لا اكثر ولا اقل
|
Post: #23
Title: Re: تفاصيل ما حدث في فداسي ...
Author: Mohamed E. Seliaman
Date: 02-23-2013, 09:35 AM
Parent: #22
السلام عليكم ورحمة الله
بصراحة هذا أول بوست أطالعه عن القضية
ولم أسمع عنها قبل ه>ا البوست.
لكن بعيدا عن القضية لفت انتباهي تداخل >كي من الأخ سامي:
| Quote: طيب فى نقطه ما واقعه لى فى الموضوع ده فكيف سائق الركشه عرف انو اخو مدير مكتب الوالى عنو 60 مليون وانو جابهم البيت وخلاهم فى البيت ما شايلهن معاهو بل وبكل ثقه يذهب الى زوجته ويخبرها بالمبلغ بكل دقه وتديهم ليهو بدون حتى تعرفو منو او هو يعد القروش عشان يتأكد منها |
ياخ طيب أنت كدا ما عرفت أطراف فضيحة بوكرامي التلاتة عديل كدا
|
Post: #26
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 11:45 AM
Parent: #20
ياحيدر ازيك
اكيد مكتب الوالي مافي فداسي .... لكن ما بعيد منها .. عشرة دقايق انت برضو تعال مع البشاري لكن ما بروحك .. بس بوديك زيارة لمكتب الوالي عشان تعرف موقعه 
|
Post: #25
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 11:37 AM
Parent: #15
تحياتي بشاري
دي دعوة عشان تزور فداسي ... وليك علي اروحك فيها عشرين مرة ...
|
Post: #27
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 12:02 PM
Parent: #25
عزيزي محمد عبدالرحمن
تسلم يا سيدي
وبالمناسبة الكتابة اصلاً في الموضوع صعبة جداً لان جميع من وردت اسماؤهم هم اهلي وصلتي بهم كبيرة حتي المضروبين وفداسي كما تعلم كلها أهل ... وما دفعني للكتابة في الاساس هو قطع الطريق علي اي روايات أخري سواء عن حسن نية أو سوء نية كما سمعتها من الاهل والاصدقاء الموجودين بفداسي ..
تحياتي وودي
|
Post: #69
Title: Re: تفاصيل ما حدث في فداسي ...
Author: الرشيد حسن خضر
Date: 02-25-2013, 01:26 PM
Parent: #27
بسم الله
عضو بالمنبر متقاعد : وهذا بوست إستثنائي عشان خاطري أهلي بفداسي ..ويا هندسة ممنوع التعليق .
وينك يا جعفر بشير والف وينك .. وكفي مع التحية ..
فات على المداخلين حقيقة ماثلة أنّ الركشات أصبحت أحد الحلول السريعة للعطالة المقنعة بالبلاد .. والمخرج لآلاف الخريجين لإقالة عثرة أهليهم
في ظل الأزمة المعيشية الوخيمة الجاثمة .. ويقع على المسئولين بالولاية عند التعامل مع الجماهير أن تعي ذلك جيدا - أن هؤلاء الشباب آثروا رهق الركشات
وتغطية عجز الحكومة عن توفير العيش المعقول لاغير لمواطنيها على الإرتماء في البيوت والتسكع في الطرقات إنتظارا للوظائف المرهونة للمحاسيب وبقية الفتات الذي لايكفي للإ قتيات !!
إذن كما قلنا في أزمة جامعة الجزيرة أنّ أجهزتنا الأمنية وقيادتها بحاجة لإعادة تاهيل إداري وتربوي لتعرف كيف تتعامل مع الناس !!!
أسرتي في الحي الشمالي البعيد عن وسط القرية تتعامل مع سائق رقشة يتيم يتولى إعاشة أسرته - بتوصيل عيالي لمدارس الأساس وناس البيت للوحدات الطبية المنتشرة بالقرية ، وحكومة الولاية تعلم ذلك عن أحوال الناس ومكابدة هؤلاء الشباب الشرفاء .. ولن تكون حادثة المبلغ المسروق مبررا -لأي عاقل- مهما كان حجم المبلغ ( والتقصير يقع اساسا على أصحابه ) لللعب بأرزاق المساكين وهم قطاع عريض لأجل بيت واحد مقتدر - مع كون هذا البيت من أقاربنا وابناء عمومتنا- ولكننا نقول الحق ولو على انفسنا .
إذن الأزمة السودانية الان بكافة صورها وتداعياتها أزمة إدارة غير راشدة وازمة سلطة تتمادى في الظلم وتتجاهل تداعيات الظلم ومضاعفاته إتكالا على ما في يدها من سلطة وهذا عين الحمق .
ومن هنا ندعو أهل السلطة لوقفة لإصلاح حالها هي أولا قبل غيرها .. وقد نسوا الإنتخابات القادمة وغيرها ..
وكفى وسلام على سيدنا المصطفى سيد اهل الحلم والوفا وآله
الرشيد ركابي
فداسي
|
Post: #28
Title: Re: تفاصيل ما حدث في فداسي ...
Author: tmbis
Date: 02-23-2013, 12:04 PM
Parent: #25
اها يا جمــاعة (الخـــادم) طلقوها واللا لسـة ..؟
|
Post: #29
Title: Re: تفاصيل ما حدث في فداسي ...
Author: وليد محمد المبارك
Date: 02-23-2013, 12:10 PM
Parent: #28
يشهد الله اني لم اجد اكثر تهذيبا وتعليما من اهل فداسي
كلهم حتى الامنجية والمؤتمرجية منهم
|
Post: #30
Title: Re: تفاصيل ما حدث في فداسي ...
Author: محمد إبراهيم علي
Date: 02-23-2013, 12:34 PM
Parent: #29
| Quote: يشهد الله اني لم اجد اكثر تهذيبا وتعليما من اهل فداسي |
شكرا يا وليد
|
Post: #31
Title: Re: تفاصيل ما حدث في فداسي ...
Author: وليد محمد المبارك
Date: 02-23-2013, 12:39 PM
Parent: #30
دي الحقيقة يا محمد ابراهيم
حتى مدير مكتب الوالي ده نفسه انا بعرفة شخصيا وهو من اكثر الناس المهذبين القابلتهم في حياتي
|
Post: #32
Title: Re: تفاصيل ما حدث في فداسي ...
Author: الامين موسى البشاري
Date: 02-23-2013, 12:47 PM
Parent: #30
كليكات سريعة كدا
| Quote: شخصيا اعتمد رواية جعفر بشير لمعرفتى وثقتى به ... |
وأنا كذلك يا محمد أعتمد مليوووووووون في المية رواية جعفر بشير
لا أعرفه صحيح ولم ألتقيه صحيح ولكنني قرأت له هنا
وثقتي فيه لا تحدها حدود ......
يلا وين أنا قلت ما بعتمد على رواية جعفر بشير ... والله صحي :)
| Quote: يا بشاري عدد الركشات بفداسي يتجاوز المائة بكثير |
يا هندسة وهل 100 ركشه عدد كبير لهذه الدرجة؟
حتى يستعصي على شرطة المباحث التعرف عليهم؟
Quote: تحياتي بشاري
دي دعوة عشان تزور فداسي ... وليك علي اروحك فيها عشرين مرة ... |
العزيز جعفر بشير
سلام وتحايا مرة أخرى ..
شكراً للدعوة الكريمة ياخ وقد زرت فداسي واعرفها حق المعرفه
زرتها في العام 2004 واخي الاصغر متزوج منها
يعني طلعنا نسايب وكدا
..
..
__
فاتني أن أقرأ حرفك قبل التعديل .....
|
Post: #34
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 03:33 PM
Parent: #32
| Quote: كلهم حتى الامنجية والمؤتمرجية منهم |
يا وليد كتر خيرك ياخي ... لكن الفيك اتعرفت ...
انا عارف رايك فيني لكن المؤتمرجية والأمنجية ما بختوهم في كاتوقري واحدة ....ياخ ديل فيهم ناس محرضين وفيهم ناس مضروبين وراسهم مفتوح
بعدين مدير مكتب الوالي واخوه ديل أهلي واولاد عمومة وقمة التهذيب لما تتعامل معاهم بصورة شخصية مافي شك في كدة وكمان جمال الوالي مدرسة في التهذيب والأدب .. والاختلاف هو سياسي في المقام الأول ..
|
Post: #35
Title: Re: تفاصيل ما حدث في فداسي ...
Author: وليد محمد المبارك
Date: 02-23-2013, 03:38 PM
Parent: #34
هيا جعفر
تفلق وتداوي
ودعمك القلت عليه مهذب وانا باكد على المعلومة دي قصدي انو مهذب - امنجي
وجمال الوالي مؤتمرجي وبرضو قلت عليه مهذب
هاهاهاهاهاهاهاهاهاهاهاهاهاهاهاهاها
انت تشكرهم
اقوم اشكرهم انا تخرخر
يعني اصلك ما بتخلي حركاتك دي
|
Post: #36
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 03:55 PM
Parent: #29
| Quote: طيب و قصة طلّق الخادم الجابها معاوية الكذّاب شنو؟ |
ود البشري ازيك يا دفعة ياخي ...
بالنسبة لهذه القصة فضلت ان تأتيني عبر رواية الاهل والأصدقاء (دون أن اسأل عنها) اذا حدثت فعلاً ولكن حتي اللحظة التي قرأت فيها سؤالك لم يذكرها لي احد لا من قريب ولا من بعيد .... ثم بادرت بالإتصال والسؤال المباشر عن الموضوع خصوصاً والجميع هم أهلي ... لكن لم يسمع أحد هذا الحديث وفقاً لمن سالتهم .
تحياتي
|
Post: #37
Title: Re: تفاصيل ما حدث في فداسي ...
Author: Gafar Bashir
Date: 02-23-2013, 04:14 PM
Parent: #36
يا وليد ياخي بطل لف ودوران (قول مؤتمرجية الوطني) عشان ما يتلخبط علينا الاختصاص
(لا كدة انت ما غلط)
|
Post: #38
Title: Re: تفاصيل ما حدث في فداسي ...
Author: سامى عبد المطلب
Date: 02-23-2013, 05:01 PM
Parent: #37
Quote:
السلام عليكم ورحمة الله
بصراحة هذا أول بوست أطالعه عن القضية
ولم أسمع عنها قبل ه>ا البوست.
لكن بعيدا عن القضية لفت انتباهي تداخل >كي من الأخ سامي:
Quote: طيب فى نقطه ما واقعه لى فى الموضوع ده فكيف سائق الركشه عرف انو اخو مدير مكتب الوالى عنو 60 مليون وانو جابهم البيت وخلاهم فى البيت ما شايلهن معاهو بل وبكل ثقه يذهب الى زوجته ويخبرها بالمبلغ بكل دقه وتديهم ليهو بدون حتى تعرفو منو او هو يعد القروش عشان يتأكد منها
ياخ طيب أنت كدا ما عرفت أطراف فضيحة بوكرامي التلاتة عديل كدا
|
والنبى عارفهم يا دكتور .....!
كنت اتوقعها ان تكون من ضمن الاعترافات ....، لكن عشمنا فى بقيه الاعترافات لم ينقطع ، التحيه ليك وللاخ حاتم على ولود البشرى ذاتو ....
يا دكتور مشكله الذال المعجمه دى لسه ما اتحلت ... !
|
Post: #39
Title: Re: تفاصيل ما حدث في فداسي ...
Author: وليد محمد المبارك
Date: 02-23-2013, 05:14 PM
Parent: #38
يا دكتور ادخل غير نوع الكيبورت من 102 مفتاح لي 101 مفتاح وبتتحلا مشكلة الذال
|
Post: #40
Title: Re: تفاصيل ما حدث في فداسي ...
Author: الامين موسى البشاري
Date: 02-23-2013, 05:59 PM
Parent: #39
| Quote: يا دكتور ادخل غير نوع الكيبورت من 102 مفتاح لي 101 مفتاح وبتتحلا مشكلة الذال |
|
Post: #41
Title: Re: تفاصيل ما حدث في فداسي ...
Author: محمد البشرى الخضر
Date: 02-23-2013, 10:22 PM
Parent: #40
شكرا يا جعفر على وضعنا في الصورة
يا سامي الحبشي ما يدردقك :) اسّي الطرف التالت القلت عرفتو دا منو ؟
|
Post: #42
Title: Re: تفاصيل ما حدث في فداسي ...
Author: HAIDER ALZAIN
Date: 02-24-2013, 02:41 AM
Parent: #41
الحمد لله انه الشباب كلهم طلعوا مهذبين وقمة في التواضع والاحترام..
وبي كدة يبقوا غلطانيين سواقين الركشات..
هو في حكومة بتغلط؟؟!
ــــــــــــــ
ياجعفر بشير سلام ياحبيب
وحاتك فداسي بعرفها كويس جدا وعندي فيها اصدقاء اعزاءلكن شكرا على الدعوة الكريمة..
سؤالي كان استنكاري انه جريمة سرقة من منزل كيف تتحول بقدرة قادر للكلام عن سرقة منزل مدير مكتب الوالي او شقيق مكتب الوالي والتداخل بين السلطات والمؤسسات الغير مفهوم دا الا اذا اعتبرت حصانة حتى منازل وممتلكات اهل واصدقاء ونسابة مدراء مكاتب الولاة مسئولية الجهات الامنية..
|
Post: #44
Title: Re: تفاصيل ما حدث في فداسي ...
Author: tmbis
Date: 02-24-2013, 07:44 AM
Parent: #42
موضوع الخادم الحصل فوقو شنـو ..؟
|
Post: #45
Title: Re: تفاصيل ما حدث في فداسي ...
Author: Mohamed E. Seliaman
Date: 02-24-2013, 08:16 AM
Parent: #44
| Quote: ادخل غير نوع الكيبورت من 102 مفتاح لي 101 مفتاح وبتتحلا مشكلة الذال |
شكرا يا وليد
ذذذذذ
((((())))
|
Post: #47
Title: Re: تفاصيل ما حدث في فداسي ...
Author: سامى عبد المطلب
Date: 02-24-2013, 11:05 AM
Parent: #45
يا ابو حتوت ياخى التالت ده طاقيه لافه ممكن يلبسها كم واحد بدءاً من ش ك الذى حاول تضليل العداله وانتهاءا بوليد الخير وامكن ندخل ود الصائم ذاتو ....!
المافى شنو على قول قيقا رضى الله عنه
|
Post: #48
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 03:43 PM
Parent: #47
هو في حكومة بتغلط؟؟! وانا اعرف اكتر من الحكومة ؟؟
مهذب دي ما عندها علاقة بانو بيغلط ولا ما بيغلط ... الرسول المعصوم زاتو بيخطئ (غض النظر عن مبررات السنة) خليهم عباد الله.
يا حيدر يا اخوي الجهات الامنية دي وظيفتها شنو هي في الاساس .. تأمين البلد من اسرائيل ؟
|
Post: #49
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 04:03 PM
Parent: #48
Quote: سلامات جعفر
ببسااااااطه الحكايه بين المراه وزوجها يعني ما ااااااهضمتا كلامها أبدا بعدين احتمال كبير جداً تكون صادقه ذي ما احتمال تكون كاذبه
لوصادقه ما يعتبروا انه كل سائق ركشه في فداسي متهم ويعملوا الهيلمانه الكبيره دي يسألوا الزوج من في الدنيا دي كلها غيرك وغير مرتك بعرف بأمر القروش .....اصحابك....موظفين معاك......جارات او صحبات مرتك اي زول....لوكاذبه تبقى البلد خلااااااااص انتهت الكبارات ياشروا بس اشاره علي المواطن والشرطة والأمن تطحنوا ليهم طحن.....
|
سلام يا سهام عبدالجليل
حسب ما قلت دي الرواية الموجودة وكتير من الناس عندهم راي في القصة لكن في النهاية مافي ما يمكن ان يثبت او ينفي الموضوع ... الا نتمها من قراية باقي الاحداث وكلها تكهنات ..
|
Post: #50
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 04:07 PM
Parent: #48
Quote: أنا شخصيا ضد أي مركبة تتحرك على الشارع وهي غير مرخصة.
هذا الأمر لا يوجد في أي مكان في العالم لأنه من صميم سلامة الراكب وغير الراكب مرتاد الطريق.
الأمر من ذلك أن سائقي الركشات معظمهم لا يحمل ترخيص سائق (رخصة سواقة) ودي المصيبة التانية.
ياريت الكلام ده يتعمم على السودان بالكامل . |
تحياتي يا الصادق
ده كلام صحيح مائة بالمائة يا الصادق ... ومافي زول بيقدر يقول غلط
لكن الركشات ده كانت شغالة ولزمن طويل في فداسي داخل القرية بدون تصريح والاعترضوا او بلغوا عنها هم عايشين في القرية دي واتولدوا فيها ... ما المشكلة في الاجراء السليم المشكلة في الاجراءات الانتقامية او غير المقصودة لذاتها ... لانه الاحداث ما كانت بسيطة ... بعد المسالة اتجاوزت مسالة الترخيص واتخول الموضوع الي مظاهرات وحرق لساتك كانوا العساكر بيمسكوا االاولاد ويحلقوا ليهم شعرهم ... وطاردوهم حتي داخل البيوت .. يعني المسالة ما كانت بس مسالة تحقيق وترهيص اتطورت لمواجهات دامية ... انضربوا فيها كتيرين جدا.
|
Post: #51
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 04:16 PM
Parent: #47
| Quote: موضوع الخادم الحصل فوقو شنـو ..؟ |
| Quote: اها يا جمــاعة (الخـــادم) طلقوها واللا لسـة ..؟ |
| Quote: طيب و قصة طلّق الخادم الجابها معاوية الكذّاب شنو؟ |
السؤال ده اتجاوب قبيل يا تمبس ... ممكن نفهم التكرار لزوم شنو بالضبط؟
|
Post: #52
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 04:20 PM
Parent: #51
Quote: Mauwia Osman
يا جعفر انت ود عمك دا معرس خادم ؟ |
معاوية عثمان
نعم متزوج جنوبية ... شرف لي وتاج راسي
اما وصفها بخام او غيرو فده بيعكس طريقة تفكيرك ولا يغير من الامر شيئاً ...
|
Post: #53
Title: Re: تفاصيل ما حدث في فداسي ...
Author: tmbis
Date: 02-24-2013, 05:03 PM
Parent: #51
| Quote: السؤال ده اتجاوب قبيل يا تمبس ... ممكن نفهم التكرار لزوم شنو بالضبط؟ |
..
مش انت فاتح ليك بوست عشان تحكي تفاصيل ما حدث من كونك من اولاد المنطقة ؟؟
البمنع شنو انك .. توضح لي قصة الخادم دي الحصل فوقه شنـو ..
زي ما انت عارف من زمااان جدا بيهمني رايك في مواقف زي دي .. خاصة وانك في فترات كتيرة جدا عندك اراء فيما اكتب من خلال تجارب كتيرة جدا ..
بعدين الحاجة التانية انت طارح نفسك من الناس المثقفة والناس القاعده تفند حاجات الناس البتكتبه ..
يعني ترد تاني وتالت ورابع وخامس .. المشكلة شنـو ..؟
|
Post: #54
Title: Re: تفاصيل ما حدث في فداسي ...
Author: بشير أحمد
Date: 02-24-2013, 05:13 PM
Parent: #53
تحياتي ياجعفر
وتحياتي لكل اصدقائي وزملائي في فداسي؛؛؛
إتا ياخوي كان في بوست طويل عريض مكتوب باسم السيرفر الجنوبية دي
شايفك ما استنكرت كلمة سيرفر في العنوان الكاتبو المناتل النحرير وطوربيد البورد معاوية عبيد !!!!
وجيت حكيت الاحداث بكل اريحية ....
ليه هنا استنكرت البتاعة دي علي اخونا تمبس...يعني بقت ليك حارّة ليه هنا؟
|
Post: #55
Title: Re: تفاصيل ما حدث في فداسي ...
Author: اسماء الجنيد
Date: 02-24-2013, 05:44 PM
Parent: #54
Quote: يشهد الله اني لم اجد اكثر تهذيبا وتعليما من اهل فداسي
|
صدقت أخي الكريم وليد , ، بس انا ما معاك في امنجية ومؤتمرجية لوووووووولز
تسلم أخي وليد و لك التحايا والإحترام والتقدير مطامير,, مطامير
تسلم والله , لا يعرف الفضل إلا اهله يا وليد ,,
سلام للأخ جعفر بشير ولكل زواره الكرام
وسلام وتحايا لأهلنا في فداسي العامرة وحنينة وكريمة بي أهلها
وتحية خاصة وسلام مطبوق للمربي الجليل مولانا الأديب الأريب قدوتنا ومعلمنا الدكتور الطاهر الدرديري , له السلام اينما حلا ولأسرته الكريمة
والتحية للحبيبة الأخت أسماء الأمين زميلتنا في البورد
والأخ الكريم إسحق الأمين ولكل اهلنا في فداسي
والسلام للجميع
|
Post: #56
Title: Re: تفاصيل ما حدث في فداسي ...
Author: tmbis
Date: 02-24-2013, 05:58 PM
Parent: #55
| Quote: السؤال ده اتجاوب قبيل يا تمبس ... ممكن نفهم التكرار لزوم شنو بالضبط؟ |
تجاوب تااااني مالو .؟
مش قبل كدا انت في بوست الخاتم عدلان الله يرحمو .. كتبت ليك كلام عشان تجي تظهر وتحشش بس وتعمل فيها عارف حاجات كتيرة .. ولما عايز ارد ليك قلت لي ما ترد لي .. ولما قلت ليك شيل قشك دا من هنـا .. عمل فيها رايح ..؟
اهــا ..
يعني تستعرض في بوستات الناس وبي بوستات الناس ولما يجو يستعرضو ليك تعمل غمران ؟؟
..
آفـة سودانيزاونلاين .. ارباع المثقفاتية ..
|
Post: #57
Title: Re: تفاصيل ما حدث في فداسي ...
Author: عمر دفع الله
Date: 02-24-2013, 06:41 PM
Parent: #56
شى عجيب وغريب يا ودالمبارك وياصاحب البوست ....
شنو البخلى كيزان فداسى وامنجية فداسى
لا زى باقى الكيزان ولا زى امنجية السودان .
هاك يا تهذيب وهاك ياعفة يد وهاك يا اخلاق ما بعدها اخلاق
وباقى الكيزان والامنجية التانيين
قتلة
حرامية
وبلطجية
وفاقد تربوى ....
طيب اشرحوا لينا الحدودة دى يا جامعة :
اها يا جماعة توزيع الاوصاف والاحكام
مادام كيزان فداسى وامنجية فداسى ديل بالاوصاف القلتوها دى
شنو الخلاهم يباروا باقى كيزان وامنجية السودان الما محترمين ديل ؟
خلاس الكيزان والامنجية بقوا خشم بيوت ومعادن ؟
اللهم انصر السودان بكيزان فداسى وامنجية فداسى ... يا قادر يا كريم
واللعنة على كيزان حجر الطير وحوش بانقا والمسعودية ومليط ......
|
Post: #58
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 06:59 PM
Parent: #57
Quote: شنو البخلى كيزان فداسى وامنجية فداسى
لا زى باقى الكيزان ولا زى امنجية السودان . |
سلام يا عمر دفع الله
مصطلح مهذب دة بيعني ليك شنو بالضبط ...
عندك في البورد الكوز المهذب والكوز القليل ادب والكوز الغيرو ... عندك كيزان ما بتطيق تتكلم معاهم وعندك واحدين طارحين نفسهم اراجوزات البورد وفي واحدين بتقعد تضحك وتنكت معاهم
زي ما عندك المعارض القليل ادب والمعارض المهذب ... دي اوصاف شخصية لي ناس بغض النظر عن انتماؤهم بتنطبق علي الكوز وعلي غيرو
اذا كان عندك فهم تعميمي فده ما موجود عند كل الناس
|
Post: #59
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 07:07 PM
Parent: #57
Quote: وسلام وتحايا لأهلنا في فداسي العامرة وحنينة وكريمة بي أهلها
وتحية خاصة وسلام مطبوق للمربي الجليل مولانا الأديب الأريب قدوتنا ومعلمنا الدكتور الطاهر الدرديري , له السلام اينما حلا ولأسرته الكريمة
والتحية للحبيبة الأخت أسماء الأمين زميلتنا في البورد
والأخ الكريم إسحق الأمين ولكل اهلنا في فداسي |
تسلمي يا اسماء وانشالله كل التحايا واصلة
|
Post: #60
Title: Re: تفاصيل ما حدث في فداسي ...
Author: وليد محمد المبارك
Date: 02-24-2013, 07:44 PM
Parent: #59
Quote: هاك يا تهذيب وهاك ياعفة يد وهاك يا اخلاق ما بعدها اخلاق
وباقى الكيزان والامنجية التانيين
قتلة
حرامية
وبلطجية
وفاقد تربوى .... |
وانت ليه يا عمر سنسرت الكلام وبترته ؟!
انا قلت كلامي عن كل اهل فداسي وفي نصهم الامنجية
فالبخلي اهل فداسي غير من باقي اهل السودان وانت تتقبله .. وما بخليك تتقبل انو امنجيتها غير من باقي امنجيه السودان شنو ؟
|
Post: #61
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 07:47 PM
Parent: #59
ازيك يا بشير احمد
تحياتي وتحياتك واصلة انشالله
السؤال طرحو محد البشري في الاساس وجا تمبس طرحو بعدو ... وانا جاوبتو كاملا حسب المعلومات المتوفرة زب ما قلت بكل اريحية واي زول بيقرا قبل ما يكتب قرا الاجابة ... ومحمد البشري رد عليهو وقال شكرا للتوضيح
لكن بدا تمبس يكرر السؤال الاصلا اتجاوب عشان كدة سألت ... خير في شنو انشالله وايه مناسبة التكرار بعد ماجاوبناهو. يعني ماممكن الزول يكتب الاجابة ويقراها كمان للناس.
عشان كدة مافهمت صراحة شنو البقت لي حارة ولا فهمت علاقتو شنو بموضوع معاوية ...
ممكن تفهمني اذا سمحت او اذا انت فاهم حاجة تانية
|
Post: #62
Title: Re: تفاصيل ما حدث في فداسي ...
Author: عمر دفع الله
Date: 02-24-2013, 07:47 PM
Parent: #59
| Quote: مصطلح مهذب دة بيعني ليك شنو بالضبط ... |
لا يا سيد جعفر دا ما القصد
فالصفات الشخصية الجميلة من ادب وذوق واحترام للنفس كما يراها الاخرون
لا تعبر بالضرورة عن الوعى والقناعات في راس الزول
فلا يوجد على الاطلاق في صفوف الحركة الاسلامية زول في قامة الطيب زين العابدين بالاوصاف التى خلعتموها على كيزان فداسى
لكن تلك القامة الاخلاقية الفارعة كانت في العشرية الاولى اقصر من كراع البنبر ولم يفتح عليه الله بكلمة حق إلا بعد المفاصلة .
نجيك للامنجية يا استاذ بشير
امنجية حلتكم اصحاب الاخلاق الدمثة والادب الجم ديل
اها قاعدين يمارسوا التجسس والتصنط على اللآخرين بأخلاق وادب يعنى؟
نجيك لكلمة كوز وامنجى ومحمولات الكلمتين .
هسي في ذمتكم وبدون إطالة فيما لا طائل منه
الزول بعدما يقول عليهو كوز او امنجى بعد تجربة الكم وعشرين سنة دى
بالله تانى فضل فيهو من الصفات البشرية السوية شنو ؟
واخيرا
دافع زى ما عايز عن كيزان وامنجية حلتكم
لكن لن تقنع احد بدفوعاتك ولن تصنع من الفسيخ شربات
وكيزانكم ياهم زى كيزان حجر الطير
كان طاروا وكان ركوا
شبهين واتلاقين والعصافير على اشكالها تقع .
|
Post: #63
Title: Re: تفاصيل ما حدث في فداسي ...
Author: وليد محمد المبارك
Date: 02-24-2013, 07:59 PM
Parent: #62
وانت القال ليك منو نحن عاوزين نقنعك يا عمر
وانو اي راي بنعرض لاذم يكون مقنع للجميع
انت اسع ما ماعطنا كل يوم بكاركاتير شين وما مقنع .. في زول قال ليك معطنا ما ترسم حاجاتك الشينة دي
ولو قالوا ليك حا تسمع كلام الناس وتبطل رسم ؟!
اكرر قولي وان لم يعجبك يا عمر
اهل فداسي اكثر من قابلتهم تهذيبا وتعليما ومن ضمنهم امنجيتهم ومؤتمرجيتهم
|
Post: #64
Title: Re: تفاصيل ما حدث في فداسي ...
Author: عمر دفع الله
Date: 02-24-2013, 08:21 PM
Parent: #63
| Quote: وانت القال ليك منو نحن عاوزين نقنعك يا عمر |
خلاس
كيزان فداسى بقوا آخر جبهاتكم يا ودالمبارك ؟
مبروكين عليك وعلى ودبشير
ولامن القى وقت امانة ما امعطن ليك بكاريكاتير يعجبك و تلقاهو في راس البورد وكلما ما تجى تخش يلاقيك في وشك .
شكلك اليومين ديل مركب دقن ناعمة على طريقة كيزان فداسى ... يخسي عليك يا مرشح يا مستقل ....لكن برضو ياها المحرية فيك ....
|
Post: #65
Title: Re: تفاصيل ما حدث في فداسي ...
Author: وليد محمد المبارك
Date: 02-24-2013, 08:33 PM
Parent: #64
بقوا اخر جبهاتكم انت يا عمر ما نحن
انا شخصيا مبروكين علي .. لو خيروني بينهم وبين امثالك ساختارهم هم
يلا ارسم قدر ما الله اداك يا دافنشي
انت قايل حا تخوفني بالرسم ده .. بعدين حكاية الدقن الناعمة دي يا اخوي فانت جيت متاخر شديد ... الدقن الفزاعة العاوزين تخوفوا بيها الناس دي مربكبنها لي من زمااااااااااااااااااااااااااااااااااااااااااااااااان من ضمن الناس ديل صحبك ود بشير ده ذاتو من سنت اسكت
وياهو خطي اصلوا ما بغيرو عشان قناعتك انت او حتى ارهابك لي برسم كاركيتوريا
نعم كيزان فداسي محترمين اكتر منك
يعني انت هسع عاوز تقارن نفسك بي مبارك المجذوب ولا بي اخوه الشيخ المجذوب
ما ديل احسن منك بي مليون مرة
ولا في مقارنة بناتكم زاتو
انت زول رسمك شين
والاتنين ديل علما
واحد فيهم عالم في الذرة
انفقع بالزعل
تاني بكررها ليك
اهل فداسي اكثر اهل السودان الذين قابلتهم تهذيبا وعلما ومن ضمنهم كيزانهم ومؤتمرجيتهم
عليك الله ارسمني لوني فاتح شوية
|
Post: #66
Title: Re: تفاصيل ما حدث في فداسي ...
Author: عمر دفع الله
Date: 02-24-2013, 08:47 PM
Parent: #65
يا طمش
يا حكامة
مبارك وعبدالرحمن والشيخ وصلاح ومحى الدين والفاتح والطيب واخواتهم ديل اولاد خالى ووالدهم محمد على مجذوب رحمه الله والدته بخيته محمد سليمان
شقيقة والدة امى كتيرة محمد سليمان ......وعارفك حتقول شنو وياهو دا قسمة من العقل .
عندما ذكرت ليك موضوع الرسم
قصدت كاريكاتير عن كيزان فداسى
وليس لشخصك ( المستقل )
لانك لا ترقى حتى لمستوى ودالباوقة عشان ارسمك .
وآخر شي ممكن اقول ليك
لن ارد على سخفك
لاننى معنى بكيزان فداسى ومن يدافع عنهم من ابناء قريتهم
وهذا ديدنى مع كل الكيزان في اى مكان في السودان .
دمك تقيل ياخى ......
|
Post: #67
Title: Re: تفاصيل ما حدث في فداسي ...
Author: وليد محمد المبارك
Date: 02-24-2013, 09:19 PM
Parent: #66
| Quote: لاننى معنى بكيزان فداسى ومن يدافع عنهم من ابناء قريتهم |
طيب جايب سيرتي مالك
الحمد لله ما برقى لرسمك الشين .. والله حقو الواحد يضبح
دمي تقيل دمي سمين
رسمك شيييييييييييييييييييييييييييييييييييييييييييييييييييين
| Quote: قصدت كاريكاتير عن كيزان فداسى |
ان شاء الله وكت ترسم ترسم اولاد خالتك .. ما تكبر اللفة منهم وترسم اولاد خالة الناس التانين
|
Post: #68
Title: Re: تفاصيل ما حدث في فداسي ...
Author: Gafar Bashir
Date: 02-24-2013, 09:38 PM
Parent: #66
سلام يا عمر مرة تانية
الموضوع ده مكتوب بهدف واحد يا عمر .. وهو توضيح حقائق ما حدث من خلال رواية اشخاص موجودين بفداسي.لذلك حاولت بقدر الامكان عدم ابداء رايي في الامر فقط الاكتفاء بتوضيح ما جري وعدم الخلط بين الامور تحت (اراءنا المسبقة وأحكامنا) واتوقع ان يكون هذا هو السلوك النموذجي لمن ينقل حدثاً.
الكيزان مافي حاجة بتجمل وجههم في الجرائم الارتكبوها سواء الفساد او جرائم القتل او الابادة او التعذيب او الثراء الحرام ... واي كوز مشارك بصورة او باخري. ورأئي الشخصي في الكيزان الفي فداسي ولا في الواق واق معروف لكل الذين يعرفونني في هذا المنتدي .. ولكن لكل مقام مقال.
لكن في اشياء لا يمكن ان نصادرها من الناس مهما حاولنا ...
ناس فداسي مهذبين ...
ناس فداسي متعلمين ...
بنات فداسي سمحات ... (كان ما عجبك) حتي الكوزات
دي حاجات سمعناها من الناس قبل ما نميز بين الشيوعي والكوز ...
لكن مرة تانية بكرر ليك انو تعميمك مخل ومنطقك ملتوي وحديثك بنيتو علي كلام ما حقيقي فقط متخيل في ذهنك:
اولاً انا لم اتحدث عن (كيزان فداسي) بل تحدثت عن شخصين فقط ... والفرق كبير
ثانيا لم اتحدث عن قناعات ووعي بل تحدثت عن تهذيب وهو السلوك العام ... والفرق اكبر
انا لم اخلع اي اوصاف علي كيزان فداسي انا تحدثت عن مدير مكتب الوالي وقلت انه مهذب جدا وتحدثت عن جمال الوالي وقلت انه مدرسة في التهذيب ... لانهم فعلا مهذبين شئنا أم ابينا.
بقيت مسالة منطقك المعوج عشان تطلعني انو بجمل في وجه كيزان فداسي وبميزهم من بقية كيزان الله (في النموذجين البنتكلم عنهم) ... لو كان من ناحية التهذيب فهذه تهمة لا انكرها ... اما من ناحية تبرئئتهم من جرائم النظام المختلفة فهذا ما لم اقله .. وبالمناسبة لو قلتو ما بنكرو بس انت جيب المصدر..
تحياتي
|
Post: #70
Title: Re: تفاصيل ما حدث في فداسي ...
Author: Gafar Bashir
Date: 02-25-2013, 06:08 PM
Parent: #68
Quote: بسم الله
عضو بالمنبر متقاعد : وهذا بوست إستثنائي عشان خاطري أهلي بفداسي ..ويا هندسة ممنوع التعليق .
وينك يا جعفر بشير والف وينك .. وكفي مع التحية ..
فات على المداخلين حقيقة ماثلة أنّ الركشات أصبحت أحد الحلول السريعة للعطالة المقنعة بالبلاد .. والمخرج لآلاف الخريجين لإقالة عثرة أهليهم
في ظل الأزمة المعيشية الوخيمة الجاثمة .. ويقع على المسئولين بالولاية عند التعامل مع الجماهير أن تعي ذلك جيدا - أن هؤلاء الشباب آثروا رهق الركشات
وتغطية عجز الحكومة عن توفير العيش المعقول لاغير لمواطنيها على الإرتماء في البيوت والتسكع في الطرقات إنتظارا للوظائف المرهونة للمحاسيب وبقية الفتات الذي لايكفي للإ قتيات !!
إذن كما قلنا في أزمة جامعة الجزيرة أنّ أجهزتنا الأمنية وقيادتها بحاجة لإعادة تاهيل إداري وتربوي لتعرف كيف تتعامل مع الناس !!!
أسرتي في الحي الشمالي البعيد عن وسط القرية تتعامل مع سائق رقشة يتيم يتولى إعاشة أسرته - بتوصيل عيالي لمدارس الأساس وناس البيت للوحدات الطبية المنتشرة بالقرية ، وحكومة الولاية تعلم ذلك عن أحوال الناس ومكابدة هؤلاء الشباب الشرفاء .. ولن تكون حادثة المبلغ المسروق مبررا -لأي عاقل- مهما كان حجم المبلغ ( والتقصير يقع اساسا على أصحابه ) لللعب بأرزاق المساكين وهم قطاع عريض لأجل بيت واحد مقتدر - مع كون هذا البيت من أقاربنا وابناء عمومتنا- ولكننا نقول الحق ولو على انفسنا .
إذن الأزمة السودانية الان بكافة صورها وتداعياتها أزمة إدارة غير راشدة وازمة سلطة تتمادى في الظلم وتتجاهل تداعيات الظلم ومضاعفاته إتكالا على ما في يدها من سلطة وهذا عين الحمق .
ومن هنا ندعو أهل السلطة لوقفة لإصلاح حالها هي أولا قبل غيرها .. وقد نسوا الإنتخابات القادمة وغيرها ..
وكفى وسلام على سيدنا المصطفى سيد اهل الحلم والوفا وآله
الرشيد ركابي
فداسي |
|
Post: #71
Title: Re: تفاصيل ما حدث في فداسي ...
Author: Gafar Bashir
Date: 02-25-2013, 06:15 PM
Parent: #70
استاذنا الرشيد
تحياتي واحترامي
هذا ليس تعليق ولكنه رد علي تحيتك علي الاقل فهو واجب
أتمني ان تكون هذه بداية جديدة بعد قرار التقاعد الذي لم يجيزه أحد حتي الان .... لان القلم ليس له موعد (تقاعد) فهو في ظني يمثل (الأمانة) التي حملها الانسان ...
سلامي وتحياتي لك ولجميع الأهل
|
|