يا ود الباوقة و الحاج ادم ... الناس ديل جوكم من تحت عديل

عندما هاجم الاسرائيليين مدينة بورتسودان قبل عام تقريبا تحداهم ود الباوقة في هذا المنبر و قال بالفم المليان "هم لو رجال ما يجونا من تحت" في سياق انهم ضربو بالطائرات.
اما في المرة الثانية عندما هاجمو مصنع اليرموك فكان المتحدث اكبر حيث اتي من القصر الرئاسي علي لسان النائب الثاني الحاج ادم حيث قال "هم لو رجال ما يجونا من تحت".
و يبدو انهم قوم يعرفون معني التحدي و لذلك هذه المرة اتو من تحت عديل كده و برضو الناس جرت بحجة انو الذخيرة انتهتّ!
طيب الناس ديل يعملو شنو عشان يلقوكم جاهزين.

يعدين يا اخي ما تعملو فيها الناس ديل ما يا هم. يا خي ديل حتي لو الواحد لونو ابيض برضو شعرو كيرلي.

Quote: "هم لو رجال ما يجونا من تحت

يامحجوب

كدى خلينا نأصل "من تحت" دى

بيقصدوا يجوا زى ناس الفيس بوك (يعنى فيس تو فيس)؟
أم احتمال بيقصدوا تحت الركبة؟

Quote: أعلن الجيش السوداني، أن قوات تابعة للجيش الشعبي بدولة جنوب السودان والحركة الشعبية (قطاع الشمال) هاجمت صباح الأربعاء منطقة "مفو" بولاية النيل الأزرق، مدعومين بعناصر يرجح أنها أجنبية، كما نفى الزعم بأن القتال يدور على مشارف مدينة الكرمك بالولاية ذاتها. وأوضح الناطق الرسمي للجيش العقيد الصوارمي خالد سعد، في بيان صحفي، "أنه بعد النجاح الكبير الذي حققه الجيش في منطقة مفو على متمردي الجبهة الثورية وطردهم منها - حيث كانوا يتخذون منها قاعدة لشن الهجمات على مزارعي المنطقة - فقد هاجمت قوات تقدر بثلاث كتائب تتبع للجيش الشعبي والحركة الشعبية (قطاع الشمال) المنطقة من ثلاثة محاور (شمالا وغربا وجنوبا)". ورجح الناطق أن هذه القوات مدعومة بعناصر أجنبية كانت تقود الدبابات، وحسب البيان فهم "مرتزقة بيض يرتدون سترات واقية من الرصاص". وتابع البيان أن قوات الجيش قاتلت لثلاث ساعات متواصلة خسرت القوات المعتدية خلالها أعدادا كبيرة من القتلى، كما صدت قوات الجيش الهجوم ثلاث مرات متوالية، إلا أن الأعداد الكبيرة للقوات المهاجمة ونقص الذخيرة أديا لانسحاب قوات الجيش للخلف (ديم منصور – الكرمك). وأكد البيان "أنه لا صحة للزعم بأن القتال يدور على مشارف الكرمك أو أن أيا من المتمردين والقوات التي تساندهم قد اقترب منها، كما أكد حرص القوات المسلحة على طرد القوات المعتدية من منطقة مفو التي كانت في قبضتهم، وأننا الآن نعد العدة لطردهم منها ثانية".

Quote: كدى خلينا نأصل "من تحت" دى بيقصدوا يجوا زى ناس الفيس بوك (يعنى فيس تو فيس)؟ أم احتمال بيقصدوا تحت الركبة؟

الهبيب دكتور بله
يا اخي انا زاتي وقفت في "تحت" دي لكن في الاخر قلت نديهم "Benefit of Doubt"
و ما نعصر علي موضوع اللغة شديد و ناخدها علي انو "Face to Face"
لكن مما نري يبدو انو الاسرائليين فهموها "تحت الجزام" عشان كده جو من تحت حزام السودان

استاذ محجوب تحياتي والعيال وكل Torontonian
الناس بيض ولابسين دروع وسائقين مدووعات
ديل الجماعة القاصدهم عمك الساطوري ذاتوااا
وطيب جرو ليه ؟

الهبيب سليمان
كيفك يا رجل و مرحب بيك في هذه الاسافير

مشكلة ود الباوقة و صاحبه او نائب سيده الرئيس انهم تحدو الناس البيض ديل انهم يجو من تحت بدل الاختباء وراء طيارات بدون طيارين و طوالي الناس جوهم يعني قبلو التحدي.
العوجة انهم جرو واغانينا في السودان كلها يقولو "الجري ما حقي. حقي المشنقة او المدفع".
عموما حيجونا بتبريرات جديدة للشي الحصل ده لكن ما بحلهم

Quote: يا ود الباوقة و الحاج ادم ... الناس ديل جوكم من تحت عديل

تقول لي ما حاقد؟؟
هسع ود الباوقة زميلنا و عزيزنا لو إستشهد و خلى عقاراتو و عماراتو ال كسبها من كتاباتو بالمنبر ده ح تستفيد شنو ؟؟
بعدين من وين نلقى البديل عشان يقول : سيدي الرئيس ما احلى شنباتك

Quote: العوجة انهم جرو واغانينا في السودان كلها يقولو "الجري ما حقي. حقي المشنقة او المدفع".

يا محجوب انا عندي حساسية مع الجرى و مع حملة الدفتردار الانتقامية
فهمت ؟
ياخي ابعد من الكلمة دي

محجوب..
ما يكون رسلوا الجماعة إياهم (صورة فى بوست لك الربع المنصرم).. لو كدة حورن عين .. وحى على الجهاد.. نأسر تلاتة أو أربعة ونتكفل بالمعاملة الحسنة.. ههههههه

الهبيب امبده
شكرا لمرورك الكريم و تذكيرنا بتلك الصورة من المربوع السابق
يا اخي الناس ديلك جيشهم متكامل فيهو واحد بواحدة. يعني لو في 10 جنود (بيض) و لابسين دروع في خمس منهم نواعم

Quote: هسع ود الباوقة زميلنا و عزيزنا لو إستشهد و خلى عقاراتو و عماراتو ال كسبها من كتاباتو بالمنبر ده ح تستفيد شنو ؟؟ بعدين من وين نلقى البديل عشان يقول : سيدي الرئيس ما احلى شنباتك

الهبيب حامد برقو
يا اخي ود الباوقة و الحاج ادم كلهم لو اقتربو من اصحاب الدروع هذه سوف يتفاجأون انهم هربو من الجكس.
غايتو في حكمة بتقول انو ربنا دائما بضع حكمتو في اضعف خلقه

بناء على الصورة أعلاه
ثم أصالة عن نفسي و نيابة عن عثمان موسى و حبيب نورة و فايز ود القاضي و آخرين نمتنع عن ذكر أسمائهم لأسباب أمنية
أطالب بالإعلان الفوري للحرب ضد دولة هؤلاء المجندات

Quote: أطالب بالإعلان الفوري للحرب ضد دولة هؤلاء المجندات

يا حامد اخوي لما تغيب من المنبر ده بتكون نص عمرك ضائع.
يا اخي الناس قالو ما عايزين حرب معانا خالص (في ربع المنبر الماضي) و قالن عايزات بشربن قهوة مع اولاد الخرطوم عديل بدون حروبات. انت تجي في الربع البعدو و عايز تعلن حرب! بالغت


__________________
لكن هسي ناس زي ديل يحاربوهن كيفن؟
تقوم تضربها يقولو ليك انت متخلف تضارب جكس

تقوم تضربها يقولوا ليك انت متخلف تضرب جكس
---------------------------------------------

يا محجوب انا عندي قلب لضرب الجكس؟؟؟

اصلا مخطط للاستسلام عشان أبقى أسير حرب
هاهاها

غايتو الحاج ادم لو استسلم و حسن استسلامه ممكن يدقوهو دقة "عجوز سدت بابها"

Quote: يا اخي ود الباوقة و الحاج ادم كلهم لو اقتربو من اصحاب الدروع هذه سوف يتفاجأون انهم هربو من الجكس. غايتو في حكمة بتقول انو ربنا دائما بضع حكمتو في اضعف خلقه

محجوب

يعني انت هس فرحان عشان الناس ديل جونا بي تحت ولا باي مكان

لا احد يا اخي يتمنى الحرب اطلاقا

ولكنها حربا قد فرضت علينا من اعداء الوطن ومن يقفون من خلفهم

لكن تاكد باننا منتصرون عليهم باذن الله

التحية لقوات شعبنا الباسلة وهي تلقن الفئة المارقة المدعومة من دولة

الجنوب

التحية لهم وهم يدافعون عن الارض والعرض

ويبذلون الغالي والنفيس في سبيل الدين والوطن

الله اكبر

الله اكبر

الله اكبر

ولا نامت اعين الجبناء

Quote: محجوب يعني انت هس فرحان عشان الناس ديل جونا بي تحت ولا باي مكان لا احد يا اخي يتمنى الحرب اطلاقا

الهبيب ود الباوقة
انا مثلك لا افرح للحرب و هذه الحرب قد فرضت علي اناس مثلي
اما بخصوص بيان الصوارمي انا محايد جدا و لكن فقط استرجعت الذاكرة حيث انت قلت متحديا الاسرائليين ان يأتو برا و من خلال بيان الصوارمي تنطبق اوصافهم علي الذين شوهدو في معارك برية جوار الكرمك.
ما رأيك في كلام الصوارمي؟
هل تظن انهم رأو اشخاص ذو بشرة بيضاء؟
هل يمكن هؤلاء الذين رأوهم فعلا من اسرائيل؟
و ان كان كذلك هل تظن انهم اتو تحديا لكلامك هنا حيث بات من المؤكد انهم يقرأون سودانيز اونلاين بل حتي ان احد صحفهم نقلت ان هذا الموقع خبر ضربة اليرموك.

Quote: يعني انت هس فرحان عشان الناس ديل جونا بي تحت ولا باي مكان لا احد يا اخي يتمنى الحرب اطلاقا

يعني حور العين ما تبغى؟؟

Quote: ولكنها حربا قد فرضت علينا من اعداء الوطن ومن يقفون من خلفهم

يقفون من خلفهم ديل نحنا بس من هم اعداء الوطن؟؟

Quote: ويبذلون الغالي والنفيس في سبيل الدين والوطن

في سبيل نظام الفصل العنصري الخرطومي المتهاوي

Quote: ولا نامت اعين الجبناء

في جبناء غير جيشكم ؟؟؟
اكثر من 60 عام يقتل في المواطنين السودانيين الابرياء في الوقت الذي فيه مساحات من التراب السوداني تحت الاحتلال المصري و الاثيوبي

Quote: في سبيل نظام الفصل العنصري الخرطومي المتهاوي

يا زول قول بسم الله

فصل عنصري شنو كماان

طوالي مرقتها في بريتوريا

قال فصل عنصري وكمان من 60 سنة

يعني انت لو قدر ليك استلمت الحكم معناه حا تعدمنا نفاخ النار

غليل تحس به في دواخلك لا وجود له على ارض الواقع

نسال الله ان يحصل لك الشفاء عاجلا ام اجلا

وشكرا

Quote: يعني انت لو قدر ليك استلمت الحكم معناه حا تعدمنا نفاخ النار غليل تحس به في دواخلك لا وجود له على ارض الواقع

الهبيب ود الباوقة
عايز اجيك بسؤال عسي و لعلنا نطلع منو بحكمة.
تعرف ليه هلال - مريخ و كل فرق كرة القدم في السودان ما زالو بلعبو منذ عام 1932؟
لانهم بلعبو بقواعد معروفة (شروط و اهلنا بقولو الاولو شرط اخرو نور). يعني اخر:
They paly by the rules

الحكمة في الكلام ده انو يا اخي انحنا لغاية الان ما فيش قواعد بتدير العلاقة بين الحاكم و مكونات الشعب السوداني.
انا او الاخ حامد برقو ما بنقول اننا عايزين نشيل من البشير او منكم (معشر البشير). احنا بنقول تعالو بقعد و نعمل قواعد جديدة بتدير طريقة ادارة شئون العباد في السودان (هذا البلد الذي يمكنه ان يسع الجميع) لانو في الاخر انت بتملك ارض يساوي 500 متر مربع و لا يمكن ان يسمح لاحد بالتعدي علي تلك الملكية و في الجزء الاخر بتملك مترين مربع. اما بقية الاشياء فهو التعامل اليومي في الشارع طالع نازل لاجل لقمة عيشك.
الحاكم الذي نختارة لا نريده ان يفاضل بينك و بين حامد برقو حتي و ان كان ذلك حامد برقو شخصيا فلا يمكنه ان يتفس احقاده عليك. ببساطه لانه لن تكون فرصه ان يفعل ذلك و الا نعتبره مجنونا و ينقل الي المصحة.

ما تقوله و يقوله كثيرون عن احقاد الاخرين هو في واقع الامر يصنف علميا (بارانويا) لانك بتخاف من شئ فقط في مخيلتك.
عموما يا اخي (بالمناسبة حتي الان انا فتحت تلات بوستات بأسمك منذ تاريخ المنبر) و لا ادري لماذ. ارجو منك ان تعيد التفكير قليلا في موضوع بناء الدولة. نريد التركيز علي بناء دولة بقواعد ثابته يدك معانا لاجل الهدف المنشود.
عمر البشير ميت لا محالة (غدا او بعد غدا) و لكن نريد ان يبقي السودان و انا و انت و الاجيال من بعدنا ان يكون لهم حق العيش في سلام.

Quote: يعني انت لو قدر ليك استلمت الحكم معناه حا تعدمنا نفاخ النار

قد عبر الاخ محجوب عن كل الذي كنت اود قوله لكن يا اخي هذه هي مشكلتك و مشكلة الذين تساندهم لقتل الابرياء السودانيين بزعم ان الاخر سينتقم ان حصل على المساواة لذا فلابد من ابادته. هذه الفرضية لا وجود لها الا في مخيلتكم المريضة.
انا لا اطالبك بغير الجلوس مع البعض لأجل غد افضل لنا و للاجيال القادمة. لكنك تريد لي ان اكون تابعا لك لأشاركك صوريا و تعتبر مشاركتي لك في تدبير امر بلادي (رغم صوريتها) هبة منك.

Quote: غليل تحس به في دواخلك لا وجود له على ارض الواقع

لا احمل اي غل فقط انت و من معك تخلصوا من الوهم الذي يسيطر على تفكيركم فبالتالي تصرفاتكم و حياتكم

Quote: نسال الله ان يحصل لك الشفاء عاجلا ام اجلا

أحمد الله على نعمة العافية - لكن انتم الذين تبنيتم سياسة القتل لأكثر من 60 سنة و لم تحققوا غير المزيد من الخوف .عليكم ان تراجعوا سياساتكم من اجل وطن يسع الجميع
الوطن الذي يسع الجميع و تتساوى فيه الفرص يتحقق ان اردتم ام ابيتم
اذا من الافضل ان يتحقق برضا الجميع - اي بما فيه انتم
فقط كسبا للوقت و ليس الا


تقبل تحياتي

Quote: · الأكثر تعليقا ياناصر الجعلى حامد برقو ده من النوع ال######## راس مالو كف واحد وبيجيب اخرو ورجالتو دى بس من وراء الكيبورد خلى يتفسح فى الحوش ده عشان مايقول حارمنو من حاجة

ولدنا سليمان ادم سليمان
من اسمك افتكرتك ما مع الخيانة لكن طلعت مع الخيانة

Quote: ولدنا سليمان ادم سليمان من اسمك افتكرتك ما مع الخيانة لكن طلعت مع الخيانة

اخي محجوب
ارجو ان تنتبه لألاعيب جهاز امن البشير
الإسم اعلاه اسم وهمي يستخدمه هؤلاء المحبطون في محاولة يائسة منهم لتصوير ان افرادا من الهامش السوداني يساندون القتلة في الخرطوم

لعبة قذرة
قال سليمان ادم سليمان قال

دائما اغبياء

الهبيب حامد
شكرا علي المثابرة
فعلا هذا الشخص يستخدم اسلوب غريب من نوع كف بجيب خبرو و كلام زي ده.
نتمني انهم يقرأو الكلام المكتوب ده كويس او مرتين او ثلاثة لغاية ما يقع ليهم الكلام البنقولو ده

اخي محجوب
و الأغرب في صاحب الاسم الوهمي يدعوني الي صفحته الوهمية ليثبت لي صدق زعمه- هاهاها
كلها ألاعيب من جهاز امن النظام - لا يوجد شخص باسم سليمان ادم و على هذا الموقف
ارجو ان لا نعطيه اي اهتمام

Quote: داير تغالطنى فى اسمى ياحامد برقو مخير الله طيب تعال صفحتى اتاكد بدل تتكلم ساى ياارجوز قال امن البشير قال

الاخ ود الباوقة
اخشى ان تكون انت صاحب الاسم الوهمي سليمان ادم سليمان
او احد زملائك في اسوأ الفروض



على كل اقدر فيك تذهيبك مع اعضاء المنبر

Quote: اخشى ان تكون انت صاحب الاسم الوهمي سليمان ادم سليمان او احد زملائك في اسوأ الفروض

برقو

اختشي

Quote: برقو اختشي

انا اختشي في شنو ؟؟
حصل في المنبر ده قلت سيدي الرئيس ما اجمل أنيابك ؟

Quote: ياحامد برقو غالط زى ماداير لانك اساسا زول بتاع غلاط وبتتنفس الكضب وانا اتحداك تجينى فى صفحتى وعارقك مابتجى لانك اجبن من المواجهه لانو الفيس ده مافيهو حدود للحرية وانتا مابتعرف الكلمة دى لانك بتحب الاقصاء وان شاءالله الم فيك فى الفيس عشان اوريك حجمك ..... ياصغير زول يغالطو فى اسمو واسم ابو واسم جدو فعلا شر البلية مايضحك .....مخير الله

اها احسن ليك المسخرة دي ..

هههههه

امش للزول في الفيس بوك

Quote: اها احسن ليك المسخرة دي .. هههههه امش للزول في الفيس بوك

الاخ ود الباوقة
يعجبني فيك اجتهادك المميت لنفي نسب الاسم الوهمي سليمان ادم سليمان عن نفسك او عن احد زملائك في اسوأ الفروض كما اسلفت

ارجو ان تبحثوا عن غير هذه اللعبة

فلتكتب انت او زميلك(زميلتك) في الفيس بوك تحت الاسم الوهمي ثم تكرم انت بنقل القاذورات لكني غير معني بها
اظنني قد اعطيت الاسم الوهمي اكثر مما يستحق
اتوقف عند هذا الحد
و يمكنكم المواصلة في انتاج القاذورات و نقلها

هذا يكفي

Quote: هذا يكفي

لس يا برقو

ما تستعجل

انت فتحت البوست واستحمل شوية

Quote: لس يا برقو ما تستعجل انت فتحت البوست واستحمل شوية

الاخ ود الباوقة
انا لم و لن اهرب لأن لدي حساسية مفرطة ضد الهروب بجميع مسمياته و على اختلاف الحقب و الازمان - هذا حتى لو يزور لي التاريخ و يتم تصويري في قالب بطل و يطلق اسمي على بعض المرافق

لكني قررت ان اتوقف عن الرد على صاحب الاسم الوهمي الذي يحتمل ان يكون شخصكم الكريم او احد زملائك المجندين للسؤ

اخيرا لم يكن شخصي المتواضع صاحب البوست انما البوست للاخ محجوب

Quote: كني قررت ان اتوقف عن الرد على صاحب الاسم الوهمي الذي يحتمل ان يكون شخصكم الكريم او احد زملائك المجندين للسؤ

اطمئن باني ليس بالشخص المعني ولا لدي به سابق معرفة مع امنيتي ان يكون صديقي

وشكرا

Quote: امنيتي ان يكون صديقي

ما احسن تصادقني انا ال بتعرفني من كم سنة؟؟

Anyhow stay blessed

Quote: ما احسن تصادقني انا ال بتعرفني من كم سنة؟؟

نحن اصلا اصدقاء

انا وانت

Quote: نحن اصلا اصدقاء انا وانت

حامد برقو جاتك عمارة في كافوري
بلاش من اوفر تايم و بلاش تلتلة المرتبات
خلاص ح نبقى كيزان و نأكل مجان





___________________________
الاخ ود الباوقة
اتشرف ان اكون صديقك على المستوى الشخصي

Quote: اتشرف ان اكون صديقك على المستوى الشخصي

ماهي على المستوى الشخصي

امال على مستوى دول الكوميسا ؟؟؟؟؟

Quote: ماهي على المستوى الشخصي امال على مستوى دول الكوميسا ؟؟؟؟؟

من الضروري تحديد مستوى العلاقة خاصة انكم اصدقاء الايرانيين بينما انا عميل اسرائيلي و هنا تتقاطع المصالح و المصاري
وقع ليك

Quote: بينما انا عميل اسرائيلي

اخبار شارون شنو يا برقو

Quote: اخبار شارون شنو يا برقو

رسل مرتزقة بسترات واقية الي النيل الازرق
و رجع نام

اصبحنا و اصبح الملك لله
الهبيب ود الباوقة و الهبيب حامد برقو
شكرا لمواصلة الحوار
و يا ود الباوقة انا بفتكر انو سليمان ادم سليمان هو سيدهم الدكتور الحاج ادم النائب الثاني لرئيس الجمهورية سيدهم عمر حسن احمد البشير.

Quote: الهبيب حامد برقو شكرا لمواصلة الحوار

ببساطة كدا؟؟؟
الواحد متطوع و ماسك ليك البوست لمدة يوم كامل تجي تقول لي شكرا و بس؟؟
قصدي الخواجة عمل ويسترن يونيون عشان شنو؟


عشان كدا الواحد ما داير يقطع علاقتو بناس ود الباوقة ال بيسرقوا بإسراف و بيدفعوا بسخاء
هاهاها




________________________________________
شايفك مازلت مهتم بالمأجور الذي يتخذ الاسم الوهمي سليمان ادم
ياخي انسى

Quote: ببساطة كدا؟؟؟ الواحد متطوع و ماسك ليك البوست لمدة يوم كامل تجي تقول لي شكرا و بس؟؟ قصدي الخواجة عمل ويسترن يونيون عشان شنو؟

الهبيب حامد برقو
هسي ود الباوقة حيجي يقول ليك "ان الله لا يضيع اجر من احسن عملا"
شايفو بهناك ضمنيا كدا اعترف انو الجيش شرد و هذا عيب

في سياق اخر شايفو برضو لاول مرة قال (هذا الرئيس العجيب)
يعني من كان شنو كدا بقي يسميهو عجيب