القوات المسلحة حول احداث الكرمك

أصدرت القوات المسلحة اليوم بياناً أكدت فيه أن لا صحة لمزاعم المتمردين بأن هناك قتالا يدور على مشارف مدينة الكرمك بولاية النيل الازرق .
واوضح الناطق الرسمي للقوات المسلحة بأن الجيش أخلى منطقة مفو بالنيل الازرق بعد أن كبد القوات التي هاجمت المنطقة خسائر كبيرة .
وقال ان القوات المهاجمة كانت تتكون من قوات الجيش الشعبي التي تتبع لدولة جنوب السودان وعناصر من متمردي قطاع الشمال مدعومين بعناصر يُرجح أنها أجنبية تقود الدبابات ( مرتزقة بيض ) موضحاً أن هذه العناصر الأجنبية ترتدي سترات واقية من الرصاص .
وأكد بيان القوات المسلحة أن الجيش كبد المهاجمين خسائر كبيرة في الارواح مبيناً أن الجيش أخلى مفو ويجري إستعدادته الان لاستعادتها بأسرع وقت ممكن .
وفيما يلي نص بيان القوات المسلحة :
بعد النجاح الكبير الذي حققته القوات المسلحة في منطقة مفو {mafo} بولاية النيل الأزرق على متمردي الجبهة الثورية وطردهم منها حيث كانوا يتخذون منها قاعدة لشن الهجمات على مزارعي المنطقة ,هجمت صباح اليوم الأربعاء 20 - 2 - 2013م قوات تتبع للجيش الشعبى بدولة جنوب السودان والحركة الشعبية قطاع الشمال , مدعومين بعناصر يُرجح أنها أجنبية تقود الدبابات ( مرتزقة بيض ) وترتدي هذه العناصر الأجنبية سترات واقية من الرصاص , هجمت هذه القوات التى تقدر بثلاث كتائب على منطقة مفو من ثلاثة محاور الاتجاه الشمالى والاتجاه الغربى والاتجاه الجنوبى .
قاتلت قواتنا لثلاث ساعات متواصلة خسرت القوات المعتدية خلالها أعداداً كبيرة من القتلى كما صدت قواتنا الهجوم ثلاث مرات متوالية الا أن الأعداد الكبيرة للقوات المهاجمة ونقص الذخيرة أديا لانسحاب قواتنا للخلف ( ديم منصور - الكرمك) .
نؤكد أنه لا صحة للزعم بأن القتال يدور على مشارف الكرمكأو أن أياً من المتمردين والقوات التي تساندهم قد اقترب منها, كما نؤكد حرص القوات المسلحة على طرد القوات المعتدية من منطقة مفو التي كانت في قبضتهم وأننا الآن نعد العدة لطردهم منها ثانية

Quote: وأكد بيان القوات المسلحة أن الجيش كبد المهاجمين خسائر كبيرة في الارواح مبيناً أن الجيش أخلى مفو ويجري إستعدادته الان لاستعادتها بأسرع وقت ممكن

الاخ عصام ،،، تحياتي

طبعا ده تكتيك حربي قديم حيث ان الحرب كر وفر



مودتي


الرحـــال

كضاااااااب يا عصام دقداق! والجهة التي نقلت الخبر عنها كضاااااابة!
السبب؟
لأنك كوز ...ولأن الجهة التي نشرت لها الخبر واحدة من مواخيركم الإعلامية.
بخلاف الكضب بتاعكم المتواصل من 30 يونيو 1989، واضح إنك في غيبوبة...فالسودانيون يا دقداق خبروا نذالتكم وكذبكم ونفاقكم وفسادكم وتجارتكم باسم الدين، ولم تعد أكاذيبكم البالية تنطلي على أحد.

http://الجيش الشعبي الاستيلاء علي 30 لاندكروز...بات علي مشارف الكرمك

عادل يازول مالك منفعل كدا

Quote: وأكد بيان القوات المسلحة أن الجيش كبد المهاجمين خسائر كبيرة في الارواح مبيناً أن الجيش أخلى مفو ويجري إستعدادته الان لاستعادتها بأسرع وقت ممكن

عصام
نهارك سعيد (بتوقيتي)

قلت لي أمبارح القريبة دي قلتا إنو الجيش حررّ "مفو"، وهسه بقت المسألة تكبيدهم خسائر.

لكن ما قلت لينا طيب السبب الخلاهم "يفكوا البيرق" ويشردوا من "مفو" شنو؟


غايتو لو تابعت الصورامي دا بيوديك "الماسورة"

Quote: وقال ان القوات المهاجمة كانت تتكون من قوات الجيش الشعبي التي تتبع لدولة جنوب السودان وعناصر من متمردي قطاع الشمال مدعومين بعناصر يُرجح أنها أجنبية تقود الدبابات ( مرتزقة بيض ) موضحاً أن هذه العناصر الأجنبية ترتدي سترات واقية من الرصاص .

يعني ابطال الجيش الشعبي الشمال كانوا لابسين الكوندوم واقية هههههههه
كلام غير منطقي وغير عقلاني لو ان قوات الجنوبية شاركت في القتال الدائرة هناك لوصلت الامر الي مشارف الخرطوم زاتو...
قال مدعومين بعناصر اجنبية تقود دبابات...كيف يقدر الصوارمي دا يشوف داخل دبابات الجيش الشعبي الشمال ويعرف من فيها دون ان تضربها ول كان عنده فرصة لرؤية
من يقود تلك دبابات....
المهم قوات الجيش الشعبي الشمال سيطرت الان وفي هذه لحظة على مدينة الكرمك وضواحيها وعمليات تمشيط المنطقة من جنجاويد مستمرة الان....
كمرد! اضربوهم ودقوهم دقة العيش !

Quote: قال مدعومين بعناصر اجنبية تقود دبابات...كيف يقدر الصوارمي دا يشوف داخل دبابات الجيش الشعبي الشمال ويعرف من فيها دون ان تضربها ول كان عنده فرصة لرؤية

صحي "شر البلية ما يضحك" ..
يعني الجيش شاف جنود الحركة الشعبية وتفحصهم لدرجة انه عرف الوانهم ؟ ده شنو يعني شكلة في السوق الشعبي ؟
وبعدين امبارح سيطرنا تجو الليلة تقولو انسحبنا بعد ان كبدناهم خسائر ؟ الانسحاب احد مسميات الهزيمة ، المنتصر لا ينسحب و انما العكس ..
غايتو ناس الانقاذ ديل الحسنة الوحيدة العملوها لينا و "للبشرية" اكتشافهم لمرض جديد اسمو "وجع التصريحات " يقال انو بتسببو ظهور كريات جديدة في الدم اسمها كريات الغباء ..

تحياتي عصام

بيان هذيل وركيك وغير مقنع

البيان دا يفضح كذب هذا الصوارمي أكتر وأكتر.. ويرجح صحة بيان الحركة الشعبية بوصولها للكرمك.
إعترف بيان الصوارمي بأنهم انسحبوا بسبب نقص الذخيرة، وكثافة قوات الحركة التي هاجمت من تلاتة اتجاهات.. بالله دي مش فضيحة: جيش دولة في منطقة حرب يقول انسحب لنقص الذخيرة؟ وين (الدق) بتاع الهادي بشري، والمسح والقش بتاع صمثنغ محمد خير داك؟ قلت لي مشاركين في معرض دبي للتسوق مش؟ وإنو السودان بحسب وزير الدفاع أصبح من الدول العظمى في مجال السلاح؟.. كيف يقول أنه قد كبد قوات الرحكة خسائر كبيرة وفي نفس الوقت انسحب لنقص الذخيرة؟ يا حليلك يا اليرموك؟ إنت عارف يا عصام ويا الصوارمي اليرموك المسمين عليها المصنع دي كان عدد جيش المسلمين كم، وكم عدد جيش (الكفار) ؟ـ ناس الفجر الجديد طبعا كفار برضو ـ لذلك بحسب منطق الصوارمي فلا يوجد ما يمنع قوات الحركة الكبيرة العدد والعتاد، ذات السترات الواقية من الرصاص أن تطارد قوات جيش الصوارمي الهاربة بلا ذخيرة حتى الكرمك؛ وستبدي الأيام القليلة الجاية كذب الصوارمي وإعلام السلطة.
كنت داير أعلق على البيان الآول برضو بتاع الجيش الذي حرر فيه مفو أمس؛ لاحظ الصوارمي عرف عدد قتلى قوات الحركة، وعدد جرحاها بل ورتبهم، لكن لم يذكر كم عدد جرحى جيشه أو قتلاه وسماهم: عدد قليل! الدول التي تحترم شعوبها وقيمها تعلن أسماء (شهدائها) ورتبهم والقوات التي يتبعون لها، فقط بعد التأكد من إبلاغ ذويهم أولاً ولم نسمع يوماً قولهم أنهم قد (إحتسبوا عددا من الشهداء) في الوقت الذي تكون فيه قوات الصوارمي قد أبيدت عن آخرها أو كادت.
طبعاً مافي داعي نعلق علي كلام من نوع مرتزقة بيض ومش عارف.. لكن يا ناس الحركة بتبالغوا ياخي.. أها إن شاء الله جنجويد الكرمك يمسكوا لينا الخواجات ديل عشان نشوف لينا مرتزقة بيض للدنيا والزمان.. بس ما يطلعوا زي مرتزقة نميري.. بعدين يا الصوارمي ياخي ما تطبقوا نظرية (الحاج ساطور) ما دام اليهود جوكم بي تحت ولابسين واقي من الرصاص ويمكن يكونوا لابسين حجبات كمان.. الغريبة ما شايف سفاريق وحراب في جناح عبد الرحيم بمعرض دبي..

Quote: البيان دا يفضح كذب هذا الصوارمي أكتر وأكتر.. ويرجح صحة بيان الحركة الشعبية بوصولها للكرمك. إعترف بيان الصوارمي بأنهم انسحبوا بسبب نقص الذخيرة، وكثافة قوات الحركة التي هاجمت من تلاتة اتجاهات..

كفاية لحد كده واحترموا عقل المواطن بلاش اعذار .. مفو الجيش اعلن تحريرها قبل 24 ساعة والان استعادها الجيش الشعبي !! كيف يعني نقص ذخيرة !! نحن جايين من الكرمك كداري !!! متحرك متوجه لتحرير منطقة يعني يجب ان يكون مستعد للتحرير والدفاع عنها والسيطرة عليها ! كيف مايكون عنده ذخيره كافية !!

Quote: وين (الدق) بتاع الهادي بشري، والمسح والقش بتاع صمثنغ محمد خير داك؟ قلت لي مشاركين في معرض دبي للتسوق مش؟

وانا معك اتساءل اخي عيسى ...

الصوارمي قال في كلامه....اجانب كانوا لابسين الواقية ، كيف شافهم وعرفهم اجانب وما ضربهم ههههه؟
جنس كضب...قال قوات جنوب السودان شاركت في معركة هههههه هسي لو شاركوا في شان داخلي لدولة شمال السودان ما بيقدروا يصلوا
مشارف الخرطوم في دقائق؟!!!!!!

يا جماعة

المشكلة انو وزير الدفاع شال الذخيرة عشان يعرضها في دبي فلمن يرجع وجيب الذخيرة الجيش حيحرر مفو تاني

قال نقص ذخيرة قال

هسه عليك لله البيض منو ؟
بيان بيض
و أعذار بيض
غايتو الله يستر علينا من الفقيع بس.

الصوارمي ودقداق يتنافسان
في الكذب والغباء والـبلادة !!
قبّح الله وجوه الكيزان أجمعين.

أنتو مصرين علي الكضب وعاوزين الناس تتعاطف مع الجيش ؟!
الجيش دا اولاد حرام عشان ترمونهم في المهالك بدون اي حساب لحكومتكم ناس ابو ريالة وصاحبو الدلاهة ؟!

حسي البوست دا ما بتخجل منو ؟!
Re: تحرير مفو وقتل ستة وستين وتدمير دبابة - الطريق لكاودا


نحن ما عندنا قنا بير عشان نمشي ورا كضب كم وعدم مسئوليتكم دي ؟!!!

بيان مضحك وغبي
كيف كبدو العدو خسائر كبيرة .. ثم ينسحبوا من المعركة
لو عندك قنبور لبسوه ليك الكيزان
الشعب السوداني واعي .. بيقرأ وبفهم

هذا البيان الهزيل الركيك
إساءة وإهانة للعقل البشري
كذب يتسم بالغباء
الجيش الشعبي لا يحتاج الي اصدار بيان اخر
لان هذا البيان فيه ما يكفي لمعرفة حقيقة الأوضاع
علي الارض.

الأهبل:

لصوارمي : إنسحبنا لنقص الذخيرة..هاجمونا من ثلاثة محاور..معهم مرتزقة بيض يرتدون سترات واقية من الرصاص يقودون الدبابات!!

قال انسحبنا!!....
فحّيض شديد...
ياخواني البنات الجري ده ما حقي...

فوق عشان الدقداق كتر