انتو منو وتطلعوا شنو عشان تصنفوا الناس ده أجنبي وده سوداني ؟ !!!!

.

البشير هذا الرئيس العجيب..!!

سبحان الله !!!!


رضينا بالهم والهم ماراضي بينا .

ياأستاذ طمبل السيد وزير الداخلية سيد شرق السودان قبل ربنا مايبتلينا وتبقى ارضنا جزء من هذا الوطن الاسمه السودان ..
نعم قد لاننتمى ليكم لا عرقا ولا ثقافة - ولم نتمنى ذلك صراحة - لكن ده قدرنا فارضنا اصبحت جزء من السودان بإرادة اجدادنا ونضالاتهم التى رسمت هذا الشرق ضمن حدود السودان الحالي اللمانا بيكم والانت عايز تنفينا منه بكلمة وكأنك وغيرك يملكونا او يملكون الشرق ضمن امتدادات جغرافيتهم واعراقهم ...
اتهامك لوزير الداخلية بانه اجنبي اتهام لنا ولكل اعراقنا في شرق السودان بانها اجنبيه وبالتالي اقرار بأن شرق السودان ليس بجزء من السودان ..
ونحن بنقول ليك ياسيد طمبل لو ده رأيك ساعدنا بالله لان نكون خارج هذا السودان بارضنا وناسها .. وتريحونا ونرتاح قيراطين ..

ثم انت منو وجيت من ياتو قيامة في السودان عشان تتهم سيد بلد في بلده بانه اجنبي ؟!!!



مع احترامي وتقديري ..

يقال ان وزير الداخلية (تشادي)
غايتو انا سمعت كلام زي ده يا ودالقاضي

Quote: يقال ان وزير الداخلية (تشادي) غايتو انا سمعت كلام زي ده يا ودالقاضي

مايستبعد يكون لقوا تاشيرة دخول لتشاد في جوازه ..

Quote: اتهامك لوزير الداخلية بانه اجنبي اتهام لنا ولكل اعراقنا في شرق السودان بانها اجنبيه وبالتالي اقرار بأن شرق السودان ليس بجزء من السودان ..

ايوة الوضع تراهو كدة .. عجبك عجبك .. ما عجبك شيل واطتك وثقافتك وشتت بالله ما تملانا غاغة و فقر..
اساساً غلطنا انه وافقنا بيكم..

والبركـة ان شاء الله في حبايب الألب ابناء النيـل وبناة الاهرامات... مصر يا ام الدنيا

Quote: ايوة الوضع تراهو كدة .. عجبك عجبك .. ما عجبك شيل واطتك وثقافتك وشتت بالله ما تملانا غاغة و فقر.. اساساً غلطنا انه وافقنا بيكم..

ماتستعجلوا ..


وعلى حس انك في الجزيرة العربية كيف اخوانا من العباسين والخزرج ؟!! ...

ود القاضى الحبيب
ياخ البوست جادى وفيهو غضبة حليم وقضية
لكن دا ما يمنع اقوليك ازيك ومشتاقين ودايرين تلفونك كمان لوصل ما انقطع

يا فائز سلام
خليك ياخ كول .. وعاشت الوحدة الافريقية :)

سلامات أخوي ودالقاضي

يقال أن السيد وزير الداخلية كان عضواً بإتحاد الطلاب الإرتريين بمصر أثناء فترة دراسته .. و لكن في تقديري ليس هذا بسبب لسلب الرجل لسودانيته ..

كثيرين من قيادات البلد و مواطنيها هم في الأصل جايين من مناطق جغرافية تانيه

التجاني آدم الطاهر - لديه أصول تشادية.
غازي صلاح الدين لديه أصول مصرية تركية.
بعض أسر السودانية بكاملها تسمي المغربي / المصري / اليماني
و القائمة تطول

دهأ غير ناس قطبي المهدي و البقية المتجنسين بجنسيات غربية ..

و بعدين مافي مشكلة في قانون البلد بمنع الهوية المزدوجة و معروف أن لبعض قبائل الشرق تداخلات بحكم الجغرافيا و الهجرات ..

التعديل لـ ز في مزدوجة

إتا يا فايز ياخوي الزعل برضو بقي فيهو خيار وفقوس؟

إش معني زعلت في كلام امير طمبل ؟

كل المناتلين هنا بقولوا الكلام ده ؛إنو وزير الداخلية ارتري

ولو عايز عينة من المنبر ح اجيب ليك .

__________

تحياتي؛؛؛

في ديسمبر الماضي كنت في جامعة الأمير نايف العربية للعلوم الأمنية
المهم خرجت في الصباح إلى المطعم برفقة زميل سعودي
وأثناء تناول الفطور انتبهت إلى وجود ضيوف من السودان
في سفرة مجاورة فاستأذنت من الزميل السعودي وأخذت باقي فطوري
وانتقلت إلى سفرة السودانيين وبادرتهم بالسلام وأستأذنتهم الجلوس معهم
فأذنوا لي مشكورين ، فبادرني أحدهم وعلمت لاحقا أنه عميد لكلية شرطية في الخرطوم بالسؤال التالي:

Quote: يقال أن السيد وزير الداخلية كان عضواً بإتحاد الطلاب الإرتريين بمصر أثناء فترة دراسته

?
؟

هل هذه المعلومة صحيحة ؟

Quote: هل هذه المعلومة صحيحة ؟

وافرض صحتها

حاتم ..سلامات ..

Quote: Quote: يقال أن السيد وزير الداخلية كان عضواً بإتحاد الطلاب الإرتريين بمصر أثناء فترة دراسته هل هذه المعلومة صحيحة ؟

ياهواري ناس عندها جنسياااااااات اجنبيه تقول لي بطاقة طلاب ؟!!!

هسه يجيك واحد يقول ليك انت من هواوير مصر او المغرب العربي انتبه ..

حبيبنا بشير ...سلامات ..

Quote: إتا يا فايز ياخوي الزعل برضو بقي فيهو خيار وفقوس؟ إش معني زعلت في كلام امير طمبل ؟ كل المناتلين هنا بقولوا الكلام ده ؛إنو وزير الداخلية ارتري ولو عايز عينة من المنبر ح اجيب ليك .

يابشير انا ماعامل اجهزة رصد لكل المتداخلين ..الكلام الزي ده لوبلقاه برد عليهو، وفي الهوية دي مابميز بين كيزان ولامعارضة كلهم عندي واحد ..

عموما مدنا بالعينات عشان الرد يكون واحد ..



تحياتي ،،

طارق .سلامات ..وياهلا بيك ..

Quote: يقال أن السيد وزير الداخلية كان عضواً بإتحاد الطلاب الإرتريين بمصر أثناء فترة دراسته ..

نفترض انه يحمل الجنسية الارترية ذاتها خلي بطاقة طلابية المشكلة شنو ؟
ارتريا دولة زيها وزي بريطانيا وامريكيا وموزمبيق لايلغى حمل جنسيتها الجنسية السودانية
والبورد ده 90% منه حملة جنسيات اجنبيه.

Quote: كثيرين من قيادات البلد و مواطنيها هم في الأصل جايين من مناطق جغرافية تانيه

اها نحن جاتنا المناطق التانية لغاية عندنا وعايشين معانا اسياد بلد فالشرق الجهة الوحيدة في السودان التى قبلت الكل دون تمييز وبعد ده بعض السفهاء منهم يزايدوا علينا ..

Quote: بعدين مافي مشكلة في قانون البلد بمنع الهوية المزدوجة و معروف أن لبعض قبائل الشرق تداخلات بحكم الجغرافيا و الهجرات ..

السودان ده ياطارق كل اتجاهاته فيها تداخلات مع دول اخرى وكلهم سودانيين ومامشكوك فيهم لكن الشرق ده - تطير عيشته - كلو اجانب .

تحياتي واحترامي وشكرا على فهمك المتقدم ..

العوض شيخ العرب ..سلامات ياحبيب ..

Quote: يا فائز سلام خليك ياخ كول .. وعاشت الوحدة الافريقية :)

يالعوض والله تعبنا من المزايدات والاقصاءات الزي دي
كل واحد عامل لينا سيد بلد والسودان ده حقه وغيره اجانب
كل واحد يقعد في ارضه ويبقى سيد نفسه وسيدها



تحياتي ،،

Quote: ود القاضى الحبيب ياخ البوست جادى وفيهو غضبة حليم وقضية لكن دا ما يمنع اقوليك ازيك ومشتاقين ودايرين تلفونك كمان لوصل ما انقطع

حبيبنا احمد ..الرجل الجميل ...ليك وحشة والله ..التلفون في البروفايل
اى خدمة الا فيزة عمل ...



تحياتي ،،

ود القاضي
السلام عليكم ورحمة الله

Quote: ود القاضي السلام عليكم ورحمة الله

وعليكم السلام حبيبنا البدرى ..

السلام عليكم قريبي و ضيوفه الكرام ...

فرضا وزير الداخلية حبشي رسمي و اسمه تخلي او تسفاي ... و اتولد و اتربى في السودان حسب قانون الجنسية السودانية هو سوداني و لا على كيف اي عنصري حايم في حوش بكري او خارج حوش بكري ... و ليه الحق يكون جالس في القصر خليك من وزارة الداخلية ...

ما تضيع زمنك مع انسان ما بعرف غير نفسه و ناسي انه ربنا الخلقه خلقنا نحن و كلنا اولاد تسعة ... في الاهم يا قريبي ..

بعد نجاح مرشح اليسار الاشتراكي فرانسوا هولند في الانتخابات الرئاسية الفرنسية،تم اليوم تعيين الحكومة الجديدة برئاسة "جون مارك أيرو" ، وضمت الحكومة الجديدة 34 وزيرا من بينهم 16 مرأة .

وكما كان متوقعا ظفرت نجاة بلقاسم التي شغلت منصب الناطق الرسمي باسم فرانسوا هولاند خلال حملته الانتخابية بإحدى الحقائب الوزارية .

وتعتبر نجاة بلقاسم ثاني وزيرة من أصل مغربي في الحكومة الفرنسية بعد رشيدة الداتي التي شغلت منصب وزيرة العدل قبل أن يتم تغييرها بواسطة تعديل وزاري.


http://ar.yabiladi.com/articles/details/10716...%B1%D8%A8%D9%8A.html

Quote: وكما كان متوقعا ظفرت نجاة بلقاسم التي شغلت منصب الناطق الرسمي باسم فرانسوا هولاند خلال حملته الانتخابية بإحدى الحقائب الوزارية . وتعتبر نجاة بلقاسم ثاني وزيرة من أصل مغربي في الحكومة الفرنسية بعد رشيدة الداتي التي شغلت منصب وزيرة العدل قبل أن يتم تغييرها بواسطة تعديل وزاري.

ياطارق كلامك ده لو افترضنا وزير الداخلية اجنبي ....لكن وزير الداخلية ربما اكتر زول سوداني بمعيار الانتماء للارض من غيره في الوزراء ...
هسه السودان ده كلو قاطع البحر - حسب ادعاءاتهم السلالية - ورغم كده يكاتلوك كتال هولاكو في انهم اسياد السودان ..

الفاروق ..سلامات ياقريبي ...وليك وحشة والله ,,

Quote: فرضا وزير الداخلية حبشي رسمي و اسمه تخلي او تسفاي ... و اتولد و اتربى في السودان حسب قانون الجنسية السودانية هو سوداني و لا على كيف اي عنصري حايم في حوش بكري او خارج حوش بكري ... و ليه الحق يكون جالس في القصر خليك من وزارة الداخلية ...

الجنسية السودانية ياقريبي هي شهادة انتماء لجغرافية معينة وليست خلو طرف من انتماءات اخرى ..
السودان بلد له حدود جغرافية رسمها الاستعمار وله قوانين انتماء (قوانين الجنسية) ، هذه القوانين هي التى تمنح اى فرد الجنسية بغض النظر عن جذوره واصله وامتداداته العابرة للقارات ..


تسلم ياقريبي ..

Quote: في ديسمبر الماضي كنت في جامعة الأمير نايف العربية للعلوم الأمنية المهم خرجت في الصباح إلى المطعم برفقة زميل سعودي وأثناء تناول الفطور انتبهت إلى وجود ضيوف من السودان في سفرة مجاورة فاستأذنت من الزميل السعودي وأخذت باقي فطوري وانتقلت إلى سفرة السودانيين وبادرتهم بالسلام وأستأذنتهم الجلوس معهم فأذنوا لي مشكورين ، فبادرني أحدهم وعلمت لاحقا أنه عميد لكلية شرطية في الخرطوم بالسؤال التالي:

الحبشي أها السؤال أكيد كان عن الفطور
إنا لله ياخ إنت لمن تكتب كتير بتنسى ولا شنو

يا فايز سلامات
بصراحة المشكلة في العنصرية (المعلنة) دي هو الإستسهال
المفروض الناس تقيف فيها خط أحمر عديل كدا
موضوع (الجنسية) المزدوجة موجود في السودان وطالما لم يعفى صاحبه من دفع الضرائب وأداء الخدمة الوطنية يبقى لا يصلح (كمعايرة) حين الحقوق
العندو طعن في تولى المنصب (للإزدواج) وقادر يطلع منشور فيهو إعفاء من الواجبات الينورنا
ما سوى ذلك يبقى إحساس مرفوض ولا يمنح صاحبة الحق في إمتياز على أي مواطن بغض النظر عن إقليمه وإمتداده التاريخي

Quote: وافرض صحتها

ان كانت صحيحة في حالة وجود رابطة طلاب سودانيين واختار بدلا عنها الانضمام الى رابطة طلاب ارتريااو اي دولة أخرى...فهو دليل على نقص في احساس الرجل بانتمائه الوطني...

ورجل ضعيف الانتماء لوطنيته لا يستحق ان يكون في منصب سيادي حساس كوزير للداخلية او اي منصب سيادي آخر.

ودي مسالة " وطنية" ولا علاقة لها بشرق او غرب او شمال او جنوب

Quote: ان كانت صحيحة في حالة وجود رابطة طلاب سودانيين واختار بدلا عنها الانضمام الى رابطة طلاب ارتريااو اي دولة أخرى... فهو دليل على نقص في احساس الرجل بانتمائه الوطني... ورجل ضعيف الانتماء لوطنيته لا يستحق ان يكون في منصب سيادي حساس كوزير للداخلية او اي منصب سيادي آخر. ودي مسالة " وطنية" ولا علاقة لها بشرق او غرب او شمال او جنوب

ياحاتم يااخوى هو كلام والسلام ؟!!

بطاقة طلاب شنو البتدى هوية وتبقى عنوان لوطنية ياحاتم ؟
وزارء حكومة وافراد عاديين في السودان يحملون جنسيات اجنبيه في وجود جنسياتهم السودانية فهل عندهم نقص في احساسهم بالانتماء الوطني ؟!!

نموزج فرنسا مع الفارق (كون لا أحد يشكك في سودانية وزير الداخلية) و لكن يدلل علي انفتاح العالم علي مفاهيم جديدة تتجاوز انت جاي من وين ..

السلام عليكم ورحمة الله وب

ياجماعة الخير ختو الكورة في الواطة



************
ود القاضي قلنا ندي تحية

سنوات الدراسة بمصر صادفت طلاب سودانيين كثيرين بالاخص من ابناء الشرق اعضاء في اتحاد الطلاب الاريتريين
بل ودعت في مطار القاهرة اثنين من الاصدقاء من جامعة الازهر سافروا لاوربا بجوازات ارتري
فيها شنو لو كان وزير تعود اصوله لدولة مجاورة
ده لو افترضنا صحة هذا الزعم غير المسنود بدلائل
وعيب ياحبيبنا امير الكلام الكتبتو ده
تحياتي فايز

حيدر ..سلامات ..

Quote: سنوات الدراسة بمصر صادفت طلاب سودانيين كثيرين بالاخص من ابناء الشرق اعضاء في اتحاد الطلاب الاريتريين

صدقت ياحيدر ..فالعلاقة بين ابناء شرق السودان واتحاد الطلاب الارتريين هي امتداد للعلاقة الثقافيه والعرقية للتداخل السوداني الارتري ، فاتحاد الطلاب الارتريين بجانب انه اتحاد ارتري الا انه كان ملتقى لشباب شرق السودان ارتريين وسودانيين ..وعلى بعد امتار من هذا الاتحاد كانت جمعية صاى النوبيه التى كانت ملتقى للنوبيين السودانيين ( محس ، دناقلة ، حلفاويين ) وكذلك النوبيين المصريين ( فديجا ، كنوز ) ..وعلى جانب آخر من ذات الحي كان اتحاد العفر مركزاً لكل الطلاب العفر (اثيوبيين وجيبوتيين وارتريين )( المثلث العفري ) ...

Quote: ود القاضي قلنا ندي تحية

عاطف رميتي ياصديقي الجميل
لك من الود اعمقه ...

Quote: ياجماعة الخير ختو الكورة في الواطة

تعبنا من ناس الكورة الطايرة ديل ياعاطف وفترنا من ختت الواطة
قلنانطير مع الكورة مادام عيشتنا طايرة ..

تحياتي ياحبيب ..

Quote: ياهواري ناس عندها جنسياااااااات اجنبيه تقول لي بطاقة طلاب ؟!!! هسه يجيك واحد يقول ليك انت من هواوير مصر او المغرب العربي انتبه ..

ود القاضي مساك خير

المشكلة ليست في درجة الوثيقة ولكن في الانتماء

ما الذي يدفع طالب " سوداني" للانضمام الى اي جسم او تكتل لجنسية اخرى؟

طالما ان هناك ما يفيض من اجسام طلابية سودانية بدولة مصر مثلاً؟

هذه الاسئلة طبعا في حالة صحة خبر انضمامه لاتحاد الطلاب الارتيرين ايام دراسته بمصر

ويا ود القاضي ...ان برضو عندي راي في اي مسئول دستوري يحمل جنسية مزدوجة او حتى لديه جواز سفر اجنبي
من المفترض ان يتنازل هؤلاء اولا كشرط عن هذه الوثائق الاجنبية قبل تبواهم لاي مناصب دستورية

كرامة البلد تفرض علينا كده ودا هو المفروض

ولكن كون ان الانقاذ فتحت البلاد للفوضى و الفساد الاداري والقانوني لا يعني ان ازدواج جنسية الدستوري امر طبيعي و مقبول

تحياتي يا ملك
حاتم هواري

Quote: ما الذي يدفع طالب " سوداني" للانضمام الى اي جسم او تكتل لجنسية اخرى؟ طالما ان هناك ما يفيض من اجسام طلابية سودانية بدولة مصر مثلاً؟

ياحاتم خليك من بطاقة اتحاد طلابي من حقه يحمل اى جنسية اجنبية كغيره من البشر لو اراد ذلك ..

اقترح ان تضاف الى شروط الجنسية ( الا يكون المتقدم قد حمل اى بطاقة طلابية لاى دولة وكذلك لم يحج مع اى بعثة حج غير السودانية ) .



انتو جادين ياجماعة ؟!!!!!!


تحياتي ،،

Quote: هسه السودان ده كلو قاطع البحر

يا زول عملو ليها فحص (منوي) طلعو كلهم عباسيين واوس وخزرج وامويين حتى قبيل الحبشي صاحبك رجع ناس نافع لنجد يعني عتيبية هههههه
الحاجة دي بتحصل عادة مع
ناس الشرق - طوالي حبش او اريترتيين
الزغاوة - تشاديين
الفلاتة - نيجيريين

على العموم في حاجات كتيرة في رؤوس الناس القاعدين في الحتة الاسمها السودان محتاجة اعادة صياغة
مفهوم الوطن ومفهوم الجنسية ومفهوم المواطن مفهوم الانسان في حالة كونو انسان
مفهوم ان يكون هناك قانون يحاسبك على عنصريتك المعلنة (القاعدة في سرك دي ما في زول بيقدر يعرفا)
لكن ان تعلن وبكل سهولة ان فلانا هذا لا يستحق هذه الوظيفة لانه في رايك بيشبه الحبش او شنو ما عارف فدا مفروض يكون في قانون واضح يحاسب عليها

يا فايز
سلام
وزارة الداخلية وزارة سيادية لا يجوز ان يتولاها شخص غير سوداني بالميلاد..وزير الداخلية الحالي يقال انه كان رئيس اتحاد الطلاب الارتريين بالميلاد لو حدث هذا فهذا يعني ان الشخص ينتمي للقومية الارترية ودرس بمصر وتشرف بالانتماء لهذه القومية..
فبالله دعونا من حكاية الجنسية بالميلاد والاكتساب..الوزير ده لو كان كما قيل فهو يعتبر شخص اجنبي وان تحصل علي جنسية دولة السودان وبصراحة لا يحق له تولي وزراة سيادية كالداخلية..فمافي داعي للانفعال والتهديد..
زولك ده كان رئيس طلاب ارتيريا؟؟يبقي اجنبي ..لانه مافي حاجة بتخلي طالب سوداني يقول انا ارتيرتي
الاجابة لو لا يبقي في كلام تاني

عبدالخالق ...سلام ..

Quote: وزارة الداخلية وزارة سيادية لا يجوز ان يتولاها شخص غير سوداني بالميلاد..

ده كلام مظبوط ..

Quote: وزير الداخلية الحالي يقال انه كان رئيس اتحاد الطلاب الارتريين بالميلاد

رئيس اتحاد بالميلاد ولا بالتجنس ؟!!!

Quote: فمافي داعي للانفعال والتهديد..

وين التهديد ياعبدالخالق ؟




تحياتي ..

(المطلوب من اهل الشرق تجهيـز مراكب لشحن العرب للجزيرة العربيـة.. أصلو فى اسبانيـا شحنوهم بعـد 800 سنـة.. فما المانـع من شحنهم بعـد زمن مماثل)

هـذا رأى هابوثيكال يقابل عنصريـة بعض العرب الهاربـة.

ابوالريش ..قريبي ..تسلم ياحبيب ولا تشكر على الدفاع عن اهلك وانتماءك ..

القبائل الحدودية موجودة والتداخل موجود ..
شمالاً وشرقاً وغرباً وجنوباً ..
لكن حتة الأجنبي ..
تلاحق مواطني التداخل الشرقي والغربي ..
مع إنه عندنا في الشمال موجود التداخل وبشدة ..
بل قبائل الشمال ..
من دناقلة ومحس وحلفاويين ..
بيرطنوا عادي مع الكنوز والفديجا ..
في أسوان ..
وماحدش بيقولهم إنتو مصريين ..
إشمعني يعني إتو ياود القاضي ..
تلاحقكم الشغلانية دي ..
بوصفي أنتنمي لقبيلة تداخل حدودي ..
كامل تضامني يازول ..
فكبر دماغكـ ..
وتمسكـ بسودانيتكـ ..

ياهلا بيك جمال ..وشكرا على فهمك وموقفك ودعمك للحق ..

Quote: القبائل الحدودية موجودة والتداخل موجود .. شمالاً وشرقاً وغرباً وجنوباً .. لكن حتة الأجنبي .. تلاحق مواطني التداخل الشرقي والغربي .. مع إنه عندنا في الشمال موجود التداخل وبشدة .. بل قبائل الشمال .. من دناقلة ومحس وحلفاويين .. بيرطنوا عادي مع الكنوز والفديجا .. في أسوان .. وماحدش بيقولهم إنتو مصريين .. إشمعني يعني إتو ياود القاضي .. تلاحقكم الشغلانية دي .. بوصفي أنتنمي لقبيلة تداخل حدودي .. كامل تضامني يازول .. فكبر دماغكـ .. وتمسكـ بسودانيتكـ ..

هي محاولات للاستئصال المعنوى لم تبدأ اليوم ولن تتوقف
ولكن بحمدالله اخدنا مناعة ضدها ونقول للجماعة موتوا بغيظكم الشرق شرقنا نبقى حبش ولا طاجيك ..

.. عثمان دقنة زاتو.. أريتري..

واسمو عثمان زجنة..بالهدندوية.. يعني بطل..

المفروض قبائل السودان المشتركة مع دول الجوار..

تكون نواة لوحدة أو تعاون جيرانا معانا..

وديل بكون رسل سلام مع قبائلهم في الدولة المجاورة..


وحسب وجهة نظر شخصي الضعيف..

برى إنو أرتريا تعتبر الولاية الثامنة والعشرين.. لما كانت ولاياتنا 27 بولايات الجنوب..

هسي والله ما عارفهم كم..

Quote: .. عثمان دقنة زاتو.. أريتري.. واسمو عثمان زجنة..بالهدندوية.. يعني بطل..

ويمكن لانه زج الانجليز زج شديد ..



هههههههه شكرا عوض جعلت خميسي جميل ..

Quote: ياأستاذ طمبل السيد وزير الداخلية سيد شرق السودان قبل ربنا مايبتلينا وتبقى ارضنا جزء من هذا الوطن الاسمه السودان .. نعم قد لاننتمى ليكم لا عرقا ولا ثقافة - ولم نتمنى ذلك صراحة - لكن ده قدرنا فارضنا اصبحت جزء من السودان بإرادة اجدادنا ونضالاتهم التى رسمت هذا الشرق ضمن حدود السودان الحالي اللمانا بيكم والانت عايز تنفينا منه بكلمة وكأنك وغيرك يملكونا او يملكون الشرق ضمن امتدادات جغرافيتهم واعراقهم ... اتهامك لوزير الداخلية بانه اجنبي اتهام لنا ولكل اعراقنا في شرق السودان بانها اجنبيه وبالتالي اقرار بأن شرق السودان ليس بجزء من السودان .. ونحن بنقول ليك ياسيد طمبل لو ده رأيك ساعدنا بالله لان نكون خارج هذا السودان بارضنا وناسها .. وتريحونا ونرتاح قيراطين .. ثم انت منو وجيت من ياتو قيامة في السودان عشان تتهم سيد بلد في بلده بانه اجنبي ؟!!! مع احترامي وتقديري ..

الأخ فائز
أولا عرفت بموضوع البوست عبر أحد الأصدقاءعن طريق الصدفة
الحيرني أن موضوع وزير الداخلية الحالي ده قرأته اكثر من خمسين مره هنا
علي صفحات المنبر ده ولم يحصل ان قمت بفتح بوست .....
بالنسبة لموضوع وزير الداخلية هذا ليس إتهام من شخصي الضعيف دي معلومة
عرفتها هنا في هذا المنبر و بالتاكيد لن تعبر عن راي الشخصي ....
عموما بالتاكيد راج ليك في بعض النقاط
مع تقديري و إحترامي

يا خينا مالك عامل كركبة

شيل وزير داخليتك وامشي وكان لقيت لي طريقة معاكم انا زاتي بمشي
بلد ملمومة ومفرتقة بس الله في

Quote: يا خينا مالك عامل كركبة شيل وزير داخليتك وامشي وكان لقيت لي طريقة معاكم انا زاتي بمشي

ياكونت انا وقريبي هينين ..انت كيف ؟
سيدك المهدي بخليك تمشي ساى ولا لازم يجهز ليك عملية تتحبشون ؟!!..

Quote: ياأستاذ طمبل السيد وزير الداخلية سيد شرق السودان قبل ربنا مايبتلينا وتبقى ارضنا جزء من هذا الوطن الاسمه السودان .. نعم قد لاننتمى ليكم لا عرقا ولا ثقافة - ولم نتمنى ذلك صراحة - لكن ده قدرنا فارضنا اصبحت جزء من السودان بإرادة اجدادنا ونضالاتهم التى رسمت هذا الشرق ضمن حدود السودان الحالي اللمانا بيكم والانت عايز تنفينا منه بكلمة وكأنك وغيرك يملكونا او يملكون الشرق ضمن امتدادات جغرافيتهم واعراقهم ... اتهامك لوزير الداخلية بانه اجنبي اتهام لنا ولكل اعراقنا في شرق السودان بانها اجنبيه وبالتالي اقرار بأن شرق السودان ليس بجزء من السودان .. ونحن بنقول ليك ياسيد طمبل لو ده رأيك ساعدنا بالله لان نكون خارج هذا السودان بارضنا وناسها .. وتريحونا ونرتاح قيراطين .. ثم انت منو وجيت من ياتو قيامة في السودان عشان تتهم سيد بلد في بلده بانه اجنبي ؟!!! [/QUOTE الأخ فايز ود القاضي أولا الغضب و الكلمات النارية لا تفيد ولا تغير في الواقع أولا عن من أنا أنا سوداني لا إمتدادت له.. فما قلته عن وزير الداخلية ليس من بنات أفكاري و أنما هو حديث الكل و كما علمت أن الوزير كان رئيسا لإتحاد الطلبة الأرتريين بمصر و أذيدك من الشعر بيتين أن أحد القراء من خارج المنبر أخبرني بان أخيه الأكبر كان عضوا نشطا بجبهة التحرير الأرتريية و كان مطلوبا من قبل نظام هيلاسلاسي ] وكان ذلك خلال عهد الفريق عبود ..الأن قولي انت من يقود التنظيمات الأرتريية علي مستوي الطلبة و من يقود الكفاح المسلح في أرترييا في ظنك ماذا نقول له سودانيا أم أرتريا..سؤال اخر لماذا تغضبون عندما توصوفو بانكم أرتريين من قبل بعض السودانيين و عندما تصفكم عرقية التقراي في أرترييا بانكم سودانيين أيضا تمارسون الغضب ؟؟سؤال اخير نعلم كلنا الكيفية التي تم بها الحاق دارفور الي السودان عام 1916و نضالات و ثورات أهل دارفور ولكن نجهل كيفية إنضمام الشرق و النضالات التي ذكرتها فهلا تكرمت و بينت لنا الامر ...لك وافر تقديري و إحترامي

---

Post: #53 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-20-2013, 10:34 PM Parent: #24 محمدحامد ..سلام .. Quote: بصراحة المشكلة في العنصرية (المعلنة) دي هو الإستسهال المفروض الناس تقيف فيها خط أحمر عديل كدا يامحمد السودان ده عنصري يتخلله بعض اللاعنصريين ..

---

Post: #35 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: محمد احمد القاضي Date: 02-20-2013, 03:56 PM Parent: #1 الاخ فائز ود القاضي هذه الحكومة من البشير جعلتية

---

Post: #38 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: وضاح عبدالرحمن جابر Date: 02-20-2013, 04:27 PM Parent: #35 كتب محمد ابراهيم علي : Quote: على العموم في حاجات كتيرة في رؤوس الناس القاعدين في الحتة الاسمها السودان محتاجة اعادة صياغة مفهوم الوطن ومفهوم الجنسية ومفهوم المواطن مفهوم الانسان في حالة كونو انسان الغريب والمحير جدا .. التناقض الغريب فى سلوكنا فى الحته دى انو من ما قمنا والسودان بلد مفتوح للجيران ولغير الجيران .. واذا استوطنت السودان بتاخد حقوقك وجنستك وكامل مستحقاتك كتير جدا عاش وسطنا ناس اتجنسو فى السودان .. ونادى ما تلقى تمييز فى التعامل او فرز على اساس اصل الجنسيه ومن النادر انو تلقى اسرة اتولدت واستوطنت فى السودان وما اخدت حقها من الجنسية اذا طلبتها المدارس مفتوحه للجميع ولا يتم فرز الاطفال بجنساتهم تجد فى المجتمع قبول واضح للجميع بدون فرز لكن .... وفى نفس الوقت عبارات التمييز موجوده فى مفرداتنا اليوميه بنقولها بوعى وبدون وعى وخصوصا (فى البوادى والقرى) لكن ما شفت انها مترجمه لافعال على ارض الواقع ............... دى معرفتى بالسودان وبالمجتمع العشت فيهو .. وقد تكون فى مكان ما وزمان ما .. احداث او معايشات مختلفة

---

Post: #91 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 02:56 PM Parent: #38 Quote: الغريب والمحير جدا .. التناقض الغريب فى سلوكنا فى الحته دى انو من ما قمنا والسودان بلد مفتوح للجيران ولغير الجيران .. واذا استوطنت السودان بتاخد حقوقك وجنستك وكامل مستحقاتك كتير جدا عاش وسطنا ناس اتجنسو فى السودان .. ونادى ما تلقى تمييز فى التعامل او فرز على اساس اصل الجنسيه ومن النادر انو تلقى اسرة اتولدت واستوطنت فى السودان وما اخدت حقها من الجنسية اذا طلبتها المدارس مفتوحه للجميع ولا يتم فرز الاطفال بجنساتهم تجد فى المجتمع قبول واضح للجميع بدون فرز لكن .... وفى نفس الوقت عبارات التمييز موجوده فى مفرداتنا اليوميه بنقولها بوعى وبدون وعى وخصوصا (فى البوادى والقرى) لكن ما شفت انها مترجمه لافعال على ارض الواقع صدقت اخي وضاح .. زيها زي الواحد يكاتلك عشان يثبت انه جده ابوطالب وفي نفس الوقت يقول ليك انت اجنبي وافد .. تناقضات غريبة يجب ان تدرس ..

---

Post: #39 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abureesh Date: 02-20-2013, 04:30 PM Parent: #35 وفى زنجبار شحنوهـم بعـد كم قرن؟ السـودانيون (الأصليون) طيبون لأخـر حد ومسالمون ومضيافون.. ولولا طيبـة ممكلة الفونج التى رحبت بالأتراك بالذبائح، وهم لا يعرفون نواياهم الإستعماريـة، لكان وجـه السودان اليوم مشرقـاً. لم يعرفوا القادم الجديد إلا انه ضيف يجب إكرامـه.. لأن ذلك كان نهجهم وحياتهـم البسيطـة.. أرض البجـا حدودهـا الغربية النيل، وحدودها الشماليـة الغربيـة الدبــة، والجنوبيـة أعالى النيل.. ألا لا يجهلن أحـد علينــا......... فنجهل فوق جهل الجاهلينــا.

---

Post: #42 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عادل الباهي عبدالرازق Date: 02-20-2013, 05:15 PM Parent: #39 Quote: الاخ فائز ود القاضي هذه الحكومة من البشير جعلتية ????????????? الاخ محمد أحمد القاضي الاقتباس الفوق دا غلبني أفهمو هلا تكرمت بشرحه الناس دي كلها شغالا كربون بقت علي أنا

---

Post: #43 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: HAIDER ALZAIN Date: 02-20-2013, 05:43 PM Parent: #39 Quote: ألا لا يجهلن أحـد علينــا......... فنجهل فوق جهل الجاهلينــا. هلا أخا تغلب من بني وائل.. ود القاضي قوم لف ..وزيرك دا بايع ضميرو وبايع اهلو ومعاناتهم ومشارك في حكومة القتلة واللصوص تجي تقول لي اجنبي ومااجنبي!! ذكرتني (صاحبتك ) خالتو تراجي وقت جات هنا فرحانة انه احمد هارون ضرب نافع علي نافع (كف ) وانتقم لكرامة اهل الهامش..

---

Post: #44 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: طلحة عبدالله Date: 02-20-2013, 06:10 PM Parent: #43 ود القاضي العارف أية حاجة في أية حاجة والله إتا عامل ليك سوق وهليلة لى نفسك في الفاضي ساي..أنا ماشي وأنا قاعد وأنا دايركم وأنا محاربكم.. ياخ كان مشيت واللا قعدت شنو يعني؟ بتشيل معاك الهواء واللا بتجيبو؟ واللا تكون قايل نفسك عثمان دقنة؟ عليك الله واتا ماش تعال سوق معاك الزول القاعد جمبي دا لأنو أنا زهجان منو ومضايقني زيك كدا. وما تنسي سد الباب معاك .

---

Post: #45 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-20-2013, 07:26 PM Parent: #44 وزير الداخلية كان مع قوات عثمان صالح سبي حتي عام 1983 والتحق بجامعة الاسكندرية بمنحة دراسية لانتماءه للجبهة الشعبية وانتمي للجبهة الاسلامية بعد ذلك في ضابط شرطة برتبة مقدمتم فصله من العمل ابان عمله كوالي كسلا عندما امره بتجنيس مجموعة من الارتريين اقارب الوالي واجرت الشرطة الامنية تحقيقات في الامر ورغم ان الضباط اكد انه تلقي اوامر من الوالي الا انه لم يتجرأ للدفاع عن الضابط في ورطته وادي الي احالته للصالح العام يا فايز عليك الله لو عندك علاقة بالزول ده اسالوا من المعلومات دي ولو انكر هذه المعلومات انت مطالبني باعتذار علي رؤوس الاشهاد وبطل حكاية نفصل الشرق ومافي زول يقارن لي السودان بامريكا قارنونا بمصر القريبة التي منعت حازم ابواسمعيل من الترشح لان والدته تجنست بالجنسية الامريكية فقط

---

Post: #47 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الله فقير Date: 02-20-2013, 07:43 PM Parent: #45 Quote: عبد الخالق امن الله وزير الداخلية كان مع قوات عثمان صالح سبي حتي عام 1983 والتحق بجامعة الاسكندرية بمنحة دراسية لانتماءه للجبهة الشعبية وانتمي للجبهة الاسلامية بعد ذلك في ضابط شرطة برتبة مقدمتم فصله من العمل ابان عمله كوالي كسلا عندما امره بتجنيس مجموعة من الارتريين اقارب الوالي واجرت الشرطة الامنية تحقيقات في الامر ورغم ان الضباط اكد انه تلقي اوامر من الوالي الا انه لم يتجرأ للدفاع عن الضابط في ورطته وادي الي احالته للصالح العام يا فايز عليك الله لو عندك علاقة بالزول ده اسالوا من المعلومات دي ولو انكر هذه المعلومات انت مطالبني باعتذار علي رؤوس الاشهاد وبطل حكاية نفصل الشرق ومافي زول يقارن لي السودان بامريكا قارنونا بمصر القريبة التي منعت حازم ابواسمعيل من الترشح لان والدته تجنست بالجنسية الامريكية فقط مداخلة مهمة

---

Post: #93 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 04:01 PM Parent: #45 Quote: وزير الداخلية كان مع قوات عثمان صالح سبي حتي عام 1983 صراحة احييه على ذلك ان فعل ..فكثيرون من الشعب السوداني دعموا الثوار الارتريين واضعفهم ايماناً تعاطف معهم واما نحن قبائل التداخل فالقضية الارترية كانت ومازالت قضيتنا وستبقى كذلك مابقى التداخل السوداني الارتري.. رحم الله المناضل عثمان صالح سبي وكل شهداء الثورة الارترية .. Quote: في ضابط شرطة برتبة مقدم تم فصله من العمل ابان عمله كوالي كسلا عندما امره بتجنيس مجموعة من الارتريين اقارب الوالي كلام عجيب والله ..الوالي مادام سوداني فاكيد اقرباءه سودانيين ومادام سودانيين فمن حقهم يطلعوا الجنسية السودانية Quote: وبطل حكاية نفصل الشرق ياعبدالخالق لو الحال استمر هكذا بالتشكيك في الانتماء والاقصاء ووصف اسياد البلد بانهم اجانب فاكيد الناس حاتفكر جادة في ان يكونوا اجانب عن هذا السودان غريب الاطوار .. تحياتي ،،

---

Post: #46 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abdullah Idrees Date: 02-20-2013, 07:32 PM Parent: #44 Quote: ياطارق كلامك ده لو افترضنا وزير الداخلية اجنبي ....لكن وزير الداخلية ربما اكتر زول سوداني بمعيار الانتماء للارض من غيره في الوزراء ... هسه السودان ده كلو قاطع البحر - حسب ادعاءاتهم السلالية - ورغم كده يكاتلوك كتال هولاكو في انهم اسياد السودان .. لييه يا فايز بتفترض انو الزميل امير طمبل من اصول عربية ؟ هذه النغمة الشاذة التي اتي بها الزميل امير يرددها الكثير من المتطرفين الشعوبيين والعنصريين والجهلة ، بجة ، نوبة ، دارفوريين وفريق الطيب مصطفى وغيرهم ، ونفس الكلام بتاعك الفوق ده اتقال كتير قبل كده في المنبر ده بل اكثر من ذلك يهدد البعض "بشحن" العرب الى الجزيرة العربية او من حيث اتوا ، و للمفارقة عندما يقتضي السياق عكس ذلك يقال انهم ليسوا عربا و انما مستعربين ، ولبنان قالت وفي الخليج بنظروا ليكم كيف ووو.. اعود فأسال يا فايز وعهدي من الناس المتسقين في المنبر بدون كسير تلج ، اشمعنى زعلتك دي لدرجة انك فتحت بوست زي الكلام ده بتكتب في القبائل العربية بصفة متكررة في المنبر ده؟ لا يوجد شيء اسمه سوداني اصلي وسوداني تايوان .. تحياتي جميعا

---

Post: #48 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Zakaria Joseph Date: 02-20-2013, 08:02 PM Parent: #46 اتخارجنا يا ود القاضى لاننا بالذات فى الجنوب ما بنحب نكون غيرنا و لا بنتحمل ان ياتى غيرنا و يدعى بانه شئ ما ليس هو لشئ فى نفسه.

---

Post: #121 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-23-2013, 10:51 AM Parent: #48 حبيبنا زكريا ..سلامات .. Quote: اتخارجنا يا ود القاضى لاننا بالذات فى الجنوب ما بنحب نكون غيرنا و لا بنتحمل ان ياتى غيرنا و يدعى بانه شئ ما ليس هو لشئ فى نفسه. نحن أكيد مابنتخارج وسنعمل من أجل سودان جديد يسع الجميع ويقبل الآخر تسوده المساواة والعدل نعم سنعاني من اجل تحقيق ذلك ولكننا سنسعي من اجل تحقيقه وسننجح .. تحياتي ،،

---

Post: #49 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: محمد جمعه الخير Date: 02-20-2013, 08:10 PM Parent: #46 سير سير ودتنا الاخرة ياريسنا عملتها ظاهرة ساكن في الحي الوراني جاري جنوبي وجار قرعاني والدكان حق الفوراوي وكان ادروب في الشارع التاني ناكل في صينية كبيرة نعيش نتقاسم احلي معاني وفي الافراح نتكاتف نحن وعند الباب تتلاقي صواني قمنا ربينا علي عاداتنا وماها غريبة علي السوداني وايدكم جات للوحدة بتبتر هي الناهية وهي الامرة ياريسنا عملتها ظاهرة

---

Post: #51 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: البحيراوي Date: 02-20-2013, 08:25 PM Parent: #49 الأخ العزيز ود القاضي تحياتي وغضبك جميل زي بسمتك يا مطرطم ( دي طبعن بشرحها ليك لاحقاً لو ما فهمتها ) يا زول هون على نفسك قليلاً حيث العلة دي لم تنشا الآن بل لديها إمتدادات تاريخية وثقافية وإجتماعية ضاربة في القدم ( شم التراب دا ) ومنذ متى أنت سوداني ؟ جنسك شنو ؟ ناس كان بتاجروا في الناس عديييييييل كدا!! وماف زول راضي بالتالني عشان كدا شئ ضبح وشئ إغتصاب وشئ كتل بكافة وسائل الموت !! وحاليا النبرة دي في زيادة بدل ما تتناقص والدليل ما سمعته ورأيته أنت الآن !! ولعل ما لم يُرى ويُسمع كتير بالحيل . ولدينا تجارب وسمعنا ناس باكلوا الناس عدييل كدا ! * المهم يا ود القاضي تطور الفكر الإنساني من حولنا تجاوز هذه العقبات بمراحل ونحن لا زلنا محلك سر ونحتاج لعقد إجتماعي نتراضى عليه كلنا حول المواطنة, بحيراوي

---

Post: #120 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-23-2013, 10:39 AM Parent: #51 استاذى البحيراوي ..سلامات ياحبيب .. Quote: المهم يا ود القاضي تطور الفكر الإنساني من حولنا تجاوز هذه العقبات بمراحل ونحن لا زلنا محلك سر ونحتاج لعقد إجتماعي نتراضى عليه كلنا حول المواطنة, بحيراوي ويبدو ان التمن سيكون غالي حتى يتحقق هذا التراضي .. شكرا فقد أتيت بالمفيد استاذي البحيري

---

Post: #103 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-22-2013, 03:32 AM Parent: #49 محمد جمعة ...سلام .. Quote: سير سير ودتنا الاخرة ياريسنا عملتها ظاهرة ساكن في الحي الوراني جاري جنوبي وجار قرعاني والدكان حق الفوراوي وكان ادروب في الشارع التاني ناكل في صينية كبيرة نعيش نتقاسم احلي معاني وفي الافراح نتكاتف نحن وعند الباب تتلاقي صواني قمنا ربينا علي عاداتنا وماها غريبة علي السوداني وايدكم جات للوحدة بتبتر هي الناهية وهي الامرة ياريسنا عملتها ظاهرة يامحمد العنصرية دي لم تأتي مع الانقاذ وريسها هي متجذرة في الوعى السوداني منذ خليقة هذا الوطن.. والصورة الوردية في هذه البيوت كانت قناع لوجه عنصري تحياتي ،،

---

Post: #50 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abureesh Date: 02-20-2013, 08:21 PM Parent: #46 كلامنا عن شحن العرب للجزيرة العربيـة من باب مثال hypothetical أى إفتراضى، وقـد قلنا ذلك.. ولا احد يستطيـع شحن شعب اليوم مثلما كان فى القرن العشرين.. بل نحن من أكثر الناس إحتراما للشعوب الســـودانيـة التى ابتلاهـا الله بأن وضع على رأسهـا أقزام وأنصاف مثقفين لا يرون ابعـد من ارنبـة أنوفهـم. قادة المعارضـة اليوم كلهـم تقريبـا أجانب بمعنى أنهم يحملون جوازات أجنبيـة ولا حرج عندهـم فى ذلك... ونظمـة كوش لها تحالف وتنسيق مع منظمـة كتالـة النوبيـة المصريـة، إذا زميلنا فى البورد السفيـر منان أجنبى بمعاييركم هـذه الكسيحـة كسـاح معارضتكـم.. وبعد شوية طلعوا عثمان دقنـة اساسـاً كانت عثمان زغنى. فى ضيق الأفق السياسى هـذا فإن الحكومـة أفضل من بعض مدعى المعارضـة.. معارضـة شنو لو الواحـد لا يعرف شعوب الســودان خارج حوش بيتهـم؟ المهندس إبراهيـم محمود ســـودانى فوق أكبر راس.. مادم السودان كيان موحـد.. وإلا كل قـرد يطلع شدرتو. أول من تحدث عن وزير الداخليـة ارترى هو الشيخ حسن الترابى حسب ما نقل.. وشيخ الترابى، ربيب نعمـة المعارضـة اليوم ، والذين يحتفلون بتوقيع حزبه على ميثاق الفجر الجديد، هو أكذب سياسى مر على السودان. وبذلك تكون المعارضـة قـد قامت بتعريف جديـد لكلمـة براجماتيـة، لتشمل تحطيم الذات.

---

Post: #52 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-20-2013, 10:33 PM Parent: #50 حضور لحدي الصباح ونشوف الموضوع بتاع الناس البتوزع في صكوك المواطنة والغفران

---

Post: #54 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-20-2013, 11:08 PM Parent: #52 فايز سلام : هنا تتبدى لنا مفارقة بين المثال الاخلاقي وبين المثال الا. اخلاقي والا انساني والذي يعتمل في نفوس البعض المسكونة بسوداوية الحقد وبالنسبة للمثال الاول فيمكن ان نطلق علي من يتحلون بصفاته اسم المرجفون . والارجاف لغة هو الزلزلة والاضطراب الشديد( والتى اكاد اجزم انها تصيب كل من قراء او سمع عن وزير الداخلية بل كيف تكون وزارة سيادية لواحد من الشرق )كما انها تعنى إشاعة الكذب والباطل، فالإرجاف وصفة به الأخبار الكاذبة لكونها فى نفسها مزلزلة غير ثابتة، أو لتزلزل قلوب المؤمنين واضطرابها منها . فتبين لنا أن المرجفين قوم ينقلون الاحداث بصورة مزيفة ملؤها الإثارة والتخويف حتى يتصور للسامع أن هذه الحادثة هى القاضية من خلال نقل الحدث بصورة مرجفه تخيف سامعها، وتثبط من عزيمتهم، وتضعف ايمانهم كما ان هناك فرق بين الارجاف والاشاعة فالاشاعة عامة فى نقل الأخبار الحسنة والسيئة؛ أي أنها عامة فى الخير والشر. والارجاف خاص بنقل الاخبار السيئة فهو خاص فى الشر. لقد درج البعض من بين الفينة والاخرى الطعن في القبائل وتحديدً قبائل الشرق ويبدؤ ان ما مر به هذا السودان من ويلات ومحن غير كافي بالنسبة اليهم فها هم يجتهدون في غرس العنصرية ليطعنوا بها الوطن في خاصرته وحتماً لن يجود غراسهم وكيف يجود وهو نتاج فكر عنصري قمئ بغيض ضارب في آتون الجهالة والخزلان المبين . فصكوك المواطنة التي يختزلها عبدالخالق وامير وامثالهم من معتنقي هذا الفكر البغيض لن تؤثر في انتمائنا لتراب هذا البلد. كما ان صكوك التى يوزعها امثالكم من معتنقي هذا الفكر العنصري القمئ هي التى اوصلت الجنوب للانفصال وما دارفور منا ببعيد وكذلك كردفان والنيل الازرق . وهذا الشرق اذا استمر هذا الحال ستمسع عما قريب عن طبول تدق فيه ولعلمكم فقط نحن اصحاب ارض ولم نأتي الي السودان بل السودان هو الذي آتى الينا ولو رفضنا للفظناه غير مأسوفين عليه ولا اتشرف بوطن يجمعنى مع امثالكم ممن اثقل كاهلهم وهن العنصرية والخذلان .5

---

Post: #55 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: كمال سالم Date: 02-20-2013, 11:17 PM Parent: #52 فى الستينات وفى مدرسة وقر الوسطى تزاملنا انا والسيد الوزير الرجل سودانى حتى الثماله . عيبوا الوجيد انو مؤتمر وطنى . سلام يا ود القاضى .

---

Post: #75 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-21-2013, 09:58 AM Parent: #55 سلام يا فايز Quote: رئيس اتحاد بالميلاد ولا بالتجنس ؟!!! . اجابة غريبة من زول داير يقوم الدنيا ويقعدها عشان الناس قالت انه الوزير ما سوداني يا جماعة الاكلشيه بتاع العنصرية ووزيرة ما عارف شنو في بلاد الواغ الواغ متجنسة بالله فكونا دايرين تقارنوا بين فرنسا والا النرويج مع السودان؟ الارتريين بيشتروا جواز السفر السوداني ب250 الف جنيه ويستعملوهو مرة واحدة زي موس الجليت ويرموهو في تركيا.. نحن دولة من دول العالم التالت المحاباة والمحسوبية والاهولية بتلعب دور كبير وما ذكرته من ان وزير الداخلية امر ضابط بتجنيس مجموعة من اهله والموضوع ده راح ضحيته الضابط المسكين عندما كان واليا علي كسلا.. بالله زي ما انت متضايق نحن متضايقين انه وزراة سيادية بيتولاها زول غير سوداني بالميلاد فبالله اثبت لينا: هل كان رئيس طلاب ارتريا بالاسكندرية؟ هل كان ينتمي للجبهة الشعبية؟

---

Post: #76 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الله فقير Date: 02-21-2013, 10:36 AM Parent: #55 Quote: كمال سالم فى الستينات وفى مدرسة وقر الوسطى تزاملنا انا والسيد الوزير الرجل سودانى حتى الثماله . عيبوا الوجيد انو مؤتمر وطنى . سلام يا ود القاضى

---

Post: #159 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-27-2013, 07:48 AM Parent: #55 Quote: فى الستينات وفى مدرسة وقر الوسطى تزاملنا انا والسيد الوزير الرجل سودانى حتى الثماله . عيبوا الوجيد انو مؤتمر وطنى . سلام يا ود القاضى . صدقت اخي كمال وقرا الاولية في مكلى الاولية .. تحياتي ..

---

Post: #56 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-20-2013, 11:19 PM Parent: #52 الفيسبوكي ..سليمان ..سلام .. Quote: نفس الكلام ده ممكن تمشي تقولو فى اريتريا ياود القاضي يعنى الانتماء بتاعك مقسم شئت ام ابيت القبائل الحدوديه ذات انتماء مزدوج يعنى انتا ممكن تكون سودانى وفى نفس الوقت ممكن تكون ارترى ده الواقع سوى قبلتو او لا نعم ياسليمان بكل فخر انا انتمى لقبائل البجا الحدودية الممتدة من مصر وحتى مصوع مرورا بالسودان وزي ماقلت ممكن اكون ارتري او مصري ان اردت وزي ما في ناس كتار عندهم انتماءات متعددة ممكن اكون واحد منهم ..ولا عندك مانع ؟!! ... Quote: اما انك تحكم انو شرق السودان ده تبعك انتماءك مابديك الحق ده الشرق تابع للسودان وقبائل السودان فيهو نوبه وشوايقة وجعليين وهلمجرا استوطنو فى ارضو وادوها يمكن اكتر منك مامكن يكون حق قبيلة واحدة كراع هنا وكراع بهناك....... سبحان الله ياسليمان السودان ده بلد كونته ظروف استعماريه وقبل كده كان عبارة عن سلطنات وكيانات عرقية وممالك لها حدود موروثة ومعروفة ..كون هذه الكيانات اصبحت تحت مسمى السودان الآن ابدا لايلغى ملكية هذه الارض عن اصحابها الاصليين وملاكها التاريخيين ..وشرق السودان ارضنا مافي شك ورغم ذلك تجد النوبيين في حلفا الجديدة والهوسا والفلاتة في القاش والرشايدة في كسلا والساحل والشوايقة في سواقي كسلا وكذلك الجعليين والرباطاب وغيرهم ..ديل كلهم عاشوا في الشرق - ومازالوا- ويملكون اراضي زراعية فيها ناهيك عن سكنية وده كله لانهم سودانيين ، وحتى لمن جات اتفاقية الشرق تكونت جبهة الشرق من ( مؤتمر البجا (البجا) - الاسود الحرة (الرشايدة ) - كيان الشمال (الشماليين ) - وكيان النوبيين (النوبة ) ) يعني لم تستثنى احد في درس كبير ومتقدم لو يعي دعاة الاقصاء والتهميش ..دي تلقاها وين في السودان ؟ ووريني هل انا البيجاوى ده اقدر املك ارض زراعية في الدامر ولا في مروى ولافي جزر النوبة الشمالية او في دار حمر وفي دارفور ؟ ابدا مابقدر واتحدى من يقول بالامكان ..نحن ياسيدي العزيز اكثر شعوب السودان مسالمة وقبول للاخر ورغم ذلك لن نتسامح مع من يريد ان يسلبنا حق الانتماء لهذا السودان مهما توهم بعلو انتماءه ومكانته ... تحياتي ،،

---

Post: #58 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: الصادق ضرار Date: 02-21-2013, 00:14 AM Parent: #56 لا تغضب يا ود القاضي و اجعل ولاءك لقوميتك اينما وجد . ما لنا و الارض ؟ الانسان اهم من الارض ؟ الاخ عبدالخالق امن الله لو ما اخطات انت من نوبة الشمال .. لو كلامي صحيح هل لديكم امتدادات قبلية مع مصر ؟ و لو انا مخطئ فلك العتبى حتى ترضى .

---

Post: #79 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-21-2013, 11:24 AM Parent: #58 Quote: الاخ عبدالخالق امن الله لو ما اخطات انت من نوبة الشمال .. لو كلامي صحيح هل لديكم امتدادات قبلية مع مصر ؟ و لو انا مخطئ فلك العتبى حتى ترضى . سلام الصادق ايوة متداخلين مع نوبة مصر وهم اكتر قربا منا ثقافيا بس ده ما بيعني انه اجيب وزير داخلية من نوبة مصر طالما كان مصري الجنسية بالميلاد

---

Post: #59 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: الامين موسى البشاري Date: 02-21-2013, 00:25 AM Parent: #56 ازيك يا قريبي تسفاي ود القاضي اتفهم دوافع غضبتك هذه واتضامن معاك طبعاً السودان دا خليط غير متجانس ولا ح يتجانس لي يوم الدين نفس الفهم دا موجود في كل دول العالم تقريباً يعني نحن هسي في السعودية هنا بنعتبرك بقايا حجاج (ناس الغربية عموماً) بالرغم من كدا يا ود القاضي ناس الغربية متصالحين مع انفسهم وناس الشرقية زي حيدر الزين ديل بقايا ايرانيين وناس الجنوب يمنيين اها فضل منو ناس الوسط والشمال (ديل اهل البلد الاصليين) وبالرغم من كدا الحاجة دي عمرها ما عملت مشكلة بين الناس هنا مشكلتنا حساسين زيادة عن اللزوم شوية ... والله صحي .. .. اها اجيك لكلام أمير دا من خلال معرفتي للرجل فهو ليس كما ذهبت اليه ظنونك ياخ امير انسان مهذب جدا ويقيني انه لا يفكر بالطريقة التي ارتسمت في عقلك له ليس في مقام الدفاع عن امير ولكن اتمنى ان تجمعك به الايام وكفى وهي شهادة واجبة في حق الرجل ......... تحياتي

---

Post: #60 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبدالعزيز الفاضلابى Date: 02-21-2013, 00:43 AM Parent: #59 Quote: ورغم كده يكاتلوك كتال هولاكو في انهم اسياد السودان سلامات يافايز ذكرتني صاحبي عوض ـ وهو من شرق السودان. كان بعض زملاءنا ـ بعضهم جبهجية ـ يتناقشون في موضوع تطبيق الشريعة وكان نقاشهم جدلي ـ واخونا عوض يعاين ليهم بعين متعجبة وبعد ان انصرفوا عن الموضوع قال لهم: الدين ده اصلو جاء قاطع البحر بي عندنا ـ لوعارفينكم بتعملوا فيهو كده كنا قفلناه من هناك. انا معاك مافي زول عنده الحق يحدد لي زول هويته. بالجنبة كدي : مرة زوجتي كانت بتشوف معاي في الكورة ـ هي من ناس الزريبةـ عجبها لعب المريخ غسبا عنها ـ وبالذات لعب كلتشي ـ كان في يومه. قالت لي إنت ياعبدالعزيز ـ ناس الحكومة ديل مايجيبوا وزراء اجانب محترفين وكت اصلهن غلبن البسووهو. قلت لها .. والله فكرة.

---

Post: #61 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: أسامة البلال Date: 02-21-2013, 01:19 AM Parent: #60 وزيرة الثقافة في مملكة النرويج باكستانية مسلمة هاجر والداها للنرويج قبل حوالي 35 سنة فقط يعني أسي لو نفضوهم ممكن يطلع باقي غبار باكستاني من جيوبم ورغم دا تولت هادية طاجيك المسلمة الباكستانية الأصل البالغة من العمر 30 سنة واحدة من أهم الوزارات في الحكومة النرويجية وهي الوزارة المسئولة عن إبراز الهوية النرويجية في بلد مسيحي متشدد يعتز بتراثه وتاريخه وثقافته وتبلغ ميزانية الوزارة مليارات الكرونات وتشرف علي كل وسائل الإعلام الرسمية والمؤسسات الثقافية لم يمنعها دينها وأصلها وسنها من تولي الوزارة مادام تحمل كل المؤهلات والكفاءات لشغل المنصب الرفيع وهي الان تحتل المركز الثاني في قائمة مرشحي الحزب الحاكم حزب العمال للانتخابات القادمة عن دوائر العاصمة أوسلو صورة حديثة لهادية طاجيك مع رئيس الوزراء النرويجي يانس أستولتنبيرغ من صفحة رئيس الوزراء في الفيس بوك نشرها بنفسه ويقول انه فخور بها

---

Post: #62 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: د.محمد حسن Date: 02-21-2013, 01:22 AM Parent: #60 فايز الهبشي انا متزوج من الشرق يعني بقيت من المؤلفة قلوبهم جنسيتنا بقت بالزواج تخريمة الارتماء وراء الاثنيات والجهوية ارتداد فكري وافلاس مدقع

---

Post: #64 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: AMNA MUKHTAR Date: 02-21-2013, 03:25 AM Parent: #62 .. عثمان دقنة زاتو.. أريتري.. واسمو عثمان زجنة..بالهدندوية.. يعني بطل.. ......................:) بدون تعليق .

---

Post: #66 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: ناصر جامع Date: 02-21-2013, 05:32 AM Parent: #64 Quote: نحن ياسيدي العزيز اكثر شعوب السودان مسالمة وقبول للاخر في دي صدقت تب يا حبشي هاهاهاها (حبشي دى من واحد صومالي) و الله عشنا في الشرق معززين مكرمين في كسلا و القضارف و اروما و دقين و متاتيب و وقر و مكلي و كل قري مشروع القاش الزراعي ياخي انا غايب عن السودان قريب لي عشرين سنة والله ما مشتاق لي حتة في السودان زي شوقي لي تندلاي و كسلا و نيابة عن كل الصوماليين اشكر اهل الشرق في شخصك يا ود القاضي انا من مواليد تندلاي يا ود القاضي و برطن هدندوي و من اعز اعز اصدقائي حتي اليوم الاخ موسي حسن اوشيك من قبيلة العالياب بطن من بطون الامارار (اتمن) و ديل يا فرده اولاد عجيب المانجلك ملوك الحلفاية ناس بكري ابوبكر يا كمال يا سالم انا برضوا قريت في مدرسة وقر الثانوية الوسطي و درسنا استاذ اسماعيل ابوعجاج من اولاد تندلاي في نهاية السبعينات و سلام كتييييير للاخ و الحبيب المهندس ابراهيم محمود وزير الداخلية السوداني ياخي الواحد كلما يتذكرك ، يتذكرك و انت باسم او ضاحك...غايتوا زي ما قال كمال سالم عيبك الوحيد وزارتك دي تتذكر اخونا انور يا ابراهيم و خوفو من الرعد...و الله كلما اسمع صوت رعد اتذكر يوم جاك ناطي نص الليل ايام جميلة و اللة ناصر جامع الصومالي

---

Post: #67 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abdlaziz Eisa Date: 02-21-2013, 05:42 AM Parent: #66 Quote: فرضا وزير الداخلية حبشي رسمي و اسمه تخلي او تسفاي ... و اتولد و اتربى في السودان حسب قانون الجنسية السودانية هو سوداني و لا على كيف اي عنصري حايم في حوش بكري او خارج حوش بكري ... و ليه الحق يكون جالس في القصر خليك من وزارة الداخلية ...

---

Post: #68 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: يسرى معتصم Date: 02-21-2013, 06:04 AM Parent: #67 Quote: ما تضيع زمنك مع انسان ما بعرف غير نفسه و ناسي انه ربنا الخلقه خلقنا نحن و كلنا اولاد تسعة ... في الاهم يا قريبي .. وقت ينفصل الشرق يبقى ليهم حار ياقريبى واحد يفتخر أنو ماسودانى

---

Post: #69 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: ادم شحوتاي Date: 02-21-2013, 07:51 AM Parent: #68 الإبن فايز تحية وسلام شكراً لأنك تدافع عن حقك في ارضك وثقافتك وشكراً لأخونا أمير وأمثاله لتذكيرنا بأن هذا السودان لهم ولأمثاله فقط ...

---

Post: #77 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الله فقير Date: 02-21-2013, 10:40 AM Parent: #66 Quote: كمال يا سالم انا برضوا قريت في مدرسة وقر الثانوية الوسطي و درسنا استاذ اسماعيل ابوعجاج من اولاد تندلاي في نهاية السبعينات و سلام كتييييير للاخ و الحبيب المهندس ابراهيم محمود وزير الداخلية السوداني ياخي الواحد كلما يتذكرك ، يتذكرك و انت باسم او ضاحك...غايتوا زي ما قال كمال سالم عيبك الوحيد وزارتك دي تتذكر اخونا انور يا ابراهيم و خوفو من الرعد...و الله كلما اسمع صوت رعد اتذكر يوم جاك ناطي نص الليل ايام جميلة و اللة ناصر جامع الصومالي

---

Post: #70 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: HAIDER ALZAIN Date: 02-21-2013, 07:59 AM Parent: #59 Quote: وناس الشرقية زي حيدر الزين ديل بقايا ايرانيين وناس الجنوب يمنيين وحاتك ياحبيبنا الامين بشاري .. نحن جزء ممن يتكلم عنهم ود القاضي ديل ..واغلب اهل النيل حتى الدبة منهم.. ما شفت الزعيـم ابو الريش قال ليك حدود دولتهم غرباً حتى نهر النيــل.. ، لكن هذا لا يمنع انه ود القاضي ما عنده موضوع ومفروض يقوم يـلف.. وزيــر داخليــة ايييه الجاي يدافع عنه وعن انتماؤه وثقافته؟! وزيـر وكوز ووزارته قال ليك بيد عمر البشير يؤتيها من ينشاء وينزعها ممن يشاء.. ويجي ود القاضي يعمل غاغة في قصة جنسيتو..! كدي اول شئ اليعمل غاغة في غلو مع الكيزان دا.. قال نشيل ارضنا ونشتت قال..! تشيلها تمشي وين هو دخول السودان زي خروجه

---

Post: #72 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: د.يوسف محمد طاهر Date: 02-21-2013, 08:47 AM Parent: #70 Just for reminder We are Sudanese We have special identify character

---

Post: #73 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: أشرف الرحال Date: 02-21-2013, 08:57 AM Parent: #72 فايز كيف عاد تقتلع ما في العقل الباطن لهؤلاء هم هكذا يتوارثونها ابا عن جد وده حال البلد دي الاقصاء عامل زي الدائرة الكبيرة تصغر وتصغر اقصائيا حتى تجد الاقصاء نفسه يمارس داخل القبيلة نفسهاوفيها فرز كيمان عب وما اصلي وفيهو عرق .. البلد دي مبوءة بحاجة اسمها اصلك وفصلك وجاي من وين وبالذات شرق السودان وفي شرق السودان المستهدفين فقط اصحاب الارض لماذا؟ تعرف يا ابوشباب وقت يخلصوا من حكاية سوداني وما سوداني يقبلوا على القبائل ويفرزوا كيمانها وبعدها يدخلوا جوه القبيلة الواحدة ده اصلي وده تجاري وده تقليد وقت تخلص القبيلة يجوا داخلين للمدينة زي المحنة بتاعت ناس الضهاري والارياف ونظافة الخرطوم ده فهم عجيييييييييب مللنا مثل هذه النماذج المكررة والمملة فما في رؤوسهم صعب اقتلاعها فهؤلاء دي فطرتهم ولو كان عندهم القدرة والسلطة فوزير الداخلية وغيره موجودون فاليقتلعوهم من المناصب الدستورية في المركز والولايات كن كما عهدك مدافعاجسورا عن حقوق وارث وارض اجدادك وبعدين محل ما تمشي الارض يكون الانتماء للوطن زي اخونا دينق Quote: Just for reminder We are Sudanese We have special identify character يا دكتور كلام رائع ولو كان الفهم الجمعي للسودانيين كده ما كان الجنوب شال ارضه وفرتك وماكان فيه حركات مسلحة بمثل هذه الاهداف وما في حاجة اسمها مثلث حمدي وحاجات والله العظيم تؤدي الى تقطيع السودان وفرتكته عكســة :- تعرف يا فايز الناس ديل ما بقدورا يقولوا لوزير الداخلية عب عشان كده لازم يطلعوهو ما سوداني مودتي الرحـــال

---

Post: #78 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عثمان رضوان Date: 02-21-2013, 11:07 AM Parent: #73 الأخ ود القاضي تحياتي Quote: انتو منو وتطلعوا شنو وإنت ذاتك منو وتطلع شنو ؟!!!! ليتنا نرتقي ونناقش أفكار بعض ، بدلاً من أن نناقش بعضنا البعض. بالجد عجبتني عبارة ر( رضينا بالهم والهم ما راضي بينا ) .. زي حكايتنا مع أولاد الخرطوم.

---

Post: #81 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 01:48 PM Parent: #78 Quote: الحاجة دي بتحصل عادة مع ناس الشرق - طوالي حبش او اريترتيين الزغاوة - تشاديين الفلاتة - نيجيريين اطرف ما في الامر يامحمد في محاولة البروفيسور عبدالله الطيب والدكتور حسن قريب الله - رحمهما الله - لاثبات أن هجرة الصحابة كانت للسودان الحالي وليس للحبشة الحالية باعتبار ان شرق السودان كان ضمن الحبشة التاريخية وان الهجرة كانت عبره ..الغريب ليس في هذه الحقيقة بل في متناقضات بعض السودانيين فيها ومحاولاتهم لاسقاط هذه الحقيقة التاريخية على واقع المنطقة الجغرافي ...يعني عشان يثبتوا الهجرة كانت للسودان الحالي يقروا بحبشية شرق السودان ومن ناحية تانية شايفين الشرق ده سوداني وماعنده علاقة بالحبش ...الناس دي عيانة ولا نحن الماطبيعيين ؟!!! فعلاً السودان بلد يصلح لدراسة كل اشكال الامراض السايكلوجية بجانب الملاريا.. شكرا ياباشمهندس ..

---

Post: #83 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: haroon diyab Date: 02-21-2013, 02:10 PM Parent: #81 يازول هوي انت لسة قاعد قوم شتت وياخي سوق معاك اخوي ( محمد علي دياب ) اصلوا والدته من ( عقيتاي ) وناس المنطقة ديل اجانب عارف يافايز امير طمبل ده اخر واحد يقصد الكلام ده....والظاهر انت ماقريت مداخلته في الصفحة التانية ....!!!!

---

Post: #85 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبدالله شمس الدين مصطفى Date: 02-21-2013, 02:11 PM Parent: #81 أمير طمبل, ود القاضى, التحية. يا أمير هب أنه اريترى, فما فى ذلك؟؟ الذى أعلمه أن هناك غيره الكثيرين من الذين يحملون جنسيات وجوازات دول أخرى, ويتقلدون الرفيع من المناصب السيادية و الحساسة, ومع ذلك لم يشكك أحد فى سودانيتهم... ويا قريبى فايز, ليس المهم جنسية الباشمهندس محمود, بقدرما يهم من هو الباشمهندس محمود, وهل أوفانا حقنا نحن الذين قيض له أن يتولى وزارة من المفترض أن تهتم بأمن المواطن, تحمى المواطن, وتكون يداً وعيناً ساهرة على مصالحه وسلامته, لا أن تكون أداة السلطة فى قمعه, ضربه, إهانته, وقتله فى بعض الأحيان. اريترى, تشادى, سودانى, لا يهم, إذ ليس للدين والأخلاق والخلق من حدود وإنتماء بعينه, كما أنه ليس للسوء, الفساد, والعطب والعطن من وطن بعينه. خلوها على الله. مودتى

---

Post: #86 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبدالله شمس الدين مصطفى Date: 02-21-2013, 02:17 PM Parent: #85 مثلاً شوف هنا ما يفعله منسوبى وزارة السيد الباشمهندس فى المواطنين!!! مباشـر..اعتقالات وضرب وحلاقة (فداسى) الان ّ..(صــور)

---

Post: #154 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 11:00 AM Parent: #85 حبيبنا عبدالله شمس الدين ...سلامات .. Quote: ويا قريبى فايز, ليس المهم جنسية الباشمهندس محمود, بقدرما يهم من هو الباشمهندس محمود, وهل أوفانا حقنا نحن الذين قيض له أن يتولى وزارة من المفترض أن تهتم بأمن المواطن, تحمى المواطن, وتكون يداً وعيناً ساهرة على مصالحه وسلامته, لا أن تكون أداة السلطة فى قمعه, ضربه, إهانته, وقتله فى بعض الأحيان. انا اختلف مع السيد ابراهيم محمود في انتماءه السياسي ولا ادافع عنه من منطلق حزبي ابداً ولا ينبغى لي لذلك لانى مامؤتمر وطني ولم اكن .. انا ضد ابراهيم محمود كمؤتمر وطني ولكني في سرج واحد معاه في حتة الهويه .. تحياتي ،،

---

Post: #133 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-25-2013, 10:03 AM Parent: #78 الحبيب عثمان ...سلامات .. Quote: وإنت ذاتك منو وتطلع شنو ؟!!!! زميل البورد فايزودالقاضي وبدلعوني بقولوا لي فيوزي ناس البيت .. وبطلع سوداني وبنزل سوداني وبقعد سوداني .. تحياتي

---

Post: #95 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 05:22 PM Parent: #46 عبدالله ..سلامات .. Quote: Quote: ياطارق كلامك ده لو افترضنا وزير الداخلية اجنبي ....لكن وزير الداخلية ربما اكتر زول سوداني بمعيار الانتماء للارض من غيره في الوزراء ... هسه السودان ده كلو قاطع البحر - حسب ادعاءاتهم السلالية - ورغم كده يكاتلوك كتال هولاكو في انهم اسياد السودان .. لييه يا فايز بتفترض انو الزميل امير طمبل من اصول عربية ؟ ياعبدالله وين انا قلت امير طمبل ده من اصول عربية ؟ ياريت تجيب لي اقتباس بالكلام ده ؟ Quote: ونفس الكلام بتاعك الفوق ده اتقال كتير قبل كده في المنبر ده بل اكثر من ذلك يهدد البعض "بشحن" العرب الى الجزيرة العربية او من حيث اتوا ماعارف بتقصد ياتو كلام ..اذا تقصد الكلام المقتبس والانا معلم عليه بالاحمر فلو رجعت للكلام انا بتكلم عن ادعاءات منسوبة الي البعض ومكتوبة في تاريخنا السوداني باقلامهم عن هذه الانتماءات ولو قريت سياق الكلام ستجد اني اتيت بها لابين مدى تناقض هؤلاء في وصف الاخرين بانهم اجانب وافدين الى السودان في وقت ينسبون فيه انفسهم لسلالات عبرت البحر للسودان ...ارجو ان اكون قد وضحت الفكرة .. انا مايهمني طمبل جاى من وين ولا قبيلته شنو ولا بنطلق من منطلق زي ده ..فقط ادافع عن هويتني من خلال اتهامه لشخص وزير الداخلية الذي تجمعني به الهوية الواحدة .. تحياتي ..

---

Post: #97 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abdullah Idrees Date: 02-21-2013, 07:30 PM Parent: #95 انت ما قلت الكلام صراحة ، لكنك اوحيت في سياق كلامك ، وكل الشباب من الشرق جو نسجوا على نفس المنوال .. وانا كمان عايز اوضح ليك انو الزول ده واضح من اسمو انو نوبي ، وقلت ليك الناس المتطرفين ديل موجودين في كل الملل ، يبقى مافي داعي تمسكو في حتة الناس الادعو سلالاتهم ، وحتة حتة " ادعوا نسبا عربيا " دي بتوضح الايحاء بتاعك تماما وإلا فما الداعي لحشرهم هنا ، والقول بالإدعاء قول تقريري مفاده عدم التأكد او عدم الثبات وهنا انت بتكون فتحت البوست بافكار مسبقة مقولبة. كأنما تود ان تقول ان كل من يتقول بمثل هذا فهو بالضرورة عربي لا يحتاج لاي تمحيص.. وزير الداخلية يدور حول اثبات جنسيته لغط منذ فترة ليست بالقصيرة ، ادعاء زي ادعاء نسب القبائل العربية ده ، هو ليس الوزير الاول الذي يأتي من شرق السودان ، اذن لماذا هو فقط؟ لأن هنالك بعض الوقائع او الحقائق لا ادري مدى صحتها لكنها موجودة ، اذن عليك السعي لتوضيحها بكل بساطة .. من يتحدثون عن سيادية الوزارة وانه لا يجوز توليتها لشخص متجنس ايضا جانبهم الصواب ، لا يوجد قانون كوني لهذه المسألة ، كل دولة لديها تشريعاتها الخاصة فيما يختص بحقوق المجنسين ، ولذا ايراد نماذج من النرويج او غيرها ليس دليلا على ان المجنسين يجب ان يتمتعوا بكافة الحقوق الدستورية ، في امريكا مثلا يجب ان يكون الرئيس مولود في امريكا ، في دساتير بعض الولايات يجب ان يكون حاكم الولاية مولود في امريكا وهكذا ..

---

Post: #101 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-22-2013, 02:57 AM Parent: #97 عبدالله ..سلام .. Quote: انت ما قلت الكلام صراحة ، لكنك اوحيت في سياق كلامك ، وكل الشباب من الشرق جو نسجوا على نفس المنوال .. وانا كمان عايز اوضح ليك انو الزول ده واضح من اسمو انو نوبي ، وقلت ليك الناس المتطرفين ديل موجودين في كل الملل ، يبقى مافي داعي تمسكو في حتة الناس الادعو سلالاتهم ، وحتة حتة " ادعوا نسبا عربيا " دي بتوضح الايحاء بتاعك تماما وإلا فما الداعي لحشرهم هنا ، والقول بالإدعاء قول تقريري مفاده عدم التأكد او عدم الثبات وهنا انت بتكون فتحت البوست بافكار مسبقة مقولبة. كأنما تود ان تقول ان كل من يتقول بمثل هذا فهو بالضرورة عربي لا يحتاج لاي تمحيص.. ياعبدالله انا اى كلام عايز اقوله بقولوا صراحة وبكل وضوح دون تلميح او ايحاء وانا لمن كتبت البوست مابعرف طمبل ده عربي ولا نوبي ولا غيره ولا ده بيعنيني واتيتُ بمتناقضة عابري البحر كنموذج حقيقي عايشته وكان مدعاة لاستغرابي متناقضة لإن تكون سودانيا اصيلا يجب ان تكون وافداً اصيلا .. Quote: هو ليس الوزير الاول الذي يأتي من شرق السودان ، اذن لماذا هو فقط؟ لأن هنالك بعض الوقائع او الحقائق لا ادري مدى صحتها لكنها موجودة ياعبدالله اديني وزير من الشرق في وزراة سيادية منذ المهدية غير ابراهيم محمود ؟ Quote: من يتحدثون عن سيادية الوزارة وانه لا يجوز توليتها لشخص متجنس ايضا جانبهم الصواب ، لا يوجد قانون كوني لهذه المسألة ، كل دولة لديها تشريعاتها الخاصة فيما يختص بحقوق المجنسين ، ولذا ايراد نماذج من النرويج او غيرها ليس دليلا على ان المجنسين يجب ان يتمتعوا بكافة الحقوق الدستورية ، في امريكا مثلا يجب ان يكون الرئيس مولود في امريكا ، في دساتير بعض الولايات يجب ان يكون حاكم الولاية مولود في امريكا وهكذا .. ياعبدالله هذه النماذج تتحدث عن شخصيات مجنسة فماعارف علاقتها بحالة مواطن سوداني سيد بلد اباً عن جد زي وزير الداخلية شنو ؟ تحياتي ،،

---

Post: #92 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 03:27 PM Parent: #43 Quote: ود القاضي قوم لف ..وزيرك دا بايع ضميرو وبايع اهلو ومعاناتهم ومشارك في حكومة القتلة واللصوص تجي تقول لي اجنبي ومااجنبي!! وزير الداخلية ككوز نحن موقفنا منه كموقفنا من الرئيس الشمالي ووزير الدفاع النوبي ونائب الرئيس الغرباوى لكن نحن معاه في سرج واحد في هويته .. ساعدنا بالفهم اخوى حيدر ... تحياتي ،،

---

Post: #90 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 02:50 PM Parent: #35 محمدالقاضي ..سلامات .. Quote: الاخ فائز ود القاضي هذه الحكومة من البشير جعلتية لم افهم العبارة .. لكن عموما نحن مشكلتنا مع البشير مالانه جعلى ولا متضامنين مع وزيرالداخلية لانه مننا فكلاهمها في نظرى سبب مآسينا ومعاناتنا في السودان .. تحياتي ،،

---

Post: #94 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: يسرى معتصم Date: 02-21-2013, 04:48 PM Parent: #90 Quote: وزير الداخلية ككوز نحن موقفنا منه كموقفنا من الرئيس الشمالي ووزير الدفاع النوبي ونائب الرئيس الغرباوى لكن نحن معاه في سرج واحد في هويته .. 1000000000000000000000000000% تمام ياقريبى

---

Post: #96 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-21-2013, 06:27 PM Parent: #94 تعليق من فيسبوكابي .. Quote: Adel Drmaly فعلا كم انت طيب ايها البجا , وهل يمكن للمتمة ان تكون لغير اهلها او لدنقلا ولكن عجبا يتقاسم كل اهل السودان اراضى ابناء البجه ورغم ذلك يعلو صوتهم بالترحاب , وهذا التقسيم الحدودى الذى تشير اليه موجود فى الشمال اى بمعنى ان رئيس الجمهورية جعفر نميرى كان اجنبيا ووزير الدفاع الحالى اجنبيا والكثير المثير , ولكن كما قال الاخ ود القاضى قد ياتى اليوم الذى لا تتسع فيه الارض الا لاصحابها . .

---

Post: #98 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Artiga Gilani Date: 02-21-2013, 07:33 PM Parent: #96 بسم الله الرحمن الرحيم حقيقة منذ انتسابى الاول للمنبر وحتى هذه المرة كانت اكثر البوستات التى تدار فى هذا المنبر عن الحكومة والكيزان وواجب التغيير والعنصرية والسودان ما بعد الانقاذ . فهل هذا هو السودان الجديد النحنا موعودين بيهو .. وهنا لا اتحدث عن ما اقتبسه اخونا / فايز مع تضامنى معه ليس بحكم الانتماء للمنطقة ولكن بحكم الانتماء للسودان وكل اهل السودان انما اتحدث عن بعض المداخلات التى كانت اكثر ملكية من الملك واكثر اساءة لاهل المنطقة من موضوع جنسية الوزير.. حتى وانى اشعر بأن البعض يشارك فقط للاستفزاز ليس الا ... ما تحرق دمك ي فائز اخوى فكل اناء بما فيه ينضح

---

Post: #100 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: محمد محمود محمد Date: 02-21-2013, 11:42 PM Parent: #98 الأخ فايز ...تحياتي ...لم أفهم سبب غضبك ...هل____1|بسبب أن الوزير مزدوج الجنسية ..مع أن كثير من الوزراء مثله ولكن الأنتقاد يوجه له دون غيره ...أم ..2|أن الجنسية الأريترية أقل مقاماً من الجنسيات الغربية (يعني نعت قطبي المهدي ..مثلاً بالكندي ..لم يعتبرها أحد أساءة)...أم..3|أن الوزير مواطن سوداني و ليست له علاقة بأريتريا ...ووصفه بالأريتري ..خطأ وفيه بهتان ..و كذب...أرجو التوضيح مع الشكر... ا

---

Post: #102 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-22-2013, 03:20 AM Parent: #100 محمد ..سلامات .. Quote: الأخ فايز ...تحياتي ...لم أفهم سبب غضبك ...هل____1|بسبب أن الوزير مزدوج الجنسية ..مع أن كثير من الوزراء مثله ولكن الأنتقاد يوجه له دون غيره ...أم ..2|أن الجنسية الأريترية أقل مقاماً من الجنسيات الغربية (يعني نعت قطبي المهدي ..مثلاً بالكندي ..لم يعتبرها أحد أساءة)...أم..3|أن الوزير مواطن سوداني و ليست له علاقة بأريتريا ...ووصفه بالأريتري ..خطأ وفيه بهتان ..و كذب...أرجو التوضيح مع الشكر... ا يامحمد السيد الوزير غير مزدوج الجنسية كقطبي المهدي وغيره وربما من الوزراء الوحيدين الذين لايحملون غير الجنسية السودانية برغم انه من القبائل الحدودية التى من حقها ان تحمل الجنسيتين ( وكمان مامحتاج ياخد الجنسية الارترية ) ..

---

Post: #104 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-22-2013, 04:42 AM Parent: #102 امير ..سلامات .. Quote: الحيرني أن موضوع وزير الداخلية الحالي ده قرأته اكثر من خمسين مره هنا علي صفحات المنبر ده ولم يحصل ان قمت بفتح بوست ..... اى موضوع يخص ابراهيم محمود اذا وقع في نظري بخشه دون تردد فهو موضوعي واتبناه لانه بمسني بصورة مباشرة واما فتحي للبوست فما حبيت ارد عليك في بوست شخص آخر لم يكن موضوع البوست وماحبيت اغير مسار بوست الاخ ود الباوقة ومابيني وبينك شي شخصي عشان استقصدك بالتأكيد .. Quote: بالنسبة لموضوع وزير الداخلية هذا ليس إتهام من شخصي الضعيف دي معلومة عرفتها هنا في هذا المنبر و بالتاكيد لن تعبر عن راي الشخصي .... انت كشخص تعمل في مؤسسة صحفية بتأخد المعلومة من النت كده ومن غير تحقق ؟!! معقولة بس !!!!!!! وليه ابراهيم محمود دون الاخرين اجنبي والبقية مواطنين سودانيين ؟ انتقاءك لوزير الداخلية ووصفه بالاجنبي مستفز جدا وبعدين كيف قولك بان وزير الداخلية اجنبي لايعبر عن رايك الشخصي ؟!! الكلام ده يتقال لو ورد في جريدة او مجلة لكن انت قلتو بعضمة كيبوردك وبالتالي يمثلك ويعبر عنك ... ثم البخلي عبدالرحيم محمدحسين النوبي قريبك بتاع التداخل سوداني شنو ؟ وابراهيم محمود البيجاوى قريبي بتاع التداخل اجنبي شنو ؟ يعني معيارك هنا شنو ؟!! احترامي وتقديري ،

---

Post: #105 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-22-2013, 12:55 PM Parent: #104 Quote: صراحة احييه على ذلك ان فعل ..فكثيرون من الشعب السوداني دعموا الثوار الارتريين واضعفهم ايماناً تعاطف معهم واما نحن قبائل التداخل فالقضية الارترية كانت ومازالت قضيتنا وستبقى كذلك مابقى التداخل السوداني الارتري.. رحم الله المناضل عثمان صالح سبي وكل شهداء الثورة الارترية اخي فايز سلام هناك فرق بين دعم وان تكون ارتريا حاملا للجواز والجنسية الارترية وتدرس الجامعة كارتري كل قبائل الحدود متداخلة في العادات والتقاليد فقط هنالك قانون يحدد من هو سوداني ومن هو ارتيري Quote: كلام عجيب والله ..الوالي مادام سوداني فاكيد اقرباءه سودانيين ومادام سودانيين فمن حقهم يطلعوا الجنسية السودانية بقول ليك طلع جنسيات لارتيريين وتم اجراء تحقيقات بواسطة الجهات المسئولة والضابط ذكر انه تلقي اوامر مباشرة من الوالي و زولك ده لم يتحرك ساكنا وكان الضابط هو ضحية هذا العمل تجي تقول لي سوداني وبيطلع جنسيات لسودانيين؟؟ لو داير بجيب ليك اسم الضابط Quote: ياعبدالخالق لو الحال استمر هكذا بالتشكيك في الانتماء والاقصاء ووصف اسياد البلد بانهم اجانب فاكيد الناس حاتفكر جادة في ان يكونوا اجانب عن هذا السودان غريب الاطوار السودان ما غريب الاطوار غريبين الاطوار البيخلوا واحد كان في الجبهة الشعبية ورئيس طلاب ارتيريا وزير لوزارة سيادية زول لما كان والي كسلا جنس اهله حيعمل شنو وهو وزير داخلية؟ شوف قانون الجنسية بيقول شنو: شهادة الجنسية بالتجنس 07 (1) يجوز للوزير أن يمنح شهادة الجنسية السودانية بالتجنس لأي أجنبي إذا قدم طلبا بذلك بالشكل المقرر وأثبت للوزير أنه :- (‌أ) بلغ سن الرشد . (‌ب) كامل الأهلية . (‌ج) مقيم بالسودان لمدة خمس سنوات أو أكثر . (‌د) حسن الأخلاق ولم يسبق الحكم عليه بعقوبة جنائية في جريمة مخلة بالشرف والأمانة وبرضو مافي زول يقارن لي السودان بامريكا والبشير باوباما لانه هنالك فرق قارنونا باقرب الناس لينا الما بيسمحوا لزول امو اتجنست بجنسية تانية من تولي رئاسة البلاد

---

Post: #106 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: أشرف الرحال Date: 02-22-2013, 01:33 PM Parent: #105 Quote: شهادة الجنسية بالتجنس 07 (1) يجوز للوزير أن يمنح شهادة الجنسية السودانية بالتجنس لأي أجنبي إذا قدم طلبا بذلك بالشكل المقرر وأثبت للوزير أنه :- (‌أ) بلغ سن الرشد . (‌ب) كامل الأهلية . (‌ج) مقيم بالسودان لمدة خمس سنوات أو أكثر . (‌د) حسن الأخلاق ولم يسبق الحكم عليه بعقوبة جنائية في جريمة مخلة بالشرف والأمانة وبرضو مافي زول يقارن لي السودان بامريكا والبشير باوباما لانه هنالك فرق قارنونا باقرب الناس لينا الما بيسمحوا لزول امو اتجنست بجنسية تانية من تولي رئاسة البلاد الاخ عبد الخالق ،،، تحياتي طيب ايه رايك في الحتة بتاعت التجنس دي وفقا للقانون المقتبس فوق ده فيما يتعلق بناس الكورة الاجانب من غرب افريقيا وجنوبها البمنحوهم الجنسية في المطار وبيعينهم ما يكونوا شافوا السودان اصلا مش اقاموا فيه 5 سنوات مودتي الرحـــال

---

Post: #107 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abdullah Idrees Date: 02-22-2013, 01:36 PM Parent: #105 Quote: ياعبدالله انا اى كلام عايز اقوله بقولوا صراحة وبكل وضوح دون تلميح او ايحاء وانا لمن كتبت البوست مابعرف طمبل ده عربي ولا نوبي ولا غيره ولا ده بيعنيني ده الرد يا فايز من مداخلتك الاولى : Quote: ياأستاذ طمبل السيد وزير الداخلية سيد شرق السودان قبل ربنا مايبتلينا وتبقى ارضنا جزء من هذا الوطن الاسمه السودان .. نعم قد لاننتمى ليكم لا عرقا ولا ثقافة - ولم نتمنى ذلك صراحة - لكن ده قدرنا فارضنا اصبحت جزء من السودان بإرادة اجدادنا ونضالاتهم التى رسمت هذا الشرق ضمن حدود السودان الحالي اللمانا بيكم والانت عايز تنفينا منه بكلمة وكأنك وغيرك يملكونا او يملكون الشرق ضمن امتدادات جغرافيتهم واعراقهم ... اتهامك لوزير الداخلية بانه اجنبي اتهام لنا ولكل اعراقنا في شرق السودان بانها اجنبيه وبالتالي اقرار بأن شرق السودان ليس بجزء من السودان .. ونحن بنقول ليك ياسيد طمبل لو ده رأيك ساعدنا بالله لان نكون خارج هذا السودان بارضنا وناسها .. وتريحونا ونرتاح قيراطين .. ثم انت منو وجيت من ياتو قيامة في السودان عشان تتهم سيد بلد في بلده بانه اجنبي ؟!!! يا فايز الكلام ده ما منطقي يطلع من بجاوي لنوبي او من افريقي لافريقي او من كوشي لكوشي ، واعني بالتحديد قولك "نحن لا ننتمي لكم عرقا ولا ثقافة " ، "السودان اللمانا بيكم" "ثم انت منو وجيت من ياتو قيامة في السودان " .. ما عندو اي تفسير غير انو موجه من افريقي لعربي .. يا فايز النوبة والبجة قاعدين في مناطقهم دي جنب بعض منذ الاف السنين وتداخلوا وتفاعلوا وهم ينتمون لسلالة واحدة كما تقول مصادر كثيرة ، فكيف يمكن قبول انك تتحدث عن جهة اخرى غير العرب خاصة وانت قلت انك تنتمي لعرق وثقافة مختلفة ؟ ردك على حيدر الزين : Quote: وعلى حس انك في الجزيرة العربية كيف اخوانا من العباسين والخزرج ؟!! ... برضو بيدعم نفس الكلام .. ده ردك على وضاح عبدالرحمن : Quote: زيها زي الواحد يكاتلك عشان يثبت انه جده ابوطالب وفي نفس الوقت يقول ليك انت اجنبي وافد .. تناقضات غريبة يجب ان تدرس .. يا فايز انت افترضت انو عربي وجيت فتحت البوست بطريقة غاية في الانفعال وواضحة من عنوان البوست .. في الحقيقة كل القوميات السودانية بخلاف النوبة والنوبيين والفور تتعرض لمثل هذه المضايقات ، عربي ، حبشي ، تشادي وهكذا والمنبر ده شاهد ، فالموضوع لا يحتاج لهذه الضجة ، مجرد كلام فارغ .. Quote: ياعبدالله اديني وزير من الشرق في وزراة سيادية منذ المهدية غير ابراهيم محمود ؟ياعبدالله اديني وزير من الشرق في وزراة سيادية منذ المهدية غير ابراهيم محمود ؟ صدقني لا اعرف بالضبط وليس لدي ادنى اهتمام بمعرفة قبائل الناس واصولهم ومناطقهم ، لكن لو فتشت اكيد حا القى .. Quote: ياعبدالله هذه النماذج تتحدث عن شخصيات مجنسة فماعارف علاقتها بحالة مواطن سوداني سيد بلد اباً عن جد زي وزير الداخلية شنو ؟ وقعت في نفس غلطة امير طمبل ، ما في حاجة اسمها سوداني سيد بلد وسوداني ما سيد بلد ، في سوداني بالميلاد وسوداني بالتجنس وكلهم اسياد بلد .. كل هذا الكلام يدور حول معرفة حقيقة وزير الداخلية ، هل هو مجنس ام سوداني بالميلاد ؟ نحن لا نعرف لان هنالك حقائق تتحدث عن اصول ارترية وما الى ذلك ، يعني في فرضيتين ، انت فايز ده بحكم بجاويتك احتمال تكون متأكد من سودانيتو ، وممكن تكون بتعرف اهلوا ذاتم ، ولذا فمهمتك هي ازالة هذا اللغط ان كنت مهتما بالامر ، واللغط لا يمكن ازالته بـ "انتو منو وتطلعوا شنو" وتوجه كلامك لناس ابرياء ، ان كنت قاصدا ام لا .. جمعة مباركة

---

Post: #109 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-22-2013, 02:00 PM Parent: #107 Quote: كل هذا الكلام يدور حول معرفة حقيقة وزير الداخلية ، هل هو مجنس ام سوداني بالميلاد ؟ نحن لا نعرف لان هنالك حقائق تتحدث عن اصول ارترية وما الى ذلك ، يعني في فرضيتين ، انت فايز ده بحكم بجاويتك احتمال تكون متأكد من سودانيتو ، وممكن تكون بتعرف اهلوا ذاتم ، ولذا فمهمتك هي ازالة هذا اللغط ان كنت مهتما بالامر ، واللغط لا يمكن ازالته بـ "انتو منو وتطلعوا شنو" وتوجه كلامك لناس ابرياء ، ان كنت قاصدا ام لا ..

---

Post: #110 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: محمد محمود محمد Date: 02-22-2013, 02:16 PM Parent: #107 Quote: كل هذا الكلام يدور حول معرفة حقيقة وزير الداخلية ، هل هو مجنس ام سوداني بالميلاد ؟ نحن لا نعرف لان هنالك حقائق تتحدث عن اصول ارترية وما الى ذلك ، يعني في فرضيتين ، انت فايز ده بحكم بجاويتك احتمال تكون متأكد من سودانيتو ، وممكن تكون بتعرف اهلوا ذاتم ، ولذا فمهمتك هي ازالة هذا اللغط ان كنت مهتما بالامر ، واللغط لا يمكن ازالته بـ "انتو منو وتطلعوا شنو" وتوجه كلامك لناس ابرياء ، ان كنت قاصدا ام لا .. ...تسلم أخونا عبد الله ادريس...ده الكلام المضبوط...غير كده المسألة ح تكون معركة في غير معترك ...وحتكون في أساءات متبادلة لأهلنا في الشرق و الشمال و الغرب..وبعدين الفيصل في المسألة دي موقفك من المواطن السوداني ...يعني انا مواطن من الشمال النوبي ممكن فايز البجاوي ده يكون أقرب لي من عبد الرحيم محمد حسين حتى لو كان ود عمي (لزم)...تحياتي ودامت المحبة بين الجميع

---

Post: #108 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فيصل عثمان الحسن Date: 02-22-2013, 01:57 PM Parent: #105 Quote: شهادة الجنسية بالتجنس 07 (1) يجوز للوزير أن يمنح شهادة الجنسية السودانية بالتجنس لأي أجنبي إذا قدم طلبا بذلك بالشكل المقرر وأثبت للوزير أنه :- (‌أ) بلغ سن الرشد . (‌ب) كامل الأهلية . (‌ج) مقيم بالسودان لمدة خمس سنوات أو أكثر . (‌د) حسن الأخلاق ولم يسبق الحكم عليه بعقوبة جنائية في جريمة مخلة بالشرف والأمانة وبرضو مافي زول يقارن لي السودان بامريكا والبشير باوباما لانه هنالك فرق صاحب البوست وضيوفه سلام , المداخلة اعلاه للاخ عبدالخالق . لكل دولة حق سن القوانين التى تناسبها فى منح الجنسية للأجنى , والدولة الرشيدة تستصحب عند سن تلك القوانين حقوق الاجيال القادمة فى الأرض وفرص العمل وهذا يحدد شكل القوانين التى تسن تشددا أوتساهلا , مثلا فى دولة مثل سويسرا التى اعيش فيها قانون الجنسية قانون فى غاية الصعوبة اذا ما قورن بالقانون السودانى , سويسرا ليست دولة عنصرية لكن لديها ظروفها الخاصة التى تبرر تشددها فى منح الجنسية للأجنبى ومن شروط منح الجنسية مثلا ان يعيش الأجنبى فيها لمدة اثنى عشر عام ولا بد له من اتقان احدى لغاتها الثلاث ولا بد ان يكون المتقدم يعتمد على نفسه فى تكاليف معيشته ويدفع الضرائب بالاضافة لخلو صحيفته الجنائية من اى جريمة تنطوى على قدر من الخطورة وبعد كل هذه الشروط قد تستغرق فترة دراسة الطلب عامين فى احسن الحالات , اما فى سودان اليوم من الممكن جدا ونتيجة للفساد ان تمنح الجنسية السودانية حتى للاعبى كرة القدم هذا وضع شاذ وجب الوقوف عنده طويلا ولا بد عند سن قوانين جديدة للجنسية السودانية ان تراعى ظروف البلد وحقوق الاجيال القادمة , الحديث عن عمقنا الثقافى والاثنى فى بعض دول الجوار هو حقيقة لكن لا يتم علاج حكاية التواصل بمنح الجنسية لكل من يطلبها , التواصل بين القبائل الحدودية لا يحتم منح الجنسية السودانية لكل القبائل الحدودية , اخوانا السودانيين من القبائل الحدودية عليهم دور اكبر فى التعاون مع السلطات للحيلولة دون ان تمنح الجنسية الا لمستحقها , نعم السودان يمر بظرف استثنائ حيث تفشت القبلية بشكل مزعج نتيجة لوجود هذا النظام الغبى فى سدة الحكم , لكن هذا لا يجوز ان يحيد المخلصين عن القيام بدورهم الوطنى فى الحفاظ على اراضيهم وأراضى الاجيال القادمة بدلا عن استنصارهم باخوتهم فى الهوية من دول الجوار للرد على عنصرية النظام .

---

Post: #111 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Alfarwq Date: 02-22-2013, 05:53 PM Parent: #108 ياعبدالخالق بقصد او بغير قصد متجاهل كلام الناس الشهدت بانهم درسوا في سبعينات القرن الماضي مع الوزير. يا قريبي قلنا ليك في الاهم ... نحن اهل الشرق عارفين نفسنا و موقعنا و ما محتاجين شخاجة اي زول

---

Post: #112 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: يسرى معتصم Date: 02-22-2013, 07:04 PM Parent: #111 Quote: نحن اهل الشرق عارفين نفسنا و موقعنا و ما محتاجين شخاجة اي زول وكـــــــــفـــــــــــــى

---

Post: #113 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-22-2013, 07:46 PM Parent: #112 يقول السيد ((حيدر المشرف) في تشخيص لبواعث الصراع في السودان : ( ..كم تراكمي لمجموعة من المتناقضات السياسيات والأيديولوجيات المتباينة والمواعين العقائدية الضيقة ، والموارد الشحيحة ، وخطل القيادات والنخب ، وأوهام التفوق عند الأكثرية العرقية والدينية ، والشعور المتعاظم عند الأقليات بالظلم والتهميش ، وعدم المساواة ، وضمور فرص التقاضي العادل والحاسم والناجز للمظالم التاريخية الممتدة...) أيا كانت الأسباب والدواعي فأي سمة من السمات السابقة كفيلة بأن تحجب الإنسان عن أخيه ، وتجعله ينزع لفك الارتباط مهما كلفه ذلك 5

---

Post: #114 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-22-2013, 08:17 PM Parent: #113 ملاحظ الاخ عبدالله ادريس يتتبع رد فعل فائز دون المساس بالذي اثار ردة الفعل فلتكن عادل في طرحك يا عبد الله 5

---

Post: #115 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abdullah Idrees Date: 02-22-2013, 10:00 PM Parent: #114 Quote: هذه النغمة الشاذة التي اتي بها الزميل امير يرددها الكثير من المتطرفين الشعوبيين والعنصريين والجهلة ، بجة ، نوبة ، دارفوريين وفريق الطيب مصطفى الزميل عماد الدين : الفوق ده رأيي في اي زول يحاول يجرد سوداني من انتماؤه يمكن ما لاحظت ليهو .. رؤيتي للموضوع رؤية شمولية .. نقطتي التانية انو ما عجبتني طريقة تناول فايز للموضوع وليس إثارة الموضوع من الاساس ، انت ما ممكن تحل مشكلة بخلق مشكلة اخرى ونكون لافين حوالين نفسنا في نقاش دائري لا يفيد بل بالعكس .. تحياتي

---

Post: #116 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: حسين عوضاى Date: 02-23-2013, 07:17 AM Parent: #115 يا امير طمبل ازيك فى رد ليك فوق كتبتا انك قريت فى اكتر من بوست هذه المعلومه معناها اكيد قريت ردود البعض برضو فى اكتر من بوست يبقى هنا القصد واضح يلا جاوب على سؤال ود القاضى انتا زاتك منو ويا هارون دياب عليك الله ما تدافع عن امير يقصد وما يقصد .. نحنا ما عندنا قنابير ................... شوفوا يا اخوانا انا ارترى وابوى ارترى وكمان ضابط بوليس اليجى واحد يقلعوا او يعزلوا ريحونا زااااااتو ..................... عالم عجيبه ارترى وغصبآ عنكم وزير ومحل ما تختوا رجلينكم ختوا راسكم بلا صفاقه وقله ادب

---

Post: #117 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: ادم شحوتاي Date: 02-23-2013, 08:24 AM Parent: #116 Quote: فى رد ليك فوق كتبتا انك قريت فى اكتر من بوست هذه المعلومه معناها اكيد قريت ردود البعض برضو فى اكتر من بوست يبقى هنا القصد واضح

---

Post: #118 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: haroon diyab Date: 02-23-2013, 08:31 AM Parent: #117 Quote: ويا هارون دياب عليك الله ما تدافع عن امير يقصد وما يقصد .. نحنا ما عندنا قنابير ................... شوفوا يا اخوانا انا ارترى وابوى ارترى وكمان ضابط بوليس اليجى واحد يقلعوا او يعزلوا ريحونا زااااااتو ..................... عالم عجيبه ارترى وغصبآ عنكم وزير ومحل ما تختوا رجلينكم ختوا راسكم بلا صفاقه وقله ادب ياخي كتر خيرك...!!!!!!

---

Post: #122 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Mohamed E. Seliaman Date: 02-23-2013, 10:56 AM Parent: #118 كيف أخبار اليمن السعيد ؟ قمت قلت ليه: كويس وصالح قبل المبادرة الخليجية . وقم سألته عن دارفور بتفاصيل لا يعلمها إلا سوداني وسوداني متابع . وحدثته عن السودان بالكثير والكثير مستعينا بأرشيف سودانيز أونلاين وقلت عساه يتراجع عن يمانيتي . لكن .

---

Post: #119 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-23-2013, 09:58 AM Parent: #116 Quote: شوفوا يا اخوانا انا ارترى وابوى ارترى وكمان ضابط بوليس اليجى واحد يقلعوا او يعزلوا ريحونا زااااااتو ..................... عالم عجيبه ارترى وغصبآ عنكم وزير ومحل ما تختوا رجلينكم ختوا راسكم بلا صفاقه وقله ادب

---

Post: #123 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-23-2013, 11:37 AM Parent: #119 الاخوان امين البشاري .هارون دياب ...سلامات كلام اخونا ..أمين البشارى : Quote: اها اجيك لكلام أمير دا من خلال معرفتي للرجل فهو ليس كما ذهبت اليه ظنونك ياخ امير انسان مهذب جدا ويقيني انه لا يفكر بالطريقة التي ارتسمت في عقلك له ليس في مقام الدفاع عن امير ولكن اتمنى ان تجمعك به الايام وكفى وهي شهادة واجبة في حق الرجل ......... كلام اخونا هارون دياب : Quote: عارف يافايز امير طمبل ده اخر واحد يقصد الكلام ده....والظاهر انت ماقريت مداخلته في الصفحة التانية ....!!!! يااشقاء انا حقيقة مااعرف امير الا من خلال المنبر ده وشهادة لله لم اسمع منه او عنه الا كل خير والمقام ليس مقام حكم على اخلاقه وتهذيبه او طريقة تفكيره بل على عبارة صريحة وواضحة ذكرها لاتقبل أكثر من تأويل وهي أن ( وزير الداخلية أجنبي ) .. وهي عبارة لاتقبل المجاملة للتصدي لها - كما فعلتم انتم مع الاسف - لم ابني كلامي على ظنون ، اخي البشارى ولم اتصيد مفردة تقبل أكثر من قصد ، أخي ياهارون كنت اتوقع منكم رأى غير مجامل وتغليط للاخ امير مباشر .. تحياتي ،،

---

Post: #124 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: محمد عبد الله الامين Date: 02-23-2013, 11:58 AM Parent: #123 سلام أخ فايز .... للاسف الشديد الوضع عندكم في شرق السودان على كف عفريت بخصوص عدم قبول البعض للاخر وخاصة في مدينة بورتسودان كراهية كبيرة جدا بين القبائل الحدودية المتداخلة والقبائل المستوطنة من زمااان .. وما اقول إلا الله يستر .

---

Post: #125 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-23-2013, 10:47 PM Parent: #124 الفيسبوكي ..سليمان ..سلام .. Quote: Sulaiman Adam Sulaiman · ياود القاضي سؤال ..تقدر تمشي فى اريتريا وتقول لااسياس انو غرب ارتريا ده حقنا ودايرين نفصلو مع معرفتى التامه انو اى واحد من غرب ارتريا اللى هى معظمها قبيلتك وفروعها ماعندو الشجاعه يقول بغم لااسياس الدكتاتور الصريح ....ومع احترامى ليك لقيتو الكيزان ديل فاكنها ساى مع التهميش الواضح لقبيلتك فى ارتريا ولكل القوميات ماعدا قومية الرئيس اتمنى انك ترد على سوالى بدون تنظير وجغرافيا وتاريخ..احترامى قبيل اتصل على زول من الخرطوم وسألني عن رطل الصندل في السعودية بكم ؟ عذرته لانه في السودان الاوزان بالارطال او اشتهرت بيها وماعنده فكرة انه السعوديين مابيوزنوا بالارطال اها انت كمان زي بتاع الرطل ده عايز توزن الاشياء من خلال رطل التصنيفات السودانية مفتكر كل العالم ده زيكم بصنفوا الناس على اساس ده سيد بلد وده اجنبي ارتريا الاستقلت امس دي ياسليمان والله مابتصنف الناس على هذا الاساس ولا اثيوبيا تعرف التصنيفات دي .. عشان كده نصي الهناك مابعاني في حتة الهوية ولابحتاج يقول لاسياس غرب ارتريا دي حقتنا الامراض دي عندنا بس .. والطيب صالح لمن قال : من اين اتى هؤلاء ؟ ماعارف كان يقصد الكيزان ولا الشعب السوداني كله .. تحياتي واحترامي ..

---

Post: #126 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-23-2013, 11:00 PM Parent: #125 الفيسبوكي عبد العزيز ...سلامات .. Quote: Abdulaziz Elmekki · كلنا لادم وادم من تراب اما وزير الداخلية قيمته فى انجازه لا فى جنسه ماذا استفاد السودان من جعولية البشير وما الذى يستفيده السودان من وزير الداخلية اي كان جنسه ان لم ياتمن الناس على ارواحهم و ممتلكاتهم!!!!!! تسلم ياحبيب على الكلام الموزون والمختصر المفيد ..

---

Post: #127 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-23-2013, 11:22 PM Parent: #126 الفيسبوكي ...اكرم ..سلامات Quote: Akram Khider · التصنيف في السودان علي أساس عنصري قديم .. العنصرية من أكبر مشاكل السودان وأعيت من حاول أن يداويها ويظهر العجز جلياً في محاولة شرح الهوية السودانية ..حتي في زمان قريب كنا نطلب فيه الجنسية السودانية .. فنصطدم بالقبيلة .. قبائل سودانية لا تحتاج لأكثر من شاهد وقبائل أخري شاهدين وقبائل تحتاج خطاب شهادة من شيخ قبيلتك وشهود كثر ..بعد الحصول علي تلك الورقة .. المأساة ان جل حاملي الورقة لا إحساس لهم بالوطن ... شكراً اخي اكرم .. تصدق نحن في الشرق ديل بنجيب العيلة كلها عشان تشهد لينا وشيخ القبيلة والاوراق الثبوتيه المطلوبة التقول ماشين نعقد .. جنسيات السوبر في السودان لابقولوا ليهم جيبوا شيخ ولا جيبوا كبير فقط جنسية الوالد مع الصور الشخصية والجنسية في الجيب في نفس اليوم جنسيات السوبر لايُشترط لها ان تولد في السودان لاستخراج الجنسية فيكفي انك مولود فحسب نحن ديل الا نتولد في الشرق بس ..وكلما كانت قريتك قريبة من الحدود كل ماكانت جنسيتك ابعد من الاستلام . وطن متعب جداً الانتماء له..

---

Post: #128 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-24-2013, 06:50 AM Parent: #127 الاخ / عبدالله ادريس ماهو سر عدم قبول الآخر وجنوح البعض الى ممارسة الاقصائية وما هو سر اختزال الهوية السودانية في البعض وتحريمها للاخرين ثم اليس بواعث مشاكل السودان كلها الاهذا النظرة وعدم قبول الاخر ؟

---

Post: #129 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abdullah Idrees Date: 02-24-2013, 11:15 AM Parent: #128 Quote: ماهو سر عدم قبول الآخر وجنوح البعض الى ممارسة الاقصائية وما هو سر اختزال الهوية السودانية في البعض وتحريمها للاخرين ثم اليس بواعث مشاكل السودان كلها الاهذا النظرة وعدم قبول الاخر ؟ الزميل عماد .. استأذن من فايز اولا لارد عليك .. الاسباب كتيرة جدا لكن بشكل عام تتحملها الحكومات كلها بنسب متفاوتة مع التأكيد دور النظام الحالي الكبير جدا في ايصالنا لمرحلة الأزمة .. علماء الاجتماع يطلقون على الشعوب مسمى القطيع ، ولابد للقطيع من راع صالح او حاكم عادل او نظام سياسي ديمقراطي بالفهم المعاصر.. نحن بالاصل مجتمع عشائري ، لم تفلح الحكومات المتعاقبة في تنفيذ خطط تنمية متكاملة ، لم تفلح في تاسيس دولة المؤسسات التي تعلي من شأن الفرد ايا كان وتحط من نفوذ القبيلة .. التنمية والتعليم يذيبان الفوارق الحضارية والاقتصادية وبالتالي تشجيع وتوسيع الاندماج للوصول لمرحلة الدولة القومية او الدولة الامة التي تذوب فيها القبيلة وتتحلل ، دولة القانون والمؤسسات تمنع التمييز بين المواطنين ، يعني كل زول عندو حق بياخدو ، لمن نصل للمرحلة دي ما في زول بقدر يقول انا احسن من التاني .. الفرص متساوية ، عندما تتساوى الفرض وتسود التنمية ، عندها يمكننا الحديث عن قبيلة واحدة فقط شعارها العلم وليس الهلال او النجمة او غيرها .. انظر الآن وصلنا لمرحلة ان القبيلة تتسلح لتحمي افرادها ، اي ان وجودها اصبح ضروري جدا ، لغياب القانون ، لانه لابد من وجود جهة ما تتكفل بحماية الفرد ، الفرد يبحث عن امنه فإذا اخفقت الحكومة اتجه بطريقة تلقائية الى العشيرة وهذه سمة من سمات المجتمعات البدائية .. تحياتي

---

Post: #130 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-24-2013, 03:32 PM Parent: #129 امير طمبل ...سلامات .. Quote: الأخ فايز ود القاضي أولا الغضب و الكلمات النارية لا تفيد ولا تغير في الواقع أولا عن من أنا أنا سوداني لا إمتدادت له.. سوداني لا امتدادات له ده شرط جديد من شروط الجنسية ولا شنو ؟ !!! Quote: فما قلته عن وزير الداخلية ليس من بنات أفكاري و أنما هو حديث الكل و كما علمت أن الوزير كان رئيسا لإتحاد الطلبة الأرتريين بمصر و أذيدك من الشعر بيتين أن أحد القراء من خارج المنبر أخبرني بان أخيه الأكبر كان عضوا نشطا بجبهة التحرير الأرتريية و كان مطلوبا من قبل نظام هيلاسلاسي ] وكان ذلك خلال عهد الفريق عبود ..الأن قولي انت من يقود التنظيمات الأرتريية علي مستوي الطلبة و من يقود الكفاح المسلح في أرترييا في ظنك ماذا نقول له سودانيا أم أرتريا.. ياامير يااخوى ارتريا دي دولة جارة للسودان وقد لاتعني لباقي السودان الا كذلك .. لكن بالنسبة لنا نحن كابناء تداخل هي اكثر من جارة .. هي اعراق متداخلة واصول واحدة وتاريخ ومصير مشترك دي حاجات لايمكن الغاها بحدود وهمية رسمها المستعمر نعم هناك خصوصية وشروط محددة لكل بلد للحصول على الجنسية ولكن هذه الشروط لاتتعدى كل دولة لتكون جزء من شروط حمل جنسية الدولة الاخرى .. يعني بالعربي كده ياجمال مافي منطق ولا قانون يقول جيب خلو طرف من وزارة داخلية ارتريا عشان تاخد الجنسية السودانية ولا العكس كمان .. فالجنسية السودانية لها شروطها ومتى مااستوفى طالبها هذه الشروط استحقها يبقى من التداخل ولا من الخوارج ولا من الشيعة . اما تعاملنا مع القضية الارترية لم يكن مجرد تعاطف او دعم معنوى كغيرنا من الشعب السوداني بل أكثر من ذلك . فخصوصيتنا مع ارتريا جعلت منا قاعدة اساسية لها وقلعة حصينة استندت عليها بعد الله تعالي وكنا- بكل فخر - كذلك ولم نتخلى عنها ولن نتخلى .. ياامير ابناء هذا التداخل الذين تحاول ان تنفيهم من الخارطة السودانية هم من كونوا اورطة العرب الشرقية في عام 1902م . وهم الذين كانوا عماد قوة دفاع السودان التى شاركت في حرب الكنغو وفي معركة العلمين بليبيا وفي الجنوب وفي الحرب التى دارت في ارتريا ضد الطليان ..وهم الذين غنت لهم عشة الفلاتية (اجوا عادين بالمدرع والمكسيم ) تقول لي اجانب وبطاقة اتحاد !!! ... ابناء هذا التداخل هم الذين اسسوا ببورسودان مؤتمر البجا في اكتوبر 1958م ، وابناء هذا التداخل هم الذين اسسوا بعد اقل من شهر من تأسيس مؤتمر البجا اول حركة تحرير ارترية في 2/11/1958م ببورسودان .. ابناء هذا التداخل خرج منهم اكبر فوج عسكري قدم من احراش الجنوب خصيصاً ليدعم مفجر الثورة الارترية الشهيد/ حامد ادريس عواتي وكونوا جيش جبهة التحرير الارترية ... من صلب هؤلاء اتي وزير الداخلية / ابراهيم محمود حامد ..تقول لي بطاقة اتحاد !!! Quote: سؤال اخر لماذا تغضبون عندما توصوفو بانكم أرتريين من قبل بعض السودانيين و عندما تصفكم عرقية التقراي في أرترييا بانكم سودانيين أيضا تمارسون الغضب الفنان حامد عبدالله (عنجة) قالوا ليهو : انت سوداني ولا ارتري ؟ قال ليهم : السودان وارتريا يديني الاتنين ، لكن مابعرف اليمين من الشمال فيهم . وقس على ذلك اخي امير .... اما سؤالك عن غضبنا عندما تصفنا عرقية التقراى في ارتريا باننا سودانيين فحقيقة لم اجد له اجابة لاني لم اسمع بعرقية اسمها تقراى في ارتريا (حاول مرة اخرى ) ... Quote: سؤال اخير نعلم كلنا الكيفية التي تم بها الحاق دارفور الي السودان عام 1916و نضالات و ثورات أهل دارفور ولكن نجهل كيفية إنضمام الشرق و النضالات التي ذكرتها فهلا تكرمت و بينت لنا الامر ... سمعت بالثورة المهدية ؟ اها الثورة دي حاربت المستعمر الانجليزي ونحن دعمناها وسجلنا اعظم تاريخ فيها وقدرنا بقوة فوارسنا أن نرسم حدود السودان الحالي (صراحة اليوم داك مابعرف انتو كنتوا وين ؟) نضالاتنا كتيرة ياامير ..وواحدة منها اننا قبلنا تكونوا جزء من النسيج الشرقاوى عندما استضفناكم في الشرق واسستوا مدينتكم حلفا الجديدة فيه كبديل للارض التى غمرها قرايبك المصريين بتآمر مع قريبك عبود .. Quote: .لك وافر تقديري و إحترامي ولك مثلها واكتر اخي امير ..

---

Post: #131 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-24-2013, 03:53 PM Parent: #130 امير ....سلام .. Quote: أحد القراء من خارج المنبر أخبرني بان أخيه الأكبر كان عضوا نشطا بجبهة التحرير الأرتريية و كان مطلوبا من قبل نظام هيلاسلاسي ] وكان ذلك خلال عهد الفريق عبود ..الأن قولي انت من يقود التنظيمات الأرتريية علي مستوي الطلبة و من يقود الكفاح المسلح في أرترييا في ظنك ماذا نقول له سودانيا أم أرتريا ؟ الصورة التحت دي تجاوب على سؤالك .. الصوررة دي في سيناء بالقرب من خط بارليف في حرب 1973م تضم ضباط سودانيين من الجيش السوداني من بينهم رئيس السودان الحالي تضم من اليمين : الملازم /عمر حسن احمد البشير الملازم / محمد عثمان محمد سعيد الملازم / صلاح علي الغالي عسكري مصري النقيب / عوض حاج حامد البخلي شقيق ابراهيم محمود الذى قاتل في صفوف جبهة التحرير الارترية اجنبي شنو ؟ والبخلي الجماعة الفوق ديل القاتلوا في حرب اكتوبر المصرية سودانيين شنو ؟!! عليك الله ماتعمل رايح وجاوب زي ماجاوبت ليك بكل شفافية ياامير .. واوع تستعين بقراء من خارج المنبر عشان مايقولوا ليك خط برليف ده في السودان زي ماقالوا ليك عرقية تقراى في ارتريا .. ..

---

Post: #134 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: seham Abdeljleil Date: 02-25-2013, 11:32 AM Parent: #131 فايز سلام.....بدل اللفه الطوييييله دي تجيب معلومات تبين انه الشخص دا سوداني ميه الميه وانتهى الموضوع يعني تداخل تخارج دي موجوده في كل انحاء العالم لكن اي جزء من اي قبيله حدوديه ينتمي للدوله الموجود فيها......لو أثبتا انه سوداني اذا الزول دا مظلوم ومامن حق اي انسان انه يقول اجنبي........اذا ماسوداني أومن قبيله حدوديه بس من فرع ارتريا اذا دافع عن انه بحمل الجنسيه او ادفع بكل منطق إليك لتقنع الناس انه لو أر تري من حقه يتولى وزارة الداخليه بس انت خلطا السم بالدسم يعني عملتها كانوا الزول دا قاصد انه اي وزير من الشرق الحبيب معناه اجنبي ودا كلام ما بخش العقل هو قصده كشخص وردت عنه معلومات كثيره انه ماسوداني انفيها وما تعمم الموضوع علي الشرق كله وانت قبل كدا في بوستات عنصريه تداخلتا فيها بسخريه ذي البوست بتاع لكل الطفيليين السكنوا الخرطوم ليييييه ماحرقك وهو اساءا فيه لناس كتاااااااار وكلمه واحده في حق زول عامل ليها الكتاحه دي كلها.....

---

Post: #135 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-25-2013, 12:13 PM Parent: #134 الاخت سهام ... سلامات Quote: فايز سلام.....بدل اللفه الطوييييله دي تجيب معلومات تبين انه الشخص دا سوداني ميه الميه وانتهى الموضوع يعني تداخل تخارج دي موجوده في كل انحاء العالم لكن اي جزء من اي قبيله حدوديه ينتمي للدوله الموجود فيها......لو أثبتا انه سوداني اذا الزول دا مظلوم ومامن حق اي انسان انه يقول اجنبي........اذا ماسوداني أومن قبيله حدوديه بس من فرع ارتريا اذا دافع عن انه بحمل الجنسيه او ادفع بكل منطق إليك لتقنع الناس انه لو أر تري من حقه يتولى وزارة الداخليه بس انت خلطا السم بالدسم يعني عملتها كانوا الزول دا قاصد انه اي وزير من الشرق الحبيب معناه اجنبي ودا كلام ما بخش العقل هو قصده كشخص وردت عنه معلومات كثيره انه ماسوداني انفيها وما تعمم الموضوع علي الشرق كله ياعزيزة هو امير ده منو والشعب السوداني - الغيرنا- منو عشان نحن نثبت ليهو ابراهيم محمود سوداني ؟!! ياتو منطق وياتو كلام يخش العقل عايزاني اقوله لشخص اتهم سوداني بانه اجنبي دون اثباتات منطقية ؟!!! .. ادعاءات امير كلها جات على شاكلة قريت هنا وفلان قال لي وشفت في المنام واتخيل لي .. هل دي بينة ؟ وهل البينة تكون على من ادعى ولا على المدعى عليه ؟ مالكم كيف تحكمون !!! لو بتعرفي الكلام البخش العقل ومنصفة كان طلبتي من امير يثبت لينا بالمستندات هنا انه ابراهيم محمود ماسوداني (بالمناسبة حمل اى جنسية اجنبية غير السودانية لاتعني ان حاملها ماسوداني - ده لو افترضنا السيد الوزير يحمل جنسية اجنبية -) Quote: وانت قبل كدا في بوستات عنصريه تداخلتا فيها بسخريه ذي البوست بتاع لكل الطفيليين السكنوا الخرطوم ليييييه ماحرقك وهو اساءا فيه لناس كتاااااااار وكلمه واحده في حق زول عامل ليها الكتاحه دي كلها..... ياخي لو بتقرى وراء السطور في مداخلاتي في ذاك البوست كان وفرتي على نفسك عناء السؤال ده .. ياعزيزتي هو كلام الزول داك نصيح عشان ارد عليهو بجدية ؟ سؤال غير بريئ : هل انت سودانية ؟ وهل عندك مايثبت انك سودانية غير الجنسية ؟ تحياتي ،،

---

Post: #136 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: seham Abdeljleil Date: 02-25-2013, 02:00 PM Parent: #135 يافايز هل في كلامي شئ ضد اومع انا تكلمتا معاك بمنطق .........كتااااااار شككوا في سودانية الوزير وانت تصديت للقضيه وهي قضية راي عام لانه ما اول مره يثار هنا اذا انت ترد علي أفكار الناس بكل هدؤ لانه وجودك هنا في المنبر فرصه كبيره لتنوير الناس وبعدين انا تابعتك في كم بوست وكانت مداخلاتك مرحه وخفيفه وساخره في بعض الاحيان يعني بنفس الروح دي كنتا تعالج الموضوع مثلا انا كنت مغمضة من كلام الناس ومن المعلومات القريتا عن الموضوع يعني بكل اريحيه وهدؤا توري الناس ألفي الحياد الذيي ديل انه دا لغط فاضي وانه الوزير سوداني مافيها حاجه وبتكون أديت رساله أحسن من انتوا منو وجايين من وين وفي فرق انه يتكلم عن اصول انسان واني ارفض فكرة قبوله كوزير لوزاره سياديه يعني في فرق انه يقولوا انه ارتري وانه يرفضوه يعني ساركوزي اوكارلوس منعم كان يشار لاصولهم الاجنبيه بس ماكان في رفض وكانت حقيقه اذا انا ماشايفه انه فيها حاجه انو يذكروا اصولوا وبعدين تجي فكرة الرفض او القبول لانه ماشرف الانسان يكون سوداني ولا عيب انه يكون ارتري والارايك شنو ......وليييييييه الزول داك كلامه ما نصيح وكلام امير نصيح .......كوسه دي يافايز والا ما كوسه . ولييييييييييه انا بس السالتني من جنسيتي يافايز يأخ امير زاته ماسالتو تسألني انا اشمعنى يااخوي تحياتي

---

Post: #137 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-25-2013, 02:23 PM Parent: #136 Quote: يافايز هل في كلامي شئ ضد اومع انا تكلمتا معاك بمنطق .........كتااااااار شككوا في سودانية الوزير وانت تصديت للقضيه وهي قضية راي عام لانه ما اول مره يثار هنا اذا انت ترد علي أفكار الناس بكل هدؤ لانه وجودك هنا في المنبر فرصه كبيره لتنوير الناس وبعدين انا تابعتك في كم بوست وكانت مداخلاتك مرحه وخفيفه وساخره في بعض الاحيان يعني بنفس الروح دي كنتا تعالج الموضوع مثلا انا كنت مغمضة من كلام الناس ومن المعلومات القريتا عن الموضوع يعني بكل اريحيه وهدؤا توري الناس ألفي الحياد الذيي ديل انه دا لغط فاضي وانه الوزير سوداني مافيها حاجه وبتكون أديت رساله أحسن من انتوا منو وجايين من وين وفي فرق انه يتكلم عن اصول انسان واني ارفض فكرة قبوله كوزير لوزاره سياديه يعني في فرق انه يقولوا انه ارتري وانه يرفضوه يعني ساركوزي اوكارلوس منعم كان يشار لاصولهم الاجنبيه بس ماكان في رفض وكانت حقيقه اذا انا ماشايفه انه فيها حاجه انو يذكروا اصولوا وبعدين تجي فكرة الرفض او القبول لانه ماشرف الانسان يكون سوداني ولا عيب انه يكون ارتري والارايك شنو ......وليييييييه الزول داك كلامه ما نصيح وكلام امير نصيح .......كوسه دي يافايز والا ما كوسه . ولييييييييييه انا بس السالتني من جنسيتي يافايز يأخ امير زاته ماسالتو تسألني انا اشمعنى يااخوي تحياتي شكرا يا سهام الاخ فايز عشان يثبت سودانية زولو ورطو زيادة يا اخوي القبائل الحدودية المشتركة علي طول الحدود السودانية يعني ما عشان انت عندك قبائل مشتركة في ارتيريا يبقي الوضع علي كيفهم والا اصبح الوطن هملة ساكت.. تانيا عشان تلتحق باي قوات نظامية سودانية يتطلب ان تكون سودانيا بالميلاد ومن ابوين سودانيين بالميلاد فما بالك بشخص ليس سوداني بالميلاد ويتولي رئاسة اكبر قوة نظامية في السودان ووزراة سيادية تعتبر اهم وزارة وما تجي تقارن لينا بين القوات المسلحة السودانية الشاركت بعلم الدولة في حرب اسرائيل مع حرب ارتيريا عشان تبرر انه وزير الداخلية ارتيري.. عندك ما يثبت انه الزول ده سوداني بالميلاد مرحب الناس قالوا ليك الزول ده لحد 85 ما عنده علاقة بالسودان اما حكاية حنفصل الشرق وديل اهلنا ده كلام ما بيودي ولا بيجيب في البوست ده مع خالص احترامي

---

Post: #140 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-25-2013, 04:38 PM Parent: #137 الاخ عبدالخالق ..سلام .. Quote: يا اخوي القبائل الحدودية المشتركة علي طول الحدود السودانية يعني ما عشان انت عندك قبائل مشتركة في ارتيريا يبقي الوضع علي كيفهم والا اصبح الوطن هملة ساكت.. ساعدنا بالاستيعاب الله يرضى عليك اخي عبدالخالق ..انا لمن اتكلمت عن خصوصية الشرق مع ارتريا بتكلم عن علاقات واواصر ماعندها علاقة بالسياسة ودي حقيقة وهذه العلاقات لا تمنح حق الجنسية لاى طرف ..كل جنسية لها شروطها وقوانينها سواء في ارتريا او في السودان ..فانت مااخدت الجنسية السودانية الا لانك استوفيت الشروط وابراهيم محمود كذلك ..وريني ايه المميزك عن ابراهيم محمود؟ هل عندك شروط خاصة بالدس كده انت مستوفيها وهو ماقدر عليها ؟ بس رجاءا ماترمي كلام ساى لاني بمقدوري برضو اجردك من الجنسية واقول عنك اجنبي وعمك كان مقاتل في موزمبيق ...مادام تبلى من غير اسانيد والسلام .. Quote: تانيا عشان تلتحق باي قوات نظامية سودانية يتطلب ان تكون سودانيا بالميلاد ومن ابوين سودانيين بالميلاد وانا والله وبكل صدق انادى معاك بالشرط ده بل وازيد ان يكون سودانيا منذ ماقبل الميلاد ...اها قصرت .. Quote: فما بالك بشخص ليس سوداني بالميلاد ويتولي رئاسة اكبر قوة نظامية في السودان ووزراة سيادية تعتبر اهم وزارة اذا انت سوداني بالميلاد فابراهيم محمود ميلاد قبل السودان زاتو ..وكلمة بالميلاد دي زاتها اقل من ان يكونها .. بالميلاد دي زيها وزي بالتجنس لغة ... Quote: وما تجي تقارن لينا بين القوات المسلحة السودانية الشاركت بعلم الدولة في حرب اسرائيل مع حرب ارتيريا عشان تبرر انه وزير الداخلية ارتيري.. ده يقولو عليه شنو هسه !!! هو احساس بالدونية تجاه مصر ولاشنو ؟ اذا دي نظرتك لمصر فليها حق تاخد حلايب واتمنى مايكون شالوها كجزاء برليف.. Quote: عندك ما يثبت انه الزول ده سوداني بالميلاد مرحب عندي مايثبت انه سوداني بالخلقة ميلاد شنو وتجنس ...تعرف الخلقة اها ابراهيم ده خلقة والسودان اتخلق بعده ؟!! Quote: الناس قالوا ليك الزول ده لحد 85 ما عنده علاقة بالسودان هسه دي بينة زول مثقف وواعي يكتب في سودانيز ؟!! قال الناس قالوا !!!! هههههههههههههههههههههه شفت مسرحية شاهد مشافشي حاقة ؟!! Quote: اما حكاية حنفصل الشرق وديل اهلنا ده كلام ما بيودي ولا بيجيب في البوست ده ياعبدالخالق مافي شي يدعوا للانفصال غير الظلم والاضطهاد والاقصاء والتهميش .. مشكلتكم عاملين فيها اسياد بلد رغم انكم والله مابتزيدوا عن الناس لا بالتاريخ ولا بملكية الارض ولا غيره اذا انت شايف نفسك اصلي فنحن والله الالف والصاد واللام ..واذا شايفنا اجانب نحن برضو بامكانا نوريك جيت من وين لكن ده مااسلوبنا ونؤمن بان السودان للجميع ويسعنا فاما تحترموا الحاجة دي او كمان كل واحد يمشي لحال سبيله تعال الشرق شوق قبايل السودان الفيهو عشان تعرف معنى التعايش والقبول بالاخر .. اساليبكم دي هي البتكره البعض في انه يكون معاكم في بلد واحدة .. Quote: مع خالص احترامي ولك تقديري واحترامي

---

Post: #142 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-25-2013, 05:10 PM Parent: #140 الاخ فايز سلام Quote: انا لمن اتكلمت عن خصوصية الشرق مع ارتريا بتكلم عن علاقات واواصر ماعندها علاقة بالسياسة طيب ما مشكلتنا انه السياسة هي الاتدخلت عشان تدي زول رئيس اتحاد طلبة ارتيريا منصب سيادي في دولتنا..مقدر انك تكون عندك علاقات متميزة مع جيرانك في ارتيريا بحكم علاقتك وصلات القربي بس زول كان عضو الجبهة الشعبية ورئيس الاتحاد يجي يبقي وزير داخلية دولة وتدافع عنو ما سبقك عليها زول وقلت ليك الزول ده لما كان والي كسلا جنس ارتيريين دون وجه حق واتفصل بسببو ضابط من وظيفتو Quote: وريني ايه المميزك عن ابراهيم محمود؟ بتميز باني ما كنت عضو في اتحاد طلبة مصر بحكم انني نوبي ومشترك مع النوبة المصريين بتميز اني ما حملت جنسية مصر ياخ بتميز باني سوداني بالميلاد ازيدك والا كفاية؟ Quote: بس رجاءا ماترمي كلام ساى لاني بمقدوري برضو اجردك من الجنسية واقول عنك اجنبي وعمك كان مقاتل في موزمبيق عادي طالما وزير الداخلية ارتيري بتقدرو والله مافي حاجة مستبعدة Quote: ده يقولو عليه شنو هسه !!! هو احساس بالدونية تجاه مصر ولاشنو ؟ اذا دي نظرتك لمصر فليها حق تاخد حلايب واتمنى مايكون شالوها كجزاء برليف.. ياخوي انت يفهموك كيف؟ الجيش السوداني لو حارب بقرار من الدولة في الواغ واغ بختلف عن انو زول بشخصو يحارب يعني عمر البشير بيحارب هنا تحت لواء وعلم السودان بس وزيرك ده حارب تحت ياتو لواء؟؟ كان شايل علم السودان؟ زولك حارب باسم دولته باسم ارتيريا Quote: عندي مايثبت انه سوداني بالخلقة ميلاد شنو وتجنس ...تعرف الخلقة اها ابراهيم ده خلقة والسودان اتخلق بعده ؟!! يمين لو مشيت للخلقة الزول ده ارتيري ويمكن اسمو ذاتو تسفاي Quote: مافي شي يدعوا للانفصال غير الظلم والاضطهاد والاقصاء والتهميش .. مشكلتكم عاملين فيها اسياد بلد رغم انكم والله مابتزيدوا عن الناس لا بالتاريخ ولا بملكية الارض ولا غيره كل الناس عندهم احساس بالاضطهاد والحل ما حيكون بالانفصال بس لو دايرين تنفصلوا عشان قلنا ليكم وزير الداخلية يحمل الجنسية الارتيرية ما بنقدر نقول ليك لا علي فكرة مافي زول قال ليك الوزير ما قريبك بس قلنا الوزير ما بيحمل الجنسية السودانية Quote: تعال الشرق شوق قبايل السودان الفيهو عشان تعرف معنى التعايش والقبول بالاخر مافي زول بيقدر يقول بغم في قبائل الشرق وفي تعايشهم السلمي وتضحياتهم من اجل الوطن ولكن هذا لا ينفي مثبت تحياتي وودي

---

Post: #149 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 08:02 AM Parent: #142 عبدالخالق ...سلامات .. Quote: بس زول كان عضو الجبهة الشعبية ورئيس الاتحاد يجي يبقي وزير داخلية دولة وتدافع عنو ما سبقك عليها زول وهل في زول سبقك في كونك تقول لسوداني سيد بلد انه اجنبي من غير ماتجيب مايثبت ؟ هل في زول سبقك في انو ادلتك لاثبات اجنبية ابراهيم محمود هي على شاكلة فلان قال وعلان تمنى ؟ Quote: بتميز باني ما كنت عضو في اتحاد طلبة مصر بحكم انني نوبي ومشترك مع النوبة المصريين بتميز اني ما حملت جنسية مصر ياخ بتميز باني سوداني بالميلاد ازيدك والا كفاية؟ مع احترامي وتقديري ليك وللنوبة مافي شي يميزك عن ابراهيم محمود في الهوية السودانية .. هو يتميز عنك في انك انسان عادي وهو وزير داخلية يتميز عنك في انه مستضيفك في ارضه في شرق السودان وانت بعين قوية عايز تزايد عليه في هويته . وبالمناسبة لو انت قلت انو اجنبي ووزير داخلية معناها بتديهو ميزة زايدة عنك وهي انه اجنبي ووزير داخلية وانت ود بلد وقاعد ساى .. Quote: Quote: عندي مايثبت انه سوداني بالخلقة ميلاد شنو وتجنس ...تعرف الخلقة اها ابراهيم ده خلقة والسودان اتخلق بعده ؟!! يمين لو مشيت للخلقة الزول ده ارتيري ويمكن اسمو ذاتو تسفاي ياعبدالخالق اللغة العربية دي لها متدرادفات يعني من السياق تقدر تفهم انا بعني شنو من عبارة سوداني بالخلقة سوداني بالخلقة يعني الزول ده سوداني لانه اتخلق في السودان مش لانه خلقته تشبه السودانيين هم السودانيين متين بقى عندهم خلقة واحدة ؟ غايتو ياسودانين مادون البجا كل يوم بتدونا علم جديد في الكون . بالمناسبة اهلنا النوبيين خلقتهم اقرب لاهلي الاحباش (بقصد النوبيين الاصليين ) Quote: علي فكرة مافي زول قال ليك الوزير ما قريبك بس قلنا الوزير ما بيحمل الجنسية السودانية وبالمناسبة لو مفتكر اني بدافع عن الوزير لانه قريبي بتكون غلطان الوزير ما من قبيلتي ولا عندنا قرابة دم لكن قرابتي بيهو هي الشرق الجامعنا والاصل البجاوى الواحد .. وبدافع عن الشرق والبجا في هوية ابراهيم محمود ..للمعلومية فقط .. Quote: مافي زول بيقدر يقول بغم في قبائل الشرق وفي تعايشهم السلمي وتضحياتهم من اجل الوطن النبي فيك تقول بغم ... الاخ عبدالخالق انت وغيرك قلتوا ابراهيم محمود ماسوداني ، واى ادعاء اكيد مقرون ببينة وادلة يلا نحن الليلة ماورانا شغل منتظرين منك تثبت لينا :- 1- ان ابراهيم محمود ماسوداني . 2- كان مقاتل في الجبهة الشعبية . 3-رئيس اتحاد طلاب ارتريا في مصر . مع العلم ان 2 و 3 لاتثبت 1 . * بس كان تعز النبي ماتقول لي زميلي قال واتخيل لي والترابي حلم وافلاطون وصى ...ممكن اخي عبدالخالق ؟!! تحياتي ،،

---

Post: #155 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-26-2013, 01:10 PM Parent: #149 سلام يا فايز Quote: وهل في زول سبقك في كونك تقول لسوداني سيد بلد انه اجنبي من غير ماتجيب مايثبت ؟ هل في زول سبقك في انو ادلتك لاثبات اجنبية ابراهيم محمود هي على شاكلة فلان قال وعلان تمنى ؟ ما قلنا ليك فلان قال وعلان فال كلامنا واضح الزول ده رئيس اتحاد طلبة ارتيريا في جامعة الاسكندرية Quote: يتميز عنك في انه مستضيفك في ارضه في شرق السودان وانت بعين قوية عايز تزايد عليه في هويته . مستضيف منو؟ انت ما قروك تاريخ والا شنو يا اخوي؟ بس بالرغم من ده ما بنقول الا انه دي اراضي سودانية لو مشينا علي اريتريا تجي تتكلم Quote: غايتو ياسودانين مادون البجا كل يوم بتدونا علم جديد في الكون . بالمناسبة اهلنا النوبيين خلقتهم اقرب لاهلي الاحباش (بقصد النوبيين الاصليين ) كويس اننا شبه الاحباش لانهم اصحاب حضارة الاحباش هم الاثيوبيين طبعا Quote: وبالمناسبة لو مفتكر اني بدافع عن الوزير لانه قريبي بتكون غلطان الوزير ما من قبيلتي ولا عندنا قرابة دم لكن قرابتي بيهو هي الشرق الجامعنا والاصل البجاوى الواحد .. وبدافع عن الشرق والبجا في هوية ابراهيم محمود ..للمعلومية فقط .. انت طبعا العصبية القبلية عمتك نهائي ولدرجة انك داير تفصل الشرق عشان الناس قالت الوزير يحمل الجنسية الارتيرية وبالمناسبة في فرق بين يحمل الجنسية وانه بجاوي.. عادي هسه انت ابوك يكون من الجانب الارتيري يا فايز وانت جيت شلت الجنسية السودانية بس الما عادي انك تبقي وزير سيادي Quote: واى ادعاء اكيد مقرون ببينة وادلة يلا نحن الليلة ماورانا شغل منتظرين منك تثبت لينا :- 1- ان ابراهيم محمود ماسوداني . 2- كان مقاتل في الجبهة الشعبية . 3-رئيس اتحاد طلاب ارتريا في مصر . يا زول نحن مافي محكمة وما مجبرين اننا نثبت اشياء معلومة لدي الجميع بالضرورة وتانيا البوست ده فاتحو انت بناءا علي كلام ناس وبتنفي الكلام انت المطالب باثبات كلامك ،،،،،،،،،،،،،،،،،، فتناك بعافية ولعلمك هذه الحكومة من اهدافها تغيير الخارطة السكانية للسودان بتوطين المصريين في الشمال (وده علي فكرة نحن ما ممكن نرضي بيهو ) وتسكين عرب غرب افريقيا في دارفور وتمليك الارتيريين في الشرق فبالله خليك من عصبية ديل اهلي واوعي لمخطط الكيزان سلام ياخ

---

Post: #156 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 02:50 PM Parent: #155 عبدالخالق ...سلام Quote: مستضيف منو؟ انت ما قروك تاريخ والا شنو يا اخوي؟ بس بالرغم من ده ما بنقول الا انه دي اراضي سودانية لو مشينا علي اريتريا تجي تتكلم ولانها اراضي سودانية نحن قبلنا بيكم فيها لذلك اوع تطاول على ولي نعمتك فيها بعدين ارتريا نحن بنمشيها وحانمشيها ونلف في شارع كمشتاتو ونتجدع في عيلا برعد ونقعد في جيرا فيوري في كرن وفي قزباندة طليان ونجي نكمل جديعنا في جبال التاكا ونشرب من موية توتيل وناكل من سواقينا.. اها لو ناوى تمشي ارتريا ادينا خبر عشان نوصي ليك اهلنا هناك Quote: كويس اننا شبه الاحباش لانهم اصحاب حضارة الاحباش هم الاثيوبيين طبعا ديل بالذات مابتقدروا تنسوهم فقايدهم - قايدنا - العظيم( عيزانا) - الله يطراه بالخير - دك مروى ودقاها دق العيش ومزقها كل ممزق لمجرد ان تطاول احدهم على رعايا الحبشة ولم تقم لمروى قائمة منذ ذلك التاريخ وحتى لحظة كتابة هذه المداخلة واصبحت معلم لغضب الحليم .. ابحث عن عيزانا في قوقل وخذ العبرة Quote: انت طبعا العصبية القبلية عمتك نهائي ولدرجة انك داير تفصل الشرق عشان الناس قالت الوزير يحمل الجنسية الارتيرية برغم اني لم ادعوا لفصل شرق السودان لكن طالما السودان فيهو امثالك وامثال اى عنصري متطاول فاكيد اتمنى ذلك لكن ان شاء الله لن نحتاج الى ذلك فالامور ماشة كما نتمنى والمخطط كماينبغى لكن اوعدك لو الشرق انفصل اخوانا في حلفا الجديدة (قرايبك) سيظلوا كم هم اعزاء مكرمين بس جنسيتهم ماحاتكون بالميلاد ..حاتكون بجاوى بالعيشة .. Quote: وبالمناسبة في فرق بين يحمل الجنسية وانه بجاوي.. ده عربي يامرسي ؟!!! Quote: عادي هسه انت ابوك يكون من الجانب الارتيري يا فايز وانت جيت شلت الجنسية السودانية بس الما عادي انك تبقي وزير سيادي ممكن عاااااااادي لذلك مووووووووت بغيظك او انتحر حيث انت .. الخوف الحكومة الجاية تجيب تسفاى راسو عديل في وزارة الدفاع Quote: وتانيا البوست ده فاتحو انت بناءا علي كلام ناس وبتنفي الكلام انت المطالب باثبات كلامك يازول لو انت مانصيح كلمني عشان مااتعب نفسي ساى قريبك قال ابراهيم محمود اجنبي وجبنا كلامه مصور تقول لي كلام ناس ؟! Quote: لعلمك هذه الحكومة من اهدافها تغيير الخارطة السكانية للسودان بتوطين المصريين في الشمال (وده علي فكرة نحن ما ممكن نرضي بيهو ) خلاص لمن نجيك هناك ماترضى عليك الله - هو البودينا هناك شنو ؟ - بعدين انتو لمن جيتو الشرق (حلفا الجديدة) ماتغيرت خارطته ليه ؟ ولا انتو كنتو بجا زعلانين ورجعتو لارضكم تاني ؟!! Quote: وتسكين عرب غرب افريقيا في دارفور وتمليك الارتيريين في الشرق فبالله خليك من عصبية ديل اهلي واوعي لمخطط الكيزان سلام ياخ مادام ده اعتقادك فنحن ندعم المخطط والشرق حقنا ونسكن فيهو من نشاء ونحرم من نشاء .. انت الحارق رزك شنو ؟!!.. Quote: فتناك بعافية مالك مستعجل ماتشرب قهوتنا الحبشية .. تحياتي واحترامي ..

---

Post: #150 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 08:27 AM Parent: #136 الاخت سهام ....سلام .. Quote: يافايز هل في كلامي شئ ضد اومع انا تكلمتا معاك بمنطق ياسهام كلامك الاول مافيهو منطق لانك طلبتي مني اثبت ان ابراهيم محمود سوداني وده كلامك Quote: لو أثبتا انه سوداني اذا الزول دا مظلوم ومامن حق اي انسان انه يقول اجنبي والمنطق والقانون يقول البينة على من ادعى ... فهل طلبتي من الاخ امير وغيره انهم يثبتوا ان ابراهيم محمود ماسوداني ؟!! لو ماعملتي كده اذاً فأنت ضد مع احترامي وتقديري وغير منصفة ... Quote: يعني ساركوزي اوكارلوس منعم كان يشار لاصولهم الاجنبيه بس ماكان في رفض وكانت حقيقه اذا انا ماشايفه انه فيها حاجه انو يذكروا اصولوا وبعدين تجي فكرة الرفض او القبول يااخت سهام الاتيان بحالة ساركوزي وكارلوس منعم تكون لحالة مشابهة ولشخوص متجنسة ولا تقال لسوداني بالخلقة ..اذا لاعبرة بالتشبيه .. Quote: لانه ماشرف الانسان يكون سوداني ولا عيب انه يكون ارتري والارايك شنو بالتأكيد اختي سهام.. وانا كفايز اعتز بتداخل اهلي مابين ارتريا والسودان وافتخر جدا بهذا الانتماء وافدى السودان وارتريا بكل مااملك .. Quote: ولييييييييييه انا بس السالتني من جنسيتي يافايز يأخ امير زاته ماسالتو تسألني انا اشمعنى يااخوي بس عشان اثبت ليك ولغيرك انك سودانية لانك استوفيتي شروط الجنسية مش لمجرد اصولك البعيدة او القريبة كانت في السودان منذ الخلق الاول ...وعشان اوريك انت وانا وغيرنا وابراهيم محمود نشترك في هذا الاستيفاء .. فلم المزايدة من البعض ؟!! بعدين منو القال اني سالتك عن جنسيتك وماسالت امير ؟ امال سؤالي عن ( انتو منو وتطلعو شنو ) ده لمنو ؟!!! تحياتي واحترامي ،،

---

Post: #132 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-24-2013, 10:46 PM Parent: #129 يا قريبي معليش شكلي اخدت راحتي في البوست فعذرا بجاوي انا.... حيث يشمخ وجهك القمري يغمر الكون بدفقات الضياء وحيث تضج سماوات حزنك بين الموت والميلاد عمرا ينزف حنينا وحريرا وحفاوة تتجلى في عمقك البدوي دلالات الوطن المفعم طهرا ونقاء واصالة تبث في عروق الارض أسرار الخصوبة تسكب فيها كؤس العز تحررها من ذل السؤال وتتطل من نافذة التهميش تسخر من قبح السجن والسجان والجلاد وجوقة الكهنة وحملة المجامر والبخور اللئام وتحتويك هالات الفخار وتسورك الحمائم والغمائم والعمائم العاشقات فينداح رسمك ووسمك رمزا يفيض القا وجلال يتأطر فوق اكمام الورد كحبات الندى الرقراق حين تهطل فضاءات حسنك فرحا خرافيا يبلل ظمأ الفصول القاحلات وعلى كفيك الخشناوين تنبت أغنيات الفرح المزمل بالهواجس والحزن النبيل بجاوي أنا ومن رحم الجراحات الاليمة ومن هجير المدن الطاردات ومن ذوب الهوى ومن ركام الذكريات المريرة صيغت خلاياي وعلى جمر المعاناة مجدولا ومشتولا ومشويا وحدي أحدق في مرايا الزمن الرمادي العقوق استقرأ فصول مأساتي استرجع في مخيلتي جحافل من سرقوا الابتسامة من طفلي ومن مزقوا ثوبي وصنفوني في عقلهم الجمعي سرا بأني أغرد خارج السرب وأني احلق خارج اطار التاريخ نهبوا حقوقي ... اغتالوا في البراءة والحضور اماتوا في شراييني بهجة العمر ووهج الحياة باستعلاء مزيف اشاعوا بأنهم كرام الأصل والنسل والفصل صبوا ظلام اباطيلهم في الطرقات والمنعطفات والفلوات لحطتها اسلمت روحي لسيل التساؤلات المفجعة من أنا ؟ومن أين أتيت ؟ولماذا؟ وما المصير؟ بح صوت المغني والصدى والصوت الشغوف يعانق البيداء يا أوشيك! يا حمد علي ويا إدريس ؟ اما زلت تحلم بحزم السواك تسومها في الطرقات وعبر نوافذ الحرمان وقرب محطات القطار أما زلت تحن لاتكاءة خضراء تحت ظلال الدوم تنسج من سعف الجراحات أغنية لمن مضت ذات يوم حين انهد جدار الجب فانشطرت الى نصفين نصف يلعن التاريخ والشهود والمخبرين ومن دفعها لهول المصير .. ونصف يلعن العالم الموغل في النرجسية والخواء وتاليه الذات

---

Post: #138 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: مبارك عثمان Date: 02-25-2013, 03:22 PM Parent: #1 ما حد يزعل من اصلوا البلد النحن فيها كل زول عارف نفسوا جاء من وين السودان كل زول عارف نفسوا جاء من وين تبقى وزير ولا رئيس دي ما تغير شئ طمبل من حقوا يزعل لان جدوا دافن حجر يبن اصلوا من ستة الف سنة جيت عملت انقلاب بالليل وداير ترميهو في البحر سِــــــــــــــــــــــــــــــــــــــــــــــــــــــــــــــــــــــــــــــــــــــلام

---

Post: #139 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abureesh Date: 02-25-2013, 03:46 PM Parent: #138 Quote: عندك ما يثبت انه الزول ده سوداني بالميلاد مرحب الناس قالوا ليك الزول ده لحد 85 ما عنده علاقة بالسودان الناس قالوا ليك.. يا فايز الناس قالوا ليك، ما تسمع واللا شنـو؟!!!!!!!!

---

Post: #146 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبد الخالق امن الله Date: 02-25-2013, 06:00 PM Parent: #139 Quote: الناس قالوا ليك.. يا فايز الناس قالوا ليك، ما تسمع واللا شنـو؟!!!!!!!! ابوالدقيق قالو شيخو الترابي انو لحد 85 كان تبع الجبهة الشعبية

---

Post: #141 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-25-2013, 04:51 PM Parent: #138 Quote: طمبل من حقوا يزعل لان جدوا دافن حجر يبن اصلوا من ستة الف سنة والنعم في اصلوا . لكن يزعل من شنو ؟ في زول هبش اصلوا ؟ ولا قالوا ليه ابراهيم محمود ده سرق الحجر اب ستة ده ؟!! Quote: جيت عملت انقلاب بالليل وداير ترميهو في البحر الكمسارى وين ياجماعة عشان يرجع للزول ده قروشه

---

Post: #143 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: هاشم نوريت Date: 02-25-2013, 05:11 PM Parent: #141 يافايز ديل اولاد البلد اليقعدوا يقوموا على كيفهم وفوق رقاب الرجال مجرب سيفهم الله لينا نحن الاجانب الله فرجينى

---

Post: #144 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abureesh Date: 02-25-2013, 05:14 PM الترجمـة: كسلا أرضنـا ما بنعرفهـا لزول تانى

---

Post: #145 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: Abureesh Date: 02-25-2013, 05:42 PM الترجمـة: كسلا أرضنـا ما بنعرفهـا لزول تانى الفنان الشرقى العظيم حامـد عبدالله عنجـة.. تخيل طيلـة العقود لم يهتم به التلفزيون (القومى) قال فى إحدى إغنياته الوطنيـة: سقـا طراى قبأنا لتقاليو هيبى وترجمتها: صرنا مثل اللحم النى الذى تتخطفـه (النســور). إشـارة الى التهميش والتجاهل من (كل) الحكومات المركزية. أكثر شئ مستغرب له ان البعض يطالب بكل جراءة ابراهيم محمود ليثبت أنه ســودانى.. يعنى المتهم مدان حتى يبرئ نفسـه!!! هنرى كسنجر وزير خارجيـة أكبر دولة فى العالم حضر الى امريكا فى سن السادسـة عشر، وحتى الان يتحدث بلكنـة المانيـة.. و إشفارتزنقر حاكم أكبر وأغنى ولايـة فى أمريكا جاء اليها وهو شاب كبير.. حتى حين فاز برئاسـة الولاية سى أن أن نقلت إحتفالات النصــر من النمسـا التى ينتمى اليها أيضـاً نقلا حيـا.. وقـد إحتفل النمسويون بفوز (ولدهم) حتى الصباح. إبراهيم محمود ســـودانيته لا تثبتها ورقـة اسمها الجنسيـة، ولا دفتر اسمـه باسبورت، وإنما تثبتها مدينـة كسلا .... يثبتها أهله وتأريخـه وتثبتها ارضـه وترابـها وورقتكم دى بلوها وأشربوا مويتها... الشباب هنا العاملين معارضين حكومـة الإنقاذ، أهو داك إبراهيم محمود عارضوه كإنقاذى مافى مانع.. لكن من فضلكم أكتبوا كلام قدركم وما تتعدوا الحدود وكونوا مسؤولين لأن الكلمة مسؤوليـة.

---

Post: #151 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 08:37 AM Quote: الله فرجينى والله ياقريبي لو الحال استمر كده حانقول الله افصليني

---

Post: #147 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: صلاح عثمان Date: 02-25-2013, 06:26 PM Parent: #141 اخي العزيز ود القاضي تحياتي واشواقي نحن نعرف سودانية وزير الداخليه ولا احد ينكر ذلك وانه سوداني حتى النخاع والذين شككوا في جنسية وزيرالداخليه هم معارضي الانقاذ نكاية بها وقبل يومين كان متغدي معاي الاخ محمد عثمان يماني ابن كسلا ودار لغط حول هذا الموضوع حيث اكد الاخ محمد عثمان بان السيد ابراهيم محمود كان يسكن بحي الختميه ويعمل في الارشاد الزراعي اعجبني جدا حماسك ودفاعك عن قبيلتك ولكن اخي العزيز الا تتفق معي انه يجب علينا جميعاان ننادي بالدوله القوميه الوطنيه القائمه على مفهوم الوطنيه الجامعه لكل اهل السودان وان نتمسك بمفهوم المواطنه والذي يجب ان يتمتع به كل سوداني والذي يعني حق الشراكه في الوطن والمساهمة في بناءه وتعميره وحمايته وان يكون السودان دوله وطنيه اساسها وطني وليس قومي عرقي ونحن السودانيين جميعنا تجمعنا الهويه الوطنيه والانتماء والسودان هو بلادنا ودولتنا جميعا"السودان لكل السودانيين" ارجوا من الله ان يحفظ السودان وان يكون ولاءنا وانتماءنا له وان يربط بيننا جميعا الرابط القومي الذي يدعو لوحدة الوطن وان تكون حقوق المواطنه حق لكل المواطنين الذين يحملون الجنسيه السودانيه على اساس الوطن المشترك ووحدته وان ذلك بالتاكيد افضل وارقى من الاجتماع على وحدة الهويات العرقيه والعنصريه وهذا النقاش الذي يدور في هذا البوست ذكرني بان احد قيادات الانصار ذكر لي بان احد افراد حزب الامه كان زعلان من موقف الحزب العقلاني تجاه الانقاذ وكان ينادي بحمل السلاح واسقاط الانقاذ باي شكل كان وعند سؤاله اذا اندلعت حروب قبليه وتمزق السودان هل ستقف معنا قال: لأ طبعا مع قبيلتي وهذا بالضبط ما نخشاه مع تحياتي لك

---

Post: #148 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-25-2013, 10:34 PM Parent: #147 فائز ود سب سلام.... ان فتات المؤائد الحلزونية ومصائد الشيطان تتلوى من تخمة المال والمأكل وحين تمد يدك لتأخذ ما يسد رمقك من الجوع وتحاول ان تتلحف بعبأة العزة والكبرياء من زمهرير البرد القارص وان تحاول ان تتخذ من الأرض مفرشا" تفترشه وتأخذ بيدك رقعة من بقايا الكرامة تلتحف بها . يرفضون ذلك وعندما تأخذك عزة نفسك لاسترداد ما منع عنك يتعالي صوت زائف بوحدة المصير المر والاتحاد مع قوى الكهنوت الئام انه زمن التوعك والانكفاء5

---

Post: #153 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: ادم شحوتاي Date: 02-26-2013, 10:10 AM Parent: #148 الإبن فايز ومحاوريه تحية وسلام كل من يشكك في هوية هذا الرجل ابراهيم محمود عليه ان يشكك في هوية الشرق وتبعيته للسودان وفي هذه الحالة يمكن ان نتفهم وجهات النظر الأخري ونقول لكل واحد ربنا يسهل دربه .. البجة لم يشككوا يوماً في هوية اي سوداني وخاصة اهلنا النوبة لهم مع البجة جوار وتواصل وهم اقدم الشعوب قبل السودنة والسودان مع البجة فعليه نأمل ان لا يزاود علينا احد في الهوية والانتماء .. ملاحظة : عدل لإدخال كلمة لا

---

Post: #152 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 09:30 AM Parent: #147 الاخ الصفوة المحترم جداً ..صلاح عثمان ..ياخي ليك وحشة والله .. Quote: نحن نعرف سودانية وزير الداخليه ولا احد ينكر ذلك وانه سوداني حتى النخاع والذين شككوا في جنسية وزيرالداخليه هم معارضي الانقاذ نكاية بها انت عارف يااستاذ صلاح الشي المؤسف ان الانقاذ رغم بؤسها وجورها هي الوحيدة التى اعطت امثال ابراهيم محمود من مهمشي الشرق ان يكونوا في وزارات سيادية رغم قناعتي بانها صورية واستغلالية لكن فاتت من سبقوها في ذلك بكل صدق .. المعارضة رغم اني منها لكن عندما كانت في الحكم اصلا ماكنا نحلم بأن نكون موظفين في إدارة حكومية ناهيك في وزارة سيادية ... اتاسف وانا اعطي هذه الميزة للكيزان .. Quote: اعجبني جدا حماسك ودفاعك عن قبيلتك استاذ صلاح تصحيح للمعلومة لمن يعتقد اني ادافع عنه لانه من قبيلتي ابراهيم محمود يجمعني به السودان كما يجعني باخ عزيز مثلك انا وابراهيم لسنا من قبيلة واحدة ولكن جمعنا السودان والشرق والبجا والمدينة ادافع عنه لانه يمثلني في الهوية الشرقاوية البيجاوية واى مس لهذه الهوية بالتأكيد خط احمر وهي الحاجة الوحيدة البتلمنا بالسودان .. Quote: ولكن اخي العزيز الا تتفق معي انه يجب علينا جميعاان ننادي بالدوله القوميه الوطنيه القائمه على مفهوم الوطنيه الجامعه لكل اهل السودان وان نتمسك بمفهوم المواطنه والذي يجب ان يتمتع به كل سوداني والذي يعني حق الشراكه في الوطن والمساهمة في بناءه وتعميره وحمايته وان يكون السودان دوله وطنيه اساسها وطني وليس قومي عرقي ونحن السودانيين جميعنا تجمعنا الهويه الوطنيه والانتماء والسودان هو بلادنا ودولتنا جميعا"السودان لكل السودانيين" ارجوا من الله ان يحفظ السودان وان يكون ولاءنا وانتماءنا له وان يربط بيننا جميعا الرابط القومي الذي يدعو لوحدة الوطن وان تكون حقوق المواطنه حق لكل المواطنين الذين يحملون الجنسيه السودانيه على اساس الوطن المشترك ووحدته وان ذلك بالتاكيد افضل وارقى من الاجتماع على وحدة الهويات العرقيه والعنصريه ده كلام العقل اخي صلاح واتفق وابصم بالعشرة عليه ورغم ايماننا ودعواتنا لذلك نُقابل بالاقصاء في الهوية ونتهم بالاجانب .. كيف يمكن تحقيق الدولة القومية والوحدة الوطنية في ظل هذه الاقصاءات ؟ هما خياران اخي صلاح : يااما نقبل ببعضنا في ظل دولة واحدة تحترم هذه التنوعات - كما تفضلت انت - او كمان كل واحد يعيش في ارضه التاريخية .. ارض البجا لمن تكن يوما جزء من ارض النوبة ولا العكس ولمن تكن يوما ضمن كردفان او دارفور ولكن بإرادتنااصبحنا ضمن هذا السودان لذلك لايزايد علينا اى منهم في انتماءنا لارضنا نحن ماجينا لزول في ارضه وقلنا ليهو انت اجنبي وعشان كده وعلى نسق اغنية ( رجب حوش صحبك عني ) .. نقول ليك ( ياصفوة حوش قرايبك عنا) .. تحياتي واحترامي وتقديري الذي تعرف اخي صلاح ..

---

Post: #157 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-26-2013, 06:41 PM Parent: #152 Quote: Quote: الناس قالوا ليك الزول ده لحد 85 ما عنده علاقة بالسودان يا فايز الناس قالوا ليك، ما تسمع واللا شنـو؟!!!!!!!! وقسما بالله ياابوالريش مافي زول قال لي كدي اسال عم آدم يمكن يكونو قالوا ليهو وانا مافي او يكونو قالوا لهاشم نوريت وعمل نايم الغتيت .

---

Post: #158 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عبدالعزيز الفاضلابى Date: 02-26-2013, 07:35 PM Parent: #157 يعني ياود القاضي مداخلتي دي عوز ترَوِّبا ولاَّ فهمك شنو؟ تحياتي

---

Post: #160 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: فايزودالقاضي Date: 02-27-2013, 08:10 AM Parent: #158 حبيبنا عبدالعزيز الفاضلابي ..الرجل الفاضل ..سلامات Quote: يعني ياود القاضي مداخلتي دي عوز ترَوِّبا ولاَّ فهمك شنو؟ تحياتي الدسم كلو في الروب يافاضلابي .. والله بحاول ارد على كل الناس حتى اخوانا التحت وماملحق وبقدم اخوانا الضد قبل المنصفين والمعتدلين امثالك وانت عارف الواحد قاعد في طرف الحدود وكل مايشمي ينوم يصحى يلقى نفسه في ارتريا نصحى ونرجع الشرق وتاني يحصل نفس الشي مع عبدالخالق ورهطه مش حاتعرف تنوم في الحدود فلك العتبيى عزيزي عبدالعزيز حتى ترضى Quote: سلامات يافايز ذكرتني صاحبي عوض ـ وهو من شرق السودان. كان بعض زملاءنا ـ بعضهم جبهجية ـ يتناقشون في موضوع تطبيق الشريعة وكان نقاشهم جدلي ـ واخونا عوض يعاين ليهم بعين متعجبة وبعد ان انصرفوا عن الموضوع قال لهم: الدين ده اصلو جاء قاطع البحر بي عندنا ـ لوعارفينكم بتعملوا فيهو كده كنا قفلناه من هناك. يافاضلابي الناس دي ماداير تفهم ان السودان بلد كونه استعمار بشكله ده يعني لايمكن ان تعترف بالحدود السياسية وترفض ماصنعته هذه الحدود اخوانا ديل قاطعين صحارى الشمال ومزارع الوسط وجايننا في ارضنا عشان يقولوا لينا انتو مامن السودان زي ديل عليك الله تقول عليهم شنو ؟!! Quote: انا معاك مافي زول عنده الحق يحدد لي زول هويته. بالجنبة كدي : مرة زوجتي كانت بتشوف معاي في الكورة ـ هي من ناس الزريبةـ عجبها لعب المريخ غسبا عنها ـ وبالذات لعب كلتشي ـ كان في يومه. قالت لي إنت ياعبدالعزيز ـ ناس الحكومة ديل مايجيبوا وزراء اجانب محترفين وكت اصلهن غلبن البسووهو. قلت لها .. والله فكرة. والله ياشيخ العرب مرتك دي رغم عدم حكمتها في كونها هلالية الا انها حكيمة في كلامها الزولة دي جواها صفوة فحاول رضيها بكم غويشة وخليها ترجع لصوابها .. نسال الله لها الهداية ولنا الثبات .. تحياتي ياحبيب والعفو والعافية ..

---

Post: #161 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: محمد جلال عبدالله Date: 02-27-2013, 10:33 AM Parent: #160 حبيبنا ود القاضي .. بالتأكيد ليس من حق أحد أن يشكك في جنسية مواطن سوداني أيا كانت الأسباب فكونه توجد قوميات سودانية لها امتدادات في دول الجوار هذه مسألة معروفة وهي موجودة في كثير من قبائل السودان ولا تنقص من مواطنة الشخص شيئا .. ولا ينبغي وأتساءل ببراءة: لماذا لا يشكك الناس في جنسيات بعض السودانيين الذين لهم امتدادات في مصر مثلا؟ إذا كان ذلك لا ينقص من سودانويتهم شيئا، فيجب كذلك ألا ينقص من سودانوية غيرهم أما مسألة التشكيك في جنسية وزير الداخلية فأذكر أن أول من قالها الترابي وهي في إطار المكايدات المعروفة بين الإخوة الأعداء - كما تعلم - تحياتي واحترامي

---

Post: #162 Title: Re: انتو منو وتطلعوا شنو عشان تصنفوا الناس ده أجنبي وده سوداني ؟ !!!! Author: عماد الدين ضرار Date: 02-28-2013, 06:31 AM Parent: #161 Quote: فايز سلام.....بدل اللفه الطوييييله دي تجيب معلومات تبين انه الشخص دا سوداني ميه الميه وانتهى الموضوع يعني تداخل تخارج دي موجوده في كل انحاء العالم لكن اي جزء من اي قبيله حدوديه ينتمي للدوله الموجود فيها......لو أثبتا انه سوداني اذا الزول دا مظلوم ومامن حق اي انسان انه يقول اجنبي........اذا ماسوداني أومن قبيله حدوديه بس من فرع ارتريا اذا دافع عن انه بحمل الجنسيه او ادفع بكل منطق إليك لتقنع الناس انه لو أر تري من حقه يتولى وزارة الداخليه بس انت خلطا السم بالدسم يعني عملتها كانوا الزول دا قاصد انه اي وزير من الشرق الحبيب معناه اجنبي ودا كلام ما بخش العقل هو قصده كشخص وردت عنه معلومات كثيره انه ماسوداني انفيها وما تعمم الموضوع علي الشرق كله وانت قبل كدا في بوستات عنصريه تداخلتا فيها بسخريه ذي البوست بتاع لكل الطفيليين السكنوا الخرطوم ليييييه ماحرقك وهو اساءا فيه لناس كتاااااااار وكلمه واحده في حق زول عامل ليها الكتاحه دي كلها..... ويجيب معلومة تثيبت ليه ولي منو ومنو الاصلاً اكتر اصاله منو