Post: #4 Title: Re: كيف شايل همك وشجن الغربة وآهة شوقك وطول الليل Author: إدريس محمد إبراهيم Date: 02-19-2013, 08:44 AM Parent: #3
شكراً جزيلاً أخي العزيز / أحمد سيد أحمد لفتح هذه النافذة الرائعة حتي يتمكن الجميع من أن يطلوا على هذا الفنان الباذخ .... صديقي خلف الله ود الشيخ .... وهو بالمناسبة زميل قديم في هذا المنبر فقد كلمة السر ولم يتمكن من استعادتها حتى الآن .....
خلف الله رجل شاعر جميل وفنان مطبوع ... قام مؤخراً خلال زيارته للسودان بتسجيل سهره كاملة مع قناة قوون الفضائية ضمنهّا خمس أعمال جديدة من ضمنها عمل خاص لي ... وستبث قريباً بمشيئة الله .... قبل أسبوع كنت بمعيته وسهرنا معه بمنزله العامر ....
يا سلام لو عندك تسجيل لرائعته "البلد كيفنها" ..... تتحفنا به لتزيد هذه المساحة نضاراً وبهاءً ....
لك وله خالص التحايا والحب ....
مع خالص ودي وتقديري ؛؛؛؛
Post: #5 Title: Re: كيف شايل همك وشجن الغربة وآهة شوقك وطول الليل Author: احمد سيد احمد Date: 02-19-2013, 11:34 AM Parent: #4
شكرا وضاحة وربنا يرحم نادر
شكرا اخونا ادريس على المعلومات الضافية....حقيقة الاخ الكريم خلف انا ما اتشرفت بمعرفتو شخصيا...لكن كنت في منتدى سودان فورم زميل ليهو وهو مقل جدا وما بخش كتير...بس عرفت الاغنية الجميلة دي عن طريقو هو وزودني مشكورا برابط اليوتيوب.
فانت لو قدرت جيبلينا اعمالو التانية خاصة الاغنية الاشرت ليها وتكون ما قصرت وانا برضو بحاول بهناك اراسلو
شكرا كتير على التفاصيل اخونا ادريس
Post: #6 Title: Re: كيف شايل همك وشجن الغربة وآهة شوقك وطول الليل Author: إدريس محمد إبراهيم Date: 02-19-2013, 12:01 PM Parent: #5
عارف يا أحمد أخوي .... أحسن واحد ممكن يجيب لينا الحاجات السمحه دي هنا منو ؟ ...هو أخونا الباشمهندس أمين البشاري .... ومن هنا بناشدو إنو يقوم ينكت لينا حاجات فردتو السمحه دي ويجيبها بي جاي .... وله منا كل الشكر والامتنان ....
مع خالص حبي وتقديري ؛؛؛؛
Post: #7 Title: Re: كيف شايل همك وشجن الغربة وآهة شوقك وطول الليل Author: احمد سيد احمد Date: 02-19-2013, 12:32 PM Parent: #6