شقاوة زمان، حكاوي وبلاوي ووو .....

عندما بلغنا وأصبحنا نفاخر بقناديل عيش الرّيف اليانعة وما إلى ذلك من قدرات، كان هو لم يزل يصعد بوهن كفرعِ لبلابٍ ذابل، ولم يبلّغ الرسالة ولم يؤدِ الأمانة بعد . كنت أحس بغيظه عندما يجتمع الصحاب بالقربِ من " الترتار " المغروس بعنايةٍ بالقربِ من بيتِ صديقنا ( ع ) ويتحدثون عن عاداتهم السرية المعلنة . كان " دق الحلاوة " هو غاية ما نبغي من آمال .
ذاك الترتار جعلتهُ "جعباتنا" أملساً وكأنه لم يجرّب شظف الركض في " دقداق " السروراب، واللهاث في شارع كرري حتى سوق أم درمان .
كان الزمان سمِح والعيشة بسِط والله كريم خالص خالص . الناسُ في بلدي كانوا يأكلون بليلة اللوبا العفِن، ويصلون ركعتي شكر لله . ولم يكن رياء .

ربّك رب الخير شاء أن يبلغ صديقنا ( س ) الحُلم بعد طولِ إنتظار . في ذلك الوقت كنا ندّخر مصروفنا حتى نتمكن من الذهاب في يوم الخميس إلى إحدى البيوت في بحري التي لنا فيها بعض المآرب _ وحتى لا يفهمني الذين ليس في قلوبهم مرض _ كنا نذهب لنطقطِق ظهورنا فحسب _ يعني مساج حرام .

المهم !
صاحبنا قرّر إنو يمشي معانا . أنا شخصياً أسرفت طيلة الأسبوع في أكلِ الفتّة والدندرمة، ولم يكن بحوزتي ما أستطيع إنفاقه لِقاء "طقطقة" ظهر متعب .
ولكي أظفر بالثواب والأجر أوصفت له المكان الذي سيظفر فيه ببعضِ المتعة، " والأجُر تلاقيط كما تعلمون " .

بخطواتٍ أمضى من لحاظِ السيوفِ _ مضى .
كانت ست البيت " جقّة " عظيمة الشأن واللسان . وكان يهابها الزبائن والمعـرصين وكذلك الشين كاف شين . وحاتكم كانوا يخافونها خوف الموت .
ماكم طالبني حليفة أصلاً، عشان أحلِف ليكم :) .

بإرتجافِ عودِ قصب، دخل صديقي ( س ) . كنت أعرف أنه " كبكابة " وإبرة رجولتو ما بتشيل خيتين !
ست البيت بحصافتها أدركت أن هذا الوِليد لن يحتمِل . كانت تجلس في الحوش المفروش بالرمل، الذي أحسنت واحدة من البنات قشّه ورشّه . كانت مرَا ماكنة، وبالطبع كان لديها مؤخرة ممتازةٌ سمراءُ لونها يسُر الناظرين . وحتى لا يتشابه عليكم البقر لم تكن تستخدمها في " الجقلبة ولا الجبجبة " ولا هم يحزنون . ولكنها كانت تستخدم هذا السلاح الممنوع دولياً في فضّ النزاعات التي قد تنشأ في بيتها العامر بالزبائن _ اللهم لا حسد .
أتذكر في إحدى المرات، واحد من تجّار سوق ليبيا " العربسات "، قدِم إلى بيتها ليقدّم فروض الولاء والطاعة، وأظنه لم يكن يعرفها جيداً . لقد أيقظت نار الفتنة الخامدة بسروالهِ الذي لم تعرف المكواة طريقاً إليه . كان ينظر إليها وهو يعبث بشاربهِ الكث، ثم " دردم سفّة " إن لم تخنّي الذاكرة، أعتقد إنها كانت من محل ( الجمري ) ذلك المحل الشهير الذي كان يكتب على بابهِ : لو ما فاطِر أوعى تخاطِر . دردم صاحبنا السفّة، ثم أتبعها بسجارة برنجي من غالبِ سجائرِ أهلِ السودان، ولم ينسَ أن يواصل العبث بشاربهِ . أيخال نفسه أبوزيد الهلالي ؟ .
بعد أن " قرطع كوز الموية الساقطة " وتكرّع وكأنه أحتسى الفخفخينا لتوّهِ . سألته : أها طلبك ؟ . أجابها وهو ينظر بسرورٍ إلى " دفّارها الماكِن " حتى رأيت بجلاءٍ صفارِ أسنانهِ التي جعلها عدم السواك كأعجازِ نخلٍ خاوية _ عدم السواك والتمباك . قال : طلبي الغالي تمْر السوق ده . قالها وهو يتحسّس مؤخرتها بتلذّذ وشهوة . يبدو أنه كان قافلاً عليها ( جوكر بين كرتين ) . وهذه قفلة لا يعرفها إلا مدمني ( الحريق والكونكان ) خصوصاً إن كان " مطعّماً " وربنا لا يحرمنا من طعمهِ أبداً .
ألتفتت ست البيت بزاويةٍ منفرجةٍ، ومن ثم دارت على عقبيها، وأطرقت مقدارِ نفسٍ طويل العمر من سجارةِ صاحبنا العربسات، وبان الشر في عينيها المدفونتين في رمادِ الكحلِ الكثيف . لا حياةٌ ولا موتٌ كان في عينيها . كان الشرّ وحده . و .... " صَبَطج أدتُو أُمْ كفْ في دينو " . أرتج المكان . صمت . لا لغات ولا كلام . كان أثر الصفعة يتردّد هنا وهناك . من غرفةٍ نائية جاءت واحدة تركض ولم تتذكر لشدّة فزعها أن ترتدي قميصها . كانت تظن أنه البوليس . بصقت ست البيت في وجهه، ونظرت إلي وجهه الذي تناثر عليه البصاق وقالت : أجي يا الغلت ؟؟ .. أمك يا ود الغلفـاء، كمان جابت ليها شكـشكة ؟ . " كوْ . روْ . لِبْ أُمْ دلدُوم " كانت " دقّة رفيقة الموت " تلك التي أخذها ذلك العربسات . الدق إصلاحٌ وتهذيب . ربما .
نعودُ إلى صديقنا ( س ) حتى لا يتشتّت دم القصة بين قبائلِ السرحان . لقد كان يرجف، وأظنه قد تبوّل على فراشِ خشيتهِ من سلطانِ وصولجانِ ست البيت، التي كانت تجلس في عنقريبٍ منخفضِ القامةِ، محدودب الظهر لأن مؤخرتها " الكويسة " كانت تكنسُ الرمل كنساً عندما تكحُّ أو تتنهّد . ( هذه المؤخرة سأتلو عليكم من خبرها الكثير في مرةٍ قادمة _ لا تصدقّوني ) . وبجانبها تتكوّم على " النشّافة " أكوامٌ شتى من صنوفِ الأطباقِ والجرادلِ والطناجرِ والمعالقِ _ إن كنت أنطقها صح . كثيراً ما أقول : الملاعق " .
عموماً نهضت ست البيت، ونهضت بعدها مؤخرتها " الكويسة بعد حوالي تلاتة وعشرين سنة " مما تحسبون . ( معقولة ؟؟؟ مؤخرة حكومة الإنقاذ ما أتقل من كده ) . وعينك ما تشوف إلا النور يا صاحبي . " لِب . تِيف . روْ . دُل " . وكانت تتبعها شتائم بذيئة من طرازٍ لن أستطيع أن أكتبه لكم هنا، لأن السيّد بكري أبو بكر سيستغني عن خدماتي في أيّ وقت يراهُ مناسباً . مالَ صديقي ( س ) ميلةً عظيمةً وكأنه سمع قول سيّدي ومولاي صالح عبد السيد أبو صلاح إذ قال " علّمت الغصون مع النسيم كيف تميل " . المهم وقع صديقي، وكأنه لم يقف قبل ذلك أبداً . وبعد ما يقارب العشر دقائق، أفاق . وليته لم يفِق . أمرته ست البيت بأن يغسل كوم " العِدّة المكوّم بجانبها على النشّافة " . وكان كلما يغسل إناء، تتبعه بثانٍ .

بعد عشر سنواتٍ حسوماً، أخبرني صديقي (س) بهذه القصة، ووعدته بكلِّ ما أملك من صدقٍ أن لا أنشرها، وكان .

البوست ده، كان مفروض يكون مداخلة في بوست العم يحيى قباني، ولكن بعد أن لاحظت طولِ عمرهِ، فلتُ لنفسي :

ياااد يا نورة، أعمل ليك بوست ينفعك، مالك ومال بوستات الناس ؟ بلا يخمّك !!


أنتهى .

Quote: ووعدته بكلِّ ما أملك من صدقٍ أن لا أنشرها، وكان .

صديق و صدق السرور اريتك :)

Quote: صديق و صدق السرور اريتك :)

طبعن طبعن يا وغد :)

اصبحنا بالله
حبيب نور ازيك ياخ

كامــل التضامــن مع ( س ) في فتّتـــهُ الإسفيريــة

يا سلام يا حبيب نوره على حكاويك بس ما تطول الغيبة.

اشتم رائحة ديوم بحري و اسمع صوت حميدو؟؟؟؟؟

ههههههههههههههههههههههههههههه
هههههههههههههههههههههههههههههههه


أردم .. أردم ياخ!

حبيب نورة
انك مبدع في هذا المجال من الادب فلاتكبل نفسك بسلاسل الادب
ارح

ههههههههههه
دا شنو يا حبيب بنوره يا كافر .. يا معفـن

يا حبيبها العادة الجهرية حلام ولّ حرال؟

حلفت بالذي خلقك ياحبيب نورة ما ادخل الا بعد أبتفة يجي
اصلوا بقى صياد شوارد وبخاف منو شديد
اها شاردتي دي اسال بكري الاذن في الاول بعد داك بختها برررردلب واغيب شهرين


-
ناس ابتفة ديل زي لستك العربية بتاعكم داك عندهم فيهو رأي تاني
ماقعاد بس

Quote: حلفت بالذي خلقك ياحبيب نورة ما ادخل الا بعد أبتفة يجي اصلوا بقى صياد شوارد وبخاف منو شديد اها شاردتي دي اسال بكري الاذن في الاول بعد داك بختها برررردلب واغيب شهرين - ناس ابتفة ديل زي لستك العربية بتاعكم داك عندهم فيهو رأي تاني ماقعاد بس

حيدر حسن مرغني
يا راجل أب تفة بتاع الساعة كم ؟
ما شايفني الوغد ده قبقبقتو فوق وقلت لي تاني ما تجيني هنا ؟
أكشح العفش وتنقد الرهيفة يا مان

Quote: يا حبيبها العادة الجهرية حلام ولّ حرال؟

أب تفة

وغد ده

تسألني أنا لي شنو ؟ إنت قايلني عبد الحي يوسف ؟؟

شوفوا الوغد ده بالله

تبّاً لك بالإنقليزي

Quote: ههههههههههه دا شنو يا حبيب بنوره يا كافر .. يا معفـن

يا تامبا أكيد ما قاصد !!
كافر عرفناها لكن معفـن دي جديدة :)


كااااااااااااااااااك

Quote: حبيب نورة انك مبدع في هذا المجال من الادب فلاتكبل نفسك بسلاسل الادب ارح

ود البوش _ جيداً جيت يا البخيت

كويس، بس أريتو الحال ينصلح

Quote: ههههههههههههههههههههههههههههه هههههههههههههههههههههههههههههههه أردم .. أردم ياخ!

داير تورطني يا عمك مش كده ؟

البورد ده مافيه صليح ؟

Quote: اشتم رائحة ديوم بحري و اسمع صوت حميدو؟؟؟؟؟

يا فالكون
حلاوة العودة غنيناها في موّال

وأنا أشتم كذلك عطر المكان، وما تبقى من بعضِ الرحيق

Quote: يا سلام يا حبيب نوره على حكاويك بس ما تطول الغيبة.

مشكور كميات يا حبيب

رزق الكلام تلاقيط

ربك يسهلها بس

Quote: كامــل التضامــن مع ( س ) في فتّتـــهُ الإسفيريــة

الرفيق (س) الآن الشّفقع مطلعين دينو

Quote: اصبحنا بالله حبيب نور ازيك ياخ

القرشي

الصباح إن لاح لا خير في المصباح

هو نحن متين أصبحنا ؟

وممكن عادي جداً ..
ينحرف مسار البوست ..
ليكون مادة دسمة ....
للإدعاء بأن المدعو حبيب نوره ..
يروج لإحياء تلك الخمايس الدسمة ..
التي انصرم وقتها ..
بمافيها من طقطيق ضهر ..
وكسير عناقريب ..
ويسرح بقناديل عيش الريف اليانعة ..
أمام عينكـ ياتاجر ...
يااااد نوره ..
واصل شقاوه ..
ففي الزقاقات والجخانين ممرات ..
يملؤها غبار النسيان ..
فبين الفينة والأخرى ..
لا بأس من كنس بعض ركام الذكريات ..
وإخراجها خارجاً لتضربها شمس الظهيره ..

Quote: وممكن عادي جداً .. ينحرف مسار البوست .. ليكون مادة دسمة .... للإدعاء بأن المدعو حبيب نوره .. يروج لإحياء تلك الخمايس الدسمة .. التي انصرم وقتها .. بمافيها من طقطيق ضهر .. وكسير عناقريب .. ويسرح بقناديل عيش الريف اليانعة .. أمام عينكـ ياتاجر ... يااااد نوره .. واصل شقاوه .. ففي الزقاقات والجخانين ممرات .. يملؤها غبار النسيان .. فبين الفينة والأخرى .. لا بأس من كنس بعض ركام الذكريات .. وإخراجها خارجاً لتضربها شمس الظهيره ..

لا ما تخاف يا جمال، أصلاً أنا البوست بكتبو والإنحراف فيه صُحبة راكب عشان أكتل الدّش للمخرّبين أمثال الوغد أب تفة :)
وياخي تسلم علي الطلّة الحلوة
وكمان مرحب بيك في عوالم الأون لاين

متابعة من المقاعد الامامية .

Quote: أكوامٌ شتى من صنوفِ الأطباقِ والجرادلِ والطناجرِ والمعالقِ _ إن كنت أنطقها صح . كثيراً ما أقول : الملاعق " .

غايتو يتخيل لي الملاعق اصح لانو جاية من لعق يلعق لحسآ .

Quote: غايتو يتخيل لي الملاعق اصح لانو جاية من لعق يلعق لحسآ .

أحسنت يا صديق

وطالما إنت متابع
تعال أحكِ لينا تجربتك في تلك الزقاقات

أنا منتظرك

http://www.facebook.com/permalink.php?story_f...otif_t=share_comment

رابط الموضوع على صفحتنا في الفيس بوك

عمايل
ناس الضواحى وطرف المداين
طرف صحى صحى
الزول دا شوفو ليهو فكى









قاسم المهداوى

Quote: عمايل ناس الضواحى وطرف المداين طرف صحى صحى الزول دا شوفو ليهو فكى

يا هامش

نحن أولاد الوطن والسلاح رطن

إنت مع شنو ؟ كااااااااااااااااك

استغفر الله العظيم مما يفعل حبيب نورة


علاءالدين نصار من بيت حبيب نورة و مناغض له

حبيبها وحبيبنا ....

يديك العافيه يا يس ياخ ....الظاهر عليك كنت شقي لمه كت صغيّر ..... ولم تزل ....


حاولت المستحيل أن التقيك في الخرطوم ولكن للأسف باءت كل محاولاتي بالفشل .... ولو تذكر إنني كنت قد اتصلت عليك ودقيت الصهينه ....


معليش ... ما لينا في الطيب نصيب .....


مع كل الحب الذي تعرف ؛؛؛؛

Quote: حبيبها وحبيبنا .... يديك العافيه يا يس ياخ ....الظاهر عليك كنت شقي لمه كت صغيّر ..... ولم تزل .... حاولت المستحيل أن التقيك في الخرطوم ولكن للأسف باءت كل محاولاتي بالفشل .... ولو تذكر إنني كنت قد اتصلت عليك ودقيت الصهينه .... معليش ... ما لينا في الطيب نصيب ..... مع كل الحب الذي تعرف ؛؛؛؛

يا أيها الرجل الجميل سنلتقي بإذن الله لو ربنا سهلها
وعندي نية جية عليكم بيهناك _ بس أخلص الحاجات الفي إيدي

تسلم يا حبيب

Quote: يا حضارة نحن أولاد الوطن والسلاح رطن إنت مع شنو ؟ كااااااااااااااااك

(بحب التحريف فى المفردات )
اولاد الوطن بالواو ولا بالجنبة ولا بالجبنة
يا طرف
يا طرف
يا طرف



قاسم المهداوى

Quote: ووعدته بكلِّ ما أملك من صدقٍ أن لا أنشرها، وكان .

حلاوة النص وجمال السرد يغفر لك حنثك بالوعد

حبيب السمحه والله مشتاقين للدين

انشر نشرو بلا اخمو وقطع شك بتلقي الكورس بي ورا بشيل :

غلطاتك عندنا مغفوره
.
.
.
.
.
.
.
.
.
.
.
.
.
.
.
.
.
ــــــــــــــــ
حبيب أمو

Quote: حلاوة النص وجمال السرد يغفر لك حنثك بالوعد حبيب السمحه والله مشتاقين للدين انشر نشرو بلا اخمو وقطع شك بتلقي الكورس بي ورا بشيل : غلطاتك عندنا مغفوره

يا حبيب
انت متين جيت بيجاي ؟ الواحد أصلو ما يغمِد :)

مشتاقين يا مان

Quote: البوست ده، كان مفروض يكون مداخلة في بوست العم يحيى قباني، ولكن بعد أن لاحظت طولِ عمرهِ، فلتُ لنفسي : ياااد يا نورة، أعمل ليك بوست ينفعك، مالك ومال بوستات الناس ؟ بلا يخمّك !! أنتهى .

انا زاتي خفتَ من خربشة الجريوات ...

لكن برضه بجيك راجع ...

Quote: انا زاتي خفتَ من خربشة الجريوات ... لكن برضه بجيك راجع ...

هاهاهاهاهاها

والله جيتك دايرها _ لكن بخاف من بلاويك، ياربي تسترنا

Quote: انت متين جيت بيجاي ؟ الواحد أصلو ما يغمِد :)

كوتة 2013 يا حبيب

المشكله بقيت تغمد كتير بفعل المؤثرات الخارجيه

الخوف كلو يوم تغسل العده

Quote: كوتة 2013 يا حبيب المشكله بقيت تغمد كتير بفعل المؤثرات الخارجيه الخوف كلو يوم تغسل العده

ما جاتنا راحة :)


وغد ده

حبيبها جننتا الكتابه جن ياخى ....

هسي يعني اكلتنا حنكـ ساي
وعمكـ غسّل العدة ورجع!!
حتى ضهروا ما طقطقو؟


ياخ أنجر لينا نهاية تانية!!

حبيبها وحبيبنا ....

يديك العافيه يا يس ياخ ....الظاهر عليك كنت شقي لمه كت صغيّر ..... ولم تزل ....


حاولت المستحيل أن التقيك في الخرطوم ولكن للأسف باءت كل محاولاتي بالفشل .... ولو تذكر إنني كنت قد اتصلت عليك ودقيت الصهينه ....


معليش ... ما لينا في الطيب نصيب .....


مع كل الحب الذي تعرف ؛؛؛؛

البوست ده يا حبيبها كان ترفق معاهو صابونة وإبريق

]العزيز الأديب حبيب نورة
لك التحية والتجلة يا زول خافق ويكة المدينة بموية بطيخ تنساب طعما أحلى ملاح، لك التحية كميات وأنواع. ياخ حنا مينا حنا بعد دا رقد وراء هو وصاحبه الشجاع بتاع النهاية.
أذكر مرة حكى لي صديق بأن الوالي "إفتراء" في حلالنا قال أحد مواطنينا جبنا ليكم محافظ عفيف اليد واللسان فقال له ذلك المواطن ياخ أنحنا عايزين محافظ عفيف السروال كمان. ومن هنا نحي ذاك الترتار الذي إنحنى اجلالا لعفة سراويل تلك المجموعة من بت إبليس.

تحياتي أحمد

Quote: البوست ده يا حبيبها كان ترفق معاهو صابونة وإبريق

يا النبي نوح !!!!! قويه دي لاكين يا ياسر ..... الشاف البوست فرتك للخور ما كدب ....

Quote: البوست ده يا حبيبها كان ترفق معاهو صابونة وإبريق

شكلك عايز تتوضى كده .. مش ؟ ....

Quote: العزيز الأديب حبيب نورة لك التحية والتجلة يا زول خافق ويكة المدينة بموية بطيخ تنساب طعما أحلى ملاح، لك التحية كميات وأنواع. ياخ حنا مينا حنا بعد دا رقد وراء هو وصاحبه الشجاع بتاع النهاية. أذكر مرة حكى لي صديق بأن الوالي "إفتراء" في حلالنا قال أحد مواطنينا جبنا ليكم محافظ عفيف اليد واللسان فقال له ذلك المواطن ياخ أنحنا عايزين محافظ عفيف السروال كمان. ومن هنا نحي ذاك الترتار الذي إنحنى اجلالا لعفة سراويل تلك المجموعة من بت إبليس.

أحمد التجاني ماهل
كيفنك يا العزيز ؟ إنشاء الله بسِط
بالله شوف المفارقات دي _ محافظ عفيف السروال يجيبوهوا ليكم من وين ؟
خليها مستورة ساهي هههههههههههههههههههههه

Quote: البوست ده يا حبيبها كان ترفق معاهو صابونة وإبريق

يا النبي نوح

ياخ تبّاً شديد

Quote: ياخ أنجر لينا نهاية تانية!!

ياود الصايم ياخي ماتخلي خيالك واسع
ماياها دي كل حكاوي البورد قالوا نهاياتها مفتوحة
يعني بس حبكّت على دي...ياحليّل زمان لمّن كانت نهاية الحفلة قفلة

Quote: ياود الصايم ياخي ماتخلي خيالك واسع ماياها دي كل حكاوي البورد قالوا نهاياتها مفتوحة يعني بس حبكّت على دي...ياحليّل زمان لمّن كانت نهاية الحفلة قفلة

ود الصايم ده يا أمير داير يجوبك لينا البوست أنا عارفو

بالله خليه يتم الباقي خيال

Quote: هسي يعني اكلتنا حنكـ ساي وعمكـ غسّل العدة ورجع!! حتى ضهروا ما طقطقو؟ ياخ أنجر لينا نهاية تانية!!

هههههههههههههههههههههههههههههه والله يا عمك في قصة تانية
قدُر ما حاولت ألايقها حلفت كان تتلايق

دي فيها إهدار دم عدييييييييييييل
وأنا مرصود الأيامات دي

Quote: حبيبها جننتا الكتابه جن ياخى ....

تشكرات يا سامي

ربنا يكرمك في الدارين

مرات كدا
واحيانا مرات
وكدا احيانا

يا حبيبو
الحتة دي مالها لافة!!

Quote: يا حبيبو الحتة دي مالها لافة!!

الحتة ثابتة ياخوي بس إنت بتكون زوّدت العيار شوية

يققققققققققققطع نخرتك يا حبيب نورة،
اوّل قالولك كلّ البيسوا بيقولو ؟؟؟

اصبر سااااكت أكان ما وديتك لحبوبتي ماصت
لك الفِطيرية، إنت والجنا البقولولو ياسر...

Quote: يققققققققققققطع نخرتك يا حبيب نورة، اوّل قالولك كلّ البيسوا بيقولو ؟؟؟ اصبر سااااكت أكان ما وديتك لحبوبتي ماصت لك الفِطيرية، إنت والجنا البقولولو ياسر...

ياخ ما سمعت إنو خيال الشعر يرتاد الثريا ؟
ود المدير الوغد ده فكنا منو

برانا ما ناقصين

Quote: الحتة ثابتة ياخوي بس إنت بتكون زوّدت العيار شوية

ذكرتني واحد صاحبنا كدا الله يطراهو بالخيرمن الناس البيشجعو النيل ..

مرة ( بعد خلصوا تشجيع ) مشوا يتعشوا عند بتاع كوارع ..

المهم صاحب دا يشيييل ويزيد في الشطة ، يشييل ويزيد في الشطة .. وبتاع المطعم بيعاين لييهو ساااي ..

تالت مرة جا يشيل شطة تاني قال لي بتاع المطعم : يا معلم إنت شطتك دي باااردة كدا مالا ياخ ؟

بتاع المطعم قال ليهو : أنا شطتي ما باردة ، لكن إنت اللِســانك خـــدراان يا أخوي

يا عمك ممكن انداح هنا

Quote: يا عمك ممكن انداح هنا

يازول هوي

أختانا

Quote: ذكرتني واحد صاحبنا كدا الله يطراهو بالخيرمن الناس البيشجعو النيل .. مرة ( بعد خلصوا تشجيع ) مشوا يتعشوا عند بتاع كوارع .. المهم صاحب دا يشيييل ويزيد في الشطة ، يشييل ويزيد في الشطة .. وبتاع المطعم بيعاين لييهو ساااي .. تالت مرة جا يشيل شطة تاني قال لي بتاع المطعم : يا معلم إنت شطتك دي باااردة كدا مالا ياخ ؟ بتاع المطعم قال ليهو : أنا شطتي ما باردة ، لكن إنت اللِســانك خـــدراان يا أخوي

واضح جداً إنو نيتك ما سليمة

الله يدينا خيرك :)

يا حبيبا الحتة دي غلبني افهما كلو كلو

Quote: كان " دق الحلاوة " هو غاية ما نبغي من آمال

كيف كنتو بتدقو الحلاوة ؟
في الفندك وبعد داك بتسفوها؟

نحنا كنا بناكلا طوالي ما بنحتاج ندقها

حبيبا طفش وين هههههههههه

يت بكرى علق البوست ده ..
والله صحى !!

Quote: يا بكرى علق البوست ده .. والله صحى !!

كلمناهو اوالله
بس تقول شنو ؟ الغتاتة

Quote: كيف كنتو بتدقو الحلاوة ؟ في الفندك وبعد داك بتسفوها؟ نحنا كنا بناكلا طوالي ما بنحتاج ندقها

شاهد الله لم تأتِ لحوار

Quote: حبيبا طفش وين هههههههههه

حبيبها الما بطفشو شنو ؟ هههههههههههههههههههههههههههههههههه

Quote: شاهد الله لم تأتِ لحشاهد الله لم تأتِ لحوار وار

طلعتني كوز كمان