Post: #1
Title: ساعدوا بنشر الرسالة، سائلاً الله أن يحفظكم ويحفظ ممتلكاتكم من السرقات
Author: نادر
Date: 02-14-2013, 11:30 AM
علمت ان الشرطة في مدن الامارات اصبحت تعتمد علي مواقع التواصل الاجتماعي (social media) في تعقب جرائم السرقات بخاصة سرقات السيارات،
وقد حققت بالفِعل بهذا الأسلوب المبتكر نجاحاً كبيراً في التصدي لظاهرة السرقات، وتم استرداد الكثير من الممتلكات لاصحابها، لذا اردت محاولة ذلك في أمر حادثة
سرقة سيارة أخي وصديقي وجاري في السكن في الدمام حي الطبيشي جوار مسجد الجفالي د. عوض محمد خير من أعضاء هيئة تدريس كلية الاقتصاد - جامعة الدمام.
وقد سرقت سيارته تويوتا فورتشتر موديل 2013 اللون ابيض مساء أمس الاول من امام صيدلية الحياة الواقعة على امتداد شارع الملك سعود في حي المزروعية.
رقم اللوحة (ب و ي 9083) ورقم البلاغ لدى شرطة شرق الدمام 220/34 آمل ممن يسكنون في الدمام والخبر والجبيل وحولهم وحتى في الرياض وجدة التكرم بالمساعدة
من خلال نشر الخبر في مجموعات اصدقائكم الأخرى في الواتساب والتيوتر والفيسبوك لعل الله يقيض له من خلال رسالة ما يمكنه من استرداد سيارته، والله المستعان .
ولاي استفسار أو للإدلاء بمعلومة يمكن الاتصال على رقم د.عوض محمد خير حسين عثمان على الموبايل 0540931931
وهي سانحة لتنبيه الجميع للحيطة والحذر وعدم ترك السيارة أما بقالة أو صيدلية أو خلافه في وضع يمكّن من سرقتها، حتى لو كان بعض أو كل أفراد أسرتك بداخلها يجب التأكّد من اغلاقها
بشكل جيّد قبل مغادرتها حتى لو كنت ستعود خلال أقلّ من دقيقة.
تحياتي وتقديري شاكراً ما اقتطعتموه من وقتكم الثمين للقراءة والمساعدة في نشر التعميم.
((والله لا يضيّع أجر من أحسن عملا)) صدق الله العظيم.
|
Post: #2
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: ALZOLZATOO
Date: 02-14-2013, 11:54 AM
Parent: #1
نادر النادر
عادة في مثل هذه الامور يقومون بتغيير اللوحات
ربنا يجمع له وح نخلي بالنا لي اي فورتشنر
شكرا على المعلومات المهمة
وتحياتي للاسرة الكريمة
زاتوووو
|
Post: #3
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: نادر
Date: 02-14-2013, 12:14 PM
Parent: #2
حبيبنا يا أبوبكر
والله ليك وحشة وطولنا منك،
بالله رسل الخبر ده لقروباتك الماسنجرية والفيسبوكية الكتيرة ديك لو لسه مواصل معاهم.
د. عوض ده في الشقة المقابلة شقتنا أظنك شفتو معانا مرة، تخيل السيارة ليها أقل من شهرين ومشت أقل من ألفين؟؟؟
أسأل المولى أن يجمعه بها...
تحياتي ونشوفك ياخ أبقة مارق علينا.
|
Post: #4
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: معتز عبدالله
Date: 02-14-2013, 01:54 PM
Parent: #1
سلام نادر
انشالله ربنا اجمع
انا فى الدمام ونشرت المعلومات الخاصة بالعربية
|
Post: #5
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: حسين ديقول
Date: 02-14-2013, 02:04 PM
Parent: #4
يا جامع يا رقيب
|
Post: #6
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: Yasir Elsharif
Date: 02-14-2013, 02:14 PM
Parent: #5
سلام يا نادر لك وللأسرة ومزيد الأشواق
والتحية لدكتور عوض
سائلين المولى عز وجل أن يتمكن من استرداد عربته..
فكرة كويسة بتاعة النشر عبر شبكات التواصل الاجتماعي.
ياسر
|
Post: #8
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: نادر
Date: 02-14-2013, 02:57 PM
Parent: #6
سلامات أخ حسن ديقول، ومعاك نرفع الأكف يا جامع يا رقيب.
الأخ العزيز ياسر الشريف، عادت العافية لجسد البورد بعودة قلمك الرشيق،
ألف تحية ليك وللأسرة، وتسلم على المرور.
فكرة النشر عبر مواقع التواصل الإجتماعي فكرة مريم في الحقيقة
منقولة من الإمارات.
|
Post: #7
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: نادر
Date: 02-14-2013, 02:52 PM
Parent: #4
تحياتي يا معتز وشكراً على جهدك المقدر..
|
Post: #9
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: مريم بنت الحسين
Date: 02-14-2013, 03:20 PM
Parent: #7
والله ما فكّرته في سودانيز اونلاين... فكّرته في What'sapp بس... لكن انت فكّرته في اتجاهات اكتر.. Facebook... وسودانيزأونلاين...
يا اخوانا يا اهل الفزعة، والله مغصة تقطع القلب.... السيارة جديييييييييييييييييييدة، ولسه اقساطها ما بدت، وحيكون في دفع لمدة سنتين.... عليكم الله انشروها يا ناس السعودية... فتّشوا معانا ان شاء الله ربنا يجعل على يدّكم الخبر الزين.....
ندورات 
|
Post: #10
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: Abureesh
Date: 02-14-2013, 03:35 PM
Parent: #9
| Quote: السيارة جديييييييييييييييييييدة، ولسه اقساطها ما بدت، وحيكون في دفع لمدة سنتين... |
مريم ونادر،
سلام
كيف السيارة تكون جديدة من الورقـة واقساطها ما بدت، وما يكون مؤمن عليها تأمين شامل.. عادة التأمين الشامل يكون مضمن فى السعر فى حالة السيارات الجديدة.
|
Post: #11
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: مريم بنت الحسين
Date: 02-14-2013, 03:43 PM
Parent: #10
عمو ابوالريش ازيك...
السيارة جديدة فعلاً ومؤمّنة... لكن التأمين ضد السرقة ما بعوّض صاحب السيارة إلا في حالة انه السارق يكون كسر السيارة وسرقها... الحصل انه السارق استغل انه السيارة مفتوحة وساقها.... بالتالي التأمين بسقط بسبب الاهمال... ده الفهمته من جيرانا...
|
Post: #12
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: Abureesh
Date: 02-14-2013, 03:57 PM
Parent: #11
| Quote: لكن التأمين ضد السرقة ما بعوّض صاحب السيارة إلا في حالة انه السارق يكون كسر السيارة وسرقها.. |
كان كدا شركات التأمين عندكم حراميـة وخامينكم عديل.. السرقـة هى السرقـة.. وفى بلاد اخرى متطورة يعوض صاحب السيارة، ولكن يرفع قيمة التأمين فى سيارته الجديدة. بعدين السيارة
اتسرقت وما إتلقت، حتعرف شركـة التأمين كيف إنها إتكسرت واللا لا.
|
Post: #13
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: ALZOLZATOO
Date: 02-14-2013, 04:22 PM
Parent: #12
ابو الريش
في حالة السرقة الموضوع بيكون عن طريق الشرطة ولازم تدلي للشرطة بتفاصيل السرقة
بعد داك التامين بيعتمد على تقرير الشرطة
بت الحسين ياخي سلمي ساكت حتى وردة بيضاء ماعايزنها 
تحياتي
زاتوووو
|
Post: #14
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: نادر
Date: 02-14-2013, 04:58 PM
Parent: #12
سلام يا أبوريش
صاحب السيارة المسروقة قابل شركة التأمين المؤمن عندها عن طريق الوكالة الاشترى منهم العربية، قالوا ليهو مفروض تسلّم مفاتيح السيارة الجاية معاها كلها (في العادة العربية الجديدة بتكون معاها 3 مفاتيح بتسلمها ليك الوكالة) عشان يتأكدوا إنو ما أتسرقت بسبب إهمالك، يعني مثلاً خليتها في وضع التشغيل وابتعدت عنها مما مكّن اللص من سرقتها، أو نسيت المفتاح فيها ودخلت البيت أو أو أو ..
الكلام ده منصوص عليه في البوليصة بتاعة التأمين أو ما منصوص أنا ما متأكد لأني ما قريتها بس ده كلام صاحب العربية.
شركات التأمين هنا في الخليج بصورة عامة بتضع شروط محددة تسقط تعويض التأمين بالكامل في حال ثبوتها، مثلاً لو السيارة مؤمن عليها وأنت رخصة قيادتك منتهية الصلاحية ... الخ
واظن دي واحدة من اجتهاداتهم
تحياتي
|
Post: #15
Title: Re: ساعدوا بنشر الرسالة، سائلاً الله أن يحفظكم ويحفظ ممتلكاتكم من السر
Author: نادر
Date: 02-14-2013, 08:24 PM
Parent: #14
فوق لمزيد من الاطلاع
|
|