الخيط الرفيع بين (حرية الأعتقاد والرأي) و(سبّ الأديان وكريم المعتقدات)

الخيط الرفيع بين (حرية الأعتقاد والرأي) و(سبّ الأديان وكريم المعتقدات)


02-12-2013, 01:09 PM


  » http://sudaneseonline.com/cgi-bin/sdb/2bb.cgi?seq=msg&board=420&msg=1360670997&rn=0


Post: #1
Title: الخيط الرفيع بين (حرية الأعتقاد والرأي) و(سبّ الأديان وكريم المعتقدات)
Author: omer osman
Date: 02-12-2013, 01:09 PM

هذا هو العنوان الكامل للبوست : الخيط الرفيع بين (حرية الأعتقاد والرأي) و(سبّ الأديان وكريم المعتقدات أو إساءة الأنبياء والرسل)
المادة (2) من قوانين ولوائح المنبر تنص على : (لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية
الاعتقاد والرأي ودون مصادرة لحرية البحث العلمي وحق الاجتهاد......)
وجرت العادة في هذا المنبر على أنه كل ما إتهم شخص بسب الاديان أو إساة الرسل انبري بعض المدافعين بأن ذلك من ضرب من ضروب
حرية التعبير والاعتقاد وحرية البحث العلمي وحق الاجتهاد) طيب السؤال متى يقفز الشخص فوق تلك الحريات ويلج نطاق الحظر وبمفهوم من
بمفهوم ادارة المنبر ام بمفهوم سنة المنبر او بمفهوم شيعة المنبر بمفهوم مسلمي المنبر ام بمفهوم مسيحي المنبر ام بمفهوم لاديني المنبر ما عارف
اذا في يهود في المنبر ده من عدمه !!!
وهل التعدي على ثوابت اى دين ومسلماته يعد إساة لذلك الدين ام لا ؟ يعني عندما يكون واحد من مسلماتنا كمسلمين ان هناك شخص يدعي مسيلمة
اشتهر بلقب مسيلمة الكذاب وارتد عن الدين الاسلامي وحاربه الخليفة ابوبكر الصديق رضي الله عنه ويقوم يجينا واحد في 2013م يقول لينا ابداً
مسيلمة ده زول كويس وعندو كرامات واتباع بلغو 60 ألف ........ الخ مش الزول ده بكون اعتدي علينا في ديننا !!!
حقيقة الموضوع شائك والنقاش فيهو نقاش فوق حقل الغام لكن في كل الاحوال اعتقد ان يجب إيلاء أمر حماية الاديان والرسل عناية أكثر واهتمام اكثر
والتشدد في ضوابط تناول مثل هذه الموضوعات وان يكون كاتب البوست شخص ذو علم ودراية ومعرفة وليس مجرد ناقل لا كلام لا يستطيع في بعض
الاحوال شرحه او الدفاع عنه ...
ختاماً ((اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه))

Post: #2
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: omer osman
Date: 02-12-2013, 01:11 PM
Parent: #1

المايك معاكم إذا بتريدو .....

Post: #3
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: أيمن محمود
Date: 02-12-2013, 01:23 PM
Parent: #2

سلام يا عمر
Quote: هناك شخص يدعي مسيلمة
اشتهر بلقب مسيلمة الكذاب وارتد عن الدين الاسلامي وحاربه الخليفة ابوبكر الصديق رضي الله عنه ويقوم يجينا واحد في 2013م يقول لينا ابداً
مسيلمة ده زول كويس وعندو كرامات واتباع بلغو 60 ألف ........ الخ مش الزول ده بكون اعتدي علينا في ديننا !!!

لا يا عمر / انت لوقلت انو المسيح رفع ولم يصلب - هل معنى ذلك انك اعتديت على المسيحيين ?
بالرغم من انو الموضوع ده من ثوابت الديانة المسيحية

---------------------------------------
الكوته كملت يا عمر
Quote: وبالتالي أنا ملزم ومصدق لهذه الرواية القرآنية واذا قبلها الأخ المسيحي حبابه عشرة واذا انكرها فهذا شأنه !!!

هو ممكن يرد عليك بنفس المنطق العجيب ده يا عمر
((((أنا ملزم ومصدق لهذه الرواية واذا قبلها الأخ المسلم حبابه عشرة واذا انكرها فهذا شأنه !!))))
Quote: لكن الزول البجي يقول لي مسيلمة وما ادراك ما مسيلمة مرجعيتو الموثوق بيها ثقة القرآن شنو ووينه

مرجعيتو دي حاجة بتخصو هو يا عمر - طبعا ما ممكن تقول ليهو مرجعيتك دي ما كويسة غيرها - وهو ذلتو ما ممكن يقول ليك مرجعيتك دي ما كويسة غيرها - لأنو دي حاجة بتخصك انت وحدك !!
- المسلمين بقولو انو الانجيل محرف عديل كده - اها ده حرية تعبير ام سبّ للديانة المسيحية ؟!

Post: #4
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: omer osman
Date: 02-12-2013, 01:31 PM
Parent: #3

Quote: لا يا عمر / انت لوقلت انو المسيح رفع ولم يصلب - هل معنى ذلك انك اعتديت على المسيحيين ?
بالرغم من انو الموضوع ده من ثوابت الديانة المسيحية


الفرق يا ايمن انو انا عندي مرجعية للكلام ده ليست محل شك بالنسبة لي او لأي مسلم
وهي القرآن الكريم :
(وَقَوْلِهِمْ إِنَّا قَتَلْنَا الْمَسِيحَ عِيسَى ‏ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ ‏مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِيناً* بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزاً ‏حَكِيماً) [النساء:157،158]‏
(إِذْ قَالَ اللَّهُ يَا عِيسَى إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ الَّذِينَ كَفَرُوا ‏وَجَاعِلُ الَّذِينَ اتَّبَعُوكَ فَوْقَ الَّذِينَ كَفَرُوا إِلَى يَوْمِ الْقِيَامَةِ ثُمَّ إِلَيَّ مَرْجِعُكُمْ فَأَحْكُمُ بَيْنَكُمْ ‏فِيمَا كُنْتُمْ فِيهِ تَخْتَلِفُونَ) [آل عمران:55]‏
وبالتالي أنا ملزم ومصدق لهذه الرواية القرآنية واذا قبلها الأخ المسيحي حبابه عشرة واذا انكرها فهذا شأنه !!!
لكن الزول البجي يقول لي مسيلمة وما ادراك ما مسيلمة مرجعيتو الموثوق بيها ثقة القرآن شنو ووينه !!!

Post: #5
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: Mohammed Elhaj
Date: 02-12-2013, 02:02 PM
Parent: #4

سلامات يا عمر عثمان
أنا مريت على جزو من البوست بتاع مسيلمة دا، ولحدى الجزو الانا وصلتو ما كان فيهو
Quote: (لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية
الاعتقاد والرأي ودون مصادرة لحرية البحث العلمي وحق الاجتهاد......)
بل قراءة مغايرة للتاريخ انتا وأنا واي زول تاني ما ملزم بيها، ممكن تقراها وتقفل البوست وتمشي، وممكن تقراها وتتناقش مع صاحبا وتدحضا اذا عندك الادوات المناسبة (والفورة مليون)
طالما صاحبنا راعي البوست ما انتهك المادة أعلاه فمحاولتك دي يا عمر عثمان محاولة لانتهاك حق الراي والتعبير والحجر على رغبة الراجل دا على قراءة التاريخ بشكل مغاير عما عرفته انت...

Post: #6
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: omer osman
Date: 02-12-2013, 02:12 PM
Parent: #5

أنا مريت على جزو من البوست بتاع مسيلمة دا، ولحدى الجزو الانا وصلتو ما كان فيهو

Quote: (لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية
الاعتقاد والرأي ودون مصادرة لحرية البحث العلمي وحق الاجتهاد......)

بل قراءة مغايرة للتاريخ انتا وأنا واي زول تاني ما ملزم بيها، ممكن تقراها وتقفل البوست وتمشي، وممكن تقراها وتتناقش مع صاحبا وتدحضا اذا عندك الادوات المناسبة (والفورة مليون)
طالما صاحبنا راعي البوست ما انتهك المادة أعلاه فمحاولتك دي يا عمر عثمان محاولة لانتهاك حق الراي والتعبير والحجر على رغبة الراجل دا على قراءة التاريخ بشكل مغاير عما عرفته انت...

<<<<<<<<<<<<<<<<<<<<<<<<<<<<<<
تحياتي محمد الحاج .......
عشان كده انا في الأول قلت في مشكلة في مفهوم شنو بيعتبر إساءة وشنو بيعتبر حرية رأي وبحث علمي واجتهاد
انا بشوف دي إساءة وانت بتقول لا !!! لكن انت ما معاي انو الناس ما ممكن تفتح الباب على مصراعيه لأي زول
يجيب قراية مغايرة للتاريخ وبدون اسانيد ودلائل كافية !!! وزي ما انت عرف المثل بقول النار من مستصغر الشرر
الليلة يطلعو لينا مسيلمة زول كويس ما معروف بكرة يطلعو منو الزول الكعب !!! الدنيا دي فيها متسع من ضروب البحث
العلمي المفيد للأنسانية اكثر من السعي لاثبات انو مسيلمة ده زول كويس وعندو كرامات وطبعا ده مثال لكثير من الحفر والنبش
في حتات حساسة بالنسبة لمعتقدات الناس خلاصة الامر سيفقد الناس اليقينية في كل شيء !!!

Post: #7
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: omer osman
Date: 02-12-2013, 02:15 PM
Parent: #6

البوست مفتوح لمزيد من النقاش وبكرة كان ربنا مد في الآجال بجيكم راجع ......

Post: #8
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: Mohammed Elhaj
Date: 02-12-2013, 02:46 PM
Parent: #7

الشخص البيطرح وجهة نظر في اي حاجة غير مدعمة وليست لها أسانيد دا عندو مشكلة بتاعة بحث علمي مش مشكلة اساءة لأديان و معتقدات ورسل، والبحث العلمي الفطير بيمشي أقرب مذبلة تاريخ، أذا هنا نحنا ما قاعدين نتكلم عن المادة الفوق الا اذا ألزمنا العضوية هنا والناس اجمعين إلا يتكلموا ويكتبوا بشكل مضبوط علميا...
بعدين فعلاً مسألة الاساءة للأديان وللمعتقدات والرسل مفروض تكون مضبوطة ومحددة عشان كمان ما أي رأي أو بحث يعتبر إساءة ليها وتبقى سيف مسلط في رؤوس الباحثين والكتاب، ومسألة انو مين يبحث عن ايه دي مسألة فيها متسع وكل واحد بيقرا ويكتب ويبحث في اللبيشوفو بيستاهل، ما مفروض نمارس وصاية على ايه البيتبحث فيهو وايه اللي ما بيستحق. بعدين وين المشكلة في انو الناس تنبش المسكوت عنو وتساءلوا وتمحص المسلمات؟ بالعكس أنا شخصيا بفتكر انو كتير من التاريخ اللي نحنا بنعتبروا مسلمات محتاج للمساءلة والنبش...

Post: #9
Title: Re: الخيط الرفيع بين (حرية الأعتقاد والرأي) و(سبّ الأديان وكريم المعتق
Author: Haitham Elsiddiq
Date: 02-12-2013, 02:58 PM
Parent: #8

جنابو سلامات ياخ....

الموضوع فعلا حساس ومهم....لكن إجابته ساهلة....وتجدها في القرآن ....

جادلهم بالتي هي أحسن....مش بس في القصص والروايات والأحداث...ولكن في الإيمان بالله تعالي نفسة...

يا عمر المؤمن الحقيقي لا يجب أن يخاف....من نقاش أو فكر...وكل من يريد أن يطرح رأي في أي دين حبابو...

والإساءه تعرض عنها زي ما ربنا قال وأعرض عن الجاهلين....

وماتنسي لو شاء اللة لآمن الناس جميعا....



Quote: بعدين وين المشكلة في انو الناس تنبش المسكوت عنو وتساءلوا وتمحص المسلمات؟ بالعكس أنا شخصيا بفتكر انو كتير من التاريخ اللي نحنا بنعتبروا مسلمات محتاج للمساءلة والنبش...


agree 100%