يا ربي ود الباوقة ده جاء ولا لسسع عندو (كنت) ديناري طويل....!!!

الزول ده شكلو في شخشخة خشت في مخيخه الانقاذي وضبنو في طريقه ان يرق وحكومته التي ضرب لها ارتال من موسيقي الكيتا والقرب لو ماشة بالرزم ده
فان ود الباوقة جاااااي جااااي
وشكلو حينافس المناتلين في التعارض الشديد المفاجئ


حال واحوال الدفلكشن عند ود الباوقة هذه الراكوبة ستحاول رصده ومتابعته وقت ما وجدنا مساحة وزمن


وسنتابع
او يتبع او كما يقول طلحة تنظير

Quote: وضبنو في طريقه ان يرق وحكومته التي ضرب لها ارتال من موسيقي الكيتا والقرب لو ماشة بالرزم ده فان ود الباوقة جاااااي جااااي وشكلو حينافس المناتلين في التعارض الشديد المفاجئ

كيكي

ارجو ان تطمئن وتطمئن مجموعاتك

بان ضنبي لن يرق

فانا عضو بالمؤتمر الوطني وساظل

انا ممن بايعوا سيدي الرئيس على الولاء والطاعة

في المنشط والمكره

وساظل جنديا مخلصا وفيا لقيادتي ولسيدي الرئيس

وشكرا

الاهتمام بود الباوقة ياتي كونه سامبل حقيقي للكثيرين من الذين يمشون في كورجة الانقاذ لا اقول سمبلة حتي لا اظلم الرهط الماشي مع هذه الحكومة الحرامية
ولكن نجدهم يمدون عقولهم سخية حتي يتم تغيبها عبر الهييييييييع وكع وعبر اغنية الدخولها وصقيرها حام الشهيرة والعنتريات البشيرية التي لم نسمع بيها كتلت ليها باعوضة
ولكن باوقة ومن لف لفه لسسسع واقفين في الطريق في انتظار اسد الخششش يقلب الباكورد ويحول الارض البلقع الي جنة نضيرة....
كيف..؟؟
لا بشة يعلم
\لا رهطه يعلم
لا ود الباوقة والتيار العريض من هم بتوع هيييييييييع وكع يعلم


وسنتابع

Quote: ارجو ان تطمئن وتطمئن مجموعاتك بان ضنبي لن يرق

------------------
هلا يا عبد الكريم

Quote: بان ضنبي لن يرق

هلا يا باوقة
ويا زول هوووي الكلام ده تقولو لزول ماعندو مرصد كيكوي
فالمرصد الكيكوي رصد شخشخة في المخيخ الانقاذي الكيزاني بتاعك وانا كخبير في التحولات الجيو هتفيتة
بديك شهرين ثلاثة وبعد داااك لو ما لقيت روحك مكابس ناس الطوربيد المناتلة يكون مرصدي ده عاوز عمرة للمكنة بتاعتو
وانت بالله خليك طبيعي وعبر عن مكنونك في شكل بوستات واردم يا زول ردمك شيخي الجيلي

Quote: هلا يا عبد الكريم

هلا يا ايمن وحبابك
ود الباوقة مخيخو حصلت فيهو الدخنة التاريخية ولكنو ما عاوز يتعرف
وضنبو رقي رق وان كره المورجغين


وعموما سنتابع

سيطول بزوغ فجرك


يا كيكي

شفنا وحضرنا هنا علي شاشة سودانيز تحولات عديدة وشفنا الكثيرين ممن تلبو من سفينة الانقاذ عندما وحلت في رمال السودان من اثر الورجغة والدغمسة والفساد الشديد المفاجي ومن كيسوية بني كوز ذات القرعة الفاضية التي التمت حول الاموال
ومكاسب السلطان او كما قال شيخهم الترابي في زعلته التاريخية(لقد ذهبو الي السلطان وذهبنا للقران).... وهذا باب من ابواب الاستنكاحات الترابية ليس هذا اوانه...
ولكن سيظل الدفلكشن الذي رصده المرصد الجيو اسفيري في الوعي والمخيخ الود باوقي امر مهم واساسي كونه تيار عريض ارتبط وجدانيا بالانقاذ وبعمر البشير شخشيا لدرجة مناداته بسيدي
وتوصيفه باسد هزبر يسمي اسد الخشششش


وسنتابع

Quote: سيطول بزوغ فجرك يا كيكي

انا فجري هين وجاي جاي طال الزمن او قصر

ولكن انت ضروري نبارك ليك الليله
حبك للانقاذ الدق سيتسم ده....


وللامام يا عمر
وانت زولنا يااااخ بس راسك المدوقس ده قووووووووووووووي

كيكي سلام

Quote: وانت زولنا يااااخ بس راسك المدوقس ده قووووووووووووووي

سنتابع كركبتك دي بس الرهان في الموضوع دا على (الضنب) ورقتو وليس الرأس

Quote: سنتابع كركبتك دي بس الرهان في الموضوع دا على (الضنب) ورقتو وليس الرأس

هلا يا محمد حامد وحبابك
وفعلا كلامك في محلو الرهان هنا علي (الضنب) ونحمد الله وشيخي شكر الله علي الرققان الضنبي الذي لاح في نواحي ود الباوقة

وباوقة لو مشي بطريقة بوسته بتاع الليلة ده بعد شهر شهرين خبرو بجي رقيييييييييييييق

هلا يا معلم


ود الباوقة بدأ يفك في الفرمالات بتاعتو

ومربوطو في النهاية ساقطة ساقطة


هسة فكا دامة الأسود وماتت

لو ماتت دامة الهارت خلاس بجيك واقع على وشو

يا هندسة ، طولنا من بوستاتك المتعة.......
إيه أخبار سلسلة فنيلتك ؟
هل محتاج أي رسومات علي الفنايل وتوزيعه علي حسب الحوجة والمقاس ...
فوق الي حين .
لكن علي حسبي علمي ود الباوقة عصي لايمكن ان يبدل الفنيلة التي عليها رسمة الشجرة ب أخري والله اعلم.

Quote: ومربوطو في النهاية ساقطة ساقطة

هلا يا حمد وحياك الغمام
وود الباوقة مربوطتو بتشبه لي مربوطة الناجي الشهيرة.
ناجي سمي مربوطة ولعب المربوطة وبعد ده اخد سسسسسسيك


فباوقة مسمي اسد الخشششش ومسمي خادم القران الكريم ولكن ياحسرة بعد ده حياخد اسنافيك
عشان كده اري فيه ملامح القفز من سفينة بشة التي تترنح

Quote: وود الباوقة مربوطتو بتشبه لي مربوطة الناجي الشهيرة.

ناجي مين يا كابتن
زماااان غيّرنا التسمية و سمّيناها مربوطة وليد الشفت :)
مع الاحتفاظ بحقوق السبق للناجي

Quote: يا هندسة ، طولنا من بوستاتك المتعة....... إيه أخبار سلسلة فنيلتك ؟ هل محتاج أي رسومات علي الفنايل وتوزيعه علي حسب الحوجة والمقاس ... فوق الي حين . لكن علي حسبي علمي ود الباوقة عصي لايمكن ان يبدل الفنيلة التي عليها رسمة الشجرة ب أخري والله اعلم.

هلا يا بيكاسو
وتحياتي وتقديري
اسفيري اصبح مكعكع واخير منو دفاع عبدالرحيم محمد حسين البي نظر داك لوووووووول
المشاغل والزمن البقي ممحوق...
وفعلا سلسلة فنلتك غابت في هذه الدورة ولكن حتما سستواصل بلوك جديد وسيستمر ضرب الركب الكيزانية المتهالكة
وفي الغالب ندشن سلسلة جديدة بعنوان (اسد الخششش الكرتوني) ...ومن حسسع جهزي الريشة السنينة حتي يحلو السفر ويحلو ضرب الركب الكيزانية الهلاك....

باوقة بيني وبينك صعب يفارق الهييييييع والكع ويفارق حكاية دخلوها وصقيرها حااااااام
ولكن مع زنقة عام الرمادة فاني اري شجرا يمشي في مخيخه الايسر نحو التليب


وتحياتي يا نجاة وكل الود

السلام عليكم

Quote: مكعكع

تماما كالهلال يا كيكي
الهلال أيضا مكع كع مكع وج مبشتن ككارو قديمة يجرها حصان أعرج عندو أبو الشهيق.
أما بعد :
تحياتي يا كيكي وبالله كتروا لينا من شرح مصطلحات الكوتشينة دي لأنو شايف في واحد في واحد من البوستات قال
مصطلح التسعة الطويلة كلام بتاع شرامة .
وإتا عامل إيه كيكي ياخ ؟

Quote: ناجي مين يا كابتن زماااان غيّرنا التسمية و سمّيناها مربوطة وليد الشفت :)

لوووووووووووووول
اوع يكون ياها الاخدها في نواحي الكلاكلة صنقعت في دراما التوابيت

-----------
ابو النجا جاتو 3 باصات والقبول قبولو وكل كمونية القرار السياسي في امر التوزيعة بتاعة الكوشتينة عندو
وشبكو يا ابو النجا دك... فكان رده ما انا بداكي
يا ابو النجا دك..!! برضو رده ما انا بداكي

وفجاة خش في مربوطة
وعينك ما تشوف الا النور سفسفو منو الاتو كلو في البداية وخلو في السهلة وبعدها اشتغلو فيهو مقصات
لب لب لب اكلو منو 13 وخلو خشمو ملح
لذا قيل (مربوطة ناجي)

--
البركس ذات ليل ام نخيلي نواحي داخلية اعتقد الان انها عطبرة(ب)

Quote: وإتا عامل إيه كيكي ياخ ؟

هلا يا طلحة وحياك الغمام وفجاة حياك الموج الازرق عندما كان ابو الهل هو سيد الساس والراس وممتع الجماهير السودانية حتي المرجفين من بني (مريخ) في لحطات التجلي والصدق مع الذات نجد الواحد منهم متمنيا بان يكون ضمن مشجعي التيم الذهبي والمالك الحصري للذهب الرياضي في السودان... لدرجة ان داهمت احد المريخاب وهو في وحيد لوجدته يردد
حمد والديبة حاجة عجيبة او يردد
النقر جاء النقر جاء...

--
ابو الهل يا طلحة فعلا اتكعكع وبقي ما يااااهو الهلال البعرفو انا غايتو
كلو من البرير شكيتو لله ولشيخي شكر الله كان ورجغ لينا ابو الهل معشوق الجماهير وسيد السودان قديمه وجديده الفضل



---------
اخوك بخير يا طلحة ومشتاقين والله
بس المشاغل والجري في كراكير الغربة حرمنا منكم كثير
تخيل في البوست ده انا ارتكبت خطا تكيتيكي حبني في زمانو ما بعملو
لاني مفروض في البدايةاعمل شروحات للعبة الهارد ووممكن اعرج علي الوست ونتكلم عن المقصود من الكنت والدنياري وهكذا دواليك
ولكن بمرور المباراة دي ممكن نخش الفورمة و,نلحق السوق

أخونا عبد الكريم ...سألتك بالله ..أخونا ودالباوقة دة ما تهبّشو ...هسة جايبو عليكم ل شنو؟ ..ما زول لذيذ ..قاعد في الرياض يضرب في السمك ..وشابك الناس هييييع و كع ...ويوصّف في الكباري ...أجمل زول في البورد ...تحياتي لود الباوقة

ودالباوقة وكيكي سلام

وياود الباوقة

ياشماتة كيكي ومن لف لفه فيك


وشايف اب صلعة قنطرك ليهم



لكن علي العموم

اردم

هلا يا محمد محمود وحياك الغمام..
وود الباوقة فعلا زول دمو خفيف ويودي اسفيره في دعم ومساندة حكومة بشة باريحية وبدغمسة عالية
والزول ده ما تخاف عليهو مني لانو في البوست حيتم تطبيق شعار الفيفا بتاعة اللعب النضيف....وباوقة مشكلتو الاساسية واحدة هي انو بضرب الاسماك والسفرجل او اي كان اسمه وبجي بعمل لينا سافوتة بجاي ويششبكنا
هيييع وكع ويشكر لينا راك بة بشة الظالم في الخربف
....
واها احنا عاوزين ضنبو يرق وتتوقف امطار الهييييع وكع لمصلحتو هو في روحو كمواطن حاصل ليهو استلاب جيو كيزانيي شديد ومفاجي

كع

كيكي العزيز
واحده من الأمزجه بتاعتي إنو اتداخل معاك في بوست
و بعدين نواحي الفيس شايفك رخيتا و ليك منها زمن




......
تتوقع ودالباوقه ....يوقع توقيع كوداوي قريب ( و ضنبو يختفي عديييل كدا ) ؟؟

سلام أخونا عبدالكريم(كيكي)
وضيوفه الكرام
جينا نصبح بس!
ــــــــــــــــــــــــــــــ

هلا يا عمر صديق
وجهزو حالكم عشان ترتبو مهرجان وداع لبقبق ده لانو الراجل اصبح قاب قوسين او ادني من ان يهرب ويتلب من سفينة الانقاذ التي سارت ولاتبالي بالدغمسة والورجغة الشديدة التي احدثتها في البلاد والعباد
وانت زاتك ياعمر لو ردمت ناسك ديل وحسن ردمك
لشيدنا راكوبة بعنوان اللهم اعز الفجر الجديد باحد العمرين..عمر ود الباوقة وعمر صديق لوووووووول


مهندسنا الكبير الشفيع انا قنعان من جيتو لاني شايفو والغ في الدفاع المستميت عن الورجغة الكيزانية في كل مناحيها لدرجة جعلت احد اعضا المرصد الاسفيري بوصفه بالشفييع ورجغةand#128516;

هلا يا مجاهد وحبابك شديد واالله وشرف كبير كونك نديتا طلة ونحن في نواحي حوش بكري العتيق....
الفيس بوووك فعلا ابنصاتي خفت فيهو ولكن لابد في جخانين القروبات ومواصلين الكمين حتي نري بشة ورهطه داقين الدلجة بالمزيكة

باوقة متلب متلب بس خلي يحصل عصر اضافي وساعتها حيجي هنا ويدق لينا الجرسة...واخاف ان يفوتهو القطار وساعتها لو المناتلين زعمطوا انا مافي مسعول

هلا يا عوض وحياك الغمام والله وشرفت الراكوبة
........









يا باوقة حتي الكع بتاعك باكافي البلا بقب مازي كعك الشهير داك وخاصة بعدما بكري رفع البوست فوووووق رفعة علم الشهير ود فنبرة في نواحي انداية حوا ليمون

هلا ممراح



ممكن تبقي عليه حكاية الدو الضكر


تتذكر الدو الجاب معاوية

Quote: تتذكر الدو الجاب معاوية

هلا يا خلي
وحبابك يا قوس قزح الاسفير السوداني

ويا سسسسسسلام علي (دو معاوية) حياهو الغمام ذلك الدو التاريخي

وبقبق اسرع (دو ) يجيبو هو احتمالية اختفاء بشة من المشهد باي صورة من الصور
وساعتها سينزل بقبق من القطار لانو كل الكمونية الاساسية في مخيخ ود الباوقة بشة قاعد يحققهها عبر الهييييييع والكع وعبر الصقرية


وعموما سنتابع هنا وهنوووووووك

يا كيكي ياخ الزول السيدو الرئيس دا أنا شايف انك عصرت عليهو
ود الباوقة دا زول على نياتو كما هو واضح ...
ياخ دا شوف احساسي في الكونكان قافل جوكرين بين كرت أدوهوا الخمسين فوتا
وكان على الويست شوف إحساسي برضو قاعد يرمي في الآسات بوائظ مع الآتو.
الزول بسيط كطبيخ سليقة البصل .
.............................
بالمناسبة أنا عدلت مداخلتي الفوق وإتا اقتبست الما معدلا .

هلا يا تنظير
وحياك الغمام وفجاة تحييك نسائم المريخ عندما كان ابو السكاكك هو من يمتع جماهير المريخ ذات الاغلبية البسيطة في الارض السودانية لووووووول
-

وباوقة يا طلحة حارق ومقبوض 14 ومنذ حضوره لتاييد الانقاذ
وبنهاية 2013 دي موضوعو حيبقي بمبي لانو ناسو ديل في طريقهم الي التونسية وقريبا
حسب افادات الانطوان المعتمد عندي في قضايا الحكومات المغادرة الملاعب في الربيع العربي او اي كان اسمه


----------
التعديل done
او كما يردد ابو صلعة الشهير ببكري ابو بكر

ود الباوقة نجم الاوكمابويات بدون منازع...!!!

بوست ذو صلة بالامر الود باوقوي
ولسسع فاضل بوست واحد في سلسلة ود الباوقة وهو بوست الكيتة عند سقوط نظام الانقاذ باذن الله وببركات شيخي شكر الله
وساعتها حيكون بوست في شكل زعمطة