البلد وقفت ( دوت ) يا سيدي الرئيس .....

لابد من معالجات سريعة

فصبر الشعب في طريقه للنفاذ

ود الباوقه إتهكّر ...

Quote: البلد وقفت ( دوت ) يا سيدي الرئيس .....

الغريب انك مازالت تتوسم خيراً في سيدكم الرئيس ......برضو الحل بيده ؟ اذن من هو سبب الازمة ياودالباوقة ..........والحمدلله الذي ايقظكم وعقبال للاخرين الذين مازالو يتنكرون لماسي الناس .......

اردم يا ود الياوقة اردم
عليك الله الخلاك تعترف شنو انو البلد وقفت (دوت) ؟
يعني الاستجد بالنسبة ليك شنو ؟

صادرات السودان 700 مليون دولار

والمستورد 11 مليار دولار

من الواردات ما نستورده ونحن في خجلة من امرنا



زيوت الطعام

والخضروات

والفول المصري

ونحن لدينا 200 مليون فدان صالحة للزراعة

اين المشاريع التالية

مشروع الرهد الزراعي

مشروع الجزيرة

مشاريع الاعاشة بالنيل الابيض

والدالي والمزموم

ومشاريع الري المطري بالقدنبلية زغيرها

وشهد شاهد من اهلها

لاحولا ولاقوة الا بالله

الله للشرفاء

مبيد فاسد يهدد بفشل القمح في الشمالية ؟؟؟؟

ما ذنب المزارع المسكين

انعدام تام للادوية المنقذة للحياة

وارتفاع اسعار الاخرى

شاهدت امس الهرج والمرج في برنامج ( مراجعات )

عن غلاء الادوية وانعدام الكثير منها

والكل يرمي بالائمة على الاخر

والمواطن ضائع فيما بينهم

جيبو كمادات بارده

ود الباوقه سلامات ’’’’

Quote: جيبو كمادات بارده ود الباوقه سلامات ’’’’

بعد البوست دا ما اظنك حتصوفر تاني يا باوقة
بالله انت يا دوب عرفت البلد حالها واقف؟
صباحك خير يا عمر

اردم
اردم
ههههههه

صحيح اننا محاصرون من دول الكفر والضلال منذ مجي ثورة

الانقاذ لسدة الحكم

وعندما اتيحت لنا فرصة ذهبية للنهوض بالزراعة ابان طفرة البترول

لم نستغل هذه الطفرة استغلالا مرشدا

فذهب البترول وجف الضرع والزرع

ود الباوقه بلسان بربار

اللهم اجعله خير

مرفوض

ود الباوقة ..تحية وإحترام..

ياخي البشير ما بيعرف يسمع النقد وما عندو صليح... قبل كم سنة في لقاء مع شباب المؤتمر(الكثير منهم وطنيين الشهادة لله) رفعو ليهو مطالب كثيرة من ضمنها محاربة الفساد والمحسوبية وعزل مجموعة من المقربين إليه اللي خصموا من رصيد حتى سيادة البلد قبل ما يخصمو من

رصيدو هو كرئيس...أنقر عمل شنو؟؟؟ عمل حردان وقال ليهم تاني ما حأترشح للرئاسة... بلاهي إحنا ذنبنا شنو عشان ربنا يجازينا بالمحن دي!!!!

يا أصيل الناس ديل ما بشبهوك ولا بتشبهم ...وقالو زمان الما بلقا شبهو الله قبحو...

وديل أتفننو في القبح..

كم كانت صادرات السودان فى 89
واستصحبوا الآتى ..
يفقد الدولار فى حدود 5 % من قيمتو كل عام .. "بحسب ذاكرتى"
يعنى مائة دولار قبل 20 سنة تساوى 200 دولار الآن ..

Quote: ود الباوقه إتهكّر ...

مما جابت ليها (ارقام وحسابات) وبدون هيع وكع !!!
كامل تضامني مع ود الباوقة في باسويرده

-------------------------------
اها يا ود الباوقة بالنسبة للفساد والمفسدين ؟!

تدهور الأوضاع الاقتصادية والسياسية في السودان بشكل مريع ومترابط. وبلغ التدهور حداً أصبح فيه ظهر السودان مكشوفاً سواء من ناحية العلاقات الخارجية على الصعيدين الإقليمي والدولي أو من الجانبين السياسي والاقتصادي. اقتصادياً وصلت قيمة الجنيه إلى حد التلاشي ففي يوم انقلاب الإسلاميين كان الدولار الأميركي يساوي 12 جنيهاً سودانياً، فيما وصل اليوم إلى 6.03 آلاف جنيه وقفزت الديون الخارجية من 13 مليار دولار إلى 43 ملياراً وتزايدت البطالة من 9.8% إلى 36% والتضخم من 10.3% إلى 66%.

http://www.albayan.ae/economy/the-world-today...2012-11-16-1.1767676

ونتيجة للتدهور في القطاع الزراعي ارتفعت فاتورة استيراد الغذاء بشكل كبير فبعد أن كان متوسطها يبلغ نحو 600 مليون دولار خلال السنوات القليلة التي سبقت حكم الإنقاذ أصبحت الآن تشكل أكثر من 2.8 مليار دولار. وللمقارنة فقط وبحسب الإحصاءات الرسمية المتوافرة، بلغ إنتاج السودان من الحبوب في آخر موسم زراعي قبل حلول حكم الإنقاذ 4.2 ملايين طن، فيما وصل إلى 2.7 مليون طناً في موسم 2011-2012.

وكان متوسط صادرات القطن من السودان خلال الفترة من 1985 إلى 1988 في حدود 900 ألف باله سنوياً، ولكن بعد الإنقاذ انحدرت كمية الصادرات إلى 402 ألف باله، وسارت كمية صادر القطن على هذا المنوال بزيادة ونقصان من عام لآخر.

http://www.albayan.ae/economy/the-world-today...2012-11-16-1.1767676

ودالباوقة صباح الخير
انت جادي ولا زي المرة الفاتت
كاميرا خفية ؟

المخرج الوحيد هو الزراعة يا سيدي الرئيس

حتى نحقق الاكتفاء الذاتي منها

ايعقل ان يستورد السودان قمحا من الخارج ؟؟؟؟

ود الباوقة ... الليلة الأحد ولا شنو؟

أخي ود الباوقة لا تتعجل وأتمنى أن تنصح الناس بالصبر على الضايقه المعيشيه والتي هي بسبب الإستهداف الغربي والصهيوني بدلاً عن نصح خادم القرآن الذي لأيخفى عليك إخلاصه وصدق نيته وتفانيه من أجل خدمة البلاد والعباد، دعك عن هذا أخي وذكر الناس بفضل الصبر فإن الله سبحانه أثنى على الصابرين ثناءً كبيراً وأخبر أنه معهم وأنه يوفيهم أجرهم بغير حساب.

Quote: أخي ود الباوقة لا تتعجل وأتمنى أن تنصح الناس بالصبر على الضايقه المعيشيه والتي هي بسبب الإستهداف الغربي والصهيوني بدلاً عن نصح خادم القرآن الذي لأيخفى عليك إخلاصه وصدق نيته وتفانيه من أجل خدمة البلاد والعباد، دعك عن هذا أخي وذكر الناس بفضل الصبر فإن الله سبحانه أثنى على الصابرين ثناءً كبيراً وأخبر أنه معهم وأنه يوفيهم أجرهم بغير حساب.

لا تتعجل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
ياخي حرام عليك 24 سنة وبرضو تعجل
ووين اخلاص الرئيس البتتكلم عنو دا؟؟؟؟
ويذكر منو بالصبر الشعب السوداني؟؟؟؟ الشعب الصبر لمن فتر
24 عاماً على كل انواع العذاب والظلم والاستبداد والتهميش
والاستخفاف والكذب باسم الدين وبكل انواع السخافات وبرضو تاااااااني يصبر؟؟؟
وخادم القران بتاعكم دا يخدم في القران وعمرو ما فتح المصحف دا قرأ فيهو شوية
وشاف الايات البتنهي عن الظلم ؟؟ ولا شاف الايات البنتهي عن اكل اموال اليتاميى والناس بالباطل؟؟

بالله عليك لو ود الباوقة ضميرو صحى انت ما تضللو قل خيراً او اصمت

ويا ود الباوقة بركة الصحيت
وكل القلتو عين الحقيقة وانا في كم بوست طلبت منك
قول النصيحة ووالله الليلة انت قلتها تب

خالص مودتي

ما هو بسبب امثالك ديل " سيدك" الرئيس دا موش " وقف" حال البلد " دوت" زي ما بتقول...انتهى من البلد هو ومالمعاهو من شلة المجرمين الفاسدين
وانت قاعد تتطبل ليهو ليل نهار طوال السنين الفاتت بالكذب والتلفيق تزيدون خدر " المواطن" المفترى عليه خدرا على خدر
البشير " الحاكم الفاشل الفاسد" الذي جعلتموه صنماًأوحد حاله حال كل طاغية

انت وكل من يساند هذا النظام الفاسد هو شريك اصيل في الجريمة

الشعب السوداني ظل سندا وعضا لكم يا سيدي الرئيس

في كل امر يهم الوطن ويهم سيادته

فلكل مسؤول امانة في عنقه يسال منها يوم الحشر العظيم

Quote: لمخرج الوحيد هو الزراعة يا سيدي الرئيس حتى نحقق الاكتفاء الذاتي منها ايعقل ان يستورد السودان قمحا من الخارج ؟؟؟؟

قدم الأستاذ محمد ابراهيم عبده كبج محاضرة عن المأزق الاقتصادي الحالي في السودان والتي استضافتها استراحة "العزيزية" في مدينة الخبر شرق المملكة العربية السعودية أمسية الخميس 5 يوليو 2012م ، وقد أذهل الأستاذ كبج الحاضرين بذاكرته المدهشة وغزارة معلوماته وهو يتناول حقيقة الأزمة مستندا على الأرقام التي تدحض الكذب والشعارات المضللة ، في السطور التالية إستعراض لما جاء في تلك المحاضرة القيمة.

هناك اضطراب وهلع جلي في الخطاب الحكومي تعكسه تصريحات وزير الخارجية حينما قال إن العالم لا يمكن أن ينظر للسودان متفرجا واقتصاده ينهار. (بمعنى انتظار الفرج من الخارج) وقال السيد مهدي ابراهيم المسئول الرفيع في الحزب الحاكم أنه يجب ألا نكذب على شعبنا ويجب أن نعلمه بأننا مواجهون بثلاث سنين عجاف ، كل سنة أسوأ من الأخرى. أما السيد وزير المالية فقد كان يغرد خارج السرب حينما قال إن كل شيء تحت السيطرة.
هذا الاضطراب والتخبط مرده سوء قراءة الأحداث في السودان.. من المستغرب أنهم كانوا يتوقعون أن يصوت الجنوبيون إلى جانب خيار الوحدة وتظل أموال البترول تحت سيطرتهم يفعلون بها ما يشاؤون. إن ما يحدث الآن هو حصاد 23 سنة من حكم نظام الانقاذ.
أول ما جاؤوا رفعوا شعار نأكل مما نزرع ونلبس مما نصنع.وضعوا الخطة العشرية التي تغطي السنوات من 1992 إلى 2002م وقالوا انها ستغير وجه السودان في كافة المجالات وتضمن لهم الاستمرار في الحكم إلى ما شاء الله ، كانت خطتهم تستهدف في نهايتها انتاج 20 مليون طن ذرة و2 مليون طن قمح و2 مليون طن دخن لكن بنهاية هذه الخطة كانت أرقام الانتاج المحققة تعادل أقل من نصف الانتاج في العهد الديمقراطي ، وتواصل فشل الزراعة لكنهم يعتمدون على ضعف الذاكرة في التلاعب بالارقام، مثال لهذا التلاعب بالأرقام هو التناقض في أرقام ايرادات الذهب فالجمارك لها أرقامها ، ولبنك السودان أرقامه وهي تبلغ أضعاف أرقام سجلات الجمارك.
في عهد الديمقراطية كان استيراد السودان من المواد الغذائية يكلف 72 مليون دولار سنويا، ورغم أنهم وعدوا بتمزيق فاتورة الغذاء والمساهمة في حل أزمة الغذاء في العالم وتخفيض أسعاره على غرار استراليا وكندا، إلا أن أرقام استيراد الغذاء ارتفعت عام 2004م إلى 420 مليون دولار،أي ستة أضعاف ما كنا نستورده في زمن الديمقراطية ثم ارتفع الرقم عام 2008م إلى مليار واربعمائة مليون دولار أي عشرين ضعفا ثم 22 ضعفا عام 2009م ،أما في عام 2010 فقد كانت واردات الغذاء 2 مليار و365 مليون دولار أي أن تكلفة استيراد المواد الغذائية في ظل الانقاذ تعادل 34 ضعف تكلفة الاستيراد في العهد الديمقراطي، و أن واردات الغذاء في سنوات الخطة العشرية 1992 إلى 2002م حسب تقارير بنك السودان (التي يستمد منها الأستاذ كبج ومن سجلات الجمارك أرقامه) بلغت 2,5 مليار دولار، وهذه دلالة كافية على انهيار الخطة العشرية ، ولم نأكل مما نزرع مثلما لم نلبس مما نصنع.
قبل مجيء الانقاذ كان السودان ينتج 168 مليون ياردة من المنسوجات ومعظمها من المصانع الخاصة ، وهدفت خطتهم العشرية إلى انتاج 800 مليون ياردة يخصص 600 مليون منها للتصدير و200 مليون للاستهلاك المحلي ، ولكن بنهاية الخطة العشرية تقلص الانتاج إلى 15 مليون ياردة فقط أي ما يعادل 15% فقط من انتاج المنسوجات في العهد الديمقراطي. في عام 1990م استوردنا منسوجات بقيمة 3 مليون دولار وارتفع الرقم عام 2002م إلى 360 مليون مليون دولار أي 120 ضعفا، أما في عام 2010م فقد كان انتاج النسيج في السودان صفرا كبيرا حسب ارقام بنك السودان.
انخفاض الانتاج الزراعي لم يأت صدفة فقد أطلقت سياسة التحرير الاقتصادي العنان لاستيراد السلع البذخية التي بلغت فاتورة استرادها 650 مليون دولار على مدى 15 سنة في حين أن واردات التراكتورات والمبيدات الزراعية طوال نفس الفترة لم تتجاوز135 مليون دولار للتراكتورات و138 مليون دولار للمبيدات وهي تقل عن واردات أدوات الزينة والعطور التي بلغت 148 مليون دولار والمياه المعدنية والبسكويت التي بلغت بدورها 140 مليون دولار.
بنهاية الخطة العشرية بلغت فاتورة الواردات 11 مليار دولار منها 8,5 مليار دولار للغذاء. الفجوة التي أحدثها انفصال الجنوب وهي 4,4 مليار دولار كان من الممكن أن يوفر منها 2,365 مليار دولار لو تحققت أهداف الخطة العشرية، وهذا هو سبب الأزمة.
تغطي عائدات البترول على الأزمة بصفة مؤقتة ، ولكن سوء توزيع هذه العائدات هو السبب في الأزمة، فهناك أسبقيات رديئة تحكمت في التنمية ، سد مروي اتجاه جهوي سد مروي كلف 1,6 مليار دولار . المشاريع المصاحبة لسد مروي وهي مطار وكباري ومستشفى كلفت 1,6 مليار دولار ليبلغ المبلغ الاجمالي 3,2 مليار دولار تم تمويل نصفها من القروض والباقي خصما من الميزانيات. كانت الأسبقية الأفضل هي تعلية خزان الروصيرص الذي بلغت تكلفته 600 مليون دولار . تعلية خزان الروصيرص توفر زراعة 2,6 مليون فدان جديدة وهي مساحة أكبر من كل مشروع الجزيرة وتمكن أيضا من توصيل المياه واسترداد نصف مليون فدان من أراضي مشروع الجزيرة لا تصلها المياه وتعادل ربع مساحة مشروع الجزيرة.سد مروي نموذج للتنمية غير المتوازنة والغبن التنموي. التنمية غير المتوازنة خلقت التهميش والغبن التنموي هو القوة الدافعة للحرب في السودان. الصندوق القومي لدعم الولايات جهوي وسياسي ، كان التحويل من الصندوق القومي لولايات معينة يتم بموجب تعليمات هاتفية وليس بناء على أسبقيات اقتصادية وتنموية معروفة وهذا أفرغ الصندوق من محتواه وجعل منه مجرد أداة جهوية. ما لم يعالج الغبن التنموي وتتحقق التنمية المتوازنة لن تتوقف الحروب.
حسب المسح الأسري الذي أجرته الحكومة فإن 26% من السكان يعيشون تحت حد الفقر في الخرطوم وترتفع النسبة إلى 31% في ولاية النيل و33% في ولاية الشمالية،أما من يعيشون تحت حد الفقر في ولاية شمال دارفور فقد بلغت نسبتهم 69% . التنمية ليست في اقامة السدود والجسور غير المدروسة ولكنها لا بد أن تنعكس على حياة الانسان. لو أنفق 114,000 جنيه سوداني (بالعملة القديمة)أو 114 جنيه سوداني (بالعملة الجديدة) على كل فرد شهريا ستكون الأسرة فوق حد الفقر. هذه المعلومات حسب الدراسة التي أجريت عام 2009م لكن النسبة ارتفعت الآن فمن يعيشون تحت حد الفقر في الخرطوم أصبحوا 40% من جملة عدد سكان الخرطوم ، و95% من جملة سكان ولاية شمال دارفور، والنسبة آخذة في الزيادة. حتى الأسر المتوسطة ليست أفضل حالا فهي تنفق أكثر من 65% من دخلها على الغذاء وحده ولربما يجيء يوم تضطر فيه الأسر المتوسطة إلى إنفاق كل دخلها على توفير الغذاء ولربما لا يكفي هذا الدخل.
سياسات التحرير الاقتصادي هي أكبر مصنع لانتاج الفقراء في العالم. ولا أحد يعلم ما هي مرجعيات التحرير الاقتصادي في الاسلام. قبل أيام قال عبدالرحيم حمدي ،عراب التحرير الاقتصادي، أنه إذا لم تتخذ اجراءات سريعة لتحسين الوضع فلن يستطيع الناس صرف مرتباتهم خلال الأشهر القادمة.
البترول كان يمثل 66% من ايرادات الدولة وأعلى ميزانية كانت عام 2008م وبلغت 22 مليار جنيه (جديد)، لكن الميزانيات دائما ما يلتهمها سوء التوزيع ففي عام 2007 م كانت نسبة 80% من مرتبات الحكومة تروح للأمن والجيش والشرطة، انخفضت هذه النسبة المئوية عام 2008م لتصبح 77 % لكن ارتفع الإنفاق وإن انخفضت نسبته المئوية من الميزانية. ، ثم انخفضت النسبة المئوية مجددا عام 2009م فأصبحت 76% من مرتبات الحكومة تذهب للأمن والشرطة والجيش لكن الانفاق كان أعلى من السنة السابقة. أما ميزانية عام 2012م التي توصف بأنها ميزانية تقشفية فقد زاد نصيب الجيش والأمن والشرطة من جملة رواتب الحكومة رغم أن نسبة الانفاق المئوية من الميزانية قد انخفضت إلى 70% .
في ميزانية عام 2008م التي وضعها وزير المالية الزبير أحمد الحسن ونفذها خلفه عوض الجاز وبلغت 22 مليار جنيه، زادت الايرادات بنسبة 19% عن المتوقع ولكن هذه الزيادة لم تذهب للتنمية بل بالعكس فقد صرف 65% فقط من الاعتمادات المخصصة للتنمية كان منها 360 مليون جنيه فقط (2%) للزراعة . الانفاق الفعلي في الزراعة (وليس المبلغ المخصص) لم يتجاوز 18 مليون جنيه أي 5% من المبلغ المخصص للزراعة. ونفس الشيء ينطبق على الثروة الحيوانية فقد خصص لها 52 مليون جنيه أي أقل من ربع في المائة من الميزانية ولكن حتى هذا الربع بالمائة على ضآلته أنفق منه 10 مليون جنيه فقط أي 19% (19% من مخصص الربع بالمائة)
تقليل حجم الحكومة وخفض مرتبات كبار المسئولين لا يوفر إلا 40 مليون جنيه فقط رغم كل ما صاحب ذلك التخفيض من ضجة اعلامية. المشكلة هي ايجاد سياسات بديلة لسياسات التحرير الاقتصادي.
قبل مجيء نظام الانقاذ كان سعر رعيف الخبز الفاخر وزن 90 جرام 50 قرشا والآن أصبح سعر نفس الرغيف وزن 70 جرام 250 جنيها ،أي أن الرغيف الواحد في زمن الانقاذ يعادل سعر 250 رغيفا قبل الانقاذ. وهو رقم مأساوي.
بلغت فاتورة الاستيراد في عام 2009م 9,6 مليار دولار وارتفعت الفاتورة إلى 10,1 مليار دولار عام 2010 أي بزيادة 500 مليون دولار في سنة واحدة.
الأرقام الحقيقية للبترول تعكس جانبا من صورة الكارثة. يحتاج السودان لانتاج 90,000 برميل يوميا للاكتفاء الذاتي ، 80,000 منها تروح لمصفاة الجيلي و10,000 لمصفاة الأبيض. نصيب الحكومة من هذا الانتاج 64,000 برميل يوميا بعد خصم نصيب الشركات المنتجة، ولهذا تستلف الحكومة 26,000 برميل يوميا من الشركة الصينية المنتجة وتسدد القيمة بالعملة الحرة ،بمعنى آخر نحن نستورد الآن بترول سوداني من داخل السودان بالعملة الحرة، وهذه معادلة جديدة لم تعرفها الدول من قبل. في عام 2007م بلغت واردات المواد البترولية ومن بينها الجازولين 711 مليون دولار .
وقعت الحكومة اتفاقيات سلام عديدة وما تزال الحرب قائمة والحرب كما هو معروف تستهلك الدولارات وترفع نسبة التضخم، حتى أصبح مطلوبا من السوق الأسود اليوم أن يوفر الدولارات أكثر من بنك السودان. في عام 1996م بلغت نسبة التضخم 66% وهي الأعلى التي يشهدها السودان.
بلغ الانفاق التنموي في الخرطوم 97% من جملة كل انفاق الولايات ، وحتى بعد تخفيض هذا الانفاق على الخرطوم كانت الخرطوم تستأثر بنسبة 65% من الانفاق التنموي. الخرطوم وولايتا نهر النيل والنيل تستأثر بنسبة 95% من جملة الانفاق على التنمية في كل السودان، وهو مؤشر للتنمية غير المتوازنة وغير العادلة. في عام 2008م كان المخصص لمشروع الجزيرة 40 مليون جنيه لكن لم يصرف منها إلا 8 مليون فقط. عبث تخصيص الميزانيات ينعكس في كهرباء الفلل الرئاسية التي كان مخصصا لها 1,3 مليار جنيه خفضت إلى 601 مليون جنيه ، في حين أن تنمية المراعي خصص لها 300 مليون جنيه وخفض المبلغ إلى 100 مليون، المدينة الرياضية خصص لها 300 مليون جنيه بلا تخفيض.
البدائل فات أوانها حينما كانت الموارد البترولية متوفرة وأسيء استخدامها واختلس جزء كبير منها، مثل واقعة سرقة أكثر من 300 مليون جنيه من صندوق المعاشات دون أثر للسارق ودون خيوط ترشد المحققين. البدائل تتمثل في دعم القطاع الزراعي بشقيه النباتي والحيواني ، علي سبيل المثال برنامج حصاد المياه يمكن أن يرفع حجم الانتاج الزراعي خمس مرات في القطاع المطري (أي إقامة الحواجز لحفظ مياه الأمطار ليتمكن المزارع من زراعة أرضه أكثر من مرة في السنة الواحدة). نصيب السودان من مياه النيل 18 مليار متر مكعب لكن الأمطار في السودان توفر 1200 مليار متر مكعب بمعني أن ما يوفره النيل من المياه أقل من 1,5% مما توفره الأمطار وبالتالي كان يجب أن يكون للقطاع المطري أولوية قصوى في الخطط التنموية.
في ظل هذا الوضع المأساوي يصبح الحل الوحيد هو ذهاب هذا النظام ومجيء بديل ديمقراطي يختاره الشعب يوقف الحروب ويشيع السلام ويوقف اهدار الموارد وسرقة المال العام ويوجه المال العام نحو التنمية الحقيقية المتوازنة العادلة وفق أولويات علمية مدروسة وفي ظل معايير أخلاقية تحكم المجتمع والدولة.


http://www.nubianonline.com/vb/archive/index.php?t-664.html

الوضع الاقتصادي فعلا في غاية الخطورة

اللهم اصلح حالنا

اللهم اصلح حالنا

اللهم ارزق ولي امرنا البطانة الصالحة التي تدله

على فعل الخير

وابعد عنه بطانة السوء

اللهم ابعد عنه بطانة السوء

اللهم ابعد عنه بطانة السوء

أي أعصر على البطانه وكان إتضايقته امرقه في القضارف عديل :)

في انتظار اقوال كل من
عبد اللطيف السيدح
وراق
على الكرار هاشم
والفي بالي

في انتظار اقوال كل من
عبد اللطيف السيدح
وراق
على الكرار هاشم
والفي بالي

.......................................................

يا دكتور

منتظرهم لي شنو ؟؟؟؟؟

الحمدلله ابن عمي اسلم و اهتدي و لكن يجب ان لا نفرح كثيرا قد يكون ........ و و لذلك نلزم الصمت و نتابع الموقف و المداخلات

صادرات السودان 700 مليون دولار

والمستورد 11 مليار دولار
__________________________________

تحياتي يا ود الباوقة

غايتو الكلام أعلاه براه بحتاج ليه لقدر من الشجاعة للتفسير ويمكن أن تؤدي هذه الشجاعة لإعترافات خطيرة تنتج عنها محاسبة قاسية ونتائج مؤلمة

بحيراوي

ما بالك يا رجل....؟؟
الم تنصحونا بالاستغفار
واهو الحمد الله خادم القران يومي فاتح جامع ورادمنا بالمساجد اشكال والوان
نستغفر كدددددددددده لمن تصيح الديوك لنصحي ونجد الارض البور البلقع تحولت الارض السودانية او كما قالت الانقاذ في بدايتها

استغفر يا ود الباوقة زي ما قال سيدك البشير وانسي هكذا خزعبلات بتاعة معارضة ماجورة وعميلة وتبع اسكوني فروني بتاع القمر الصناعي الموجهة ضد السودان داااك او اي كان اسمه...

وبعدين يا باوقة
اشوفك تقول وتتلفظ بكلمة جاي ولا جاي في زولي اسد الخشششششش الكرتوني يا ويلك ويا سهر ليلك
فاسد الخششش الكرتوني (الشهير ببشة) ده خط احمر وخاصة للهتيفة والمورجغين
فحذاري يا زول هوووووووووووووي

اللهم ارزقه البطانة الصالحة

التي تدله على فعل الخير

والسلام عليكم ورحمة الله

البلد وقعت "تب"

و "دوت" بتاعتك دى استخدامه مش كدة يا ود الباوقة ... !!

و بعدين نحن قلنا البلد وقت تب منذ 1989

و السبب هو فساد الانقاذ و البشير و زمرته اخوانه الفسقة ..


صور لقتلة و مجرمين و فاسدين سوادانيين "توجد صور"

شكرا اخي ود الباوقة

Quote: ود الباوقه إتهكّر ...

سلامتو

والحل عاجلا
* حكومة قومية ، لادارة الازمة الان ، وترجل حكومة الحزب الحالية ،
* من اهم مهام حكومة الازمة هي معالجات اقتصادية عاجلة لوقف انهيار الدولة ،
* ومن اهم مهام حكومة الازمة ايقاف الحرب في دارفور وكردفان والنيل الازرق ، وارضا سلاح
* تشرع حكومة الازمة في ترتيبات فترة الانتقال للسلطة خلال سنتين ،
* تشرع فورا في رد اموال الشعب المنهوبة من كائنامن كان ،
* محاسبة كل من افسد واذل الشعب طوال ال 23 سنة الماضية ،
* صعوبة مهام حكومة الازمة ، لا يمنع نجاحها ، فالبلد ما زالت عقول ابناؤها بخير ، وهناك كُثُر لديهم الافكار والحلول ولكن صعُب عليهم الوصول ،
* حكومة الازمة لها قاعدة جماهيرية واسعة ، لها الشعب السوداني كله ،

Quote: وابعد عنه بطانة السوء اللهم ابعد عنه بطانة السوء اللهم ابعد عنه بطانة السوء

صعب شديد ويحتاج لفرازه ..
لان ديدن الحركة الاسلامية ..
واهتمامها بالكم دون الكيف ..
هو ماجلب عليها كل هذه الجموع ..
التي أجزم ان أكثريتها من أصحاب الهوى والمصالح ..
والمصيبة يتم توزير أي زول يمسح جوخ الحكومة ..
حتى وإن كان مرآي ومرابي ..
صوت التصحيح .. ونفض الكثير من المفاهيم البالية ..
وخج الناس الملمومه ساي دي ..
هو ماسيصلح حال البلد ..
أما إن استمر الوضع بهذه الطريقة ..
فمزيد من التردي والانهيار ..
التوجس والخوف من الأصوات الناصحة ..
والنظر اليها بارتياب ..
يولد حاله من الانكفاء الداخلي ..
وقد دلت السنين الفائته على نضوب ..
مواعين الابتكار والتجديد ..
داخل أروقة الحكومة ..
صوت الاصلاح والتصحيح ..
هو الصوت الذي يجب ان نطلقه سويا ..
وايد على ايد تجدع بعيد ..
وهمنا واحد ..
هوهذا الوطن .. وحياة كريمة ...
لمواطن اكتوى بنار التجريب ..
وبي مسؤلين لا هم لهم إلا مصالحهم الشخصية ..
إلا من رحم ربي ..

أردم أردم ياعمكـ ...
وبنجي نردم معاكـ ..

Quote: البلد وقفت ( دوت ) يا سيدي الرئيس .....

ههههههه
كان كدي اردم
أردم ساي
كع ،،،
،،،




أركز يا ( سيدو الرئيس)
أركز

Quote: وعضا لكم يا سيدي الرئيس

لسع نحن ما لقينا فرقة عضة والله يا سيدي الرئيس
ما تسمع كلام ود الباوقة دا فالرجل عندما (يصوقر) لا يعي ما يقول وإنت سيد العارفين

أصلو النضمي ده ماينزل تحت
فووووووووووق

Quote: يا أصيل الناس ديل ما بشبهوك ولا بتشبهم ...وقالو زمان الما بلقا شبهو الله قبحو...

لاشك ،،

اسسسسسي قبل يومين ماكانت في حاجات كتييرة كده منبهلة !!


اقرا كلامك اصدقك ...
اعاين لي صورة بروفايلك عووووووووووووووووووع ... اطرش

والحل شنو في نظر السيد ود الباوقة في إزالة هذا النظام أو ترقيعه، هل من تسبب في المشكلة وعمقها أن يأتي بالحل هذا لا يستقيم، لذا أقف معنا لإزالة هذا النظام الفاسد والإتيان بنظام ديموقراطي تعددي يحترم الإنسان أولا ثم يؤسس لمؤسسات دستورية لكي نحتكم للدستور والقانون وليس لأهواء الأشخاص والأفراد ولا رأيك شنو نحن منتظرين رأيك.

الوضع الاقتصادي فعلا في غاية الخطورة
...................................................

اذا كان ده فعلا ود الباوقة فإن الكارثة قد حلت بنا .

سؤالى موجه للبورداب : ده كان فين ؟؟؟؟!!!!!.

Quote: عفيت منك يا باوقة .. اثبتت انك تستطيع تدوير الجميع بشوية خزعبلات زمزغة وحرووويل وحبة بربره ! جد برافوو عليك تعجبنى

عفيت منك يادينا خالد الناس ديل شايفين السراب قايلنو مويه .

Quote: ايعقل ان يستورد السودان قمحا من الخارج ؟؟؟؟

يا ود الباوقة قول بسم الله قمح شنو

سيدك الرئيس قاعد يستورد الطماطم !!!!! أي والله الطمااااطم
ومن وين ؟؟؟؟؟؟؟
من الاردن




اتفرج عليك الله

اخي عمر ...
تجنب اكل (السمك) ...هذه الايام
لا قلزم ولا كلثم
اصلا سمك الصحراء العربية كولو مضروب واروش واشتر
بتوقف الراس (دوت)
تحياتي

ودالباوقة

Quote: والسلام عليكم ورحمة الله

وعليكم السلام ورحمة الله تعالى وبركاته
بالله تاكى الباب وانت مارق.

من امن العقاب اساء الادب .......
غاب مبدأ المحاسبه وساد فقه خلوها مستوره وباركوها وابعد الشرفاء فكان الحصاد المر
شكراً ود الباوقه على قول كلمه الحق حتى وان جاءت على نفسك ....


—————
مورتا لم تخب نظرتى فى ود الباوقه ابداً فهو رجل خلوق عف اللسان

يا أخوانا براحة على ودالباوقة
ودالباوقة يضع هنا البنود الرئيسية والاهداف التى يجب
أن تسير عليها المعارضة كسياسة رشيدة
ودالباوقة يعلم المعارضة درساً فى النضال الأسفيري
ودالباوقة يدخل بسياسة جديدة ..
لتغيير هذه الحرب الأسفيرية
وهذا البوست هو البداية فقط..
تابعوا ودالباوقة
وأنتظروا بوست ( سيدي الرئيس )
ـــــــــــــــــــــــــــــــــــــــــــــــــــــــــــــ
أفتقد الأستاذ/ دينق !!!

البلد وقفت دوت كوم

Quote: اللهم ابعد عنه بطانة السوء

كدي يا معلم إدينا أسم أسمين كدا من بطانة السوء دي (طبعا عارفهم انت)

انت كلم الرئيس وأنا بتكلم معاهم يخلوا الرئيس

باوقه سلام
صاحبة السمو عملت فيك عمايل لا يعلم بها الي الله

كامل التضامن مع ود الباوقة

ويا دينق عليك الله ما تجي

أين البطانة الصالحة للعمل والزراعة؟ ومشروع الجزيرة؟ وترعتي الرهد وكنانة؟
وسمك سد مروي؟؟ وكهربة سد مروي؟؟ ومال الرسوم وضرايب الدنيا والعالمين؟؟
بل أين التركين؟؟؟ والملوحة؟؟ والمورينقا؟؟؟

بل أين حق بيع ما تبقي من أراضي السودان؟؟؟

بل أين ذهبت ضرائبي...ورسوم إعفاء تجنيدي من سنة 86؟؟؟
وما نابني منك الا ...طق...ختم خروج...
الختم أصلو بي كم؟؟؟ وحبرو بي كم؟؟؟

باقي القروش وينا...ما كان ممكن تزرع ليها 200حواشة
برسيم من سنة 1986...وحوض البرسيم بتباع بي 5000
من الزمن داك؟؟؟

Quote: لابد من معالجات سريعة فصبر الشعب في طريقه للنفاذ

الشعب صبرو نفد من زمان

سيدي الرئيس انت تعلم بان النصيحة

جاءتك من شخص يحبك في الله

فقط لا غير

Quote: يا دوالباوقة دي خطبة وداع ولا خطبة فراق ؟ رد · أعجبني · متابعة المنشور · منذ ‏33‏ دقيقة

ادريس وقف ليك بالشباك الحقو بي رد يا بق بق

البلد وقفت دوت كوم

ادونا الرابط

دي بتذكرني زمان واحد اسمه بطرس شغال في مؤسسة حكومية قام اختلس ليه كام الف جنيه كدي زمن الجنيه ابزرد مش جنيهكم الحنكوش دن فقامت احد السكرتيرات التي تعمل مع عم بطرس في نفس المؤسسة بنفس حاااااار كدي قالت:

أحييييي يا عم بطرس

هسع نقول أحيييييي يا عم منو ولا منو ولا منو؟؟؟

ادريس وقف ليك بالشباك الحقو بي رد يا بق بق

.....................................

ربنا يفك اسرو

يا الدسيس

عليك ان تغتسل
تبا لك كيف تخاطب الحاكم بامره بهذه الطريقة .... وماذنبه في هذا وقد فعل المستحيل لان يجعل البلد في مصاف الدول المتقدمة ... ماذا قدمتم انتم للبلد وانت قابع هنا في الرياظ ... ويحكم ماذا تريدوه ان يفعل اكثر مما فعل ... ويحكم ماذا تقولون

Quote: Idris Khalifa Alam Elhuda · Riyadh, Saudi Arabia يا دوالباوقة دي خطبة وداع ولا خطبة فراق ؟

لا هذه ولا تلك

شكرا ود علم الهدى

الزراعة يا سيدي الرئيس

اعطوا هذه الوزراة الحيوية

اعطوها من يعيد لها سيرتها الاولى

دولة اليمن الى وقت قريب لا تعرف ( المنقة ) الا سماعا

اخذتها من السودان وزرعتها في الوديان الضيقة ما بين الجبال

والان من اكبر مصدري المنقة الى دول الخليج

تحية طيبة
ود الباوقة سلام

تدهور الاقتصاد سببه البشير

انقسام السودان سببه البشير

ضياع الاخلاق وتفشي الجريمة سببها البشير

علاقاتنا الدولية التعبانة سببها البشير


الحل

ذهاب البشير وبقاء السودان

او

ذهاب السودان وبقاء البشير



و
اسمعت لو ناديت حياً ولكن لا ( حياء) لمن تنادي

Quote: تدهور الاقتصاد سببه البشير انقسام السودان سببه البشير ضياع الاخلاق وتفشي الجريمة سببها البشير علاقاتنا الدولية التعبانة سببها البشير الحل ذهاب البشير وبقاء السودا

اخي الجنيد

غير صحيح

ارجع الى الوراء وعدد انجازات الحكومات المتعاقبة منذ الاستقلال وحتى مجيء الانقاذ

ومن 89 الى اليوم

وبس

Quote: ارجع الى الوراء وعدد انجازات الحكومات المتعاقبة منذ الاستقلال وحتى مجيء الانقاذ ومن 89 الى اليوم

يا ود الباوقة الانجاز لا يحتسب انجاز الا اذا اثر تاثير واضح في حياة المواطن
وانتو انجازاتكم القاعد تفاخروا بيها دي كان تاثيرها سلبي كلها
ابتداءاً من البترول وانتهاءاً بسد مروي
تقدر تقول لي فائدة هذه الاشياء وليس الانجازات بالنسبة للمواطن شنو؟؟؟؟

وانت قبيل قلت كلام جميل جدا
انو سيدك الرئيس ما استفاد من البترول في تطوير الزراعة وانو الحل في الزراعة
وللأسف المتعافي ضد الزراعة وهو وزير الزراعة
ونحن اصواتنا يا اما مباعة
ويا اما جهالة وناس متباعة
وفي الحالتين امالنا مضاعة
ما بنصفكم الا ضراعكم
عبو ضراعكم يا رجالة
وخلو بصركم دغري وسالم
حكم العسكر ما بتشكر
كلو درادر كلو مظالم

Quote: أرحل سيدي الرئيس .. أنت وبطانتك

دا عنوان البوست القادم لود الباوقة.

قالوا، الله يكافينا شر قلنا وقالوا: قامت عاصفة شديدة جداً، والناس أوشكوا علي
الهلآك، فراحو يستغفرون الله ويتوبون، فقال لهم جحا: أيها الناس لا تعجلوا
بالتوبة فإنما هي زوبعة وتفوّت.


يا ود باوقتنا، قلت لي البلد وقفت أضان دحش ؟؟؟!!!

الله يسوي الفيها الخير، أها...

بقً بقً

انا كنت واثقة انوا قلبك مليان خير

يا ابو قلب دهب

يلا لى قدام يا سوداني يا اصييييييييييييييييييييل

Quote: بقً بقً انا كنت واثقة انوا قلبك مليان خير يا ابو قلب دهب يلا لى قدام يا سوداني يا اصييييييييييييييييييييل

والله يا بقة كان دا انا
كان بقيت شيوعي عديييييييييييييل

تحياتي وضاحة

Quote: وعندما اتيحت لنا فرصة ذهبية للنهوض بالزراعة ابان طفرة البترول لم نستغل هذه الطفرة استغلالا مرشدا فذهب البترول وجف الضرع والزرع

** الأخ عمر ود الباوقه..
## سلام مساءك خير ..
## بس لو عرفت لينا قروش البترول الإتلحست دى ومادخلت فى إى موازنه وهُربت خارج السودان وتم شراء ذمم البعض بها ومبالغ أُخرى موجوده بمنازل أصحاب التمكين تكون ماقصرت !!!
## تعرف أن جل السودانيين المُشترين لعقارات فى دبى هم من السودان ويأتون فى المرتبه السابعه من حيث المُشتريين العرب ويبلغ عددهم (80) شخصا وجملة المبالغ التى سددوها (155 مليون درهم) غير المُشتريين من مطوريين آخرين لم يرد ذكرهم..
** (المصدر صحيفة الخليخ الإماراتيه العدد 12321 بتاريخ 11\02\2013 الملحق الإقتصادى ص."6" www.alkhaleej.ae )
## ياخوى دى دولة الفساد والإفساد وسياستهم :- لآاسمع ,, لاأرى ,, أسرق ,, أنهب ...
(ودام الود بين الجميع حتى تعود الحقوق لأصحابها)
(ابو محمد فؤاد)

الرد الرد السد السد
متذكر الشعار ده يا بقه

Quote: سيدي الرئيس انت تعلم بان النصيحة جاءتك من شخص يحبك في الله فقط لا غير

الله يمهل ولا يهمل

الكيزان مجتمعون في دار الندوة.يدخل عليهم ابودجانة بن ابي دجاجة الصافي المتعافي و يصيح قائلا:
ويحكم أيها القوم لقد صبأ ابن الباوقة و ترك عبادة آلهتنا !
فيرد عليه احدهم قائلا:هون عليك يا اخا المؤتمر هو لم يصبأ.دي بتكون زعلة ساي.

الثوابت لن نتزحزح عنها

ما دمنا احياء .....

سيدي الرئيس الجاتك في ود الباوقة سامحتك...
أصيل يا باوقة وحات فجر المشارق تاني مافي رجعة....
أنا لو كنت في مكان الرئيس كنت عينتك وزير زراعة ودي احتمال ما تكون مفاجأة ود البواقة البوست القادم ...
عندي إحساس كدا ودا الباوقة متوجه من مكة لمشروع الجزيرة والله اعلم...

Quote: متوجه من مكة

نجاة

انا في الرياض

مع امنيتي ان اكون بمكة بقية عمري

اركزي

Quote: Kamil Abdulrahman ابداً ما كنت متخيل رعاع الكيزان من فصيل هييييييييييييع وكع واردم بان يكون لهم ضمير يمكن ان يصحي يوماً لكن للاسف ود الباوقة خيبت ظني وعدت الى رشدك ونحن فى انتظار الاغتسال بماء التوبة وان تعتزر للشعب السوداني طيلة ال24 سنة الماضية بانك كنت فى ضلال ودافعت عن نظام منافق يتسربل بجلباب الاسلام لاغراض شخصية وحزبية وقبلية , ربنا هو الوحيد الذى يغفر الذنوب

السغيروني كامل

حاول انتقاء مفردات مهذبة شوية

Quote: لابد من معالجات سريعة فصبر الشعب في طريقه للنفاذ

ود الباوقة اختشى واركز..
غايتو سكرك بقى كعب خلاص
الله يستر من سب الدين،،،

Quote: غايتو سكرك بقى كعب خلاص الله يستر من سب الدين،،،

البوست دا (محلو) السقف
كلام زى دا مايقع (واطه)
فووووق

Quote: صادرات السودان 700 مليون دولار والمستورد 11 مليار دولار

يا ود الباوقة سلام

يا أخي أولاً من أين أتيت بهذه الأرقام ... يعني المصدر بالله لو سمحت ... لأنه صادرات الماشية لوحدها تدر على السودان مبلغ 408 مليون دولار ... ناهيك عن البترول والمعادن والمحاصيل (الصمغ والفول السوداني والكركدي الخ ...) ... وما تنسى صادرات السكر (سيلفر كين) للدول العربية ...

تحياتي

انتقل إلى رحمة الله وبركاته سودان بن ابيه

تمّ الدفن في مزبلة التاريخ.

وانتهى العزاء بانتهاء مراسم الهدم.

Quote: وان تعتزر للشعب السوداني طيلة ال24 سنة الماضية بانك كنت فى ضلال ودافعت عن نظام منافق يتسربل بجلباب الاسلام لاغراض شخصية وحزبية وقبلية , ربنا هو الوحيد الذى يغفر الذنوب

للمعلومية: ود الباوقة لم يكن من مؤيدي نظام الإنقاذ منذ إنقلاب الكيزان...فالرجل كان في الأصل بعثياً، وحتى انتماؤه لحزب البعث لم يكن من منطلق قناعة بالفكر العروبي القومجي بل لأنه كان مقيماً في العراق قبل مجيئه إلى السعودية، وانتماؤه البعثي كان من منطلق انتهازي نفعي بالدرجة الأولى إلى درجة أنه أطلق على أحد أبنائه اسم "عدي"، تيمناً بالمجرم نجل الدكتاتور! وعموماً عمر ود الباوقة رجل انتهازي نفعي بالدرجة الأولى، لذا أصبح من "المؤلفة جيوبهم" مع بداية حملات التجنيد الجماعي التي أطلقها حزب المؤتمر الوطني في دول الخليج خلال النصف الثاني من العقد الماضي، وعلى وجه الخصوص في السعودية، حيث تقاطر على جيفة المؤتمر الوطني ذباب المنتفعين والأرزقية من كل حدب وصوب.

السيد الرئيس ، وحزبه ؛
هم اس المشكلة ،
لا جزءا من الحل اذن .....

Quote: انعدام تام للادوية المنقذة للحياة وارتفاع اسعار الاخرى شاهدت امس الهرج والمرج في برنامج ( مراجعات ) عن غلاء الادوية وانعدام الكثير منها والكل يرمي بالائمة على الاخر والمواطن ضائع فيما بينهم

أن تأتي متأخرا خير من ألا تأتي.

الباوقة رجل انتهازي نفعي بالدرجة الأولى، لذا أصبح من "المؤلفة جيوبهم" مع بداية حملات التجنيد الجماعي التي أطلقها حزب المؤتمر الوطني في دول الخليج خلال النصف الثاني من العقد الماضي، وعلى وجه الخصوص في السعودية، حيث تقاطر على جيفة المؤتمر الوطني ذباب المنتفعين والأرزقية من كل حدب وصوب.

..............................................................................

النكرة عادل

راجغ معلوماتك

وبطل عقوق لوطنك

يا أخي أولاً من أين أتيت بهذه الأرقام

........................................................................

فعلا الرقم غير صحيح او ربما قديم شوية

الان فقط عائدات الذهب 2.5 مليار دولار

شكرا لتصحيح المعلومة

شكرا دكتور

Quote: البلد وقفت ( دوت ) يا سيدي الرئيس

دابك جبت خبر آآآ عشاي..... البلد وقفت دت الليله ولا امس ؟؟؟؟؟
البلد يا ود الباوقه بركت تب .. والفضل يرجع لسيدي الرئيس ده زاااتو!!

الحيزبون ود الباوقة

الحصل ليك شنو?

جنيت!

سلام ود الباوقة
تابعت البوست ده من اول سطر لآخر صفحة
متوقع تتداخل بكلمة ده ما انت اتهكرت او فتحت كمبيوتر ناس في زيارة
واستغلوا اسمك
وكل هذا لم يحصل
عليه الا تحلف انو ده انت في الحالة دي

Too little
Too late

تحية يا ود الباوقة

Quote: اخي الجنيد غير صحيح ارجع الى الوراء وعدد انجازات الحكومات المتعاقبة منذ الاستقلال وحتى مجيء الانقاذ ومن 89 الى اليوم وبس

أين هي الانجازات؟ ( - بيع مشروع الجزيرة - تدمير لمعظم المشاريع الزراعية - توقف معظم المصانع - تدهور العملة الوطنية - تدمير السكة الحديد - بيع اي حاجة باي تمن والحصيلة في جيوب الكيزان - قروض في قروض لبناء مشاريع حتى اللحظة لا تاثير لها (سد مروي = شراء كه اتفاقية لشراء كهرباء من اثيوبيا ) .. اموال البترول بدل استخدامها في المشاريع غير ذات الجدوي تم نهبها ... استيراد معظم السلع الغذائية نتيجة لانهيار الزراعة والصناعة .. تدهور في التعليم والصحة.. انهيار السلطة القضائية، الخطوط الجوية السودانية ، الخطوط البحرية. اتفاقيات لبيع المزيد واتفاقيات مثيرة للجدل تتم في الخفاء والعلن : ( التفزيون القومي - مصانع السكراخيراً وليس آخراً) سرقات للمال العام بعلم الرئيس وتقارير المراجع العام ولا حياة لمن تنادي .. انفصال الجنوب تتويجاً للسياسة الرعناء وحروب في دارفور وجنوب كردفان والنيل الازرق ـ المحسوبية والقبلية التي لم يشهد السودان مثلها من قبل ولااظن انها ستكرر في نظام غير هذا لا خير مرتجى إلا بذهاب هذه الحكومة اللعنة ورئيسها الراقص الكذاب الاشر وذمرة المنافقين واللصوص ناهبي المال العام.

Quote: Musab Sharf Aldin اقالة وكيل وزارة العمل وتنمية الموارد البشرية ,,, شنو يا ناس سودانيزاونلاين مالكم بقيتو مابتجيبو الاخبار العاجله !!؟ ولا خليتوها علينا هههههههههههه ياود الباوقه تحياتي وسلامي الحار لك ولاسرتك الكريمه ,, مصعب

Quote: Musab Sharf Aldin اقالة وكيل وزارة العمل وتنمية الموارد البشرية ,,, شنو يا ناس سودانيزاونلاين مالكم بقيتو مابتجيبو الاخبار العاجله !!؟ ولا خليتوها علينا هههههههههههه ياود الباوقه تحياتي وسلامي الحار لك ولاسرتك الكريمه ,, مصعب

حبيبنا مصعب يا اخ الشوق كميات

ما شفناك مع المجمعة الجديدة دي

جد مشتاقين ...

فساد المتعافى .. عجول فى 45 يوم .. ماذا قال الديك و غيره للبشير ... !!

قريمان

لو سمحت تعال شيل عجولك دي من هنا

قبال من افرض عليهم رسوم عبور

سرعة

اين ذهبت النفرة الخضراء التي دعى اليها شيخنا على عثمان محمد طه

اين هي اللآـن ؟؟؟؟؟

Quote: Too late

التو ليت شنو كمان

عليه الا تحلف انو ده انت في الحالة دي

...........................................................

ياتو حالة يا الخياري ؟؟؟؟

Quote: Faisal Mohamed Ahmed · ‏51‏ سنة ود الباوقة : تدعو بالنجاة للرئيس من بطانة السوء وانت فيهم ؟؟؟؟؟؟ ....... يا سبحان الله

استغفر ربك يا فيصل

غايتو سكرك بقى كعب خلاص
الله يستر من سب الدين،،،

.................................................

موج

عاجل الشفاء

اختار الاجابة الصحيحة

ســب ما يمر به ود الباوقة
1 / عـودة الوعي
2 /ماقبض و يفكر في قيادة انقسـام
3 / شــبع

Quote: عليك ان تغتسل

من شنو ؟؟؟؟؟

شكرا يا ود المشرف والقول ما قاله كبج:

Quote: في ظل هذا الوضع المأساوي يصبح الحل الوحيد هو ذهاب هذا النظام ومجيء بديل ديمقراطي يختاره الشعب يوقف الحروب ويشيع السلام ويوقف اهدار الموارد وسرقة المال العام ويوجه المال العام نحو التنمية الحقيقية المتوازنة العادلة وفق أولويات علمية مدروسة وفي ظل معايير أخلاقية تحكم المجتمع والدولة.

سلام يا ود الباوقة
ماعندي غير أذكرك (ولا تركنوا إلى الذين ظلموا فتمسكم النار).

Quote: د.عبدالله المسلمي · Sind university jamshoro لا حول ولا قوة إلا بالله ..... بلاهي شوفوا الزول الما بختشي دا .....هي البلد وقفت يا دوب ..... ما واقفة مما جات حكومة السجم دي ولا يا دوبك فلست يا ود الباوقة ؟!

الدكتور

هي بالله البلد وقعت من زمان

طيب انا كنت وين ؟؟؟

ود الباوقة
تحياتي
يعني نتوقع إنضمامك للفجر الجديد ولا كيف ؟
ياخوي البلد واقفة دوت من 89
لكن منو البقنع نافع الذي لا زال يقول بان المعارضين مغيوظين من إنجازات الإنقاذ

يعني نتوقع إنضمامك للفجر الجديد ولا كيف ؟

معاوية

انت حلمان ولا شنو

قال الفجر الجديد ؟؟؟

احلم يا عمك .

البلد وقفت دوت ...


كلمة حق اريد بها باطل


فى انتظار اليو تيرن .....

فى انتظار اليو تيرن .....

..........................................

انت من زمن اليو تيرن

نحن ناس قطع اشارة وهي حمراء

قال يوتيرن

على اليمين شمال دور

يا ابو حميد

سلمي المسالمه · النموزجيه
السمك بتاعك داك ماتكون شربت وراهو لبن يابق بق

...................................................

بالعكس

عادة بعد تناول وجبتي المفضلة من السمك بتناول بعدو

عصير تفاح طازج

شكرا سلمى

Quote: انت حلمان ولا شنو قال الفجر الجديد ؟؟؟

ود الباوقة
صدقني ما تستبعد الموضوع ده
فى زول كان بتوقع أنو ود الباوقة يعترف بانو البلد وقفت دوت
وفى المنبر العام كمان مافى الحمام

صدقني ما تستبعد الموضوع ده
فى زول كان بتوقع أنو ود الباوقة يعترف بانو البلد وقفت دوت
وفى المنبر العام كمان مافى الحمام

.........................................................................

معاوية

ما تمشي بعيد اكثر من اللزوم

وشكرا

صحوة ضميرك جات لي بعد ما قلبي وحناني اديتو غيرك بعد ايه تطراني؟؟؟

يعني إلا يموت كم الف كده فى الغرب ويتفقرو كم مليون كده فى العاصمه زاتها ناهيك عن الأقاليم الأساساً منتهيه

حتي تقتنع؟؟؟

لكن
الإسلام يجب ما قبله
هذا إن اسلمت

الاستغفار الاستغفار سيد الدعاء
استغفروا ربنا كثيراً وربنا بيفتح عليكم بركات من السماء
الكلام دا جادي
بس السؤال
هل كل الدعاء يُقبل؟ له شروط اولها ان لا يكون صاحبه يأكل من حرام
اما في انقاذكم هذه من هو مثل سعد بن ابي وقاص؟

كمبال

بدل ما تطالب الشعب الصابر بالتنازل عن ملعقة سكر واحد

كان تتحزم وتتلزم وتقول انا بستورد الدواء بسعر التكلفة دون وضع اي

هامش ربح الى ان تنفرج الازمة

Quote: الاستغفار الاستغفار سيد الدعاء استغفروا ربنا كثيراً وربنا بيفتح عليكم بركات من السماء

صحيح اخي محمد عمر

الاكثار من الدعاء ينزل الغيث والبركات

بارك الله فيك

تخيلو رد سيد ود الباوقة بعد قراءة البوست
(اكيد ود الباوقة في وضع غير طبيعي و انا ما عندي رد احسبه من الجاهلين و اذا خاطبك الجاهل فصد عنه)

أثناء زيارتي لسوريا قبل اندلاع الثورة الحالية-وهى منتصرة لا محال- لفت نظري صور الصنماالاسد الاب و الابن...صورهم معلقة في كل مكان لم تسلم منها اعمدة الانارة والمباني الحكومية البائسة...حتى المحال الصغيرة في الاسواق تجدهم يضعون صورة مذهبةو كبيرة للصنم الاب وابنه

انت وامثالك من الهتيفة وعبدة الاصنام هم من يصنعون الطغاة امثال البشير المجرم الجاهل
انت وامثالك من يحتفون بالمجرم ويجعلون صوره ايقونة

لم أكن اظن ان سودانيين مثلنا سيكونون في يوم من الايام عبدة للاصنام والطغاة

من اين جئتم؟

انت وامثالك من الهتيفة وعبدة الاصنام هم من يصنعون الطغاة امثال البشير المجرم الجاهل
انت وامثالك من يحتفون بالمجرم ويجعلون صوره ايقونة

..............................................................

البرلوم السغيروني الهواري

البشير ليس صنما تهذب في لغتك لو سمحت

وان انت حسبته كذلك

نحن بالنسبة لنا يمثل رمزا لسيادة الوطن

ولن نفرط فيه على الاطلاق

Quote: البرلوم السغيروني الهواري

الضحك ما بحلك

اركز

المشهد الاول.. نهارى

يدخل رجل قصير القامة يرتدى بدلة سفارى شديدة الاناقة وحذاء اسودلامع ونظارات انيقة ايضا ويبدو فى نهاية العقد الخامس وهو ناعم الشعر ويدخل خلفه مباشرة رجل اخر طويل القامة قوى البنية يرتدى سفارى ايضاولكن اقرب الى اليونيفورم وهو يحمل شنطة سوداء يضعها قرب المكتب ويخرج مسرعا ...يجلس الرجل الانيق على مكتب فخم بكرسى متحرك فى وسط الغرفة تحيط به مجموعة كبيرة من الاجهزة والاوراق ينظر فى ساعته ثم يقرا فى مجموعة الاوراق التى امامه ويقلب راسه يمنه ويسرة ...بستمر فى القراءة وهز الراس وتقليب الاوراق....فجاءة يتوقف عن الحركة ويخلع نظارته الانيقة ويرفع الاوراق التى امامه ويحدق فيها بشدة وهو يتمتم ...البلد وقفت( دوت .).البلد وقفت (دوت )


ونواصل ...

ياا جماعة عليكم بالصبر
الامور كلها حا تتصلح ان شاء الله
و حا نزرع البلد و ندور المصانع
انتو بس صفو النية.

____________
يا باوقة ... استغفر

يا خوانا
ض ن ب ... ال ك و ز

عمره ما بتعدل.

ماتضيعوا زمنكم ساي.

يا مناتلين هوي أركزوا
معاكم الكمرة الخفية
ودالباوقة اختشي

وقفت دت؟
افو افو آآآودالباوقة
اركز اركز
الصقر كان وقع كترت البتابت عيب

ود الباوقة
تحياتي
الوقفها شنو؟
في شهر أبريل سنة 1990م، قلنا يا جماعة ريحة القبلية أزكمت النفوس، قالوا أنتم ( مغتربين) ساكت.
وفي السنة البعدها قلنا ياجماعة الجهوية رافقت القبلية، قالوا أنتم ( شفقانين).
وفي السنة البعدها قلنا ياجماعة ألحقوا دارفور، إنا نري تحت الرماد وميض نار، قالوا قطاعين طرق.
وفي السنة البعدها قلنا ياجماعة الحقوا العساكر، قالوا ديل رساليين. وسكتنا فإنه من العبث أن
تنصح من لا ينتصح. ثم يا حبيبي ود الباقة كنت قايلك أقرب بكثير! تنصح بعد فوات الأوان فماذا تتوقع؟
كو البلد ما وقفت، البلد قاب قوسين أو أدنى من مزيد من التمزق. والله يكضب الشينة.

اخر متداخل يوسف السماني

اين ( زقلت ) مداخلتك ....

وشكرا

Quote: عفيت منك يا باوقة .. اثبتت انك تستطيع تدوير الجميع بشوية خزعبلات زمزغة وحرووويل وحبة بربره ! جد برافوو عليك تعجبنى .

عفيت منك يادينا خالد الناس ديل شايفين السراب قايلنو مويه

Quote: اخر متداخل يوسف السماني اين ( زقلت ) مداخلتك .... وشكرا

زقلتها في سهلت ورجقتك ياباوقة .

Quote: المشهد الاول.. نهارى يدخل رجل قصير القامة يرتدى بدلة سفارى شديدة الاناقة وحذاء اسودلامع ونظارات انيقة ايضا ويبدو فى نهاية العقد الخامس وهو ناعم الشعر ويدخل خلفه مباشرة رجل اخر طويل القامة قوى البنية يرتدى سفارى ايضاولكن اقرب الى اليونيفورم وهو يحمل شنطة سوداء يضعها قرب المكتب ويخرج مسرعا ...يجلس الرجل الانيق على مكتب فخم بكرسى متحرك فى وسط الغرفة تحيط به مجموعة كبيرة من الاجهزة والاوراق ينظر فى ساعته ثم يقرا فى مجموعة الاوراق التى امامه ويقلب راسه يمنه ويسرة ...بستمر فى القراءة وهز الراس وتقليب الاوراق....فجاءة يتوقف عن الحركة ويخلع نظارته الانيقة ويرفع الاوراق التى امامه ويحدق فيها بشدة وهو يتمتم ...البلد وقفت( دوت .).البلد وقفت (دوت )

محمد الحسن

شكلك قاص متمكن

وشكرا

ههههههههههههههههههههههههههههههههههههههههههه
متابعة البوست ده من ما بدأ لحدى ما وصل الصفحة رقم(5)..
متوقعة ود الباوقة فى أى لحظة يقول مصطلحاته الكيزانية العجيبة القاعد يستعملها هنا بلا معنى وبلا مدلول غير المزيد من الهتر والاستهتار بعقول البشر كما ظلت تفعل بنا الانقاذ ليختم بهذه الجملة (كنت بهظر)..
حتى وصلنا الى الصفحة الخامسة وما زال المسلسل قبيح الفصول مستمراً..
والمزعلنى الجماعة اللى اتعاملوا مع هذا البوست بكل جدية..
ماذا يعنى كلام مثل هذا يقوله ود الباوقة ولا نافع على نفاع ذاته ..
ماذا يعنى ذلك....
يا ناس عودوا الى رشدكم ولا تضيعوا الزمن مع ود الباوقة وامثاله من اذيال نظام الفساد والاستبداد وتجارة الدين..
قوموا الى رشدكم يرحمكم الله

Quote: متابعة البوست ده من ما بدأ لحدى ما وصل الصفحة رقم(5).. متوقعة ود الباوقة فى أى لحظة يقول مصطلحاته الكيزانية العجيبة القاعد يستعملها هنا بلا معنى وبلا مدلول غير المزيد من الهتر والاستهتار بعقول البشر كما ظلت تفعل بنا الانقاذ ليختم بهذه الجملة (كنت بهظر).. حتى وصلنا الى الصفحة الخامسة وما زال المسلسل قبيح الفصول مستمراً.. والمزعلنى الجماعة اللى اتعاملوا مع هذا البوست بكل جدية.. ماذا يعنى كلام مثل هذا يقوله ود الباوقة ولا نافع على نفاع ذاته .. ماذا يعنى ذلك.... يا ناس عودوا الى رشدكم ولا تضيعوا الزمن مع ود الباوقة وامثاله من اذيال نظام الفساد والاستبداد وتجارة الدين.. قوموا الى رشدكم يرحمكم الله

لا حول ولا قوة الا بالله

Quote: توقعة ود الباوقة فى أى لحظة يقول مصطلحاته الكيزانية العجيبة القاعد يستعملها هنا بلا معنى وبلا مدلول غير المزيد من الهتر والاستهتار بعقول البشر كما ظلت تفعل بنا الانقاذ ليختم بهذه الجملة (كنت بهظر)..

اهظر كيف يعني ؟؟؟؟

.. بوست القرن.. وليس العام... أو حتى الربع الأول..





راجعين .. بعد ما نقرأ الخمس صفحات قبل ما تزيد...

ود الباوقة كيف أصبحت بتوقيتنا المحلي......
لسة البلد واقفة دوت ولا قعدت واتوهطت؟

Quote: لسة البلد واقفة دوت ولا قعدت واتوهطت؟

واقفة وقفة عدوك يا نجاة

اركزي

Quote: ههههههههههههههههههههههههههههههههههههههههههه متابعة البوست ده من ما بدأ لحدى ما وصل الصفحة رقم(5).. متوقعة ود الباوقة فى أى لحظة يقول مصطلحاته الكيزانية العجيبة القاعد يستعملها هنا بلا معنى وبلا مدلول غير المزيد من الهتر والاستهتار بعقول البشر كما ظلت تفعل بنا الانقاذ ليختم بهذه الجملة (كنت بهظر).. حتى وصلنا الى الصفحة الخامسة وما زال المسلسل قبيح الفصول مستمراً.. والمزعلنى الجماعة اللى اتعاملوا مع هذا البوست بكل جدية.. ماذا يعنى كلام مثل هذا يقوله ود الباوقة ولا نافع على نفاع ذاته .. ماذا يعنى ذلك.... يا ناس عودوا الى رشدكم ولا تضيعوا الزمن مع ود الباوقة وامثاله من اذيال نظام الفساد والاستبداد وتجارة الدين.. قوموا الى رشدكم يرحمكم الله

القول ما قالت الاستاذة احسان

في النهاية حنبقى في زكية زكريا وذيع ياعم ذيع
ما في اي اشارة لجدية الموضوع ... من دوت الى عدم توجيه الخطاب باسم (زعيم العصبة الحاكمة)

عفيت منك ودالباوقة ماقلنا ليكم المنبر دة بفواكهة شوف الزول دة وصل للصفحة الخامسة في زمن قياسي رغم تباين الاراء ودي واحدة من أدبيات هذا المنبر الرائع وتأكيد علي مدي تحلي الكل مبداء الحوار الهادي والمثمر وإحترام الرأي الاخر . لك التحية ياباوقة

Quote: بعد تصريح رئيس الوزراء المصري بان الدول لا تفلس ردا على اقاويل بقرب افلاس مصر تداول البعض سوالا في تويتر هو: إذا كانت الدول لا تفلس، فهل تنهض؟ في إشارة إلى مشروع النهضة الذي اتضح أنه فكرة

الدول لا تقف دوت لكنها تثور لتقتلع الانظمة الفاسدة ومن يشايعها

Quote: سيدي الرئيس انت تعلم بان النصيحة جاءتك من شخص يحبك في الله فقط لا غير

أعمل حسابك.. يا باوقة..

النصيحة دي ودت ناس التوج.. ونحن نربأ بك.. من ذلك التوج.. الذي تبرأ وتستبرأ منهو..

آلا وهو سجن كوبر.. إلا إذا كنت تريد مجاورة السيد الرئيس وهو السجن فركة رجل من كافوري..

وبالمرة تبلغ تحياتنا وتطمنا على صحة صاحب النصيحة المشهورة.. بروفيسر زين العابدين..












وبالمناسبة السعيدة دي.. غنو معي مسدار النصيحة.. عسى ولعل يصل إلى مسامع السيد رئيس الجمهورية..


هبة ريح نصايبك يا المقوله بضري

كتري في المحن من شينه ما تنصري

إن جيتك مدنقر (وشي) ماني موري
تبقي نضال معيبه .. وبت قريد مي سري



يا ريس صباح الخير وياها الحالة

خمسة سنين نجابد في القراية رجالة

خلاص كمل الصبر والأمور بطالة
وإحنا ولاد رواعيه وعقبال ترباله



قضينا الخدمة في الميدان كتال وبساله

ومضغنا الصبر في صي نسايمو علاله

بعد جبنا الشهادات البوظف شاله
ود ناسك مدير ... إلا الكفاءة عطاله



الدكتور وحاتك جوكي سايق الرقشة

وأب شنبات مصاقر البيت مع ناس عشه

يا حرس ام مسور الا كديب لا حشه
ولـ أنقد بالسنبك تجيبو الكشه



أكلو لحمنا ناس الحله قالو عطاله

مراتاً طلب مرات كتار عتاله

بعد ما رضينا يا ريسنا نبقى عماله
فتحولنا الحدود للحبشه والبنقاله



بطانتك خمرت فوقنا القبيله فطير

واقع المغصه والغبنه الملازمو خطير

شباب أتلزم العركم ودوا وقصطير
بعد ما عيشو فتق ليش بتدي الطير



يا ريس جزم شعبك رقد موجوع

ولا هماهو تاني حضارة المشروع

الظلم المرض علمنا لحس الكوع
والسد أبره في قش للمضايقو الجوع



جوامع الفشخره البتصلو فيها براكم

تسو كم مدرسة لشعب جاري وراكم ؟

الحرص المدجج اهس كان ضاراكم
يوم البعث قابلني ان بقيت باراكم .



جت استوزرو الكيزان وملكو السوق

ناسين ساقية الدنيا الدوام بتسوق

الصفاقه اسه والنقايزه عسوق
ما ببروكه ساعة جره الواسوق ..



ما بتتوظف الولد الحكومة اتخلت

شومالك ضهر ساساق وروحن سلت

خلاف الطلبه والمهن الحسابه مخلت
إن الجيش أباك ضعت وقنيصتك جلت





ـ

بنات العفه والعزه وسترت الحال

إن أبن العوج والشين تراهو الحال

إما يخوضن العوجه ومشي الأوحال

ولا تحفي ساساقه جري وترحال



ـ

وزير الداخلية سلام الليلة يوم منكورك

أولاد الكبار خربوهو جت مشكورك

ما دام العوج والشين مرق من كورك
تبقى العوجه فيهم ولا في عسكورك



عسكور المرور أدو البسوقو إشارة

وقوفو ناضمم ضحكو وغمتلو صرار

أنا والقاعده جنبي العوحه ما بتتضاره
قالت فوق قصد غايتو المعيشه بصاره



شرف الكاكي في الغرزة وحكرتو غريشه

وتلقاهم جامعات في قهاوي الشيشة

اضان الشرطة طرشت ولا عينها عميشة
أما الدولة فاهمة والمواطن كيشة ..



الدورية تمرق والعساكر شاده

والسارينه تنبج في الظلط مي راده

أولاد الكبار بالثابتة في كم ماده
فد تلفون يدق ترجع تقبل صاده



التقرير بجيك كل يوم تمام يا ريس

والمؤمن فطن قالك رسولنا وكيس

اسه بقولك الحق إن لحقت العيس
قبل ما يمرقوك أبان دقون متيس



الهيروين زرد جامعااتنا عرض وطول

والفنان بغني مع الوزير مسطول

لوري البنقو يا ريس بخش على طول
قصر يد حكومتك والحكاية تطووووول



شريف نجيريا مبسوط من ندى وصاحباته

وفي ماي دوقري فرشولهم شرفنا سباته

بعد ما كنا في كرن أم لبوس همباته
يات من فينا ديوس راسو تحت الباتـــــــــا



في جده ونواحي دبي بقينا حكاية

وجرن بنوت مهيرة على الرزيلة حفايه

جوازنا أب صقر كسرن جناحو بغايا
والسوداني ########ن غفير أندايــــــــــــه



وخابر نضمي يا ريس بجيك في محلك

وراجين فوق جمر بندور نشوف راس حلك

يا فشيت غبينتنا أم ضلامنا حلك
ولا نوارك الوجعة ونصد ونخلك



واسندي علينا يا بلد ام تنايه نصايبك

وعضي علينا في ساعة الوجع بي نايبك

أقدلي وشيلينا هموم صغيرك وشايبك
رجال في الشينة والوجعة المغبي حبيابك



ما بنفوتك إن بخلت وطاتك وجفت

وما بنزحزح أن تقلت يمين وإن خفت

كراعن ما مشت في حر هواك وإتحفت
إن كال الرماد فيها الضحيوه وسفت



أبينا السفر والاغتراب في جده

وعهداً يا وطن إن شاء الله مافي مرده

بنوم في التراب ونخت ضراعنا مخده
بنعيش في هواك إن شاء الله نأكل رده ..


محمد الحسن ابنعوف
****

البلد وقفت .com يا سيدي الرئيس !

ود عمي سلام
ان تأتي متأخراَ خير من ان لا تأتي
واهلنا زمان قالوا ـ الرجوع الي الحق فضيلة.
الحكومة دي جابت آخرها ـ وكان الأصح ان يكون عنوان البوست:
سيدي الريئس يجب ان تذهب انت وحكومتك.

لقد قلت الحق وعدلت ونمت يا ود الباوقة..

والله يديك العافية

هههه شماتة بدون حد أو عدد
لمن كنا نتحدث عن ذلك وذكرنا وكررنا مرارا فسادكم وتلاعبكم بالزراعة ومشاريعها .. كنت تطل علينا مداعبا ومازحا وساخرا مما نكتب عن أسعار المحاصيل وندرتها ..
لا تهتم سيده الرئيس فقط كمرة خفية ..
الشفيع

ود الباوقة
شوف مداخلتكم في هذا البوست
الرابط هنا
الجزيرة الكانت خضراء ... صور محزنة تدمي القلب
أستصحب هذا البوست لسيدكم الرئيس ... وأنت أطلقت عليه لقب ( خادم القران) ولا أدري إن كان رجل بهذا اللقب يقوم ويرتكب هذا الجرم ؟ افيدونا يا علماء السلطان ؟
الشفيع

تصبحون على خير

Quote: البوست دا (محلو) السقف كلام زى دا مايقع (واطه) فووووق

والله البوست طلع السقف وقفز بسرعة الصاروخ

ولكني مازلت مع الرأي السائد إنوا ود الباوقة مهكررررررررررررررررررررررررررررررررررررر .

Quote: بقً بقً انا كنت واثقة انوا قلبك مليان خير يا ابو قلب دهب يلا لى قدام يا سوداني يا اصييييييييييييييييييييل

ربك يجيب العواقب سليمة

أخاف يقوم عليك بتاع مصفاة الدهب ده يصفيك


ياربي بكون السفرجل ده مستورد من اليمن؟

Quote: لابد من معالجات سريعة فصبر الشعب في طريقه للنفاذ

لا خلاس , نصيحتك وصلت سيدك الرئيس

يكون قام بيك سمك القلزم بقيت فجأة كدة خبير زراعى ومستشار اقتصادى
بعدين يا ود الباوقه انتو فى المؤتمر الوطنى كل واحد فيكم عنده
دور , يعنى الناس ديل اكثر من الصقريه مع الرئيس ما دايرين حاجه
تانى منك ف خليك قاعد فى ام الحمام دى فى مواعينك او اين ما كنت

Quote: يكون قام بيك سمك القلزم بقيت فجأة كدة خبير زراعى ومستشار اقتصادى

مكابدة ومجابدة المواطن في حياته المعيشية اليومية لا تحتاج الى خبير

شكرا احمد

Quote: Mustafa Abbas Omer · البرقيق الثانوية ياخى ارحمنا.. وكت عرفت انو البلد وقفت دوت وسيدك الرئيس انتهى من اى حاجة فيها لسع بتنافق وتتكلم عن انجازات سيدك الرئيس وشلة المجرمين المعاه ..انت اصلك لو عايز تقنع الناس انو ناسك الوهم ديل انجزوا يبقى انك لسع ما عرفت انو البلد ماشة لى وين او بالاصح مشت وين بطل نفاق بلا دوت بلا بطيخ رد · 2 · · منذ ‏11‏ ساعة

Quote: Musab Sharf Aldin يامصطفي انت قدمته شنو للسودان عشان تقعد تلعلع كدا ,, وبعدين انت ود الباوقه دا ياخ احترمو ياخ قدرك مرتين ,, فعلا الحكومه عندها انجازات غصبا عنك وشايل جواز وحايم بيها ,, بس الواحد يمسك الكيبورد دا ويقعت يكلك ! ياوهم نفسي القي معارضه واعيه ياخ ههههههههه

اخي وصديقي مصعب

دعك عنه فانه قليل حيلة

وشكرا

ربما اتوقف عن الردود للاخوة الكرام

حتى يوم غد الجمعة باذن الله

بارك الله فيكم

الاخ/ عمر
كلمة الحق امانة سيسالك عنها الله يوم لا ينفع مال و لا بنون، و لان تقولها اخيرا خير من ان لا تقولها ابدا.
نشهد انك صدعت بها اكثر من مرة هنا، و بانتظار موقف مماثل من باشمهندس الشفيع.

في واحد ما بصلي نهائي يوم ربنا هداه ودخل الجامع يصلي
قوموا يا ناس الجامع كلكم عاينو في الزول ده من دخل لغاية صلي ركعتين هم ما رفعوا عيونهم
قام صاحبنا سب ليهم دين وطلع.
اها انتو يا حبايبنا عايزين ليكم دورات في فن الاتصال
والاقناع

اها ود الباوقة جاكم منتقد للحكومة
بردودكم رجعتوه مدافع عنها

اخي ود الباوقه

طالما اقتنعت ان هنالك اخفاقات او تقصير

هذا يعني ان هنالك مقصرون

من هم ؟

وماذا كان جزاءهم؟

ومن هم بطانة السوء تحديدا والتي تحدثت عنها؟؟

ربما اتوقف عن الردود للاخوة الكرام

حتى يوم غد الجمعة باذن الله

بارك الله فيكم

ود الباوقة وينك ؟
الجمعة الجاي جات!
البلد واقفي دت!!!!

ما زال سؤالي قائم؟