Post: #1 Title: يا اخوانا ما تعرفونا ب بله ؟قرا وين و بقى رئيس كيف؟ Author: بكرى ابوبكر Date: 02-11-2013, 10:08 PM
Post: #2 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: Alshafea Ibrahim Date: 02-11-2013, 10:30 PM Parent: #1
تحياتي ياريس أنت في بلة براه ؟ هناك (بلات) كثر بأسماء ومناصب وألقاب لا يعلم أهدافها ؟ تأسيسها ؟ أعضاؤها ؟ تبعيتها ؟ ألخ إلا الراسخين في ( خ ب ث) حكام الغفلة ... رئيس إتحاد الشباب الوطني رئيس إتحاد شباب الموتمر الوطني ؟ رؤساء كيانات وتنظيمات طلاب الوطني ؟ غايتو لو تكرم علينا أخونا علاء الدين بالمزيد من الأسماء والرؤساء والأهداف والتاسيس والتبعية والمصاريف والتكاليف ألخ يكون ما قصر - من باب العلم بالشيء وبس الشفيع
Post: #3 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: Frankly Date: 02-11-2013, 10:50 PM Parent: #1
يا بكري بالجد كدا دا كلو كلام انصرافي وما مهم
الزول دا مهما يكون قرا شنو إن شاء الله خلوة أهو بقى "رئيس اتحاد الشباب السوداني"
ح نقعد عمرنا دا كلو نسأل من غير فايدة؟
أها قول هو شهادة ابتدائية ما عندو
وبعدين؟؟؟؟
زول كوز والحزب الحاكم كيزان من حقهم يعينوا أي زول فوق راسنا دا
وهسّع دي لو الشيوعيون ديل مسكو الحكم برضو ح يعينو الشيوعي بدون ما نقول بغم
أها كان قرا ولا ما قرا وك"ماتر اوف فاكت" هو بقى رئيس الاتحاد
وسجل اسمه في التاريخ كرئيس للاتحاد في عهد الانقاذ زي ما البشير سجل اسمه كرئيس للسودان لأكثر من 23 سنة
بعدين في زول سأل ياسر عرمان ولا الحلو ولا مناوي ولا عقار ولا البشير قرا شنو؟؟؟
دحين يا بكري نحن عايزين شنو بالضبط؟؟؟؟
الزول دا كان كعب وكان كويس يا ها شغلتو ودي كورتو
تبقى شغلتنا فرّاجة ومنظراتية بس وفلان دا لعاب ودا ما فاول يا حكم
ولا عايزين نكون لاعبين حقيقيين؟ وكيف نصل لكدا؟؟؟
Post: #4 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: بكرى ابوبكر Date: 02-12-2013, 00:42 AM Parent: #3
حبيبنا كمال سلام و تحية الهدف من السؤال ليست التقليل من شان الرجل بقدر ما هى محاوله للتوثيق للرجل و مسيرته ...
وشكرا يا حبيب
Post: #5 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: mayada kamal Date: 02-12-2013, 07:38 AM Parent: #4
رايك شنو يا هندسة نجيبو ليك هو زااااااتو يجي يعرف نفسه بي نفسه بس ادينا النجيضة
Post: #6 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: ود الباوقة Date: 02-12-2013, 07:42 AM Parent: #5
Quote: الهدف من السؤال ليست التقليل من شان الرجل بقدر ما هى محاوله للتوثيق للرجل و مسيرته ..
يعني داير تحول لينا المنبر لبرنامج اسماء في حياتنا ولا شنو
رغم انو الاخ بلة ما زال شابا ....
شكرا يا ريس
Post: #7 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: بكرى ابوبكر Date: 02-12-2013, 07:44 AM Parent: #5
الحبيبة ميادة شكرا و مرحب بيه لكن و الله خسارة انه حا يدخل سودانيزاونلاين ببروكسى لو من عبد الغفار الشريف افك الحظر ليه يوم واحد
Post: #8 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: مصعب عوض الكريم علي Date: 02-12-2013, 07:46 AM Parent: #7
Quote: و الله خسارة انه حا يدخل سودانيزاونلاين ببروكسى
Post: #9 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: أمير محمد ادريس Date: 02-12-2013, 07:56 AM Parent: #7
كتب الاخ محمد طاهرمن الفيس بوك بلة عديييل كده عرووووووووووووووب سلااااااااااااااااااااااام ههههههههههههههه
___________________________
في حاجة في السودانيين ليوم الدين ما راح يخلوها ابدا حكاية ده عروب وده حلبي وده محسي وده جعلي و ما عارف شنو كده ، يا اخ انتو سودانيين سودانيين سودانييييييين وبس الله يرضى علينا وعليكم والواحد لما يمشي يستخرج الجنسية ما بيكتبوا فيها ( القبيلة) .
تحياتي للجميع وللريس بكري
Post: #10 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: mayada kamal Date: 02-12-2013, 08:00 AM Parent: #7
Quote: لكن و الله خسارة انه حا يدخل سودانيزاونلاين ببروكسى
والمشكلة وين وما يخش اهلنا بيقولو (طباخ السم بيضوقو).....
وبعدين يا ريس بلة يوسف دا ما اول زول تقلد هذا المنصب. ولا الباقين كانو معروفين لديك من لدن الاخ المهندس اليسع عثمان القاسم
صراحة يا ريس عنوانك ما كريم،، وفيه اشارات انك عايز تستشف بالرجل واسمح لي البتة لا يليق بشخص مثلك ياخي كان تدي الفكرة لي زول من الصغار يقوم ليك بالواجب ما تجي بي نفسك وتنزل للمستوى دا مع احترامي ليك طبعا.
Post: #11 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: امجد الجميعابى Date: 02-12-2013, 08:05 AM Parent: #10
Quote: والمشكلة وين وما يخش اهلنا بيقولو (طباخ السم بيضوقو).....
وبعدين يا ريس بلة يوسف دا ما اول زول تقلد هذا المنصب. ولا الباقين كانو معروفين لديك من لدن الاخ المهندس اليسع عثمان القاسم
صراحة يا ريس عنوانك ما كريم،، وفيه اشارات انك عايز تستشف بالرجل واسمح لي البتة لا يليق بشخص مثلك ياخي كان تدي الفكرة لي زول من الصغار يقوم ليك بالواجب ما تجي بي نفسك وتنزل للمستوى دا مع احترامي ليك طبعا.
ميادة ما تشيلى ليك سوط و تجى تدقى بكرى دا ايه الهبل دا
Post: #12 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: nazar hussien Date: 02-12-2013, 08:16 AM Parent: #11
Quote: عنوانك ما كريم،، وفيه اشارات انك عايز تستشف بالرجل واسمح لي البتة لا يليق بشخص مثلك
وأنا عايز أشيف الكلمات التحتها خط دي معناها شنو يا ميادة دا بعد إذنك ولو سمحت طبعا؟؟؟؟
Post: #13 Title: Re: يا اخوانا ما تعرفونا ب بله ؟قرا وين و بقى رئيس كيف؟ Author: فيصل محمد خليل Date: 02-12-2013, 08:17 AM Parent: #12
يا فرنكلي كلامك فطير ويصب في خانة نكتف ايدينا ونقبل بالبيجي . يهم ويهم ونص خمسة مواهلاته وتمكنه بالمهام التي اوكلت اليه . وبعدين يا ميادة ما تكوني انتهازية لهذه الدرجة وتصطادي في المياة العكرة . ما كدا بيكبروا الكيمان