Post: #1
Title: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 09:17 AM
Parent: #0
ملاحظ انو المنبر بقي فيه بورداب كدا شكلهم غريب وطرحهم للمواضع اغرب بشدة
وكذلك لديهم قصر نظر في التعاطي مع القضايا الجوهرية ..
والاكثار في طرح مواضيع سطحية
يعني ممكن الصفحة الاولي كلها ما تلقي ليك موضوع كدة جدير بالقراءة او التعليق
من اين جاءوا هؤلا البورداب .
دا غزو الكتروني
|
Post: #2
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 09:20 AM
Parent: #1
مثلا
شوف زي دا
ياسر عرمان ~~~~~أنا بكرهك
|
Post: #3
Title: Re: من اين جاءوا .... هؤلا البورداب ..
Author: usama Babiker
Date: 02-11-2013, 09:24 AM
Parent: #2
اها آخوي اركز للجاييك من كتاحة .... !!!!!
|
Post: #4
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 09:26 AM
Parent: #3
مستعد
|
Post: #5
Title: Re: من اين جاءوا .... هؤلا البورداب ..
Author: ياسر منصور عثمان
Date: 02-11-2013, 09:26 AM
Parent: #3
يعني عينة البوستات دي جديدة؟؟
|
Post: #7
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 09:30 AM
Parent: #5
ياسر صباحك
هسع بالله دا موضوع بفتحوا ليهو بوست
يعني حانستفيد شنو من حب الزول دا او كرهو لياسر
ولا دا اعلان بمناسبة عيد الحب
|
Post: #8
Title: Re: من اين جاءوا .... هؤلا البورداب ..
Author: ناصر حسين محمد
Date: 02-11-2013, 09:31 AM
Parent: #5
| Quote: والاكثار في طرح مواضيع سطحية |
جيد ، وعينا وفهمنا
موضوعك ده او ( البوست ) تصنيفو شنو بمعيار السطحية ( الشاطر فيه )
صنفو بصدق ،،
|
Post: #10
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 09:34 AM
Parent: #8
يا ناصر
انت معاهم بالله
يعني حتي ادوك حساب في المنبر العام ما قادر تعرف بين الموضوع السطحي والجوهري
حاجة تجنن
|
Post: #6
Title: Re: من اين جاءوا .... هؤلا البورداب ..
Author: طلحة عبدالله
Date: 02-11-2013, 09:28 AM
Parent: #3
Quote:
ملاحظ انو المنبر بقي فيه بورداب كدا شكلهم غريب
|
كيف يكون شكل البوردابي غريب يا حبيب ؟ وكيف عرفت أنه غريب يا غريب ؟
بالغت فيها عديل كدا عليك الطلاق .
|
Post: #9
Title: Re: من اين جاءوا .... هؤلا البورداب ..
Author: HAIDER ALZAIN
Date: 02-11-2013, 09:32 AM
Parent: #6
Quote: وكذلك لديهم قصر نظر في التعاطي مع القضايا الجوهرية ..
والاكثار في طرح مواضيع سطحية |
طيب ممكن سؤال؟!
انت هسع موضوعك شنو وتصنفو في خانة شنو!!
عليـك الطلاق كما قال طلحة انت زاتك حبيب غريب وعجيب..والبوستات قسمة ونصيب..
|
Post: #11
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 09:35 AM
Parent: #9
| Quote: من اين جاءوا .... هؤلا البورداب .. |
العنوان زاتو عنوان جن في غزال
|
Post: #12
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 09:36 AM
Parent: #11
| Quote: عليـك الطلاق كما قال طلحة انت زاتك حبيب غريب وعجيب..والبوستات قسمة ونصيب.. |
حيدر الزين
حرام عليكم
كمان خلو الراجل ( يترزق ) معاكم
|
Post: #14
Title: Re: من اين جاءوا .... هؤلا البورداب ..
Author: حيدر حسن ميرغني
Date: 02-11-2013, 09:41 AM
Parent: #12
خلي وهبة يجي الملجة دي ونشوف اخرتا
|
Post: #17
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 09:44 AM
Parent: #14
Quote:
خلي وهبة يجي الملجة دي ونشوف اخرتا |
بنتتظروا لحدي العصر لو ما جاء
الطماطم دي بتخرب ( الشمس حارة )
شكرا حيدر
|
Post: #76
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:34 PM
Parent: #17
اكل العيش بنعرف مكانه
وما بناخدوا من منبر بكري
اذا كدا ممكن استاذنه يكون المنبر مدفوع
لانو في ناس بياخدوا علي قدر بوستاتهم
غايتو الليلة لنت ربحت وخرط جماعنك
|
Post: #20
Title: Re: من اين جاءوا .... هؤلا البورداب ..
Author: مجاهد نايل
Date: 02-11-2013, 09:46 AM
Parent: #12
| Quote: من اين جاءوا .... هؤلا البورداب .. |
........
أكلوني البراغيث
|
Post: #75
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:30 PM
Parent: #20
ربما
|
Post: #62
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 06:29 PM
Parent: #12
1- ود الباوقة....(8 مرات).
2- اسامة بابكر (3)
3- ياسر منصور
4- ناصر حسين
5- طلحة عبداللة (2)
5- حيدر الزين
6- حيدر حسن ميرغني .
7- راني
8- كمال عمر
9- محمد بابكر محمد.
10- جمال ود القوز
دي بالله مداخلات ساي لله كدة زي ما يقولو
هسع بالله دي ما جماعة بي حاكمدارها
غايتو الجنوب دا بعد انفصل في جماعة جاوا هنا بنفس المفاهيم التي كانت تجعلهم يذهبون الي الجنوب
|
Post: #59
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 06:18 PM
Parent: #11
ود الباوقة حمد الله علي السلامة
طبعا ما في زول دعاك ولا جبنا سيرتك برااااك جيت وقالو الفي قلبوا حرقص براو برقص
|
Post: #13
Title: Re: من اين جاءوا .... هؤلا البورداب ..
Author: usama Babiker
Date: 02-11-2013, 09:39 AM
Parent: #9
Quote:
مبارك عبدالرحمن احمد
تاريخ التسجيل: 17-08-2012 |
|
Post: #15
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 09:42 AM
Parent: #13
عيك الرماد
الزول دا لو قريب يكون داخل على المرابيع ود اللبيح
مالك ومال الشبك
|
Post: #77
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:39 PM
Parent: #13
اسامة المنبر دا مجموعة مغلغة للاعضاء فقط ؟؟؟؟؟؟؟؟؟؟
على فكرة الزوار اكثر تصفحا من البورداب
|
Post: #16
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 09:42 AM
Parent: #6
يا طلحة مالك على الطلاق والمراة شن دخلها بالمواضع في المنبر
ممكن ناخذ الحوار بجانب سديد شوية
افتكر المنبر دا ساحة للاتقاء لمن لا يلتقون
وطرح للمواضيع التي لا يمكن ان تطرح في اي منبر بهذه الكيفية
من حرية في التعبير والنشر لا قص ولا سطحية (القضايا الغير مفيدة للغير)
هو ليس منبر لبث السموم والكراهية ولا يمكن ان نجعله ساحة للاستقطاب الايدلوجي
ممكن يكون واضح الغرابة التي اتحدص عنها
|
Post: #19
Title: Re: من اين جاءوا .... هؤلا البورداب ..
Author: usama Babiker
Date: 02-11-2013, 09:46 AM
Parent: #16
Quote: يا طلحة مالك على الطلاق والمراة شن دخلها بالمواضع في المنبر
ممكن ناخذ الحوار بجانب سديد شوية
افتكر المنبر دا ساحة للاتقاء لمن لا يلتقون
وطرح للمواضيع التي لا يمكن ان تطرح في اي منبر بهذه الكيفية
من حرية في التعبير والنشر لا قص ولا سطحية (القضايا الغير مفيدة للغير)
هو ليس منبر لبث السموم والكراهية ولا يمكن ان نجعله ساحة للاستقطاب الايدلوجي
ممكن يكون واضح الغرابة التي اتحدص عنها |
راجع الاخطاء الاملائية والنحوية .... التصحيح اعد وقابلني !!!!!
|
Post: #36
Title: Re: من اين جاءوا .... هؤلا البورداب ..
Author: محمد كابيلا
Date: 02-11-2013, 11:03 AM
Parent: #19
| Quote: راجع الاخطاء الاملائية والنحوية .... التصحيح اعد وقابلني !!!!! |
أها يا سيبويه ول إسمكــ منو انت؟ الزول الإسمو مبارك دا عجمى عديل كدا
يعنى لغتكــ دى هو ذاتو ما متشرف بيها ويتعامل مها كأمر واقع !!
-------------------------
قوم لف بلاش معاك قابلنى ول حسكنيت !!
|
Post: #21
Title: Re: من اين جاءوا .... هؤلا البورداب ..
Author: rani
Date: 02-11-2013, 10:01 AM
Parent: #18
Quote: يا طلحة مالك على الطلاق والمراة شن دخلها بالمواضع في المنبر
[ b]
ممكن ناخذ الحوار بجانب سديد شوية
افتكر المنبر دا ساحة للاتقاء لمن لا يلتقون
وطرح للمواضيع التي لا يمكن ان تطرح في اي منبر بهذه الكيفية
من حرية في التعبير والنشر لا قص ولا سطحية (القضايا الغير مفيدة للغير)
هو ليس منبر لبث السموم والكراهية ولا يمكن ان نجعله ساحة للاستقطاب الايدلوجي
ممكن يكون واضح الغرابة التي اتحدص عنها |
كدي قول لينا في الاول هو وينو الحوار الممكن يتاخذ بجانب سديد دا؟
ياود يا التقاء انت، قلت لي الموقع دا ساحة شنو؟
ياخ انت ذاتك ساحة وحتخلي الناس دي يتفسحو فيك بمزاج، بس كتر من الردود.
|
Post: #23
Title: Re: من اين جاءوا .... هؤلا البورداب ..
Author: kamal omer
Date: 02-11-2013, 10:17 AM
Parent: #21
| Quote: يعني حتي ادوك حساب في المنبر العام ما قادر تعرف بين الموضوع السطحي والجوهري |
غايتو أنا لما بكري جا يديني حساب هنا طلب مني بس صورة الجواز ، هو بالله المفروض الواحد يعرف الفرق بين الموضوع السطحي و الجوهري ؟
و جاي تنتقد الناس و تسال عن اشكالها كمان ؟
|
Post: #26
Title: Re: من اين جاءوا .... هؤلا البورداب ..
Author: محمد بابكر محمد
Date: 02-11-2013, 10:22 AM
Parent: #21
| Quote: ممكن ناخذ الحوار بجانب سديد شوية |
| Quote: افتكر المنبر دا ساحة للاتقاء لمن لا يلتقون |
| Quote: ممكن يكون واضح الغرابة التي اتحدص عنها |
انجليزى دا يامرسى !!
|
Post: #22
Title: Re: من اين جاءوا .... هؤلا البورداب ..
Author: جمال ود القوز
Date: 02-11-2013, 10:16 AM
Parent: #18
| Quote: ممكن يكون واضح الغرابة التي اتحدص عنها |
تتحدص عنها عديل كده ..
يازول سجم خشم الصحافة الانت سكرتير فيها ..
نصيحة ليكـ يا المباركـ ..
أمش اتعلم اكتب في الأول ..
بعدين تعال قابض جنس مقابضتكـ دي ....
لأن الأخطاء الاملائية تعطي إيحاء بضحالة مخزونكـ الفكري ..
فكان رضيتها لي نفسكـ نحن ما حنرضاها ليكـ ...
|
Post: #24
Title: Re: من اين جاءوا .... هؤلا البورداب ..
Author: طلحة عبدالله
Date: 02-11-2013, 10:20 AM
Parent: #22
هههههههه
اتضامن بشدة والله مع الحبيب مبارك عبد الرحمن
ومعليش يا سمح لو أخدت في خاطرك من حكاية عليك الطلاق دي ..
اعتبرا وحاة الطلاق .. والكلام دا بشملني أنا وصاحبي حيدروف الفوق دا .
وإتا عامل إيه يا مبارك ياخ ؟
|
Post: #25
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 10:20 AM
Parent: #22
| Quote: يازول سجم خشم الصحافة الانت سكرتير فيها .. |
يكون في صحيفة فنون يا ربي ....
|
Post: #27
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 10:28 AM
Parent: #25
غايتو يا مبارك البتسويها بي ايدك تغلب اجاويدك
مالك ومال البورداب يا اخ
هس فتحت على نفسك كترابة من مافي
|
Post: #28
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 10:28 AM
Parent: #27
مبارك
اسحب البوست وربنا يخلف عليك
|
Post: #31
Title: Re: من اين جاءوا .... هؤلا البورداب ..
Author: kamal omer
Date: 02-11-2013, 10:39 AM
Parent: #28
مبارك يا أخوي
سؤال بالله لو سمحت
قلت :
Quote: مثلا
شوف زي دا
ياسر عرمان ~~~~~أنا بكرهك
|
لو الراجل ده كان كتب عمر البشير ..... أنا بكرهك برضو كان رأيك فيهو بيكون كده ؟
بعدين ناس طلحة تنظير و حيدر ما تشتغل بيهم كتير ، واصل و لا تنظر للخلف ، و لو جوك ناس ود الصايم و الأمنجية وهبة و ودالحسين و من لف لفهم برضو ما تشتغل بيهم كتير
|
Post: #41
Title: Re: من اين جاءوا .... هؤلا البورداب ..
Author: بدر الدين مهدي
Date: 02-11-2013, 11:39 AM
Parent: #31
Quote:
........
أكلوني البراغيث |
ياخي هو لو بعرف متل ده ما كان كتب كلامه ده
|
Post: #45
Title: Re: من اين جاءوا .... هؤلا البورداب ..
Author: درديري كباشي
Date: 02-11-2013, 12:36 PM
Parent: #31
ما عندي رد غير رفع البوست
يبدو انه سيرد على نفسه ..
من أين اتى هؤلاء
يكفينا فخرا في ابراز طيب صالح جديد مع الاختلاف في نوع الطيبة والصلاح
|
Post: #57
Title: Re: من اين جاءوا .... هؤلا البورداب ..
Author: محمود سيد أحمد
Date: 02-11-2013, 06:08 PM
Parent: #31
slam to all
أين الحرية؟ إنه منبر من لا منبر له.. أليس كذلك؟... أرجو من الجميع عدم الإنجرار وراء المهاترات والتعريض ... من وجهة نظري صاحب البوست أخطأ وكان يجب تنبيهه وان لا نصلح الخطأ بتعريض ومهاترة
أبسط حتة نتلما فيها قاعدين نفشل في الاتفاق على ثوابت مشتركه........ مرات حتى في المسجد!!!!
|
Post: #29
Title: Re: من اين جاءوا .... هؤلا البورداب ..
Author: بدرالدين الطائف
Date: 02-11-2013, 10:32 AM
Parent: #27
يامبارك العميم مخل .
و حتى النموذج الجبته بتاع بوست ياسر عرمان اظنك ما دخلت فيهو شلت العنوان وجيت جارى.
ياخ ادخل جوه وتابع الحوار .
حوار جادى وهادف.
|
Post: #30
Title: Re: من اين جاءوا .... هؤلا البورداب ..
Author: ود الباوقة
Date: 02-11-2013, 10:37 AM
Parent: #29
شوفو المغصة دي
كمان يعزل في الاغاني .....
|
Post: #35
Title: Re: من اين جاءوا .... هؤلا البورداب ..
Author: Amir Omer
Date: 02-11-2013, 10:56 AM
Parent: #30
مبارك يا حبيب ...
أحترم حقك في التعبير عن نفسك ولكني أختلف معك في الإسلوب.
الانتقاد وتصيّد أخطاء الأخرين ساهل جداً!
الصعب هو أن تبدأ بنفسك وتصبح قدوة للاخرين (بيان بالعمل)
نقاط أتمنى أن تنظر لها بحيادية:
- عنوان بوستك جارح لهؤلاء الذين اتيت بروابط لمواضيعهم، لذلك أرجو ان لا تستمر في ايراد امثلة اخرى.
- لماذا لا تدخل إلى هذه البوستات وتقول وجهة نظرك فيها بصراحة وتناقش اصحابها لترتقي بهم؟
- إذا كان عندك مواضيع ذات قيمة عالية ولم تطرحها فأنت شريك في الذنب
لان المساحة التي تركتها تم إستغلالها من شخص اخر بمقدراته التي حباها الله له، فلا لوم عليه ..!
- وأما الزبد فيذهب جفاء ...
تحياتي
|
Post: #39
Title: Re: من اين جاءوا .... هؤلا البورداب ..
Author: محمد كابيلا
Date: 02-11-2013, 11:16 AM
Parent: #30
Quote: شوفو المغصة دي
كمان يعزل في الاغاني ..... |
ودالباوقة إختشى أو كما يقول حبيبنا دينق !!
يعزل فى الاغانى زى ما داير هو انت زعلان
مالكــ؟ هل تعتقد انكم تغولتم ايضا على الوجدان
السودانى ، يسمعوا ما تسمعون !!
|
Post: #32
Title: Re: من اين جاءوا .... هؤلا البورداب ..
Author: حيدر حسن ميرغني
Date: 02-11-2013, 10:44 AM
Parent: #29
أين الذين جاءوا من وين كده ماعارف
______
تحية كبيرة لصاحب البوست في كشف المغاوير ومن لف لفهم
|
Post: #33
Title: Re: من اين جاءوا .... هؤلا البورداب ..
Author: على عبدالله بشير
Date: 02-11-2013, 10:51 AM
Parent: #29
اللهم يرحمك يا أبوى
كان دائماً يقول أكل اللى يعجبك و ألبس اللى يعجب الناس
فدحين يا أخوى أنت أقرأ اللى يعجبك و ما تلبس ليك طاقية
ما قدرك ... عشان برضو تعجب الناس ..
|
Post: #37
Title: Re: من اين جاءوا .... هؤلا البورداب ..
Author: رانيه محمد الشيخ
Date: 02-11-2013, 11:03 AM
Parent: #34
غريبه لحسى مافى لينك لموضوع تبعى
:))))))))))))
مسكين ايمن لفحوا بوست بهنا وحالتى شوفتوا ما سطحى
المهم
قولت لى من اين هؤلاء
والله هؤلاء ديل الحسى عاملين جو ظريف فى المنتدى
حسى من بديتوا سودانيز والطرح الجوهرى ياتو حكومه اتغيرت وياتو مايله اتصلحت وياتو حق رجع لناسو
|
Post: #38
Title: Re: من اين جاءوا .... هؤلا البورداب ..
Author: الجنيد حمد
Date: 02-11-2013, 11:05 AM
Parent: #34
زمان جابولنا مدير للمدرسه المتوسطه .كان جاي العصير كدي و(منعنش تب )
.شاف (البوده ) في العيش قال لبتاع الكارو المعاهو شوف الزهور الجميله دي .
بتاع الكارو قال ليو دي بوده مضره بالعيش .
قال ليو ( نان ) انا زارع عيش انا زارع نظره ياخ...
و
كل زول عاجبو الصارو كما قال سيدي الامام قدس الله سره
|
Post: #40
Title: Re: من اين جاءوا .... هؤلا البورداب ..
Author: Haytham Ghaly
Date: 02-11-2013, 11:20 AM
Parent: #38
| Quote: .شاف (البوده ) في العيش |
الجنيد ازيك وعوافي
يا اخوي في ناس كتاااار ما بعرفو البودةدي شنو
لكن انا بعرفا حق المعرفة لانها نشفت ريقي وجيبي في سندس
الله لا تريحا ولا تكسبا
البودا يا اخوانا هي نبات طفيلي بينمو مع العيش ولها زهرة
بنفسجية اللون وجميلة جداً ولكن تاثيرا على العيش ابداً ما جميل
بتمتص كل الغذاء الموجود في التربة وبذلك تجعل العيش ضامراً وصغيراً
وما بشيل قندول عموماً هي ضارة جدا جدا ولس خبيراً في هذا المجال
ولكن هذا ما حدث لي في محاولتي في الاستثمار الزراعي في مشروع سندس
ولك التحية اخي الجنيد
الى صاحب البوست
ياخي قول ليهم الروب عشان يخلوك
بصراحة ما في داعي عشان تفتح بوست زي دا
وانت براااك قلت المنبر دا لحرية التعبير
التعديل كان لجزئية تخص بوست تاني خالص
|
Post: #42
Title: Re: من اين جاءوا .... هؤلا البورداب ..
Author: HAIDER ALZAIN
Date: 02-11-2013, 11:50 AM
Parent: #40
Quote: البودا يا اخوانا هي نبات طفيلي بينمو مع العيش ولها زهرة
بنفسجية اللون وجميلة جداً ولكن تاثيرا على العيش ابداً ما جميل
بتمتص كل الغذاء الموجود في التربة وبذلك تجعل العيش ضامراً وصغيراً
وما بشيل قندول عموماً هي ضارة جدا جدا ولس خبيراً في هذا المجال
ولكن هذا ما حدث لي في محاولتي في الاستثمار الزراعي في مشروع سندس |
اما انك شليق..
في زول سألك هسع والا سأل الجنيد جاي تشرح وتنظر في البوده وعامل لينا فيها ولا فايز ود القاضي العارف ايتها حاجة في ايها حاجة والعليم بكل شئ في اي شئ..!
في ناس العيش ذات نفسه ما تعرفه تجي تقول ليها القندول؟!
بالمناسبة القندول دا شنو..؟؟؟
ـــــــــــــــــــ
بالمناسبة جزئية تمتص الغذاء وما عارف ايه دي ذكرتني بعض مناضلي قضايا الهامش وحروبات الاطراف خلو القضايا ضامرة زي حواشة اخونا هيثم قيلى دا في سندس
والله من وراء القصد
|
Post: #43
Title: Re: من اين جاءوا .... هؤلا البورداب ..
Author: Haytham Ghaly
Date: 02-11-2013, 12:02 PM
Parent: #42
اما انك شليق..
في زول سألك هسع والا سأل الجنيد جاي تشرح وتنظر في البوده وعامل لينا فيها ولا فايز ود القاضي العارف ايتها حاجة في ايها حاجة والعليم بكل شئ في اي شئ..!
في ناس العيش ذات نفسه ما تعرفه تجي تقول ليها القندول؟!
بالمناسبة القندول دا شنو..؟؟؟
لك التحايا اخونا حيدر
والله بصراحة يا حيدر ما شلاقة مني لكن العملتو البودة فيني يجبرني اني اكتب واعلق عنها
لانو العملتو حارقني شديييييييييييد، منو الفي السودان ما بعرف العيش .. معقول يا حيدر؟؟؟
وانا في نهاية مداخلتي قلت لست خبيرا في هذا المجال يعني ما عارف اي شي
اما بالنسبة للقندول هههههه دا قندول العيش وبمعنى تاني (السنابل جمع سنبلة) ما القندول الفي بالك
لك كل الود والاحترام اخي حيدر
|
Post: #44
Title: Re: من اين جاءوا .... هؤلا البورداب ..
Author: HAIDER ALZAIN
Date: 02-11-2013, 12:20 PM
Parent: #43
حبيبنا هيثم
مداخلتي مزاح ومشاغلة ليك ما اكتر والله
ثم البوست دا بيجيب قصص ومداخلات ممتعة لذلك متابعه بشغف من على هضبة النشوة النشوة*
وانا لقيت مداخلتك دي شكلها مداخلة ضهاري ضهاري وحبيت استفيد من ماذا تعني هذه الـRose الـبينk الانت قلت اسمها بوده شئ عجيب يآخي !!
عمري ما سمعت بالبوده واليبتجي في العيش دي والقندول ياااه الا القندول الفي بالي ( بس الحمد لله طلع انك ما بتقصدو )
عموماً اهو في سودانيز بنستفيد من بعض اهل الثقافات الهامشية ونتنور عن القناديل والزراعة والاستثمار الزراعي
بس انتو في سندس ما كنتو بتزرعو في البيوت المحمية ليه ؟ طالما انه مبيدات الاعشاب الضارة ما عملت نتيجة مع الروز الاسمها بوده دي..
ـــــــــــــــــــــــــــــــــــ
* المتابعة بشغف من على هضبة النشوة مصطلح جديد تعود ملكيته واول من صاغه الاديب الكبير عز الدين الفحل : برضوووووووووووو حفالتين
| Quote: مُـتـابـعـك علي هـضـبـة الـنـشـوة ،،، |
البورد اصبح مجنوب يا مبارك على حمد تقول لي سطحي وماعنده موضوع
|
Post: #49
Title: Re: من اين جاءوا .... هؤلا البورداب ..
Author: رانيه محمد الشيخ
Date: 02-11-2013, 12:55 PM
Parent: #44
حيدر
انا مش مسئوله من الهضبه دى خاااااااااااااااااااااالص
|
Post: #51
Title: Re: من اين جاءوا .... هؤلا البورداب ..
Author: Haytham Ghaly
Date: 02-11-2013, 01:38 PM
Parent: #44
Quote: حبيبنا هيثم
مداخلتي مزاح ومشاغلة ليك ما اكتر والله
ثم البوست دا بيجيب قصص ومداخلات ممتعة لذلك متابعه بشغف من على هضبة النشوة النشوة*
وانا لقيت مداخلتك دي شكلها مداخلة ضهاري ضهاري وحبيت استفيد من ماذا تعني هذه الـRose الـبينk الانت قلت اسمها بوده شئ عجيب يآخي !!
عمري ما سمعت بالبوده واليبتجي في العيش دي والقندول ياااه الا القندول الفي بالي ( بس الحمد لله طلع انك ما بتقصدو )
عموماً اهو في سودانيز بنستفيد من بعض اهل الثقافات الهامشية ونتنور عن القناديل والزراعة والاستثمار الزراعي
بس انتو في سندس ما كنتو بتزرعو في البيوت المحمية ليه ؟ طالما انه مبيدات الاعشاب الضارة ما عملت نتيجة مع الروز الاسمها بوده دي..
|
العزيز حيدر
من الوهلة الاولى عرفت نبرة المزاح الواضحة في البوست
واكيد انا كمان بمزح لما قلت (الما القندول الفي بالك)
وحا ارجع للكلام عن البودا الحارقة حشاي تاني واجاوب ليك عن سؤالك
وحلوة جداً الثقافات الهامشية دي وضهاري ضهاري برضو عجبتني جداً جداً
مقبولة على مضض زي ما قالت بتنا وضاحة
المهم بالنسبة للبيوت المحمية دي بستعملوها لانتاج الخضروات في غير موسمها
ودائماً بتكون مساحتا صغيرة لان تكلفتها عالية جدا
اما بالنسبة للمحاصيل زي العيش والقمح فلازم زراعتها في مساحات واسعة
وفي سندس انا زرعتة 90 فدان ودي مساحة متواضعة كنوع من التجربة وكان الانتاج
غير مرضي بسبب البودا تلك الزهرة البنفسجية الجميلة الضارة جدا
اما بالنسبة للمبيدات بتاعة الحشائش فدي قصة لانها مكلفة جداً انت عارف اذا
كنت عايز تعمل مبيد حشائش وسماد للمزرعة بتاعتك حا يكلفك الفدان تقريبا مليون جنيه
وهو الفدان بينتج شنو لما كمان يكلف تسميد ومبيد مليون جنيه وبعدين في بلدنا السودان
لانو فيهو سوء ادارة كل الاسمدة والمبيدات ضاربة يعني حا تودر قروشك سااااااكت
والله يا حيدر الزين كل المعلومات دي كلها عرفتها بالممارسة لكن معظمها جمعتها وانا قاااعد
في الامارات وتحديدا في دبي شفت كيف يا مان العالم دا بقى قرية صغيرة
عموما كلنا نتمنى الفائدة من بعضنا البعض
واحسن حاجة انو موضوع البوست دا اتغير
لك الود والاحترام
|
Post: #98
Title: Re: من اين جاءوا .... هؤلا البورداب ..
Author: usama Babiker
Date: 02-12-2013, 05:26 PM
Parent: #51
 مركز تحميل الصور
|
Post: #46
Title: Re: من اين جاءوا .... هؤلا البورداب ..
Author: الامين موسى البشاري
Date: 02-11-2013, 12:43 PM
Parent: #43
مبارك يا مبارك... مبارك عليكم ما جاكم من الرذاذ والرش ياخ
وما عارف ليه ذكرتني صاحبنا باكته
ولصاحبنا هذا قصة طريفه مضطر أحكيها ليك من باب فك الحصار ياخ
باكته دا امتحن الشهادة السودانية زي 11 مرة كدي
وكل مرة أقل حاجة يكون قادي في مادة اساسية يعني يطلع بدون شهادة حتى
شفته المغصة دي؟
أها في النهاية قنع من خيراً فيها ونام في البيت يأكل ويشرب ويلعب معانا كورة وكوتشينه
أها ابوه كل يوم يلقاهو ليك نايم ويشبكو ليك
الوالد: يا ولدي ما تقوم تقرأ .. يا ولد أولاد الناس شغالين ما تقوم تشوف ليك شغله
باكته: يطنش ويقول ليهو على مضض طيب يا حاج
تاني بكره الوالد يقول ليهو: يا ولدي ما تقوم تفتش ليك شغل
يا ولدي فتش ليك شغل ياخ
باكته : طيب يا حاج.
المهم الموال دا اتكرر كتير وكل يومين ابوه يكرر ليهو الاسطوانة: يا ولدي قوم فتش ليك شغل
آخر حاجة لما باكته زهج من الموال اليومي دا
زعل زعل شديد وقال لأبوه: يا ابوي كل يوم شابكني قوم فتش ليك شغل .. قوم فتش ليك شغل
اولاد الناس دي كلها شغالين في حقهم وحق ابائهم
انتوا حقكم وينوا عشان امشي اشتغل فيهو ياخ!
الرجال عملوا لاولادهم مال يشتغلوا فيهو .. انت مالكم ما عملتوا؟
فشنو عليك ما تشتغل باعضاء سودانيز اونلاين ديل
فهم قليلي الفهم والثقافة ... والله صحي ()
|
Post: #47
Title: Re: من اين جاءوا .... هؤلا البورداب ..
Author: احمد حمودى
Date: 02-11-2013, 12:49 PM
Parent: #46
كل التحية والتقدير للمناضل ياسر عرمان
التحية لصاحب البوست وضيوفه الكرام
|
Post: #48
Title: Re: من اين جاءوا .... هؤلا البورداب ..
Author: Mohammed Abuzaid
Date: 02-11-2013, 12:50 PM
Parent: #46
يا مبارك أخوى . . .
| Quote: قوووووم فتش ليك شغل |
تحياتي ياود البشاري
(والله صحي)
|
Post: #50
Title: Re: من اين جاءوا .... هؤلا البورداب ..
Author: محمد حامد
Date: 02-11-2013, 01:17 PM
Parent: #48
مبارك سلامات
غيتو اخطأت في العنوان
وفي مضمون البوست
المنبر دا زيو والمجتمع واحد كل زول بيساهم بمقدرتو ووجهة نظرو البتعبر عنو
حقو نتعلم منو نتحمل بعض بدون وصاية على أي زول
وكل زول مؤمن بي حاجة اليدافع عنها بطريقتو
من جانب تاني (سودانيزاون لايص)* دي مبالغة فيها
لا ترحم المخطئ نهائي
* يجب الرجوع لمصدر حيدر الفوق دا لحفظ حقوق الكلمة
|
Post: #52
Title: Re: من اين جاءوا .... هؤلا البورداب ..
Author: حيدر حسن ميرغني
Date: 02-11-2013, 02:24 PM
Parent: #50
Quote: كل التحية والتقدير للمناضل ياسر عرمان
التحية لصاحب البوست وضيوفه الكرام |
احمد حمودي
عرمان ده الدخَلو الزقاق ده شنو ؟
__
والله صحي من اين جاء عرمان
|
Post: #53
Title: Re: من اين جاءوا .... هؤلا البورداب ..
Author: ابوحراز
Date: 02-11-2013, 04:13 PM
Parent: #52
اسمحوا لنا ان نكسر حدة البوست المليء بالسخرية
أحد اعمامنا مكجن الخرطوم دي وما بحبها نهائيا
ولده واحد
وكان بيتمنى ان يكون معاه في الحواشة والزراعة
لكن الولد كانت لديه تطلعات كبيرة
وكثيرا ما فكر بأن يغادر اهل العوض دون رجعة
ويذهب هناك حيث الأضواء والهامبرقر والكوارع بكل معانيها
والرجل لديه بنطلون
وكذلك قميص مليء بالألوان
لكن حسب زعمه أن هذه الشياكة لاتكفي لعاصمة كالخرطوم
وقرر ان يتم هذه الشياكة بشراء ساعة !!!!!
ولم يكن لديه قروش لذلك
فقام وبكل جرأة ببيع غنماية اللبن الوحيدة بالبيت
وتفاجأ العام صباحاً بأن أخبروه بأن ابنه باع الغنماية
وكان ابنه نائماً
فحضر له وقال : ياولدي قوم احلب ساعتك دي !!!!!
هجمة مرتدة
النكتة دي شامبو وبيرت بلس
يعني 2 في 1
تصلح لهذا البوست
وبوست اهل الضهاري
|
Post: #54
Title: Re: من اين جاءوا .... هؤلا البورداب ..
Author: على ابراهيم رفاى حمد
Date: 02-11-2013, 04:47 PM
Parent: #53
عمنا حاج امحمد كان جزار وتاجر موشى اهاا بحب الحوم حب ماعادى !!
اهاا يوم شعر انو عيان شوية قام اولادو ودوه دكتور صغير اداهو دواء وحبوب وقال ليهو ماتكتر فى اكل اللحمة !!!
مااشتغل بيهو الشغلة .بعد اسبوع مرض مرض شديد قام اولادو ودهو لدكتور كبير إها واحد منهم سبقوه دخل الدكتور قدموا !!
قال للدكتور لازم تخوف أبوى وتقول ليهو لازم تخلى اللحمة !!
عمك دخل الدكتور وبدا يشتكى ويشتكى ويشتكى !!
الدكتور شوف ياحاج امحمد انت لازم تخلى اكل اللحمة فورا !!
حاج امحمد قال للدكتور اخليها ليك انت ياابرويس !!!
'''صاحب البوست يااخى الدنيا بسيطة شديد""
|
Post: #55
Title: Re: من اين جاءوا .... هؤلا البورداب ..
Author: معاوية المدير
Date: 02-11-2013, 05:07 PM
Parent: #54
| Quote: منو الفي السودان ما بعرف العيش |
الرغيف، أها.
نحن كمان برانا اللضنة معذبانا.
ما عندكم ليها دوا ؟
المبارك،
يا أخوي حبابك في كرقة بكري دي...
|
Post: #56
Title: Re: من اين جاءوا .... هؤلا البورداب ..
Author: HAIDER ALZAIN
Date: 02-11-2013, 05:37 PM
Parent: #55
Quote: نحن كمان برانا اللضنة معذبانا.
|
عاين بتاع الضريسا وهامش الضهاري دا كمان يا هيثم
بعد شوية حايجيك يقول ليك كمان عندناRose لونها Dusty اسمها (الدمسيس) !
صدقت يا مبارك من أين جاءوا هؤلاء!!
مفروض يتكنسوا من البورد كنسة توفيق ود بت صافيناز لكنسة الخرطوم من ناس ابوحراز وابوحسين ومن لف لفهم من النازحين
|
Post: #58
Title: Re: من اين جاءوا .... هؤلا البورداب ..
Author: وليد محمد المبارك
Date: 02-11-2013, 06:17 PM
Parent: #56
Quote: مالكــ؟ هل تعتقد انكم تغولتم ايضا على الوجدان
السودانى ، يسمعوا ما تسمعون !! |
يا كابلا بطل تحييز
ما صحبك فاتح البوست ذات نفسو تغول على وجدان المنبر ، يكتبو وما يكتبون
اشمعنى يعني ؟
مالبتغول بتغولوا عليه .. والبهابش الناس بهابشو
اها يا صاحب البوست بنفس الفهم
من اين اتيت انت ؟
|
Post: #63
Title: Re: من اين جاءوا .... هؤلا البورداب ..
Author: على ابراهيم رفاى حمد
Date: 02-11-2013, 06:30 PM
Parent: #58
والله يا شفت ياحبيبنا خائفين نبقى زى اولاد سنة تالتة ابتدائي مع صاحب البوست دا !!
انت اسمك منو !!
التانى يقول ليهو لا انت اسمك منو وتضيع القضية!!
هسه انت سالتوا سؤال هو ما عندو ليهو إجابة !!
.....إها أخوك مداخلتوا كانت نكتة من الضهرة بتاعنا ولاعزبتا روحى معاهوا!!!!
تحياتى ياوليد
....على حمد......
|
Post: #67
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 06:51 PM
Parent: #63
ما فهمت قصدك يا رفاي لكن عموما
قول للجماعة يدوك فرصة اخري في كورسات اضافية
عشان تجود شغل ........... الاليكتروني
تحياتي
|
Post: #72
Title: Re: من اين جاءوا .... هؤلا البورداب ..
Author: على ابراهيم رفاى حمد
Date: 02-11-2013, 07:16 PM
Parent: #67
يا مبارك تاكد انا واحد من الناس مابحب الاستخفاف بالغير او الازدراء عليهم !!
لانه دى ما من شيم الرجال فى شئ بس ذى البوست بتاعك دا انا دخلت فيهو لكسر حاجز التداخل الخشن دخلت بى نكتة !!
بوستك لم اكتب فيهو كلمة ما موفق او طالبتك بحزفوا او لغة قوم لف !!
فقط قلتا. لوليدوالشفت لو انت عائز ترد لصاحب البوست. سوال بسؤال مابنمرق بنتيجة لانو صاحب البوست ما عندوا ليك إجابة!!
الكورسات ماعيب عشان أتعلم رغم انى مافاهم انت قاصد شنو لكن لو بتخلينى اكتب نوعية بوستك دا اكييد ماح استفيد منها!!!
بحب أبعد دائماً عن اى بوست تمت كتابته تحت ظروف محددة نفسية او اجتماعية .احيانا اجد العذر لأصحابها .لكن التعدى والتجنى على الغير غير مقبول!!
على ابراهيم
كلمة :-العذر تعديل
|
Post: #81
Title: Re: من اين جاءوا .... هؤلا البورداب ..
Author: وليد محمد المبارك
Date: 02-12-2013, 03:40 AM
Parent: #63
رفاي يا حبة
كيف اخبارك ؟
اهلنا قالوا
تسوية بايدك يغلب اجاويدك
|
Post: #106
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:47 PM
Parent: #81
بصراحة ياوليد هل لديك مشكلة عويصة في البوست دا يعني ؟
عن اي شي تتحدث انت ؟؟
ارتقي ارجوك !!
|
Post: #66
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 06:46 PM
Parent: #58
يا وليد
طبعا انا ما حا اصحح اخطاءك لانني قلت لهم المهم الفهم وطالما انا فهمت ما في داعي اقيف عندها
طيب موضوع البوست
زمان كان استاذ بكري عندو شعار بقول( سودانيز اونلاين صوت من لاصوت له ومنبر من لامنبر له )
عرفت المغزي يعني ما ساحة جهادية يتعاركون فيها
والشئ التاني ما لو الكلام دا برغم من انه كان مبهم ،،،،، جاء بعض الناس وحولوا الكورة في وجوههم ليه ؟؟؟؟؟
لو عرفتوا انا اعنيكم في الموضوع يبقي الفهم وصل
ودا الشئ المطلوب
|
Post: #88
Title: Re: من اين جاءوا .... هؤلا البورداب ..
Author: محمد كابيلا
Date: 02-12-2013, 09:46 AM
Parent: #58
الشفت
تحياتى ..
Quote: يا كابلا بطل تحييز
ما صحبك فاتح البوست ذات نفسو تغول على وجدان المنبر ، يكتبو وما يكتبون
اشمعنى يعني ؟
مالبتغول بتغولوا عليه .. والبهابش الناس بهابشو |
هذا المبارك إذا كان صحبى ، ذلكــ لا يعنى ان أقف معه
إذا أخطأ .. يعنى يا وليد الموضوع ما تحيز لكن ودالباقة
ما عاجبو انو مبارك يختار ما يسمع من أغانى سودانية
هذا كل ما فى الامر !!
|
Post: #104
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:29 PM
Parent: #88
كابيلا سلامات
الناس ديل بقيفوا في جوانب عجيبة شديد هدفهم تشتيت الكورة من الملعب الاساسي للبوست
مثلا شوف ود الباوقة دايرنا نسلم على الاشياء كما هي
وما بسال لماذا وكيف ولما لانو من يطرح مثل هذه الاسئلة التي فيها (لما ولماذا ومتي وكيف واين ) ممكن تنشرح له وتتواصل معه لانو يظهر نوع من الجدية والعمق في المفاهيم
مش نحن خموم وهتيفة لكل من اتو به نصفق
موضوع اغاني الاستعلاء العرقي مثلا (اغنية ام در) فيها المقطع بقول (انحن اولاد بلد نقعد نقوم على كيفنا وفي رقاب الناس نجرب سيفنا) من هم اولا البلد والي اي ثقافة السيف رمزها
وتاني نهاية اغنية (امونة ) تابعها عشان تعرف الاستعلاء والامثلة كثيرة وفنانيين كثر ....؟؟؟؟
طيب ياخي ديرننا نغني ونطرب على الاغاني التي تستحقرنا وتجعل ثقافتنا ########ة
تحياتي
|
Post: #60
Title: Re: من اين جاءوا .... هؤلا البورداب ..
Author: بدرالدين الطائف
Date: 02-11-2013, 06:19 PM
Parent: #56
Quote: غيتو اخطأت في العنوان
وفي مضمون البوست |
.............
|
Post: #64
Title: Re: من اين جاءوا .... هؤلا البورداب ..
Author: درديري كباشي
Date: 02-11-2013, 06:32 PM
Parent: #60
والعنوان نفسه خطأ لغويا ..
من المفترض ان يكون من أين جاء هؤلاء ليس (جاءوا) لان الاستفهام هنا عن ( أين) واين مفرد
مثل عنوان استاذنا الطيب صالح الشهير ( من أين اتى هؤلاء) لم يقل أتوا ..
ممكن تستخدم كلمة جاءوا اذا ادخلت حرف جر على هؤلاء مثلا تقول من اين جاءوا بهؤلاء لان في هذه الحالة سيكون الاستفهام عن هؤلاء وهي جمع ..
|
Post: #65
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 06:35 PM
Parent: #64
يا درديري ما تقيف على الحتة دي كتير
لاني المطلوب ان تفهم مش تصحح
وصلت الفكرة
|
Post: #68
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 06:58 PM
Parent: #55
استاذ معاوية المدير
الله يبارك فيك لكن انا في هذا المنير منذ بداية الالفينات
واخدت العضوية السنة الفاتت
لاني اعتقد المنبر ليس للاعضاء فقط هناك مساحة للزوار
شكرا
|
Post: #78
Title: Re: من اين جاءوا .... هؤلا البورداب ..
Author: محمد ابو شيبة
Date: 02-11-2013, 07:47 PM
Parent: #55
البوست بدا بالبورداب الجدد وانتهى بالبودة ومشروع سندس ... فتأمل
|
Post: #61
Title: Re: من اين جاءوا .... هؤلا البورداب ..
Author: احمد حمودى
Date: 02-11-2013, 06:24 PM
Parent: #52
Sorry يا استاد حيدر انا راكب غلط يعنى ان قاصد بوست حبيب الله
وبعدين ما ياهو دة السبب الفتح بيه مبارك البوست دة
مودتى
|
Post: #70
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:09 PM
Parent: #52
عرمان برة الزقاق يا حيدر
لكن طرح البوست عنه غريب شوية
اما دا موضوع تاني
وفي ناس كرههم للاستاذ عرمان جاءوا مهروليين بدون ما يقولوا بسم الله
للاعتراك هنا
|
Post: #71
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:12 PM
Parent: #48
افضل شوف غيري يا ابو زيد وصحبه
لانو الشباب السوداني كلوا عاطل بسببكم
وشغلتكم دي نحن شرفاء منها
|
Post: #73
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:17 PM
Parent: #46
ربما يكون فهمك عنهم
لكن عندي سوال
قلت كان بلعب معكم كوشينة يعني انت مع صحبك
غايتو المواد الاساسية دي يكفينا شرها
|
Post: #74
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-11-2013, 07:26 PM
Parent: #40
دي معركة ولا شنو قايلوا حوار
ولا في ناس جايين بفهم الجهاد الاصغر
عشان كدة تدعونني ان انسحب يا هيثم
لسع في ناس بطرحوا قضايا سطحية
|
Post: #84
Title: Re: من اين جاءوا .... هؤلا البورداب ..
Author: محمد الكامل عبد الحليم
Date: 02-12-2013, 07:10 AM
Parent: #22
تحية...
اشاطرك الراي اخي مبارك واقف رافعا او متكئا علي علامة التعجب عن حالة التسطح السائدة(وجهة نظر)
خلافا للدور المرسوم للبعض في (تطفيش الكرة) ينصلح الحال بقدرة الناس علي تنويع اهتماماتها او هندستها بل رفع قدراتها(مشروع تربوي..منهجي)...يدخل ضمن هذا استمرار تمتين ثقافة الحوار...(اذا كان بدأ بالفعل)...وطبعا التخلف تبعاته كثيرة...ويبدو اننا نحتاج الي اعادة صناعة العجلة من جديد...وحتي ذلك الحين ستستمر حالة (الفنجطة) وما عليك الا الثبات...باعتبار ان للناس فيما يعشسقون مذاهب...
لك الاحترام
|
Post: #69
Title: Re: من اين جاءوا .... هؤلا البورداب ..
Author: محمد احمد القاضي
Date: 02-11-2013, 07:05 PM
Parent: #1
الاخ مبارك عبدالرحمن احمد
الموضوع جميل لكن يكون اجمل اذا حددة هذه البوراد
|
Post: #79
Title: Re: من اين جاءوا .... هؤلا البورداب ..
Author: سامى عبدالله
Date: 02-11-2013, 08:13 PM
Parent: #69
............
سلامات أخوي مبارك
| Quote: Re: من اين جاءوا .... هؤلا البورداب .. |
جواب السؤال أعلاه ..
بسؤال ؟؟؟
إذا تم الجواب عليه منك ي مبارك و هو المطلوب الإثبات لكم فقط ...
أطوي البرش بتاعك بدون زعل ..
وكان ماك عارف قول نحل ليك السؤالين معاً رغم أن الإجابة وأحده ..
بس القصة بتكون طويلة حبتين .....
(س1 ) سر كلمة بغبغبغبغبغ شنو ؟؟
حظ موفق
التعديل لحذف حرف
|
Post: #80
Title: Re: من اين جاءوا .... هؤلا البورداب ..
Author: وليد محمد المبارك
Date: 02-12-2013, 03:36 AM
Parent: #79
يا مبارك يا حبيبنا
بوستيك ده موغل في السطحية وعدم الموضوعية
وكمان زيادة عليه بوست متعنطس متعالي فيه وصاية وابوية
انت قايل كرهان عرمان حاجة بتخوف الناس
هسع دي انا ده وليد محمد المبارك ده ما بدور عرمان
اها سووووووو واط
ما كل زول يفتح العاوز يفتحو ... ما عجبك اتخطاه
ما في خرتمية بوست مفتوحة تعبر عن كره اشخاص واشيا
مالك ما فتحت ليها بوست .. تقول لي اصحابها من انتم ؟؟!!
المهم الاجابة على سوالك من اين جاءوا .... هؤلا البورداب ..
جاءوا من مكان ما جيت .. ارض الله الواسعة دي
|
Post: #82
Title: Re: من اين جاءوا .... هؤلا البورداب ..
Author: Kabar
Date: 02-12-2013, 06:41 AM
Parent: #80
عارف يا وليد يا صديقي..
زمان عندنا صديقة لذيذة مشت تقرأ جامعة جوبا لمن كانت في جوبا البعيييدة ديك..اها مرة بتحكي لينا عن نكاتهم في الجامعة..
قالت.. كانت معاهم واحدة زميلتهم لسانها طويل..و قالت ليهم عندها ود خالتها جاي يزورها..و تشيل و توصف..ود خالتي طويييل..وسيييييم...وجييييه... و مكمل الطعامة ذاتها..!!
و البنات يشيلن يحضرن في شعورهن لود الخالة الوجيه..و قام ظهر ود الخالة.. ياخي تدقوا من غير غبينة..و قصير زي عمك كبر و غادي..
و البنات يشيلن و يتغامزن..و صاحبتك بقى ليها بمبي..و قامت تبرر: و الله ود خالتي لمن سافرت خليتو.. كان طويييل...وسيييم..وجييييه.. لكن ما عارفة الحصل شنو في غيابي..!!!!
نحن كمان يا قريبي.. لسانا طويييل في المنبر ده..و نشيل و نحكي.. الدلنج..و ناس الدلنج..و نملا ليك العالم فقر... لمن جانا اليوم..القربنا نقول: والله ود خالتي كان طويييل... وسيييم... وجيييه..!
عليك الله دي حالة دي؟..ياخي المنبر .. عشرات السنين..و ناس الدلنج في المنبر ده خمس انفار بس..يوم واحد مافي زول اتعصر قدر عصرة اخونا عبد الرحمن ده..و الأظرط.. تاني نحن نقول شنو لناس المنبر؟..
|
Post: #83
Title: Re: من اين جاءوا .... هؤلا البورداب ..
Author: Kabar
Date: 02-12-2013, 06:53 AM
Parent: #82
اردول..دنـــــــدنــــق يا قـــُــص..!
صعب يا قريبي لمن تلقى روحك عنوان لمدينة ..و ثقافة..و عوالم مليانة بالمحبة و الجمال... لأنو لمن تكون في وضعية زي دي.. أي حاجة محسوبة عليك..!
انقرع يا صديقي..
و عندك الكتير الممكن تقولوا.. لكن حكاية تشتغل بوليس اخلاق دي تب ماها جاي..
الربع الفات يا عبد الرحمن.. واحد صديقنا فاتح ليهو بوست حدادي مدادي و قال ياسر عرمان جيفار ا السودان..مافي زول استغرب ولا قال ليهو جابوك من وين..
هسع في الربع ده الصديقة.. احسان عبد العزيز فاتحة ليها بوست بتستشهد بكلام استاذنا ود المكي (ان شاء الله بتعرفو يا قريبي؟)..عن ياسر عرمان..مافي زول استغرب..و قال ليها جابوك من وين..!!!
اها ود الباوقة.. ده ممكن هسع ده يحرش فيك اخونا خالد ضيفان بابكر.. و نبقى في عييك و عاااك..
راني ..ده ممكن يحرش فيك ابكر ادم اسماعييل..و نبقى في عاك و عيييك..
انا ممكن احرش فيك ابو حوه و شواطين.. يربطوا ليك في كبري ابوحبل..!
شفت الموضوع معقد كيف يا صديقي؟!!
ما عارف ناس السودان الجديد اليومين ديل بقوا متفرغين لكومريد عرمان.. تكح كحة ساكت.. العالم تدور فيك..!!!!
كبر
|
Post: #85
Title: Re: من اين جاءوا .... هؤلا البورداب ..
Author: أمير محمد ادريس
Date: 02-12-2013, 07:17 AM
Parent: #83
ثم البوست دا بيجيب قصص ومداخلات ممتعة لذلك متابعه بشغف من على هضبة النشوة النشوة*
_____________
ود الزين ياأخي مالك على الهضبة دي ما تخليها في حالها
تحياتي يا ود الزين يا زين
|
Post: #86
Title: Re: من اين جاءوا .... هؤلا البورداب ..
Author: د.يوسف محمد طاهر
Date: 02-12-2013, 08:40 AM
Parent: #83
صعب يا قريبي لمن تلقى روحك عنوان لمدينة ..و ثقافة..و عوالم مليانة بالمحبة و الجمال... لأنو لمن تكون في وضعية زي دي.. أي حاجة محسوبة عليك..!
و عندك الكتير الممكن تقولوا.. لكن حكاية تشتغل بوليس اخلاق دي تب ماها جاي..
أجمل ما كتب في هذا البوست ..... التحية للأخ كبر
|
Post: #87
Title: Re: من اين جاءوا .... هؤلا البورداب ..
Author: طلحة عبدالله
Date: 02-12-2013, 09:25 AM
Parent: #86
لا حول ولا قوة إلا بالله الجبار العظيم
يا مبارك ياخ الله يهديك أغلط على كيفك وعوس زي ما عايز لكن ما تصل لدرجة أنك تغلط
في إسم الجلاله وتكتبه بالتاء المربوطة .
إستغفر الله العظيم
|
Post: #89
Title: Re: من اين جاءوا .... هؤلا البورداب ..
Author: HAIDER ALZAIN
Date: 02-12-2013, 09:52 AM
Parent: #87
مرحبتين عزيزنا امير ادريس..
| Quote: ود الزين ياأخي مالك على الهضبة دي ما تخليها في حالها |
اخليها في حالها كيف يعني انت قايلها اي هضبة والا شنو دي هضبة شغف ونشوة يا آخينا
Quote: لا حول ولا قوة إلا بالله الجبار العظيم
يا مبارك ياخ الله يهديك أغلط على كيفك وعوس زي ما عايز لكن ما تصل لدرجة أنك تغلط
في إسم الجلاله وتكتبه بالتاء المربوطة .
إستغفر الله العظيم |
والله يا طلحة مداخلاتك انصرافية خالص.. الراجل جاي مصلح لحال المنبر العام وانه يكون وطن من لاوطن له وضد النقاشات الايدلوجية والاستقطابات السياسية وضد انه يكون ساحة للعراك الفكري وتجي تقيف معاه في ربطة التاء!؟
زول بيكتب الثاء ثور صاء صارقيل باقي ليك بيفرز ربطة التفاح من ربطة الفجل
|
Post: #90
Title: Re: من اين جاءوا .... هؤلا البورداب ..
Author: ود الباوقة
Date: 02-12-2013, 09:55 AM
Parent: #89
سبحان الله
|
Post: #92
Title: Re: من اين جاءوا .... هؤلا البورداب ..
Author: طلحة عبدالله
Date: 02-12-2013, 10:08 AM
Parent: #90
ههههههه
طالعة من كيبوردك وكأنها ربطة زهور الفل
|
Post: #91
Title: Re: من اين جاءوا .... هؤلا البورداب ..
Author: سليمان القرشي
Date: 02-12-2013, 09:58 AM
Parent: #87
ياكبر ربنا يديك الصحة والعافية
والله كلامك سمح بالحيل
|
Post: #93
Title: Re: من اين جاءوا .... هؤلا البورداب ..
Author: جمال ود القوز
Date: 02-12-2013, 10:15 AM
Parent: #91
TIME OUT
|
Post: #94
Title: Re: من اين جاءوا .... هؤلا البورداب ..
Author: Haytham Ghaly
Date: 02-12-2013, 10:18 AM
Parent: #93
يا جماعة انتو لاسة قاعد تمعطوا في مبارك ؟؟؟؟
ياخ عليكم الله خلاص كفاو خلو
وانت يا مبارك ما قلنا ليك قول ليهم الروب
ما عايز تسمع الكلام مالك؟؟؟؟؟؟
حلف عليكم تخلو
|
Post: #95
Title: Re: من اين جاءوا .... هؤلا البورداب ..
Author: محمد بابكر محمد
Date: 02-12-2013, 10:39 AM
Parent: #94
لاحول ولا قوة الا بالله
|
Post: #96
Title: Re: من اين جاءوا .... هؤلا البورداب ..
Author: معاوية المدير
Date: 02-12-2013, 11:24 AM
Parent: #95
Quote:
عاين بتاع الضريسا وهامش الضهاري دا كمان يا هيثم
بعد شوية حايجيك يقول ليك كمان عندناRose لونها Dusty اسمها (الدمسيس) !
صدقت يا مبارك من أين جاءوا هؤلاء!!
مفروض يتكنسوا من البورد كنسة توفيق ود بت صافيناز لكنسة الخرطوم من ناس ابوحراز وابوحسين ومن لف لفهم من النازحين |
يا ود الزين الدنيا قبايل عيد، وداخل علينا عيد الريدة، فرفقاً بالزهور في بلآدي.
قالوا الحمرا حقت الريدة، والصفرا حقت الغيرة. أها نحن دحين دمسيستنا دي
حقت الترابة في خشمك، وتهديها الولية لراجلها في عيد الكِجنة، يعني كان
لقت طريقة يوماتي كدا.
جيت داخل قلت اكان القا لي دوا للضنة، إنقاية البرسيم هردتا تب، لقيتكم
ما مخليين صفحة لزهورنا الجميلة.
إنت دحين ابو حراز دا مُو الزول المِن ورا الضهاري دآك، واللآ زولاً آخر ؟؟؟
البارح قاعد براي، قلت يا ربي أنا جيت من وين ؟. شككتونا في رويحتنا دي.
يا المبارك كتّر خيرك كتير علي الرد، ونصيحتي ليك في كرقة بكري تب
ما تزعل من زول، ويا مبارك نحن والله هنا بنستفيد أكتر مما نفيد نعمننا
ما عندنا ما يفيد. عشان كدي بنغرف غرف من المكان دا، ويا المبارك
خذ الثمين ودع الغث وأنت في حِل.
لك مني عاطر التحايا ولزوارك الكرام.
مودتي...
|
Post: #101
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:07 PM
Parent: #94
اتعقل يا هيثم
|
Post: #103
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:13 PM
Parent: #87
ما عندك موضوع
الجوهر الفهم وقالوا قسم
|
Post: #102
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:11 PM
Parent: #86
د . مساء الخير
عموما اول مرة ان اعرف ناس مدينتي متابعين للاخبار والبوستات التي اتزلها انها من دواعي سروري
لكن اطلاقا هذا البوست ليس باسمهم ولا يجرحهم بشي
وبعدين يا دكتور المسالة قضية نقاش والاجندة مفتوحة
|
Post: #100
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:01 PM
Parent: #83
كبر
معليش كنت في سفر طويل لذلك لم استطيع الرد علي عليكم والمشاركة في الحوار
الموضوع هو في الاساس طرح لوجهة نظرة عن ثقافة حديثة على المنبر واشارة الي تشطيح جديد
فالموضوع غير متعلق بالزنق ولا الخنق فذلك انا ما اخدت الموضوع من هذه الزاوية
ارجوا ان يراها الجميع من هذه المنظور
وثقافة البسوسسين دي ما شغالة هنا
تحياتي
|
Post: #107
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 05:02 PM
Parent: #83
كبر معاك (لعلك) طيب ....
البوست دا ما عندوا اي علاقة باي جهة انه بوستي انا ودي ملاحظاتي العامة عن شكل الطرح بتاع المواضيع لذلك استاذ عرمان اكن له كل الاحترام فهو ما طرف في البوست دا وكذلك استاذة احسان .
الموضوع كله عن البوستات بتاعت انا بكره فلان وطوالي جايبه في المنبر العام
وانا حبيت فلانة وهكذا ,,,,, ما الذي نتوقعه من مستوي يمكن ان ينحرف اليه بوستات الاعضاء
اقولك قصتين (( في نهاية عام 2003 ذهبنا الي الجامعة الاهلية في المساء لبعض الامور التي تهمنا وجدنا بعض البرالمة يلعبون (( فلفلت ))بعد انتهاء المحاضرات لعلك تعرفها ))
وفي نفس العام دخلنا منبر للحوار لبعض العراقيين ابان دخول القوات الامريكية فوالله لا يمكن ان تكمل نصف صفحة لاختلاط الحابل بالنابل كلام في غاية السوء وضحالة الفكر
نحن لو سكتنا ممكن يحصل هنا مثله
لذلك نقول راينا ولسنا سلاطيين
مع كامل ودي
|
Post: #97
Title: Re: من اين جاءوا .... هؤلا البورداب ..
Author: ناصر يوسف
Date: 02-12-2013, 12:17 PM
Parent: #1
الأخ مبارك عبد الرحمن
تحية واحترام ،،،
أعتقد بإنو ده منبر عام للحوار ،،،
وكل من هو عضو فيه من حقو يكتب ما عني لهُ من كلام بإختلاف السحنات والثقافات والمعرفة
عن نفسي أنا لا أفهمُ في الديالكتيك أوتفكيك اللغة قراءة مسكوت النصوص مثلاً ، ولا أفهم في اللاهوت ولا الطِب
ولا أمتلك نواصي اللغةِ كما يمتلكها غيري من فطاحلة اللغة هنا ،،،
سين سؤال ،،،
إذا جئت إلي هنا وكتبت عن أي شئ وفق معطياتي المعرفية الثقافية ،،، مهما ( ضَحُل ) موضوعي الذي أتيت به إليكم هنا ،،،
فهل سأكونُ بذرة غيرُ ناضجة وغير مقبولة ومرفوضة وغير مُرحب بي ،،، لا لشئ ،،، فقط لأنني لم أكتب وفق وعيك أنت الثقافي والمعرفي واللغوي ؟؟؟
إذا ما أجبت علي سؤالي هذا بكامل الصِدق ،،، حينها قد آتي لمناقشتك وفق إجابتك ،،،،
شكراً لإصغاءك
|
Post: #99
Title: Re: من اين جاءوا .... هؤلا البورداب ..
Author: وليد محمد المبارك
Date: 02-13-2013, 08:35 PM
Parent: #97
كبر يا صديقي
يديك العافية ياخ
|
Post: #105
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 04:41 PM
Parent: #97
ناصر لك الشكر والامتنان
الناس ليسوا سواسية اطلاقا ولا يمكن ان نقيسهم بمعيار واحد ابدا
انا طبعا ما داير اقول للناس اكتبوا كدا وخلوا كدا
بس الموضوع في ناس شغاليين ((((ضر وحسادة )))) يعني لكي يصبح المنبر فاقد بريقه واستنارته
يحشو بالمواضيع الهايفة لا انا ولا انت تستفيد لذلك هم شغاليين معاي اربعة صفحة كواريييييييييييك وشغب تابعها
لكن مافي حديث عن صلب الموضوع ولماذا فتح هذا البوست بهذه الكيفية التي يضع البعض نفسه مكان الحرقص الذي يرقص لوحده
فالغرض هم البغاث ديل
وانا في نفسي غير كامل انهل بصراحة من بعض البوستات لبعض اساتذتي هم معي الان اعضاء لذلك لا عيب يا عم واصل
لك الشكر
|
Post: #108
Title: Re: من اين جاءوا .... هؤلا البورداب ..
Author: شمس الدين محمد
Date: 02-14-2013, 05:19 PM
Parent: #105
شكرا الاخ كبر الاخ مبارك للاسف موضوعك مفروغ منه عاوز كمان تحدد للناس المواضيع التى يتناولونها والاخري التى يتحاشونها الياهو والله الفضل
|
Post: #109
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-14-2013, 05:24 PM
Parent: #105
دي مداخلة د. عبدالله المسلمي عن البوست عبر الفيس
حبيت ان انقلها الي المنبر لينظروا هؤلا الهتيفة فالي المداخلة
(((فعلاً سودانيز أون لاين أصبح منبر مسيخ ...... يا أخي إنسان قال رأيه في شيء معين أعتقد ما في داعي للإساءة الشخصية ومحاولة الانتقاص من قدره .... إن لم يكن هناك نصيحة تقدم له كعضو جديد كما فعل بعض العقلاء من أمثال الأخ : كبر ...... أشوف في ناس كثيرين حلوين في المنبر مفقودين أمثال : ود الصائم وغيره ....)))
لا تعليق عندي لهذه المداخلة
|
Post: #110
Title: Re: من اين جاءوا .... هؤلا البورداب ..
Author: وليد محمد المبارك
Date: 02-14-2013, 06:06 PM
Parent: #109
Quote: بصراحة ياوليد هل لديك مشكلة عويصة في البوست دا يعني ؟
عن اي شي تتحدث انت ؟؟
ارتقي ارجوك !! |
يا مبارك
انا عارف انا واقف وين
وبحاول جاهدا انو ارفع مستواك وارتقي بيك انت
انا بتحدث عن انك فارض نفسك كوصي على المنبر
منو يكتب شنو في شنو
ودا ما من حقك
|
Post: #111
Title: Re: من اين جاءوا .... هؤلا البورداب ..
Author: Hatim Alhwary
Date: 02-14-2013, 07:30 PM
Parent: #110
الاستاذ مبارك مساء الخير
لعل سبب ردود الكثيرين عليك واختلافهم مع ما طرحته مرده الى شيئين اولا : الوصاية التي لا تملك وثانباً: التعميم المخل
والغريب وقع في نفس الخطأ د. محمد اي سليمان بموافقته الضمنية على العنوان وايراده لخيط كمثال...واكيد لم تكن صدفة ان كلا النموذجين للخيطين كتابهما من دفعة 2013 وهذا سبب اخر ايضا لردودهم عليك هنا
سؤالك هذا من المفترض ان توجهه الى بكري...المسئول الوحيد عن التسجيل هنا
ولكن لانك لا تريد اجابة لسوالك الاستنكاري لذلك طرحته مرسلا مشتنجاً على قارعة البورد
ما دفعني للتعليق في هذا الخيط هو خطورة ما تحاول ان ترمي اليه من اتهام خفي معمم تجاه " هؤلاء" الجدد وكانهم جاؤوا لاجندة مرسومة او دفع بهم من بعض الجهات لتخريب " رصانة" و " جودة" مواضيع سودانيز اونلاين...وهذا كلام غير صحيح ...ليس لانك لا تملك عليه دليل وحسب ولكن...لانه غير واقعي ولا تصدقه كتابات واتجاهات " هؤلاء" الجدد...فقط خذ وقتك وأقرا ومايز بينهم...فهم ليسوا صنف واحد كما تظن او تتخيل
التنوع مطلوب وهو سر نجاح هذا البورد في الماضي القريب وهو ما سينجحه ايضاحالياً
كتاب سودانيزاونلاين وان كنا حديثي التسجيل ولكننا نقرا لهم من امد بعيد وهم ليسوا على قلب رجل واحد...يختلفون اختلافا بينا وتتنوع مشاربهم ومدارسهم الفكرية...وهذا ديدن اي مكان صحي
فما الجديد؟
القادمون الجدد هم ايضا كذلك...فقط اعطي نفسك وقتا وأقرا لهم ولا تنمطهم وتتضعهم في قالب " البرالمة" المعمم و المخل
تحياتي
حاتم هواري
|
Post: #115
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-15-2013, 03:57 PM
Parent: #112
محمد حبيب الله
سلامات
محبتي لعرمان لو في او لا ما مكن احشركم فيها قضية شخصية بحتة
واعتقد عندي ليكم في المنبر ما يفيدكم ولكل مقام مقال
والبوستات(( العامية السودانيه من القران الكريم
المنسيين .....The Forgotten ))
ما قراتهم بصراحة بس ممكن اركز عليهم من الان
ومشكور
|
Post: #113
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-15-2013, 03:34 PM
Parent: #111
هواري سلامات
الموضوع كله رمي في البرالمة ما عارف ليه ومع اني لم اقل البرالمة ولم اذكر الجدد فولو تدققت تجد البوست بعنوان ((من اين جاءوا .... هؤلا البورداب ..))
اذا متزكر العبارة دي قالها الطيب صالح عن الجبهة بانهم من اين اتو ومع علمهم بانهم سودانيين ومتواجديين في الوطن سواله كان من جوانب غرابة سلوكهم وشناعة افعالهم .
لم اقصد البرالمة ولكنني اقصد الجماعة القاعديين وشغاليين حشي وضر ،
وما انا بمصلح فقط اشير واعبر لمن اراد ان ياخذ ومن لم يرد فاليترك ..
لا املك عصاة
ولو كمان في كبت عن التعبير ممكن اعرفه
sallam
|
Post: #116
Title: Re: من اين جاءوا .... هؤلا البورداب ..
Author: rani
Date: 02-15-2013, 04:15 PM
Parent: #113
Quote: كبر
معليش كنت في سفر طويل لذلك لم استطيع الرد علي عليكم والمشاركة في الحوار
الموضوع هو في الاساس طرح لوجهة نظرة عن ثقافة حديثة على المنبر واشارة الي تشطيح جديد
فالموضوع غير متعلق بالزنق ولا الخنق فذلك انا ما اخدت الموضوع من هذه الزاوية
ارجوا ان يراها الجميع من هذه المنظور
وثقافة البسوسسين دي ما شغالة هنا
تحياتي
(عدل بواسطة مبارك عبدالرحمن احمد on 14-02-2013, 04:08 PM) |
و الحالة معدل كمان؟
|
Post: #114
Title: Re: من اين جاءوا .... هؤلا البورداب ..
Author: مبارك عبدالرحمن احمد
Date: 02-15-2013, 03:49 PM
Parent: #110
وليد
(((انا عارف انا واقف وين وبحاول جاهدا انو ارفع مستواك وارتقي بيك انت )))
شكرا كتييير كتر خيرك
|
|