ابحثوا معى عن صديقى عضو البورد فارس موسى

فارس موسى
صديق و حبيب من زماااااان
جمعتى به اجمل الايام
افتقدته كثيرا
فهل من من يدلنى عليه

كان يختفىء و يظهر
و كان ظهورة كالشمس


يا شموسا
فى ظلام الليل

اشعلتى النهاااااار

التقيته و اختفى
ويوما كنت فى حفل زواج

وكان عندليب الحفل الراحل المقيم

وردى
بمدينة الدندر
خرجت بعد الفاصل الاول
عند منتصف الليل
وفى طريقى
فجأة سمعت صوت يستوقفنى بلهجة التحدى
كانو اربعة
كنت اعرف واحدا فقط منهم
كان يريدون شرا
استعديت للمضاربة ( اجيد فتون الدفاع الاعزل)
فجأة سمعت صوت ينادى الحاصل شنو
و كان بلهجة من يريد دخول المعركة
دون انتظار الاجابة

كان ذلك هو فارس موسى

مرة اخرى
بعد اختفئه بأكثر من سنة
فى
ايام حظر التجوال
وانا قادم من امبدة الى بحرى
برفقة احد الاصدقاء
فى سيارته
عرجنا على الموردة
فى طريقنا الى بحرى ضرب لينا لستك
وما كان عندنا اسبير
وحظر التجوال اصبح قاب قوسين او ادنى
لا احد يريد الوقوف لمساعدتنا
فجأة توقفت سيارة
من غير ما نأشر
سالو ان شاء الله خير و نساعدتكم بى شنو
ادونا لستكهم الاسبير ( صديقى قام باعادته فيما بعد)
كانت المفاجأة

هو ايضا فارس موسى

منذ ذلك الليل لم التقيه
وجدته صدفة فى المنبر
ليس له وسيلة اتصال
و انا حينها لم اكن عضوا بالمنبر
هذه هى المواقف التى جمعتنا
الا ينطبق عليه القول
يا شموسا فى
طلام الليل
اشعلت النهارا
يدكم معى للبحث عنه

و لكم تحياتى

فارس موسى
اسم على مسمي
انسان عظيم واخو اخوان وفارس للموقف والقلم


له التحية اينما يكون وحينما يكون وكيفما يكون ...

حبابك ألف يا كمال الماحى , فارس عضو فى هذا المنبر والأيام دى منقطع شوية لظروف الدراسة حنوصلك بيهو ان شاء الله
ما ذكرته عن الصديق فارس هو قطره فى بحر مآثره يفكر فى الآخرين قبل نفسه , قيل لكل انسان نصيب من اسمه وفارس اسم
على مسمى زول حارة وحلال شبك وزول قدامى عندما يحمى الو ط ي س , لك ولفارس كثير المودة والتقدير .

احبائى عبد العاطى وفيصل
انه نعم الاخ
و نعم الصديق

شكرا على مداخلتتكم
اتمنى ان اوفيه حقه

و اتمنى له التوفيق
فهو الصديق الذى يستحق البحث عنه

حياه الغمام بكان ماهو قاعد الزول السمح ده يااااخ

أنا مارق لى مشوار وبجى راجع ولحين عودتى لو ما لميت فى صديقك فارس بلمك فيهو ولذلك الحين حاول ترسل ليهو
على الماسنجر ويا ناس أمريكا الباشمهندس محمد خليل , على جويلى , عاطف عنتر , على سرالختم , عادل حمزة لو مريتو
من هنا أعملو اللازم .

البلقاهو ديل عناوين الاتصال
cell phone +353863822122
skype kamal.mahi

e mail [email protected]

الاخ الكريم كمال الماحى
احسنت الاختيار فهو بحق نعم الفارس ونعم الصديق ..
تركنا له رسالة لحظات ويرد عليك ..

فارس موسي قل أن تجد له نظير ، جمعتني به ظروف حسنة وفي بيته في فيرجينيا قبل أن أعلم أنه بارحها لا تسألن عن الكرم والبشاشة والشهامة والإحتفاء بالضيف ، لا تسألن عن الخلق والإنصاف وخدمة الضيف ، فهو فارس كل ذلك ويزيد .

له التحية ولك ، وحق لك أن تفخر به كصديق .

تحياتنا

لو البتسأل عنه ده / فارس موسى شوف البوست بتاع ( المسيرية - عرب البقارة )
قبل اسبوع كان عنده مداخلة مع كبر - بريعمة
وعلى ما أظن في أمريكا

والله اعلم

السلام عليكم سيد البوست و صحبه
كان البتتكلمو عنو ده جنابو فارس موسى ,,, يبقى ما غريب الكلام النكتب
عنو , و فارس صديق لسنين طويله و اخر عهدي به في هولندا في اواخر التسعينات
في هولندا ,, اظهر و بان اخونا فارس موسى .

الكلام دى كلو عن فارس موسى لكن ما بطلعنا من البلد عديل كدة على العموم فارس فى ايوة وللاسف بقى عندو الخرف المبكر ما اعتقد انو يتزكرك

الحى بلاقى ولو إسفيريا !! نجره من عندى

د كمال ... حمدلله الذى جمعنا مره اخرى ..

اشكرك غاية الشكر على الكلمات النبيله فى حقى .. وما كان يا حبيب فى داعى للمداعى الإسفيريه دى

وجدت رساله من الصديق على جويلى وهو احد كمنداناتى فى بلاد اليانكى من دغش الجمعه .. اشكره إنابة عنك لتنبيهى بهذا البوست.

شكرى ايضا موصول للاحباب والاصدقاء :

استاذى ونوارة جيلنا عادل عبد العاطى

صديقى واستاذى ايضا فيصل الحسن

وحبيب الكل كيكى ( النجار)

والصديق فضل الصادق

ول ابا ضوالبيت حامد

شكرى الجزيل على كلماتكم الطيبه فى حقى وكلكم شهادتكم فينى مجروحه والله لا جاب يوم شكر اى واحد فيكم .

توقع منى تلفون بعد قليل يا دكتور كمال.

شكرا تانى

فارس موسى

Quote: و فارس صديق لسنين طويله و اخر عهدي به في هولندا في اواخر التسعينات في هولندا ,, اظهر و بان اخونا فارس موسى

معقوله بس !! ماهر الحويرص ذات نفسو .. ياخى مشتاقين .. مشتاقين .. مشتاقين ومشتاق لكل المعاك وخاصه اهلى ناس سنجه

ياخى مرحب بيك كصديق قديم ومعتق .. ومرحب بيك كبوردابى جديد لنج ..

وين إنت حاليا يا حبيب فى هولندا ولا مرقت منها؟

ياخى رسل لى تلفونك فى الماسنجر خلينا نخابرك ونسالك عن كل الطيبين والاحباب

تانى شكرا ليك يا دكتور .. أهو واحد من الاصدقاء القدامى ظهر وبان .

ياخى دا كمين شكلو ح يكون ولعه !!

Quote: فارس موسى لكن ما بطلعنا من البلد عديل كدة

يا سيف جبريل يا حبيب مشتاقون .. ممكن اطلب اغنيه ؟ أقصد طلب .. ما تشوف كمال اوسلى وين ! وخالد الايوبى!

معقوله يا سيف انا اطلعك إنت من البلد !! شن لما بابنوسه على الجريف ( رغم إنو بابنوسه احيانا تقرأ العرضه شمال وجنوب!!)

الجريف مركز وبابنوسه هامش

يا جماعه انا الجابنى البورد سيف جبرين قبل 9 سنوات ..فشكرا لسيف وشكرا لدكتور كمال تانى .

الاخوة الاعزاء
كل من مر على هذا البوست
لكم التحية
الاخ فارس نعم الاخ
و يبدو ان الجميع يشاركوننى نفس الاحساس
الحمد لله انى التقيته بعد طول غياب
و اجد نفسى عاجزا عن شكر كل الاخوة الذين
دلونى عليه
و اتمنى ان تستمر العلاقات الطيبة
و التواصل المثمر بيننا

سلام اخونا دكنور كمال الماحي
وسعيدين بانضمامك لهذا المنبر العملاق
ابوي عندو مقولة يقول ليك
ماكويس الكويس كويس البيعرف الكويس
ويبرر الزول الكويس ده ماداير يشكروه لانو اصلو كويس لكن الانسان الذي يقدر هذا الانسان الكويس هو الكويس
كم من شخص كويس الناس اكلوه اوانطة ساكت يقول ليك ياخي الزول ده طيب مابقول حاجة ماترجع ليه الحاجات دي
ففارس بشهادتك وشهادة الجميع زول كويس وانت لمعرفتي الشخصية لك زول كويس جدا جدا
نتمنى لك وله دوام الكواسة بين الناس
يافارس ياكويس لو جيت منطقة فرجينيا طالبنك جية وطلة
نشم فيك ريحة د.كمال

Quote: ما ذكرته عن الصديق فارس هو قطره فى بحر مآثره يفكر فى الآخرين قبل نفسه , قيل لكل انسان نصيب من اسمه وفارس اسم على مسمى زول حارة وحلال شبك وزول قدامى عندما يحمى الو ط ي س , لك ولفارس كثير المودة والتقدير .

حمد لله علي لم الشمل !

كمال ازيك -

فارس من كتابته :
guess he is a True Person

هكذا الدنيا تجمع لتفرق وتفرق لتجمع

وقد يجمع الله الشتيتين بعدما يظنان كل الظن أن لا تلاقيا

تحياتي للجميع

الاخ فارس

لك كامل الود و الترحاب

لم ارك في سالف الخمسة عشر الماضيه .

فارس لمن لا يعرفه هو آخر الجيل الجميل ...لاتكتئب و انت في حضرته ... بسيط ، وديع، بشوش، ضاحك الثنايا ابلجها، ثم اديب اريب(مش بتاعة كمال حسن بخيت).
عهدي به كاسمه كما كناه لنا البعض هنا..
احببته لله في الله ، فهو يجبرك على احترامه بدماثة خلقة و كريم خصاله.
هنيئا لكل من يعرفه و كل من يتنفس ذات الهواء الذي يتنفس.
اين انت يا صديقي....؟

يا عادل خيارى
سلامات ..

Quote: يافارس ياكويس لو جيت منطقة فرجينيا طالبنك جية وطلة

أنا بديك خبر لو ظهر .. لأنى عارف منزلته وين ..

يا عادل، الما عارفنه الناس عن فارس .. أنه زول بقارى، وبرقص المردوم جنس رقيص، فى حلفة وداع بالنسبة له، ردم الوطاه لما كانت العمارة تهتز من الردم تقول تسقط.

بريمة