سحر كارلوس و فدوى فريد

Post: #1
Title: سحر كارلوس و فدوى فريد
Author: بكرى ابوبكر
Date: 02-07-2013, 08:58 PM

Post: #2
Title: Re: سحر كارلوس و فدوى فريد
Author: بكرى ابوبكر
Date: 02-07-2013, 08:59 PM
Parent: #1

Post: #3
Title: Re: سحر كارلوس و فدوى فريد
Author: كمال سالم
Date: 02-07-2013, 10:38 PM
Parent: #2

سخف !
انت جادى يابكرى ؟!

Post: #4
Title: Re: سحر كارلوس و فدوى فريد
Author: سيف اليزل سعد عمر
Date: 02-07-2013, 10:50 PM
Parent: #1

والله حيرتنى عديل كده، لو ماكان مكتوب تلفزيون السودان والخرطوم كنت قلت ليك ده جيبتو من وين.

Post: #5
Title: Re: سحر كارلوس و فدوى فريد
Author: Siham Elmugammar
Date: 02-07-2013, 11:03 PM
Parent: #4

سلامات يا بكرى انا غندى مسكلة مع طل الفيديوهات البتنزلها
ما بشوف غير مربع اسود
رجاء المساعده مع الشكر

Post: #6
Title: Re: سحر كارلوس و فدوى فريد
Author: يحي قباني
Date: 02-07-2013, 11:09 PM
Parent: #5

Quote: خف !
انت جادى يابكرى ؟!

كمال سالم يا جميل ...

والله لم اعرف قيمة ( حكمة ) الاستاذ قيقراوي الا اليوم ...

صحي ( المافي شنو ؟ ) ....

______________________________________

بت المجمر ... بعد السلام ....

كدى جربي استعملي ( متصفح تاني ) ...

اعتقد مشكلتك بتنحل ...

Post: #7
Title: Re: سحر كارلوس و فدوى فريد
Author: بكرى ابوبكر
Date: 02-08-2013, 00:00 AM
Parent: #6

Quote: انت جادى يابكرى ؟!

يا حبيب خليك من جديتى كفاية علينا جدية تلفزيونا القومى و الولائى ...و ما عندى راى فنى فيهم و دا بخليه لناس الموصلى و ناذر علشان ما يجى واحد يقول ليك بكرى بقى ناقد فنى و يختنى فى مرتبة هيثم كابو خلينى فى كمبيوترى ده .... لكن هل اسمائهم دى اسماء فنية و لا اسمائهم الحقيقية و لو اسمائهم الحقيقية ما عندى فيها راى لكن لو اسمائهم الفنية بقول ليهم مالها الاسماء الطالعة و البتعبر عن قبائلنا و عاداتنا السودانية مثل عائشة الفلاتية و هكذا....

غايتو الله يستر عليهم و ما يشوف البوست ده ناذر او عمر الفاروق باقى لى حا يظعمطوا ريشهم

Post: #8
Title: Re: سحر كارلوس و فدوى فريد
Author: محمد عوض السيد
Date: 02-08-2013, 00:17 AM
Parent: #7

سلامات عوافي

والله دخلت البوست عاوز اشوف الجريمة الحاصلة شنو

اسم كارلوس ده مش الارهابي القبضوه في مطار الخرطوم

..
غايتو الغناء بقي بكوجنوه كوجين شديد خلاص ..

مع ودي
واحترامي

Post: #9
Title: Re: سحر كارلوس و فدوى فريد
Author: محمد جبره
Date: 02-08-2013, 00:55 AM
Parent: #8

Post: #10
Title: Re: سحر كارلوس و فدوى فريد
Author: عادل عبد الرحمن حسن
Date: 02-08-2013, 01:54 AM
Parent: #9

امس ساهرة يشوف في فلم مكسيكي مبالغه اسم الفلم كارلوس فرناندو..ياهو دا الفضل في السودان يا هندسه...

Post: #11
Title: Re: سحر كارلوس و فدوى فريد
Author: rani
Date: 02-08-2013, 03:46 AM
Parent: #10

احرق الباندوث ذي ما داير
البسألك منو؟

Post: #12
Title: Re: سحر كارلوس و فدوى فريد
Author: سامى عبد المطلب
Date: 02-08-2013, 08:39 AM
Parent: #11

قادر الله يا هندسه
اين بشاشا من هذا الاستلاب ....؟

Post: #13
Title: Re: سحر كارلوس و فدوى فريد
Author: ناذر محمد الخليفة
Date: 02-08-2013, 02:09 PM
Parent: #12

يا جماعة كدي إستهدو بالله ..!!

إنتو معترضين على شنو في الفيديوهين ديل ؟ على الصوت ولا على أختيار الأغاني ولا على طريقة الأداء ؟!

الفيديو الأول ممعن في التقليدية وما خرج من إطار غناء التمتم العادي الممكن تغنيو أي بت وصوت المغنية أكثر من عادي !!

اللفت إنتباهي حقيقة الفيديو التاني ..

الأسمها فدوى فريد تمتلك صوت رهيب بي صراحة وأدت الأغنية غير السودانية دي بي طريقة جميلة جدا ..

الساحة السودانية حاليا تفتقد للصوت النسائي الجادي بعد إعتزال كلا من أسرار بابكر وعافية حسن وتوقف الفنانات المخضرمات مثل آمال النور وسمية حسن عن الأتيان بأي جديد ... هذا طبعا اذا ما استثنينا الفنانتان ندى القلعة وانصاف مدني وهذين يقدمان الجديد بين الحين والأخر ...

صدقوني لو وجد موسيقار جاد وشاعر مخضرم ومدا يد التعاون مع الفنانة فدوى فريد بالأشعار الجادة والألحان التي تتناسب مع خامة صوتها لبعثا من جديد صوتا نسائيا جدير بأن يتسيد ساحة الغناء النسائي شبه الخالية الأن ..

Quote: لكن هل اسمائهم دى اسماء فنية و لا اسمائهم الحقيقية

يا بكري أسماء الفنانين والفنانات الأيامات دي فيهو لخبطة غريبة .. الساحة فيها ود صامولة بيغني إسمو سامي هيفاء !! تصدق الكلام دا يا حبيب ؟! وطبعا التحية موصولة للفنانة الراقية مريم عضلات وسعاد تيكو ونادية جضوم !!

Post: #14
Title: Re: سحر كارلوس و فدوى فريد
Author: وضاحة
Date: 02-08-2013, 02:15 PM
Parent: #13

سحر كارلوس دى سودانية !!!

Post: #15
Title: Re: سحر كارلوس و فدوى فريد
Author: الصادق ضرار
Date: 02-08-2013, 02:48 PM
Parent: #14

Quote: وطبعا التحية موصولة للفنانة الراقية مريم عضلات وسعاد تيكو ونادية جضوم !!

كيف نسيت الفنانة الموهوبة عشوشة ابكر

Post: #16
Title: Re: سحر كارلوس و فدوى فريد
Author: ترهاقا
Date: 02-08-2013, 02:49 PM
Parent: #14

Quote: صدقوني لو وجد موسيقار جاد وشاعر مخضرم ومدا يد التعاون مع الفنانة فدوى فريد بالأشعار الجادة والألحان التي تتناسب مع خامة صوتها لبعثا من جديد صوتا نسائيا جدير بأن يتسيد ساحة الغناء النسائي شبه الخالية الأن ..

الواعدة الشابة فدوي فريد مؤدية بارعة وصوت قطع شك جديد واتوقع لها مستقبلا فنيا جيدا
في وقت امتلات فيها الساحة بأشباه مغنيات ، حقيقة هذه الشابة لفتت نظري بأدائها المتقدم وعليكم بالمقارنة
في هذا البوست بينها وبين من اسموها "سحر كارلوس" و التي فطست الغناء تفطيساً - يا ساتر يارب

Post: #17
Title: Re: سحر كارلوس و فدوى فريد
Author: Mahjob Abdalla
Date: 02-08-2013, 05:06 PM
Parent: #16

و وين عوضية عذاب يا ناذر

Post: #18
Title: Re: سحر كارلوس و فدوى فريد
Author: عبد الله فقير
Date: 02-08-2013, 10:35 PM
Parent: #17

حاجات كتيييييييير اتغيرت
او كماقالت