ثورة النساء حول تسلط الرجل

لو النسوان مرقن الشارع دا واتظاهرن كللللهن وخلو الرجال يمسكو الشفع
ويتبخو ويغسلو العده وكدا يعني !! ومامشكله كبيره المظاهرات اكيد فيها بكون شغب وتدخل قوات الشرطه ومكافحة الشغب والامن ومن علي شاكلتهم يدقوهن بالعصي وهن صامدات ولا دمعه ولا قراصه طبعا خراطيش مويه دي بعيده عننا وشنو يقوم يمسكو عشرات منهم والبقيه صامدات مصممات علي تغير نظام الحكم (قاصده تسلط الرجل بس اشان مايفهموني غلط) المهم اليوم الاول والمبيت في الشوارع والرجال مع الشفع والاكل يعملو الرجال
المدارس حتعطل اشان النسوان في المظاهرات
ودواوين الحكومه ماحتفتح اشان الرجال ماسكين الشفع الا يلبسوهم ويسوقوهم الشغل مرشدات الرياض في الميدان
واليوم التاني النسوان الشغالات في القصر الرئاسي يجن يتضامنن مع الفي الميدان المعني واليوم التالت النسوان يستقبلن في الميدان نسوان البلدان المجاوره متضامنات
والبلد حركتها مشلوله البيوت وس خ ا ن ا ه الرجال مابيلحقو يعملو دا كلو والعده اكوام اكوام اها يقوم يدخلو في مفاوضات مع النسوان ومطالبن واضحه زي الشمس نص النهار تغير نظام الحكم واجب وطني
محاربة الفساد بكل اشكاله كان سجائر وسعوط واللازم منو
وتكوين حكومه انتقاليه لتسير امور البيوت يكون علي راسها ست البيت ونائبا البت الكبيره
لمناقشة طبعا تسلط الرجل حول غسلي اكوي نومي اصحي اتبخي
مامعقول كم سنه ؟؟والقهر والجهل والفقر ياعيشة كويسه او اخير عدمه
والقعاد في الميادين

مها عبد المنعم

سلام

في حالة فشل المحاولة ح تكوني المتهم رقم صفر

مسك الشفع الطبيخ كلو ما مشكلة

لكن غسيل العدة دا لو قعدن في الميدان سنة

لن يتم الاستجابة

مرحب علي فكره دااهم سبب في الثوره

Quote: مرحب علي فكره دااهم سبب في الثوره

مها
بي كده قعدتن في الميدان ح تطول

اختنا مها سلام وكيف حالك،

هاكي دي عن غسيل العدة انشالا تعجبك:

تقدم واحد من الرجال بطلب عضوية لجمعية الرجال البخافو من نسوانم، سألو رئيس الجمعيه في المعاينه الاولي وقال ليهو،
الرئيس: آخر حاجه بتعملا شنو قبل ما تنوم؟
المتقدم: بلم كل العده وبختها في حوض الغسيل في المطبخ.
الرئيس: عظيم، وتاني؟
المتقدم: بكب فيها مويا وبرش فيها صابون البدره.
الرئيس: ممتاز، وتاني؟
المتقدم: بخليها كدا عشان اجي اغسلا الصباح.
الرئيس: طلبك للانضمام للجمعيه مرفوض.
المتقدم: ليه يا ريس؟
الرئيس: انت البتخلي العده تبيت لحدي الصباح عشان تغسلا دا، ما بتخاف من مرتك، عشان كده انت ما مستوفي اهم شرط من شروط العضويه وما بتنفع معانا



التمساحة على الشمال: عندك شنطة يد رائعة
التمساحة على اليمين:شكراً، انها من جلد زوجي السابق.

لك الود
دُنقس

ههههههههه
شكرا ولك الود ايضا

الاخت مها تحية طيبة
طيب اقنع الشفع بالمنطق وليس بالسرقة منهم

شمس الدين التوم تحيه طيبه
مظاهرات معناه اكيد علنيه فمافي سرقة في تربيه سلوكيه عن كيف اجيب حقي

عاد الزوج من عمله
فوجد أطفاله الثلاثة أمام البيت
يلعبون في الطين بملابس النوم
التي لم يبدلوها منذ الصباح

...وفي الباحة الخلفية
تبعثرت صناديق الطعام
وأوراق التغليف على الأرض
وكان الباب الأمامي للبيت مفتوحاً
..
أما داخل البيت فقد كان يعج بالفوضى
فقد وجد المصباح مكسوراً
والسجادة الصغيرة مكومة إلى الحائط
وصوت التلفاز مرتفعاً
وكانت اللعّب مبعثرة
والملابس متناثرة في أرجاء غرفة المعيشة
وفي المطبخ كان الحوض ممتلئا عن آخره بِالأطباق
وطعام الأفطار ما يزال على المائدة و كان باب الثلاجه مفتوحاً على مصراعيه
..
صعد الرجل السلم مسرعاً
وتخطى اللعب و أكوام الملابس باحثاً عن زوجته
كان القلق يعتريه خشية أن يكون أصابها مكروه
فُوجئ في طريقه ببقعة مياه أمام باب الحمام
فألقى نظرة في الداخل ليجد المناشف مبلله
والصابون تكسوه الرغاوي
وتبعثرت مناديل الحمام على الأرض
بينما كانت المرآة ملطخه بمعجون الأسنان
اندفع الرجل إلى غرفة النوم

فوجد زوجته مستلقية على سريرها تقرأ روايه
نظرت إليه الزوجة وسألته بابتسامه عذبه عن يومه
فنظر إليها في دهشة وسألها :ما الذي حدث اليوم
ابتسمت الزوجة مرة أخُرى وقالت:

كل يوم عندما تعود من العمل تسألني بأستنكار
ما الشيء المهم الذي تفعلينه طوال اليوم...أليس كذلك يا عزيزي

فقال : بلى
فقالت الزوجَه:

حسنا أنا لم أفعل اليوم ما أفعله كل يوُم!!

________
الرسالة

من المهم جداً أن يدرك كل إنسان
إلى أي مدى يتفانى الآخرون في أعمالهم
وكم يبذلون من جهد لتبقى الحياة متوازنه
بشقيها و هما
..(الأخذ..و..العطاء)..
حتى لايظن أنه الوحيد الذي يبذل جهوداً مضنيه
و يتحمل الصعاب و المعاناة وحده
وحتى لاتغره سعادة من حوله و هدوئهم
فيظن أنهم لم يفعلوا شيئاً
ولم يبذلوا جهداً مَن أجل الوصول
إلى الراحَه و السعادة
__________________

قدر قيمة الآخرين و جهودهم
ولا تنظر من منظار ضيق


منقووووول من الايميل
__________________

احمد سيد احمد جدا شاكره مشاركتك وصلت فكرتي معناه
تسلم يارب

Quote: وتدخل قوات الشرطه ومكافحة الشغب والامن ومن علي شاكلتهم يدقوهن بالعصي وهن صامدات

وديل يا كافى البلا ما عندهم نسوان .. يمسكوا عنهن ورديات الغسيل والكى ومسك الشفع ؟؟؟؟؟
طواااالى مفكوكين فينا حتى لو اتشقلبت الدنيا ؟؟
اعوذ بالله منهم ....ومن شاكلتهم القلتيهم ديل !