Post: #1
Title: نحن لانستسلم .. ننتصر او نموت
Author: محمد حسن بوشى
Date: 02-03-2013, 07:25 PM
نحن لانيأس ..
لانتعب ..
لا نكل ولا نمل ..
لا ننكسر ..
لانستسلم .. ننتصر او نموت ..
..
بل نعمل ليل نهار .. وبكل ما اوتينا من قوه ..
بدون (ما نفكر في مصيرنا او مستقبلنا او عمرنا الماشي) فالتفكير في المستقبل في ظل الانقاذ نعتبره نوع من انواع الغباء و مضيعة للوقت ..
لا نبالي بالاعتقال ..
ولا التنكيل والتعذيب ..
لانكترث للتهديد .. والوعيد ..
لا نلين للاغراء و الترغيب ..
ولا يخيفنا الترهيب .. ( وهم يعلمون ذلك جيدا !! )
نحن شباب السودان .. نحن امل السودان ..
بل نحن السودان الوطن ( الواحد )
الوطن البتول ..
نحن السودان نحن امدرمان والجيلي ومريدي وام صميمه والكوه ولقاوه والعباسيه تقلي والمدينه عرب وغبيش وعديله و السوكي وكتم والمزموم وصوارده ونمولي وتنقاسي والشوك ومحمد قول و(كاودا ) والطينه و الكرمك والشبارقه و اطلع بره وارقين ..
بالجد نحن السودان !!
انتظرونا فسترون .. ولا تستعجلوا الحكم علينا ..
واعلمو ان مشوار الميل يبدء بخطوه .. و نحن الان في الخطوات الاخيره ؟؟
اقتربنا من الميس ..
صدقوني لن يطول الانتظار ..
ولكن بالصبر والعمل معا سنحقق مبتغانا .. ( ركزوا علي معا دي !! )
..
..
اخيرا اعلموا و تاكدوا وثقوا في اننا قادمون لا محاله .. لامحاله
وفي المنتهي سينتصر الشعب .. وسوء العاقبه لمن يقف امام ارادتنا الجباره ..
..
والسلام امان
بوشي .. الاحد 3/2/2013
|
Post: #2
Title: Re: نحن لانستسلم .. ننتصر او نموت
Author: محمد حسن بوشى
Date: 02-04-2013, 11:50 PM
Parent: #1
فوق
|
Post: #3
Title: Re: نحن لانستسلم .. ننتصر او نموت
Author: زياد جعفر عبدالله
Date: 02-05-2013, 04:44 AM
Parent: #2
ود البوشي
أقول ليك شنو يا حبيب...تذكروننا دوما بجبننا الذي نتناساه...ليتنا متنا و لم نجبن و نترك وطننا تتخطفه بغاث الطير
أنتم شباب السودان..أنتم أمل السودان
...
Musab Sharf Aldin كتب في الفيس:
| Quote: والله محمد ياود البوشي فالحيين بس للنضمي الكتيير مافي فعل عاوزين افعال افعاااااااااااااااال ,, بس فالحييين تتكلمو كلام رنان والسلام |
يا حبيب محمد البوشي دا انا ما بعرفه معرفة شخصية..لكن طبقت شهرته الآفاق بعدما واجه نافع بي كلام في مخاطبة جماهيرية نادر ما راجل ود رجال يقوم يقولو...و دفع التمن اعتقالات و تعذيب...زي البوشي دا أنا بفتكر اثبت رجالتو بيان بالعمل ما طق حنك ساكت!!
|
Post: #4
Title: Re: نحن لانستسلم .. ننتصر او نموت
Author: elhilayla
Date: 02-05-2013, 05:35 AM
Parent: #3
باشمهندس البوشي
إذا لم يكن من الموت بد فمن العار أن تموت ج ب ا نا
تسلم البطن الجابتك
___
الحليلة
|
Post: #5
Title: Re: نحن لانستسلم .. ننتصر او نموت
Author: محمد حسن بوشى
Date: 02-05-2013, 11:38 AM
Parent: #4
الحليله وزياد لكم التحيه والتقدير والود
وشكرا علي المرور
|
Post: #6
Title: Re: نحن لانستسلم .. ننتصر او نموت
Author: محمد حسن بوشى
Date: 02-06-2013, 01:49 AM
Parent: #5
!!
|
|