نصائح لزول ماش السودان بعد غيبة 9 سنوات

ربنا يسهل

نوينا زيارة الأهل للسودان

بعد غيبة امتدت زهاء ال 9 سنوات

رجاء وفضلاً تدونا نصائحكم الغاليات

كنا نتواصل ونلاقي ونلتقي هنا وهناك

البرلوم/ مجاهد

اولا مرحبا بك في المنبر
ثانيا اهم 0حاجة كلم الاهل يجهزا ليك ملف كامل
بالمناسابات التي جرت خلال التسعة اعوام بانواعها
اما الاصدقاء القدامى الموجود منهم يطلع الصباح يرجع
بالليل عشان كدا لقاءات زمان وليالي زمان ماف
اما اذا جاز سؤالك عما حدث ويجري في المجتمع
فالنصيحة عاين ولا تندهش ولا تستغرب اقبل اي حاجة
فياهو ده السودان الفضل
تحياتي وامنياتي باجازة سعيدة

سلام يا مجاهد محمد
ربنا يوصلك بالسلامة

أنا مريت بتجربة 7 سنوات


الأيام الأولى استمع أكتر مما تتكلم

ما تحكي حكاوي المغتربين وتكلم مع الناس في ونستهم السائدة وما تقول لي زول الغربة سيئة

أبعد عن الشك في تعاملك مع الناس (خصوصا القريبين منك)

حتلقى نفسك بعد 7- 10 يوم اندمجت مع الناس تماما وحتستمتع بإجازتك أحسن متعة




تعديل الأسم

املا جيبك قروش

سلام يا مجاهد
اجازة سعيدة

نصيحتي ليك عيش الواقع العايشنو الناس بدون اي مزايدة وحزاري من عقد المقارنات والتكلّف
ولما تلاقي مجموعة من الناس اول حاجة ترفع ايدك وتشيل الفاتحة وزيارة الاهل والاصاحب اهم شي
ومتع نفسك لانو فى حاجات كتيرة مافي الا فى السودان وما تندهش فى بلد الدهشة
والسودان لسعة بي خيرو وناسو الطيبين لكن السياسة ملعونة

ونسال الله ان يصلح الحال

Quote: سلام يا مجاهد اجازة سعيدة نصيحتي ليك عيش الواقع العايشنو الناس بدون اي مزايدة وحزاري من عقد المقارنات والتكلّف ولما تلاقي مجموعة من الناس اول حاجة ترفع ايدك وتشيل الفاتحة وزيارة الاهل والاصاحب اهم شي ومتع نفسك لانو فى حاجات كتيرة مافي الا فى السودان وما تندهش فى بلد الدهشة والسودان لسعة بي خيرو وناسو الطيبين لكن السياسة ملعونة ونسال الله ان يصلح الحال

الله يطمنك يا ود الحبيب
اوكي تم تسجيل الملاحظات في الراس الماكن دا هههه

Quote: املا جيبك قروش

ان شاء الله بدر أخوي
ربنا يبارك فيها بس
شكرا ليك كتير

ربنا يرجعك بالسلامة وتجد الأهل على أفضل ما تتمنى

لا ـاخذ معك أي هدايا لا ثقال

لا مايكرويف وخلاطات وتلفزيونات وتلفونات موبايل ولا أي مواد تموينية ومواد تجميل تظن عدم وجودها في السودان الذي تركت

لا تكثر من شراء الملابس والأحذية والإكسسورات كله موجود في السودان وباسعار جيدة جداً للمغترب

كله موجود وبسعر معقول مقارنة بالتعب في الترحيل والشحن والسعر الإضافي والجمارك التي قد تصل في حال التلفزيونات ل100% من ثمنه

لا تقد سيارة بنفسك في الايام الأولى على الإطلاق

إذا دخلت السوق خذ معك "مواطن" فغذا عرف الباعة أنّك مغرب فسيتضاعف السعر إن لم يصير ثلاث أضعاف

إذا سمعت بسعر شيء وقارنته بأسعار الغربة لا تبدي ابتسامة رضا ولا تستعجل في دفع المبلغ بل ساوم وقاوم قد تتحصّل عليه بنصف الثمن الذي أجرى الإبتسامة على وجهك

ما تمشي

Quote: ربنا يرجعك بالسلامة وتجد الأهل على أفضل ما تتمنى لا ـاخذ معك أي هدايا لا ثقال لا مايكرويف وخلاطات وتلفزيونات وتلفونات موبايل ولا أي مواد تموينية ومواد تجميل تظن عدم وجودها في السودان الذي تركت لا تكثر من شراء الملابس والأحذية والإكسسورات كله موجود في السودان وباسعار جيدة جداً للمغترب كله موجود وبسعر معقول مقارنة بالتعب في الترحيل والشحن والسعر الإضافي والجمارك التي قد تصل في حال التلفزيونات ل100% من ثمنه لا تقد سيارة بنفسك في الايام الأولى على الإطلاق إذا دخلت السوق خذ معك "مواطن" فغذا عرف الباعة أنّك مغرب فسيتضاعف السعر إن لم يصير ثلاث أضعاف إذا سمعت بسعر شيء وقارنته بأسعار الغربة لا تبدي ابتسامة رضا ولا تستعجل في دفع المبلغ بل ساوم وقاوم قد تتحصّل عليه بنصف الثمن الذي أجرى الإبتسامة على وجهك

تصل بالسلامة إن شاء الله
* تجنب المواصلات العامة
*حافظ على جوازك وتذاكر العودة واعمل صور منها
* احصر مشورتك في نطاق ضيق في أي عمل تود القيام به حتي لايتشتت انتباهك
* صل رحمك ما اسطعت لذلك سبيلا
*بالنسبة للفواتح القديمة والتي عزيت فيها بالتلفون لا داعي لتضيع وقتك وتجديد الأحزان

Quote: تصل بالسلامة إن شاء الله * تجنب المواصلات العامة *حافظ على جوازك وتذاكر العودة واعمل صور منها * احصر مشورتك في نطاق ضيق في أي عمل تود القيام به حتي لايتشتت انتباهك * صل رحمك ما اسطعت لذلك سبيلا *بالنسبة للفواتح القديمة والتي عزيت فيها بالتلفون لا داعي لتضيع وقتك وتجديد الأحزان

شكرا ليك كتير ود مهدي
نصايحك على العين والراس
ما قصرت تب
ملاحظة الفواتح جميلة ومنطق والله
بارك الله فيك

لا تطلب خدمة من أحد
ولا تستشير أحد في عمل شئ يخصك ... عليك التنفيذ أو الترك ...
لا تطيل البقاء ... سلم على الناس وأتخارج بسرعة ... والا لن تعود اليه الا بعد انقضاء ما يساوي عمر الزهور عمر الغرام عمر الهناء ... وليس تسعة سنين
مع أمنياتنا لكم برحلة سعيدة وإجازة أسعد ...،،،

Quote: لا تطلب خدمة من أحد ولا تستشير أحد في عمل شئ يخصك ... عليك التنفيذ أو الترك ... لا تطيل البقاء ... سلم على الناس وأتخارج بسرعة ... والا لن تعود اليه الا بعد انقضاء ما يساوي عمر الزهور عمر الغرام عمر الهناء ... وليس تسعة سنين مع أمنياتنا لكم برحلة سعيدة وإجازة أسعد ...،،،

حاضر أخوي عثمان
نصايح تنضح حكمة وخبرة .. شكراً كتير
الله يسعدك

Quote: ما تمشي

أبوي يا نادر مطول منو والله
يمكن جزء من ناس البيت شفتهم من سنة ونص

ياخي بدل غير - بعزمك ملاح نعيمية؟ هههههه
شكرا ليك كتير ..

Quote: ربنا يرجعك بالسلامة وتجد الأهل على أفضل ما تتمنى لا ـاخذ معك أي هدايا لا ثقال لا مايكرويف وخلاطات وتلفزيونات وتلفونات موبايل ولا أي مواد تموينية ومواد تجميل تظن عدم وجودها في السودان الذي تركت لا تكثر من شراء الملابس والأحذية والإكسسورات كله موجود في السودان وباسعار جيدة جداً للمغترب كله موجود وبسعر معقول مقارنة بالتعب في الترحيل والشحن والسعر الإضافي والجمارك التي قد تصل في حال التلفزيونات ل100% من ثمنه لا تقد سيارة بنفسك في الايام الأولى على الإطلاق إذا دخلت السوق خذ معك "مواطن" فغذا عرف الباعة أنّك مغرب فسيتضاعف السعر إن لم يصير ثلاث أضعاف إذا سمعت بسعر شيء وقارنته بأسعار الغربة لا تبدي ابتسامة رضا ولا تستعجل في دفع المبلغ بل ساوم وقاوم قد تتحصّل عليه بنصف الثمن الذي أجرى الإبتسامة على وجهك

بارك الله فيك أخوي Frankly
شكراً حد القبل الأربعة

سيتم العمل بما ذكرت ان شاء الله - ربنا يسهل أمري وأمرك..

Quote: سلام يا مجاهد محمد ربنا يوصلك بالسلامة أنا مريت بتجربة 7 سنوات الأيام الأولى استمع أكتر مما تتكلم ما تحكي حكاوي المغتربين وتكلم مع الناس في ونستهم السائدة وما تقول لي زول الغربة سيئة أبعد عن الشك في تعاملك مع الناس (خصوصا القريبين منك) حتلقى نفسك بعد 7- 10 يوم اندمجت مع الناس تماما وحتستمتع بإجازتك أحسن متعة

تمام أخوي حمد نصايح بختها في (الجراب) عسى تنور دربنا ياخي
شكرا كتير يا حبيب

Quote: البرلوم/ مجاهد اولا مرحبا بك في المنبر ثانيا اهم حاجة كلم الاهل يجهزو ليك ملف كامل بالمناسابات التي جرت خلال التسعة اعوام بانواعها ااما الاصدقاء القدامى الموجود منهم يطلع الصباح يرجع بالليل عشان كدا لقاءات زمان وليالي زمان ماف ااما اذا جاز سؤالك عما حدث ويجري في المجتمع فالنصيحة عاين ولا تندهش ولا تستغرب اقبل اي حاجة فياهو ده السودان الفضل تحياتي وامنياتي باجازة سعيدة

سنيرنا / الشيخ محمود

نصائح غاليات - أشكرك كتير - أمنياتي ليك بدوام التوفيق..

النصيحة: ما تجي

الأخ/ مجاهد محمد الهادي

إن شاءالله توصل بالسلامة

لكن بعد وصولك ثاني يوم ضروري جداً تمشي المغتربين وتكون شايل إيصالاتك القديمة وتعمل إجراءات المغادرة إذا إجازتك أقل من شهرين أما إذا كانت أكثر من شهرين (وهذا مستبعد) أدفع كل المطلوب منك وقول ليهم التأشيرة حأعملها قبل السفر بشهر.

الكلام ده مهم (عشان لو طالبنك قروش في المغتربين تكون معاك وإنت جيبك مليان.. لكن لو قعدت وقلت تخلي الموضوع قبل سفرك بكم يوم - حتاكل نيم- زي ما بيقولوا... لأن قروشك مهما كان المعاك حتصرفها حتصرفها إجباري وإختياري ؟؟؟؟؟؟)

ولك التحية

بوست ممتع جدا ..
خاصة للناس البتقول ليك ما تجي / ما تمشي ..
بس صدقني اعمل حاجة واحدة بس ..
ابقى عشرة على قروشك ..
وما تصرف وتبذر في الفارغ والمقدد ..
لو قننت صرفك حتستمع بأحلى اجازة ليك ..

الباقي عادي ..

لو بتغشي عطبرة اياك ثم اياك ان تكون معاك عربية من اي نوع ماركة فولكسواجن ( يعني لا بورا ولا باسات ولا قعونجه ) عشان ناس المباحث هناك عندهم زول شارد منهم كان عندو عربية زي دي واي زول بيجي راكب لية واحدة من ديل اول حاجة بيقبضوة وبعد داك بيختبرو صوتك لو قريب من صوت الحرامي الشارد ماتقول لي عندك جواز ولا بطاقة بتثبت شخصيتك ديل ما بيعترفوا بالحاجات دي
بيعترفوا بس ببصمه الصوت
عشان كدة احسن اختي عطبرة ولا كمان اختي انواع العربيات دي


اجازة سعيدة
وما محتاجة نصايح بس ما تندهش والباقي بيجي براة

تصل بالسلامه يامجاهد في تغير اكييييييد بس الناس ياهم زاتهم نفس الطيبه
تعال عادي وحتستمتع اكيد
اما الحزرك من عطبره دا ماتسعال فيهو وان كان ابن عمك لزم اشان عطبره ام المدائن ياخ تعال ان شاء الله بهمرمافي زول بسعالك

Quote: لو بتغشي عطبرة اياك ثم اياك ان تكون معاك عربية من اي نوع ماركة فولكسواجن ( يعني لا بورا ولا باسات ولا قعونجه ) عشان ناس المباحث هناك عندهم زول شارد منهم كان عندو عربية زي دي واي زول بيجي راكب لية واحدة من ديل اول حاجة بيقبضوة وبعد داك بيختبرو صوتك لو قريب من صوت الحرامي الشارد ماتقول لي عندك جواز ولا بطاقة بتثبت شخصيتك ديل ما بيعترفوا بالحاجات دي بيعترفوا بس ببصمه الصوت عشان كدة احسن اختي عطبرة ولا كمان اختي انواع العربيات دي اجازة سعيدة وما محتاجة نصايح بس ما تندهش والباقي بيجي براة

الله يحفظك أخوي الزبير
لا لا بختى العربية وبس

عندي ناس عزاز في عطبرة ولا تخاف ان شاء الله يا حبيب

Quote: بوست ممتع جدا .. خاصة للناس البتقول ليك ما تجي / ما تمشي .. بس صدقني اعمل حاجة واحدة بس .. ابقى عشرة على قروشك .. وما تصرف وتبذر في الفارغ والمقدد .. لو قننت صرفك حتستمع بأحلى اجازة ليك .. الباقي عادي ..

ههههههههههه ما تجي عديل يا ود عبادي
شكراً كتير أخوي هشام .. نصائحك على العين والراس

بوست ممتع جدا ..
خاصة للناس البتقول ليك ما تجي / ما تمشي ..
بس صدقني اعمل حاجة واحدة بس ..
ابقى عشرة على قروشك ..
وما تصرف وتبذر في الفارغ والمقدد ..
لو قننت صرفك حتستمع بأحلى اجازة ليك ..

الباقي عادي ..

اسأل مجرب قد تكون له تجدربة اصابته بالجرب

اعجبنى تعليق الفيسبوك ادناه

Quote: AlSadeq Abdullah AlHassan · الأكثر تعليقا · Riyadh, Saudi Arabia كن مطمئناً فالوطن ما يزال بخير. والسودان – بعد أن تم إنقاذه- صار يحتل مركزاً مرموقاً في معدل الشفافية الدولية، اختفت العنوسة، وتلاشى الفقر، وانعدمت البطالة، وساد الاستقرار السياسي والاقتصادي. والناس سواسية وجوههم نضرة، ليس هناك من يتسول، وليس هناك من يتبول. الشرطة تتعامل بمهنية عالية و لا تتسلبط، وكبار الموظفين من مدراء ومهندسي مساحة وكهرباء وصغارهم من موظفي جوازات، ولاصقي دمغات وأمثالهم لا يعرقلون المعاملات ولا يتلقون الرشاوى والأتاوات وإنما كل واحد منهم يستقبلك بابتسامة كابتسامة الموناليزا، ويخدمك مجاناً وهو حافي القدمين ويودعك بابتسامة رائعة كابتسامة الكوبرا. إن لم يكن هناك من ينتظرك بالمطار ليوصلك إلى المنزل عليك الاستعانة بـ(جوجل إيرث) أو بموقع الخرائط الآخر المسمى (ويكيمابيا). المؤكد أنك سوف تلاحظ أن المعالم قد تغيرت، وإن دققت النظر سوف تشاهد على الخارطة الإلكترونية نقاط سوداء صغيرة تتناثر هنا وهناك على طول الطريق إلى منزلكم، فلا داعي للإنزعاج هؤلاء هم الجباة من الجبهجية فهم – وطالما أسمك مجاهد - لن يوقفونك ولن يوسعونك نهباً ضريبياً آناء الليل وأطراف النهار. شيء واحد نحذرك منه أخي (مجاهد) هي تلك البعوضة المسماة "أنثى الأنوفوليس" فهي موجودة وراسخة في السودان كرسوخ "الإنقاذ" وهي لن تتوقف عن مص دمك حتى وإن كان أسمك الثلاثي (جهاد نصر شهادة). "انثى الأنوفليس" أخي (جهاد) لا تحب شيئاً في هذا الحياة مثل حبها لدماء المغتربين خاصة أولئك الذين أمضوا سنوات طويلة في ديار الاغتراب. هؤلاء لرائحة دمهم نكهة خاصة تجذب حتى البعوض الذكر رغم أنه نباتي ولا يمتص دماء البشر مثلما تفعل أنثاه ، كما أنه لا يلعق الدماء مثلما تفعل "الإنقاذ". رد · 2 · أعجبني · متابعة المنشور · منذ ‏7‏ ساعات

يامجاهد حبابك
نتمني لك اجازه سعيده وتبل
اشواق سنين وسنين وانا
متاكد انك حتستمتع البلد
جميلة ومؤكد حيكون هناك بعض
الاشكاليات وخصوصا انت مطول
لكن حتتجاوزا باذن الله
تسلم

مجاهد سلمات
للمصادقة أنا نزلت السودان في إجازة قبل عام وكان بعد 9 سنة غياب أنصحك بالآتي:
- عند وصولك خلي معاك شوية سوداني لزوم (القبيض) وخاصة العتالة وأحسن تخلي واحد فيهم يشوف ليك موضوع الجمارك بيودوك لي زول بيمشيك ساكت خطيرين في الموضوع ده. ، ولمن تحاسبهم خلي واحد قاعد في السودان يحاسبهم ويتكلم معاهم وأعمل فيها ما فاهم حاجة.
- لا تحول سوى مصاريف اليوم أو يومين السعر بيتغير كل يوم وغالبًا في ارتفاع.
- لو ما عندك عربية شوف واحد من الجيران يكون عنده أمجاد ( أحسن إقتراع في البلد) شيل تلفونه واتصل عليه في أي مكان حيجيك وسعرها معقول وسريعة جداً.
- وان كان لابد من إيجار عربية في ناس بيأجرو ليك شغالين من منازلهم ما عندهم محلات وأرخص كتير من السوق ولو سألت حتلم فيهم قطعاً.
- حرص على الأوراق الهامة والدراهم ويا ريت ما تخليها في البيت النازل فيه ( بيكون مستهدف) وخاصة في الأيام الأولى وتشوف ليك مكان آخر آمن.
- ما تشرب من موية الماسورة إلا بعد غليها أولاً على الأقل في الأيام الأولى ولا تثق في موية الكريستال ( أخير منها الماسورة) .
- أمشي الصيدلي في أول يوم أشتري حبوب الوقاية من الملاريا وأبلع حبتين كل يوم.
- لو مشيت تقضي قرض ( معاملة ، ،شراء) سوق زول ولواضطريت تمشي براك ما تحاول تتكلم كتير بيعرفوك جاي من برة بتدقس بتدقس ما في شك.
- ما تستعجل في عمل شيء ( شراء بيت أو قطعة) في الفترة الأولى وأصبر لحدي قريب نهاية الإجازة فبي طول المدة ستجد دائماً عروض أحسن.
- لا تحاول الاتصال على الأصدقاء القدامة لأنك ستتفاجأ بأنه زول شغالبيك مافي إلا القليل.
- لا تفوت أي فرصة للاستمتاع بالاجازة مع الأهل (أروي عطشك) وأوصيك ( يوم على ضفاف بحيرة خزان الجبل مع السمك+دعوة في محل البتزا في نمر 2 + ما شابه)
الفارق كبير جداً بين السودان اليوم وقبل 9 سنوات ، ستفاجأ كثيراً وستحزن كثيراً وستسعد أكثر وفي الآخر حتجي تقول ما فهمته حاجة
وبالتوفيق،،،

مجاهد محمد الهادي يا دفعة سلامات
بعد ما تتم لستة الفواتح في أول يومين
شوف موضوع تأشيرة الخروج بدري بدري .. قول واحد
أبداً ما تسوق عربية .. قول اتنين
في أي مناسبة دايماً خليك مستمع حتى لو كنتا في صينية الغدا .. قول تلاتة
ما تجيب معاك أي هدايا لآنها أرخص ليك من السودان و توفر قروش الوزن
لأنك ح تحتاج ليها مافي شك .. قول أربعة
و أكتر حاجة ح تبسطك في الإجازة كونك عارف إنك راجع
توصل بالسلامة و إجازة سعيدة إن شاء الله
****************
خبرة بعد غياب 11 سنة من السودان و دخول و عودة لمدة 6 أسابيع لا غير

حا تستمتع جدا بالبلد يا مجاهد

واكثر استمتاعك عند عبورك بمزلقان عفراء مول

ومن ثم عبورك لكبري توتي المعلق

وجسر المك نمر

ولو برضو الختوة ودتك شرق النيل ستعبر بجسر المنشية

وجسر الحتانة ما اظن تشوفو ولو ما عندك ناس في الحتة ديك

ايضا شارع النيل اصبح يبهر الالباب اتمنى لك نزهة طيبة فيه برفقة الاهل

يعني باختصار كدا حا تستمتع على الاخر بالاجازة

مقدما اجازة سعيدة

وبعدين ابشرك لو عندك ناس في الولايات ستمتطى باصات فارهة تقدم لك وجبة الافطار

والمشروبات الباردة والساخنة الكلام دا عشان ما تشيل ليك معاك ( زوادة )

ابقى عشرة على قريشاتك

وشكرا

9 سنة ؟!

غايتو لو جاز لي اقدم ليك نصيحة ..
لو جوازك سوداني انصحك ماتمشي عديييييييل .. ده انت حاتكون غنيمة لاتقدر بثمن بالنسبة لي موظفين جهاز المغتربين ال ... الماعارف اوصفهم ليك كيف!

لو جوازك اجنبي .. امشي إلا ماتطوّل القعاد ... اسبوع كفاية شديد


تحياتي

الأخ/ مجاهد سلام وتحية ومرحبا بك في المنبر
نصيحة مجرب نزل السودان في آخر 3 سنوات 4 مرات لظروف خاصة/ منها مرتين نزلت 4 يوم بس:

1- ما تشيل أي ملابس وكلم أخوك أو أختك قبل شهر من نزولك يشتري ليك الهدايا العايزها من سوق ليبيا بالجملة وحتلقى إنو سعر الحاجات الاشتريتها كلها يساوي نصف أو ثلث ما ستشتريه من الغربة + توفير قيمة الشحن + توفير الوقت والجهد، وفي ميزة مهمة جدا في الحتة دي، إنو حيشتروا لأي زول بمقاسو بدل ما تشتري حاجات وتتفاجأ بعد 9 سنوات غياب إنو الأحجام والأوزان ما كانت زي ما بتتخيل.

2- قصر مدة إجازتك وخدها نصيحة مني أسبوعين تلاتة كحد أقصى، مالم يكن هنالك سبب موضوعي لبقائك، والسبب الموضوعي في تقديري ممكن يكون بناء بيت أو شراء أرض أو زواج أو دراسات عليا، غير ذلك ما تضيع وقتك أبدا أبدا، والسودان ده حيكون ليك حلو في الأيام الأولى لكن كلما زادت مدة الاجازة حيكون ليك حنضل عديل!

3- كن حذرا جدا في التعامل مع كافة أصناف البشر، ولا تعتمد على المعرفة القديمة ولا الصداقة ولا الجيرة ولا حتى القرابة في بعض الأحيان، النفوس تغيرت كثيرا يا أخي، ولكن أيضا لا تسيء الظن، والمطلوب هو الحذر فقط كل الحذر.

4- ما تفك قروشك كلها ولا نصها ولا ربعها، في اليوم الأول فك ليك زي 500 - 600 دولار أعمل منها كرامتك وأكرم منها من تريد إكرامه من أقاربك، وبعد داك فك ليك زي 50 أو 100 دولار كل يوم وما تزيد، المائة دولار يعني حوالي 700 ألف حتفتكر إنو ده مبلغ كبير، لكن صدقني قد يضيع منك في لحظات، وقد يضيع نصو في تصليح صينية الغداء أو العشاء عشان جايينك ضيوف، أو فك ليك 100 وقول أقعد بيها يومين وصدقني ما حتقعدك.

5- المبلغ البتكون جايي بيهو ما تصرفو كلو في إجازتك، بل خت في بالك إنك لازم ترجع بي تلتو أو ربعو مثلا، والسبب في ذلك إنو دي الطريقة الوحيدة الممكن تكمل بيها إجازتك بدون ما تتدين، أو بدون ما ترفع سماعة التلفون للشباب في بلد الغربة: ألحقوووني ^___^

6- تأجير عربية لو عندك مشاوير كتيرة أفضل من ركوب التكاسي والأمجادات، خاصة لو كان بيتك في جيهة وبيت نسابتك في جيهة تانية، ولو ما شايل قروش كتيرة في جيبك ممكن تركب المواصلات العامة من باب التغيير والتوفير والاستمتاع وتذكر الماضي :)

7- الجماعة البشيلوا العفش في مطار الخرطوم كتير منهم مستهبلين، وبيستغلوا خجل المغترب والحنية بتاعتو، ولو كنت شايل معاك قروش سودانية تديها ليهم يكون أحسن، ولو ما عندك عفش كتير أحسن تشيل حاجاتك بي نفسك، ولو في زول منتظرك في المطار وقلت ليهو أدي الجماعة ديل شوفوا أداهم كم وحاول تزيدهم، لأنو الزول القاعد في السودان حيحكها معاهم ويديهم خمسة جنيه بس ^____^.

8- حاول في الأسبوع الأول تخلص إجراءات الخدمة الوطنية وجهاز سرقة المغتربين وتعمل تأشيرة الخروج عشان تكون مستمتع بباقي إجازتك وما تكون شايل هم حاجة تاني.

9- زي ما قالوا ليك الجماعة حاول ما تسوق في الايام الأولى، وحتى لمن تسوق أعمل حسابك خالص، في السودان لا قيمة للإشارة الحمراء، ولا قيمة لي إنو الشارع من حقك، ولا قيمة لاتجاه السير نفسه، ممكن فجأة تلقى واحد ماشي عكس السير في شارعك عشان يوفر على نفسه مسافة بتاعت كم متر، ولو اعترضت يشاكلك ويسمعك فارغة.

10 - الناس في السودان مشاكلها كتيرة ووجود مغترب فرصة ذهبية للكثيرين، ستسمع قصص كتيرة وسيأتيك أناس كثيرون، ساعد بقدر استطاعتك وقدر الحالات التي تستحق المساعدة الحقة، ولكن اعلم دائما أن المخلوقين لن يكفيهم إلا الخالق.

هذا مع تمنياتي بقضاء إجازة سعيدة، وفي انتظار بوست بعد الرجوع من الإجازة بالسلامة بإذن الله.


التعديل: لأجل كلمة فيها خطأ

Quote: و أكتر حاجة ح تبسطك في الإجازة كونك عارف إنك راجع

+

ماتشرب موية الزير, و لا موية الماسورة المختوتة في التلاجة.
_______________________________________________________
إسهال جاهز

أوعى تمشي
بتجن

غايتو عمنا دا لو قرأ ردودكم ما أظنه حايسافر نهائي
لكن شكله { شتت }
وكم أتمنى أن يقرأ هذه النصائح دون أن يفط سطر واحد
لأن الكثير مما قيل هنا يعبر عن تجارب حقيقية
ويبدو أن صاحبنا غير متزوج لمرور 9 سنوات دون أن يسافر
اما إن كان أبناؤه معه فالأمر مختلف
اضافة الى أنكم نصحتموه بالتريث في شراء قطعة أو منزل أو سيارة
برضو لابد من التريث في اختيار الشريكة إن كان غير متزوج
وحذارى من جماعة { حوّل لي رصيد } !!!
كذلك كلما مشى الى السوق بكرعيه فهذا افضل من كل شيء
ولو الظروف دعت بأن يمشي بسيارة فليتركها بعيدا من المكان الذي يريد ان يشتري منه
يعني هذا الكلام مش مع الجزارين
او السوبر ماركت
اعني هنا حتى لو كان يريد أن يشتري { دكوة } فاليذهب برجليه !!!
كلما لبست سروال طويل وعراقي كلما خفف عليك ذلك من المحتالين
ولو كانت جضومك كبيرة اعمل على تصغيرها ان شاء الله تلف فيها { شال }
فبعضهم يعرفك بأنك مغترب من خلال الكرش والجضوم
وبالتالي يرفع لك الأسعار حتى يرتفع ضغطك !!!
لو ذهبت الى بكاء وقررت أن تدفع في الكشف أنتظر حتى ترى اسمك مكتوباً !!!
حاول تاكل كتير في الغداء
وماتعمل فيها إنك ظريف تاكل ليك لقمتين وتقوم
لأنك ستتفاجأ بانه لايوجد عشاء في الكثير من الأحيان
لاتستغرب إن لم يرجع لك أهل بيتك الباقي
فالباقي الخاص بالمغترب يجوز لهم شرعا حتى ولو مع الكراهية !!!
الناس في السودان ممهولين جدا
وايقاع الحياة بطيء
يعني لو مشيت مناسبة مع جماعة لقرية أخرى
والمناسبة نفسها في كثير من الأحيان ليست ذات أهمية
ولكن فرضنا ذهبتم المغرب
انت بتكون مستعجل للرجوع
بينما الجماعة الباقين ممهولين
يشربوا شاي الحليب
وبعدها ناس ابوفاطنة يقولوا ليكم تتعشوا
وبعد العشاء الشاي والجبنة
ثم يقوم بعضهم بااعطاء الضيوف مدحة شفيع الأمة ومصر المؤمنة 00 لاتزهج
خذ معك حبوب ضغط لمثل هذه المواقف
ولاتتقيد بنصائح الأطباء بتناول حبة واحدة
بل عليك بخمشة حبوب و{ قرشها }مرة واحدة !!!!
اها ياعمك ماتعصر قروش لأي واحد في الطريق
الا اذا كان جائعا
أو مريضا
واياك اياك اياك أن تعطي أوراقك الثبوتية لأي كائن كان
بل استخدم حقك الدستوري بسؤال الآخر عن هويته قبل ان تسلمه نفسك !!!
مع هذا وذاك ستجد الكثير من الصور الجميلة
ستجد حنية وبراءة لو تم تعليبها وتصديرها للعالم لما بقيت هناك لحظة حقد واحدة
لاتنس أن تقبل والديك على جبينهما فهذه فرصة ربما لاتتحقق مرة أخرى !!!

أخونا أبو حراز يا ود الشيوخ .. الكلام ده كيفنو؟

Quote: لاتقرأ يس وأنت تمر بجوار بعض رجال المرور والهدف لأنها لاتفيدك ولكن لو قرأت { والعصر } في كثير من الأحيان فهي تنقلك لبر الأمان

أرجو أن تراجع نفسك فيه، فربما كتبته دون أن تفكر في معناه
أظنك قاصد: ( والهدف ليس لأنها لا تفيدك )
وأما موضوع (والعصر) فيا أخي الكريم القرآن الكريم لم ينزل لأجل هذه التشبيهات، وهذه ليس من مقاصد القرآن، فسورة العصر معناها وتفسيرها معروف.

مع تحياتي

التعديل: لإضافة توضيح لكلامي

Quote: النصيحة: ما تجي

Quote: ما تمشي

]دي النصائح الحقيقة والله
واذا كنت مصّر فعليك ب

Quote: املا جيبك قروش

وضيف ليها انك تكون مستعد نفسيا وجاهز لتقبل اسواء التصورات سواء على جانب ( القلع ) من الحكومة
او على مشاهداتك للمعناة على اوجه الناس ،،،
يعني تخيل اسواء شي وامشي على انك تلقاه حرصا على صحتك ،،
وكل ناس النصائح الفوق ديل ظنيت انهم ما مشو قريب ،،،

Quote: واكثر استمتاعك عند عبورك بمزلقان عفراء مول ومن ثم عبورك لكبري توتي المعلق وجسر المك نمر ولو برضو الختوة ودتك شرق النيل ستعبر بجسر المنشية وجسر الحتانة ما اظن تشوفو ولو ما عندك ناس في الحتة ديك

وكان ربنا وداك مروي بتعبر بى خزان مروى.
وكان عند اهل فى الروصيرص يكون ما قصرتة تزورم وتشوف الخزان بعد التعلية.
وما تنسى تغشى ناس الحلفايا ادى كبريهم طله معاك.

الرد الرد كبار وسد

أخونا نادر النور أداك النجيضة
( مااااااااااا تمشي )
وإكان مشيت يبقى ذنبك على جنبك
وسلامتكم

امنياتى ليك باجازة سعيدة وجميلة وسط الاهل والاحباب

1- اول يوم اخلص من المغتربين التاشيرة طبعا مدتها شهرين للخروج
2- تدى ناس البيت مصاريفهم الشهرية وانت تكون زى الضيف
3- ما تثق فى اى بنى ادم فى السوق ولو عايز تشترى حاجة اخد معاك اى شخص من اسرتك
4- اعمل معلومات عن ايجار العربات او الامجاد او غيره عشان ما تدقس
5- الفاتحات القديمة انسها وجامل فى الفاتحات الجديدة
6- ابداء بزيارة الاهل والاقارب اما الاصدقاء خليهم فى الاخر
7- ما تشترى هدايا كتيرة لأنه البلد صرفها كتير جدا
8- خلى ليك كم دولار احتياطى لظروفك الطارئة وما يعلم بيها احد
9- لا تقارن اى سعر فى السودان بسعر بلد الغربة لانه مافى مقارنة
10- الخدمات فى السودان صفر فما تتوقع سرعة الانجاز فى اى حاجة
11- حافظ على جوازك وتذكرتك لأنهم راسمالك
12- فى المناسبات ما تلبس جلاليب لأنك سوف تكون عرضة للنشل
13- ما تمشى زيارة لناس بالنهار لأنهم كلهم جارين ومشغولين بالمعيشة
14- آخر حاجة او تصيبك الدهشة بالحتشوفو فى السوادن لانه ده السودان الجديد

واجازة سعيدة

أخي محمد جلال عبد الله 00 تحية
شكرا ليك كتير
ونعتذر ان كان هناك تشبيه ليس في محله

الأخ/ مجاهد سلام وتحية ومرحبا بك في المنبر
نصيحة مجرب نزل السودان في آخر 3 سنوات 4 مرات لظروف خاصة/ منها مرتين نزلت 4 يوم بس:

1- ما تشيل أي ملابس وكلم أخوك أو أختك قبل شهر من نزولك يشتري ليك الهدايا العايزها من سوق ليبيا بالجملة وحتلقى إنو سعر الحاجات الاشتريتها كلها يساوي نصف أو ثلث ما ستشتريه من الغربة + توفير قيمة الشحن + توفير الوقت والجهد، وفي ميزة مهمة جدا في الحتة دي، إنو حيشتروا لأي زول بمقاسو بدل ما تشتري حاجات وتتفاجأ بعد 9 سنوات غياب إنو الأحجام والأوزان ما كانت زي ما بتتخيل.

2- قصر مدة إجازتك وخدها نصيحة مني أسبوعين تلاتة كحد أقصى، مالم يكن هنالك سبب موضوعي لبقائك، والسبب الموضوعي في تقديري ممكن يكون بناء بيت أو شراء أرض أو زواج أو دراسات عليا، غير ذلك ما تضيع وقتك أبدا أبدا، والسودان ده حيكون ليك حلو في الأيام الأولى لكن كلما زادت مدة الاجازة حيكون ليك حنضل عديل!

3- كن حذرا جدا في التعامل مع كافة أصناف البشر، ولا تعتمد على المعرفة القديمة ولا الصداقة ولا الجيرة ولا حتى القرابة في بعض الأحيان، النفوس تغيرت كثيرا يا أخي، ولكن أيضا لا تسيء الظن، والمطلوب هو الحذر فقط كل الحذر.

4- ما تفك قروشك كلها ولا نصها ولا ربعها، في اليوم الأول فك ليك زي 500 - 600 دولار أعمل منها كرامتك وأكرم منها من تريد إكرامه من أقاربك، وبعد داك فك ليك زي 50 أو 100 دولار كل يوم وما تزيد، المائة دولار يعني حوالي 700 ألف حتفتكر إنو ده مبلغ كبير، لكن صدقني قد يضيع منك في لحظات، وقد يضيع نصو في تصليح صينية الغداء أو العشاء عشان جايينك ضيوف، أو فك ليك 100 وقول أقعد بيها يومين وصدقني ما حتقعدك.

5- المبلغ البتكون جايي بيهو ما تصرفو كلو في إجازتك، بل خت في بالك إنك لازم ترجع بي تلتو أو ربعو مثلا، والسبب في ذلك إنو دي الطريقة الوحيدة الممكن تكمل بيها إجازتك بدون ما تتدين، أو بدون ما ترفع سماعة التلفون للشباب في بلد الغربة: ألحقوووني ^___^

6- تأجير عربية لو عندك مشاوير كتيرة أفضل من ركوب التكاسي والأمجادات، خاصة لو كان بيتك في جيهة وبيت نسابتك في جيهة تانية، ولو ما شايل قروش كتيرة في جيبك ممكن تركب المواصلات العامة من باب التغيير والتوفير والاستمتاع وتذكر الماضي :)

7- الجماعة البشيلوا العفش في مطار الخرطوم كتير منهم مستهبلين، وبيستغلوا خجل المغترب والحنية بتاعتو، ولو كنت شايل معاك قروش سودانية تديها ليهم يكون أحسن، ولو ما عندك عفش كتير أحسن تشيل حاجاتك بي نفسك، ولو في زول منتظرك في المطار وقلت ليهو أدي الجماعة ديل شوفوا أداهم كم وحاول تزيدهم، لأنو الزول القاعد في السودان حيحكها معاهم ويديهم خمسة جنيه بس ^____^.

8- حاول في الأسبوع الأول تخلص إجراءات الخدمة الوطنية وجهاز سرقة المغتربين وتعمل تأشيرة الخروج عشان تكون مستمتع بباقي إجازتك وما تكون شايل هم حاجة تاني.

9- زي ما قالوا ليك الجماعة حاول ما تسوق في الايام الأولى، وحتى لمن تسوق أعمل حسابك خالص، في السودان لا قيمة للإشارة الحمراء، ولا قيمة لي إنو الشارع من حقك، ولا قيمة لاتجاه السير نفسه، ممكن فجأة تلقى واحد ماشي عكس السير في شارعك عشان يوفر على نفسه مسافة بتاعت كم متر، ولو اعترضت يشاكلك ويسمعك فارغة.

10 - الناس في السودان مشاكلها كتيرة ووجود مغترب فرصة ذهبية للكثيرين، ستسمع قصص كتيرة وسيأتيك أناس كثيرون، ساعد بقدر استطاعتك وقدر الحالات التي تستحق المساعدة الحقة، ولكن اعلم دائما أن المخلوقين لن يكفيهم إلا الخالق.

هذا مع تمنياتي بقضاء إجازة سعيدة، وفي انتظار بوست بعد الرجوع من الإجازة بالسلامة بإذن الله.

Quote: الأخ/ مجاهد سلام وتحية ومرحبا بك في المنبر نصيحة مجرب نزل السودان في آخر 3 سنوات 4 مرات لظروف خاصة/ منها مرتين نزلت 4 يوم بس: 1- ما تشيل أي ملابس وكلم أخوك أو أختك قبل شهر من نزولك يشتري ليك الهدايا العايزها من سوق ليبيا بالجملة وحتلقى إنو سعر الحاجات الاشتريتها كلها يساوي نصف أو ثلث ما ستشتريه من الغربة + توفير قيمة الشحن + توفير الوقت والجهد، وفي ميزة مهمة جدا في الحتة دي، إنو حيشتروا لأي زول بمقاسو بدل ما تشتري حاجات وتتفاجأ بعد 9 سنوات غياب إنو الأحجام والأوزان ما كانت زي ما بتتخيل. 2- قصر مدة إجازتك وخدها نصيحة مني أسبوعين تلاتة كحد أقصى، مالم يكن هنالك سبب موضوعي لبقائك، والسبب الموضوعي في تقديري ممكن يكون بناء بيت أو شراء أرض أو زواج أو دراسات عليا، غير ذلك ما تضيع وقتك أبدا أبدا، والسودان ده حيكون ليك حلو في الأيام الأولى لكن كلما زادت مدة الاجازة حيكون ليك حنضل عديل! 3- كن حذرا جدا في التعامل مع كافة أصناف البشر، ولا تعتمد على المعرفة القديمة ولا الصداقة ولا الجيرة ولا حتى القرابة في بعض الأحيان، النفوس تغيرت كثيرا يا أخي، ولكن أيضا لا تسيء الظن، والمطلوب هو الحذر فقط كل الحذر. 4- ما تفك قروشك كلها ولا نصها ولا ربعها، في اليوم الأول فك ليك زي 500 - 600 دولار أعمل منها كرامتك وأكرم منها من تريد إكرامه من أقاربك، وبعد داك فك ليك زي 50 أو 100 دولار كل يوم وما تزيد، المائة دولار يعني حوالي 700 ألف حتفتكر إنو ده مبلغ كبير، لكن صدقني قد يضيع منك في لحظات، وقد يضيع نصو في تصليح صينية الغداء أو العشاء عشان جايينك ضيوف، أو فك ليك 100 وقول أقعد بيها يومين وصدقني ما حتقعدك. 5- المبلغ البتكون جايي بيهو ما تصرفو كلو في إجازتك، بل خت في بالك إنك لازم ترجع بي تلتو أو ربعو مثلا، والسبب في ذلك إنو دي الطريقة الوحيدة الممكن تكمل بيها إجازتك بدون ما تتدين، أو بدون ما ترفع سماعة التلفون للشباب في بلد الغربة: ألحقوووني ^___^ 6- تأجير عربية لو عندك مشاوير كتيرة أفضل من ركوب التكاسي والأمجادات، خاصة لو كان بيتك في جيهة وبيت نسابتك في جيهة تانية، ولو ما شايل قروش كتيرة في جيبك ممكن تركب المواصلات العامة من باب التغيير والتوفير والاستمتاع وتذكر الماضي :) 7- الجماعة البشيلوا العفش في مطار الخرطوم كتير منهم مستهبلين، وبيستغلوا خجل المغترب والحنية بتاعتو، ولو كنت شايل معاك قروش سودانية تديها ليهم يكون أحسن، ولو ما عندك عفش كتير أحسن تشيل حاجاتك بي نفسك، ولو في زول منتظرك في المطار وقلت ليهو أدي الجماعة ديل شوفوا أداهم كم وحاول تزيدهم، لأنو الزول القاعد في السودان حيحكها معاهم ويديهم خمسة جنيه بس ^____^. 8- حاول في الأسبوع الأول تخلص إجراءات الخدمة الوطنية وجهاز سرقة المغتربين وتعمل تأشيرة الخروج عشان تكون مستمتع بباقي إجازتك وما تكون شايل هم حاجة تاني. 9- زي ما قالوا ليك الجماعة حاول ما تسوق في الايام الأولى، وحتى لمن تسوق أعمل حسابك خالص، في السودان لا قيمة للإشارة الحمراء، ولا قيمة لي إنو الشارع من حقك، ولا قيمة لاتجاه السير نفسه، ممكن فجأة تلقى واحد ماشي عكس السير في شارعك عشان يوفر على نفسه مسافة بتاعت كم متر، ولو اعترضت يشاكلك ويسمعك فارغة. 10 - الناس في السودان مشاكلها كتيرة ووجود مغترب فرصة ذهبية للكثيرين، ستسمع قصص كتيرة وسيأتيك أناس كثيرون، ساعد بقدر استطاعتك وقدر الحالات التي تستحق المساعدة الحقة، ولكن اعلم دائما أن المخلوقين لن يكفيهم إلا الخالق. هذا مع تمنياتي بقضاء إجازة سعيدة، وفي انتظار بوست بعد الرجوع من الإجازة بالسلامة بإذن الله.

وبس

ربنا يوديك ويجيبك بالسلامة وتلقاهم كلهم طيبين

خليهم يحضرو ليك عراقي وسروال وسفنجة وخوض مع الخائضين وابعد بعيد من الناس البجو يقولو ليك كتاب الله ما باباهو لكن الفيك اتعرفت

الأخ مجاهد ما قادرة أقول ليك ما تمشي عشان وضحته سبب زيارتك عشان الوالد ودي تهون كل الصعاب أمام هدف الزيارة....
كل النصائح في محلها وابقي عشرة عليها ، نتمني ليك رحلة سعيد وقليل من المعانة ....
أبو حراز جاك بالنجيضة ضحكته من مداخلتو شديد وكلامو صحيح كما باقي المتداخلين نصائحهم من دهب.
السودان انتهي ياخ مجاهد وكل الناس حزينة ومحل ماتمشي الونسة عن الحال والغلاء المهم دي ح تدبرس بيك اول أيام بعد شوية انت ذاتك ح تكون دي ونستك هههه .

Quote: اسأل مجرب قد تكون له تجربته اصابته بالجرب اعجبنى تعليق الفيسبوك ادناه Quote: AlSadeq Abdullah AlHassan · الأكثر تعليقا · Riyadh, Saudi Arabia كن مطمئناً فالوطن ما يزال بخير. والسودان – بعد أن تم إنقاذه- صار يحتل مركزاً مرموقاً في معدل الشفافية الدولية، اختفت العنوسة، وتلاشى الفقر، وانعدمت البطالة، وساد الاستقرار السياسي والاقتصادي. والناس سواسية وجوههم نضرة، ليس هناك من يتسول، وليس هناك من يتبول. الشرطة تتعامل بمهنية عالية و لا تتسلبط، وكبار الموظفين من مدراء ومهندسي مساحة وكهرباء وصغارهم من موظفي جوازات، ولاصقي دمغات وأمثالهم لا يعرقلون المعاملات ولا يتلقون الرشاوى والأتاوات وإنما كل واحد منهم يستقبلك بابتسامة كابتسامة الموناليزا، ويخدمك مجاناً وهو حافي القدمين ويودعك بابتسامة رائعة كابتسامة الكوبرا. إن لم يكن هناك من ينتظرك بالمطار ليوصلك إلى المنزل عليك الاستعانة بـ(جوجل إيرث) أو بموقع الخرائط الآخر المسمى (ويكيمابيا). المؤكد أنك سوف تلاحظ أن المعالم قد تغيرت، وإن دققت النظر سوف تشاهد على الخارطة الإلكترونية نقاط سوداء صغيرة تتناثر هنا وهناك على طول الطريق إلى منزلكم، فلا داعي للإنزعاج هؤلاء هم الجباة من الجبهجية فهم – وطالما أسمك مجاهد - لن يوقفونك ولن يوسعونك نهباً ضريبياً آناء الليل وأطراف النهار. شيء واحد نحذرك منه أخي (مجاهد) هي تلك البعوضة المسماة "أنثى الأنوفوليس" فهي موجودة وراسخة في السودان كرسوخ "الإنقاذ" وهي لن تتوقف عن مص دمك حتى وإن كان أسمك الثلاثي (جهاد نصر شهادة). "انثى الأنوفليس" أخي (جهاد) لا تحب شيئاً في هذا الحياة مثل حبها لدماء المغتربين خاصة أولئك الذين أمضوا سنوات طويلة في ديار الاغتراب. هؤلاء لرائحة دمهم نكهة خاصة تجذب حتى البعوض الذكر رغم أنه نباتي ولا يمتص دماء البشر مثلما تفعل أنثاه ، كما أنه لا يلعق الدماء مثلما تفعل "الإنقاذ".

كلي أمل أن تكون تجربة أفضل من تلك التي تصيب بالجرب أخوي ود زكريا
أنا أيضاً توقفت عند هذا الرد ففيه ما فيه من الكلام والنقد الجميل المؤدب

شكراً كتير محمد وأرقد عافية أخوي..

Quote: الأخ/ مجاهد محمد الهادي إن شاءالله توصل بالسلامة لكن بعد وصولك ثاني يوم ضروري جداً تمشي المغتربين وتكون شايل إيصالاتك القديمة وتعمل إجراءات المغادرة إذا إجازتك أقل من شهرين أما إذا كانت أكثر من شهرين (وهذا مستبعد) أدفع كل المطلوب منك وقول ليهم التأشيرة حأعملها قبل السفر بشهر. الكلام ده مهم (عشان لو طالبنك قروش في المغتربين تكون معاك وإنت جيبك مليان.. لكن لو قعدت وقلت تخلي الموضوع قبل سفرك بكم يوم - حتاكل نيم- زي ما بيقولوا... لأن قروشك مهما كان المعاك حتصرفها حتصرفها إجباري وإختياري ؟؟؟؟؟؟) ولك التحية

شكرا كتير ود عباس نقد

كلام في محلو ووصايا غاليات .. بارك الله فيك

Quote: النصيحة: ما تجي

ههههههههه والله شكلها يا هاني ما عاوزة تظبط زاتو

الله يسهل أمرنا وأمرك يااخي

يا جاهد هو إنت لسع ما مشيت

الراجل دا مليتوه تحذير لما قلبتوه صندوق سجاير!!!!
أصلو ماشي السودان...أم بوركينا فاسو؟؟؟

واحد يحذرو من البعوض وتحويل الرصيد
والتاني يقول ليه ما تثق في زول؟؟؟
والتالت يقول ليه ما تشرب موية الزير (إسهال جاهز)؟؟


شنو هو ؟؟؟

الراجل مسافر لي أهلو وديارو...تقوموا تقولوا ليه أستعين بي قوقل إيرث؟؟؟


يا زول ما تسمع كلام أي زول...أقطع تذكرتك...وما تشيل معاك
حبة أسبرو واحدة...كل شيء موجود...وحا تقضي إجازة ممتعة
للحد البعيد...


الجماعة الهنا ديل بدون فرز بي اب حرازهم دا منظراتية
ساكت...أي زول غلبو يأشر جوازو...يقول ليك أمش المغتربين
تاني يوم؟؟؟ لييييه؟؟؟ آخر يوم ما ممكن يأشر؟؟؟

والجاهو إسهال...يقوم يفتكرك مشروع إسهال جاهز لييييييييييه؟؟؟


نصيحتي ليك ما تسمع نصيحة أي زول هنا وسوي الفي رأسك
براك...لو باريت نصايح الناس الهنا ديل...يمين لامن
تجي راجع قراية ساكت ما تكملن

Quote: فبعضهم يعرفك بأنك مغترب من خلال الكرش والجضوم وبالتالي يرفع لك الأسعار حتى يرتفع ضغطك !!!

ياجماعة انتو بتلقو الصنف دهـ وين؟




اجازة سعيدة
ألا بُلّغت

جيب معاك بف باف وديتول وصابون عشان حمام المطار
وجيب بسكويت ولبن وشاى عشان هنا غالييه شديد
وجيب سندوتشات من هارديز ( دى لى انا ماليك انت )
وجيب بندول اكسترا لزوم علاج الصداع
وكوتشات رياضيه و عجله عشان توفر حق المواصلات
وطاقيه وصن بلوك عشان ما تحرق
والكره الضاغطه دى البيفرغوا فيها الضغط العصبى عشان لمن تمشى لاى مصلحه حكوميه

Quote: اكلات مفضلة: ويكة حمرة بلحم شرموط

استمتع يا حبوب وما تنضم كتير اسمع بس