نسمع كلامك نصدقك نشوف الفيديو نستعجب !!!!!!!!!!!!!

ده المواطن حمادة صبري يظهر في هذا الفيديو على التلفزيون المصري
ملخص كلامه (اصبت بطلقة خرطوش من ناحية المتظاهرين ، والمتظاهرين هم
الضربوني وبهدلوني ، والعساكر جات وانقذتني !!!!!!)

زمان كان اسمك جنابو "نفي"
بعد كدا نسميك "جنابو البغالط الزول في اسمو"
انت في ذمتك المدقوق انت ولا هو؟
هي لله هي لله

Quote: زمان كان اسمك جنابو "نفي" بعد كدا نسميك "جنابو البغالط الزول في اسمو" انت في ذمتك المدقوق انت ولا هو؟ هي لله هي لله

والله ياودالفكي شرطة (مرسي) حيرتنا في (نفينا) زاتوووو

وهنا الفيديو الذي يظهر واقعة السحل والضرب التى تعرض لها
امام قصر الاتحادية ...

فيديو اوضح لواقعة الضرب والسحل :

الأخوان المسلمون في (مصر) يسحلون و (يُجردون) رجلاً من كامل ملابسه!

الف شكر عاطف مكاوي لمرورك
واقعة مؤسفة ومخجلة لايمكن ان تحدث في بلد
احدث ثورة تغيير !!! والذي يبدو حتى الأن انه تغيير
ناقص ويلزمه الكثير الكثير !!!!

حمادة اكل اكلة السرور ياجنابو .ومرة حمادة عارفة الاكلة ..وللا رائك شنو ؟

سلامات جنابو

يا جنابو المعذرة
لكن مافي اي علاقة بين حمادة والانسان المسحول في الفيديو
ركز لي شعر المسحول وصلعتو وحمادة
جمادة حكى عن حاجة ما شفناها في الفيديو
اين الحقيقة
يعني ام الدنيا ما اتغيرت ولا اي حاجة يا واااد
محبتي

Quote: يا جنابو المعذرة لكن مافي اي علاقة بين حمادة والانسان المسحول في الفيديو ركز لي شعر المسحول وصلعتو وحمادة جمادة حكى عن حاجة ما شفناها في الفيديو اين الحقيقة يعني ام الدنيا ما اتغيرت ولا اي حاجة يا واااد محبتي

فعلاً ملاحظة ذكية وفي محلها يا استاذ السني !!!
مصر ام الدنيا و (أم التمثيل والمكياج) لن يعجزهم احضار بديل
لحمادة ليقول ما قاله !!!! في كل الاحوال أمر مؤسف !!!

Quote: حمادة اكل اكلة السرور ياجنابو .ومرة حمادة عارفة الاكلة ..وللا رائك شنو ؟ سلامات جنابو

دي عالم غلبانة يامعاوية !!!
اكيد تعرض (لضغوط وحوافز) لاقبل له بها !!!
فكان لابد له ان يقول ماقاله !!!

جنابو عمر ....سلام وتحية

الثورة المصرية كل ما انجزته حتي الآن انها غيرت ( الراس ) بس

الباقي كله زي ما هو.

الحادثة موضوع الفيديو اعتذرت عنه اعلي الجهات في مصر ..رئاسة الجمهورية ...وزير الداخلية ....الخ

من الاساليب المعتادة عند الشرطة المصرية انها ( تعصر ) الزول لغاية ما يقر بالمطلوب

ودونك حادثة النائب البلكيمي حيث اقر 5 اشخاص بأنهم اوسعوه ضربا حتي تم ادخاله المستشفي

واتضح في الآخر انه لا ضرب ولا حاجة بس ( مولانا ) البلكيمي كان عامل عملية تجميل وبقية القصة معلومة لديك .

Quote: جنابو عمر ....سلام وتحية الثورة المصرية كل ما انجزته حتي الآن انها غيرت ( الراس ) بس الباقي كله زي ما هو.

هلا عباس ...
انت عارف انو المشكلة كلها في (الرأس) ده لانو هذا (الرأس) لم يقدم القدوة
المطلوبة ولم يرسم خارطة ومنهج حقيقي للتغيير (الرأس) مشغول بالتمكين ولاشيء غير التمكين
الرأس الذي يصدر فرمانات سلطانية لاتخضع لسلطة القضاء والرأس الذي يطبخ دستور مصر في
انصاص الليالي حتى وش الفجر والرأس الذي يخلف وعوده الانتخابية كل ما يصبح عليه صباح هذا
رأس لايصلح ليكون هو رأس ثورة تغيير !!!!!!!! لذلك لاتسغرب ان يفعل افراد الشرطة المصرية اكثر من ذلك

Quote: (الرأس) مشغول بالتمكين ولاشيء غير التمكين الرأس الذي يصدر فرمانات سلطانية لاتخضع لسلطة القضاء والرأس الذي يطبخ دستور مصر في انصاص الليالي حتى وش الفجر والرأس الذي يخلف وعوده الانتخابية كل ما يصبح عليه صباح هذا رأس لايصلح ليكون هو رأس ثورة تغيير

الثورة اتسرقت يا جنابو

Quote: الثورة اتسرقت يا جنابو

مايحدث الأن هو (شروع) في سرقة الثورة !!!!
لكن كما قال الابنودي :
(مصر عارفة وشايفة وبتصبر لكنها في خطفة زمن تعبر وتسترد الإسم والعناوين)

Quote: إنتو مالكم ومال المصريين؟ ما تخليكم في تمرداتكم والشيوعيين السايقنكم الى ما لا تعرفون....(مسخة) وتفاهة المصريين لا يختلف عليها اثنان...هؤلاء الذين يقومون بالمظاهرات دفعت لهم جهات أجنبية لإثارة المشاكل للنظام المنتخب الجديد..........أكذب ناس وأرخص ناس...تفووووووووووووووووووو

الأخ سليمان من الفيس بوك
في الأول بتقول (إنتو مالكم ومال المصريين؟) !!!
وفي الآخر بتقول (هؤلاء الذين يقومون بالمظاهرات دفعت لهم جهات أجنبية لإثارة المشاكل للنظام المنتخب الجديد.) !!!
طيب بنفس الفهم انت مالك ومال النظام المنتخب الجديد مش النظام ده برضو مصريين !!!!!
الأمر الاخر الذي لم افهمه (ما تخليكم في تمرداتكم والشيوعيين السايقنكم الى ما لا تعرفون) !!!
تمرد شنو وشيوعيين شنو !!!! بالجد ماقدرت افهم علاقة الكلام ده بالبوست شنو ؟!

التمثيل يسري في دماء المصريين (شريان شريان ... وريد وريد ... شعيرة دموية شعيرة دموية ... خلية خلية)


فلن تعرف الحقيقة أبداً ..... :)

====


لا تستغرب لو جاء مبارك غداً وضحك عليكم وقال : كنت لا أزال أحكم وما ترونه كله تمثيلية :)

Quote: لا تستغرب لو جاء مبارك غداً وضحك عليكم وقال : كنت لا أزال أحكم وما ترونه كله تمثيلية :)

ههههههههه
الكاميرا الخفية !!!

سلام يا جنابو

Quote: شرطة (مرسي)

والله يا جنابو البوليس في حتة في العالم كده ...بس انت ما تنكر ...(في العالم الغربي بس بي حرفة و كده)...

Quote: والله يا جنابو البوليس في حتة في العالم كده ...بس انت ما تنكر ...(في العالم الغربي بس بي حرفة و كده)...

قدر الشرطة يامدثر دائماً مايضعها في مواجهة الأخرين في كثير من الحالات
في اطار عملها الرسمي لذلك منحها القانون في كل دول العالم الحق في إستخدام القوة
لكن هذا الحق مشروط بضوابط وحدود يجب ان تلتزم بها الشرطة وإلا عد ذلك
تجاوز منها يستحق المحاسبة ، في بعض الدول تحدث تجاوزات فردية وتتم محاسبة مرتكبيها
وفي البعض الاخر تكون التجاوزات منهجية ومتكررة وغالباً مايفلت مرتكبيها من العقاب !!!
الأن امام الرئيس مرسي فرصة تاريخية لاثبات ان منهجية الافلات من العقاب لرجال الشرطة
المتجاوزين حدودهم قد انتهت وان مصر بعد الثورة ليست هي مصر قبل الثورة
تحياتي مدثر

وممكن الراجل ظروفة صعبة واخد قرشين حلوين وجاتو شهرة فى صمة خشمة (حماده سحله).
علقة تفوت ولا حد يموت.

Quote: علقة تفوت ولا حد يموت.

وكأنك يا أبو زيد ما غزيت ولا شفت الغزو !!!
ويطلع المصريين في ميدان التحرير يغنو (الدنيا ربيع والجو بديع قفلى على كل المواضيع) !!!

والله دي فضيحة يا عمر, بل فضيحتين كمان
يعني بدل المسؤولين يواجهو الحصل بشجاعة و يحاسبوا المسؤولين يبهدلوا المسكين دا عشان يغّير كلامو و يخلّوه يكذّب الدنيا كلّها شافتو!!

Quote: والله دي فضيحة يا عمر, بل فضيحتين كمان يعني بدل المسؤولين يواجهو الحصل بشجاعة و يحاسبوا المسؤولين يبهدلوا المسكين دا عشان يغّير كلامو و يخلّوه يكذّب الدنيا كلّها شافتو!!

والفضيحة التانية ازفت من الأولي !!!
فقد نجد (العذر المخفف) وليس (المبيح) لعساكر غير متعلمين ومرهقين وزهجانين !!!
لكن من وينو نجيب ليهم عذر المسؤولين الفاهمين العارفين الذين يحاولون تسويق هذه الاقوال البائسة
على لسان الضحية همسلف !!!!!!!
الكرة الأن ياودالبشرى في ملعب الرئيس محمد مرسي !!! خلينا ننتظر ونشوف !!!

Quote: تمرد شنو وشيوعيين شنو !!!! بالجد ماقدرت افهم علاقة الكلام ده بالبوست شنو ؟!

شفت مباراتك وصلتنا وين؟
اها انا تاني باريتك في بوست اكون غلطان وقاطع الدرب

Quote: شفت مباراتك وصلتنا وين؟ اها انا تاني باريتك في بوست اكون غلطان وقاطع الدرب

هههههههههههه
بكرة يطلعونا نحن القفلنا البلوفة ههههههههههه
ياعمي نحن بتوع الاتوبيس ههههههههههه

Quote: بالجد ماقدرت افهم علاقة الكلام ده بالبوست شنو ؟!

العلاقة يا سيد عمر
إنو الزول قام صنفك طوالى ..
ورياح النقد لمرسى تزعج مراكب أهل الحكم فى الخرطوم ..
ماسأة الشعوب فى هذه الرقعةمن العالم هى السلطة ..
منذ أمد وهى تترنح بين العسكرالطغاة والأيدلوجيين يمينهم ويسارهم ..

ياخ شخونا الإستعمار ذاتو ..

كيفك يا حبيب

بكل الاحوال يا جنابو حمادة حالو اخير من حال محمد كريستي

Quote: "إن شاء الله هتندم ندم عمرك"، تعليق مقتضب، تحول إلى دراما مأساوية في غضون سبعة أشهر.. كتبته إحدى صديقات ضحية اشتباكات قصر الاتحادية "محمد حسين قرني"، الشهير بـ"كريستي"، تعليقا على ما كتبه محمد عبر حسابه الخاص على "فيس بوك" بعد إعلان فوز الدكتور محمد مرسي في انتخابات رئاسة الجمهورية، " "إلى الجحيم أيها الشفيق.. وألف مبروك يا مرسي ويارب تبقي أد المسؤولية، لأن في انتظارك معارضة شرسة لن تسكت على أى خطأ وستعارضك بكل شراسة.. لكن في الحق". رد محمد على تعليق صديقته التي حذرته من أنه "سيندم ندم عمره" بضحكة لا مبالاة، دون أن يدرى أنها كانت نبوءة مبكرة، إن جاز التعبير. لم يكن يدرك محمد حينها، أن الرجل الذي تمنى أن يكون "أد المسؤولية" سيكون مسؤولا بعد نحو سبعة أشهر عن قتله على أبواب قصره الرئاسي. أسرة محمد أغلقت حسابه على "فيس بوك"، ورفضت تنظيم جنازة شعبية له في ميدان التحرير، مثلما حدث مع "جيكا"، لكن قبلها، تمكن أصدقاء محمد من نشر تهنئته للرئيس مرسي بفوزه، وتعليق صديقته، ربما ليتأملوا فيما بعد سخرية الأقدار، ودراميتها.

سيادتو النور حبابك ألف .......

Quote: العلاقة يا سيد عمر إنو الزول قام صنفك طوالى ..

كما تعرف سيادتك قيل في الأثر (ما آفة الاخبار إلا رواتها)
لكني اقول (ما آفة المنابر إلا تصنيفاتها) لاينظرون الى الرأي بتجرد !!!
لابد من تصنيف ثم تعليب في عبوة لايعرفون ان كانت تناسبك ام لا
المهم يحشرونك فيها حشراً ويغلقون الغطاء ويضعونها في فترينة المنبر
وعليها ديباجة الاسم والتصنيف وتاريخ الصلاحية غير محدد

Quote: ورياح النقد لمرسى تزعج مراكب أهل الحكم فى الخرطوم ..

(الـي علـى راســه بـطـحــه يـحـسـس عـلـيـهــا) أنا ماليش دعوة

Quote: وزير الداخلية: مثيرو شغب جرّدوا «المتظاهر المسحول» من ملابسه

Quote: قال اللواء محمد إبراهيم، وزير الداخلية، إن واقعة سحل المواطن حمادة صابر، أمام قصر الاتحادية، الجمعة، قيد التحقيق من النيابة العامة ووزارة الداخلية، مؤكدا أن «مثيري الشغب» هم من قاموا بتجريد المواطن من ملابسه، مشيرًا إلى أنه عقب خروج «المتظاهر المسحول» من المستشفى سيستقبله في مكتبه ويعتذر عما تعرض له من إهانة.

http://www.almasryalyoum.com/node/1441521

الحق يا جنابو الموضوع فيهو عصر زيت.
ماعصر قروش.

وهاك دليل واعتراف من أحد ابواق الاخوان بأن الشرطة هى من قامت بسحل هذا المواطن.

Quote: (مسخة) وتفاهة المصريين لا يختلف عليها اثنان...هؤلاء الذين يقومون بالمظاهرات دفعت لهم جهات أجنبية لإثارة المشاكل للنظام المنتخب الجديد.

سلامات يا سيد عمر

أنا بس المحيرنى وعايز أعرفه .. الجهات الأجنبيه دى بتدفع كيف للزول عشان يطلع مظاهرات ؟؟؟

يعنى بصرفوا ليهو يومياً ؟؟ ولا بيودعوها فى حسابو ؟؟ ولا كيف ؟؟

أها لو الزول قبض وما مشى .. حيعرفوهوا كيف ؟؟ وحيستردوا الدفعوهو ليهو كيف ؟؟

والأهم بدفعوا كم للواحد عشان يمشى يخاطر ويمكن يجيهوا رصاصه كما حدث للبعض ؟؟ أو يمكن يتعرض لما تعرض له هذا الرجل الظاهر فى الفديو

بس لو عرفت الآليه دى برتاح