Post: #1 Title: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-02-2013, 03:46 PM
كلميني مرة واحكي لي عن نيل فقد لون الطمي والامنيات صارت سراب كانت طوابير الحلم في خاطر الاطفال كتاب صارت طوابير الكوابيس في اعين الاطفال عذاب خليني من وجعي المقيم ختيني في فرحك حنين واديني من لحظك شهاب ما اصلو يا روح الكلام انا من زمن ختوني جوات الجواز وعلموني درب مطارات السفر نسيت ضحكات الشوارع والفرح من عيني غاب عارفة ايه الضحكة في قلب الشوارع يعني الامان جوة الوطن لكن خلاص هسة الوطن كاسيه وحياتك يباب حتى القماري الكان بتفرح بالخريف عملت لجوء خبرت مواني الاغتراب والكان زمان لمن تحر الدنيا في عز النهار رجاها نسمة صيف تبلل للعروق حسة وحاتك يا صبية صارت سموم وبقت لهيب لكنه باكر في اقتراب نرجع وويعود النيل دميرة والصيف وانسام الخريف روعة شتانا وجو ربيع ويتقطر القمري ويعود وطن الاياب
وبس
Post: #2 Title: Re: رسالة حب خارج الماسينجر ( اعذريني ما قدرت ادسها) Author: وضاحة Date: 02-02-2013, 05:21 PM Parent: #1
Quote: رسالة حب خارج الماسينجر ( اعذريني ما قدرت ادسها)
Post: #3 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-02-2013, 05:28 PM Parent: #2
قلبي الشلتي جيبي
Post: #4 Title: Re: رسالة حب خارج الماسينجر ( اعذريني ما قدرت ادسها) Author: وضاحة Date: 02-02-2013, 05:32 PM Parent: #3
Quote: قلبي الشلتي جيبي
أبيت
شكلك غرقان
الله يشوفك ويشفيك من هذا الداء الذى يحزن القلوب الحساسة
Post: #5 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-02-2013, 06:08 PM Parent: #4
Quote: شكلك غرقان
اكتر من ود الباوقة
Post: #6 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-04-2013, 05:05 PM Parent: #5
Dr.mohammed Hassan Mohammed 4 hours ago · ونبدا نكتب كلمة منك وكلمة مني والكلام بيناتنا اشعار من شعار انا احكي ليك عن بلد عز النهار فارق الجنيات ضفافه في صباحات البكور والصبا بصرخ جهار اصلو جوة النيل حنين الا برة النيل دمار لون ترابنا الكان بينعم بالخضار صار بيحفل بالدماء ويتطاول العشب العدار واحكي ليك لما كانت كلمة الريد في ازدهار كنا جوة بلدنا نحكي للصغار عن شليل وكيف بيلمع في الضلام وهسة يل فجر المعاني شليلنا راح واندثر تحت الغبار واحكي ليك كانت احلامنا البوادي وكيف نصون فيها البذار انتعلنا الان عقولنا وائتزرنا جواز سفر واحلامنا صارت حدها حدود المطار
Post: #7 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-05-2013, 10:48 AM Parent: #6
الريح عواصف الريح تهب مال تخلي ضهري عليها كاشف انا ما بخاف هوج الرياح الا يا اجمل حلم انا برضي شايف حال البلد نيل البلد نخل البلد مكشوف على ظهر البوادي والضيم يرحل عليها وجاي زاحف برتاح حديثك زي بروق عبادي شايل فال خريف زمن التحاريق وما ني خايف
Post: #8 Title: Re: رسالة حب خارج الماسينجر ( اعذريني ما قدرت ادسها) Author: فايزودالقاضي Date: 02-05-2013, 10:54 AM Parent: #7
سلام يادكتور ...
قصيدة جميلة والله .. ماقايلك تبكى شعر ..
Quote: اكتر من ود الباوقة
لقيتك متابع لصيق ..
Post: #10 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-05-2013, 11:41 PM Parent: #8
Quote: ماقايلك تبكى شعر .
تبكي بس
نسبة لانك من غير الناطقين بها فقد اعتبرناها تكتب مشتاقين نحن الشعر زاتو لكن ود الصايم ود الباوقة طيروا لينا الشعر في راسنا
Post: #9 Title: Re: رسالة حب خارج الماسينجر ( اعذريني ما قدرت ادسها) Author: وضاحة Date: 02-05-2013, 12:15 PM Parent: #5
Quote: اكتر من ود الباوقة
Post: #11 Title: Re: رسالة حب خارج الماسينجر ( اعذريني ما قدرت ادسها) Author: عزالدين عباس الفحل Date: 02-06-2013, 04:46 AM Parent: #9
Post: #13 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-07-2013, 06:27 AM Parent: #11
Quote: تـحـيـاتـي يـا غـالـي الـحـروف ،،،
وتحياتي يا جميل
Post: #12 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-06-2013, 03:13 PM Parent: #9
وضاحة يا فضاحة
Post: #14 Title: Re: رسالة حب خارج الماسينجر ( اعذريني ما قدرت ادسها) Author: Asim Fageary Date: 02-07-2013, 06:42 AM Parent: #12
سلام يا دكتور
أحسايس رائعة ________________
أديني شعرك بيهو إدثر من الزمن الصعب
وشوشيني وبحروف همسك شيلي من جواي تعب
برحيقك أستلذ كل المرارات والغصب
أسكبي الخمر العتيق يطفي جوفي الملتهب
ياما إنتي كنتي لي وجوة شايلك في القلب _________________________
وهذه إرتجال في هذه اللحظة إستوحيناها من رحيق كلماتك الرقيقة
Post: #15 Title: Re: رسالة حب خارج الماسينجر ( اعذريني ما قدرت ادسها) Author: د.محمد حسن Date: 02-08-2013, 09:49 AM Parent: #14
عاصم فقيري كلماتك جميلة ولي عودة الف شكر ليك
Post: #16 Title: Re: رسالة حب خارج الماسينجر ( اعذريني ما قدرت ادسها) Author: اميرة السيد Date: 02-08-2013, 05:14 PM Parent: #15
Quote: لكنه باكر في اقتراب نرجع وويعود النيل دميرة والصيف وانسام الخريف روعة شتانا وجو ربيع ويتقطر القمري ويعود وطن الاياب
>>>>>>>>>>>>>>>>>>>>>>> والله كلمات صداحة تفرح القلب الحزين ونحن نتجرع الأحزان الدفينة في بلاد الغربة وان شاء الله نعود لروعة شتاناونطارد القماري في مزارعنا وشتولنا جنب النيل والخضرة.. الكلمات الشعرية تنقر في شغاف قلوبنا ونسعد بها .. والله يديك العافية
عزيزتي وضاحة: لكنه داء بيفرح القلوب الحزينة برضه والله يديك العافية
Post: #17 Title: Re: رسالة حب خارج الماسينجر ( اعذريني ما قدرت ادسها) Author: ABUHUSSEIN Date: 02-08-2013, 05:31 PM Parent: #16
إزيك يا دكتور ....
Post: #18 Title: Re: رسالة حب خارج الماسينجر ( اعذريني ما قدرت ادسها) Author: Mohammed Haroun Date: 02-08-2013, 06:18 PM Parent: #17
